رواية عيناها سر سعادتى (بين العشق وحب الذات )
بقلم / فـــاطـــمـــة الـــبـــربـــرى
هند : طلقنى ياطارق
طارق ماردش عليها ومشى وسابها
هند انهارت فى البكاء وصعبت عليها نفسها جدا ، فجأة جرس الباب
رن وقامت تشوف مين لقتها امل
هند بصدمة : امل !!!
امل : اسمى امل هانم يابت انتى نسيتى نفسك ولاايه انتى ناسية
انك كنتى بتشتغلى عندنا
هند رفعت دماغها شوية : مانتى لسة قايلة بلسانك اهو( كنتى) لكن
دلوقتى انا صاحبة كل حاجة وست البيت اللى انتى فيه دلوقتى ده
امل : هههه ، ده انتى بتحلمى ، طارق هيطلقك وهترجعى تانى للجحر
اللى كنتى عايشة فيه وهيرجعلى انا
هند : ايه الكلام اللى انتى بتقوليه ده طارق حتى لو مابيحبنيش
اخلاقه ماتسمحلوش انه يعمل فى كدة
امل : لا هيعمل ، هو كلمنى وقالى انه عايز يرجعنى وانا اشترطت
عليه يطلقك الاول
هند وقتها ادركت سبب تغير معاملة طارق ليها وسبب قسوته المفاجئة
عليها ولكن حاولت ان تتمالك نفسها وتصون كرامتها وشاورت على الباب
وبصت لامل وبصوت عالى : اخرجى اطلعى برة …. برة
امل ضحكت بصوت عالى : ههه ، اوكى هخرج برة دلوقتى ، هانت وابقى
انا اللى هنا وبقولك غورى اطلعى برة
———
سارة قاعدة فى اوضتها وبتقرا كتاب ::
عزة : ممكن تسيبى اللى فى ايديكى كدة وتفوقى معايا شوية كدة
سارة : حاضر ياماما ثوانى بس …… هاه خير
عزة : بصى يابنتى اللى انتى بتعمليه ده غلط ، محمد بيحبك ماتخسريهوش
هو لسة شاريكى لحد دلوقتى ارجعى لجوزك يابنتى
سارة ابتسمت : انا لسة قافلة مع محمد من شوية ياماما وقلتله يحجزلى تذكرة
السفر
عزة بفرحة أم : بجد ياحبيبتى طمنتينى ، ربنا يسعدك يارب
سارة : يارب ياماما يارب ،….اه صحيح عندى ليكى خبر هيفرحك اوى
عزة : خبر ايه باحبيبتى فرحينى
سارة : ندا قالتلى النهاردة انها رفضت العريس اللى كان متقدملها وانها
لما فكرت مع نفسها لقت ان اهم حاجة مصلحة ابنها حتى لوده هيكلفها
تضحى بسعادتها وهى شايفة ان مصلحة ابنها انه يبقى هنا معاكو
وهى كمان تبقى معاه
عزة حضنت سارة : ربنا يبشرك بالخير يابنتى ، الف حمد والف شكر ليك
يارب
——
ملك كلمت اية وقالتلها تبلغ محمود انها موافقة على الخطوبة واتفقوا يعملو
حفلة خطوبة مع حفلة جواز هاجر وسامح
—-
اية مع هاجر فى شقتها اللى هتتجوز فيها بتظبط هدومها وحاجتها علشان
الفرح
هاجر : اية هو خالد خطيبك بيعرف يقول كلام رومانسى كدة ولاقفل زى سامح
اية بابتسامة : خالد … وهو فيه راجل فى الدنيا دى كلها زى خالد ، وسابت
الهدوم اللى كانت فى ايديها بتطبقها ونامت على السرير وهاجر جات
قعدت جنبها
اية : انتى عارفة ياجوجو كل اللى يشوف خالد اويتعامل معاه يقول عليه قاسى
ومابيعرفش يقول اى كلمة حلوة لحد وهو فعلا كدة مع كل الناس لكن معايا انا
لأ ، معايا انا بيبقى عامل زى الطفل حنين جدا واقل كلمة بقولها حلوة عنه بترضيه
وبيبقى فرحان جدا وطالع بى السما كانى امه ، انتى عارفة خالد دايما يقولى
انه لما بيشوفنى ويبص فى عنية بيحس انه اسعد انسان فى الوجود
هاجر : ياسلام ياسلام على الرومانسية يابختك ياختى مش زيى ،ههههههه
…… وقعدت تضحك بطريقة هيسترية
اية : الله ….. فى ايه يابت ياهاجر بتضحكى كدة ليه
هاجر مازالت تضحك
اية : طب ضحكينى معاكى ياهبلة انتى
هاجر : ههههه اصل افتكرت كدة موقف حصل بينى وبين سامح من فترة
اية : موقف ايه اللى خلاكى بتضحكى زى المجنونة كدة احكيلى ياختى
هاجر : كنا مع بعض مرة فالمهم انا بقوله انا ببقى مبسوطة اوى لما بكون
معاك ياسامح فمردش على ، فقلتله : حبيبى بص فى عنية كدة ، قام قايلى
مالها عنيكى بتوجعك ولا ايه انتى هتستعبطى على ماهى كويسة اهى
اية : ههههه
هاجر : انتى بتضحكى من دلوقتى ههه استنى بس ده لسة الضحك جاى ورا
اسمعى اسمعى ههههه ، المهم بقوله : ركز بس ياحبيبى فى عنية وقولى شايف
ايه ؟؟قام قايلى هاشوف ايه يعنى مفيش حاجة … لا استنى فى عربية ماشية
هناك اهى شايفها فى عنيكى
اية : هههه لا سامح ده يجنن مالوش حل ههههه
هاجر : بس انتى عارفة ياهاجر انا حبيته اوى ، رغم انه مش رومانسى
خالص بس دايما بيضحكنى ، دايما يقولى انا ببقى سعيد اوى لما بشوف
الفرحة فى عنيكى
اية موبايلها رن : ايه ده محمود بيرن ليه هى الساعة بقت كام وبصت على الساعة
: ياربى دى الساعة بقت ٩ وماعملناش حاجة ده انتى رغاية اوى الله يكون فى
عونك ياسامح
هاجر : ههه انا بردو اللى رغاية طب ردى ياختى على محمود علشان ننجز بقى
ماعدش وقت على الفرح
—-
سارة كلمت محمد وطلبت منه يحجز تذكرة السفر بعد خطوبة ملك بيوم علطول
ومحمد وافق وطلب منها تبارك لملك بالنيابة عنه
———-
طارق فى الشركة حاسس ان دماغه هتنفجر من كتر التفكير مع نفسه
: انا مش عارف انا ايه الكلام الجارح اللى قلته لهند اخر مرة ده ، انا
حيوان ازاى قدرت اقسى عليها اوى كدة ، هى مالهاش ذنب فى انى
لسة بحب امل هى ماقصرتش معايا ابدا معقول يبقى هو ده رد جميلها
وقفت جنبى فى عز محنتى واستحملتنى كتير ويبقى ده جزاءها فى الاخر
انا لازم اروح اعتذرلها …… لا لا مش هاعتذر انا لازم اطلقها ايوة لازم
انا مش قادر اعيش وامل بعيدة عنى بس انا بردو مش هاقدر اواجهها
واقولها انى عايز اطلقها
طارق نفخ بضيق : انا تعبت اوى من كتر التفكير ورفع ايديه للسماء::
يارب دبر لى امرى فاانت خير مدبر ، يارب يارب
——
طارق رجع البيت وكانت هند قاعدة بتتفرج على التليفزيون واول مادخل
طارق : السلام عليكم
هند : وعليكم السلام ، اجهزلك العشا
طارق : لا شكرا اتعشيت برة انا داخل انام مش عايزة حاجة
هند : متشكرة (كانت عايزة تقوله انها عرفت كل حاجة من امل وانها جات
البيت وكلمتها بطريقة مش كويسة بس قررت ماتقولوش حاجة علشان
ماتضغطش عليه وتديله فرصة بختار بينهم )
————-
يوم فرح هاجر وخطوبة ملك… الفرح كان فى قاعة كبيرة مخصصة للافراح
الكل كان حاضر وهاجر كانت مبسوطة جدا على عكس ملك اللى دموعها
كانت فى عنيها واية اخدت بالها منها وقامت ناحيتها وسلمت عليها وعلى
محمود : هاخطف منك العروسة ياحودة خمس دقايق بس اظبطلها الفستان
والميكب بتاعها لانه باظ شوية من كتر الناس ماباستها هههه
اية اخدت ملك على غرفة الاستراحة
اية : ملك فى ايه ليه مش مبسوطة هو فى حد غصبك على خطوبتك
من محمود
وقتها دخلت ضحى صاحبة هاجر واللى ملك حكتلها على كل حاجة
حصلت بينها وبين مازن
ملك بعد تفكير شوية قررت تصارح اية بالحقيقة : بصراحة يااية انا
بحب واحد تانى وحكتلها باختصار عن مازن وعلى اللى عمله معاها
اية : طب وليه وافقتى على محمود مادام لسة بتحبى مازن …..علشان
تغيظى مازن مش كدة ياملك
ملك بكت : مش عارفة ….. والله ماعارفة حاجة
اية : خلاص ياملك ماتعيطيش اضحكى كدة وحاولى تنسى الحزن ده
شويه على الاقل لحد مالخطوبة تنتهى علشان محدش ياخد باله من حاجة
ضحى حضنتها : خلاص بقى ياموكة اضحكى بقى
اية ظبطت لملك مكياجها ورجعت تانى ملك جنب محمود وهى مصطنعة الابتسامة
اية راحت جنب خالد
خالد : ايه يايويو كل ده تاخير وحشتينى اوى ماتغبيش على كدة تانى فاهمة
اية : بذمتك لحقت اوحشك يافشار انت ده انا مابقاليش ربع ساعة غايبة عنك
خالد قرب منها ومسك ايديها وبص لعنيها بكل حب : والله ياقلبى انتى بتوحشينى
وانتى معايا
اية ابتسمت : بحبك ….. بحبك اوى ياخالد
خالد : وانا بعشقك ياقلب خالد …. عقبالنا انا وانتى بقى لما نتجوز ونبقى فى بيت
واحد … لا انا هاكلم عمى مجدى نتجوز فى اقرب وقت انا ماعدتش قادر استحمل
بقى وقرب منها اكتر
اية : ايه ده انت هتعمل ايه…. عيب كدة الناس حوالينا
خالد : هاخد بوسة واحدة بس تصبيرة كدة على مانتجوز
اية : بس ياد انت عيب
خالد : واد !!! اخص عليكى يايويو بقى خالد باشا اللى الكل بيترعب منه اول
مايشوفوه يتقاله ياد ، لا انتى لازم تتعاقبى وتدينى بوسة حالا بدل مازود
العقاب واطلب حاجة اصعب
اية : ههههه ، ده فى المشمش ياخالد بيه
خالد : ههههه ماشى يايويو …. هاخدها النهاردة يعنى هاخدها انا مفيش
حاجة تستعصى على ابدا
وسكتوا شوية واية كانت بتبص على العرايس لكن خالد نظره كله كان على اية
واية اخدت بالها
اية : انت بتبصلى كدة ليه الناس هتاخد بالها انت كدة بتحرجنى وبعدين
العرايس هناك اهى بص عليهم مش انا العروسة والله هههه
خالد : عرايس مين وبتاع مين انا مش شايف غيرك اصلا فى المكان ده
اية ابتسمت : ياربى عليك دايما كدة بتثبتنى
خالد : بحبك
اية : وانا كمان بموت فيك
—-
مازن عرف ان خطوبة ملك النهاردة وكان حزين جدا ان ملك هتبقى لغيره
والتعب من كتر الحزن زاد عليه لدرجة انه رجع دم كتير جدا ورن على الدكتور
بتاعه ولما شاف حالته نقله على المستشفى
مازن : بالله عليك يادكتور عايز التليفون اعمل بس مكالمة مهمة ضرورى
الدكتور : لا يامازن انت تعبان اوى ومش هاتقدر تتكلم
مازن : بالله عليك يادكتور ، علشان خاطرى مش هاتكلم كتير
الدكتور : ماشى يامازن دقيقتين بس وهاخده منك
مازن رن على ضحى : الو ايوة ياضحى انا تعبان اوى وعايز
اشوفك ضرورى
وخلصت حلقتنا النهاردة
اكتبولى توقعاتكم 
ياترى مازن عايز ضحى فى ايه
ايه رايكم فى طارق متعاطفين معاه ولا شايفينه مايستاهلش يبقى لهند
وزية زى امل انانى ، يهمنى اعرف رايكم
ايه رايكم فى شخصية سامح ، هل فعلا الست يهمها رجل يصونها
ويسعدها ولا اهم حاجة بكون رومانسى وبيقول كلام حلو
هل فعلا الحب بيعمى الانسان وبيخليه مابيفكرش غير فى نفسه وبس
زى مابتعمل امل ولا ايه
