رواية الوعد والرحيل الفصل الخامس عشر 15 بقلم حمدي محمد
بعد مرور فتره. …
…
العمده فاضل مات. جات له سكته قلبيه
نزل النسر ومهاب. وراحو ادو واجب العذاء
وباليل. اخدو اكرم ابن العمده. وفضلو يتكلمو معاه
النسر قال:- شد حيلك يا اكرم. ابوك كان ونعم الرجال. عايزك بقي تكون زيه.
وتملي مكانه ومركزه بعد اما تخلص تعليمك ان شاء الله
مهاب:- يا نسر بيه اكرم ما يتخيرش عن المرحوم فاضل. وانت اكيد مش هتسيبه الا اما تمسكه منصب والده
النسر:- طبعا. طبعا. دا الغالي ابن الغالي. ولازم نرد جمايل والده.
اكرم:- تسلم يا نسر بيه. تسلم مهاب بيه. ربنا يقدرني وارد جمايلكم
مهاب:- ماتقولش كده يا اكرم. انت تستاهل.
وهم بيتكلمو، راح ناحيتهم صابر وابنه حسين
النسر ومهاب شافوهم نادو عليهم
وطلبو يتكلمو معاهم.
ركبو السياره. وراحو دوار العيله
ونزلو وقعدو يتكلمو
حسين قال:-خير يا نسر بيه
النسر:- ايه اللي حصل النهارده ده يا حسين
حسين ببرود:- حصل خير يا نسر بيه
مهاب:- اذاي تخرج العمال من الارض بعد ما قربو يوصلو للسرداب.
صابر قال:- واحنا مستافدين ايه من دا كلو.
النسر:- يعني ايه يا صابر. وايه اللهجه اللي بتتكلمو بيها انت وابنك دي.
حسين:- من هنا ورايح. لازم نتفق.
مهاب :- ماحنا متفقين ، واديناكم الفلوس اللي طلبتوها.
حسين:- فلوس ايه اللي بتتكلم عنها. دي ملاليم.
مهاب:- والله واتفرعنت يا حسين
حسين:- ماسمحلكش. قصدك تقول عقلت.
عموما. اللي تقوله قوله. المهم المفيد
مهاب:- وايه هو المفيد.
حسين:- ابوي يبقي عمده.
مهاب:- وهو حد قالك اننا ماسكين الداخليه
حسين:- لا طبعا. بس اكيد النسر بيه معارفه في الداخليه كتير
وحكم شغله ده. معرفه علي كبار منهم.
وحاجه زي دي بالنسبه لتعامله معاهم. شي لا يذكر.
مهاب:- انت بتلمح لأيه. يا جدع انت. انت بتهلفط بأي كلام. الناس دي مالناش سكه معاهم
حسين:- مالكمش سكه معاهم ؟. اومال سكة مين اللي بتمشي فيها بضاعتكم من الصعيد لاسكندريه. ؟ ومن اسكندريه لمش عارف فين
النسر ومهاب. بصو لبعض في ذهول
فقال النسر:- عموما وعلشان خاطر والدك يستاهل.
برغم اني كنت واعد اكرم ابن فاضل انه يكون بعد ابوه
الا ان عم صابر يستاهلها. ومن دلوقت بقوله الف مبروك
مهاب:-ارتحت كده يا حسين
حسين:- فيه حاجه كمان
مهاب بغضب:- ايه تاني.
حسين:- حسن اخوي عنده الكليتين نايمين
عاوزين متبرع. يتبرع له بواحده
مهاب:- لااااا دانت بتستعبط بقي.
حسين:- كده يبقي مش هنتفق خالص
النسر:- ماهو بصراحه ياحسين انت زودتها اوي
متبرع ايه وكلية ايه
يابني انا مش دكتور مشرحه
حسين:-يا نسر بيه انت ماتغلبش. وما فيش حاجه صعبه عليك.
والسكه دي ساهله وحداكم في مصر. المشردين كتير
وبعدين لو طلباتي دي اتنفزت. اوعدك ان عمالك هيرجعو يكملو حفر.
مهاب:- يعني الحفر هيوقف لعند ما نجيب لك متبرع
حسين:- ولعند كمان العموديه ما يمسكها ابوي
النسر:- حاضر يا حسين. حااااااضر. طلباتك هتتنفذ.
خرج النسر ومهاب وركبو سيارتهم راجعين علي القاهره. فضلو يتكلمو في السكه
قال مهاب:-انا مش عارف الواد ده جاب الجرائه دي منين
النسر:-الواد صايع وحشاش وبيقعد مع ناس شغاله في المجال ده. واتعلم كل حاجه.
مهاب:- طيب وبعدين. دا طلباته دي عاوزه شهور علي ماتتحقق
وماعادش فيه سيوله.
النسر:- ماهو علشان كده لازم ننفذ طلباته في اسرع وقت.
مهاب:- هو كارم عمل ايه مع بنت سليم.
النسر:- دي دماغها جزمه زي ابوها.
الواد بقاله فتره عمل كل حاجه.
بس البنت ولا هي هنا.
مهاب:- ما يمكن ابنك هو اللي خايب
النسر:- طالع لأمه.
مهاب:- ياااااه فين النسر في شبابه. دانت ماكانتش اي وحده تاخد اكتر من ساعه وتجيك جري.
النسر بتفاخر:- فعلا والله يا مهاب.
كنت في اليوم الواحد مرات بعلق عشره وعشرين.
…
فاطمه عنيها تعبت.
اخدها علي. ووداها للدكتور.
كتب لها علي علاج. وطلب منه الدكتور يجبهاله كل عشر ايام تتابع معاه.
وبالفعل. فضل علي كل عشر ايام. ياخدها للدكتور.
وفضلت فاطمه شايلاله الجميل
وبتدعيله هو ومراته. لأنهم مراعينها.
وواخدين بالهم منها.
لدرجة انها في يوم قالت ل علي:- علي كده يا علي لو ماجيتوش قعدتو معاي انت وزينب
كان هيبقي ايه حالي بعد ما اسد ولدي هملني ومشي
علي:- يابوي اسد راح يحقق وصية ابوه ويبني الجامع والكتاب.
ادعيله ربنا يرزقه ويوفقه ويرجع سالم.
فاطمه:- والله بدعيله في كل سجده.
وبتمني من ربنا شوفته قبل ما موت
علي:- ربنا يديكي طولة العمر ويرجعهولك بالسلامه
وتجوزيه ويقعد معاكي بعياله. واحنا نرجعو دارنا.
فاطمه:- ومن قال انكم حتي لو جه واتجوز هترجعو داركم
علي:- اومال هنقعد نعمل ايه
احنا معاكي لعند اسد ما يرجع
فاطمه:- انت زي اسد وغلاوتك انت وزينب وحماده. ( حماده ابن علي). من غلاوته
وان شاء الله تقعدو هنا علي طول
دي بقت داركم
واللي عملته معاي انت ومرتك.
ربنا وحده عالم بيه.
زينب:- تستاهلي كل خير ياما.
ربنا يبارك لنا فيكي. وما يحرمنا منك.
فاطمه:- والله يا زينب كان نفسي تكون لي بت.
والحمد لله ربنا عوضني بيكي.
زينب :- مانا بتك
فاطمه:- ربنا يبارك لي فيكي ويباركلك في جوزك وابنك.
…
اسد اترقي في الشغل.
وارتاح جدا.
بس كان بيكلم فاطمه كل فتره عن طريق الحاج اسماعيل.
والحاج اسماعيل تعب شويه
وكل ما اسد يكلمه. يلاقيه تعبان
يتحرج يقوله عاوز اكلم امي
لكن اسد كان كل يوم قبل ما ينام. يكلم نانا
والصبح اول ما يصحي. يصحي علي صوتها.
وفي ايوم. اسد وهو بيكلم نانا.
نانا قالت له. علي فكره ماما ملاحظه اني بدخل اوضتي اول مابرجع من الشغل علي طول
وبتدخل عليا ساعات تلاقيني بكلمك.
اسد:- وفيها ايه يعني. ما تقوليلها
نانا:- انت مجنون. اقولها ايه
اسد:- قوليلها فيه اسد عايز ياكلني. قصدي يخطبني
نانا بفرح:- تصدق كنت هقولها بس قولت اعرفك الاول
اسد:- قوليلهم علشان يبطلو زن علي دماغك كل شويه. في موضوع الجواز.
يعني انت هتنزل امتي
اسد:-لسه هجدد الاقامه واشوف نظام الشغل
نانا:- يعني اول ما تنزل هتكلم بابا.
اسد اكيد طبعا هجيب امي واجي بيتكم
نانا:- لا اول مره ماتجبش الحجه معاك.
اسد :- ليه كده.
نانا:- لازم انت تروح لبابا لوحدك الاول.
في مكتبه. انا ساعتها هكون مفهماه. علشان لو رحت له كده مش هيوافق
اسد:- ومش هيوافق ليه
نانا:- هو ايه ده هو يعرفك منين بقي
وهو اي حد يروح يطلب ايد بنت حد بيوافقو من غير مايعرفوه كده
اسد:- طيب واعمل ايه علشان يعرفني
نانا:- سيب الموضوع ده عليا.
انا هكلمه. وانا متأكده اني لو قولتلهم ده اختياري
مش هيعارضو خالص
بالعكس هيصدقو مايخلصو مني
بس انت الاول تروح لبابا في المكتب
وهو هيقولك انا هابقي اتصل عليك
وساعتها هيسأل عنك
اسد:- يسأل عني مين بقي
نانا:- لااا. دا هو بقي استاذ في ده
يقدر يعرف كل حاجه عن اي حد
اسد/-طيب وبعد ما يسال عليا
نانا :- هياخد فتره وبعدها يكلمك
تجي انت والوالده.
ونعمل شبكه. في قاعة نادي القضاه مثلا
ونعزم قرايبنا. وانت تعزم قرايبك
وبعدها نحدد معاد الفرح
اسد:- وهتتحملي عيشة الصعيد
ومن قال يا بيبي اننا هنعيش في الصعيد بس
اسد:- اومال هنقعد عندك واسيب امي
نانا:- وهو انا يعني اللي هاسيب شغلي وحياتي هنا واروح اقعد في الصعيد
اسد:- وبعد الجواز انتي عايزه تشتغلي ليه
مش اللي هتتجوزيه ده هيشتغل ويصرف عليكي
نانا:- ماهو يا بيبي انت كمان هتشتغل هنا في القاهره. تفتح لك مشروع. وتديره بنفسك
اسد؛- ولو برضك الاساس اني اعيش وسط اهلي
نانا:- يا قلبي نبقي نروح هناك.
اسد:-وليه ما نستقرش هناك. ونبقي نسافر القاهره كل فتره ونرجع تاني
نانا:- وليه مايكونش العكس
احنا شغلنا هيبقي كله هنا. وانا متاكده انه مش يرضيك بعد التعب ده والعمر اللي قضيته في شغلي ده اسيبه فجأه كده
اسد:- نانا انا ما اعترضتش علي شغلك.
بس اهو شغلك طول فترة تعبك ماشي حاله
والاستاذ امجد ده مغطي مكانك
نانا:- ومن قالك ان الشغل تمام
دي الدنيا متنيله بستين نيله
اسد :- ليه بقي.
نانا:- امس جه امجد وراجعت الحسابات ولقيت فيه تراجع كبير الشهرين اللي فاتو في المبيعات
اسد:- جه فين امجد
نانا:- هنا البيت
اسد:- وليه امجد يجي عندكم البيت
نانا:- ماهو بيعرفني الدنيا ماشيه اذاي في غيابي
اسد:- وما استناش ليه اما ترجعي بنفسك وتراجعي الحسابات
نانا:- يا بيبي طبيعي اني اراجع شغلي
اسد:- وطبعا مامتك اول ما شافته حضرت له العشا وفضلت تزغط فيه
نانا:- لا والله كان مستعجل يادوب قعد معاي ربع ساعه ومشي
اسد:- ومامتك وباباكي كانو فين
نانا:- سابونا في اللوبي ودخلو اوضتهم
اسد بغضب:- يعني ايه تقعدي معاه لوحدكم في اللوبي
نانا:- يا بيبي وفيها ايه دا شغل وبعدين انا اعرف اخلي اللي قدامي يلزم حدوده معايا
اسد:- حدود ايه وزفت ايه بس
هو ايه ده. دانتي انسانه مستهتره
نانا:- بقولك ايه. بطل كلامك اللي زي السم ده
انا مش قعدت معاه اتكلم في حاجه غير الشغل
وهو اصلا مايقدرش يتكلم معايا في حاجه بره الشغل.
اسد؛- انا ما اقبلش الانسانه اللي هاخدها تعمل ده.
نانا:- تاخدها ايه بس وانت بتتلكك لها وواقف لها علي الواحده.
اسد:- يا سلام وانتِ شايفه اللي عملتيه ده عادي
نانا:- انا شايفه اننا من شويه بنتكلم عن الخطوبه
وناو قلبت عليا. وبتزعق وبتهاجمني
اسد:- اومال عاوزاني اقبل باللي انتي بتعمليه ده
نانا:- اسد انا ما بعملش حاجه غلط
وبطل بقي خناق انت ما بتزهقش…..
…..
وبعد مرور شهور
اسد كلم فاطمه اما الحاج اسماعيل خف
وفضلت تقوله يرجع
اسد قال لها انه هيبدء في البنا في الارض.
هيبعت فلوس للحاج اسماعيل
وهو يجيب عمال ويبدئو في الشغل
فرحت فاطمه جدا لأنه هيعمل وصية ابوه
وفضلت تدعيله…
علي كان ياخد فاطمه للدكتور كل عشر ايام
وفي النهايه الدكتور قال له شوف يا علي
هي لازم لها عمليه
والعمليه هتتكلف
ونسبة نجاحها لا يتعدي الخمسين بالميه
يعني مخاطره مش مضمونه
علي:- يعني يا دكتور العلاج مش هيجيب نتيجه واصل
الدكتور:- ماديك شايف بقالنا شهور شغالين علي العلاج. والوضع للاسوأ
علي:- اي والله يا دكتور. دي يادوب بتقدر تشوف
الدكتور :- عموما انا قولتلك وانت فكر.
ووقت ماتحب تعملولها العمليه.
كلمني وانا هدلك علي دكتور شاطر جدا
روح علي بفاطمه وفضل يقول لمراته زينب اللي قالهوله الدكتور
زينب فضلت تبكي عليها. وقالت ل علي. يقول لابنها اسد. ويبعت له فلوس يعمل لها العمليه.
علي:-انا هقوم اروح للحاج اسماعيل. واخليه يتصل عليه واقوله.
راح علي دار الحاج اسماعيل.
وخلاه كلم اسد
علي قال لأسد عن العمليه.
اسد قال:- يااااه دانا لسه من يومين باعت الفلوس اللي معايا كلها للحاج اسماعيل.
وراح دفع فلوس الاسمنت والحديد والمون واتفق مع المقاول.
طيب والعمليه دي لازم تتعمل حالا!
علي:- لا الدكتور قال براحتكم في اي وقت.
اسد:- بالله عليك يا علي تخلي بالك منها
وانا بأذن الله هدبر فلوس العمليه واشيعهالك..
.. باليل اسد وهو بيكلم نانا. حست انه متدايق وزعلان
فضلت تسأله وهو يقول مافيش.
فضلت تلح عليه. لعند ما حكالها
نانا قالت له طيب ماتنزل انت وتعمل لها العمليه وتكون جمبها
اسد :- لسه يا نانا. لسه كتير علي ما اخلص المسجد والكتاب.
نانا:- يعني هتفضل كل ده تبني المسجد والكتاب
ولسه بيتك اللي هتتجوز فيه ما بدئتش فيه
انتي كده بقي عايز لك كم سنه
اسد:- ربنا يكرمني وما طولش ان شاء الله
يمكن ربنا يسهل وكل ده يخلص في وقت قصير.
نانا:- ان شاء الله
اسد :- ابعتي صوره ليكي
نانا:- فيه صوره اما كنا في الساحل هبعتهالك
بعتت نانا صوره لابسه فيها لبس قصير جدا
اسد شاف الصوره واتجنن
وفضل يقول:- ايه اللي انتي لابساه ده
نانا:- ده من زمان ده
اسد:- وايه اصلا يخليكي تلبسي كده
وبعدين الصوره في الشارع
يعني حضرتك طالعه الشارع بالمنظر ده
نانا:- يا بيبي هو لبس الساحل كده
الكل هناك بيلبسو كده
اسد:- يتحرقو بجاز وسخ ماليش فيه
انما حضرتك تلبسي ليه كده. وايه اصلا كان موديكي الزفت. الساحل
انتي هتفضلي لامتي مستهتره كده
نانا:- انا مش مستهتره. انت اللي بتحب تهاجمني علي كل شي
ومش عاجباك اي حاجه بعملها
وانا هنام بقي
اسد:- مافيش فايده فيكي
قال يعني لبسك اتغير
مانتي زي مانتي. بتلبسي بنطلونات وتيشرتات ضيقه.
وبتخرجي بشعرك
نانا:- اظن انت عرفتني كده
اسد:-وليه ماتلبسيش كويس
نانا:- هو انت شايفني مش كويسه علي طول كده عايز ترتبط بواحده مش كويسه ليه
اسد:- اتكلمي كويس وبلاش تعوجي في بوئك
نانا:- كفايه اهانه بقي انت ايه ما بتحسش
اسد:- انا لو مش بحس كنت سكتت عن عمايلك دي
صمتت نانا شويه
وعملت له بلوك…..
…..
..
