رواية هواجس رجل وعنفوان انثي الفصل الثامن عشر 18 بقلم ريم السيد
الاب ….
كلمه لا نعلم معناها الا عند فقدها ..
الاب…
حياه تفقد بعد حياته وانكسار يحطم كيانك…
الاب….
هو المعنى الحقيقى لليتم ….هو عمود البيت والوطن الذى تعيش فيه..
بابا…مجرد كلمه لن تستطيع ان تقولها بعدها ….ترددها فى اذهانك لعلك تفهم معناها….
فهى كلمه مكونه من حرفين ….
ب …بطمأنينه وسكينه وراحه تجدها بجواره…
ا …. احب واكرم واحن شخص لك ..
نعم!!! ..حياتنا بدونه جحيم حتى عندما تعاند تكابر انك قوى فأنت ضعيف ….يكفى صوته وحضنه الذى يقويك ويرفعك لأعلى مكان …
الاب…
هبه خلقها الله لنا ليكون سند وظهرا لنا فى حياتنا ..
هذا ليس مجرد كلام فهو الحقيقه بعينيها …حافظ عليه اجعل كل وقتك معه سعاده …لا تجعله يحزن للحظه بل لثانيه …لا تفارق حضنه ..
فاالله اعلم متى ستفارقه كرها …
الاب…
حب وعشق الفتاه …
فهو حارسها وحبيبها الاول هو عشقها الابدى…
هو فارس احلامها الذى يأتى زوجك ويحمل منه الصفات …
هو من تأخديه مثلك الاعلى ….
اتمنى انا تنعموا بكل لحظه معه بسعاده وفرح وحياه مليئه بالحب والراحه …..
★★★★★★★★
بعد مرور اسبوع كامل :
مازالت سيلين فى المشفى لا تأكل ولا تنام فى حاله صدمه ولا احد يعرف كيف يواسيها فهى فقدت اغلى ما تملك ،احس عمر كأن حياته هى التى فقدت ،حبيبته امامه ولا يعرف ماذا يفعل .
وعمه الحبيب ذهب لخالقه تركهم فى ملكوتهم وذهب لمعشوقته وحبيته وزوجته التى سابقته الى الاعلى ..
“ياالله اعنى ..ماذا افعل الآن؟!
لا اقدر ان ارى محبوبتى هكذا واقف مكتوف الايدى ..
اعينى ياالله وحافظ عليها “
دخل الغرفه بعد ان استأذنه فهو لم يستطع ان يجلس معها فى الايام السابقه بسبب العزاء ولكنه دائما يذهب اليها ويتابع اخبارها من اخته ميرنا ،فهى ملازمه لها ولم تتركها ..
دخل عمر الغرفه ورأها تنظر الى الفراغ وتنظر الى نقطه ولا تغيرها ،حتى انها لاترمش ولا تفعل شئ سوى انها تنظر الى اللا شئ .
وقف بجانبها وقال بإبتسامه هادئه: اذيك ياسيلين ؟!…عامله ايه النهارده؟!
لم تنظر ولم تتحرك او تتكلم ولا تعره اى انتباه هذه هى حالتها منذ وفاه والدها ….
ولكن عمر يحمل معه ما سيجعلها تنطق وتتكلم وتتحرك ايضا ..
فلولا هذا ما كان سيتحمل ان يراها هكذا ضعيفه وهشه ورقيقه كالرياح .
وضع يده فى جيب بدلته واخرج ظرف ووضعه امام ناظريها حتى يشد انتباهها ..وبالتأكيد ألفت انتباهها ،فعلا نظرت الى الظرف وعلمت جيدا انه من والدها العزيز
” نعم هذه رائحته ..آآآآآه كم اشتاق اليك ياأغلى ما املك ؟!!
لا…ففعلا كنت املكك ولكن الآن لم يعد لى احدا …ذهبت انتى لأمى وتركتنى اتعذب لملاقاتكم “
خطفت الظرف من يد عمر وفتحته ورأت انه يحتوى على جواب ولها مخصوص فلقد كتب والدها عليه ” حبيبتى وكل ما املك سيلين ”
بكت من قبل ان تفتحه وهو بالفعل مفتوح فعمر لم يتحمل وفتحه قبل ان يأخذه لها …هو سعيد بيما كتب وموافق على هذا الكلام ولكن يوجد لغز يجب ان نعلم مفتاحه .
مسكت سيلين الجواب وبدأت تقرأ ولكنها ام تستطع ان تستوعب شئ ،فمسحت دموعها وقرأت من البدايه وبتأنى حتى تستوعب وتفهم ما هو مكتوب
“الى عزيزتى وحبيبتى وصغيرتى سيلين …
اسف لو مكنتش معاكى دلوقتى ،واسف انى هسيبك لوحدك
انا آسف جدا يابنتى ،بس مكنشى ينفع اقولك ان انا عندى كانسر فى الدم بس دا قدر ومكتوب ،وانا راضى باللى ربى كتبهولى ،ربنا مستحيل يعمل حاجه وحشه لينا ..
المهم انا بخير دلوقتى واكيد استريحت من اللى انا كنت فيه …
احسن ماأفضل تعبان كدا طول العمر
انا كنت بتعب وانتم مش حاسين وانا بقول كدا مش علشان اعتيبكم انا بقولك كدا علشان تتدعيلى بالرحمه وربنا يغفرلى ذنوبى والحمد لله انى مخلتكيش حسيتى بحاجه
انا فعلا رحت للدكتور بعد ارهاق فظيع وصداع بإستمرار وحالتى كانت صعبه ومش عارف انام او اركز فى حاجه ..
وهو قالى ان انا عندى كانسر فى الدم وحالتى متأخره ومعدش قدامى وقت ان انا اعيش ومكدبش عليكى انا انهرت وانكسرت بس فكرت ايه اللى هستفادوا وانا كده ،بعدها قمت حسيت ان ربنا بعتلى احلى حاجه علشان اروح لمامتك اصلها وحشتنى اوى ياسيلين ..وكمان خلانى مريض علشان اكفر شويه عن ذنوبى …
وعايزك تعرفى واحده اسمها ندى ابوها كان صاحب عمرى انا كنت معاها الفتره اللى فاتت وهى هتفهمك ليه ؟! واعملى اللى هى هتقولك عليه …وحافظى على نفسك وحفظى على اسمى .
وطانا هطلب منك طلب اخير ياحبيبتى انا عايزك تتجوزى عمر ، هو ابن عمك وهيحافظ عليكى وهيحميكى من شر الناس وظلمهم واوعى تفهمى ان الناس كلها طيبه زى ماانتى فاهمه الناس الظالمه اكتر من المظلومه ….
ارجوكى تقبلى تتجوزيه ودى وصيتى ليكى يابنتى علشان خاطرى ودايما ادعيلى انا ومامتك
وعايزك تتأكدى من جثتى انها كمله وسليمه انا عرفت حاجات متخترشى على بالك عن المستشفى دى بعد
ماراحت علشان اتعالج فيها
والحمد لله انى رحت علشان اعرف وافهم كل حاجه بتحصل حوالينا …
حاطت فيكى امل كبير ياسيلين ..
عايزك ابنى اللى مخلفتهوش عايزك قويه ..مش ضعيفه ..اوعى تكونى فى يوم من الايام ضعيغه …
وانتى أكيد هتعرفى كل حاجه فى الوقت المناسب بس اهم حاجه ..اتجوزى عمر ياسيلين واسترى جثتى ياحبيبتى وانا هفضل على طول معاكى انا ومامتك …ودايما خدى رأى ربك وشوريه فى كل حاجه وكل اما تكونى مخنوقه رحيله وفضفضيله …
اشوف وشك فى الجنه ان شاء الله ”
بعد ان انتهت من قراءه جواب والدها اجهشت فى البكاء ولم تستوعب حتى الآن ان والدها توفى وبعد عنها …وعلى رغم كل هذا الا انها سعيده لأجله فأخيرا اصبح مع والدتها فهى تعرف كم يعشقوا بعض ،وتمنت ان تذهب اليهم
وبعد فترة وجدت نفسها تبكى فى احضان ميرنا وميرنا تبكى معها وعمر ينظر لها وعينيه ترسل لها الحب والطمأنينه والامان من كل شئ وترجى ان تقبل بما هو مقبول
“فأنا فعلا عزيزتى اعشقكى ،
صدقينى ارجوكى …ارحمى هذا القلب الذى يعيش فى جحيم صنعته انا له “
رفضت كل ما بعثته هتين العينين التى سرحت فيهما فيما مضى
” لا لن احطم قلبى هذه المرة ولا مشاعرى
لم انسى ولن انسى حبى لك وانت بكل سهوله لعبت بها ..حسنا لننتهى من هذه اللعبه السخيفه “
وتحدثت بعد صمت دام اسبوع كامل وكان صوتها رقيق جدا ويكاد لا يسمع وعلى الرغم من الحده التى به الا انه اتا من بئر بعيد وعميق وكان فيه بحه شديده الجمال : انت أكيد قرأت الجواب وعارف محتواه ايه؟!
الاول كدا طمنى على جثه بابا وياريت تكلم بصراحه .
اصبح سعيدا الآن من رجوع صوتها وسعيدا ايضا من صوتها المميز
عمر بايتسامه وسعاده طغت على وجهه : لأ ..اطمنى جثه عمى تمام والحمد لله اطمنت عليها وهو مدفون دلوقتى ومستريح
نظرت الى الجواب قليلا ثم نظرت لميرنا
سيلين بهدوء: ممكن ياميرنا تفضلى معايا عايزاكى فى حاجه
ونظرت الى عمر بغضب فتنحنح عمر
عمر : احممممم ..طب انا هخرج اظبط الدنيا. اطمن على بابا علشان بعد الخبر وقع من طوله وتعب جامد ،انا هشوف اوراق الخروج علشان نرجع البيت لحد ما تخلصوا
وغادر بسرعه وبعدها نظرت سيلين الى ميرنا
سيلين بجديه وهدوء شديد: كلميلى يوسف يا ميرنا عايزاه فى اللى اتفقنا عليه
+
