رواية عيناها سر سعادتى(بين العشق وحب الذات)
بقلم فاطمة البربرى
اسماعيل : اهلا اتفضلو نورتونا ، اعملى لنا حاجة نشربها ياحاجة سعاد
مجدى : لا لا ياحاجة اقعدى بس نتكلم شوية مع هاجر وبعدين ناكل ونشرب
براحتنا (وبص لهاجر اللى كانت مبسوطة جدا ومذهولة فى نفس الوقت):
تعالى ياهاجر واقفة بعيد ليه تعالى جنبى هنا
هاجر جات قعدت جنب مجدى
مجدى : محمود ابنى كان عايز يتجوزك وانا رفضت ، طبعا اية حكتلك على
كل حاجة مش كدة؟
هاحر : ايوة قالتلى
مجدى : ومش عايزة تعرفى انا رفضت ليه
هاجر : …….
مجدى : ايه رايك ياحاج اسماعيل انت والحاجة فى الجوازة دى؟؟
سعاد : لا طبعا ماينفعش يتجوزوا ازاى فى حد يتجوز اخته!!
هاجر بذهول : يتجوز اخته يعنى ايه مش فاهمة حاجة
اسماعيل : انا هافهمك يابنتى وحكالها كل حاجة
هاجر بدموع : لا لا انا مش قادرة اصدق انا …انا بكرهكم كلكم بكرهكم
وهاجر قامت راحت اوضتها وهى منهارة من البكاء
سعاد قامت وراها : استنى يابنتى بس
محمود قام : معلشى ياحاجة خليكى انتى هنا وانا هادخلها
محمود دخل لهاجر اوضتها واول ماشافته اعطته دهرها ، محمود قعد جنبها
على السرير وهى رمت نفسها فى حضنه ومابطلتش عياط
محمود سابها فى حضنه لحد ماهدت خالص ومسح لها دموعها : قومى بقى يابت
انتى بطلى دلع قومى يالا جهزيلى غدا علشان جعان جدا جدا وعشان تلحقى تظبطى
نفسك كدة قبل مالعريس يجى
هاجر تقبلت الموقف وابتسمت
محمود : الف مبروك ياحبيبتى
هاجر : الله يبارك فيك
هاجر قامت وطلعت اعتذرت للجميع وقامو اتغدو وشربو ساقع واستنو لوقت حفلة
الخطوبة وكانت سالى واية جم ولما شافو مجدى ومحمود استغربو لوجودهم ومجدى
اضطر يحكيلهم على كل حاجة علشان يرفع راس هاجر ويفرحها بانه بيعترف انها
بنته وسالى تقبلت الوضع وحضنت هاجر وباركت ليها
**** امل لابسة ومعاها شنطة ايديها وخارجة
مجدى : على فين كدة ياامل
امل : راحة مشوار كدة يابابا هابقى اقولك عليه بعدين
مجدى : ماشى يابنتى خلى بالك على نفسك
امل راحت لدكتور نسا وولادة
امل : لوسمحت يادكتور انا عايزة اعرف انا ممكن اخلف ولا لا
الدكتور طلب منها تعمل كل التحاليل اللازمة للتاكد من صحة الانجاب ، امل
عملت كل التحاليل اللازمة وسلمتها للدكتور واتاكدت انها مابتخلفش بعد ظهور
نتبجة التحاليل
اية راحت لطارق الشركة
طارق : اهلا يااية اخبارك ابه
اية : الحمد لله انا كويسة ، بعد اذنك ياطارق كنت عايزة اعرف ايه اللى كان مكتوب
فى الورقة اللى اديتهالى اعطيها لامل يوم فرحك على هند
طارق باستغراب : هى امل ماقالتلكوش
اية : لا ، امل اول ماقراتها قطعتها وانهارت فى البكاء
طارق حس انه زعلان اوى على امل بس حاول ان يتماسك : بصى يااية لما اتاخرنا
فى الخلفة شوبة رحنا انا وامل عملنا تحاليل ، الدكتور قالى ان امل استحالة تخلف
ابدا ، لكن انا مفيش عندى مايمنعنى من الخلفة ، انا علشان ماجرحش امل واحسسها
بالعجز فطلبت من الدكتور يقولها ان انا اللى مابخلفش ، علشان عارف امل بتحبنى قد
ايه وبتغير على ولوكانت عرفت ان العيب منها كانت هتعيش طول عمرها فى قلق وخوف
انى ممكن اتجوز عليها بس فوجئت بطلب امل بالطلاق ، ماكنتش متوقع ابدا ان امل ممكن
تكون بتحب نفسها اوى كدة وتضحى بحبنا بالسهولة دى فقررت ماقولهاش اى حاجة غير
بعد الطلاق لان كدة كدة بعد طلبها للانفصال استحالة كنت اقدر اعيش معاها تانى ابدا
وخصوصا انى اديتلها فرصة تراجع نفسها وتفكر تانى لكن هى صممت على الطلاق
اية بدموع : باحبيبتى ياامل الله يكون فى عونها
طارق : انا ماظلمتش اختك يااية هى اللى جرحتنى وجات على
اية : انا مش بلومك ياطارق انت انسان كويس وتستاهل كل خير ربنا يسعدك
بعد اذنك
***اية رجعت البيت ولقت امل ومحمود ووالدها ووالدتها قاعدين فى الريسبشن
والدموع على خدهم فعرفت ان امل اكيد حكتلهم على كل حاجة
امل : خلاص ياجماعة انا مش زعلانة انا ماستاهلش طارق ولاحبه لى ، لانى
طلعت انانية وفكرت فى سعادتى بس ، بعد اذنك باباب انا قررت اشتغل فى دار
ايتام
مجدى : ماشى ياحبيبتى ربنا يوفقك ويهديلك نفسك
***انور كلم مجدى وحددوا معاه ميعاد علشان يجو يتقدمو لاية
كل عيلة خالد راحو بيت مجدى وكان الكل فى انتظارهم هناك
مجدى : اهلا وسهلا اتفضلو
قعدو فى الانتريه وكانت اية لسة ماطلعتش من اوضتها
انور لمجدى : احنا يشرفنا نطلب ايد بنتك اية ياحاج لابننا خالد
مجدى : ده احنا اللى لنا الشرف نناسب ناس محترمين زيكم
د/ اسلام : امال البشمهندسة فين
مجدى بص لامل : نادى لاية من جوة ياامل
امل : حاضر يابابا وقامت دخلت لاية اوضتها
امل : ايه يابت الحلاوة دى كلها انجزى يالا الناس عايزين يشوفوكى
اية كانت لابسة دريس لونه روز وحجاب وكان وشها منور جدا ، لفت بالدريس
: ايه رايك ياامولة حلو بجد ولا بتجاملينى
امل : والله قمر ربنا يحرسك من العين ، يالا بقى اخلصى
اية : طب احط ميكب خفيف بسرعة واطلع
امل : ميكب ايه ياعبيطة انتى بطبيعتك كدة احلى بكتيير ، حطى كحل بس
وانجزى بقى
اية : طب احط كحل لونه ايه اسود ؟
امل : لا حطى ازرق بيبقى تحفة فى عنيكى
اية طلعت عند الجماعة فى الانتريه : خالد اول ماشافها قام وقف وقرب منها وسلم عليها
وفضل يبص فى عنيها اللى دايما تسحره بجمالها الهادى وحس انه فى دنيا تانية خالص
وهو بيبص فى عنيها
انور قام وقف وراح ناحية خالد واية : بسم الله ماشاء الله هى القمر دى اللى انت عايز
تتجوزها وشدها من ايديها : تعالى تعالى اقعد جنبى ياعسل انت
خالد شدها من ايديها التانية : لا دى بتاعتى انا ياحاج
الكل ضحك واية قعدت جنب خالد
عبدالله : طب نقرا الفاتحة بقى
والجميع قرا الفاتحة وخالد طلب من مجدى ياخد اية ويروحو يجيبو الشبكة ، مجدى وافق
سارة : هاجى انا وامل معاكم نختار مع اية الشبكة
خالد : معاها مين ياماما ، انتو تقعدو هنا تتعرفو على بعض كدة ومالكوش دعوة بينا نهائى
عبدالله : هههه والله مامصدق ان اخويا خالد اللى بيتكلم ده
د اسلام : لا بس عنده حق ياعبدالله اية قمر اوى بصراحة تستاهل
****ملك من ساعة ماعرفت بخطوبة خالد وهى بتبكى وباباها بيحاول يخفف
عنها وينسيها همومها
ملك : كان عندى امل انه ممكن يتجوزنى يابابا بس للاسف الامل خلاص راح
والدها : الجواز قسمة ونصيب يابنتى ، بقولك ايه ماتقومى تلبسى كدة ونخرج
انا وانتى نتعشى فى اى مطعم
ملك : لا يابابا معلش ماليش نفس انا هانام شوية
والدها : على راحتك ياحبيبتى هاقوم انا بقى اصلى العشا
ملك : ادعيلى يابابا ربنا يهون على
والدها : والله يابنتى دايما بدعيلك
خالد واية ركبو عربية خالد
خالد مسك ايديها وبص لعنيها : بحبك ….بحبك اوى
اية اتكسفت كالعادة وبصت فى الارض
خالد :اية
اية : نعم
خالد : عايز اسمعها منك
اية بخجل : هى ايه دى
خالد : كلمة مكونة من اربع حروف اولها باء واخرها ك
اية :….
خالد : طب لوقولتلك علشان خاطرى
اية بصت لخالد : بحبك
خالد : يااااه اجمل كلمة سمعتها فى حياتى قوليها كمان مرة بقى
اية شدت ايديها : لا ده انت طماع بقى
خالد قرب منها اوى : بصراحة انا فعلا طماع…طماع اوى
اية اتكسفت اوى وفى نفس الوقت سعيدة جدا : يابنى فوق شوية انت ناسى انك
سايق العربية
خالد : مانا بصراحة مش قادر امسك نفسى اعمل ايه بس
**** ملك حست انها مضايقة حدا وعايزة تتكلم مع حد وافتكرت ان مازن كان
كاتبلها رقمه على مذكرة من مذكرات دراستها فقامت جابت المذكرة وكتبت الرقم
على الموبايل واتصلت بيه وكلمته وطلب منها تقابله وهى قامت لبست وقالت لوالدها
انها خارجة تذاكر مع واحدة صاحبتها
مازن اخدها وراحو كازينو ، مازن شرب خمرة كتيير وطلب منها تشرب معاه لكن هى
رفضت وقعدت تفكر فى خالد ودموعها مغرقة وشها
مازن : بقولك ايه ياملك ماتيجى معايا الشقة بتاعتى نتكلم شوية مع بعض احسن
من الوش اللى هنا ده وتفهمينى ايه سبب دموعك دى
ملك هزت راسها بانها موافقة
راحو الشقة ومازن عرض عليها تشرب تانى لكنها رفضت ايضا
مازن وهو سكران : طب ماتقومى تفرفشينى كدة وترقصيلى شوية وقام شغل
المسجل على اغنية شعبية
ملك : ارقصلك ايه انت مجنون انت فاكرنى واحدة من البنات اياهم ولا ايه ، انا
مش زى البنات السافلة اللى انت تعرفهم
مازن ضحك بكل صوته : امال كان ايه اللى جابك معايا هنا اما انتى محترمة اوى
كدة
ملك باستحقار : تصدق انك انسان سافل وانا فعلا غلطانة انى جيت معاك هنا انا
ماشية
مازن شدها جامد من دراعها : على فين ياحلوة ، هو دخول الحمام زى خروجه ولاايه؟؟
ملك بخوف : يعنى ايه؟ سيب دراعى والا هاصوت والم عليك الناس
مازن : هه صوتى براحتك ياقطقوطة وابقى قابلينى لوحد عبرك هههه
وبدا يقلعها ملابسها واحدة واحدة وهى حاولت تقاومه بس ماقدرتش وشالها ودخلها
اوضة نومه
وخلصت حلقتنا النهاردة ،، 
توقعاتكم 
ياترى فى حد ممكن ينقذ ملك من ايد مازن ولا لا
طارق هيقدر ينسى امل ويعيش سعيد مع هند ولا لا
