رواية عيناها سر سعادتى )بين العشق وحب الذات)
بقلم :فاطمة البربرى
اولا نتعرف على شخصيات الرواية:
آية:مهندسة معمارية مش مرتبطة٢٦سنة
أمل:اخت آية(٢٨سنة) ومتزوجة من ٣سنين من طارق العمرى
رجل اعمال صاحب شركة استيراد وتصدير (٣١سنة)
ولم ينجبا اطفال حتى الآن
محمود:اخو آية الاكبر (٣٠سنة) شيخ بالجامع الكبير ومحفظ للقرآن الكريم
مجدى:والد آية-سالى:والدة آية
خالد:ظابط طبعه قاسى بيكره البنات وبيكره فكرة الارتباط اساسا(٢٩سنة)
عبدالله:اخو خالد التوأم مهندس معمارى ومتزوج من ندا(٢٨سنة) ومدرسة لغة انجليزية
وحامل فى الشهر السابع
سارة:أخت خالد(٢٧سنة) دكتورة اسنان ومخطوبة من محمد(٢٨سنة)صيدلى
د/اسلام:مدير الشركة اللى بيشتغل فيها آية وعبدالله وعم خالد وعبدالله
أنور:والد خالد-عزة:والدة خالد
نبدا بقى فى قصتنا٠٠٠٠
فى بيت الحاج مجدى سالى اعدت مائدة للفطار فى الصباح الباكر وذهبت
الى مجدى الذى كان منتهيا للتو من قرآة القرآن الكريم واخبرته انها اعدت الفطور
وان آية ومحمود منتظرينه لمشاركتهم الفطور
آية:بابا حبيبى صباح الخير
مجدى:صباح الورد يانور عين بابا
محمود:ايه يابابا كل ده تأخير احنا جوعنا
مجدى:طول عمرك كدة ياواد انت لسانك طويل شوف الفرق بينك وبين اختك
سالى: لا ماتقولش كدة على الغالى ده حودة حبيب قلبى لسانه بينقط سكر
مجدى :اه ومين يشهد للعروسة ههه
والكل ضحك
فجأة آية سمعت صوت رنة موبايلها
آيه:ايه ده مين اللى بيرن على بدرى كدة
سالى: قومى يابنتى شوفى بسرعة مين ربنا يستر،اللهم اجعله خير
آية قامت وجابت التليفون من اوضتها:دى امل ياماما
آية:الو ازيك ياامل عاملة ايه
أمل بصوت فيه نبرة حزن:انا الحمد لله بخير ،انتو عاملين ايه،قولى لبابا
ان انا وطارق هنيجى نقضى النهاردة معاكم
آية:اوكى ياحبيبتى حاضر هابلغه سلام
سالى:خير يابنتى اختك عايزة ايه
آية :خير ياماما بتقول انها هتيجى هنا هى وطارق النهاردة بس صوتها متغير خالص
ياماما مش عارفة مالها
محمود:هى امل كدة علطول منكدة على نفسها بسبب موضوع الخلفة ده لازم
يكون عندها ايمان قوى بالله ورضا بقضاءه ماينفعش اللى بتعمله فى نفسها ده
مجدى: ربنا يهديها يابنى ويرزقها بالذرية الصالحة هى وكل مشتاق عن قريب
الكل:امين يارب العالمين
آية: طب هامشى انا بقى عشان متاخرش على الشغل مش عاوزين حاجة
سالى،مجدى:عايزين سلامتك ياحبيبتى
خالد وعبدالله عايشين فى نفس المكان ،شقة عبدالله فوق شقة انور والدهم
عبدالله وهو ذاهب الى شغله اكتشف ان عربيته لاتدور ووجد خالد ذاهبا ايضا الى شغله
عبدالله:اخويا حبيبى،صباح الخير ياباشا
خالد :هه مادام فيها اخويا حبيبى يبقى عايز حاجة،عايز ايه اخلص مش فاضيلك
عبدالله:طلب صغير خالص،لوتسمح يعنى ياباشا توصلنى معاك فى طريقك للشركة
عشان عربيتى شكلها كدة فيها عطل
خالد:لا طبعا طلبك مرفوض،خدلك اى تاكسى مش مشكلة يعنى طريقنا مش واحد
عبدالله:يابنى انا عما اطلع الطريق ولاقى تاكسى هاخد وقت وانا بصراحة اتاخرت
اوى النهاردة
خالد(بابتسامة خفيفة):ماهو انت لوبتنام بدرى بدل السهر طول الليل مع حبيبة
القلب ميس ندى،كان زمانك صحيت بدرى ومتاخرتش على شغلك
عبدالله:وانت عرفت منين اننا كنا سهرانين ياد انت
خالد(ضحك بعلو صوته):من صوتكو ياخفيف اللى ماعرفتش انام منه طول الليل
عبدالله بحرج:ايه ده هو صوتنا كان عالى اوى كدة
خالد:ياعم عالى ولاواطى انا ماشى،شوفلك تاكسى بقى سلام
خالد فتح العربية بالريموت وعبدالله جرى بسرعة وركب مكانه قبل ماهو يركب
خالد:ماتنزل ياد انت بطل غلاسة
عبدالله:خلص ياعم بقى بقولك متاخر
خالد:امرى لله ربنا يصبرنى عليك روح ع الكرسى التانى انا اللى هاسوق
خالد:انا بس خايف عمك اسلام يشوفنى واضطر اطلع اسلم عليه واتاخر
انا بقى على شغلى
عبدالله:وايه يعنى سلم عليه واستاذن علطول،ده انت حتى ماشفتهوش من زمان
***فى بيت امل
طارق باسها من جبينها:انا ماشى ياحبيبتى،مش عايزة حاجة اجبهالك معايا وانا جاى
امل:سلامتك ياحبيبى متتاخرش بقى عشان هنروح عند بابا النهاردة
طارق:ماشى ياحبيبتى هحاول على قد مااقدر انى اجى بدرى،سلام
سارة فى عيادتها الخاصة نادت على الممرضة:دخلى اول حالة
الممرضة:حاضر يادكتورة
محمد دخل سريعا وقفل الباب ونام على كرسى المرضى:احم احم
سارة وكانت عطياله دهرها بتجهز فى ادوات وظيفتها ولما شافته ابتسمت
ابتسامة خفيفة ثم تكلمت بحدية:افندم
محمد:لوسمحتى يادكتورة قلبى واحعنى اوى من امبارح ومش عارف اعمل ايه
سارة بجدية:العنوان غلط حضرتك انا دكتورة اسنان مش دكتورة قلوب
محمد شهق وقام من على الكرسى:ايه ده ازاى الكلام ده امال قالولى عنك انك شاطرة
اوى فى مداواة القلوب(وقرب منها اوى)
سارة لما قرب منها حست انها هتضعف اعطته دهرها بسرعة::ريح بالك ان كنت فاكر
ان الحوار اللى بتعمله ده هيخلينى اسامحك على انك ماخرجتنيش امبارح زى ماوعدتنى
يبقى تنسى
محمد قرب منها اكتر ومسك ايديها ولف وشها ليه تانى:حتى لوقلتلك ان النهاردة بعد
ماتخلصى شغل هاعزمك فى اى مكان انتى تختاريه على بيتزا بالفراخ اللى انتى بتحبيها
سارة بابتسامة:كدة ممكن اسامحك ثم علت صوتها وبحدة:بس اعرف الاول
ماجيتش ليه امبارح
محمد:ابدا ياستى كنت طالب طلبيات دوا بكميات كبيرة والمفروض انها كانت توصل بدرى قبل ميعادنا
والمندوب اتاخر اوى واضطريت استناه عشان استلمها بنفسى وارتبها مكانها انا اسف اوى
ياحبيبتى وبعدين انا رنيت عليكى عشان اعتذرلك لقيت تليفونك مقفول
سارة بارتباك:اه ماهو التليفون كان فصل شحن
محمد:فصل شحن اه اضحكى على مانا عارف انك قفلتيه بمزاجك عشان زعلانة
سارة ابتسمت:انا بصراحة كنت زعلانة منك اوى يالا امشى انت بقى عشان الحق اخلص الحالات
اللى عندى بدرى عشان نخرج
محمد:اوكى ياروحى سلام
***خالد وصل عبدالله الشركة
خالد:يالا ياعم انزل بقى
عبدالله:اطلع سلم على عمك بسرعة وانزل عشان مايزعلش ،واهى بجميلة يااخى
خالد بزهق شوية:امرى لله يالا بينا
طلعو الاتنين الشركة ووجدو عمهم واقف برة مع حد
عبدالله:الحمد لله اهو هناك اهو مش قاعد فى مكتبه روح سلم عليه بسرعة بقى وامشى
خالد:كويس خير
وقربو من د/اسلام
د/اسلام لمحه وهو جاى عليه وبصوت عالى شوية:اهلا خالد باشا عاش مين شافك
خالد سلم عليه:اهلا ياعمى معلش بقى مانت عارف ظروف شغلى
د/اسلام:ربنا معاك يابنى
***خالد لمح اية من بعيد ماشية مع واحدة صاحبتها ولفتت انتباهه جدا وحس بحاجة
جذبته ليها مش عارف هى ايه
د/اسلام:اتفضل ياخالد ادخل جوة نعملك واجب
خالد/لا شكرا ياعمى مرة تانية بقى عندى شغل كتير بعد اذنك
د/اسلام:مع السلامة ياحبيبى
**خالد مشى وطول ماهو سايق العربية صورة اية بتبجى قدامه وكان حاسس احساس
غريب بالنسبة له اول مرة يحسه بس كان مبسوط من الاحساس ده وفجاة حاول يشغل اى حاجة
يسمعها عشان صورة اية تروح من قدامه وينساها لانه بيكره يبقى ضعيف
وبيكره انه انه يفكر اويدى مشاعر حب لاى حد حتى لو لاقرب الناس ليه وبيحب
دايما يظهر قوى قدام الناس وان المشاعر والاحاسيس دول اعداؤه
***ندا فى شغلها(بتشتغل فى مدرسة ابتدائية)قاعدة مع صاحبتها نورا
ندا تتاوه بصوت واطى
نورا:مالك ياندا
ندا:تعبانة اوى النهاردة انا بفكر اخد اجازة من دلوقتى ماعدتش بقدر اجى المدرسة
نورا:معلشى ياندا استحملى الشهرين الباقيين دول وكدة كدة هتاخدى اجازة وضع بعد الولادة
ندا:ربنا ييسر الامور يارب
نورا حاولت تخفف عنها:باذن الله ربنا يكملك على خير والنونو العسل حبيب خالتو يشرف بقى
***امل وطارق راحو بيت الحاج مجدى رنو الجرس وسالى فتحتلهم الباب
امل رمت نفسها فى حضنها:ماما وحشتينى اوى
سالى:وانتى كمان ياحبيبتى اتفضلو نورتونا
طارق:ازيك ياام محمود
سالى:اهلا يابنى انا الحمد لله بخير طول مانتم كويسين
مجدى:اهلا اهلا بالغاليين اتفضلو
