رواية عيناها سر سعادتى(بين العشق وحب الذات)
بقلم فاطمة البربرى
طارق خرج مع محمود يتمشو شوية
**امل واية ومجدى وسالى قاعدين مع بعض فى الريسبشن
امل:بابا انا كنت عايزة اخد رايك فى موضوع كدة
مجدى:خير يابنتى موضوع ايه
امل:انا بفكر اطلب الطلاق من طارق
اية:ليه كدة ياامل ده طارق حب عمرك،هتسبيه ليه
امل بدموع:انا خلاص تعبت ياجماعة نفسى ابقى ام محدش حاسس بى
طارق قالى اول امبارح ان الدكتور قاله مفيش امل انه يخلف خالص طول عمره،
انا نفسى ابقى ام ايه المشكلة يعنى انى اطلق واتجوز غيره وربنا يكرمنى واخلف
اية بذهول وحزن:انا مش مصدقة اللى بتقوليه ده انتى عمرك ماهتلاقى واحد يحبك
زى طارق ،ده بيعاملك زى الاميرات الرجالة اللى زى طارق دول فى الزمن ده
قليلين جدا ياامل يكاد يكونو منعدمين اساسا لوعايزة نصيحتى اصرفى نظر عن
موضوع الطلاق ده
امل ببكاء شديد ونبرة صوت عالية شوية:وانت يابابا رايك ايه ساكت ليه انت وماما،
هو انا لوطلبت الطلاق من طارق يبقى كدة حرام على ،كدة بظلمه،يعنى ممكن ربنا
يبتلينى بواحد مش كويس،ماتردوا على ساكتين ليه
سالى: اهدى ياحبيبتى اهدى اللى انتى شايفاه صح اعمليه مش حرام عليكى ولاحاجة
ده حقك وربنا شرعه ليكى مادام متضررة وانتى استحملتى معاه ٣سنين بدون خلفة
بس خلاص ماعدتيش قادرة ،مالكيش ذنب فى عدم التحمل
مجدى قام وقف واخدها فى حضنه وباسها من جبينها:بصى ياحبيبتى لوطلبتى الطلاق
مش حرام عليكى ولا ربنا هيبتليكى بواحد مش كويس زى ما بتقولى بس المشكلة هنا
انك هتكسرى قلب واحد بيحبك بجنون وهتضيعى منك حبك الاول واللى عمرك ماهتقدرى
تحبيه لاى شخص تانى صعب اوى انك تنسى طارق ياامل يعنى لواتجوزتى غيره
هيبقى هدفك الاساسى هو الخلفة بس لكن مشاعرك هتفضل مع طارق وده الغلط يابنتى
يعنى هتبقى بتظلمى واحد تانى معاكى
سالى:بس يامجدى ايه الكلام اللى انت بتقوله ده هى الواحدة لما بتتجوز خلاص بتبقى
مشاعرها كلها لجوزها مش عارفة انا حب ايه وزفت ابه اللى بتتكلمو فيه ده مفيش حاجة
اصلا اسمها حب ،الحب بيجى مع العشرة
مجدى بحزم:اسكتى ياام محمود احسن
****خالد جهمن شغله متاخر
عزة شبه نايمة على كرسى الانتريه صحيت على صوت مفتاح الباب:انت جيت يابنى
ايه اللى اخرك اوى كدة النهاردة
خالد باس ايديها:معلشى ياست الكل مانتى عارفة ظروف شغلى
عزة: وبعدين ياخالد معاك هتفضل تاعبنى كدة لحد امتى
خالد: ليه بس ياماما بتقولى كدة
عزة: نفسى اشوفك يابنى عريس قبل مااموت
خالد: تموتى ايه ياماما كل شوية تقوليلى كدة يعنى متوقعة بقى انى لما اسمع الكلمة
دى قلبى هيرق بقى واقولك شوفيلى عروسة يالا
عزة:ياربى عليك يعنى بدل ماتقولى بعد الشر عنك يا امى تقول كدة انت مابتعرفش
تقول كلمة حلوة ابدا
خالد بجمود: ايوة مابعرفش،الكلام الحلو ده كله نفاق اساسا ومجاملات ملهاش
اى ستين لازمة
عزة بحزن: انا مش فاهمة انت ليه كدة رغم انى ربيتك انت واخوك عبدالله واختك زى
بعض ،انت الوحيد اللى فيهم طالع قلبك قاسى كدة
خالد انا مش ناقص وجع دماغ،انا رايح انام ياماما تصبحى على خير
***خالد حاول ينام ماعرفش صورة اية بتيجى قدامه كل شوية ،قام من النوم وحاول
يشغل باله باى حاجة تانية مفيش فايدة
خالد مستغرب ايه اللى شده ليها ده مايعرفش عنها اى حاجة ولا اخلاقها ولا صفاتها
ولاحتى يعرف اسمها ،ايه اللى فيها بس مميز عن اى بنت شفتها ده انا عمرى فى حياتى
ماحسيت باى مشاعر ناحية بنت اشمعنا دى
انا خلاص تعبت ومش عارف اعمل ايه تفكيرى فيها بيزيد كل يوم عن اليوم اللى قبليه
انا لازم اشوفها تانى مش قادر خلاص استحمل انى ماشوفهاش وفضل خالد على الحال ده
حوالى اسبوع
***امل رجعت مع طارق بيتهم ولسة بتفكر بردو فى موضوع الطلاق
طارق راجع من شغله بدرى ولما دخل لقى امل ممددة على الكرسى بتاع الانتريه
وجنبها كوباية شاى ساقعة ومشغلة التليفزيون بس سرحانة خالص
طارق:امل…امل
(امل لاتجيب)
طارق خبطها فى كتفها: ايه ياامولة بتفكرى فى للدرجة دى ومش حاسة باللى حواليكى
الشاى اللى انتى عاملاه سقع
امل انتبهت: طارق انت جيت ليه هى الساعة كام دلوقتى متهيالى لسة بدرى على وقت
مجيك مش كدة ولا ايه
طارق ابتسم:ايوة فعلا انا جاى بدرى يالا قومى البسى وجهزى نفسك كدة عشان هنروح
شرم الشيخ حالا
امل بذهول: شرم الشيخ!! ليه يعنى
طارق :اهو تغيير جو ياقلبى لينا انا تعبت من جو الشغل حاسس انى لواستمريت على كدة
هيجيلى اكتئاب ،وباسها من خدها يالا قومى اجهزى بقى
امل:طارق كنت عايزة اتكلم معاك فى موضوع مهم
طارق شدها من ايديها:قومى بس ياروحى اجهزى وجهزى الشنط ونبقى نتكلم فى الموضوع
ده هناك
*خالد جاى من شغله عزة قابلته على الباب : خطيب اختك جوة ادخل سلم عليه
خالد بزهق: يووه حاضر ياماما
خالد دخل عند محمد وسارة،وابراهيم وندا كانو قاعدين معاهم : اهلا يامحمد
اخبارك
محمد: اهلا ياخالد باشا
خالد قعد جنب سارة واخدها فى حضنه: ايه يابت انتى حلوة كدة ليه النهاردة
عبدالله :لا مادام خالد باشا شهدلك بنفسه بكدة يبقى انتى فعلا حلوة بقى النهاردة
سارة كانت مبتسمة ومبسوطة جدا انها فى حضن اخوها اللى دايما حارمها انه حتى
يقرب منها اويتكلم معاها فى حاجة وكانت مذهولة من تصرفه ده فى نفس الوقت
ندا: ايه ده معقولة ياخالد اللى انا سامعاه وشايفاه قدامى ده انا مش مصدقة عنية والله
ايه الحنية دى كلها اللى نزلت عليك فجاة النهاردة
محمد: خيير ياجماعة،بس على فكرة بقى ياخالد سارة مش حلوة النهاردة بس سارة كل
يوم احلى من التانى
سارة: حبيب قلبى ياحمادة
خالد:حبيب قلبى وحمادة كمان لا انا اطلع منها بقى
الكل ضحك وكان صوتهم عالى وانور وعزة جم على صوت ضحكهم
عزة:ربنا يبسطكو دايما ياولاد ويهديك ياخالد يابنى دايما كدة
خالد: قام وقف :يهدينى!!بقى كدة ياحاجة يعنى تقصدى ايه يعنى بكلامك ده بقى
انور: لا ياحبيبى اكيد ماتقصدش حاجة ده انت احسن واحد فى الكون
بس انت دايما كدة قافل على نفسك ومكشر ومقسى قلبك ،بزعل اوى يابنى لما
بشوفك كدة
عبدالله وقف وقرب من خالد: والله خالد ده مافى احسن منه ،هى طبيعة
شغله بس اللى مخلياه كدة
عزه: اه وهو مين هيشهدلك غير توامك وروحك
عبدالله وخالد حضنو بعض وضحكو
***اية قاعدة مع هاجر صاحبتها الانتيم اللى كانت تعبانة شوية وكانت رايحة تزورها
اية: الف سلامة عليكى ياجوجو
هاجر: الله يسلمك يايويو ،اخيرا حنيتى على وجيتى زورتينى فى بيتى ،ثم ابتسمت :لوكنت
اعرف كدة كنت قلت للبرد يجينى من زمان
اية:ههه مانتى عارفة ياجوجو اخويا محمود مابيحبنيش اخرج كتير
هاجر قلبها دق بسرعة لما سمعت اسم محمود
هاجر بشغف:اه صحيح هو اخباره ايه
اية: هو مين ده
هاجر:انتى هتستعبطى على يابت انتى هيكون مين يعنى اخوكى طبعا
اية بخبث: محمود كويس ،انتى لسة بتحبه ياعسل انت
هاجر بحسرة:حب من طرف واحد
اية:ع فكرة محمود كان بيقولى من فترة شوفيلى عروسة محترمة وبنت ناس كويسين
وانا رشحتك ليه ولمحتله بعنى انك معجبة بيه
هاجر بفرحة: بجد وهو قالك ايه
اية: ماقالش حاجة ابتسم بس وسكت مردش
**خالد احواله اتغيرت خالص وحتى فى شغله مديره بدا يشتكى منه لانه بدا
يهمل شغله كمان وهو لاحظ كدة فقرر انه يحاول يشوف البنت اللى شقلبت كيانه
دى وشغلت باله يمكن يستريح ويرجع تانى زى الاول
**تانى يوم خالد فرقع كاوتش العربية لعبدالله واستناه لما يخرج
عبدالله: صباح الخير ياخالد ايه ياعم واقف كدة ليه
خالد: مستنيك وانا ماشى لمحت كاوتش عربيتك نايم قلت اخدك فى سكتى بالمرة
عبدالله بص على كاوتش العربية: معقولة حصل امتى ده
خالد: انا عارف بقى، تعالى معايا يالا اوصلك
عبدالله:لا لا ياعم روح على شغلك انت عشان ماتتاخرش وانا هاخد تاكسى وخلاص
خالد: انت هتشتغلنى ياد انت انجز واركب يالا
عبدالله ركب معاه وطول الطريق خالد كل تفكيره فى اللحظة اللى هيشوف فيها حبيبته
اللى ملكت قلبه ومشاعره وجميع جوارحه وكان خايف جدا انه مايعرفش يشوفها
عبدالله لاحظ ان خالد سرحان خالص طول الطريق وبيفكر فى حاجة لدرجة انه نادى عليه اكتر
من مرة وماحسش بيه فخبطه على كتفه:انت ياعم مالك سرحان فى ايه
خالد اتنفض:هاه لا مفيش قضية كدة شاغلة بالى
عبدالله بذهول: يااه حتى وانت سايق بتفكر فى الشغل لا انت بجد شخص ممل
يالا سلام بقى انا وصلت اهو
خالد: لا استنى هاجى معاك اسلم على عمى اسلام
عبدالله: طيب انزل يالا
وخلصت حلقتنا النهاردة توقعاتكم
ياترى خالد هيعرف يشوف اية ويتكلم معاها ولا ايه
هل امل فعلا هتفاتح طارق فى موضوع الطلاق ده ولا هتصرف نظر عنه
محمود هيوافق انه يتجوز هاجر ولا لا
اية هتبادل خالد نفس الشعور ولا
