رواية التضحية بالحب الفصل السابع عشر 17 بقلم أروي عادل – تحميل الرواية pdf

تمارا ٠٠٠ وقفت الأسانسير ليه

مراد ٠٠٠ لانى لسه مخلصتش كلامى

تمارا ٠٠٠ كلام ايه تانى

مراد ٠٠٠ عايز اعرف هو عرف منين انك بتخافى تركبى الاسانسير

تمارا ٠٠٠يادى الأسانسير إللى وجعتوا دماغى بيه

مراد ٠٠٠ تمارا ردى على سؤالى على

تمارا ٠٠٠ أمبارح ما رجعت من الشغل كان هو طالع بالأسانسير ولما شافنى عرض عليا اطلع معاه .قولتله انا مابركبش أسانسير. بس هى دى كل الحكايه

مراد ٠٠٠ بس كده .. آمال ليه بيتكلم بثقه اوى كده

تمارا ٠٠٠ أنا عارفه بقى

مراد ٠٠٠ طيب انا مش عايزك تتكلمى مع

ابنى أدم ده تانى ممكن

قالت تمارا بخوف

تمارا ٠٠٠ أيه مش عجبك هو كمان .. وعلى العموم حاضر مش هكلمه تانى ..ولا هخلى أى دكتور تانى يكشف عليا بعد كده . اقولك انا هعمل كل إللى انت عايزه . بس بالله عليك شغل الأسانسير . انا خايفه

هنا أنتبه مراد ما يفعله و انه يضغط عليها بسب غيرته عليها الذى جعلته لا يتحكم فى تصرفاته لذلك قال بأرتباك حتى لا تنكشف حقيقة مشاعره أتجاها

مراد ٠٠٠ أسف شكلى ذوتها شويه بس ده عشان بخاف عليكى لانى بعتبرك زى حور

قال جملته ثم أعادة تشغيل المصعد

وهنا أصبحت تمارا عندها يقين أن ما يفعله مراد معاها ليست إلا غيره عليها . لكنها شعرت بضيق من وصفه لها بأنها مثل شقيقته حور .لذلك ظلت تنظر عليه بتأمل و هى تبتسم و تتوعد ان تجعلو يسحب كلامه انها مثل شقيقته لذلك قالت بخبث

تمارا ٠٠٠ زى حور .. أكيد طبعآ .و ياريت انا كمان كان عندى اخ كنت قولتلك انك زى أخويا

شعر مراد بضيق من حديثها ثم قال بصوت خافض

مراد ٠٠٠ الحمدالله انك مالكيش اخوات صبيان

تمارا ٠٠٠ نعم بتقول حاجه

مراد ٠٠٠ ها انا لاء مابقولش حاجة

فتح باب المصعد عندما كانت تقول تمارا

بقلم٠أروى٠عادل

تمارا ٠٠٠ بس تعرف بجد انا بعتبرك فى مقام سلمى أختى

شعر مراد بضيق عندما قالت تمارا انه فى مقام شقيقتها لذلك ترك مراد أيد تمارا وهى تستند عليه لذلك صرخت بألم وهو تقول

تمارا ٠٠٠ اه ه ه رجلى . انت اتجننت سيبت ايدى ليه

مراد ٠٠٠ عشان تبطلى تتكلمى من غير ما تفهمى بتقولى ايه

تمارا ٠٠٠ الله هو انا قولت ايه طيب

مراد ٠٠٠ آمال ايه بعتبرك فى مقام اختى

تمارا ٠٠٠ طيب ما انت قولتلى انك بتعتبرنى زى أختك مازعلتش ليه انا بقى

مراد ٠٠٠ لانى قولتك اختى بنت زيك مش راجل

تمارا ٠٠٠ يا سلام طيب ياسيدى متزعلش بعتبرك فى مقام أخويا حلو كده

مراد ٠٠٠ ( بعصبيه) لاء مش حلو . انا مش عايز اكون فى مقام أختك ولا أخوكى تمام كده

تمارا ٠٠٠و انت بتتعصب عليا ليه دلوقتى مش التى إللى قولت الأول انى زى أختك

مراد ٠٠٠ ياستى مش متعصب ولا حاجة

و على العموم انا اسف . سحبت كلامى.. انتى اساسآ استحالة تكونى عندى زى اختى

تمارا ٠٠٠ ليه بقى انشاء الله

مراد ٠٠٠ لان مافيش واحد بيحب اخ……

سكت مراد فجأة عندما انتبه ماذا سيقول

بينما ابتسمت تمارا وهى تنظر ل مراد بتأمل لذلك قال مراد بأستفسار

مراد ٠٠٠ أنتى بتبصلى كده ..

ازاحت تمارا عينيها عنه بخجل ثم قالت

تمارا ٠٠٠ لاء ابدآ ٠٠ و آنا هبص عليكى ليه يعنى

نظر لها مراد هو مستمتع بخحلها ثم قال

مراد ٠٠٠ تعرفى ان شكلك حلو أوى و انتى مكسوفه

هنا قالت تمارا بأرتباك

بقلم٠أروى٠عادل

تمارا ٠٠٠ طيب ممكن تضرب الجرس ولا هنفضل واقفين هنا كتير

مراد ٠٠٠ حاضر هضرب الجرس لو أنى الواقفه هنا مش بطاله

قال جملته ثم ضرب الجرس و بسرعة فتحت ميرفت الباب و بخضه قالت عندما رأت تمارا سنده على يد مراد و رفعه قدمها من على الأرض

ميرفت٠٠٠ تمارا مالك ايه إللى حصل للرجلك

تمارا ٠٠٠ رجلى يا ماما وجعنى أوى

ميرفت ٠٠٠ سلامتك يا قلب ماما تعالى

مسكت ميرفت أيد تمارا وهى تسندها ثم قالت

ميرفت ٠٠٠ سلمى .. سلمى تعالى

سلمى ٠٠٠ نعم يا ماما … ايه ده مالك يا تمارا

ثم مسكت سلمى شقيقتها و ذهبت بها إللى اقرب كرسى لكى تجلس عليه

مراد ٠٠٠ الحمدالله جات سليمه . والدكتوره طمنتنى

ميرفت ٠٠٠ أنا أسفه يابنى من خضتى على تمارا نسيت اقولك اتفضل

مراد ٠٠٠ لاء ولا يمهك .. انا اساسآ مستعجل عندى شغل .. اتفضلى ده العلاج بتاع تمارا كل حاجة مكتوب عليها طريقة الاستعمال.. بس المفروض تعملوا ليها كمادات..و تمارا تبقى تقولكم تعملوها ازاى عن أذنكم

ميرفت ٠٠٠ متشكرين تعبناك معنا

مراد ٠٠٠ لا أبدآ مافيش تعب ولا حاجة

تمارا ٠٠٠ معلش يا سلمى انا شنطتى فى العربية تحت ممكن تجيبهلى

سلمى ٠٠٠ حاضر يا حبيبتى

ثم ذهبت سلمى مع مراد لتجلب حقيبة تمارا و أول ما وصلوا للمصعد قال مراد

مراد ٠٠٠ بتركبى الأسانسير عادى ولا زى تمارا

ابتسمت سلمى وقالت

سلمى ٠٠٠ لاء بركب عادى .

بعد ما ركبوا المصعد قال مراد

مراد ٠٠٠ هى تمارا طول عمرها مابتركبش أسانسير ولا حصل لها حادثه خلتها بتخاف تركبوا

سلمى ٠٠٠ الاتنين هى بطبيعتها مابتحبش الاماكن المقفوله كمان حصل ليها حادث من هى فى ثانوى كانت فى درس الفيزيا و أصحابها صمموا تركب معاهم الأسانسير ساعتها الأسانسير اتعطل بيهم حاولى ساعة ساعتها تمارا جاتلها حالة اختناق و تعبت أوى من يومها استحالة تركب أسانسير

مراد ٠٠٠ بس هى ركبت معايا الأسانسير من شويه

سلمى ٠٠٠ مش ممكن اصدق .مستحيل تمارا تركب الأسانسير

هنا تذكر خوف تمارا وهى راكبه الأسانسير معاه لذلك لعن نفسه لأنه لم يهتم بخوفها عندما علق الأسانسير

هنا اتفتح باب الأسانسير وفى أثناء سيرهم للسيارة قالت سلمى

بقلم٠أروى٠عادل

سلمى ٠٠٠ ممكن أسألك سؤال

مراد ٠٠٠ اه أتفضلى

سلمى ٠٠٠ حضرتك تعرف الراجل إللى أحنا اشترينا منه الشقة

مراد ٠٠٠ اه اعرفو خير فى حاجة

سلمى ٠٠٠ اه فى . هو باع لينا الشقة بمليون جنية تعتبر بالعفش كمان .. بس انا لما سألت على التمن الشقة عرفت انها بأكتر من اتنين ميلون حضرتك مش شايف ان دى حاجة غريبه .. أكيد انت عارف سعر الشقه فى المنطقه هنا بكام

اتوتر مراد من حديث سلمى لكنه قال بثقه

مراد ٠٠٠ لاء مش غريبة ولا حاجة.. اه انا عارف ان الشقه اغلى من مليون بكتير

سلمى ٠٠٠ طيب ليه الراجل باع لينا الشقة اقل من نص تمنها

مراد ٠٠٠ أنا قولت ل تمارا على ظروف بيع الشقة فى وقتها

سلمى ٠٠٠ مع احترامى لحضرتك انا مش مصدقه

مراد ٠٠٠ طيب اسمعى يااا . اسمك سلمى مش كده

سلمى ٠٠٠ اه سلمى

مراد ٠٠٠ بصى يا سلمى فى عالم رجال الأعمال بنعمل لبعض خاطر و بعض خدمات . و الخدمات دى ممكن تساوى ملايين عادى يعنى

سلمى ٠٠٠ أنا مش فاهمه حاجة

قال مراد كاذب

مراد ٠٠٠ افهمك ببساطه .صحاب الشقة انا كنت عملت له خدمه فالراجل رد ليا الخدمة فى تمن الشقة

سلمى ٠٠٠ طيب يرد الخدمه ليك مش لينا احنا فى تمن الشقة

مراد ٠٠٠ ده لانى فهمتو ان أمركم يهمنى

و طلبت منه يردلى الخدمه إللى عملتها له فى تمن الشقة فهمتى كده

سلمى ٠٠٠ فهمت. بس عايزه اعرف انت ليه عملت معانا كده .

بدون تفكير قال

مراد٠٠٠ عشان خاطر تمارا

لعن زلة لسانه ثم كمل حديث وهو يحاول يبرر زلة لسانه

مراد ٠٠٠ يعنى عشان تمارا بتتعب مع حسام أخويا و كلنا فى القصر ملاحظين تقدم حالة حسام على ايد تمارا عشان كده حبيت أعوض تمارا على تعبها مع حسام فى تمن الشقة

برغم ان كلام مراد يبدو مقنع .. إلا أن سلمى شعرت أن يوجد شئ آخر يخفيه مراد ان ما يقوله ليس الحقيقة كامله

هنا أخذت سلمى شنطة تمارا و ذهبت

بينما ظل مراد ان يدعو الله ان لا يكتشف أمره فى موضوع الشقة

بقلم٠أروى٠عادل

فى القصر

~~~~~~~

رجع مراد للقصر ليبدل ملابسه و يذهب لعمله

و أول ما وصل القصر كان حسام فى انتظاره

وهو غاضب . و بقلق قال

حسام ٠٠٠ اتأخرتوا ليه كل ده.. رنيت عليك اكتر من خمسين مره مابتردش عليا ليه

مراد ٠٠٠ لان التليفون ماكنش معايا نسيته هنا

حسام ٠٠٠ حتى تمارا مش بترد

مراد ٠٠٠ لان تليفونها بردو ماكنش معاها كان فى العربية

حسام ٠٠٠ المهم هى عامله ايه

مراد ٠٠٠ جزع بسيط فى رجلها. و الدكتوره طلبت منها راحه تلات ايام

حسام ٠٠٠ يعنى ايه . مش هشوفها تلات ايام

بحالهم

شعر مراد بغيره و ضيق من حديث حسام لذلك قال

مراد ٠٠٠ تقصد ايه يعنى.. بعدين المفروض انها عندك مش اكتر من ممرضة . مالك قلقان عليها أوى كده

رد حسام بأرتباك و قال كاذب

حسام ٠٠٠ اه عارف انها ممرضة . بس انا إدايقت عشان مواعيد الاعلاج و الجلسات العلاج الطبيعى

مراد ٠٠٠ مش مشكله تمارا عندها اخواتها ممرضين ممكن اقولها تبعت اختها بدلها فى اليومين دول

حسام ٠٠٠ ( بضيق) اه تمام قولها

قال حسام جملته ثم انصرف

بينما ظل مراد يفكر فى كل ما حدث اليوم مع تمارا و عندما تذكر عندما كانت بين أحضانه ابتسم بأستمتاع

بقلم٠أروى٠عادل

فى غرفة حسام

~~~~~~~~~~~

أول ما دخل حسام غرفته قامه بأجراء أتصال هاتفى و قال

( بداية المكالمة )

حسام ٠٠٠ الو تمارا سلامتك عامله ايه دلوقتي

تمارا ٠٠٠ أنا تمام الحمد الله .. أسفه ان مش هقدر اجى الشغل اليومين دول

شعر حسام بضيق هو لا يستطيع الابتعاد عنها يوم واحد ليس لمدة ثلاث ايام يمكن أكثر لذلك قال

حسام ٠٠٠ ولا يمهمك المهم تكونى كويسه ..

لو أنى مش عارف ازاى هقدر أقعد يومين من غير ما اشوفك

لم تفهم تمارا ماذا يقصد حسام لذلك ظنت انه يتحدث عن الشغل فقط لذلك قالت

تمارا ٠٠٠ معلش انا عارفه انك مدايق عشان هنأجل الجلسات العلاج الطبيعى كام يوم بس معلش هحاول اعوضهلك

حسام ٠٠٠ ( بأنفعال)هو ده إللى فارق معاكى الجلسات و بس

لم تفهم تمارا ما يشعر به حسام لذلك قال

تمارا٠٠٠ فى ايه يا حسام هو كلامى دايقك فى حاجة

حسام ٠٠٠ لأ انا مش مدايق ولا حاجة مع السلامة

قال جملته ثم أغلق الخط

بينما استغربت تمارا من انفعاله الغير مبرر بالنسبال لها

( إنتهت المكالمه )

منزل ميرفت

~~~~~~~~

كانت تمارا تجلس فى غرفتها تحكى ل ياره كل ما حدث بينها و بين مراد لذلك قالت ياره

بعد ما سمعت حديث شقيقتها

ياره ٠٠٠ تمارا انتى بتحبى مراد

ارتبكت تمارا و قالت بتأتأه

تمارا ٠٠٠ أنتى… انتى بتقولى إيه… احب مين شكلك اتجننتى

ياره ٠٠٠ لاء مش اتجننت بس انتى إللى شكلك وقعتى يا حلوه و طريقة إللى بتتكلمى عليه بيها بتقول كده . كمان كل إللى حصل بينكم النهاردة بتقول كده . و شكله هو كمان بيحبك

بدون تفكير قالت

بقلم٠أروى٠عادل

تمارا٠٠٠ تفتكرى يا ياره هو كمان بيحبنى

ياره ٠٠٠( برواغه) أفتكر. أفتكر أوى كمان يابنتى ده بيغير عليكى .يعنى اكيد بيحبك زى ما انتى بتحبيه

تمارا ٠٠٠ أيه ده مين قالك انى بحبه

ياره ٠٠٠ يابت اطلعى من دول ده انتى اختى و آنا بعرفك من عنيكى من غير حتى ولا كلمه

تمارا ٠٠٠( بخجل) بس بقى ياره

ياره ٠٠٠ بس بقى يا ياره والله كبرنا و بقينا بنحب اهو

هنا دخلت عليهم سلمى بعد ما سمعت آخر جمله وقالت

سلمى ٠٠٠ مين إللى كبر و بقى بيحب

ياره ٠٠٠ تمارا أختك أخيرآ وقعت و بتحب

سلمى ٠٠٠ مراد مش كده

اتعدلت تمارا هى جالسه وقالت

تمارا ٠٠٠ ليه قولتى مراد

سلمى ٠٠٠ كان باين عليه النهاردة

تمارا ٠٠٠ باين عليه ازاى يعنى

سلمى ٠٠٠ يعنى واحد زى مراد مش هيسيب شغوله و حاله و هيهتم بيكى و يوديكى المستشفى و بعد كده يجيبك على البيت باينه يابنتى

ياره ٠٠٠ يعنى كان هيسيبها تعبانه

سلمى ٠٠٠ لاء بس كان عنده بدل الواحد الف واحد هو إللى يقوم بالمهمة دى . بس هو كان حابب ان يهتم بيها بنفسه

تمارا ٠٠٠ تفتكرى يا سلمى هو مراد بيفكر كده

سلمى ٠٠٠ اه افتكر .. و بعدين النهاردة و آنا نازله معاه فى الأسانسير سألنى عنك

تمارا ٠٠٠ قالك ايه

سلمى ٠٠٠ سألنى عن السبب إللى خلاكى بتخافى من ركوب الأسانسير ..من امتى بتخافى منه

ياره ٠٠٠ صحيح انا اول مره اصدق المثل إللى بيقول لا محبه إللى بعد عداوة

تمارا ٠٠٠ بس انا لسه بردوا مش متأكده من مشاعر مراد

ياره ٠٠٠ بعد إللى حصل النهاردة لازم تكونى متأكده

سلمى ٠٠٠ على فكره يا تمارا انا عارفه ان مراد بيحبك من فتره طويله كمان

ياره ٠٠٠ليه يعنى بتعرفى الطالع حضرتك

سلمى ٠٠٠ لأ يا خفيفه.عندى عيون و بشوف بيها كويس

تمارا ٠٠٠ و شوفتى ايه يا سلمى بعيونك

سلمى ٠٠٠ شوفت عيون مراد وهى مليانه حب ليكى . طيب فاكره يوم ما اتخنقتى مع عصام و مراد ساعدك ساعتها شوفت خوف مراد عليكى غيرته عليكى لما كنتى بتساعدى حاتم . وكمان ما كنا بنشترى الشقة وقت ما صاحب الشقة كان بص عليك بأعجاب ساعتها شوفت مراد وهو مدايق غيران عليكى

ياره ٠٠٠ صح يا تمارا انا كمان لاحظت لما أدايق من صاحب الشقة وهو بيبصلك

سلمى ٠٠٠ تمارا مافيش راجل بيغير على واحده إلا لما يكون بيحبها اسألنى انا.. لانى عرفت انى حاتم بيحبنى يوم ما بدء يغير عليا

ياره ٠٠٠ أوعدنى يارب باللى يغير عليا انا كمان

هنا على صوت رنين هاتف تمارا و عندما رأت هويه المتصل قالت بحماس

تمارا ٠٠٠ هو ..هو

ياره ٠٠٠ هو مين

تمارا٠٠٠ مراد

سلمى ٠٠٠ طيب ردى

بدأت تمارا فى تظبيط ملابسها و شعرها ثم قالت بتوتر ممزوج بحماس

تمارا ٠٠٠ طيب قولى كده شكلى حلوه شعرى مظبوط مش كده

ياره ٠٠٠ تمارا مراد على التليفون اهدى و خدى نفس و ردى عليه .

انتبهت تمارا لنفسها لذلك حاولت السيطره على مشاعرها و قالت

تمارا ٠٠٠ طيب روحوا انتو شوفوا ماما يمكن تكون عايزاكم

ياره ٠٠٠ لاء انا قاعده معاكى

سلمى ٠٠٠ يلا يا ياره سيبيها تتكلم براحتها

خرجت سلمى و ياره من الغرفة ثم أخذت تمارا نفس طويل و قالت

( بداية المكالمة )

تمارا ٠٠٠ ألووو

مراد ٠٠٠ الو مساء الخير يا تمارا

تمارا ٠٠٠ مساء الخير مين

مراد ٠٠٠ أنا مراد ايه انتى مش مسجله رقمى عندك

تمارا ٠٠٠ اه بس مخدتش بالى من الاسم

مراد ٠٠٠ اه . قوليلى عامله ايه دلوقتي

تمارا ٠٠٠ الحمدالله

مراد ٠٠٠ رجلك لسه وجعاكى

تمارا ٠٠٠ لاء من ساعة ما اخدت المسكن وهى احسن

مراد ٠٠٠ طيب الحمدالله . عملتى كمادات عليها

تمارا ٠٠٠ اه ماما عملتلى

مراد ٠٠٠ و اخدتى العلاج فى ميعاده

تمارا ٠٠٠ اه اخدته

مراد ٠٠٠ طيب كويس . اوعى تدوسى على رجلك خالص . وخلى رجلك دايمآ محطوطه على حاجة عاليه

تمارا ٠٠٠ اه انا فعلآ بعمل كده

مراد ٠٠٠ تمام . اه كنت عايز اطلب من طلب

تمارا ٠٠٠ خير

مراد ٠٠٠ ينفع تخلى واحده من أخواتك تيجى تعمل جلسات ل حسام الفتره دى لحاد بس لما رجلك تبقى كويس

تمارا ٠٠٠ تمام هسأل ياره لو مش عندها شغل اكيد مش هترفض

مراد ٠٠٠ خلاص أسأليها و ردى عليا.

تمارا ٠٠٠ حاضر

مراد ٠٠٠ طيب انا هقفل دلوقتى

تمارا ٠٠٠ ماشى

مراد ٠٠٠ ابقى خلى بالك من نفسك . مع السلامه

تمارا ٠٠٠ مع السلامه

( إنتهت المكالمه )

بقلم٠أروى٠عادل

فى منزل أم عصام

~~~~~~~~~~~

أم عصام ٠٠٠ أيه يا ضنايا لسه معرفتش مكانها

عصام٠٠٠باقلى تلات ايام من ساعة ما خرجت من السجن و آنا ما سيبتش مكان كانت بتروحو مادورتش عليها فيه.. حتى الكليه بتاعتها روحتلها هناك مالقيتهاش

أم عصام ٠٠٠ طيب و الواد إللى كانت ميرفت

بتقول عليه ابن أختها مادورتش عنده ليه

عصام ٠٠٠ و ده لو يعرف مكانها هيقولى يعنى

ام عصام ٠٠٠ بس اكيد يعرف مكان خالته و بناتها لازمآ و لابد هيروح يزورهم فى أيتها وقت. او يمكن همآ كمان يزوره

عصام ٠٠٠ تصدقى عندك حق ياما انا ازاى مافكرتش فيها دى من بكره الصبح مش هتعتع من قدام مكتبه و هخلى عينى عليه بيروح فين و بيجى منين لما اشوف هتروحى منى فين يا تمارا