رواية عيناها سر سعادتى(بين العشق وحب الذات)
بقلم فاطمة البربرى
ملك اول لما مازن دخلها اوضة نومه ورماها على السرير شدت ملاية السرير
بسرعة وسترت نفسها بيها
ملك بدموع غزيرة وذل : ارجوك ارجوك ابعد عنى انت لوعملت فى حاجة ابويا
هيموت فيها ، بلاش ارجوك انا محيلتيش غير شرفى دى الحاجة الحلوة اللى
باقيالى بلاش تضيعها
مازن قرب منها جامد وبكل برود : انتى عبيطة ده انا نفسى فيكى من زمان
اقوم لما تبقى قدامى اسيبك ده انتى بتحلمى وقعد يبوسها فى كل حتة فى
جسمها
ملك باست ايده : ابوس ايديك سبنى ارجوك
مازن حس للحظة انه بدا يتعاطف معاها لما شاف دموع عنيها وكان لاول مرة
يبص لعنيها وهى بتتكلم سابها وقام : انا اسف انا هاخرج برة اروح مشوار وانتى
قومى البسى هدومك وامشى
ملك حست ان روحها رجعت ليها تانى بعد ما خلاص كانت فقدت الامل ان مازن
ممكن يسيبها ومايعملش فيها حاجة
ملك مع نفسها : الحمد لله يارب انك انقذتنى الحمد لله
****خالد واية جابو الشبكة وعملو حفلة خطوبة كبيرة وعزمو الجميع وحددوا ميعاد
الفرح
***طارق بيحاول على قد مايقدر يسعد هند لكن هو للاسف مش حاسس انه سعيد
معاها وندم انه ماقالش لامل ان هى اللى مابتخلفش وكمل معاها حياته لانه مش
قادر ينساها ، كان بيحاول دايما يفتكر جرحها ليه لما طلبت الطلاق علشان قلبه
يقسى ويكرهها ولكن دون جدوى
طارق مع نفسه : ياريتنى كنت رميت كرامتى على جنب وماطلقتش امل
***امل حاولت تشغل نفسها كتيير بدار الايتام اللى اشتغلت فيها علشان
تنسى طارق لكن مازالت تحبه ودايما مع نفسها تفتكر ذكرياتها معاه
***مازن من بعد اللى حصل حاول على قد مايقدر يتجنب يشوف ملك
فى الجامعة
***ملك حاولت تنسى كل اللى حصل واهتمت بمذاكرتها علشان تطلع
الاولى زى كل سنة
*** محمد وسارة اتجوزوا وخلاص جه يوم سفرهم للكويت ، الكل راح يسلم
عليهم
فى بيت محمد وسارة
عزة تنظر لمحمد : خل بالك منها يامحمد اوعى تزعلها ابدا وخصوصا وهى
معاك فى الغربة لان هناك يابنى انت هتبقى زوجها وابوها وامها وكل حاجة
بالنسبة لها مالهاش حد هناك غيرك
محمد : انتى هتوصينى على روحى ياماما عزة ، وبص لسارة : سارة دى
كل حياتى
سارة : ماتقلقيش ياماما محمد بيخاف على اكتر من نفسى وعمره اكيد ماهيزعلنى
انور : ربنا يخليكم لبعض يارب
عبدالله قام ومعاه ادم واداه لسارة : يالا ياادم روح لعمتو سلم عليها قبل ماتسافر
سارة : ادم حبيب قلب عمتو انت اللى هتوحشنى ياعسل انت وباسته من خده
ندا : ابقى رنى علينا علطول بقى علشان نطمن عليكى ياسو اوعى محمد
يشغلك عننا
محمد : اكيد طبعا ياام ادم هنكلمكوا علطول احنا لينا غيركم ، مانتى عارفة اهلى
ماتو انتو اهلى وعيلتى وكل حاجة فى حياتى ربنا يخليكم لينا
سارة : امال خالد فين ياماما مش هاشوفه قبل مااسافر ولا ايه
عزة : هو فى شغله ياحبيبتى وقال هيحاول يخلص بدرى علشان يجى يسلم
عليكى بس مش عارفة اتاخر اوى كدة اى
عبدالله : انا هاقوم ارن عليه اشوفه فين
فجاة جرس الباب رن كان خالد ومعاه اية
محمد قام فتح الباب : اهلا خالد باشا كنا لسة حالا بنسال عليك
سارة قامت بفرحة وحضنت اخوها : كنت خايفة اوى ماتجيش
خالد : هو انا اقدر بردو ماشوفكيش قبل ماتسافرى
اية : ازيك ياسارة اخبارك ايه
سارة سلمت عليها : الحمد لله يايويو انتى اللى عاملة ايه والباشا بتاعنا
اخباره معاكى ايه
اية بابتسامة وبصت لخالد : الحمد لله ، هو فيه زى خالد فى الدنيا دى
ربنا يخليه لى
عبدالله : ياسلام ياسلام على الرومانسية شوفى ياست ندا واتعلمى
ندا : هههه والله مانا مصدقة ان ست بتقول لاخوك الكلام الحلو ده
انور : طب ماتدخلو تقعدو بدل مابتتكلمو وانتو واقفين كدة
محمد : لا ياعمى احنا هنضطر نمشى دلوقتى خلاص ميعاد الطيارة قرب
انور قام سلم عليه : طيب ياحبيبى توصلو بالسلامة
والكل سلم عليهم ومشيو
*** فى الجامعة عند ملك :
مازن شاف ملك قاعدة لوحدها فى كافيه الجامعة وبتذاكر حس انه عايز يتكلم
معاها فراح ناحيتها وقعد على الكرسى اللى جنبها
مازن : ملك كنت عايز اتكلم معاكى شوية
ملك قامت وقفت اسفة مش فاضية
مازن شد ايديها وبحدة : اقعدى ياملك قلت عايز اتكلم معاكى شوية
ملك لما بصت ليه خافت منه من نظرة عنيه فاضطرت تقعد : افندم عايزنى فى ايه
مازن : انتى عارفة ياملك انا غنى لكن فقير جدا
ملك : يعنى ايه مش فاهمة حاجة
مازن بكل حزن : يعنى معايا فلوس كتييرة جدا لكن للاسف مش مبسوط ،
ابويا وامى عايشين فى اوروبا بقالهم سنيين من وانا كان عندى
ست سنين وسابونى هنا لوحدى مع جدتى اللى سابتنى هى كمان وماتت
من سنة وبيدعو ان سفرهم ده علشانى وعلشان مستقبلى ، عرضت عليهم
كتيير اسافر لهم واعيش معاهم واكمل تعليمى هناك بس كانو دايما
يرفضو ويقولولى ماينفعش جدتك تعيش لوحدها ، دايما حاسس
بالوحدة ناقصنى حنان الام وشدة الاب اللى كلها حب علشان يربينى
صح ، والدى بيبعتلى فلوس كتييرة اوى وماببقاش عارف اعمل بيها ايه
طبعا هما فاكرين انهم بالفلوس دى بيعوضونى عن غيابهم عنى
اتصاحبت على شباب للاسف كانو فاسدين خلونى اروح ملاهى ليلية وكنت
بسهر هناك لحد الصبح وشفت هناك كل انواع البنات ، شفت بنات كتيرة
محترمة جدا وكل الناس يشهدوا باخلاقهم وللاسف موجودين فى الاماكن
الزبالة دى وبيبيعو نفسهم بقى متهيالى ان كل البنات زى بعض بيدعوا
الشرف وهما بلا شرف وعلشان كدة لما كنت عاوز …. وقتها كنت فاكرك
زى البنات دى وخصوصا انك رضيتى تيجى معايا شقتى بس لما شفتك
وانتى بتترجينى اسيبك وشفت فى عنيكى قد ايه كنتى خايفة على نفسك
حسيت باحساس غريب حسيت بانى ولاول مرة مش قادر المس بنت
جميلة قدامى وكانت رغبتى فيها من زمان حسيت بان قلبى رق وده
مستحيل بالنسبة لقلب عمره ماشاف الحنية من حد حتى اقرب الناس ليه
ملك بدموع وحدة : انتى بتحكيلى الكلام ده كله ليه دلوقتى ، انت فاكر
باللى قلته ده هيبررلك القذارة اللى كنت عايز تعملها معايا
مازن بدموع غزيرة :ملك انا من اول ماشفتك وانا متعلق بيكى
انا عارف انى غلطت فى حقك سامحينى ياملك انا بحبك اوى
ولولا حبى ليكى ماكنتش سبتك حبى ليكى اللى خلى قلبى
رق وحن عليكى
ملك : وانا بكرهك بكرهك جدا انت اقذر انسان شوفته فى حياتى
مازن بدموع غزيرة وقام وقف : انا اسف للمرة التانية ياملك واوعدك
انك مش هاخليكى تشوفينى تانى ابدا
**** خالد بيرن على اية
اية : الو ازيك ياحبيبى اخبارك ايه
خالد : البسى وانزلى حالا ياحبيبتى علشان خارجين
اية : حالا!! ليه انت فين؟
خالد : انا تحت بيتك اهو بالعربية وواقف مع محمود اخوكى انجزى بقى
اية : حاضر ، طب هاكلم بابا واقوله الاول
خالد : انا كلمته خلاص واستاذنت منه
اية : خلاص خمس دقايق واكون نازلة ، سلام بقى
اية وهى بتلبس تليفونها رن فتحت من غير ماتشوف مين اللى بيرن
اية : ايوة ياخالد انا خلصت ونازلة اهو
هاجر : خالد مين يابت انا هاجر
اية : هاجر معلشى ياجوجو اصله لابخنى جاى بالعربية قدام البيت
ويقولى البسى يالا علشان نخرج
هاجر : ههه خطيبك ده مجنون والله ، بس الجنون حلو بردو بيبقى
مطلوب احيانا ربنا يهنيكم
اية : يارب ، اه صحيح كنتى بتتصلى عايزة حاجة ولا ايه
هاجر : لا ماخلاص بقى كنت جاية اقعد معاكى شوية مرة تانية بقى سلام
**** خالد واية فى مطعم مع بعض وطلبو اكل
خالد : اه صحيح يايويو بتعرفى تطبخى ولا هنقضيها اكل مطاعم بعد
الجواز
اية : ده انا استاذة فى الطبيخ ياحبيبى
خالد : بجد طب طمنتينى اصل انا بحب الاكل اوى
اية : هههه مش باين عليك يعنى
خالد : انا بحب الكل لكن مش باكل كتير علشان احافظ على لياقتى
اية : ماشى ياحضرة الظابط ومنكم نستفيد
بعد دقايق من الصمت ، اية كانت مشغولة بالاكل جدا لكن خالد تارك
الاكل وبيبص على اية وهى بتاكل ، اية انتبهت ولاحظت ان خالد بيبص
عليها
اية : ايه بتبصلى كدة ليه
خالد بابتسامة : مبسوط بيكى اوى ساعات بحسك طفلة بريئة واوقات
تانية بحسك اعقل انسانة فى الوجود
اية بهزار : طب كل بقى وماعدتش تبصلى علشان انا كدة هاتكسف
ومش هاكمل اكل
فجاة تليفون خالد رن عمله صامت وماردش
اية : مابتردش على التليفون ليه
خالد : سيبك انا مش عايز انشغل باى حاجة غيرك وانا معاكى
اية : طب رد بس ليكون حد عايزك فى حاجة مهمة
خالد : حاضر ، ده رقم غريب !!
خالد :الو
….: حضرتك المقدم خالد انور عبدالله
خالد :ايوة ، مين بيتكلم
….: اخو حضرتك عبدالله عمل حادثة ومحجوز هنا فى المستشفى
وحالته حرجة جدا وبيقول انه عايز يشوفك ضرورى
خالد قام وقف وبصدمة : ايه !!! طب عنوان المستشفى ايه
الرجل قاله عنوان المستشفى اللى فيها عبدالله
خالد : انا جاى حالا
اية : فى ايه ياخالد
خالد : عبدالله عمل حادثة وفى المستشفى
اية : طب انا جاية معاك ربنا يستر
وخلصت حلقتنا النهاردة
توقعاتكم بقى 
ياترى عبدالله يعيش ولا هيموت
عبدالله ليه طلب خالد وقال انه عايز يشوفه ضرورى ياترى في ايه
