رواية عشق الوقح الفصل الثالث عشر 13 بقلم مايا النجار – تحميل الرواية pdf

ينزل علي الصوت فاروق و ينظر اليهم ويعلم علي الفور ماذا حدث ليذهب يمسك عمار بسرعه ويقول بصوت عالي.اهدي يا عمار

عمار بغضب.لا المره دي مافيهاش اهدي يا عمار المره دي عمار مش هيحط جزمه في بوقه و يسكت يا فاروق كل مره بتدافع عنه قصادي بس خلااااااص سراج صاحبك عدي كل المراحل معايا

سراج بغضب.انا اللي عديت كل المراحل يا عمار انت عاوز تدبحني و ما اقولش اه ايه يا جدع قولتك بدل المره الف انا طتلب الحلال بس انت اللي في دماغك ممشيه انا اعمل ايه

عمار بغضب.تقوم تروح تضرب صاحبك في ضهره يا سراج يعني مفكر كده انا هستسلم و اقولك حاضر هات المأذون وانا هاجي انت كده بتخليني اصمم علي قراري اكتر يا سراج ورحمه ابويا يا سراج ما هخليك تتجوز اختي و من النهارده انت من طريق وانا من طريق و ملكش كلام معايا تاني انت جبت اخرك معايا

فاروق بغضب.ايه يا عمار الكلام اخد و عطي يابا مش كده اهدي بس

عمار بغضب عارم.خلصت يا فاروق سراج من النهارده ولا صاحبي ولا كنت اعرفه قبل كده باللي عمله ضيع كل حاجه عدله بينا

سراج بصوت عالي.انت اللي جبرتني يا عمار خليتني اوصل لأوسخ حاجه فيا ليه يا عم مش عايز تديني اختك والله العظيم انا اتغيرت عن زمان ليه مش قادر تفهم ده يا عم حرام عليك والله

عمار بغضب.اتغيرت فين يا حبيبي انت لحد امبارح لسه بتكلم شويه الوسخين بتوعك اتغيرت فين بقي

انت عمرك ما هتتغير يا سراج هتفضل كلب نسوان طول حياتك

سراج بغضب.عماااااااار مين ده اللي كلب انت هخيب علي الاخر ولا ايه وانا والله العظيم من فتره مش بكلم حد يا عم ارحمني الله طب يا عمار انا مش عاوز اختك خليها جنبك بس اوعي تديها لحد غيري متخليش خد ياخدها اقسم بالله العظيم هموت لو ده حصل يا عمار انا معملتش كده طول حياتي ارحمني اقسم بالله عايزها حتي لو بهدومها اللي عليها بس بس اخدها وتبقي مراتي خلتني اوصل للحته دي ليه سبني في حالي بلاش تكون انت الحجر اللي وقفت في طريقي اتكلم يا فاروق عمار مش هيهدي غير لما يجوز البت علشان يدمرني انا

ينظر اليه فاروق وهو يشعر بالألم الذي به سراج الان ويقول بهدوء وهو ينظر الي عمار. عمار انت بتدخل في الغوطة يا بابا سراج عمره ما كان بالوحاشه اللي تخليك توصل لكده معاه وانا قولتك كده الف مره وقف اللي بتعملوا ده

عمار بغضب. والله انت ما فاهم حاجه يا فاروق انت لو كنت مكاني هتعمل كده و اكتر مش هتقبل بواحد نام مع الف بنت في الحرام و تجوزه اختك هتقبل بده يا فاروق

تضع روان يدها علي فمها لكي تمنع شهقتها وهي مصدومه لا تعلم أن الموضوع يصل مع سراج الي هذا الحد لا تعلم تنظر اليه وهو يقول بغضب.كداب يا عمار انت بتكدب عليا وانا قدامك والله ما نمت مع حد في الحرام انا انت بتقول ايه يا عم هو اي هبل علشان متدينيش اختك

عمار بغضب.اه يا سراج احسبها زي ما انت عايز انت ملكش دعوه بيا او بأهل بيتي بعد النهارده يا سراج مشوفش وشك في طريقي

سراج بصوت عالي.طيب يا عمار انا هفضل احارب لحد ما اخد اختك برضاك او غصب عن اللي جابوك انا مليش دعوه بالهبل اللي مزروع في دماغك دا

يغضب عمار اكثر ويقترب منه ويمسكه من لياقة قميصه ويقول وهو يضربه بقوه علي وجهه.انت مش هتحرم بقي قولتلك لو حصل ايه مش هخلي اسم اختي يتحط جنب اسمك خلي عندك دم يا جدع ايه قولتك انا مش راضي مش عاوز ارمي اختي لواحد زيك

يتدخل فاروق ويمسك عمار ويقول بصوت عالي.عمار انا مش هتعمل اعتبار للي بينا في ايه انت من امتي مخك صغير كده يعني سراج يعمل معاك ايه اكتر من كده مش فاهم انا

عمار بغضب.يبعد عنننننننني انا قولتلكم لا ما خلاص هو بالعافيه يا جدعان انا مش عاوز اجوز اختي لواحد زي ده اعملكم ايه سبوني يا عم انت علي طول بتحتمي فيه ليه ما انا صاحبك برضو

فاروق بغضب.عمااااااااار انت هتخلط المواضيع في بعض انا مش بحامي له كل الحكايه اني شايف ان سراج بيحب روان بجد يبقي ليه توقف في طريقهم علشان شويه اوهام في عقلك

سراج بصوت عالي.قوله يا فاروق

فاروق بصوت عالي.ما انا بقوله اهو انت اطرش كمان

ينظر اليهم عمار بغضب ويمسك يد روان ويذهب ينظر سراج إليهم ويقول بغضب وصوت عال.غطي شعر اختك يالا

ينهي حديثه و يتنهد بثقل يلتفت اليه فاروق ويقول بتعب.عمار مش هيرضي يديني البت يا فاروق

فاروق ببرود.عنده حق انا قولتك كده ستين الف مره كان المفروض تظبط حالك من قبل ما عمار يعرف انك عايز اخته شوف دلوقتي هتعمل ايه بقي

سراج وهو يجلس علي الدرج.هموت لو مخدتش البت يا فاروق والله هيحصلي حاجه انت مش عارف انا لما افكر بس انها تكون لغيري بتقطع ازاي شوف حل طب اخطفها و اتجوزها ولا اقتل عمار ولا اعمل ايه خلاص عقلي وقف

فاروق بصوت عالي.عايز تخطف اخت صاحبك أو تقتله انت مصطبح يالا

سراج.لا والله علي الريق

فاروق بغضب.اقسم بالله العظيم حقه عمار يقتل اخته ولا يديها لكلب زيك غور شوف شغلك

سراج ببرود.مش هشوف زفت غير لما تشوف ليا حل انا مش هفضل كده طول عمري عاوز حل فعلا يا فاروق هموت نفسي والله العظيم البت هتروح من ايدي يا ولاد الكلب

فاروق بصوت عالي.انا اعملك ايه طيب عمار منشف مخه علي الاخر و مش هيقتنع شوف حل انت بس من غير تهور

سراج بصوت عالي.مفيش حل غير اني اروح عند ام علي تعمل لهم سحر يجيب عمار و اخته علي بوزهم ولاد الكلب شايف نفسه علي ايه ده اخته مفيش كلب بص عليها جاي يعمل عليا انا نفر ابن الوسخه الكلب خاين العيش و الملح

فاروق ببرود.طب احترم نفسك يالا و اظبط الدنيا مع عمار و جر ليه ناعم لحد ما تاخد اللي ليك وبعد كده اعمل اللي انت عايزه بس دلوقتي هيبقي عمك عمار و

يقطع حديثه وهو يرها تنزل علي الدرج و الحذاء الذي ترتديه يضرب علي الدرج بقوه يرفع رأسه وينظر لها ياخذ نفس عميق وهو يري وجهها يريد ان يبعد عيونه عنها ويحاول أن يتذكر حديثهم في ليله الامس ولاكن منذ ان رآها نسى كل شي لا يأتي في عقله سوا بأنها امامه الان فكيف يبعد عيونه عنها ام هي فلا ترفع عيونها من الأرض لانها استمعت أنه هو و شخص في الاسفل وهي لا تريد ان تنظر له فيري عيونها الحمراء من البكاء في ليله الامس البكاء الذي قطع قلبها تسير بسرعه الي الخارج وهي تهرب منه ينظر فاروق خلفها وعيونه تتعلق بها لا يعرف اماذا ولاكن لا يريد ان تبتعد عنه يسمع الذي يقول ببرود. طب القلب متعلق كده ما تروح تقولها بدل ما عينك هتطلع عليها

فاروق وهو مازال ينظر نحو الاتجاه الذي اختفن منه شغف.مينفعش يا صاحبي انا و البت دي في طريقين مختلفين تماما انا مش عاوز ادخل حياتها وهي مش هتستحمل طبعي

سراج بهدوء.طب ما تجرب يا عم اعمل فتره خطوبه و شوف نفسك معاها

فاروق بسخريه.انت متخيل ان بنت زي دي اهلها يقبلوا بواحد زيي

سراج بصوت عالي.اي هو ده مالهم اللي زيك زي الفل و الف بنت تنمناك ايه يا ونش مالك يابا

فاروق بحيره ووجع.مش عارف مالي يا سراج نفسي في البت دي ومش عارف اطولها عايزها بس مش زي اي واحده لا دي محتاجها في حياتي حاسس انها هتنور حاجات مطفيه فيا و

يقطع حديثه سراج الذي قال بصوت عالي.اييييه يا ونش ايه الكلام الغريب ده من امتي وانت بيتطلع منك المحن محتاح مين يا حبيبي ولا عايزها ايه ده

فاروق بغضب.انا ابن كلب علشان واقف معاك يا عر يا ابن الوسخه غور يالا شوف عمار اللي ظبطك

سراج بغضب.ماتجبش سيرت الواد ده علشان بقت ترفع ضغطي طب ادعي عليه ولا اعمل فيه ايه

فاروق ببرود.سبلوه اخته يا غالي و حسك عينك يا سراج تعمل حركة زي دي تاني اخت صاحبك طول ما هو مش راضي بيك تبقي اختك ها وجاي تعمل عملتك هنا يا $$$$$$

سراج بسخريه.اه اختي امشي يا فاروق امشي يا جدع انا ايه اللي مخليني مصحابكم لحد دلوقتي مش عارف

فاروق ببرود.طب يلا علي القهوه علشان في شغل نخلصه يلا ياخويا

ينهي حديثه ويذهب إلى الخارج ينظر خلفه سراج بغيظ ويسير خلفه و عقله لا يتوقف عن تفكير في انه كيف يقنع عمار بالزواج من اخته فهل سوف يقتنع عمار ام سوف ظل علي نفس الوضع

تدخل الشقه وهو يمسك يدها لا يريد ان يغضب عليها لأنها لا يكن لديها صله بالذي حدث و سراج الذي قطع طريقها ينظر اليها ويقول بصوت عالي. ايه اللي انا شوفته ده وقفتي معاه يا روان هو ده اللي ربيتك عليه ها انا قولتك ايه

روان بدموع.لا والله انا معرفش انه هيعمل كده والله يا عمار انا معرفش ازاي هحصل ده كله

عمار بغضب.طب يا روان انا بقولك دلوقتي علشان متبنيش حاجه من ولا حاجه سراج ده اوسخ خلق الله و بذات في موضوع الحريم كلب نسوان زي ما بيقول عاوزه تاخديه و تشيلي شلتك انا معنديش مانع بس هترجعي تعيطي هطلع عين اهلك الكلام مفهوم صح اسمع رايك علشان بعد كده هتشوفي وش ابن وسخه

روان بدموع وجع. لالالا خلاص انا عند قراري وطالما انت بتقول كده فيبقي ده مصلحتي انا مش عايزاه

عمار بهدوء وهو يضع يده علي رأسها.شطوره يا حبيبه اخوكي هتتعبي مع سراج وانا عاوز ليكي الراحه عاوز اطمن عليكي مع واحد يشيلك جوه عينه بس سراج الله اعلم بيه هو اه صاحب جدع بس في حته النسوان دي انا مضمنش يعني انا مش هكون مبسوط لما القيكي رجعالي بتعيطي لما يخونك مع واحده كده احسن ليكي احسن ما تمشي في مشوار اخره مسدود

اومأت له روان وهي لا تستطيع ان تخرج كلمه تشعر بأنها اذا تحدثت سوف تنهار تماما يجلس عمار علي الكرسي وتذهب روان الي غرفتها تغلق الباب وتبكي بقوه وهي في كل مره تشعر بان يوجد امل يأتي امامها شئ يدمر هذا الامل يدق الهاتف الخاص بها تخرجه وتري تسنيم لتفتح عليها وهي تبكي وتقول تسنيم.ايه يا روان انتي مش هتيجي

روان بدموع. لا يا تسنيم مش هاجي

تفزع تسنيم من بكائها وتقول بخوف.روان في ايه انتي بتعيطي حد حصله حاجه عندك

روان بدموع و غيظ. لا ياختي حبيب القلب كويس و كل شوية يحطم في احلامي

تتنفس تسنيم براحه وتقول بهدوء.طب ايه اللي حصل ياختي

روان بدموع.مفيش امل يا تسنيم عمار من سابع المستحيلات انه يوافق علي سراج و بالذات بعد اللي حصل النهارده مستحيل

تسنيم بهدوء. طب اهدي و قوليلي ايه اللي حصل النهارده

تسرد اليها روان ما حدث لتقول تسنيم بعد ما استمعت الي الحديث.اما سراج ده بني ادم متخلف صحيح يعني يا غبي هي كانت ناقصه كانت تسبها ماشيه زي ما هي مطينها

روان بغضب.غبي في عينك يا صفره لسانك مايطولش عليه يا بت

تسنيم بغضب.كلبه سراج الواطيه يا بت ده مسح بكرمتك الأرض معندكش دم ولا كرامه ده اخوك و صاحبه بنفسه بيقولك بلاش منه وانتي زي الحمار

روان بدموع.بحبه يا عجله بحبه انا طلعت علي الدنيا لقتني بعشق حاجه اسمها سراج بحلم باليوم اللي هرتاح فيه و اكون مراته كتت بشوفه مع دي شويه و دي شويه كنت اروح اصلي و ادعي ربنا و اقوله يارب انا بحبه و عايزاه في الحلال والنبي ادهوني وخليه يبطل يعرف بنات قلبي بيتقطع وانا بشوفه بيتهامس في التلفون كنت اعرف علي طول انه بيكلم واحده حاولت ابعد علي ايدك بس ايه اللي حصل اول ما اطلع البلكونه و القيه بيبص عليا كأن كهربه مسكت فيا خلاص رجعت لنقطه الصفر من اول وجديد انا عاوزه اكرهه يا تسنيم عاوزه اكرهه بس مش عارفه ازاي واحده عايشه عمرها كله علي امل ان ده هيكون ليها وبعد كده يترمي كل ده في الزباله الموضوع فيه حكم انا مش قادره اوصل لها انا تعبت وحيات ابويا ياريت اشوف حل للموضوع ده يا اتجوزه يا اكره مفيش حل تالت

تسنيم بغيظ.يااااه ام قصه حقيره بصحيح انتي بتحكي عن حاجه مش وراكي حاجه غير الكلام عليها نفس الكلام و نفس النكد يعني انا اعملك ايه اروح اقوله متكلمش بنات تاني ولا احطله سم و نخلص من ابوه ولا اعملك سحر علشان عمار يوافق علي الشمام بتاعك

روان بغضب.يا بت الكلبه مين اللي شمام يا بت انتي بتغلطي كتير اوي وانا مستحمله لسانك الوسخ ياريت تشوفب ليا حل علشان اقفل في وشك السكه

تسنيم بهدوء.حل ياختي كنت شوفت لنفسي ما كلنا في الهواء سوا

روان بهدوء. طب ايه كده مينفعش عمار قفل موضوع الجواز جامد وانا قولتك يا تبعدي يا تغطي عليه من اتجاه اياد

تسنيم بصوت عالي.اما انك غبيه بصحيح انا قولتك بلاش الكلام الاهبل ده انا مش هدخل اياد في حاجه زي كده حتي لو مش هاخد عمار انا مقدرش استغل اياد يا هبله استغله علشان اتجوز ابوه ايه العبط ده

روان بصوت عالي.يارتني انا كان ليا ايه حد استغله ياختي خليكي كده هنفضل نندب في حظنا لحد ما ربنا يخدنا منك لله يا تسنيم الفقر جاي من عندك انتي بس تصدقي يا سوسو عمار مش بيجيب سيره ام اياد خالص يعني كل شويه ينساها اكتر و دي فرصه ليكي

تسنيم بهدوء.وضحي كلامك اكتر يا بت مش فاهمه منك حاجه

روان.يعني عمار كان كل ما ماما تقوله يتجوز يقولها انا عمري ما هتجوز بعد مراتي اما دلوقتي بقي يقول مين اللي تقبل بواحد زيي معاه عيل يعني هو مش رافض الفكره نفسها انتي فاهمه

تسنيم بغيظ.و ده هينفعني في ايه تعرفي يا روان ساعات بحس اني فعلا مش هبقي قد المسؤوليه يعني هيبقي حمل تقيل عليا و احيانا اقول طب ما انا ماسكه الشغل هنا لواحدي يعني متعوده و ارجع و اقول اياد الحاجه الوحيده اللي مش هقدر اقصر فيها يا روان اياد بتلذات

روان. بقولك ايه انا هروح اعمل كذا حاجه و اخلص و نرجع نندب حظنا مش هتاخر عليكي باي

تسنيم. باي ياختي

تغلق روان الهاتف وتمسح اثار دموعها التي كانت مازالت علي خدها وتذهب الي الخارج وهي تقنع نفسها انها سوف تتزوج من سراج مازال يوجد بداخلها امل

في المساء و الوقت متاخر جدا كانت تقف امام الشقه وهي ترتدي قميص نوم وعليه روب طويل يغطي كامل جسدها وتسير يمين ويسار وهي تفكر بحيره و خوف.اعمل ايه انا غلطانه اني جبت ميجو هنا كان لازم ارجعه لداده هو طالع فوق وانا خايفه اطلع اجيبه اعمل ايه انا ممكن اموت لو حد طالع عليا

تنهي حديثها بخوف بل برعب كيف عليها ان تصعد الي الاعلي في هذا الوقت المتأخرة تخاف ان تفعل ذلك ولاكن بهذا الشكل سوف تترك ميجو في الاعلي تنظر إلى الدرج وتقول بصوت واطي . ميجو انزل بقي ايه ده ليك ايه فوق علشان تطلع يا ميجو

انا مطلوب مني اطلع اجيبك علي كده لا حرام والله انا بخاف ليطلع ليا حاجه يا ميجو انزل بقي

ولاكن لا ياتي ميجو لتسير شغف الي الاعلي وهي ترتجف من الخوف وتسير على أطراف أصابعها تصعد الي السطح تقشعر وهي تشعر بالهواء البارد يدخل جسدها تقترب أكثر و تفتح عيونها بصدمه وخوف وهي تري من يتسطح علي الأرض في السطح ووووو

الرابع عشر من هنا