رواية قسوة حماه الفصل الثاني 2 بقلم مصطفي جابر
أنا عايزاكي تتنازلي عن دهبك و عن نص البيت اللي ابني كتبه ليكي قبل ما يموت.
رهف بصدمة: هو جمال كاتب نص البيت بأسمي ؟؟
سيدة ببرود : ده بسبب حظنا المنيل يختي … اسمعي بالذوق كده تيجي معايا تمضي تنازل عن نص البيت وتديلي دهب ابني اللي في ايدك ده …ده تعب وشقا الواد الله يرحمه واحنا اولى بيه.
رهف بأبتسامه : وانا موافقه ارجع لكم كل حاجه بس اخويا معملكيش حاجه وانتي عارفه كده كويس.
سيدة ببرود: ده كان فخ يا عين امك .. منا سمعتك وانتي بتكلميه وبتقوليله يجيلك ضروري وعلشان كده انا اللي كنت بستفزه عشان يزقني او يمد ايده و عارفه انه مكنش قصده بس تقدري تثبتي دا بقا.
رهف بفرحة : الكلمتين دول عندي بالدنيا يا حماتي يا عسل
رهف فتحت تليفونها ووقفت التسجيل
شفيق وسيدة بصدمه : اي ده ؟
رهف بضحك : هتعرفو دلوقتي …. خدت التليفون وجرت دخلت المكتب
رهف بسرعه: انا معايا دليل ان اخويا برئ وهما عملوا كدا عشان يبتزوني.
ياسين باستغراب: اهدي .. اخوكي كان خارج كده كده
رهف ببرود: لا لا لازم تسمعو بس اقبضو علي الاتنين اللي برا دوا
رهف شغلت التسجيل والكل بيسمع والعسكري كان ماسك سيدة وشفيق
رهف بضحك: احسن تستاهلو ده جزاء النية السوده… انتو هتترموا في الحجز بتهمة ازعاج سلطات.
سيدة بغل وغضب: انتي مييين انتي علشان تأمريني ده انا وديني يا رهف لهخلص عليكي وانيمك في القبر قريب مع المرحوم جوزك.
يوسف ببرود: زود تهمة تهديد يا حضرة الظابط.
شفيق بخوف: انا مليش دعوه ب حاجه هيا اللي خططت لكل حاجه اه.
سيدة بغضب: بقا كدا يا شفيق بتلبسهالي ؟
شفيق بخبث بيقرب من ودانها : تبقي هنا لوحدك وانا احاول اتصرف واخرجك ولا اشرف هنا جمبك وندور علي حد يخرجنا ؟؟
سيدة بغضب سكتت والعسكري خدها الحجز وياسين خد أخته وخرج معا يوسف
برا القسم..
ياسين بهدؤء: حمدلله علي سلامتك يا يوسف.
يوسف بابتسامة: شكرا يا ياسين لولا وجودك كان زماني متبهدل.
رهف بغيظ: دا علي اساس انه عمل حاجه انا اللي خرجتك براءة علي فكره بسبب الفكره اللي رتبناها أنا وانت
ياسين بصلها ببرود وركب عربيته ومشي.
رهف بغضب و غيظ: معقول في حد بالشكل ده ؟ ده انسان مغرور اي القرف دا.
يوسف بهدؤء: اهدي يا رهف انتي اه خرجتيني من جوا بس اللي عمل كل دا ياسين.
رهف برفع حاجب: يعني اي ؟
يوسف بابتسامة: يعني انا حكيت ل ياسين علي كل حاجه لما جيت القسم واتفق معايا انه مندخلكيش جوا لانه اكيد سيدة هتيجي تهددك و تضغط عليكي وانتي تسجلي ليهم كلامهم وانا هخرج وتمت المهمة علي كده يعني كل ده مجهوده هو
رهف بتوتر : احم .. بص ميهمنش كل ده انا سمعت كلامك وعملت كدا عشانك يلا عشان نمشي بقي.
يوسف بضحك: ماشي ياختي يلا..
تاني يوم..
رهف نزلت من البيت وراحت مول تجيب لبس..
خبطت في بنت ما..
البنت بقرف: انتي عامية يا بت مش تفتحي.
رهف ببرود: والله انتي اللي ماشية مبحلقة في تليفونك وخبطتي فيا يعني انتي اللي عامية.
البنت بغضب: وانتي مالك انتي ابحلق ولا لا اي الاشكال دي.
رهف بردح: مالنا يا عنيا تكونيش بنت الوزير ولا بنت سفير.
البنت ببرود: اه بنت وزير.
رهف بسخرية: بطلوا فشخرة كدابة دنتو عالم مقرفه
: لا حضرتك هيا مش فشخرة هي فعلا بنت وزير.
بصت وراها بصدمة: هو انت.
ياسين ببرود: اه انا وابقي اخوها .
رهف بلعت ريقها بتوتر: ااحم طب طالما اخوها مش تعملوها تركز وهيا ماشيه ؟..
البنت بغيظ: أنا جبت اخري منك انتي مالك
ياسين بهدؤء: معلش يا نفين دي رهف اخت يوسف صحبي.
نفين قلبها دق لما سمعت اسم يوسف وبصت ل رهف بابتسامة: انتي اخت يوسف بجد..
رهف باستغراب: اه.
نفين بابتسامة: حقك عليا معلش اخوكي دا عزيز علينا كلنا و هو يعتبر اللي مربيني مع ابيه يوسف اتشرفت بيكي.
رهف بابتسامة: انا اشرف.
ياسين كتم ضحكته..
نفين بضحك: يسلام يولاد هو دا فن الرد الحقيقي
ياسين بهدؤء: يلا عشان منتأخرش وانتي بطلي مشاكل كل شويه .. يلا عشان اوصلك.
رهف بصت له بقرف ومشيت..
نفين بذهول: اوبا دي طنشتك ومشيت يا كسفتك يا حازم.
ياسين بغيظ: بت اتلمي اسبقيني علي العربية وانا هشوف البلوة دي شكل كل خطوة ليها ب مصيبه.
نفين ضحكت ومشيت..
عند رهف.
ركبت الاسانسير وهو دخل وراها: ازاي تتجاهلي كلامي وتمشي كده انتي هبلة ؟
رهف بدوخه: ملكش دعوه بيا واتفضل غور.
ياسين بهدؤء: بصي انا عارف انه انا اللي عاملتك وحش الاول بس انا مبعرفش اتعامل مع صنفكم.
رهف بتعب: مطلبتش تتعامل معايا.
ياسين بقلق: مالك في اي.
رهف بدوخه: عندي فوبيا وبدوخ من الاسانسيرات.
كانت هتقع سندها: طب تعالي ياختي بتتعبي منه ورايحه تركبيه ؟ مش بقولك هبله من فراغ والله
خرجت وهو ساندها..
قعدها علي كرسي: استني هجيب لك عصير..
رهف بدوخه: لا انا عاوزة فراخ
ياسين بضحك: حاضر هجيب نفين واجيب لك نص فرخه..
رهف بابتسامة: تسلم بسرعه بس انجز
ياسين بص لها بقرف و رن علي اخته جت ودخلوا مطعم كلوا وكانو بيتكلموا مع بعض..
نفين بابتسامة: عارفه انتي دمك خفيف اوي يا رهف.
رهف بابتسامة: وانتي كمان عسل اوي لولا الموقف اللي حصل من شويه كان زماني كارهاكي والله.
نفين بضحك: وانا كان زماني حبساكي والله
ياسين بملل: نخلص بقي عشان اروحكم عندي شغل.
رهف ببرود: تقدر تروح أنت ونشوف شغلك واحنا هنتمشي شويه ونبقي نروح ولا اي يا نفين.
نفين بابتسامة: وانا موافقة روح انت يا ابيه.
ياسين بهدؤء: تمام بس مش عاوز مشاكل يا نفين متمشيش ورا الداهيه دي.
رهف بغيظ: في اي بقي ما تخليك في حالك يا عم مالك بيا
ياسين ببرود: يا عم ؟ عم لما ينططك يا شيخه اوعي.
رهف بغيظ: هو كل لما يشوف وشي يقعد يقولي اوعي اوعي هو انا سدالك الطريق ؟
مشي ونفين ضحكت: يلا نعمل شوبنج كدا ونشوف هنجيب اي.
رهف بفرحه: يالله تعالي
بعد شويه..
ياسين كان في مكتبه قاعد معا يوسف .
ياسين بقلق: مش عارف قلقان كده ليه بس يا ريتني ما سبت اختي مع اختك.
يوسف بابتسامة: يا عم متقلقش ثق في اختي وبعدين دول ميتخفش عليهم.
ياسين بقلق: بعد كلمة ثق في اختي دي انا قلقت اكتر مش عارف ليه.
يوسف بابتسامة: لسه بتحبها يا ياسين.
ياسين بتوتر: مين دي اللي بحبها يا يوسف.
يوسف بهدؤء: متعملش عبيط انت بتحب رهف من زمان من لما كنت بتيجي تستناني وتشوفها وهيا نازلة الدرس.
ياسين بهدؤء: دا موضوع واتقفل من زمان يا يوسف وهيا
راحت ل صاحب نصيبها.
يوسف بهدؤء: طلما اتقفل متجوزتش ليه من بعد اما عرفت انها هتتجوز.
ياسين بغضب: م خلاص بقا يا يوسف اقفل ام الموضوع ده
يوسف بحزن: انا عارف انك مصدوم من وقتها في اليوم اللي طلبتها أيدها مني اتفاجأة انه هيا جاي ليها عريس وموافقه عليه ورفضتك من قبل ما تعرفك حتي.
ياسين بجمود: النصيب يا يوسف و لو أنا غالي عندك بلاش تفتح الموضوع دا تاني.
يوسف بهدؤء: ماشي يا ياسين ربنا يريح قلبك ويرزقك ببنت الحلال اللي تستاهلك
بيخبط العسكري وبيدخل..
ياسين بهدؤء: في اي يا عسكري.
العسكري: يا باشا في اتنين شباب مصر بين وعايزين يعملون محضر برا و مسكنا البنتين اللي ضربوهم
ياسين باستغراب: اتنين بناات ضاربين اتنين شباب ؟انت بتهزر ؟
العسكري: لا يا بيه هما فعلا اتنين رجالة هما المضروبين و في واحد بيقولوا هرب من البنتين دول
ياسين بصدمة : طب دخلهم لي بقي لما نشوف اي حكايتهم دول
يوسف بضحك: بقي بنتين هما اللي ضربين اتنين ولاد والتابلت جري سبحان الله دي بنات اي دي ؟
العسكري دخل الاتنين.
ياسين بهدؤء: اي يا بني اللي بهدلكم وعملت فيكم كده ؟
وفين البنات يا عسكري
العسكري دخل البنات: اهم يا باشا البنتين اللي عملوا كده
ياسين و يوسف بصدمة: نهاركم أسود رهف و نفين ؟.
