رواية مغامرات عائلية الفصل الثامن عشر 18 بقلم همس كاتبة
18
حبيبة : ليه طنط خديجة مش عايزة حلا لفارس ؟
سحر : خديجة بتقول ان حلا طايشة بس بيني و بين يعني انا شايفة ان خديجة مش عايزاها عشان بتغير منها
حبيبة بصدمة : من حلا ؟!
سحر : ايوة خديجة بتغير منها و من كل بنات العيلة كمان … عشان نفسها بناتها يكونو شبهكم .. خديجة متعودة في اي خناقة او نقاش هيبدأو يقارنو بناتها ببنات العيلة .. عشان كدة هي مش عايزة تجيب مرات ابن تاكل الجو من بناتها و تسيطر على ابنها الوحيد
حبيبة : يا انهار اسود .. لا كدة كتير بجد
سحر : اعذريها يحببتي .. اي ام بتحب ان عيالها يكونو احسن من كل الناس … خديجة نفسها تفرح ببناتها زيها زي اي ام … بس غادة مقفلة دماغها لا راضية ترجع لزياد و لا تتجوز غيره …. و لارا لسانها طويل و ما بتتلمش .. صدقيني لو بناتها يعقلو شوية كانت هتشيل حكاية حلا من دماغها و تفرح للخطوبة اكتر وحدة
حبيبة : لارا لسا صغيرة محتاجة وقت على ما تكبر و تتقل … بس غادة احنا غلبنا معاها دي منشفة دماغها و لا يمكن ترجع لزياد
سحر بابتسامة : معلش غادة محتاجة شوية وقت كمان … بعيدا عن الموضوع ده انا عايزة اطلب منك طلب يا حببتي
حبيبة : اؤمريني يا طنط
سحر : عايزاكي تاخدي بالك من فريدة اكتر الفترة دي … خليكي جنبها يا حبيبة عشان هيا محتاجالك اوي .. بتصعب عليا اوي كل ما افتكر ان مامتها مش معاها باهم لحظة بحياتها … صحيح فريدة كبيرة و واعية بس في حاجات كتير هيا مش فاهماها .. انا كنت بحاول اعوضها شوية بس هيا لسا بتتكسف مني .. انتي صاحبتها و هتقدري تفهمي عليها خصوصا ان مامتك جنبك و بتفهمك اي حاجة انتي مش فاهماها
حبيبة : ما تشيليش هم يطنط انا معاها على طول … فريدة زي اختي بالزبط و بتقولي على كل حاجة بحياتها
سحر : عارفة يحببتي .. اصل الوحدة ان ما لاقتش حد كبير جنبها بتلجأ لصحابها .. عايزاكي تلينيها شوية على تميم .. خايفة اوي ليتخانقو قبل الفرح .. فريدة بقت تسمعه كلام عمرها ما قالته و قدام الكل كمان .. و تميم من النوع المغرور شوية يعني ممكن يفرقع منها و يتخانقو
حبيبة بقلق : مهو لازم يقدر الي فريدة بتمر بيه .. اي وحدة مكانها هتتجنن و تتوتر … اساسا فاضل عليها حاجات كتير تعملها قبل الفرح و ما حدش فاضيلها خالص و تميم عقله مش معاها اصلا
سحر : انا هتكلم معاه .. بس انتي قولي لفريدة ما تزودهاش عليه مهوا التاني عريس
حبيبة : حاضر يطنط
دلفت سعاد في هذه اللحظة
سعاد : حبيبة .. كمان شوية هتاخدي البنات و تطلعو الدور التالت .. تنضفو شقة تميم كويس و ترتبو حاجة المطبخ من جديد .. دي التراب بقا عليها قد كدة من الاهمال
حبيبة : حاضر يماما
سحر : ايوة دلوقتي كله يركز بالفرح .. انا هكلم الاولاد عشان يوزعو الدعوات اليومين دول … و لازم نجهز البيت عشان هنستقبل ضيوف كتير الفترة الي جاية
سعاد باستغراب : ليه هو في حد هيجي يقعد هنا قبل الفرح ؟
سحر : مش عارفة يمكن .. عشان كدة لازم نكون مستعدين
سعاد : معقولة قرايب عمي عبد الله يجولنا و يقعدو هنا
سحر : لا ما اعتقدش دول بس بييجو ساعة زمن عشان الواجب .. بس يمكن اولاد اخواتي يجولنا عشان حفلة تميم الي قبل الفرح .. و ممكن قرايب فريدة يجولها عشان الحنة … ف لازم نفضل جاهزين و نرتب اوض الضيوف
سعاد : ماشي .. احنا الستات نستلم ترتيب البيت و البنات ينضفو شقة العرسان
سحر : تمام كدة كويس
***********************
في اوضة اوس و زياد
استيقظ زياد على صوت اوس الغاضب اثناء اجراءه لمكالمة هاتفية
زياد : في ايه يبني ؟! مالك متعصب ع الصبح
اوس و هو يسحب الغطاء عن زياد : قوم يالا حل المصيبة الي عملتها
زياد باستغراب : مصيبة ايه ان شاء الله ؟!
اوس : انت ازاي تجدول ميعاد للشركة الالمانية من غير علمي ؟!
زياد بكسل : انا قولت اتصرف ما حضرتك كنت مشغول
اوس : يعني ايه ؟ مين الي هيحضر الاجتماع يا ذكي ؟! جدي هيزعل لو سافرنا
زياد ببرود : ما تكبرش الحكاية لو مش عاجبك الموعد اجله
اوس بحدة : انت عارفني كويس انا ما بأجلش اجتماعات و دايما بلتزم بمواعيدي .. زياد انت من ساعة ما رجعت من السفر بقيت مستهتر بالشغل و مش مركز
زياد بملل : ما كفاية يا اوس انا لسا صاحي من النوم
اوس : و الله ؟ .. طب الاجتماع ده انت الي هتحضره يا زياد .. و هتسافر مخصوص عشانه .. ايه رأيك بقا ؟
زياد بصدمة : انت اتجننت ؟ عايزني اسافر ؟ ده جدي كان ينفخني .. و بعدين ما حازم هناك ما تخلي هو الي يحضر
اوس بغضب : حازم شايل كل الشغل لوحده عشان انا و انت في اجازة … و ده اجتماع مهم و هنتفق بيه على نوع التصاميم المطلوبة و مواعيد الشحن .. و زي ما حضرتك ورطتنا يبقى تروح تحضره من سكات
زياد بضيق : مش عايز اروح … ما تسافر انت منتا المدير
اوس بحدة : مش انا الي جدولت الموعد يا زياد .. انت الي عملت كدة من غير ما ترجعلي .. استحمل بقا .. و بعدين ده كله يوم هتروح و ترجع على السريع
زياد بسخرية : على اساس ان انجلترا في الشارع الي ورانا مش كدة
اوس : زياد اخرس و استرجل بقا
زياد بخبث : انا فاهمك و عارفك كويس يا صاحبي .. بتلبسني السفرية دي عشان خايف لاحسن حبيبة تزعل منك مش كدة ؟
اوس : ايواااا عليك نور
زياد بعبوس : طب منا كمان غادة هتزعل مني
اوس : مش لما تبقى تعبرك الاول .. قوم شوف شغلك ياض و كفاياك كسل
************************
على مائدة الفطور
سحر : بعد الفطار يا بنات تطلعو شقة تميم و فريدة تنضفوها كويس
كارما بملل : ما العقوبة خلصت يا طنط ليه نشتغل تاني ؟
سحر : دي مش عقوبة يا حببتي ده شغل البيت احنا اجتمعنا عشان نساعد بعض بتجهيزات الفرح مش عشان نلعب
فريدة : ايوة يا طنط و عايزة حد يساعدني اطلع حاجتي
حبيبة : كلنا هنساعدك يا فريدة
اوس : لا الحاجات التقيلة احنا الي نطلعها مش البنات
حبيبة بابتسامة : اوك
فارس : يا عم الرجولة كلها ابقى شيلهم لوحدك انا مليش دعوة
زياد بعبوس : و انا كمان مش هشيل حاجة انا ضهري اتقطم امبارح و انا احفر للبير
مصطفى بضحك : كل شغلك ضاع ع الفاضي يا زياد .. اصل جدو قفله بالتراب
زياد بصدمة : ليه كدة يا جدو حرام عليك
عبد الله ببرود : اهو كيفي كدة يا زياد .. اتلم بقا
سحر : ما بالك لو ما كانش فرح اختك يا زياد كنت هتعمل ايه … كفاية دلع و استرجل شوية .. بعد ما البنات يجهزو كل حاجة هتطلعو كلكو تنقلو الشنط للدور التالت و احنا هنطلع نتفرج بعد ما تخلصو شغل
غادة : طب انا هطلع دلوقتي انضف الشقة عشان نخلص بسرعة
حلا : استني شوية متسربعة على ايه … هنطلع كلنا مع بعض
خديجة بغيظ : غادة انتي و اختك هتساعدوني بشغل البيت .. سيبي باقي البنات يشتغلو فوق
دينا : و الله يطنط مش هنلحق نجهز الدور التالت انا و حلا لوحدنا .. كارما و حبيبة هيوضبو حاجة فريدة معاها .. يعني محتاجين لارا و غادة معانا
حلا بخبث : صحيح و اساسا لارا و غادة حابين يشتغلو معانا …. و لا ايه يا لارا ؟
لارا : ايوة انا عايزة اساعد حلا بالتنضيف
نظرت لها خديجة بحدة بينما دينا و غادة ينظرن بصدمة
سحر : ما خلاص بقا البنات يشتغلو فوق و احنا نشتغل هنا مش حوار يعني .. اتلهو بفطاركم يلا
عم دقائق من الصمت
اوس بهدوء : جدي استأذنك ان زياد يسافر انجلترا بكرا عشان الشغل .. هيقعد يومين بالكتير
زياد بحنق : مش كان يوم بس ؟
عبد الله باستغراب : هو مش على اساس انتو واخدين اجازة ؟
اوس : صحيح .. بس الشغل محتاج لوجود حد فينا .. خصوصا ان شريكي عنده ضغط شغل و مش فاضي .. و زياد هيحضر اجتماع مهم مينفعش يتأجل
عبدالله : طالما يومين ماشي .. بس اوعك يا زياد تتاخر اكتر عن كدة
دينا باندفاع : و ليه ما تسافر انت يا اوس ؟
وكزتها حبيبة في بطنها فتأوهت دينا بألم
اوس : زياد المسؤول عن الاجتماع هو الي جدوله يبقى هو الي هيحضر
زياد بضيق : بس انت المدير
اوس بحدة : زياد
عبد الله : خلاص يا زياد سافر و خلص شغلك بسرعة .. الدنيا مش هتطير .. بس ما تتأخرش
كانت غادة تتابع الحوار و تضغط على يدها بقوة تحاول ان تتمالك اعصابها حتى لا تبكي امامهم
حلا : غادة .. امشي نبتدي شغل
غادة : يلا بينا
****************************
دلفت الفتيات سويا الى الشقة فهي جزء الطابق الثالث و لكنها منفصله و مساحتها كبيرة
حلا : واضح ان الشقة بقالها كتير جاهزة
غادة : صحيح فريدة موضبها من سنتين
دينا : و الله البنت دي بتصعب عليا ..كل ما كان يتحدد موعد فرحها يحصل حاجة و يتأجل
حلا : ان شاء الله المرادي مش هيحصل حاجة .. يلا بينا نشتغل كل واحدة تمسك حاجة و تنضفها
دينا : انا هنضف النيش و ارتبه من جديد .. و هبقى امسح الارض بعد ما تخلصو
حلا : اوك و انا هرتب اوضة النوم قبل ما يطلعو الهدوم .. و انتي يا لارا ادخلي نضفي المطبخ كويس
لارا : حاضر
و اتجهت للمطبخ بسرعة
دينا بذهول : انتي عملتي ايه بالبت ؟ دي اتقلبت 180 درجة
حلا بغرور : قولتلك انا محدش يقدر عليا
غادة : مهو مش تستعبديها يا حلا .. البنت مرعوبة منك .. انتي عملتيلها ايه بالزبط ؟
حلا بصدمة : انا بستعبدها ؟! هو انا قولت ايه يختي ؟؟؟ ما عملتلهاش حاجة على فكرة
غادة : اممم واضح .. لارا عمرها ما نفذت طلب لحد الا بعد ما تردحله و تكرهه عيشته .. دي لسا من يومين كانت مش طايقاكي و بتزن ع ماما عشان تكنسل خطوبتك انتي و فارس ايه الي غيرها كدة ؟
حلا : و الله انا كلمتها بالعقل و فهمتها غلطها .. و انتي عارفاني كويس لما بحط حد بدماغي بعمل ايه
غادة : بجد يا حلا انتي تخوفي .. ايه الافترا ده يا شيخة
دينا بسخرية : مش احسن ما تكون غلبانة زيك
غادة : دينا اخرسي و اتلهي بشغلك
بعد وقت
حبيبة بتعب : انتي ليه ما كنتيش بتطلعيهم اول باول .. انا تعبت
فريدة : و الله ما كنتش بلاقي وقت .. اغلب شغل البيت كان عليا و على طنط سحر .. حتى لما كانت بتيجي الشغالة كنت بفضل اساعدهم
حبيبة : طب كدة كل هدومك بقت جاهزة و مترتبة .. مفضلش غير نطلعهم فوق عشان نرتبهم بالدولاب
كارما : هروح انده للشباب يطلعوهم
حبيبة بسرعة : خليكي انتي… انا هقولهم
و خرجت قبل ان تنطق كارما .. ابتسمت فريدة على غيرتها و اكملت اغلاق الشنط
بعد قليل نقل الشباب الشنط الى الطابق العلوي و بقيت حبيبة في اوضة فريدة كي ترتبها
اوس بخبث : مفيش شنط كمان ؟
حبيبة بابتسامة : لا مفيش و اطلع برا يلا عايزة اروق الاوضة
اوس : طب اديني مكافأة الاول
حبيبة : مكافأة على ايه ؟!
اوس ببراءة مصطنعة : عشان نقلت الشنط
حبيبة بضحك : ما دول مش ليا دول لفريدة
اوس كتم ضحكته و قال : طيب ربنا يسامحك
اقتربت منه و قالت بخفوت : انا مش بدي مكافأت .. بس هديك حاجة تانية
اوس باستغراب : هتديني ايه ؟
حبيبة بخجل : دي
و طبعت قبلة ناعمة جدا على خده و هربت بسرعة من المكان لتتركه يقف و ينظر امامه بذهول .. فهذه اول مرة تفعلها
*********************
فريدة : تميم اطلع يلا عايزة اخرج الهدوم و اعلقها بالدولاب
تميم بخبث : ليه ؟؟؟ ما تخليني اشوفهم
فريدة : اتلم .. يلا اطلع برا
تميم : ماشي هطلع بمزاجي بس .. بكرا هتبقى شقتي و اتفرج براحتي بقا
فريدة : لا ما انت مش هتدخلها غير يوم الفرح .. يلا يا تميم اطلع عايزة الحق اكمل شغل
تميم : طيب طالع اهو .. اساسا عايز اروح الشغل
فريدة باستغراب : شغل ايه ؟ انت واخد اجازة
تميم : اه بس عايز ارجع بسرعة عشان بعد الفرح اخد اجازة اطول
فريدة بعصبية : طب ليه يعني ما بعد فرحنا في فرح اوس و هتكون مشغول معاه … خدها دلوقتي ع الاقل عشان تساعدني
تميم : انا بقول يعني بعد الفرح هنكون لسا عرسان و محتاج اجازة عشان نتبسط و نخرج
فريدة بنرفزة : ما انا دلوقتي محتاجالك .. في مليون حاجة ورانا و البيت اصلا مقلوب و النهاردة بس افتكرو ان في فرح قريب
تميم : طب اهدي شوية .. كل حاجة ماشية كويس يا فريدة مفضلش غير حاجات بسيطة جدا و هتتعمل بسرعة
فريدة بغضب : منتا دايما كدة بتشوف اي حاجة تخصني تافهة
تميم بحدة : فريدة وطي صوتك و اتكلمي عدل
فريدة بصوت اعلى : ده الي انت فالح فيه اوامر و بس .. المفروض ان انا اهم من شغلك .. ما انت اخدت اجازة عشان جدو بس عشان خاطري انا ما تقدرش ؟!
تميم بغضب عارم : بقولك ايه انا جبت اخري منك … كفاية يا فريدة انا مش عيل عندك عشان تزعقيلي كدة … لا انتي اول و لا اخر وحدة تتجوز … هيا الافراح كدة دايما كلها ضغط و مشاكل .. و اهو الكل واقف جنبك و بيساعدك
تجمعت الدموع بعينيها و تقوست شفتيها
فريدة بدموع : بس انا محتاجاك انت … من ساعة ما العيلة التمت و انت مشغول معاهم و مش مهتم باي حاجة تخصني .. ده فرحنا يا تميم و بقالنا كتير بنستنى اليوم ده … انت ليه محسسني انه مش فارق عندك الفرح من اساسه
اطلق تنهيدة طويلة و نظر الى وجهها الباكي فشعر بتأنيب الضمير … سحبها لحضنه و قال بهدوء : مفيش عروسة بتعيط قبل فرحها .. انا اسف يحبيتي بس و الله انا كمان مضغوط .. خلاص هعمل الي يريحك و مش هروح الشغل .. قوليلي بقا عايزاني اعمل ايه دلوقتي ؟
فريدة بابتسامة من بين دموعها : لازم توزع الدعوات انت و الشباب .. و لازم نروح القاعة الي هعمل فيها الفرح عشان اختار الديكور
تميم بابتسامة : طب و انا مالي بالقاعة منتي الي هتختاري الديكور يا فريدة
فريدة : حتى ولو .. دول احلى لحظات بحياتها لازم نكون مع بعض
شدد على حضنها و قال : حاضر المهم انتي ما تكونيش زعلانة
دلفت حبيبة الاوضة بتلقائية و لم تعلم بوجود تميم
حبيبة باحراج : احم احم .. انا اسفة
خرجت فريدة من حضن تميم
فريدة بابتسامة خجل : تعالي يا حبيبة تميم هيخرج اصلا
تميم بضحك : كدابة ..مكنتش هخرج يا حبيبة دي بتطردني
حبيبة بخجل شديد : طب يلا اطلع عندنا شغل
تميم : ماشي يا ستي
خرج تميم و نظرت حبيبة الى فريدة وقالت بغضب : يخربيتك كسفتيني
فريدة بضحك : اممم على اساس انتي ما بتعمليش كدة و اكتر .. على الاقل انا بشقتي مش على العلن زيك
حبيبة : بس يا فريدة هزعل
دلفت غادة الاوضة و جلست امامهن بصمت
حبيبة باستغراب : مالك يا غادة ؟
غادة بشرود : انا قررت قرار مهم جدا بحياتي
فريدة : طب قولي ايه هو ؟!
