رواية ليل المستبد الفصل الثالث 3 بقلم اسماعيل موسي
لما وصل جاسر مكان ضرب النار ملقيش اى شخص ،كان فيه فارغ الرصاص ومكان الرجاله إلى افسدت الزرع.
هى وصلت لحد كده؟ ينضرب عليه نار يوم فرحى ؟
لما رجع جاسر همس احد الرجال _مفيش شخص يتجراء يعمل كده غير فارس مدكور يا كبير
انا شفته سايب الفرح قبل نهايته وكان متخانق مع ابوه
فارس مدكور او غيره الى حصل ده لو عدى من غير رد الناس كلها هتتجراء علينا.
اجمع الرجاله يا حمدان احنا هنقوم بزياره ،صعد جاسر غرفته بدل ملابسه والشرر يخرج من عينيه
فيه ايه يا جاسر ؟ سألته ليل برعب
بص جاسر على ليل بغضب ،فيه كتير يا دكتوره، اخوكى مكفهوش إلى عمله ،عايز يفسد فرحى كمان
انت ماسك البندقيه ورايح فين يا جاسر وواخد الرجاله معاك ؟
رايح دوار ابوكى يا ليل، إلى غلط لازم يتحاسب
صرخت ليل برعب ،اكسر الشر يا جاسر وبلاش تنبش فى الماضى ،فارس مش ممكن يعمل كده!
عملها يا ليل وانا سامحته ثم همس فى سره، سامحته عشانك
عشان انولك وتبقى تحت طوعى
خرج جاسر من البيت تتبعه توسلات ليل ،دوار عائلة مدكور مش بعيد ،ربع ساعه وكان هناك مع رجالته
قابلهم مدكور قدام باب الدوار، جاسر انت جايب رجالتك مسلحين وجاى فى نصاص الليالى ليه ؟
عشان ليه حق ولازم اخده يا مدكور
حق ايه يا جاسر ؟ انت قبلت الدية واتجوزت ليل ؟
حقى لازم اخده من ابنك فارس يا مدكور
فارس ابنى!؟ عمل ايه يا جاسر؟
اسأله بنفسك يا مدكور اسأله إزاى يتجراء ويضرب نار ويستبيح حرمة بيتى ؟
وصل فارس من على درج السلم بغضب ،قلتلك يا ابويا الشخص ده لازم يتأدب هى وصلت لما يجيب رجالته أقدام بيتنا ؟
ارتفع صوت جاسر وانت بقا إلى هتأدبنى يا واد ؟
ومأدبكش ليه يا جاسر، فكرك خايف منك ؟
كتير غيرك حولو وفشلو يا فارس، كان مصيرهم القبر او المستشفى
صرخ مدكور بأعلى صوته جاسر احترم المكان إلى انت واقف فيه
وانت يا فارس ضربت نار على بيت جاسر؟
انا لو هضرب نار على بيت جاسر مش ههرب يا ابوى
وكان زمانه مش واقف على رجليه، لما احب اعمل حاجه هعملها فى وضح النهار قدام كل الناس.
سمعت الرد يا جاسر ؟ احنا مضربناش نار على بيتك
والعهد إلى بينا لسه سارى
خد رجالتك وامشى يا جاسر واكسر الشر
فى طريق عودته كان رجال جاسر مصرين ان فارس هو الشخص الذى هاجمهم
الا جاسر، همس فارس مدكور فيه كل العبر لكن مش ببيكدب
مش عايز الشمش تطلع غير لما تعرفو مين الى ضرب نار على بيتى……
مضربتش نار يا ابوى ومخرجتش من البيت البندقيه قدامك اهى الماسوره بتاعتها بارده
همس مدكور امال مين ليه مصلحه يخرب بينا وبين جاسر فخر الدين؟
إحنا ما صدقنا الدم إلى بينا هدى مين عايز يشعله تانى ؟
معرفش يا ابوى ولو اعرفه هروح اشكره بنفسى
جاسر مخلبط كتير وياما ناس نفسها تنتقم منه
فى بيته لم يهداء جاسر، لم يتقبل فكرة ان فيه شخص تجراء وضرب نار على بيتة يوم فرحه
ولأن البلد ضيقه صوت الرصاص سمعته كل العائلات وبقت كلها تتحاكى عنه.
اهدى يا جاسر عشان خاطرى، قلتلك فارس مش ممكن يعمل كده؟
صرخ جاسر اسكتى انتى ،هى الليله بدأت بنكد كان لازم تنتهى بنكد
كله بسببك ورفع يده على وجه ليل، امشى انجرى روحى شقتك
انا مسمحلكلش تكلمنى بالطريقه دى يا جاسر
انا….
انت اية صرخ جاسر ؟
انتى حرمتى وهتسمعى كلامى برضاك او غصب عنك
انسى إنك دكتوره وعيشتك فى بلاد بره
مش هكست يا جاسر ولازم نحط النقط على الحروف
عايزه تحطى النقط على الحروف يا دكتورة؟
وماله، انا الغلطان برضك
قرب جاسر من ليل وبلا كلام حملها بسهوله هنحط النقط يا دكتوره.
