قبل ماابدا احب اشكر كل الناس اللى بتدعمنى باللايك وبمشاركته رايه
وتوقعاته ،
رواية عيناها سر سعادتى (بين العشق وحب الذات )
بقلم /فــــاطـــــمــــة الــبــربـــرى
خالد راح لحازم وقابل العجوز هناك
خالد : مرحبا ياحاج ، خير ايه المعلومات اللى عندك
العجوز : الست اللى جات لبرعى -الله يرحمه- كانت جاية تقريبا قبل
صلاة الفجر بنص ساعة وانا فى الوقت ده متعود اقوم اتوضى واروح المسجد
واصلى ركعتين قيام الليل على ماالفجر ياذن ، انا بيتى جنب بيت برعى علطول
، وانا خارج سمعت الست دى وهى بتحرض برعى على قتل اخو حضرتك ،
برعى متعود على حكاية القتل دى بس اما سمعتها بتقوله ان اخوه ظابط
وتقصد ساعتك طبعا ، قلقت اوى على برعى لان ممكن توصلوله فحسيت ان
الموضوع مش هيعدى بالساهل زى كل مرة برعى بيقتل فيها حد فمشيت ورا
الست دى من غير ماهى تحس هى والبودى بتاع ده اللى كان معاها ، هى كانت
لابسة نقاب وهى بتتفق مع برعى بس لما بعدت شوية وراحت عند العربية بتاعتها
قلعت النقاب وسمعت وقتها الزفت اللى كان معاها ده بيقولها ان البوس اتصل
وبيقول ان اللى انتى عملتيه ده اكبر غلط كان ممكن قلتيله على اللى حصل وهو
اتصرف واتخلص منه هو بطريقته ، قامت هى ردت عليه وقالتله : انا بصراحة
بعد اللى عمله عبدالله ده ماكنتش عارفة افكر ، خلاص بقى احنا اتفقنا مع برعى
وقوله مايقلقش العملية هتم وماحدش هيعرف عننا حاجة
خالد : وبعدين ياحاج مفيش حاجة تانية قالوها
العجوز : لا بعد كدة هما ركبو عربيتهم ومشو
حازم : الست دى لوشوفتها تعرف شكلها
العجوز : ايوة انا حافظ شكلها هى واللى كان معاها كويس جدا
خالد : طب ليه ماجيتش قلت الكلام ده قبل كدة
العجوز : كنت خايف بس دلوقتى بعد مابرعى مات ماعدتش خايف على حاجة
حازم : للدرجة دى كنت بتحب اللى اسمه برعى ده ، على الرغم من انه قتل
ابرياء كتير
العجوز : انا ظلمت برعى كتير جدا واللى بعمله دلوقتى اقل حاجة ممكن اعملهاله
خالد : ممكن توضيح اكتر ياحاج
العجوز : زمان وانا فى عز شبابى كنت عامل نفسى الواد اللى مفيش حد زيه
وكل الستات بتحبه وبتجرى وراه وكان من ضمن الستات دى ام برعى ، كانت
داخلة مزاجى جدا فقربت منها لحد ماحبتنى واقنعتها تجينى شقتى وحصل
اللى حصل وحملت منى وجاتنى علشان اتجوزها بس انا رفضت وطردتها،
وهى هربت من اهلها خافت يقتلوها لو عرفو وحاولت تنزل الجنين كتير لكن
ربنا اراد انه ماينزلش ،لما هربت جات اجرت البيت اللى جنب بيتى وكان عندها
امل انى اعطف عليها واتجوزها بس بردو ماكانش فى قلبى اى رحمة ، وولدت برعى
وبقت تشتغل خدامة فى البيوت علشان تقدر تصرف عليه وربته لحد ماكبر وبقى
عنده١٦سنة واهلها كانوا توصلو لمكانها وجم قتلوها وكان لحسن الحظ برعى كان
برة البيت ، وفضل برعى لوحده وحاول يدور على اى شغل ياكل منه عيش لحد ماتلم
على ولاد الحرام وعلموه القتل ده : كل ده وانا ماكانش فى قلبى او رحمة ولا حاولت
اساعده ابدا انا كنت انسان قذر ، وبدموع غزيرة : لا لا حتى كلمة انسان دى انا
ماستحقهاش يارب سامحنى واغفر لى
حازم : لاحول ولا قوة الا بالله العلى العظيم
خالد : يعنى برعى كان ضحيتك ، الله يرحمه عاش ضحية ومات غدر ، على
العموم ياحاج كل المعلومات اللى انت قلتها دى احنا مش هنعمل محضر بيها
يعنى ولاكانك قلتلنا حاجة لسببين : اولا علشان مفيش حد ياذيك ، ثانيا بقى
علشان انت الوحيد اللى تقدر تتعرف على الست دى وتدلنا عليها
العجوز : ماشى ياابنى اللى تشوفه
خالد : سؤال اخير ياحاج : انت ماتعرفش رقم العربية اللى كانو راكبينها ايه
العجوز : لا والله ياابنى مااخدتش بالى
حازم : طيب تقدر تتفضل تمشى انت ياحاج ولواحتاجناك تانى هابعتلك
العجوز مشى
خالد : كدة توقعاتنا طلعت صح ياحازم هما فعلا عصابة كبيرة بس الله
اعلم بقى هما تبع ايه بالظبط
حازم : انا هحاول اجمع اكبر عدد من الصور عن كل الستات اللى مسجل
خطر يمكن تكون واحدة منهم
خالد : لا مظنش انها مسجلة خطر ، شكلها واحدة ليها مكانتها بين
الناس دى مادام تجرات واخدت خطوة زى دى من غير ماتستاذنهم
————
فى الجامعة ::::::
ضحى بلغت ملك انها طلعت التانية على الدفعة
ضحى : مبروك ياموكة ، مالك يابت كدة انتى مش فرحانة ولا ايه
ملك : لا اكيد فرحانة بس كان نفسى اطلع الاولى زى كل سنة علشان
افرح بابا
ضحى : وبابا هيفرح بردو انك طلعتى التانية ، الفرق بينك وبين الاول
مش كتير سبع درجات بس
ملك : اه صحيح مين اللى طلع الاول البت نهى صح
ضحى : الاول ياستى حد مش ممكن تتوقعيه ابدا
ملك : مين ده
ضحى : مازن
ملك بذهول وفرحة : مازن!!
ضحى : الله ماكنتى زعلانة من شوية وغمزتلها : ايه العسل وقع ولا حدش
سمى عليه ولا ايه
ملك بابتسامة : بس يابت ايه اللى انتى بتقوليه ده
ضحى غمزتلها : حبيب القلب هناك اهو شكله جاى علينا
ملك : طب بقولك ايه امشى انتى دلوقتى
ضحى : لا انا عايزة افضل معاكى شوية وحشانى
ملك برقت عنيها : ماتغورى يابت انتى هابقى اجيلك ونخرج مع بعض
*** ضحى مشت ومازن عدى من جنب ملك ولكن تجاهلها خالص وماكلمهاش
ملك دموعها نزلت وجريت عليه علشان تكلمه بس رجعت تانى وقالت فى نفسها
لا انا مش هتنازل عن كرامتى تانى ابدا ، مش هارمى نفسى عليه اكتر من كدة
مازن فى نفسه : سامحينى ياحبيبتى انا قصدت اعمل كدة علشان تكرهينى
وتحاولى تنسينى
ملك روحت البيت وكان باين على وشها الحزن جدا
سلامة بقلق : فى ايه يابنتى مانجحتيش ولا ايه
ملك : لا يابابا نجحت وطلعت التانية على الدفعة
سلامة : طب ياحبيبتى الف مبروك التانية من الاولى مش هتفرق ، امال فى
ايه كدة ، انتى قابلتى فى الجامعة الولد اللى كنتى حكيتيلى عنه قبل كدة ده
ملك : بابا انا تعبانة اوى معلش ، انا هدخل انام
سلامة شدها من دراعها : لا ماهو مش كل مرة تقوليلى انا تعبانة تعالى
اقعدى واحكيلى ايه اللى حصل بينكم
ملك انهارت فى البكاء ورمت نفسها فى حضن والدها
سلامة : اهدى يابنتى واحكيلى كدة ايه اللى حصل
ملك حكت له على كل اللى حصل بينها وبين مازن لحد اخر مرة شافته فيها
وهى بتجيب نتيجتها وتجاهله ليها
سلامة : بس انا حاسس ان فيه حاجة غريبة ، انتى بتقولى انه طلع الاول
على الدفعة وكان كل سنة بيجيب تقدير جيد يعنى اول مرة يعمل ترتيب على
الدفعة والاول كمان ، طب ازاى حصل كدة وهو ماتغيرش ولسة تافه زى ماهو،
انا حاسس ان فيه حاجة خلته يبعد عنك وحاجة شديدة كمان
ملك : ولا حاجة ولاغيره هو انسان تافه اساسا وانا خلاص مش عايزاه ، انا
بكرهه جدا
سلامة : والله يابنتى ماانا عارف اقولك ايه … اه صحيح فيه عريس جالك النهاردة
ملك : عريس!!…. مين ده؟؟
سلامة : محمود اخو اية … بس انا هارد عليهم واقولهم انك مش موافقة علشان
مش عايزة حاجة تعطلك عن دراستك دلوقتى
ملك : لا يابابا انا موافقة
سلامة : ايوة يابنتى بس….
ملك قاطعته : بابا انا موافقة ومش هاغير رايى ، انا هاكلم اية وهاقولها
——-
طارق جاى من شغله وكانت هند بتجهز الغدا ، دخل ماكلمهاش ودخل اوضته
غير هدومه وكانت هى حطت الاكل على السفرة وطارق قعد علشان يتغدى لكن
هى دخلت اوضتها
طارق بصوت عالى : انتى ياهانم ياللى جوة
هند جت : نعم عايز حاجة اجبهالك
طارق : انتى مش هتاكلى
هند : لا مش جعانة
طارق بعصبية : لا والله كل يوم كدة مش جعانة انتى مش شايفة نفسك بقيتى
عاملة ازاى وشدها بعنف لحد المراية ورفع دماغها بايديه بشدة : بصى شوفى
وشك اصفر وتحت عنيكى بقى اسود ازاى شكلك بقى زى الزفت
هند : انا حرة فى نفسى ماتشغلش بالك انت
طارق : ماتولعى بجاز وسخ انا مش خايف عليكى انا على اللى فى بطنك
ابنى اللى مستنيه من سنين انتى لازم تاكلى وتتغذى علشانه انتى فاهمة
هند بصدمة : يااااه انا مش مصدقة …. انا حاسة ان قدامى شخص تانى
غير طارق اللى انا اعرفه … انت بتعمل معايا كدة ليه هاه عملتلك ايه زعلتك
فى حاجة قصرت معاك فى ايه ، اما انت مابتحبنيش اتجوزتنى ليه انا خلاص
تعبت وماعدتش قادرة استحمل
طارق بعصبية : بصى بقى يابنت الناس هى دى حياتى وان كان عاجبك
وبعدين انتى تحمدى ربنا اساسا انى اتجوزت واحدة زيك انتى كنتى
تطولى تتجوزينى ده انتى كنتى فقيرة ومعدومة ، انتى المفروض تبوسى ايدك
كل يوم وش ودهر على النعمة اللى انتى فيها دى وتخرسى خالص واللى اقولك
عليه تعمليه من غير ما اسمعلك نفس
هند : لا ياطارق بيه مش انا اللى حد يذلنى ولا يمن على انت كنت محتاجنى
زى ماانا كنت محتجالك بالظبط …طلقنى ياطارق
وخلصت حلقتنا النهاردة توقعاتكم 
ياترى خالد هيقدر يوصل للست دى ولا لا ويعرف الناس دول
تبع ايه بالظبط وايه كانت علاقة عبدالله بناس زى دى
هل طارق بيعامل هند بالشكل ده كوسيلة ضغط عليها علشان تطلب
الطلاق وهل هو بكدة صح ولا غلط
سلامة والد ملك ممكن يروح يتكلم مع مازن يفهم منه ليه ساب
بنته ولا هلاص هيستسلم ويخطبها لمحمود
ملك لو اتخطبت لمحمود هتقدر تحبه ولا لا
