الفصل الثاني.
وصلت جودي بصحبة المحامي فتحي الي قسم الشرطه،
ودخلا الي غرفة المأمور.
حيث كان امين مع سيد.
وفور وصولهم.
كان امين قد خرج.
وقابلهم بالممر مبتسما
ولما رآهم قال لهم.
الموضوع خلص. وسيد اتنازل.
والمأمور. حرق المحضر والشيكات
تصورو المفتري بيطالبها بأربع الاف جنيه بس
يعني كل البهدله اللي فيها المسكينه دي علشان اربع الاف جنيه.
وهنا قاطعت فرحته جودي بقولها:- الشيكات كانت مكتوبه باسم مين يا امين؟
تعجب امين،
وقال متسائلاً:- باسم اسماء طبعا..
فتحي:- انت تعرف يا امين ان اسماء ماتعرفش اسمها بالكامل
وانها قالت انها كانت تايهه
وماعندهاش بطاقه ولا شهادة ميلاد ولا اي اوراق،؟
وهنا وضع امين يده علي رأسه
وقال:- يااااااه. اذاي فاتتني دي؟
بس دا المأمور. فعلا مارضاش يخليني ابص في الشيكات. واقرا المبلغ
وقطعهم قدامي هم والمحضر.
وحرقهم.
فتحي:- طيب شفت اول ما جينا نسأل عن عنوان سيد. علشان نروح له
المحضر كان مكتوب فيه. اسم اسماء بس
وانا استعجبت. وقولت يمكن خطأ من اللي كتب المحضر،
او هيكملوه بعدين..
امين:- يعني ايه؟
جودي:- يعني الموضوع اكبر من كونه ان الغلبانه دي مضت علي شيكات. وجايه هنا بسبب كده..
هي اصلا لما اتسألت عن سبب وجودها
قالت انهم فهموها انها هتطلع شهادة ميلاد للبنت
واتفاجئت انهم مكلبشينها مع المجرمين
امين:- اومال ايه موضوع الشيكات ده؟
فتحي:- دا بقي اللي هنخلي سيد يقولهولنا
امين:- سيد؟. دا لسه عند المأمور. ما خرجش
فتحي :- طيب يلا بينا نستناه تحت. . .
امين وقد هم بالدخول الي غرفة المأمور.
لحقه فتحي وامسك به وقال.
ماتخليش المأمور يعرف انك فهمت الحكايه
لو عرف. هيخفي كل الحقايق لانها اكيد تدينه
لانه كل اللي عمله ده مش قانوني
وبعدين بحرقه للشيكات والمحضر
بكده هو في السليم
امين:- اذاي يعني؟
فتحي: – يعني بكده اسماء ما دخلتش القسم اصلا
ولا اللي حصل ده كله له دليل
احسن حل
اننا ننزل نستني سيد تحت
وناخده. وهو كده كده بيخاف وهيعترف بكل شئ.
جودي:- فعلا فتحي كلامه صح
نزلا الي اسفل ووقفوا امام القسم
منتظرين نزول سيد
ولكن ذلك لم يحدث
طال انتظارهم. وتأخر الوقت. علي ذهابهم الي عز الشافعي والد جودي والذي دعاهم لزيارة اخيه.
فقالت جودي:- وبعدين يا امين؟. اتاخرنا علي بابا.
واللي اسمه سيد ده اتاخر
ليقول فتحي المحامي:- سيد ده لو اللي في دماغي صح،. يبقي مش هتعرفو توصلو له تاني
امين بتعجب!:- اذاي يعني!!
فتحي وقد وضع يده اسفل فمه
والاخري في جيب بنطاله
وقال شارداً
اصل اللي في القسم مرتبكين من الموضوع ده
ومتاكدين من اللي عملتوه مع اسماء انكم هتدورو علي الحقيقه
وسيد ده هو السبيل الوحيد ليكم انكم تعرفو الحقيقه
ليرد عليه امين. مكملاً لكلامه. :- بكده هم هيخفو سيد ده خالص ومانعرفش نوصل له
امين:- بالتاكيد ،
وكمان احتمال يخفوه خالص الفتره اللي جايه
دا لو هما فعلا عملو كده
يبقي الموضوع فعلا يستاهل
وفيه حاجه كبيره ورا موضوع اسماء
جودي وقد رن هاتفها:- امين. بابا اتصل عشر مرات
امين:- طيب روحي انتي واعتذريلي منه
انا هرجع المستشفي وافضل جمب اسماء
دول ممكن يعملو فيها حاجه
وفتحي هيفضل هنا شويه. يمكن اللي اسمه سيد ده يظهر
جودي وقد انتابها الغضب قليلا:- يا امين الدكتور هناك متابعها بنفسه
واسماء قاعده معاها.
خلينا نروح علشان بابا هيزعل لو ما رحناش معاه عند عمي
امين بهدوء:- طيب ماشي.
يلا بينا.
وانت يافتحي. خليك شويه
وابقي بلغني باي حاجه تحصل
ثم انصرفا بسيارة جودي الي مكتب والدها.
في المستشفي. كانت ياسمين تنتظر خروج اسماء من غرفة الاشعه
حين رن جرس هاتفها.
واجابت. فإذا بها والدتها
تقول لها:- انتي فين يا بنتي خطيبك بقاله ساعه قاعد مستنيكي
الشغل لسه ماخلصش؟
لترد عليها بصوت متحسر:- يااااه والله ياماما غصب عني
حصلت ظروف كده،
لترد والدتها بغضب:- ظروف ايه بس يابنتي
مايصحش كده. كل ما خطيبك ييجي تعملي فيه كده
دا الراجل يقول انك قاصده ده في كل مره يجي عندنا.
ياسمين:- والله ابدا يا ماما. اما اجي هاحكيلك
لتقول لها والدتها:- طيب اقفلي معايا واتصلي عليه
وقوليلو هو ظروفك
وقوليله انك جايه في السكه
ياسمين:- حاضر يا ماما.
وبالفعل اغلقت ياسمين الخط
واعادت الاتصال ب. ادم. خطيبها.
ياسمين:- ادم ازيك عامل ايه
ادم بصوت منخفض:- هكون عامل ايه يعني يا استاذه!
ياسمين:- انت زعلت؟
ادم بضحكه خفيفه بصوت خافت:- يا جزمه كل مره كده اجي مالاقيكيش
حماتي تقول عليا ايه. مش مسيطر
وهنا ابتلعت ياسمين ريقها.
وقالت:- وربنا يا ادم لو تعرف اللي حصل هتعزرني
ادم:- وانا من يعزرني
مانتي عارفه امك اول ما اجي عندكم
بتفضل تحلف عليا. اكل الحلويات اللي بتعملها
والعصير
والسحلب. والبطيخ
وتقريبا عاوزاني ابقي زي احمد حلمي في فيلم اكس لارج
ماحدش بينقذني منها غيرك
ده بس اللي مزعلني
ياسمين ضاحكه. :- طيب اعمل نفسك عيان لعند ما اجيلك
وماتحطش حاجه في بوقك.
ادم:- بسرعه والنبي علشان شايفها بتقطع في جلاش باللحمه جوا المطبخ
ياسمين :- مسافة السكه وهكون عندك.
في فندق المريديان بالقاهره
في ساعة متأخره من اليل.
يجلس ابن رجل اعمال ثري جدا سنرمز له بالغامض
في جناحه بالفندق
ويدخل عليه صديقه الضابط عماد
يسلم عليه ويجلس امامه
فيجلس الغامض
ويضع قدم علي قدم
ويشعل سيجارا كوبيا فخم
ويبدء باطلاق الادخنه
ويصب بعض الخمر في الكؤوس له وللضابط
ويقول:- ايه بقي يا عصام ،
عملت ايه في موضوع البنت؟
عصام:- بص يا باشا. الموضوع ده بسببه النهارده
حصلت لنا مشكله كبيره اوي
ومش عارفين لسه هترسي علي ايه.
الغامض:- بص يا عماد.
مشاكلكم دي ما تشغلنيش
انا عاوز البنت دي تكون عندي قبل يوم التلات اللي جاي.
وتكون اوراقها خالصه
بطاقه وباسبور انا مسافر. الخميس
ولازم تكون عندي قبل ما اسافر
عماد بغضب:- يا باشا. البنت في المستشفي
وبقولك كانت هتحصل لنا مصيبه بسببها النهارده
عماد وقد مد يده الي الطاوله التي امامه
امسك بدفتر الشيكات
ووضع السيجاره جانباً
وامسك بالقلم
وبدء يكتب له شيكاً
وهو يقول:- ده شيك بخمسين الف جنيه
تخلص بيها المشاكل
وتعالجها.
وتكون عندي يوم التلات زي ما قولتلك.
وخد خط مفتوح اهو
عماد ضاحكا:- مش بعتو الشركه خلاص
الغامض:- بعناها في عقول اللي زيك
عماد وقد كاد ان يجن جنونه من حيرته
فالمبلغ مغري جدا
والامر اصعب واصعب
فقال عماد وهو يمد يده يأخذ الشيك
بص ياباشا. انا هاعمل اللي هقدر عليه
بس لو ما قدرتش. تتصرف انت بمعرفتك.
الغامض:- انت عارف اني كنت اقدر اجيبها امبارح قبل النهارده
بس انت عارفني. ما بحبش الغلط
انا قولت تخلصو اوراقها.
واكمل الموضوع بصفه رسميه
وانقذها من القرف اللي عايشه فيه
وفي نفس الوقت افيدك
عماد:- طيب اديني فرصه ليوم التلات
وهبلغك باللي هيحصل في التليفون
ثم قام عماد وانصرف
وصل امين وجودي ووالدها ووالدتها. الي فيلا نعيم الشافعي.
وكان قد اعد حفله للاحتفال بعيد ميلاد ابنته الوحيده كارما.
وكان المعازيم. لفيف من رجال الاعمال والسياسيين
والفنانين والاعلاميين.
فنعيم الشافعي كان رجل اعمال ناجح.
ظل امين جالس شارد الذهن
متشتت الفكر يبدو عليه الحزن
وكانت جودي وامها ينظران لبعضهما البعض متعجبين من جلوس امين بهذه الطريقه
فالام لا تعلم ماحدث
وانما انتبهت لحالته التي لا تدل انه بخير
بعد برهه. اتت كارما. والتي كانت ترتدي فستاناً قصيرا.
وسلمت عليهم.
وجلست بجوار امين. والذي كانت معجبه به جدا
وفي كل مره يتقابلون فيها.
تحاول الاكثار من الحديث معه
مما يثير غضب جودي
فقالت كارما:- مالك يا امين. انت شكلك زعلان علشان ما جبتليش هدية معاك
ولا تزعل
مجرد حضورك دا انا بعتبره هديه كبيره
لترد جودي بصوت حاد:- لا هو مش زعلان
دابس احنا كنا في شغل
وجايين من غير ما نخلصه. علشان عمي ما يزعلش
وامين كان حابب نكمل الشغل
بس انا اصريت اننا نيجي نأدي واجب
نظرت اليها كارما بغضب وقالت:- فيكي الخير يا جودي
انا مش عارفه ليه انتي تاعبه نفسك في الشغل والهم ده
ياريتك تعملي زيي وتكبري دماغك من الشغل اللي بيشغلك علي طول ده
جودي:- انا بلاقي نفسي وبحس بقيمة نفسي اما بشتغل واتعب.
ماتعودتش اقعد في البيت.
وهنا تدخلت والدة جودي للتخفيف من حدة الحديث
وقالت ل كارما. هي فين مامتك يا كارما.
تعالي معايا اروح اسلم عليها
فقامت كارما غاضبة
تنظر لجودي بغيظ
ثم نظرت الي امين وقالت. بعد اذنك يا امين
هرجع لك تاني. وانصرفت
رفع امين رأسه بصعوبه واكتفي بتقلد الابتسامه وهز رأسه.
وبعد ان انصرفت كارما
قالت جودي مخاطبة امين:- بارده اوي البنت دي
يارتني سمعت كلامك وما جيناش من اساسه
امين:- عايز اتطمن علي اسماء يا جودي
ماتيجي نروح نشوفها
جودي:- امين انت متأثر اوي بالموضوع ده ليه
فحملق لها امين بعينيه،
معلش سوري اني قولت كده
وانت عارف اني متأثره زيك ويمكن اكتر
بس ماتخليش الموضوع ده يأثر علي نفسيتك
علشان خاطري
وهنا رن هاتف امين
فأجاب
فإذا به فتحي المحامي
امين:-ايوه يا فتحي ازيك
وفجأه وقف امين مندهشا
وقال:- انت بتقول ايه.
طيب انا جاي بسرعه.
…….
بينما كان امين وجودي جالسين بحفل عيد ميلاد كارما بنت نعيم الشافعي.
رن هاتف امين
وكان المتحدث. فتحي المحامي
امين:-ايوه يا فتحي ازيك
وفجأه وقف امين مندهشا
وقال:- انت بتقول ايه.
طيب انا جاي بسرعه.
التقط امين معطفه. وهم بالخروج
وكانت جودي معه
لم تسأله ماذا حدث
بل فرحت في قرارة نفسها في مجرد الخروج وابعاد امين عن كارما التي اخبرته انه ستعود لتكمل الحديث معه
ركبا سيارة جودي.
وطلب منها امين. ان تذهب الي مكتب فتحي المحامي. بمنطقة المعادي.
وفور وصولهم
وصعودهم الي المكتب
كان فتحي يجلس علي مكتبه
وامامه بعض الاوراق
فسأله امين. :- ورق ايه اللي قولتلي عليه ده يافتحي،؟
فتحي:- بصو يا جماعه
انا بحكم شغلي اعرف ناس كتير في القسم
ومن ضمنهم واحد شغال في قسم استخراج البطايق
ولما اتكلمت معاه عن الموضوع ده
وحاولت اخد اي معلومه منه
هنا كانت المفاجأه
الراجل ده قال اي انهم طلبو منه استخراج بطاقه
بأسم البنت دي
وهو طلب منهم بعض الاوراق
كشهادة ميلاد وقسيمة جواز وباقي الاوراق
واتفاجئ انهم طلبو منه انه يضرب الاوراق دي
ويعمل لها البطاقه وعرضو عليه فلوس
ومع الفلوس كان فيه عرض تاني
انه لو رفض او اتكلم. هيكون مصيره انه يلبس تهمه ويروح في داهيه
الراجل علشان في رقبته ورطة عيال
قرر انه يسمع كلامهم
ويعمل اللي يقولوله عليه
وهم في ايدهم السلطه
يعني الموضوع هيعدي من غير شوشره
في النهايه. طلب منهم يجيبو البنت
علشان يعمل لها بصمات. ويكمل الاجرائات
وهو نفس اليوم اللي كنتو فيه في القسم
وحصل اللي حصل
جودي؛- يعني اسماء كانت رايحه القسم علشان يعملولها. اوراق.
امين:- وموضوع قضية الشيكات ده. اخترعوه علشان يدارو بيه موضوع الاوراق ده
فتحي:- السؤال المهم:- ليه عاوزين يعملو لها اوراق؟
وليه كدبو ولفقولها تهمه علشان موضوع الاوراق ده ما يتعرفش؟
…………………….
يجلس في احد جراشات منطقة شبرا
شاب يدعي سيد وهو في السابعه والعشرين من عمره
نحيف واسمر وطويل
يرتدي فانيله بيضاء بحمالتين
ويضع وشما علي كتفه
ويرتدي سلسله برقبته عليها رسمة جمجمه
يشرب سيجارة من مخدر الحشيش
وتجلس امامه. والدته. ام سيد
تضع الملابس في اناء وتغسلهم
قال سيد:- البت وحشتني ياما.
يارتني ماكنت سمعت كلامك
ام سيد:- بت ايه اللي وحشتك ياواد
عليا انا الكلام ده
سيد:- ياما الضني غالي برضك. ولا انتي هتحسي …
اذا كنت انا ابنك اهو. وبتكرهي سلسفيل ابويا
ام سيد:- من عمايلك يابن الهربان ياوسخ
سيد:- عمايل ايه يا ست انتي
ماتبصي لعمايلك
هو هرب من عمايلك السوده
امسكت ام سيد بعض الملابس وقذفته في وجهه
فابتلت ملابسه
وقالت:- عمايلي يابن الكلب يا واطي
دانا كنت بصرف عليك وعليه
وكمان مش عاجبكم
وهنا رن هاتف سيد
ونظر في هاتفه وقال لامه
استني ياما. الراجل بتاع موضوع اسماء بيتصل
الغامض:- ازيك يا سيد
سيد:- حبيبي ياباشا عامل ايه
الغامض:- بص يا سيد. انا وعدتك لو الموضوع خلص لك خمسين الف جنيه
سيد:- ماهو الموضوع خلص ياباشا
والبنت راحت القسم من امبارح
وتلاقي كلو في السليم واوراقها خلصت
الغامض:- للاسف يا سيد. حصلت شوية مشاكل والبنت راحت المستشفي
سيد:- لاااااا ياباشا. ما ياكلش معايا الكلام ده
انا عايز حقي
ماليش فيه
انا سلمتكم البنت وسلمتلكم ضنايا معاها.
يعني حوارتكم دي ماتخيلش عليا
الغامض بغضب:- اهدي بس واسمعني للاخر…
سيد:/ اتفضل ياباشا
الغامض:- الخمسين الف هيبقو ميه.
لو قدرت تخرج اسماء من المستشفي
وتجيبهالي علي الفيلا اللي في الفيوم.
سيد:- دانا اجبلك ابوها كمان
بس بقولك ايه ياباشا.
المرادي اجبلك اسماء. تكيشني علي طول. اه
الغامض:- هاتهالي زي ما قولتلك
هتلاقي ال100 الف جنيه جاهزين
واغلق الغامض الهاتف…..
………….
في منزل ياسمين
كان خطيبها ادم يجلس مع والدتها.
وعند دخولها.
ظلا يتحدثان
واخبرته ياسمينبما حدث
وتأثر ادم بما حدث ل اسماء
واخبرته ان ذلك هو سبب تاخرها عليه
فتعجب ادم من تلك القصه
وقال:-ايوه يعني علشان البنت كفيفه
يمضوها علي شيكات
وتلاقيها يا عيني ماتعرفش هي مضت علي ايه
ياسمين:- دي مابتعرفش تقرا ولا تكتب.
ادم:- يبقي هتمضي اذاي
ياسمين:/ يمكن بصموها
ادم:- يا ساتر هو فيه ناس كده
داحنا بقينا في زمن مايعلم بيه الا ربنا
ياسمين:- علي فكره يا ادم. اللي زي اسماء دول بقم كتير اوي الايام دي
اللي بيوقع عليهم الظلم
اللي بيتعرضو للاستغلال
اللي بيكونو ضحايا للمجرمين والمتكاسلين
والبلطجيه. واصحاب السلطات
ادم:- بقولك ايه شغل الصحافه السياسيه ده سيبك منه
وخلينا في حياتنا احسن
ياسمين:- محزن جدا يا ادم ان يكون مجرد الحديث عن الناس المظلومه دي بقي جريمه في الزمن ده
انك تتكلم عن الحق بخوف
او تطالب بابسط حقوقك بحذر
ادم:- بقولك ايه. ماحدش بيظلم حد
هي بس الظروف بتكون صعبه مع بعض الناس
بس ربنا بيعوضهم في الاخر
ياسمين:- بس ربنا ساعات بيخلينا سبب علشان ننقذ حد
نفك كرب حد
نفرج ديقة حد
وبيكون امتحان لينا
احيانا. يلا نفسي
واوقات وانا مالي انا فيا اللي مكفيني
وقليل جدا. اننا نقول لنفسنا.
هو ليه ربنا رمانا في سكة الناس دي
اكيد له حكمه.
وكان فيه واحد عابد زاهد زمان كان بيقول
اللهم اجعلني سببا للتفريج عن عبادك
واستخدمني للخير وارمني في طريقه
ادم:- ما شاء الله تبارك الله.
واحب في هذه اللحظه اهديكي اغنية اخترت صح
ياسمين:- يعني عماله اوعظ واخطب وفي الاخر تهديني اغنيه انت شطان ياعم الحاج
ادم ضاحكا:- انا شطان. يعني اقول لامك اخليها تحرمك من العشا.
…………
عاد امين الي شقته
محاولا النوم.
ولكن
يتبع …
