رواية وجمعتنا الغربة الفصل الرابع 4 بقلم اماني عمر
رحب شيخ العرب بمحمد ومريم وأمر خادمته أن تعد لهما عشاءا جيدا بالرغم من اعتراضهم
– مش هنتكلم في أى حاجة غير لما ناكل مع بعض عيش وملح
ردت عليه مريم باستسلام
– ماشى
بعد العشاء أخبرته مريم بما حدث مع شقيقتها
شيخ العرب – اسمه أى الشخص اللى بدوري عليه؟
– سمير كامل شعبان
نظر اليها متعجبا
– والله يابنتى دى أول مره أسمع فيها الاسم ده
محمد – ما يمكن ده مش اسمه الحقيقى
أومأ له شيخ العرب بالإيجاب
– وفين العنوان اللى رحتي تدوري عليهم فيه
– كانت أختى قالتلى انه بيشتغل في مصنع ألبان في مقاطعة اسمها سان لويس ولما سألت عرفت أن مفيش ولا مصنع ألبان واحد في المنطقة فاضطريت أبلغ السفارة المصرية عن اختفائهم ولغاية دلوقتى محدش رد عليا
شيخ العرب – ومعاكي الصورة دي؟
محمد – ايوة بس الصورة مش واضحة أوى
أخرجت مريم الصورة من حقيبة يدها وحين تطلع بها شيخ الحارة ارتبك كثيرا وقال بلهجة متوترة
– مظنش شوفته قبل كده ولا حتى البنت اللي معاه0 على كل حال سيبولى عنوانكم ورقم تليفونكم وأنا أكيد هدور عليهم بمعرفتي وهبلغكم
محمد – مفيش داعى احنا هنبقى نكلم حضرتك تانى
شكروه بعد ذلك واستأذنوا للانصراف
وبعد قليل نده شيخ العرب على مساعده
– روح وراهم ومتخليهمش يغيبوا عن عينيك وأعرفلى كل حاجه عنهم
ثم ظفر بضيق وصرخ بصوت عالي بعد أن ذهب مساعده
– أغبياء
******************
بعد ان ركبا في السيارة سألته مريم بفضول
ليه رفضت تديله العنوان؟
معرفش بس حسيت أنه أتوتر أول ما شاف صورة أختك وجوزها والإحساس ده خلاني قلقت منه
يمكن بيتهيآلك؟
– يمكن 0 بس احساسي غالبا ما بيطلع صح
ذهبا فى طريقهم و هناك سيارة طوال الوقت تراقبهم
أتصلوا بمحمد من المستشفى عند وصولهم على مدخل البيت فاستأذن منها محمد
أسف يا مريم مضطر أروح المستشفى عشان عندي عمليه مستعجلة
أعطاها المفتاح ثم انصرف
حين وضعت مريم المفتاح بالباب ظن اياد انه محمد فأغلق أنوار الشقة بسرعة وارتدى قناع مخيف اشتراه أثناء عودته وتخبى في أحد أركان الشقة
دلفت مريم الى الداخل وهى لا ترى حتى موقع قدمها وفجأة أشعل اياد ولاعته وظهر لها بقناعه المخيف فشهقت بفزع ثم أغشى عليها
خلع اياد قناعه ثم ركض على النور وفتحه وانصدم عندما رأى مريم
مين دي وايه اللي جابها هنا؟
ثم تذكر العطر والملابس
أكيد دي صاحبتهم 0 تطلع قليلا بوجه مريم الملائكي
ياااا دي حلوة أوى
ثم ركض على المطبخ وأحضر كوب ماء وألقى القليل منه على وجهها حتى فاقت
ابتسم لها اياد ثم قال
انا اسف جدا كنت فاكرك محمد
نظرت اليه مريم بقلق ثم حاولت النهوض وهى مازالت ترتجف من الخوف
كنت هتجبلى ساكتة قلبيه
انا اسف كمان مرة 0ومد لها يده مصافحا
أنا اياد شريك دكتور محمد في السكن
هدأت مريم وتنفست الصعداء عندما سمعت ذلك ثم مدت له يدها
وأنا مريم شريكتكم الجديدة فى السكن
تبسم اياد ضاحكا عندما سمع ذلك
دى بينها هتبقى سنة زي الفل انشاء الله
أتمنى تحبوا أقامتى معاكم
أنا متأكد من كده وعلى كل حال هتبقى أحسن من اللي كان ساكن الأوضة قبلك
ردت مريم باستغراب
هوكان في حد ساكن معاكم قبلي
أومأ أياد رأسه بإيجاب
ده كان واد رزيل بشكل
ابتسمت مريم ضاحكة وشعرت انها ستتفاهم مع اياد بشكل جيد
************************
فى شقة عايدة بالقاهرة
دق جرس الباب وفتحت عايدة الباب لتجد شقيقها الأكبر(عا طف)أمامها ويبدو على وجهه الغضب
أهلا وسهلا يا أخويا حمدا لله على السلامة
لا أهلا ولا سهلا أنتى ازاى تخلى بنتك تسافر لوحدها بلاد غريبة وكمان جاعدة هنا لوحدك من غيرما تدينى أي خبر يظهر ان جاعدتك فى مصر انتى وبناتك نستك عوايدنا
وأنت عرفت منين؟
عرفت من مكان ما عرفت هو أنتى فاكرة عشان سيبك أنتى وبناتك تعيشوا لوحدكم يبجى خلاص ما ليش حج عليكم
أجابته عايدة بأسي وقد بدأت الدموع تنهمر من عينيها
أعمل ايه بس بنتى الكبيرة راحت وانقطعت أخبارها وكنت هموت من القلق عليها وهشام أخو المرحوم كتر خيره لما طلبت منه المساعدة متأخرش وبعت لمريم الفيزا
ده لو كان راجل بجد كان حل هو الموضوع من غير ما يشحطط بنتك الشحططة دي 0ثم أردف
وبعدين ما أنتى كنت السبب فى الجوازة المنيلة دي رغم انى حذرتك ووعيتك لكن بردك عملتي اللي براسك
البنت هي اللى كانت عايزاه يا اخويا وأنا مرديتش أقف قدام سعادتها
خلاص اللي حصل حصل جومى يله لمى هدومك وجهزى نفسك عشان هتيجى معايا البلد
ثم قال محذرا عندما همت بالحديث
مش عايز اسمع أي اعتراض وكمان فى موضوع تانى عايزة اكلمك فيه بس هأجله شوية
موضوع ايه يا عاطف؟
مش وقته دلوجتى يله جوام جهزى نفسك
كانت تعلم أن أخيها عندما يتحدث بهذا التصميم فلا شئ ستقوله سيردعه عن موقفه فامتثلت لطلبه وقامت لتجهز نفسها للذهاب معه
**********************
دخلت مريم الى غرفتها بدلت ملابسها ووضعت هاتفها فى الشاحن ثم أخرجت رواية من حقيبتها وبدأت قراءتها ولم تشعر بمرور الوقت حتى دقت ساعة الحائط معلنة الحادية عشر مساءا فقررت أن تذهب الى المطبخ لترى ما به فتحت البراد ولم تجد به سوى الخبز والجبنة وحتى خزائن المطبخ لا يوجد بها شئ سوى السكر والشاى
شعر اياد بها وكان يجلس بالشرفة فدلف الى المطبخ
بتعملى ايه عندك؟
أبدا كنت حابه أعمل حاجة حلوة .بس طلع مطبخكم يهرب منه الفار
ابتسم اياد من قولها ثم أردف
هنعمل ايه لا أنا ولا محمد فاضيين وكاترين كمان ملهاش اوى فى الطبخ فمقضينها دليفرى يا اما بناكل برة
دخل محمد فى هذه الحظة حاملا كرتونة صغيرة بيده
مساء الخير
ردت عليه مريم مع ابتسامة تعلو شفتيها
مساء النور
بادره اياد بالسؤال
ايه اللى فى ايدك ده يا دوك؟
جاتو
نظر أياد لمريم متعجبا
يا سبحان الله كنتي عايزة تعملي حاجة حلوة من شوية وبعد خمس دقايق دخل علينا محمد بالحاجة الحلوة ثم أردف ساخرا
أكيد في بينكم رابط قوى عشان كده كل واحد بيحس بالتاني
نظر له محمد بغضب بينما مريم أخفضت رأسها للأسفل خجلا
ذهبت مريم لتجلب الأطباق وهى تسأله
بتحتفل بحاجة ولأعادي
فى الحقيقة كان يحتفل بقدوم مريم للعيش معهم ولكنه أجابها قائلا
عملت عملية دقيقة لطفل من شوية والحمد لله نجحت وحبيت أحتفل معاكم
هتفت مريم
ألف مبروك
ولكن اياد لم يقتنع بكلامه ونظراليه بشك
كل يوم تقريبا بتعمل عملية دقيقة وعمرك ما فكرت تجيب حاجة
ضربه محمد ضربه خفيفة على بطنه بمزاح ليصمت فأردف اياد مبتسما
على كل حال فى سبب تانى يخلينا نحتفل
مريم ومحمد فى نفس اللحظة
ايه هو؟
لقيت شغل فى كافية بمكان راقى ومرتب جيد وهبدأ من بكرة
تبادلوا التهانى ثم قالت مريم
عقبالى
سألها اياد
أنتى بتدورى على شغل ؟
أومأت رأسها بإيجاب
هايل جدا 0بس قوليلى الأول لغتك الفرنسية أخبارها ايه؟
كويسة جدا
المكان اللى أنا فيه كان طالب جرسون وعامل لغسل الأوانى وبما أنى ضعيف فى اللغة أتعينت فى الوظيفة التانية وبكرة هكلمه عنك علشان وظيفة الجرسون
نظر اليه محمد بغضب ولكنه لم يستطع قول شئ بينما مريم فرحت كثيرا
أعد اياد الشاي ليشربوه مع الجاتو ثم جلسوا جميعا يتسامرون ويمرحون
محمد– على فكرة يا مريم أنا اتصلت بكاترين زي ما وعدتك وهتكون هنا من بكرة
بس ده مش هيكون حمل زيادة ومصاريف أكتر عليك
لا أبدا هتاخد نفس المبلغ اللي كانت بتخده وكفاية انى وفرتلها مصاريف السكن
وبعد قليل
استأذنت مريم للذهاب الى النوم فالتفت محمد الى اياد
أتمنى متكنش اضايقت انى جبت مريم تعيش معانا من غير ما أقولك
لا أبدا باين عليها لطيفة بس كنت أتمنى لو أدتنى خبر قبلها
اضطريت أجيبها معايا فورا
ثم روى له ما حدث في الفندق فابتسم له اياد وقال ساخرا
متأكد انها بس صديقة
أجابه محمد بشرود ناظرا الى الفراغ
اللي متأكد منه ان مينفعش أفرض نفسى على واحدة مش عايزانى
******************
اتصل شيخ العرب بفيكتور وهو فى غاية الغضب
سيب كل اللى فى ايدك وتعالالى حالا
ثم أغلق الهاتف فى وجهه دون أن ينتظر الرد
ثم زفر بضيق وهو ينظر الى مساعده
متأكد انه نفس الطبيب اللى عملنا قلق من فترة
طبعا سيدى
طب خليك وراهم واعرف لى كل تحركاتهم
فرانسوا الان امام البيت وفى الصباح سيذهب اليه جاك ويتسلم منه
والبنت عايشة معاه فى نفس البيت؟
نعم سيدى وهناك شخص أخر يقيم معهم يدعى اياد
ابتسم شيخ العرب عندما سمع ذلك وقد لاحت فى مخيلته فكرة ما
ده كدا احلوت أوى
************************
استيقظت مريم من النوم فى وقت متأخر ونظرت الى هاتفها لترى الساعة فلاحظت اتصالات نهى المتكررة فحاولت الأتصال بها لكن ردت عليها الرسالة الصوتية
رصيدكم الحالي لا يسمح بأجراء هذه المكالمة
استيقظ محمد على صوت جرس الباب
دخلت كاترين وبرفقتها ابنها جاك ذو الاثني عشر عاما
رحب بها محمد وأخبرها بالفرنسية
أهلا يا كاترين ثواني وسأعرفك على مريم ثم ذهب الى غرفة مريم لكى يوقظها ولكنه تفاجأ بها أمامه
صباح الخير يا مريم
صباح النور يا محمد
ثم التفتت الى كاترين ورحبت بها وبطفلها
اشار محمد لها على غرفتها
غرفتك بجانب المطبخ ولها مدخل أخر من الحديقة الخلفية للمنزل
سألته مريم
ليه مرحتش المستشفى لغاية دلوقتى؟
النها ردة عندي مناوبة ليلية واستغليت الفرصة واتصلت بأشرف ورايحله دلوقتى
أشرف مين؟
صاحبي الظابط اللى حكتلك عنه امبارح
طب ممكن اجى معاك ؟
مفيش داعى بس هاتى صورة أختك وجوزها عشان أكيد هيحتاجها
ذهبت مريم لتحضر الصورة من حقيبتها
طب ممكن تستناني شوية على ما أغير هدومى وتوصلني على أقرب سوبر ماركت من هنا
نظر اليها باستغراب
ليه؟
ابتسمت مريم ثم قالت ساخرة
عشان نحل مشكلة الثلاجة بتاعتكم اللي الواحد عايز يقعد جنبها يعيط
ضحك محمد وقد تذكر خفة دمها المعهودة
ماشي يله أجهزى بسرعة
************************
أخبر اياد مديره عن مريم وقد رحب بها ولكن طلب مقابلتها قبل اعطائه الموافقة النهائية ليتأكد من ايجادتها اللغة الفرنسية واذا كانت حسنة المظهر كما أخبره اياد
شكره اياد وأخبره انه سيحضرها معه غدا
******************
أخرج شيخ العرب كامل عصبيته على فيكتور
أنا مشغل معايا شوية عيال مش رجالة ازاى الحيوان ده يخليهم يصوروه
ولما كل هذا القلق يا شيخ ؟عملنا دائما يتطلب بعض المخاطرة وهذه ليست المرة الأولى
انت عارف مين بيكون الدكتور ده؟ نفسه اللي عملنا قلق من فترة وقدرنا بصعوبة نوقفه
وهذه المرة أيضا لن يستطيع فعل شئ
المهم دلوقتى تخلى رؤوف (سمير) يختفى فى أى حتة على ما نشوف الموضوع ده هينتهى على ايه
8****************
أقل محمد مريم الى السوبر ماركت ثم فتح محفظته وأخرج منها بعض النقود وأعطاها اليها ولكنها رفضت
مفيش داعى معايا فلوس كفاية
نظر اليها محمد بعتاب
مفيش داعى للحساسية دي الحاجات اللي هتجبيها هتبقى في بيتنا وكلنا هنستعملها يبقى كلنا لازم نشارك فيها
نظرت مريم الى النقود
بس دول كتير أوى
مش كتير ولا حاجة .وبعدين الأسعار هنا غالية جدا
أخذت مريم منه النقود على مضض وخرجت من السيارة ثم أشارت له مودعة
******************************
لاحظ محمد وجود سيارة تسير خلفه منذ بعض الوقت فأراد أن يتأكد من ذلك فانعطف الى عدة شوارع جانبية والسيارة ما زالت خلفه فتوقف أمام كافتيريا كان يعلم أن لها باب اخرمن الخلف ثم خرج من الباب الاخر واستقل تاكسي
انتظره الشخص المكلف بمراقبته أكثر من ساعة ثم انتابه القلق فدلف الى الداخل ولم يجده فاتصل بمساعد شيخ العرب وأخبره بذلك
بتقول ايه يا غبى ؟اتصل بجاك بسرعة(0المكلف بمراقبة مريم)واسأله اذا كان معاها والغلطة دي متتكررش تانى
**************************
ألتقى محمد بأشرف صديقه الضابط وأخبره بكل ما روته له مريم ثم أخبره أن هناك شخص كان يراقبه منذ قليل
أشرف– طالما هرب منها لما شافته يبقى الموضوع فيه شبهة وده اللي بيأكده ان فى حد كان بيراقبك وأكيد بيراقبها هي كمان
توتر محمد كثيرا عندما سمع ذلك وخشى على مريم كثيرا وخاصة أنه تركها بالسوبر ماركت بمفردها وقرر أن يتصل بها فور خروجه من مركز الشرطة
المفروض ندور على جوزها الأول وهو هيعرفنا هو عمل فيها اية ولا خباها فين وأنا متأكد كمان أن ده مش اسمه الحقيقي عشان كده هنبحث عن صورته يمكن يكون له سوابق أو حتى مخالفة مرور
شيخ العرب قالنا كده بردوا
ثم أخرج له محمد صورة سمير ومنار
أتمنى تهتم بالأمر
أكيد ما تقلقش بالكثير 48 ساعة وهيكون في ايدى الا لوكان ساب البلد كلها وهرب
ثم أردف وهو يغمز بعينه
بس قولي الأول أنت علاقتك ايه بالبنت دي
مجرد صديقة
اممم قولتلى صديقة ثم استطرد ساخرا
صدقتك
استأذن محمد للانصراف وقبل أن يذهب طلب منه أشرف أن يبلغه بكل تفصيله يتذكرها أو أى شيء يحدث
