رواية عيناها سر سعادتى (بين العشق وحب الذات)
بقلم فاطمة البربرى
خالد : ندا ماتقفيش قصادى ادم هيبقى معايا انا
ندا: مش بمزاجك ياخالد بيه ادم ابنى انا وانت مش من حقك تغصبنى انه
يبقى معاك الولد فى حضانتى انا ولو اتجوزت حضانته هتنتقل لوالدتى لكن
لوعاوزه عندك بالود فانا مش رافضة بس زى ماقلتلك اسبوع واسبوع
وقامت فتحت الباب : اتفضل ياخالد باشا مع السلامة علشان تعبانة وعايزة
اريح شوية
——-
ملك نايمة على سريرها ومش مغمضة عنيها وسرحانة ، والدها داخل يطمن
عليها لقاها صاحية فقعد جنبها
سلامة والد ملك: ايه اللى مصحيكى ياحبيبتى لحد دلوقتى مش عندك كلية
الصبح بدرى
ملك : لا خلاص يابابا انا ماعدتش هاروح الكلية الا على الامتحانات بقى
ماعدش وقت
سلامة : اممم ، طب وبردو صاحية ليه ايه اللى شاغل بالك
ملك : مفيش حاجة يابابا
سلامة : بتخبى على ابوكى حبيبك ياملك
ملك : بصراحة يابابا الفترة اللى فاتت دى حصلت حاجات كتيرة ماكنتش عايزة
احكيلك عنها علشان ماتزعلش بس انا هاحكيلك دلوقتى علشان انا محتارة اوى
وعايزة اسمع رايك
ملك حكتله على كل حاجة دارت بينها وبين مازن لحد اخر لقاء كان بينهم ومازن
فيه حكالها على كل ظروفه
سلامة : وانتى عايزة تاخدى رايى فى ايه بقى يابنتى
ملك : يعنى يابابا فى انى ارتبط بيه
سلامك: انتى اللى تقدرى تحددى شعورك ايه ناحيته ، هل هو صعبان
عليكى وعلشان كدة عايزة ترتبطى بيه كنوع من الشفقة عليه ولا ايه
ملك : بصراحة يابابا فى الاول كنت متعاطفة معاه جدا وكنت ناوية اكلمه
واقوله انى موافقة ان احتا نرتبط ببعض لو اتغير ، لكن رجعت فى كلامى تانى
وخفت بعد كدة مااقدرش استحمل اعيش معاه علشان مش بحبه وقلبى مع خالد
سلامة : طب ودلوقتى
ملك : دلوقتى يابابا شعورى اتغير ، مازن محاولش تانى انه يتكلم معايا او حتى
يجى فى اى مكان انا فيه ، تجنبنى نهائى ، بس انا من فترة قصيرة حسيت كل
مااشوفه من بعيد ان قلبى بيدق بسرعة جدا ، وكنت بحس باحساس غريب وجميل
فى نفس الوقت ولما قارنت مشاعرى ناحيته بمشاعرى ناحية خالد اتاكدت ان خالد
بالنسبة لى كان مجرد اعجاب بيه مش اكتر ، شاب جميل وعنده لياقة بدنية وعنده
طموح وهدف يعنى فيه الصفات اللى اى بنت بتتمناها فى فتى احلامها ، لكن مازن
ده حاجة تانية خالص رغم انه مش وسيم زى خالد لكن بفرح اوى لما بشوفه وبحس
انى مطمنة ، ولوفات يوم وماشفتهوش فى الجامعة بضايق جدا
سلامة : بصى يابنتى حاولى تقربى من مازن ده واديله فرصة انه يتكلم معاكى تانى
بس هو اللى يبدا بالكلام ولوعرض عليكى الارتباط يبقى توافقى بس يبقى فيه فترة
خطوبة كبيرة نوعا ما علشان تقدرى تتاكدى فيها من مشاعرك ناحيته
ملك : خلاص ماشى يابابا وانا هاعمل بكلامك ،باسته من خده: تصبح على خير
يااحلى بابا
سلامة: وانتى من اهله ياحبيبتى
————————————-
***** طارق راح لامل دار الايتام
طارق : ازيك ياامل مش بتردى على ليه
امل : معلش ماكنتش جنب التليفون
طارق: كل مرة برن فيها مابتبقيش جنب التليفون ياامل، ماشى هعديهالك
انل : انت عايز منى ايه ياطارق، انت ناسى انك متجوز ومراتك حامل كمان
طارق: انا مش مبسوط مع هند ياامل انا بحبك انتى وماعدتش قادر اعيش
من غيرك
امل : بس انا ياطارق مش هاقدر استحمل يبقالى ضرة ، لوهنرجع لبعض
يبقى تطلق مراتك الاول
طارق : طب وابنى اللى فى بطنها ياامل
امل اعطته دهرها : ماليش فيه ياطارق
——————————————
فى بيت انور
الكل متجمع على الغدا انور وعزة وسارة وخالد
عزة :انت اتكلمت مع ندا ياخالد
خالد: ايوة ياماما
سارة : وقالتلك ايه
خالد: قالت انها لسة صغيرة ومن حقها تتجوز
سارة : دى انسانة واطية
انور: احترمى نفسك يابت هى ماقالتش حاجة غلط ده حقها وربنا شرعه ليها
الدور والباقى على اللى سايبة جوزها فى الغربة لوحده وقاعدة عند اهلها
سارة: يعنى ايه يابابا انت تقصدنى انا بالكلام ده ، على العموم لومضايق
من وجودى هنا امشى
انور: ايوة مضايق وياريت تمشى وتسافرى لجوزك
سارة: سامعة كلامه ياماما
خالد: بابا عنده حق ياسارة وجودك هنا مالوش لازمة ، سافرى لجوزك وخليكى
جنبه افضل
عزة : بقولكم ايه سيبكم من الموضوع ده دلوقتى ، المهم اتكلمت معاها انها لو
انجوزت تسيب ادم معانا هنا
خالد: للاسف ياماما رفضت عايزاه يبقى معانا اسبوع ومعاها فى بيت جوزها
اسبوع ، اويبقى مع والدتها علطول
عزة حطت ايديها على راسها : اهو ده اللى كنت خايفة منه: مفيش حل ياخالد
غير انك تتجوزها انت يابنى ، ارجوك ياخالد انا مااقدرش استحمل ادم يبقى
بعيد عنى ده انا كنت اموت
انور : وانتى تضمنى منين اساسا ياعزة انها هتوافق تتجوز خالد
سارة: وهى تطول اساسا تتجوز خالد دى تتمنى، هى اهم حاجة عندها تتجوز
وخلاص وتجيب اخوات لادم وخالد افضل واحد ممكن يتقدملها
خالد: وانت ايه رايك يابابا فى الموضوع ده
انور : انا ماليش راى فى المرضوع ده بالذات اللى انتو شايفينه صح اعملوه
انا قايم سديتو نفسى
خالد قام هو كمان
عزة : رايح فين يابنى
خالد : خارج ياماما
————————
خالد كلم اية وطلب منها يتقابلو ضرورى
اية: خير ياحبيبى فى ايه قلقتنى
خالد رمى نفسه فى حضنها وفضل يعيط
اية رفعت راسه وحطت ايديها على خده ومسحت دموعه
خالد : انا تعبان اوى ياحبيبتى
اية: مالك ياحبيبي بس ايه اللى حصل قضية عبد الله بردو
خالد: لا يااية قضية عبد الله زي ما هي لسة مش قادرين
نوصل للست اللي راحت لبرعى تتفق معاه على قتله،… الموضوع اكبر من
كدة بكتير
اية : خير يا حبيبي ايه اللى حصل
خالد: ندى مرات عبد الله
اية : مالها
خالد: عايزة تتجوز
اية : بالسرعة دى
خالد: ايوة
اية : بس ده حقها ياخالد هى بردو لسة صغيرة فى السن
خالد : انا مش معارض جوازها انا مشكلتى دلوقتى ادم هى عايزاه
يبقى بينا وبينها وانا لايمكن ارضى بكدة ابدا
اية : طب والحل ايه ، والدك ووالدتك رايهم ايه
خالد : ماما رايها انى اتجوزها انا
اية : نعم!!! ده على اساس يعنى انك سنجل مش مرتبط وانت قلتلها ايه بقى ان
شاء الله
خالد : بقولك ايه ياآية انا مش ناقصك انتى كمان كفاية اللى انا فيه
تليفون خالد فجاة رن
خالد :الو ايوة ياحازم
حازم : برعى انتحر من شوية ياخالد
خالد : ايه؟؟؟!!!!
وخلصت حلقتنا النهاردة توقعاتكم
ياترى برعى انتحر ليه
تتوقعو الكلام اللى الست دى قالته عن عبدالله حقيقة ولا كدب
وان كانت بتكدب يبقى ايه هو السبب اللى خلاها تتفق على قتل عبدالله طارق هيسمع كلام امل ويطلق هند علشان يرجعها ولا لا ورايكم ايه
فى موقف امل ده علاقة سارة ومحمد ايه اللى ممكن يحصل فيها هل ستنتهى ولا لا ندا غلطانة فى انها عايزة تتجوز تانى ولا عندها حق ملك ومازن ممكن يرتبطو فعلا ويعيشو مع بعض اجمل قصة حب
