رواية نهاية حب المال الفصل الخامس 5 بقلم وفاء الدرع – تحميل الرواية pdf

بابا اصر على طردها من البيت وما ترجعيهوش تاني

ماما خلاص يا ابو نور عرفت غلطتها وندمت عليها

بابا عيناه احمرت وقال ما فيش حد يتكلم ولا كلمه انت فاهمه ولا لا

نور كنت عايزه اتكلم كنت عايزه اخدها في حضني كنت عايزه حاجات كثير لان هي اختي الوحيده لكن خفت على بابا بابا ما يستحملش صدمه ثانيه

نرمين بابا انا خلاص ندمت على اللي عملته

بابا يلا اخرجي بره كان لينا بنت تانيه وماتت احنا ما لناش غير نور بس واصر بابا على ذلك وخرجت نرمين

ماما بكت بكاء شديد وقلبها بيتقطع علشان نرمين بنتها اي ام في اللحظه دي مهما البنت عملت لكن الام بتسامح

الهاتف رن خرجته من شنطتي وقلت الو ايه يا محمود انا روحت مع ماما

محمود مالك يا نور فيك حاجه ليه كده صوتك حزين الدكتوره قالت لك ايه

نور لا ما فيش انا بخير لكن في موضوع حصل وبابا نفسيته تعبانه اوي اوي

محمود ليه ماله ايه اللي حصل له تاني

نور مش وقته يا محمود انا هبقى اكلمك في وقت ثاني انت جاي امتى

محمود انا هخلص شغل بعد ساعتين وهحود عليك اخدك ونمشي

نور خلاص يا محمود تبقى اطلع شويه

محمود لا يا نور مش هينفع والله احنا هنرجع اسكندريه لان في هناك صفقه كبيره ولازم اكون انا موجود هناك معلش بقى مش هينفع المره دي

نور ماشي يا محمود اول ما تيجي انا هنزل ونمشي على طول ذهبت الى امي في اوضتها وكانت بتبكي ومنهاره اخذتها في حضني معلش يا ماما ان شاء الله بابا هيلين وهيرجع نرمين تاني بس هي مساله وقت حضرتك عارفه بابا انه عصبي لكن قلبه طيب قوي قوي

ماما انا عارفه يا نور باباك كويس عندي واللي في دماغه هو اللي بيعمله انا عارفه ان نرمين غلطت غلطه كبيره لكن يا بنتي قلبي موجوع عليها ده بنتي حته مني

نور انا عارفه يا ماما والله حاسه بحضرتك في وقت بابا يكون كويس فيه انا هكلمه وهقنعه ان نرمين ترجع ثاني

ماما يا ريت يا بنتي يا ريت لان انا تعبت قوي

نور اخذت ماما ودخلنا الى بابا كان قاعد في الصالون لوحده قعدنا معه وقلت خلاص يا بابا عشان ما تتعبش ثاني ان شاء الله كل شيء هيكون على ما يرام

ماما احنا ملناش غيرك يا ابو نور ربنا يخليك لينا وما نتحرمش منك ابدا

بابا انا عارف ان انتم زعلانين مني لكن انا غصب عني بنتي كسرتني قوي وانا عارف انها مش هترجع الى هنا غير لو في حاجه لان لو ما فيش حاجه ما كانتش رجعت تاني لينا

ماما خلاص يا ابو نور بلاش نتكلم في الموضوع ده دلوقتي انت لسه ما باركتش لنور

بابا اه والله منها لله نرمين نستني اخذ ني في حضنه وقال الف مليون مبروك يا بنتي ربنا يتم عليك بخير ويفرحك انت يا نور تستاهلي كل خير

نور الله يبارك في حضرتك يا بابا

محمود راكب العربيه وصل الى البيت وداني كلاكس

نور محمود جاء انا نازله بقى يا بابا علشان هو عنده شغل في اسكندريه ولازم نروح دلوقتي قبل الوقت ما يتاخر

ماما طب خليه يطلع يا بنتي نتغدى سوا وتمشوا

نور ما ينفعش والله يا ماما هو عنده شغل مستعجل وان شاء الله قريب هنيجي نقعد معاكوا يومين ونزلت وركبت العربيه مع محمود

محمود عامله ايه دلوقتي يا نور ومالك في ايه ايه اللي مغيرك كده

نور نرمين رجعت وبابا طردها وماما حزينه قوي على كده عشان نرمين قلب الام بقى ما انت عارف

محمود راجعه بعد سنه تعمل ايه بابا عنده حق دي انسانه غير محترمه

نور انا كنت فاهمه ان انت هتزعل عشان نرمين

محمود ايه هيزعلني دي شيء ماضي بالنسبه ليا انت ربنا يخليك وما اتحرمش منك ابدا يا نور عيني بلاش الكلام في الموضوع ده يا نور انت عملت ايه عند الدكتوره

نور انا حامل في الشهر الثاني

محمود فرح قوي واخذها في حضنه

نور بص قدامك انت على الطريق

محمود من فرحتي نسيت ان انا سايق العربيه ياه ربنا عوضني بيكي خير ويعوضني بيه الذريه الصالحه ان شاء الله

نور ذهبنا الى الاسكندريه بعد العشاء ويا دوبك دخلنا والجرس الباب رن قمت فتحت لقيت اختي نرمين اخذتها في حضني وقلت لها حمد لله على السلامه يا حبيبتي

نرمين انا ما لقيتش غيرك انت يا نور اقعد معاكي ولو انت كمان مش عايزه زي بابا امشي

نور لا يا حبيبتي هتمشي فين ده بيت اختك هو بيتك لكن قولي لي يا نرمين انت عرفتي بيتي ازاي

نرمين انا سالت على بيتك ما كنتش اعرف ان انت اتجوزتي محمود وعايشه العيشه الهنيه دي غير النهارده انت تستاهلي كل خير يا نور لكن وشها كان بيقول غير كده انها زعلانه اني انا في المكانه دي وهي عندي مش انا اللي عندها انا عارفه اختي لكن ما حسستهاش اني حسيت باللي في قلبها وشها باين عليه قوي قوي

محمود مين يا حبيبتي اللي على الباب اسامه ولا ايه

نور لا يا حبيبي ده نرمين

يا ترى نرمين هتعمل إيه مترجع محمود ليها وتكسر قلب اختها

……يتبع…….