رواية قسوة حماه الفصل الرابع 4 بقلم مصطفي جابر
أنا زهقت منك وبقولك طلقني انت اي مش بتفهم ؟
جمال ببرود : مش هطلقك يا حلوه غير بمزاجي انا .. ده اتفاق بينا وأسراري معاكي
نور ببرود: مهو علشان سرك معايا يبقي هفضحك يا جمال لو مطلقتنيش وهعرف كل الدنيا انك لسه عايش و عامل كل دا عشان تهرب من المصايب اللي عملتها ده غير تزوير ورق وفاتك
جمال بصدمة: انتي بتهدديني يا نور دنا هربت وعملت كل ده وسيبت مراتي واختارتك انتي.
نور بسخرية: لا طبعا يا حبيبي مش بهددك انا بوعيك يا جمال فا طلقني بالذوق احسن اسافر للكل واقول انك مثلت انك ميت وجبت واحد مشوهة مكانك.
جمال بغل: بقي كدا يا نور طب غوري وانتي طالق بالتلاته يا ولعلمك بقا انتي لو قولتي لحد اني لسه عايش انا هخلص عليكي بأيدي وانتي عارفه اني اقدر اعملها كويس اوي.
نور ببرود: بطل كلام فارغ شبهك كدا يا جمال ويلا يا حلو برا شقتي الللي هي بفلوسي وملكي وتحمد ربنا علي عربيتك اللي جبتهالك.
جمال بغضب: م خلاص خلصنا انا هلم هدومي و همشي.
نور ببرود: بالسلامة
.
مشي بغيظ وغضب..
نور بقرف: طماع وكلب فلوس وبس كنت فاكر انك هتقدر تاخد فلوسي وترميني دا بعدك يا جمال.
عند رهف..
كانت قاعده في البلكونه تليفونها رن ب رقم ياسين ابتسمت تلقائي..
رهف بابتسامة: ازيك.
ياسين بغيرة: دقيقه وتخشي من البلكونه والا هكسر دماغك.
رهف بصدمة: في اي يعم خضتني وبعدين عرفت منين اني في البلكونه.
ياسين زمر بالعربية بصت عليه ورجعت لورا: يخربيتك بتعمل اي يوسف مش موجود امشي من هنا
ياسين بغيظ: عارف .. بسرعه نزليلي السبت ياختي.
رهف باستغراب: عايزو ليه
ياسين ببرود: اخلصي بس نزليع عشان تتنيلي تخشي جوا ..
نزلت السبت.
رهف بغيظ: اي اللي بتحطه ده؟
ياسين بضحك : اسحبيه وانتي هتعرفي
سحبت السبت لقيت صندوق كبير مربوط في السبت .. بتفضل الصندوق عن السبت وبتفتح تشوف فيه اي
وقفت مصدومه لما لاقت ياسين جايب ليها فانوس رمضان و اسدال وبوكس فتحته لاقت فيه علبة تمر و قمر الدين و رسالة..
( حبيت اكون اول واحد يقولك رمضان كريم وكل سنه وانتي طيبه ومينفعش يجي اول رمضان علينا من غير ما اجيبلك الحاجات اللي بتحبيها في رمضان كل سنه وانتي طيبه يا رهوفه)
رهف ابتسمت بدموع: الله اي الجمال دا كله بس لسه باقي اسبوعين علي رمضان دا مجنون.
الباب خبط راحت تفتح لاقت بوكس تاني وعليه ورقة..
( انا مش مجنون علي فكره بس هتفهمي بكرا يا رهوفه دا فستانك انا جبته مخصوص عشانك..مع تحياتي عمود النور)..
رهف ضحكت …
تاني يوم … قراءة الفاتحه…
رهف لابست الفستان و كانت راكبه جنب يوسف نزلوا قدام القاعة.
ياسين كان واقف مع اصحابه بص لها بانهبار: بسم الله ماشاء الله تبارك الرحمن اي العسل دا.
رهف اتكسفت: احم شكرا هدخل ل نفين.
ياسين بابتسامة: ادخلي يا عروسة.
رهف باستغراب: عروسة اي.
يوسف بضحك: هفهمك يا رهف بس شويه كده.
رهف دخلت جوا…
وبعد شويه بتخرج مع نفين والكل بيزغرط..
يوسف بص لها بحب وهي اتكسفت..
ياسين خدها ويوسف خد رهف وراحوا القاعة…
بعد شويه..
ياسين راح ل رهف بحب: رهف انا عاوز اقولك حاجه قدام الكل.
رهف باستغراب: في ايه انت بتخضني لي علي طول.
ياسين بابتسامة قعد علي ركبته: تتجوزيني يا رهف.
رهف بأستغراب : ايي جواز اي دحنا لسه بنتخطب اهو
يوسف بأبتسامه: علي فكرة قبل ما تتجوزي ياسين كان طالب ايدك يا رهف وكان ممكن يتجوز بس عمره ما حب ولا هيحب غيرك.
رهف بصدمة: اي ده هو ده كان أنت يا ياسين.
ياسين بحنان: اه والنهاردة لو توافقي هتجوزك ويبقي خطوبه وشبكة وكتب كتاب ونفرح بقي يا رهف انا بحبك ومش عاوز غيرك وكفايه اوي الوقت اللي صبرته دا كله.
رهف بفرحه: موافقة.
الزغاريط اشتغلت و يوسف حضن ياسين..
بعد شوية الماذؤن جه..
( بارك لكما وبارك عليكما وجمع بينكما في خير)
يوسف بفرحه: مبروك يا عريس..
ياسين بابتسامة: الله يبارك فيك يا يوسف عقبالك.
يوسف بمرح: يعني خلاص كده يا رهف مش هتروحي معايا يا رهف بجد بجد هيوحشني طاجن المكرونه بالبشاميل اللي بتعمليهولي
رهف بدموع وضحك: هعملهم لك يا قلب اختك.
.
يوسف بهمس ل ياسين: هيحصل حاجه لو كتبت انا كمان دلوقتي.
ياسين بذهول: لا مينفعش ده النهارده ليلتي لوحدي
يوسف ببرود: لو مكتبتش علي اختك دلوقتي هاخد اختي واروح والله انت خدتها مني وانا هاخد اختك ونبقي خالصين
نفين باستغراب: بتقولوا اي.
يوسف للمأذون: استني يا شيخ خليك قاعد مكانك اكتب كتابي علي اخت العريس يلا والله لتجنن واتجوزها دلوقتي
نفين بصدمة واقفه فرحانه مش قادره ترد
ياسين ضحك: وانا العريس وأخو العروسة وموافق يلا يا شيخنا.
رهف بذهول: دا اي الجنان دا انتو بتهزرو والله العظيم.
ياسين بغمز ل رهف: احلي جنان والله مش تسمعونا زغروطه يا ناااس.
الزغاريط اشتغلت وكتب يوسف كتابه علي نفين…
بعد شويه..
ياسين دخل الشقة و رهف واقفه برا بتوتر..
ياسين بابتسامة: ادخلي يا رهف واقفه برا ليه.
رهف بكسوف: بصراحه انا مكنتش متخيلة انه كل دا يحصل في يوم وليلة.
ياسين بابتسامة: معنديش استعداد اضيع وقت تاني اخاف تضيعي مني يا رهف وانا مش هتحملها تاني انا بحبك..
رهف بكسوف: وانا كمان يا ياسين حبيتك اوي.
ياسين بفرحه شالها: ايوا بقا اخيراااا.
رهف ضحكت…
عند يوسف و نفين.
نفين بغيظ: انا معملتش حسابي علي فرح ولا حاجه انا كنت رايحه شبكة أخويا لقيت نفسي متجوزه اي الكروته دي بقا.
يوسف بحب: بذمتك مش احلى كدا احنا نلغي الخطوبات و نخليها كتب كتاب.
نفين بغيظ: والبنات تتعرف ازاي علي اخلاق الولاد ويشوفو هيرتاحو ولا لا ؟
يوسف بحب: اتفق بس مش كله عنده صبر زيي كدا.
نفين بضحك: اتفق وبشدة مفيش ذرة صبر نهائي.
يوسف باس رأسها بحب: ربنا يخليكي ليا وميحرمنيش منك ابدا ياروح قلبي انتي…
بعد مرور شهرين..
ياسين بحب: مالك يا حبيبتي في اي مش عجباني بقالك يومين.
رهف بتعب: مفيش يا حبيبي بس شويه تعب شكلي واخده برد في بطني هشرب ليمون واكون كويسه.
ياسين بحنان: لا يا رهف انا بليل هكشف عليكي مفيش منه الكلام دا.
رهف بابتسامة: يا حبيبي متخفش انا كويسه يلا روح علي شغلك بس.
ياسين بغمز: طب ما اروحش و اقضي اليوم معاكي.
رهف بدلع: تؤ تؤ روح شغلك ولما تيجي يا روح قلبي.
ياسين بحب: عيني يا نور عيني اجيب لك حاجه وانا جاي.
رهف بطفولة: اه التسالي و الشوكلاته بتاعتي اوعا تنسا يا ياسين.
ياسين بحب: ماشي يا حبيبتي.
باس راسها ومشي…
عند نفين..
يوسف بغضب: نفين دي مش طريقه قولت لك الف مرة زميلتي في الشغل و بترن تسال علي حاجه عادي.
نفين بدموع: انت بتزعق لي يا يوسف عشان بغير عليك من البت المسهوكه دي.
يوسف بعصبية: اه يا نفين عشان انا تعبت اوي من كتر الخنقة بتاعتك دي.
نفين بصت له بحزن: تمام يا يوسف انا اسفه اوي عشان خنقتك للدرجة دي.
دخلت الاوضة وقفلت الباب وقعدت تعيط..
يوسف اتنهد بغضب: يوووه غبي ازاي ازعق ليها كدا ما هو حقها بردو تغير اوووف.
تليفونه رن ب رقم زميلته قفل في وشها بزهق: منك لله يا شيخه انتي السبب انتي كمان هو انا ناقص قرف…
بليل..
رهف كانت ماسكه اختبار الحمل بصدمة ودموع: حامل طب ازاي انا كنت متجوزه جمال والدكتور قال الخلفة عندي مستحيلة.
مسحت دموعها بفرحه: ربنا كريم اووي فعلا الف حمد وشكر ليك يارب العالمين احمدك يارب علي نعمك عليا.
تليفونها رن ب رقم ياسين..
رهف بدلع: حبيبي اللي عامله له احلى مفاجأة.
ياسين بحب : مفاجأة اي يا نور عيني قولي لي.
رهف بحنان: مش هينفع في التليفون لازم تيجي حالا.
ياسين بحب: طالما خبر حلو فا انا اجيلك فورا مش هتأخر يا رهوفتي.
قفل معاها وهي بصت لبطنها في المرايا بحب: الحمدلله..
بعد عشر دقايق.
الباب خبط..
رهف باستغراب: اي دا هو لحق يجي اي السرعه دي يا عم ياسين..
لمست بطنها بحب: ابوك جه بسرعه اهو هفرحه انك هتشرفنا يا نور عيني .. ده النهارده اسعد يوم في حياتي كلها عشان انت موجود.
راحت فتحت الباب واول ما فتحته صوتت ووقعت عالارض
جمال بخبث: اي اتخضيتي يا مراتي.
رهف بصدمة :
الخامس من هنا
