رواية الوعد والرحيل الفصل الخامس 5 بقلم حمدي محمد
في الصباح. المأمور. ومعاه رجل اعمال
ومعاهم ظابط من القسم.
راحو عند بيت جابر
وركب معاهم علشان يوريهم المقبره
وراحو عند بير الجوادي.
في نفس الوقت كان اسد اخد ابن الراجل اللي مات في المقبره
وراح وراهم.
لما وصلو هناك
وجابر مشي قدامهم
ووقفهم علي سلم المقبره
المأمور قال لجابر. انزل قدامنا.
جابر قال. استني شويه اما الصحبه تكمل
المأمور:- صحبة ايه يا جابر.
جابر:- بص وراك
بص المأمور وراه
شاف عربيات شرطه وعربيات هيئة الاثار
وسيارة المحافظ
وقفو حواليهم. وحاوطوهم.
جابر قال:- كنت هتدفني هنا ولا كنت هتسيبني ارجع.
المأمور. :- احنا جايين نحقق في واقعة مقتل الراجل اللي جثته تحت.
جابر:- انت فعلا جاي علشان الجثه اللي تحت ، بس مش جثة الراجل. جثة الملك اللي راقد مع دهبه.
وصل كمان اسد وابن الراجل.
واستأذن جابر من المامور انه يصطحب ابن الراجل
وينزل مع علماء الاثار
وبالفعل نزلو.
وشاف الابن ابوه في احد الممرات عباره عن هيكل.
والدهب جمب منه.
فتاكد الابن ان عمه ماقتلش ابوه.
ورجع مع جابر واسد.
وهيئة الاثار اتحفظت علي المقبره. تمهيدا لنقلها للمتحف.
والمأمور واللي معاه اتقبض عليهم.
.
وهم راجعين اسد بيقول لجابر.
تفتكر يابوي العمده ماجاش معاهم ليه.
جابر:- المأمور ماكانش عاوزه يشاركهم
وكمان علشان مايعرفش لما يدفنوني هناك.
اسد:- يدفنوك! كيف؟
جابر:- علشان ماطلعش سرهم.
اسد:- الحمد لله انك اتصرفت كده يابوي
جابر:- ربنا يستر في اللي جاي
رجعو البيت. ، جابر نادي علي صابر اخوه
واولاده حسن وحسين
وقال:- اسمعو الكلام ده زين.
علشان بعد كده ماحدش يلومني في اللي هعمله
ابوي الله يرحمه عاش طول عمره يصلح بين الناس
وكان له مقامه في البلد وفي البلاد اللي حوالينا.
وانا من بعده حافظت علي الورث ده
ومش هسمح لحد يضيع كل ده.
اللي هيلتزم. ويحافظ علي اسم عيلة الحكايمه.
هيتشال علي الراس.
اما لو حد سولت له نفسه
ويمشي في طريق الغلط.
مش هيلحق يكمل فيه.
من النهارده لو جات شكوي عن حد في اولادك يا صابر
العقاب هيكون الضعف
ومن هنا ورايح. مش عايز عينك تغفل عن اولادك.
ولو ماعرفتش تسيطر عليهم
قولي. وانا احبس التخين فيهم في حوش البهايم
واعلفه تبن مع الجواميس.
خلص جابر كلامه. وكان صابر واولاده متغاظين جدا
بس ماحدش فيهم قدر يرد.
،…..
نبيله اتصلت بنانا.
وقالت لها ان باباها تعب
وهم في المستشفي
طلعت نانا من الشغل بعربيتها.
وراحت المستشفي.
اتطمنت علي باباها. وراحت للدكتور
الدكتور قالها ان باباها عنده السكر مرتفع.
رجعت نانا. وقالت لوالدها ووالدتها.
وخدتهم ورجعت عالبيت.
بعد شويه جات مرات سليم. اروي
ودنيا وشريف اولادها.
فضلت اروي تقول لسليم. :- انا قولتلك خليك عندنا. من زعلك هنا خلي السكر رفع عندك
نبيله:- ومن قالك اننا بنزعله
سليم:- اروي اسكتي بقي
نانا:- هو ايه اصلو ده. هو شكالك ولا قالك ان حد زعله.
سليم:-وبعدين معاكم. اقوم امشي يعني.
نبيله:- قوم خش اوضتك ارتاح انت.
اروي:- يرتاح فين. لا طبعا هو هيجي معايا
نانا:- بعد اذنكم هو اللي يقرر
والمكان اللي يرتاح فيه يفضل فيه
سليم:- روحي انتي يا اروي والاولاد
وانا بكره ان شاء الله هاجي عندكم.
زعلت اروي وخدت شريف ودنيا.
وخرجت.
اما نانا. دخلت اوضتها. فضلت تبعت رسايل ل اسد. مايردش
سابت التلفون. ونامت.
صحيت باليل. اول ما قامت بصت في التلفون.
مالقتش رد من اسد.
استغربت.
قامت خرجت. شافت مامتها وباباها قاعدين في البلكونه بيتكلمو
قالت لهم انا هخرج مع لوجين ومها.
سليم :- هو كل يوم
نانا :- هنشتري شوية حاجات.
نبيله:- طيب ما تتاخريش
نانا. :- اوك
خرجت نانا. وقابلت لوجين ومها وخدتهم بعربيتها.
وراحو مول. وفضلو يتسوقو.
وخلصو ووصلتهم نانا ورجعت البيت.
شافت امجد واخته. قاعدين مع سليم ونبيله
سلمت نانا ودخلت غيرت هدومها.
وخرجت كانت نبيله جهزت العشا.
وقعدو عالسفره يتعشو
وكان سليم بيتكلم مع امجد
ونبيله بتتكلم مع لوسي اخت امجد
ونانا كانت ماسكه التلفون ومتوتره من عدم رد اسد عليها.
……
العمده بعت لصابر. واولاده
راحو للعمده من غير ماحد يشوفهم.
قعدو وشربو الشاي معاه في الدوار
وحكالهم علي اللي عمله جابر مع المأمور
وقال لهم ان رجل الاعمال اللي كان مع المأمور
خرج من القضيه.
وعايز ينتقم من جابر
وكلم العمده علشان يساعده في الانتقام
صابر:- وهو جابر ماله بالموضوع ده
العمده:- مش هو اللي عمل لهم كامين وسلمهم للحكومه
حسن:- طيب ورجل الاعمال ده عايز يعمل ايه
العمده:- عاوز يأذيه زي ما ضيع منه المقبره والدهب.
حسين:- وعاوزك انت اللي تقوم بالمهمه دي
العمده:- وعارض فلوس كتير
بس انا قولت ماحدش هيساعدني في الموضوع ده غيركم
صابر:- وانت فاكر يعني هنساعدك في ده
العمده:- لا طبعا. انا متاكد كمان
حسين:- وايه اللي مأكد لك كده.
العمده:- انا اقولك
جابر حاليا هو وابنه. بيمشو كلمتهم علي الحكايمه
وانت واخوك وابوك. مالكمش كلمه بيناتهم
ولو انتو مكان جابر في موضوع المقبره ده
كان زمانكم بتلعبو بالملايين
بس عمك ده فقري
وهيفضل طول عمره الفقر ماسك في توبه.
وده اللي خلاني افكر.
واقول. ليه انتو مش تبقو الكبار
وكلمتكم سيف تمشي عالكل.
صابر :- وده اذاي بقي.
العمده:- ساهله قوي. بس المهم تكون فيه نيه
حسين:- اعتبر النيه موجوده
وشوف هتعمل ايه واحنا معاك.
حسن:- بس هناخد مقابل من رجل الاعمال ده.
صابر:- لا طبعا. بلاش نوقع نفسنا في مشاكل
العمده:- المشاكل دي مش هاتبطل ترف علي دماغكم طول ما جابر موجود.
صابر:- يعني ايه المطلوب
العمده:- بعد يومين واحد من رجالة .النسر. رجل الاعمال هياجي حداي
ونقعدو معاه ونشوفو مخطط لأيه.
واحنا نتفق وننفذ.
وانا متاكد ان الراجل ده
هياجلنا من وراه خير كتير
والفرصه مابتجيش غير مره وحده
احسبوها. وبعد يومين تاجوني
ونقعد مع الراجل.
وانصرف صابر واولاده
ورحعو بيتهم
كانت بدور قاعده هي واختها هناء
وقعد صابر واولاده يتشاورو في الموضوع
وكانت هناء في الاوضه اللي جمبهم.
وقامت بدور راحت عندهم
وفهمت هناء الموضوع.
…..
اسد قاعد مع ابوه وامه باليل.
قالت فاطمه:-اسمع يا جابر.
يوم الخميس هنروح دار اختي نخطبو عيشه ل اسد.
اسد:- وه ياما مش حكينا فيه الموضوع ده
جابر:- ورافض ليه بس ياولدي
اسد:- يابا عيشه زي اختي. وبعدين انا لسه بدري عليا في موضوع الجواز ده.
فاطمه:- لا مش بدري. انا معنديش غيرك عاوزه افرح بيك
اسد:- والله هتفرحي ياما بس في وقته لما يريد ربنا
جابر:- فيه حد تاني في دماغك يعني
اسد:- والله مافيه يابوي.
بس ان شاء الله لما الاقي حد اختاره هقولكم
فاطمه:- وانا مش هجوزك غير عيشه
اسد:- شوف يابوي ماتقولها حاجه
جابر:- سيبيه براحته يا فاطمه
فاطمه:- خلاص ماليش صالح بالموضوع ده
ولا هتدخل لك في حاجه ي
قام اسد وباس راس فاطمه وايدها.
وقال:- ياما الجواز ده قسمه ونصيب
وقبول. مافهوش فرض
فاطمه بزعل:- وعيشه مافيش زيها في البلد ادب وجمال ووقار واحترام واصل
اسد:- والله عارف ياما.
وعمري ماقدر علي زعلك
بس اديني فرصه افكر
وان شاء الله خير
بصت له فاطمه وقالت:- ماشي. فكر براحتك.
وانا متاكده انك هتفرحني.
جابر:- انت صوح كنت تقولي راجع مصر تاني ليه
فاطمه:- ويرجع ليه تاني
اسد:- هروح اقدم في معمل واشتغل شويه
فاطمه :- لا. خليك في الارض مع ابوك
اسد:- ياما الارض مش محتاجاني.
انا اتعلمت وخدت شهاده علشان اشتغل بيها في مجالي
فاطمه:- طيب اتوظف هنا. او في المركز
اسد:- هنا زي هناك ياما.
جابر:- سيبيه علي راحته يا فاطمه
هو عارف مصلحته.
……..
في اليوم التاني. اسد سافر القاهره
ونزل في نفس الفندق اللي كان فيه.
وشحن باقة النت.
وشاف رسايل نانا.
ورد عليها. وقال لها ان النت كان فاصل عنده
وانه رجع القاهره.
نانا شافت رسايله. كانت في اوضتها
وكان الوقت باليل متأخر
بعتت له صوره
وقالت:-اتصورناها امس فيها انا ولوجين ومها
وقالت له. تعتقد انا مين فيهم.
اسد عمل دايره علي وشها وبعت لها الصوره مره تانيه
اتفاجئت نانا. وقالت:- بالله عليك عرفت اذاي
اسد:- انتي بتخرجي بشعرك يانانا. !
نانا:- اه عادي
اسد :- وبتلبسي بنطلونات جينز؟
نانا:- يا بيبي دا لبس الشغل.
اسد:- يا ايه؟؟؟. معلش حضرتك بلاش الكلمه دي
نانا :- اسفه يا اسد بس انا بتكلم معاك بحريه وكده يعني
اسد:- وانتي شايفه الحريه في لبسك للبنطلونات. وخروجك بشعرك.
نانا:- ماهو انا ستايلي كده يا اسد.
وبعدين عاوزني اخرج اذاي يعني.
اسد:- زي الناس. تلبسي عبايه سوده. وتحجيبه
نانا:- ههههه ماينفعش ياعم والله مابقدر البس كده. حاولت كتير.
اسد:- واذاي اهلك بيسمحولك تروحي الشغل كده
لقمة العيش اللي تجي بغضب ربنا بلاش منها.
نانا :- يا اسد بابا وماما. مالهمش صالح بلبسي
انا ستايلي كده.
اسد:- بس كده مش صح يا نانا.
نانا :- طيب والله هحاول.
اسد:- بصراحه انا اتصدمنت من شكلك وهو كده
نانا:- ليه يعني هو انا علشان سمره شايفني وحشه
اسد:- ومن قال انك وحشه. بالعكس.
سمارك ده اجمل شئ فيكي. وملامحك ما شاء الله جذابه. وعنيكي بسم الله ما شاء الله زي هدوء اليل.
وشخصيتك جميله جدا. انتي انسانه طيبه. وفيكي حاجه من ريحة ناس زمان.
بس يا خساره. لبسك. وشعرك. بيدارو الجمال الداخلي اللي جواكي
نانا:- اسد انت بديت كلامك بشاعريه
ليه بقي تنهيه كده
اسد:- نانا انتي بتشتغلي واكيد عندك زمايل في الشغل. واكيد رئيسك في الشغل والمديرين بيشوفوكي كده. وده مش صح.
لأن شرعاً مش صح انك تخرجي بشعرك كده.
نانا:- يعني عندكم ماحدش بيخرج بشعره كده
اسد:- يابوووووووي. انتي بتقولي ايه.
احنا عندنا حد اصلا يخرج من الباب غير للتعليم او للطبيب. وتكون متحجبه او منقبه. دي كانت تبقي فضيحه.
نانا:- ايه الهبل ده. واذاي بيتحملو الطرحه والنقاب ده.
دانا وربنا يوم العيد خرجت للصلاة بالطرحه اتخنقت واول ما خلصنا صلاة قلعتها علي طول.
وبعدين انا ماليش مديرين ولا رؤساء في شغلي.
اسد:- ليه يعني.
نانا :- بعدين هتعرف. المهم. عايزه اقابلك
اسد:- بالمنظر اللي انتي فيه ده مستحيل.
نانا بغضب:- تصدق انا اسفه اني طلبت منك كده.
براحتك. سلام.
اسد:- ربنا يهديكي.
نانا :- مانا بصلي وعارفه ربنا.
وربنا يعلم باللي انا بعمله
وربنا هو اللي بيحاسب الناس.
اسد:- ونعم بالله. انا نازل اقدم في معمل تحاليل.
دعواتك
نانا :- وليه مش انا قولتلك هجمع لك شغل.
اسد:- ماتتعبيش نفسك. انا بحب اشق طريقي بنفسي
نانا:- طيب يا استاذ اما نتقابل نبقي نشوف الموضوع ده
اسد:- بمنظرك ده. مش ممكن
نانا بغضب:- يوووووه. باي
قفل اسد معاها. ولبس هدومه. وخرج راح معمل تحاليل. قدم اوراقه
وعمل مقابله. وقالوله سيب رقمك. وهنبقي نتصل بيك.
في اليوم التاني. نانا راحت الشغل.
اول ما دخلت. وشافتها داليا السكرتيره فضلت تضحك.
كانت نانا لابسه عبايه. طويله. وكانت لابسه كعب عالي. وكانت حاطه الطرحه علي شعرها. بطريقه مش صحيحه مبينه نص شعرها.
وكانت نحيفه وقصيره شويه
منظرها خلي داليا تضحك عليها
وتقولها. ايه يا شيخه ده. دانتي سو فاني
اتدايقت نانا منها. ودخلت مكتبها.
بعد شويه دخل امجد
شاف نانا فضل هو كمان يضحك عليها.
ويقولها ايه الهبل اللي انتي فيه ده.
نانا كانت مخنوقه من اللبس ده
وقالت:- بجد يا امجد شكلي وحش
امجد:- جدااا. ايه يابنتي الهبل اللي انتي عاملاه ده.
نانا:- انا قولت اجرب بس ال….
امجد:- قومي بلاش هبل شيلي الخيمه اللي انتي لابساها دي.
شكلك مش حلو يا نانا.
نانا :- تصدق انا اصلا مارتحتش في اللبس ده
وخرجت نانا. وراحت الحمام. دخلت.
وبصت في المرايه. وشافت شكلها بالعبايه والطرحه.
واتصورت صوره. وبعتتها ل اسد.
وشالت العبايه. وفضلت ببنطلون جينز. قصير.
وتيشرت ابيض بنص كم. وفردت شعرها.
واتصورت صوره بس ما بعتتهاش
احتفظت بيها عالتليفون
ولما خرجت. فضلت داليا. وامجد. يقولوها ان كده تري شيك. وستايل. وبيوتيفل وكلام من ده.
دخلت نانا مكتبها. وقعدت.
وفكرت في كلام امجد. وكلام اسد.
،،،،.
العمده بعت لصابر واولاده.
كان واحد من طرف راجل الاعمال النسر. عايز يقعد معاهم
وبالفعل اتقابلو عند العمده في الدوار.
وطلع الراجل اللي باعته النسر
وكان اسمه .مهاب.
شنطة فلوس وحطها قدام صابر واولاده
وقال:- دول مية الف جنيه. عربون محبه من النسر بيه ليكم. علشان تبقي فاتحة خير عليكم.
صابر واولاده عنيهم هتطلع عالفلوس
قام العمده قفل الشنطه وخدها جمب منه
وقال:- مش لما نتفق الاول.
حسين:- هنتفق ياعمده. وكل اللي هيعوزه النسر هنعمله
صابر:- استني لما نشوف طلباتهم.
حسن. :- ماتقول يامهاب بيه ايه المطلوب
مهاب:-الارض بتاعتكم اللي بيزرعها جابر. عقودها مع مين.
صابر:- عقودها مع جابر
مهاب:-النسر عايز الارض دي وبضعف تمنها.
صابر :- انا عادي ابيع لكم نصيبي الوقت حالا
بس المشكله ان جابر عمره ما هيوافق بالبيع.
وعمره ماهيفرط في الارض.
وبعدين الارض دي ورث. يعني مقاسمه بينا.
مهاب:- احنا عايزين الارض كلها.
صابر:- ماحدش فينا هيقدر يقنع جابر اخوي انه يبيع نصيبه ابدا.
مهاب :- شوف يا صابر.
اعمل اي حاجه. واستخدم كل الطرق.
في سبيل انك تاخد عقود الارض والبيع يتم.
الشنطه دي بالفلوس اللي فيها. هديه.
مالهاش علاقه بتمن الارض
بس خلي في علمك.
يوم ماهتجيب عقود الارض. والبيع يتم.
هتاخد المبلغ اللي تقول عليه بلسانك.
صابر بص للفلوس. وقال. طيب ادينا فرصه.
وهنعملها ان شاء الله وهنجيب العقود. وهنبيع لك الارض
مهاب وقام واقف مستعد للانصراف:- وانا اخدت كلمه من راجل ومستني التنفيذ. مش برضو كلمتكم زي السيف. ولا انا غلطان.
العمده فضل:- قوم يا صابر خد اولادك وخد الفلوس وارجع دارك اتشاورو مع بعضكم.
وشوفو صرفه.
حسن:- طيب هات لنا كيس ناخد فيه الفلوس مش هينفع ندخل البيت بالشنطه لاحسن عمي يشوفنا.
عطاهم العمده كيس واخدو فيه الفلوس ومشيو.
وخرج مع مهاب يوصله لعربيته
العمده قال:- واشمعني يعني الارض دي
مانا عندي جمب منهم خمس فدادين ماتاخدوهم
مهاب:- النسر عايز الارض دي بالتحديد. علشان يكسر جابر ده ياعمده.
العمده:- ااااااه فهمت. ، علي العموم صابر واولاده بيكرهو جابر قوي
ولو وصلت انهم يقتلوه وياخدو عقود الارض هيعملوها.
ولما يردو عليا هكلمك وابلغك. …
اسد شاف صورة نانا بالعبايه فرح جدا.
وفضل يبعت قلوب
ويكتب ماشاء الله. تبارك الله
ايه الجمال ده.
ردت نانا. وكانت في اوضتها في البيت. – ايه رايك
اسد:- احلويتي طبعا وبقيتي اجمل.
نانا:-
اسد :- ايه ده. ؟
نانا. :- بصراحه ماتحملتش اللبس ده
ويدوب رحت الشغل وقلعته
اسد:- انتي بتقولي ايه. اذاي يعني.
نانا بعتت له صورتها بعد خلع العبايه والطرحه.
اسد شاف الصوره وكتب:- ليه بس كده. انتي مصممه اننا مانتكلمش مع بعض تاني
نانا :- ليه بس انا بصارحك مش قادره اخبي عليك حاجه.
اسد بغضب:- اذاي يا استاذه تلبسي كده في الشغل. انتي ايه مابتتكسفيش من لبسك ده.
وحواليكي ناس شغاله معاكي.
انا عمري ما شفت كده.
نانا :- اهدا بس يا بيبي نتفاهم.
اسد:- قولتلك بلاش زفت. دي.
نانا :- اسفه والله بس انا مش شايفه مبرر لهجومك عليا ده.
اسد:- انتي هتشليني. ايه اللي انتي لابساه ده.
لا عقل ولا دين يرضو بده. يابنتي حرام كده.
انتي اذاي بتصلي. وانتي بتلبسي كده.
نانا :- يا اسد بطل بقي التشدد ده.
وانا لسه بحاول يعني مش من اول مره كده هاتغير بالطريقه دي.
خليها وحده وحده.
اسد:- ايوه صح. طيب المهم يكون عندك النيه.
مانا:- لو مش عندي ماكنتش حاولت.
وبعدين نستني المفاجأه.
اسد مفاجأة ايه. استر يارب
نانا:- هههههههه عيد ميلادي بكره.
وزمايلي في الشغل عاملين احتفال صغير.
ولازم تبقي موجود
اسد:- كل سنه وانتي طيبه. وهيكون فين ان شاء الله
نانا. :- حجزو كافيه في الشيخ زايد هنعمل فيه الحفله. هبعت لك عنوانه
ومن سته المغرب تكون هناك.
اسد:- ان شاء الله
باليل نانا ونبيله قاعدين بيتعشو
ونانا ماسكه التليفون وبتقلب
دخلت علي صفحة اسد
لقت منشور منذ دقيقه
اسد كاتب فيه
انا لله وانا اليه راجعون جدي من امي الشيخ نور الدين في ذمة الله.
نانا سابت الاكل. وجريت علي اوضتها.
واتصلت علي اسد. اللي كان بيبكي.
وكان في القطر مروح. يحضر الجنازه…..
