هو، الحُبُّ المُستحيل:
أُحِبُّ فيهِ عُقَدَهُ التي لا تُحَلّ، أُحِبُّ فيهِ صَعبَ مِزاجِهِ الذي يُخيفُني ويَجذبني. أُدرِكُ أنَّ قربَهُ شقاءٌ مُحتَّمٌ، وأنَّ طبيعتَهُ لا تُوافِقُ طَبعي الرَّقيق. هو قدري المُرُّ الذي أحتسيهِ بشغف، لا أستطيعُ أن أرتبطَ بهِ خوفًا على نفسي، ولا أستطيعُ أن أتركهُ خوفًا على روحي.
وها أنا ما زلتُ عالقةُ في منتصف الطريقِ
…………………………………
يُـمن :- أبتسمت ورديت عليه
— الله يسلمك أستاذ اشكرك
بُـرهـان :- دفعت الحساب لا ادفعين
حچى هيج و افتر و مشى باوعت عايف بطل الرمان وبطل الماي مالتي بـ ايدي
بسرعة شلتهن وطلعت وراه واصيح أستاذ استأذ والاستاذ لا يباوع ولا يرد ولا يسمع
كله كبل ما عنده بريك
اجت ورود صارت بوجهي وانا بعدني اصيح أستاذ وهوَ ولا يدور ولا عبالك اكو بشر يصيح عليه
— بس اوگفي هذا ما يسمعني لو يغلس
— منو قصدج أستاذ بُـرهـان
سكتت ما ردت احچي شي زايد ولا اخذ غيبته جوز صدگ ما يسمع مشينا انا
و ورود گعدنا بمكانا خمس دقايق تقريباً ورجعنا للقاعة خلصنا باقي المحاضرات
وهوَ بعد ما شفته لحد ما طلعت للبيت
ويا ما جاي اصعد بالسيارة شفته بـسيارتـه
على السايد الثاني بعدني اباوعله گـال عبـاس
— اليوم اخر يوم امر عليج
— بعت السيارة وبعدني ما ماخذ وحده ثانية بمكانها
— لا عليك الله يعني منو ياخذني ويرجعني بعد
— بس هالكم يوم وراها اشتري ان شاءالله
— لا ضجت والله
— شأسوي موتتني خليني اخلص منها
واخذلي غيرها
— الله يسهل عليك على راحتك بعد
— الله يسلمج ويحفظج
بقيت ضايجة لحد ما وصلت للبيت حچيت الامي على عباس هم ضاجت حالها من حالي انوب گالت عود عمج يوصلج لا تشيلين هم سهله إذا على الروحة والرجعه
بدلت هدومي بسرعة وگعدت حطيت راسي بلملزمة ما رفعته منها لحد ما ضبطت كل الحفظيات بقت عندي الرسومات گمت اكلت وانا اركض ورجعت ارسم بالرسومات بس ما گدرت اضبطهن كلهن لان هواي وصعبات طبگت الملزمة ميته من التعب كلش صعب الامتحان وهواي انطانا ما حدد النا سوالنا عقاب جماعي
ذبيت النلزمه واخذت استراحه ربع ساعة
و راها رجعت قريت غير مادة و احس كلش تعبت و گمت ما استوعب وبعد عندي البحث ما كامل و الرسومات ما ضابطتها كلها ومادة ست أنغام والليل صار عليه يابة بطني گامت تمغصني من گد ما تعبت ولعبان نفس دمرني من التوتر
شمرت الكتب والملازم و گمت تمددت
عود اريد ارتاح شوية اشو بس حطيت راسي على المخده ثواني و رحت بغير عالم
نمت نومه تگول صار سنه ما نايمة حتى لو دايسة دگمه ما اغفى هيج بسرعة
حتى الصلاة الصبح ما گعدت فزيت بالسبعة جريت النقال اباوع للساعة انصدمت هاي شنو ولج يماااا
طفرت من مكاني عثرت بالغطا و وگعت بالگاع رجعت گمت سريع و فتحت الباب ركض للحمام غسلت و توضيت ورجعت صليت قضاء وراها گعدت اقرأ الف الحمدلله اداوم مسائي لو صباحي چا انحچت حچايتي
لزمتها من السبعة ونص لحد التسعة
اقرأ بالمادة مالت ست أنغام وراها رجعت ارسم لحد ما ضبطت الرسوم بقى بس البحث عفته بعد ما لحگ اكمله واصلاً كاتبة منه شي قليل حتى لو احصل درجتين عليه هم نعمة
امي كل شوية وصايحة بيه تريدني اكل صارت ب12 ونص وانا ما متريگه اخر شي جرت الملزمة وشمرتها وگومتني للمطبخ اكل غصباً عليه
گعدت تريكت و گمت سريع سبحت وطلعت بين ما بدلت گالت امي
— راح يجي مـراد ياخذج استعجلي
— چا مو گلتي عمي ياخذني
— عمج ما عنده مجال وتميم نفس الوضع البارحة التحق بس مراد فارغ هالكم يوم هوَ راح ياخذج ويرجعج
— والله عمي انعم الله عليهم والله يزيدهم خير وبركة من هذاك اليوم الهذا اليوم حايرين بيه
— اي والله انعم الله عليهم والله يزيدهم ويحفظهم ان شاءالله
بعدنا نحچي بيهم و سمعنا الهورن بالباب گمت طلعت لگيت مـراد طابگ متانيني بسرعة فتحت الباب و صعدت يمه ضحك و گال
— عفيه يُـمن صايرة شجاعة تگعدين بالصدر
— هههههه تميم ما يقبل اگعد ليورة يگول سايق مال امج وتگعدين وره فـ اكيد ما راح تبقى عليك و لازم اجي يمك
— هههههه اي عفيه خوش يسوي بيج بس هوَ دواج
— هههه، شلونك اخبارك
— يُـمن الصغيرة شلونها
— ههههه زين فدوة الشكلها
— الله يحفظها الكم يارب
— امين ، تدرين من البارحة بايته بيت جدها وعبالك ما ادري شضايع مني من البارحه لليوم إحس البيت فاهي
— فدوة حبيبتي شعجب خليتها تنام يمهم
— ههههه حكم القوي بعد
— زين خو ما يكتلها فهودي انا ادري بيه شوية نحس على بيبيته وجده
— والله عاد گدامي كلهم يبوسون بيها بس من وراي ما ادري كتلوها عضوها الله اعلم
— ههههه لا ما يكتلونها اكيد يحبونها هسه و متخبلين عليها
دگ نقاله ضحك ورد طلعت زهراء سلم عليها گالته دگ عليه على الماسنجر كامرة بسرعة بسرعة رد عليها شكو ما قبلت تحچي اله يخابرها كامره بوكتها جان مفعل نت على الخط بسرعة قفله منها ورجع دگ عليها كامرة ثبت النقال گباله وهوَ يسوق يحچي و انا اسمعهم واشوفهم بس همَ ما يدرون بيه يمه ولا يشوفوني
زهـراء :- شوف الله عليك
— هاي شنو هههههه
— كحل امي سبحتها وحطت الها كحل
— ههههه يابة شوف العيون خرب
— هههههه لج شتجنن شمسويات بيها
أبتسمت ويا شلون فرحان بيها بس هبطت وراحت الابتسامة وانا اسمع صوت ضحكته اجاني بسرعة جفلت وفز گلبي مدري شصار بحالي وراها گال
منـاف :- طالعة عبالك ابو بريص طاح حظكم على هذا الانتاج طلعوا منها اسمها وشمروها بالزباله
مراد بسرعة باوع عليه وخطية كلش انحرج من الموقف ما يدري بيه گاعد يمها و حار شلون يسد الخط بوجهه رجعت زهراء گالت
— يا فدوة غير تجنن
منـاف :- وععع حشا خلقه الله
— يووم شوفي شلون يعيب عليها هسه تقبل اعيب على فهد
— امشي لج انتَ وهاي بنتج الزرگه
مـراد :- لا ما اسمحلك تحچي على لعابتي
— ههههههههه ههههههه اخ الله شوف الثاني شگد قشمر
زهراء :- والله ازعل مو عبالك جاي اشاقة وياك
— وزعلتهم قابل احسن من الزعلوا وراحوا
زهراء :- اهوو ماماااا
مـراد :- يابة دعوفها شجلبت وياها
منـاف :- هههههههه
زهراء :- وين انتَ شنو طالع
مـراد :- اي عندي شغل
— ماخذ يُـمن للجامعة ابو الخط بطل وبقت بدون خط
زهراء سكتت واصلاً الكل سكت وصار هدوء وانا حتى النفس گطعته يما گلبي راح يوگف شلون ورطه هاي رجع مـراد گال
— يلا راح اروح و بالليل امر عليكم حظري نفسج
هيَ ابد ما ردت شي وبسرعة فصلت الاتصال و مراد اول ما قفله گال
— والله ما ادري بيه موجود عبالي ملتحق لان البارحه من وصلتهم جان ملتحق اعتذر
— لا ليش تعتذر ترى كلش عادي الموضوع إذا اشوفه او يشوفني قابل انتهت الدنيا بيناتا لا بد نتشاوف و واحد يسمع صوت الثاني دائماً ما دام اكو بينا صلة قرابة فلا يضل بالك والله عادي جداً
— اتمنى الله يسعدج على قدر نيتج الطيبة و گلبج الابيض يُـمن الوردة تستاهلين كل الخير بالله العظيم
— ويسعدكم ويحفظكم انتم الخير والبركة
وصلني الباب الجامعة وراح نزلت بس كلش ضايجة انا وحده چذابة والهسه ما متخطيته و من بعد كل السوا وياي بعدني ارجف من اسمع صوته كلمتين سمعتهن منه ضيعن كل القاريته من راسي ورجعني النقطة الصفر
طبيت بوجهي للقاعة وعيوني تحرگني وگلبي يدگ سريعة واحس اكو غصة وگفت بلعومي اختنگت
دقايق بسيطة وفات أستاذ بُـرهـان سلم
و وزع الاسئله علينا بديت احل بس شنو
اكتب كلمة وانسى عشرة حتى الحفظيات القاريتهن نسيتهن بقيت منزله راسي على الورقة و والكلينس بـ ايدي واكتب و ابچي وامسح بعيوني انتبه عليه ابچي گام من مكانه واجى يمي و يسأل بهدوء
— شبيج ليش تبچين
رفعت راسي عليه و مسحت عيوني ورديت
رجعت دنگت للورقة واگول بيني وبين روحي بيه هوَ بيه هوَ ما بيه شي ثاني غيره
رجع گال
— شنو ما حافظة؟
ما جاوبت شي ولا رفعت راسي عليه من شافني ما جاوبت افتر ورجع المكانه وراها بقى يروح ويجي كل شوية يباوع عليه وعلى الورقه مالتي يشوفني شكتبت ما كتبت ما يگدر يساعدني الكل مركز عليه شلون يتحرك اخر شي ما تحمل اكثر وگف يمي وأشر بـ اصبعة بداخل الورقة على النقاط الحالتهن بمعنى
هذا الجواب بهاي النقطة وهذا بهاي النقطة يعني جنت مجاوبة صح بس فارتهن بالترقيم من گد ما بالي مو وياي
اول ما أاشرلي سحبت المساحة ومسحتهن وعفت الورقة فارغة ما اريد اكتب ولا اريد انحج ولا اريد اي شي اريد انسى لا ما اريد انسى اريده
بهاي الاثناء گامت يُـمن سلطان وتگول أستاذ فدوة ساعدنا مو دا تساعد بـيُـمن غازي
هنا الطلاب الظاهر شايفينه من اشر بورقتي هوَ سكت ما رد وشكلة تورط گمت انا شلت ورقتي و رفعتها واگول
— لا مساعدني ولا حاله ولا مجاوبه وهااااي ورقتي فارغة شوووفي فاااارغة وحتى البحث ما كامل ولا راسمه اي رسممم ارتاحي و ريحينيييي عبالك ناقصتجججج عبالك ماكو هموووم بگلبي غيررررج
حچيت هيج ونسيت روحي انا وين ونسيت الأستاذ واگف ما ادري شصار بحالي احس تهسترت فد مره هيَ انصدمت مني ما توقعت ارد ولا احچي والشعبة بكبرها تباوع وهوَ فتح عيونه ما مستوعب اللي سويته
گمت من مكاني و حطيت الورقة على مكتبة وهي فارغة ودرت عليه و گتله وانا ابچي.
— اعتذر منك أستاذ إذا صوتي صار عالي بوجودك
وافتريت وطلعت من القاعة نزلت بوجهي للحمامات طبيت و قفلت الباب عليه
وعيوني عشرة عشرة
انتَ گتلي طلعي مني اطلعي من راسي ليشش انتَ ما تطلع من راسي ومن گلبي ليش من اسمع صوتك هيج اتأثر ليششش
بقيت بالحمام لحد ما علست من البچي وراها غسلت و عدلت حجابي و طلعت گعدت برى باوعت للساعة المحاضرة الثانية بادية واكيد فاتت عليه خليني هنا بدل ما اروح وانطرد منها
بعدني گاعدة وشفته اجى من بعيد بتجاهي اخذت نفس وميته من الفشلة
و من الموقف السويته گدامه وصل يمي بدون ما يگعد وهوَ واگف گال
رفعت راسي باوعتله و رديت
— اعتذر كلش خجلان منك والله
گعد مقابيلي و گال
— اني وانتِ وهاي الناس كلنا مخلوقين من دم ولحم يعني عدنا قدر معين للتحمل وطاقته محدد و قوة محددة المفروض من ننضغط من موضوع معين رأسن نحچيه
و نشاركة وندورله صورة حل حتى ما يبقى مكبوت بداخلنا لان إذا كبتنا راح ينمزج ويا مشاعرنا ويرجع يجينا غيره وهم نسكت عنه وهم ينمزج بـ مشاعرنا ونبقى هيج نكبت ونمزج الى ان ننفجر اما طريقة الأنفجار مرات تصير على شكل مرض
و مرات على شكل صوت عالي و بچي
و اعصاب مشدودة مثل ما صار بيج قبل شوية ومرات تصير على شكل تغير بالملامح ومرات توصل بينا للموت بعيد الشر عنج لذلك يا يُـمن اللي يضوجج لا تضمينه بگلبج و تگعدين ادورين حجج سخيفة حتى بس تبچين وتفرغين طاقة صيري قوية واجهي مخاوفج و واجهي زعلج و واجهي الناس، عمرج هذا مراح يرجع حتى تعيشينه من جديد وصحتج إذا راحت راح تتعبين وما ترجعينها وشكلج الحلو إذا تغير راح تتأسفينه وبالاخير يبقى الخاسر الاول والأخير انتِ
ما جاوبت بس خطيت ادية على وجهي وشبعت بچي جنت ابچي بحركة گلب بس ما اطلع صوت بس خانگه روحي خنگ رجع گال
— ما معقولة تنهارين هذا الانهيار وبهيج مكان وما تحسين على نفسج شلون تبچين يُـمن انتِ مو ضعيفة حتى تستلمين ابد مو ضعيفة اني اعرفج كلش زين انتِ بطلة قوية شجاعة مستحيل يكسرها احد
تالي تصدميني هيج لاا ما اقبلج بهذا الضعف گومييي
ما رديت عليه رجع گال بصوت واضح وبنبرة أمر
مسحت وجهي و باوعت عليه ورديت
أبتسمت بعز القهر والبچي رجع هوَ ابتسم وياي وگال
— گومي غسلي وتعاي للكافتريا خمس دقايق لا مو خمس ثلاث دقايق الج يلا منتظرج
گمت للحمام من جديد غسلت وطلعت مشيت للكافتريا لگيته و اگف ويا اثنين من العمال ما ادري شيحچون وياه وهوَ ادية بجيوبة و مركز وياهم وبس يهز براسه بهدوء من شافني اجيت رد الهم بسيطة سهله وراها راح جاب ببسي وحطه گبالي وگعد
يُـمن :- أستاذ البارحة صحت عليك وما سمعتني شلون تدفع الحساب وتروح
— سمعت بس مالي خلك ادور
— اي ، وهاج شربي ببسي بلكي تطلعين مثل ريام إذا ضاجت بس تشرب ببسي تصير كيوت و تبقى توزع ابتسامات مدري شحاطين بيه مخدرات مدري شنو
— شوفي مفعوله يشتغل قبل حتى لا ينشرب
— والله باعي جاي تضحكين معناها بيه هرمون من هرمونات السعادة
— هههه لا والله انتَ جاي تضحكني مو هوَ
— هاا يعني اني بيه هرمون من هرمونات السعادة زين كلش حلو شكراً حبيت
— يُـمن صح مو من حقي ادخل بيج وبحياتج بس اني بصراحة اعزج وأحترمج وما تهونين عليه لذلك قررت اصير فضولي شوية وادخل واسأل شنو للي مبچي عيونج و مخربط وضعج هيج
ما جاوبت بقيت ساكته رجع گال
— الضابط يمكن ؟
نفس الشي ما ارد
بُـرهـان :- خليني اگلج شغلة اللي يحب مستحيل يوصل حبيبتة للي وصلتيله قبل شوية من بچي وانهيار اللي يحب يسعى يجاهد يتغير ويغير ويبني ويفلش يتعب ويتحدى ويجاهد ويحارب الخاطر سعادة اللي يحبها الخاطر مصحله اللي يريدها يُـمن انتِ هسه مو مثل ما جنتي قبل المفروض هسه تعرفين ماكو احد يستاهل تبچين عليه هيج بچي وماكو احد تضحين الخاطرة المفروض هسه تتركين كل شي مؤذي ومتعب و تشتغلين على مستقبلج على شهادتج على نفسج العمر تعيشينه مره وحده وكافي اخذتي منه نصيب من المتاعب والمصاعب هسه صار لازم تحبين نفسج وتطورينها كافي تتدخلين بصراعات ويا الناس كافي تتدخلين بتحديات ويا الناس تحدياتج هسه المفروض ويا نفسج مو ويا العالم
نفس الشي ساكته ما ارد رجع گال
— الفات مات وانتِ بنت اليوم لازم تعيشين صح وتخطين خطوات صحيحة و ابد ما ادورين ظهرج للفات وحتى ما تاخذين منه لا نصيحة ولا استفاد ولا تجربة تركي كله بجمله وحمله يولي لان لو جان بيه فائدة الج جان الله سبحانه وتعالى عافه وما خلصج منه وهنا جاي اقصد على الماضي بصورة عامة ما اقصد شخص معين اقصد الايام المواقف الناس و الظروف الكل بدون استثتاء
— ما اگدر شگد جاي ادوس على نفسي واكابر بس ما اگدر
— ماكو شي اسمه ما اگدر هاي الجملة تكتبينها بـ بكل ورقة من اوراق كتبج وبكل زاوية من غرفتج وبكل ركن من اركان بيتج
فهمتي ، عقلج الباطن هو مستقبلج انطي ايعاز العقليج الباطن انو انتِ تگدرين وشوفي شلون راح تگدرين وتگدرين هم
ما رديت رجع گال
— تذكرتك تكول بيه هرمون السعادة وضحكت
— حلوو ، هسه هو صدگ بيه هرمون السعادة انتِ شربتي اكيد لا بس عقلج حفط هذهِ المعلومة و بعد كل ما تشوفين الببسي تضحكين وراح تربطين الببسي بالسعادة والضحك إذن العقل هوَ المحفز للأفكار والمشاعر يُـمن البطلة اشتغلي عليه وأبني نفسج من جديد وديري بالج تنهارين مثل قبل شويـة لان الأنهيار سلاح الضعفاء
ما رديت بقيت ساكته رجع گام ويگول
–وهسه أني اترخص وهااا قبل لا اروح باچر من اجي للقاعة راح اجي أستاذ بُـرهان اللي ضايج لان يُـمن ما جاوبت وعافت ورقتها فارغة وصيحت بنص القاعة وهوَ واگف
— لا أستاذ والله مو قصدي اسفة
عافني وراح بقيت گاعدة وحدي انوب شوية وباوعت للببسي لا ارادياً ابتسمت وفتحت القوطية اول ما شربت خربت ضحك تذكرت ريـام شلون تضحك من تشربه
رفعت راسي شفت الكاشير صافن عليه لان اضحك وحدي فشلت فشله متت بدمي هسه عباله تخبلت وكمت اضحك وحدي
شلت قوطيتي و گمت
لگيت طلاب شعبتي طالعين من المحاضرة
اجت ورود جانت ادور عليه گالت
— شكو يمعودة شبيج ليش هيج صار وياج
— جنت مضغوطه فد مره
— الله يساعدج والله اصلاً محد بينا جاوب لا تنقهرين
هزيت راسي بدون ما ارد ثواني و اجت يُـمن سلطان و گفت گبالنا رفعت راسي اباوع عليها أبتسمت بستهزاء و گـالت
— هاي ليش هيج صاير بحالج اووي سودة عليه مبين ماكله بوري معدل من سيادة الـ… حتى مخليج ما تسيطرين على اعصابج هيج فد مره
— شوفي يا بنت الناس انا لا اعرفج ولا عندي علاقة بيج ولا مأذيتج بشي ليش ما تكفيني شرج و ترحين من وجهي
— لا والله ههههههه تدرين السنه كلها عبالنا فقيرة وما تحچين طلعتي مخلوسه وتخافين من حظره الخطيب هسه من طگلج سفن طلع اللسانج يراد نحچى ويا يرجع يصم حلگج من جديد لان شكلج وكحه وما تخافين بس من عنده
— صح ما اطلع واطب واختلط بالناس بس مرت عليه ناس اشكال واللوان وانتِ اكثر بشر مريض شفته بحياتي
شلت جنطتي و گمت رجعت للقاعة گعدت وحدي بمكاني شوية و بدوا الطلاب يحون يطبون شفت هديل طبت باوعت عليه
و كملت طريقة هزيت راسي كلش حلو موقف اليوم تسجل صورة وصوت استغفر الله ياربي
رجع فات علينا الدكتور والتهينا ويا لحد
ما خلصت الدوام و طلعت مـراد بالباب متانيني ما صار شي بيناتنا مهم خلصناها مواضيع عادية لحد ما وصلني للبيت وفات وياي سلم على امي وگعد شوية وراح
وثاني يوم من داومت جان عدنا دكتور اسمه عزيز هوَ چبير بالعمر بس وردة فد حباب و شرحه يخبل والكل يحبه ويساعد ويتساهل ويانا بيومها ما اخذنا محاضرة كامله بس عشر دقايق شرح وراها ورجع گعد يحچي ويانا ويشاقة ومن بين الحچي جابوا الطلاب طاري الفيس بوك
تفاجأت وانا اسمع الكل عدنا فيس بس انا ما عندي حتى ورود طلع عدها بيومها صابني الفضول اسوي واحد مثلهم ومن رجعت حچيت الامي گالت سوي شكو بيها
خابرت ورود تعلمني گالت ما تعرف
و اخوها سوالها راح تگله يسولي واحد وصدگ ثاني يوم اجت جايبة الاميل والرمز بورقه وعلمتني شلون احمل البرنامج
و شلون انزل الاميل
بعدنا نحچي بيناتنا وفات أستاذ بُـرهـان سلم و صاح على يـوسف انطاه اوراق الامتحان وزعهن علينا ومنو يلزم ورقته يضحك وهوَ مغلس ما ادري شبيهن الاوراق لحد ما يوسف انطاني ورقتي شفتها حاطلي( 10000 من 30) وكاتب يمها اعلى درجة بالكوكب بس لا تبچين
ضحكت ورفعت راسي لگيته يباوع عليه بس شافني اباوع ضحك ودار وجهه
ورود استلمت ورقتها حاط الها صفر
طبعاً جان ناصب علينا لان كلنا مزفتين ولا واحد ناجح لحد ما كل احنه استلمنا اوراقنا گال
— بما انو كلكم ماخذين من 100 وفوك احب ابارك الكم هذا النجاح العظيم عفيه ابطال تعبي ما ضاع بيكم
واحد من الطلاب گال
— أستاذ شنو حاطلي 150 اني المفروض اخذ 200 والثاني ردله استاذ ليش كاتب على ورقتي طاح حظك وكاتب على ورقه ياسين اثول لو اثنينا ثولان لو اثنينا يطيح حظنا سوى لان إني ويا نفس الدرجة ماخذين
هنا صار الضحك بفلس الظاهر الولد مسويهم قسمين قسم منطيهم 150
و كاتب يم درجتهم بارك الله بيك يا اثول والقسم الثاني منطيهم 200 و كاتب طيح الله حظك
بس البنات ما كاتب الهن شي بس
بس مصفرهن اني الوحيده منهن حاطلي 10000
— يا شباب هدوء
— هذا الامتحان ثبتلي ماكو واحد بـ هاي الشعبة صاحي كلكم مطفين ولازم كلكم تحملون للسنه الجاية مبروك
يوسف :- لا أستاذ والله صعب عيده الله عليك
— يعني شنو صعب أمتحان جاي من الملزمة قابل من جيبي
— مو ضغطتنا بوقت محدد
— إذا مراجعين وياي اول بـ اول ما انغطتوا بس وين يابة انتوا جايين تلعبون مو درسون
— انطينا فرصة اخيره الله عليك أستاذ
— هذا الامتحان اعتبرته ضحك بضحك وياكم وما خليت الكم حتى درجاتكم لان ماكو هيج كلكم صفارة ولا واحد ناجح صدگ تحچون
محد بينا يرد كلنا سكتنا رجع گال
— الاحد الجاي راح ارجع اعيد الأمتحان وبعد ماكو اي عذر واي مساعدة شدول حيلكم
بقوا يشكرون بيه لحد ما رجع انطانا موضوع جديد وخلص محاضرته وطلع
ومن رجعت للبيت نزلت الفيس ودخلت الاميل والرمز بسرعة فتح يمي طلع مسميني ( النجمة المتلألئة) وحاطلي صورة ممثله أيرانية حلوة ما اعرف اسمها
ضحكت هاي سوالف ورود اكيد هيَ گايلتله بقيت اباوع عندي صديق واحد فتت عليه طلعت ورود و اسمها كبرياء انثى
خربت ضحك وانا اقرأ الاسم همزين ما سمتني مثل اسمها السخيف
بقيت اكلب بيه وكلشي مابيه فارغ وامي گاعدة يمي تباوع وياي لحد ما اجى عمي لگانا اثنينا حاطينه وحايرين بيه سأل شكو امي گالتله يُـمن سوت فيس وجاي نباوع بيه وما نعرفله
ضحك و گال شـ أسمج انطيتيه اسمي دزلي طلب وصار صديقي وعلمني شلون اكو گروبات و بيجات و منا ابحث ومنا اوافق احس سهل عليه الموضوع شوية
وراها شلت نقالي و گعدت وطبيت الغرفتي
و بحثت عل مـراد ودزيتله طلب وعلى تميم وهم دزيته
تميم بوكتها جان بالدوام ملتحق واول ما دزيتله طلب ثواني و اجاني اشعار وافق على الطلاب وراها اجتني رساله دازلي اشارة ترحيب
ضحكت ايااا زاحف يا أبو علي دزيتله رساله
بنفس اللحظه رجعلي
— العفو نورتي من وين
— اهلاً وسهلاً تشرفنا
حرت اكله انا يُـمن لو انصب عليه اخر شي گلت خليني انصب عليه شكله واحد سرسري وزاحف متت من الضحك دزيتله
— عاشت الاسامي
هوَ جان اسم حسابه ابو علي بالانكليزي بسرعة گتله
— هيج لقب عادي اني احب هذا الأسم
— محد حلو غيرج
لزمت النقال وسكرت من الضحك يابة شگد طايح حظ يا تميم رجع كتبلي
— هلوو هاي شنوو
— بعدج صغيرة بابا
— ليش اي انتَ شگد عمرك
— إني مواليد 86
ما رد عليه بعد دزيتله اوك هم شافها وما جاوب اخر شي كتبتله
— گلت اسم ابو علي لقب زين وابو كرار هم لقب لو هذا أسم ابنك الصغير وما تقبل تعترف بيه
بس شافها دزلي منووو ضحكت ورديت
— لا والله منووو
— هسه غير ترد منوو ولج
— يُـمن هههههه
— ههههههههه الله عليج
— يا زاحف يا ما تستحي والله اله اشوف الرسائل العبير
— ههههههه لج عندي ساعة استراحة من الموت و عبالي صدگ وحده بيها حظ گلت اخلص هاي الساعة براسها تالي طلعت عمرها ١٥ سنه و هبطت حماسي
— هههههه شگد ما تستحي
— هههههه والله عمي طالعه عينج ولج مسوية فيس و تراسلين بالولد بنص الليل
— هههههه تعلمت منك
— اخو صاحبتي سوالياه
— طاح حظج وحظه
— راح تطلع عينج وبعد ما نگدر عليج إذا من اولها رغد الله يستر من التالية
— اي مو انا تميم
— ههههههه والله عمي اني فقير بس اللسان خوفك من الخوينس يا يُـمن
— ههههههه أحترم نفسك
— هههههههه
— باعي ديري بالج على نفسج مو تتشقمرين ترى اشكال موجود بهذا العالم خلي استخدامه بس للفائدة والتسلية لا تاخذين وتنطين ويا الناس ماشي
— عفيه بالحبابة
— شوكت تنزل شلونه الوضع يمكم
— عگب باچر انزل اما الوضع زفت الموت بالجمله
— الله يحفظكم ويستر عليكم ويارب ترجع سالم بحق محمد وآل محمد
— امين ادعيلي حبيبتي گلبج طيب ونيتج صافية الله يستحاب دعائج دائماً
— والله يوميه جاي ادعيلك وادعي الكل الجنود
— يلا اخذ راحتك ودير بالك على روحك
قفلت النقال ونمت والصبح من گعدت لگيت مراد موافق على الطلب دزيتله انا يُـمن رجعلي هلا والله
وهيج مشت الايام كلشي طبيعي وهاي الفتره الامتحانات اشتغلت علينا من كل مكان وگمت ما الحگ حتى اشوف روحي لليل ونهار اقرأ لحد ما بأشرنا بالحد وبلشنا بــ امتحانات اخر السنه
هنا عباس اشترى سيارة جديدة ورجع ياخذني ويجيبني والبنات الجانن يرحن ويانا بطلن و گام بس انا يجي عليه
لحد ما خلصنا امتحانات و گعدنا عطله
واول أسبوع من العطله الوضع كلش طبيعي وثاني أسبوع التهينا نحطر المهر ولاء بنت عمي هاشم
وبيوم المهر من الصبح رحنا انا وامي عليهم واكيد امي كله هيَ تسوي بمكاني خالتي لان خالتي ما تگدر و تتعب من اقل حركة فـ امي بكل مناسبة عدهم تقوم بالواجب
انا لبست فستان طويل مرتب وفتحت شعري ومكيجت خفيف و گعدت ما طلعت برى الصاله اخاف يشوفوني الولد وانا بلا حجاب
والبنات الباقيات كلهن ما قاصرات بس زهراء بيومها ما ادري شبيها طلعت اخر وحده من غرفتها وحتى ما معدله روحها زين واجت گعدت مالها خلگ لا تحچي لا تشارك بشي اول مره توقعت متعاركة ويا مراد بس بعدين طلعوا ما متعاركين بالعكس ما بينهم اي شي بس هيَ ليش ضايجة ما ادري
ومن اجوا الناس امي گومتها تساعد بتوزيع العصير والضيافة گامت بس گوه عليها
ومن گامت جابت بنتها حطتها بحظني
بقيت لازمه الابنية واللعب وياها و الأبنية سبحان الله من كل واحد ماخذه شوية عيون امها خشم مـراد حلگ بيبيتها العلوية صايرة خبط مو طفلة
بين ما خطبوا و فاتوا بالغرفه يعقدون وزهراء جانت ملتهيه بالتوزيع وانا شايله بنتها ومن گد ما حركتها و لعبت وياها ما تحملت و تقيأت عليه
انا جنت جايبة هدوم وياي بس مو مال مناسبة لا مال بيت عاديات وضالات بغرفة خالتي والعريس طب للغرفة يعقد فـ زهراء گالت روحي الغرفتنا راح اصيح على مراد يجيب جنطتج من غرفة خالتي
مشيت الغرفتهم فتحت الباب وطبيت
ثواني واجت زهراء جايبة الجنطه انطتنياها وراحت طلعت الهدوم بدلت و وگفت على الميز اريد الم شعري صارت عيني على المراية معلگه صورة اخوها صغيرة مال معاملة بلبس الدوم لازكتها على المراية بشريص شفاف
وگفت گبال الصورة واباوع و عيوني احسها صارت حارة و گلبي يـدگ تقرب عليها اكثر ورفعت ايدي لزمتها ورجعت سحبت ايدي سريع ولميت شعري ولا ارادياً رجعت عيوني على الصورة استغفرت ربي وهزيت راسي احاول اسيطر على روحي
رجعت درت للجنطه طلعت حجابي بعد الناس راح يرحون واكيد مراد وتميم يطبون لازم اللبس حجابي
بعدني هسه سحبت الحجاب و سمعت نقال زهراء يدگ على الجرباية اجيت عليه من بعيد و اباوع المتصل أبو فهـد
إحس گلبي تقلص شنو گلبك علمك جاي افكر بيك لو شنو موضوعك خلصت المكالمة واجت رسائلة شلت النقال واباوع عليها اشعار الرسائل واضح شمكتوب بيها
قريتها من بدون ما افتحه كاتب بيها
— راحت لو بعدهي يمكم
انا قريت شكاتب وانا متت اريد اسيطر على روحي ماكو يعني لهسه ما ناسيني وتفكر بيه زين إذا انتَ هيج تحبني ليش ما عالجت روحك ليش ما صلحت حالك ليش هيج ضيعتني وضعت وياي ليش
فتحت الباب زهراء وطبت بـ اتعس منظر انا بيه هم لازمه نقالها وهم اخوها مراسل وهم ابچي استغربت وضعي وطبت وسدت الباب وتگول
— شكو سلامات ليش تبچين
— لا ماكو هاي مدري شني طب بعيني ودمعت
عيونها صارت على اديه لازمه نقالها بسرعة گالت الها
— مدري منو خابر عليج
انطيته الها و مشيت اريد اطلع صاحت وراي اوگفي يُـمن درت وجهي عليها رجعت گالت
— بعدج تحبينه ويحبج ليش بس هيج باقين متعذبين حرام عليكم هذا الوضع يُـمن والله العظيم اخوي تعبان فد مره حبابة لا تبقين شايلة بخاطرج منه راح يموت والله
ما جاوبتها افتريت اريد اطلع اجت تركض وصارت گبال الباب و تگول
— عايش بنص الموت وساعة الساعة يروح بيها وهوَ متعذب عليج ونفسه بيج والله العظيم حتى ما گام ينزل كل ثلاث اشهر يوم لو يومين في سبيل بس ينسى والله تعبان ومريض والقران امي تگول بيوم اللي ينزل للصبح ما يغمض وينام يبقى يا يطب بغرفته يا يطلع للشارع مخنوگ الليل الطويل مخنوگ
— زهراء الله يخليج هذا الموضوع انتهى
— لا ما انتهى اخوي يموت عليج واليوم بس عرف مهر ولاء وراح تجين تخبل
و هاج شوفي كم مكالمة وكم رسائله بس يسأل اجيتي شلونج شگلتي شحچيتي شلابسه شطالعه والله العظيم راح اموت عليه من القهر وفوك هذا كله هوَ بالواجب يعني بنص الموت
حچت هيج وگامت تبچي ضليت اخذ نفس وازفره ما اريد ابچي گدامها لا ما ابچي
رجعت تگول
— باعي لا ترجعين ولا اي شي بس خلي يحچي وياج ثواني الله عليج بس سمعيه صوتج
— لا مو اني هوَ التخبل والله
عفتها وطلعت وسديت الباب حتى جنطتي وهدومي ما اخذتهن ضلن بغرفتها، الناس بعدهي عدهم وبگد هوسه الناس الموجودة احس بعقلي هيج مهوس ومخبوص
دقايق وطلعوا الناس وبقينا بس احنا شفت زهراء طلعت من غرفتها بس ما بـ ايدها شي عايفة نقالها بالغرفـة الظاهر خلص مكالمتها وطلعت
اجت گعدت وكلش ضايجة و هسه عرفت ليش ضايجة اليوم طلعت مقهورة على مود اخوها
بقينا يمهم انا وامي لحد اخر الليل وراها رجعنا عمي للبيت و اول ما رجعت
ضميت راسي بالغطا و متت بچي ليش ابچي ما ادري بس گلبي ما يگدر ينسى
يمكن ساعة وراها وسمعت عمي يخابر ويگول لا گول غيرها
— لاااا منو گالكم
–اي يابة اخذها خطية
— ماشي عود خابرني وياك طمني
فتحت الباب وطلعت وگفت بمكاني عمي بالغرفة مالته ويخابر بس الباب مفتوح والصوت كلش عالي لذلك سمعته بوضوح
شهيناز :- شكو يا ستار
— هذا مراد و يگول جاي خبر البيت حسن مناف متصوب
يتبع……..
الثامن والثلاثون من هنا
