رواية وجمعتنا الغربة الفصل الثاني والعشرين 22 بقلم اماني عمر
الفصل الثاني والعشرين
دخلت منار الى غرفة العمليات بينما محمد ومريم انتظرا فى غرفة الانتظار الخاصة بغرفة العمليات
صاحت مريم بغضب
بقالها ساعتين فى العمليات ومحدش طلع يطمنا ولا يقولنا أى حاجة
اهدى يا مريم عادتا العمليات دي بتاخد وقت طويل
انا مش عارفة انت لى مردتش تعملها العملية بنفسك
متقلقيش الدكتور اللي بيعملها العملية ده من أحسن عشر دكاترة فى جراحة الأورام فى العالم وعنده خبرة كبيرة يعنى أكيد أحسن منى
بس أنا مبثقش فى حد غيرك
بجد يا مريم يعنى لسة بتثقى فيا حتى بعد اللى حصل
أدارات مريم وجهها الى الناحية الأخرى وقد فلتت دمعة منها رغما عنها فأدار محمد وجهها اليه مرة أخرى
عارف انى جرحتك بس صدقينى أنا كنت مجروح أكتر منك ثم استطرد وهو ينطر فى عينيها بحب
أنا بحبك أوى يا مريم وكنت حاسس طول الوقت انك بتاعتى ولا يمكن تكوني لراجل تانى و فجأةلاقيتك بتقوليلى انك ما بتحبنيش وبتحبى اياد حسيت وقتها انى اطعنت بقلبي من اكتر اتنين كانوا قريبين معي
خلاص يا محمد هننسى كل اللي فات وانشاء الله منار تقوم بالسلامة ونبدأ كلنا بداية جديدة
بس فى حاجة لازم اعتر فلك بيها قبل ما نبدأ البداية الجديدة
نظرت مريم اليه بقلق
الدبلة اللي فى ايدى دى
قاطعته مريم وهى تبتسم
نفس الدبلة الى جبتهالى من 5 سنين
نظر اليها بدهشة
عرفتي ازاى؟
نسيتها مرة فى الحمام وكاترين جابتهالى وأنا قلتلها ترجعها مكانها تانى وبعدين ايمان فالتلى انك عمرك ما اتجوزت ولا خطبت ولاحتى حبيت واحدة غيرى
طب ليه ما واجهتنيش؟
كنت حاسة انك هتصارحنى بكل حاجة يوم الحفلة وحبيت أخليهالك مفاجأة وأقولك انى انا كمان بحبك
برقت عينيه عنما سمع اعترافها
أنتى قلتى ايه دلوقتى؟
ابتسمت مريم بخجل ولم تنطق
عشان خاطرى يا مريم قوليها نفسي اوى اسمعها منك
ب0بح
ها هتيجى اهى
بحبك
ضمها محمد الى صدره وهو يردد
أشهد أن لا اله الا الله
سمعا صوت باب غرفة العمليات يفتح فأسرعا الى الخارج وخرج الطبيب وهناك ابتسامة تعلو وجهه
الحمد لله العملية نجحت ولكن فترة النقاهة أهم من العملية واذا مرت ال48 ساعة القادميين على خير هتكون تخطت 80 % من نسبة الشفاء
************
أفاقت منار بعد ما يقرب من ساعتين بعد العملية ووجدت مريم بجانبها
حمد الله على سلامتك يا منار
الله يسلمك
ردت بصوت خفيض ثم طلبت منها أن تقترب منها وهمست فى أذنها بمزاح
مش قلتلك أنا قاعدة على قلبك ومش هروح في أي حته
ابتسمت مريم ضاحكة
ياستى اقعدى على قلبى براحتك انا راضية
امال فين محمد ؟
اطمن عليكى وبعدين راح الجامعة
وطب وأشرف رجع ولا لسة
سمعا صوت الباب يفتح ودخل أشرف وهو يحمل باقة من الزهور كالعادة فتهللت أسارير منار فجأة
مريم– جبنا فى سيرة القط
سألها أشرف
ويا ترى كنت جايبين فى سيرتى بالخير ولا بالشر ثم وضع باقة الزهور بالقرب من منار
حمد الله على السلامة
متشكره اوى بس مش معقول كده كل مرة تجيبلى ورد
ما الورد لازم نجبله ورد
ابتسمت وهى تنظر اليه بخجل
مريم بلهفة
قولي بسرعة عملت ايه؟
اصبرى شوية لما يرجع محمد عشان احكى الموضوع مرة واحدة بس اقدر اقولك
ان حدسك كان فى محله وفعلا لاقينا القلاشة في شقة اياد في خزنة مصفحة واستعنا بخبير خزن عشان نقدر نفتحها
دخل محمد في هذه اللحظه وألقى التحية على الجميع
حمد الله على سلامتك يا منار
متشكره يا محمد
نظرت مريم الى أشرف بنفاذ صبر
ادي محمد جه احكيلنا بقى عملت ايه
أشرف بمزاح
الله يكون في عونك يا محمد هتتجوز واحدة معندهاش صبر خالص
هنعمل ايه بقى ادبسنا وخلاص
شكلي كده هغير رأيي
قبل محمد راحة يدها
بنهزر معاك يا جميل ده انت الحب كله
خبطت مريم كتفها بكتفه
لا أنت الحب كله
صرخ عليهم أشرف بغيظ
اجبلكم اتنين ليمون , طبعا قاعدين هنا تحبوا في بعض وسايبنى أنا طالع روحي من فرنسا لأمريكا وبالعكس طب ايه رأيكم مش هحكيلكم حاجة
ضحك الجميع على ذلك
منار— معلش يا أشرف ممكن تقولينا عملت ايه
عشان خاطرك انتى بس يا مناربصى يا ستى
فيكتور وشيخ العرب والرجالة اللي تحت ايديهم اتمسكوا وزمانهم دلوقتى بيتحاكموا
محمد — طب ودكتور كامل
ده يا سيدى أول ما عرف انه ابنه اتقتل وحتى ما يعرفش فين طريق جتته جاتلو أزمة قلبية وعلى ما نقلوه المستشفى كان مات
محمد— سبحان المنتقم الجبار كان بيخطف الناس ويقتلهم من غير ما أهلهم تعرف عنهم حاجة وده نفسه اللي حصل معاه
منار – طب ومارك وعصابته
أشرف— الشرطة الفرنسية بعتت الأدلة كلها للإنتربول(البوليس الدولى) لأن دول مش عصابة عادية دول مافيا كبيرة وأزرعتها ممتدة لدول كتيرمن دول العالم وكمان قدمنا طلب عشان يحطوكى انتى ومريم ضمن برنامج حماية الشهود وانشاء الله هيوافقوا عليه وتخرجوا من هنا مع حراسة خاصة مكثفة لغاية ما ترجعوا انشاء الله مصر بالسلامة
محمد – والموضوع التانى اللي كلفتك بيه
كله تمام
أخرج أشرف ورقة من جيبه وسط دهشة منار ومريم
مريم—هو فى ايه يا أشرف وايه الورقة دى؟
محمد طلب منى اققدم طلب للسفارة المصرية بفرنسا لابطال الزواج بينك انتى واياد وطبعا وريتهم المذكرات بتاعته وعرفوا انه اجبرك على ا لجواز وكل حاجة خلصت على خير والورقة دى بتقول كده
مريم – متشكره اوى يا اشرف
محمد – ربنا يخليك لينا يا أشرف ده انت شلت من على كتافى هم كبير اوى
اياك يطمر
نظرت اليه منار بأعجاب
ما شاء الله عملت كل ده في الفترة الصغيرة دي
***************
بعد 10 أيام
تعافت منار وأدلت بشهادتها وأرشدت عن كل الأماكن التى تعرفها والتي من المحتمل ان يختبأ بها مارك وأفراد عصابته كما وصفت اشكالهم للرسام بشكل دقيق وكان أشرف طوال الوقت معها يمسك يدها ويؤازرها
انا خايفة اوى يا اشرف لو سمحت اوعى تسبني لوحدي
متخافيش يا منار انا مش هسيبك ابدا غير لما اطمن عليكى وترجعي مصر بالسلامة
تم نشر صورهم بالجرائد وبكل مكان واتضح ان بعضهم لديه صحيفة سوابق لدى الشرطة وتم القبض عليهم بسهولة ثم أرشدوا عن باقى أفراد العصابة و تم القاء القبض عليهم بعد مواجهة شرسة مع الشرطة راح ضحيتها العديد من القتلى بكلا الجانبين وتم تحرير جميع الفتيات من قبضتهم ولكن مارك آبى ان يستسلم وفضل أن يطلق الرصاص على نفسه
*******************
سوهاج
حضرت عايدة وليمة بكل الأصناف التى تحبها مريم ومنار وكان الجميع فى انتظار وصولهم
يله يا نيرة خلصي بسرعة البنات زمانهم على وصول
خلاص يا عمتي اهو قربت اخلص
جاءت عفاف حاملة بيدها صينية ارز معمر
على فكرة صينية الرز المعمر بتاعتى الناس كلها بتشكر فيها وانشاء الله البنات هيحبوها كمان
طبعا يا حبيبتي ربنا يخليك ليهم
سمعوا صوت سيارة قادمة فصاحت عايدة
اكيد هما دول
ارتمت الفتاتان بأحضان عايدة فور رؤيتها
وحشتونى أوى يا حبايبي ثم انهالت الدموع من أعينها
الحمد لله انى ربنا ادانى العمر وشفتكم مع بعض تانى
عاطف– وبعدين معاكى يا عايدة هو انتى فرحانة تعيطي زعلانة تعيطى وسعى كده خلينى اعرف اسلم على البنات
اخذهم عاطف فى أحضانه وهنا انفجرت منار بالبكاء
عاطف – يادي النيلة في ايه انتى رخرى
مش مصدقة انى وسطكم دلوقتى كأنى في حلم جميل وهصحى منه مش هلاقى حد جنبي
عايدة – لأ يا حبيبتي دي حقيقة ومحدش هيقدر ياخدك من حضني تانى
مريم — احم احم شايفة بنتك الكبيرة خدت كل الحب وأنا طلعت بنت البطة السودا
اخذتها عايدة في حضنها
انتو الاثنين حبايبي وفرحة عمرى وانا فخورة بيكي اوى يا مريم صممتى تروحي ترجعي اختك رغم انى كنت معترضة وقدرتي فعلا ترجعيها
عفاف— ولا طلعت بنتك دي ب100 راجل
عاطف احنا هنفضل كده نتكلم كتير يله على الوكل لا أحسن ريحة الوكل جننتني خالص
