رواية التضحية بالحب الفصل الحادي والعشرين 21 بقلم أروي عادل
٠هنا رن هاتف تمارا عندما رأت هويه المتصل أرتبكت و كنسلت لذلك اتصل مراد مره أخرى فكنسلت لتانى مره وهنا قالت سلمى
تمارا ٠٠٠ حاضر
جن مراد عندما كنسلت تمارا مكالمته و تصاعد غضبه اكتر عندما أقفلت تمارا هاتفها
بعد ما انتهوا من شراء الشبكة خرجوا جميعآ من محل المجوهرات
حاتم ٠٠٠ أنا مستأذن من خالتى عشان نخرج كلنا سوا قولولى عايزين تروحوا فين
ياره ٠٠٠ أي مكان المهم إننا نخرج
وهنا تغيرت ملامح تمارا فجأة وهى تقول
تمارا٠٠٠ عصام
كان عصام يراقب كل ما يحدث وهو يقف بجوار إحدى السيارات عندما رأته تمارا اختبئ خلف السيارة
ياره ٠٠٠ فى ايه يا تمارا
تمارا ٠٠٠ أنا شوفت عصام
سلمى ٠٠٠ هو فين
شاورت تمارا إلى أحد الأماكن وقالت
تمارا ٠٠٠ مش عارف انا كنت لسه شايفه . كان واقف هناك كده
ذهب حاتم ليتفقد المكان ثم رجع وقال
حاتم ٠٠٠ مالقتش حد
تمارا ٠٠٠ ازاى انا شوفته بعينى
سلمى ٠٠٠ يمكن يكون متهيألك
تمارا ٠٠٠ متهيألى ايه بس انا متأكده انى شوفته
ياره ٠٠٠ و حتى لو شوفتيه عادى يعنى ايه المشكلة
تمارا ٠٠٠ مش عارفه بس حسيت انه بيراقبنى و عينى جات فى عينه .. بس إللى قلقنى أنه اختفى أول ما شوفته
سلمى ٠٠٠ أيه الأوفر دى يا تمارا . انتى مكبره الموضوع ليه
حاتم ٠٠٠ اه صح يا تمارا مش اسمه عصام ده مسجون
سلمى ٠٠٠ اه مسجون
حاتم٠٠٠ خلاص يبقى متهيألك أو يمكن شوفتى حد شبهه عادى بيحصل
تمارا٠٠٠ عندك حق يمكن يكون حد شبهه
حاتم ٠٠٠ طيب يلا نمشى
سلمى ٠٠٠ هنروح فين .
حاتم ٠٠٠ أول حاجة نتعشا عشان انا جعان
بقلم٠أروى٠عادل
فى مطعم
فى أحد المولات
جلس حاتم و الفتيات على احدى الطاولات فى المطعم إللى موجود فى أحدى مولات القاهرة .. وعندما كانوا يختارون الطعام من القائمة قالت تمارا بمرح
تمارا ٠٠٠ حاتم بقولك ايه المطعم شكله غالى اوى معاكى فلوس ولا اخر السهره هنغسل المواعين
حاتم ٠٠٠ بطلى لماضة و شوفى عايزه تطلبى ايه
تمارا ٠٠٠ يعنى اطلب بقلب جامد
ضحك حاتم وقال
حاتم ٠٠٠ ولا يهمك اطلبى إللى انتى عايزاه
سلمى ٠٠٠ إللى يشوف كلامك يقولك انك هتتطلبى خروف مشوى ..
تمارا ٠٠٠ الله مش لازم أأمن نفسى.. افرض دبسنا فى الأكل و خلع
حاتم٠٠٠ تمارا انتى مافيش فايده فيكى هتفضلى طول عمرك لسانك متبرى منك ..
سلمى ٠٠٠ لمى لسانك يا تمارا ..
حاتم ٠٠٠٠ سيبها انا عارف انها بتهزر..
تمارا ٠٠٠ واللهى انتى قمر و خسارة فى ناس كده
سلمى ٠٠٠ تماااارا
تمارا ٠٠٠ خلاص انا هسكت اهو
ثم وضعت يديها على فمها
سلمى ٠٠٠ يكون احسن
بقلم٠أروى٠عادل
فى نفس الوقت
فى الجهة الاخرى
عند مراد
~~~~~~~~~~~~~~
كان مراد يحاول الاتصال بتمارا لكن كل مره كان بيسمع نفس الرسالة .. الهاتف مغلق أول غير متاحة مما جعل مراد لا يرى أمامه من شدة الغضب و كما كانت تدور فى رأسه أفكار سيئ بشأن إغلاق تمارا هاتفها
نعم انه هو مراد مهران الذى ليس لديه ثقه فى النساء .
هنا قال أسلام ليهدئ من غضب مراد
أسلام ٠٠٠ اهدى يا مراد . اكيد انت فاهم غلط . محدش عارف ظروفها ايه
مراد ٠٠٠ ( بغضب) ظروف ايه دى . بقولك هى روحت بدرى من الشغل و بعدين كنسلت عليا و بعد كده قفلت تليفونها . ده غير حوار التذاكر.. مش عايزنى بعد ده كله ما أفهمش غلط
أسلام ٠٠٠ مراد انت بتشك فى تمارا
سكت مراد ثوانى لذلك كمل أسلام و قال
أسلام ٠٠٠ بتفكر فى ايه . أوعى يا مراد تكون بتشك فيها
مراد ٠٠٠ أنا عارف بقى
أسلام ٠٠٠ لاء لازم تكون عارف
و متخليش تجربتك مع ندا . تأثر بعلاقتك بتمارا . تمارا بنت كويسه محترمه مالهاش فى الغلط
مراد ٠٠٠ عارف انها زفت محترمه
أسلام ٠٠٠ طيب آمال ايه
مراد ٠٠٠ مش عارف. و هتجنن من ساعة معرفت حوار التذاكر . مع انى نبهت عليها قبل كده انها متتكلمش مع إللى اسمه مازن ده تانى .. و إللى زاد ابله طين . لما كنسلت عليا و قفلت تليفونها . انا خلاص هتجنن من عمايلها
بقلم٠أروى٠عادل
فى نفس الوقت
فى الجهة الأخرى عند تمارا
~~~~~~~~~~~~~~~~~
بعد تناولوا الطعام قالت ياره
ياره ٠٠٠ بجد الأكل كام تحفه
سلمى ٠٠٠ بس اكل ماما احسن
حاتم ٠٠٠ مافيش اكله احسن من أكل خالتى فى مصر كلها
تمارا ٠٠٠ بمناسبة سيرة ماما انا هتصل عليها. أطمنها علينا
عندما مسكت تمارا هاتفها تذكرت انه مغلق. فقامت بفتح الهاتف و هنا أرتبكت عندما وجدت أن مراد حاول يتصل عليها أكثر من مره .و بعت لها رساله انها تتصل عليه ضرورى أول ما تفتح التليفون فقالت
تمارا ٠٠٠ أنا رايحه الحمام
سلمى ٠٠٠ هتروحى لوحدك
تمارا ٠٠٠ عادى فيها ايه.. حد هيخطفنى يعنى
ياره ٠٠٠ أنا جاى معاكى
تمارا ٠٠٠ لاء خليكى انا مش هتأخر
قالت جملتها ثم انصرفت .. عندما اختفت من امامهم قامت بالإتصال بمراد
فى الجهة الاخرى
عند مراد
~~~~~~~~
أسلام ٠٠٠ ما تبطل عصبيه بقى تعبت اعصابى
هنا رن هاتف مراد عندما رأه ان تمارا المتصلة. رد بسرعة وقال بعصبيه
مراد ٠٠٠ أيه يا هانم لسه فاكر تعبرينى
و تردى .
تمارا ٠٠٠ مراد انتى بتكلمنى كده ليه
مراد ٠٠٠ المفروض التكلم مع سيادتك ازاى
تمارا ٠٠٠ فى ايه يا مراد
مراد ٠٠٠ فى انى عايز اعرف قفله الزفت التليفون ليه
تمارا ٠٠٠ مراد شكلك متعصب دلوقتى ممكن نتكلم بعدين
هنا سمع مراد بعض الدوشه فقال
مراد ٠٠٠ أيه الصوت ده .. هو انتى فين
تمارا ٠٠٠ أنا فى مطعم
قطع عبارتها قال بعصبيه و حده
مراد ٠٠٠ بتعملى ايه عندك
تمارا ٠٠٠ هى الناس بتعمل ايه فى المطعم
مراد ٠٠٠ تمام أوى.. فين المطعم ده
تمارا ٠٠٠ مطعم فى مول ( عنوان المول)
مراد ٠٠٠ مع مين بقى انشاء الله
تمارا ٠٠٠مع حاتم و سلمى و ياره
مراد ٠٠٠ ننننعم و بتعملى ايه انشاء الله مع الأستاذ حاتم ..
حاولت تمارا ان تتحكم فى أعصابها و ترد على مراد بهدوء برغم عصبيته
بقلم٠أروى٠عادل
تمارا ٠٠٠ كنا بنشترى شبكة سلمى و حاتم .. و بعد كده حاتم أصر اننا نخرج نتعشا سوا فيها حاجة دى
مراد ٠٠٠ و حاتم ده ياخد خطبته يخرجها .. انتى خارجه معاهم تعملى ايه
تمارا ٠٠٠ أنت ناسى ان حاتم ابن خالتى
مراد ٠٠٠( بعصبيه ) لاء مش ناسى .. وانتى ليه مقولتش من أول المكالمة انك بره البيت
تمارا ٠٠٠ هو انت أدتنى فرصه اقولك على حاجة
مراد ٠٠٠ أنا إللى ما أدتكيش فرصة ولا انتى إللى مش عايزانى اعرف انتى فين
تمارا ٠٠٠ تقصد ايه ايه بكلمك .. مراد انتى مش مصدقنى . فاكرانى بكدب عليك
مراد ٠٠٠ ما انا مش عبيط انى اصدق انك كنسلتى عليا و بعدين قفلتى التليفون كل ده عشان خارجه مع أخواتك و ابن خالتك
تمارا ٠٠٠ خلاص طالما مش مصدقنى يبقى مالهوش لازم الكلام معاك
قالت عبارتها ثم أغلقت الهاتف
( إنتهت المكالمة )
كان الشر يتطاير من عينه و فقد السيطرة على أعصابه و هو يقول
مراد ٠٠٠ قفلت السكة فى وشى نهارها اسود
قال جملتة و هو يأخذ محفظته و مفاتيح سيارته و يغادر المكان لذلك ركض خلفه أسلام و يقول
أسلام ٠٠٠ أستنا مراد .. مراد .. رد عليا مراد طيب أستنا رايح فين
مراد ٠٠٠ ( بغضب ) ابعد عنى يا أسلام دلوقتى انا عفريت الدنيا كلها بتتنطط فى وشى
أسلام ٠٠٠ طيب بس قولى رايح فين
مراد ٠٠٠ رايح اعرف الهانم بتعمل ايه من ورا دهرى
أسلام ٠٠٠ اهدى بس شويه مش كده
مراد ٠٠٠ ماتقوليش زفت أهدى
أسلام ٠٠٠ ما انت لازم تهدى ماينفعش تروح تتكلم مع تمارا و انت متعصب كده .. صدقنى لو اتكلمت معاه و انت متعصب كده هتخسرها
مراد ٠٠٠ يحصل إللى يحصل . المهم افهم الهانم فين و بتعمل ايه دلوقتى
أسلام ٠٠٠ طيب انا جاى معاك
ذهب مراد و اسلام للمطعم
فى نفس الوقت
فى الجهة الاخرى عند تمارا
رجعت تمارا بعد ما انهت المكالمة مع مراد كان واضح عليها الضيق و الحزن لذلك قالت
سلمى ٠٠٠ مالك يا تمارا شكلك متغير ليه من ساعة ما رجعتى من الحمام
تمارا ٠٠٠ مافيش حاجة دماغى بس وجعانى
حاتم ٠٠٠ تحبى تروحوا
تمارا ٠٠٠ لاء انا اخدت مسكن و دلوقتى هبقى كويسه
حاتم ٠٠٠طيب تشربوا ايه
تمارا ٠٠٠ لاء اشرب انت و سلمى و آنا هاخد ياره و نتفرج على المول
حاتم ٠٠٠ طيب براحتكم بس متتأخروش
بقلم٠أروى٠عادل
~~~~~~~~~~~~~
بالفعل ذهبت تمارا مع ياره
ياره ٠٠٠ أنتى خليتنى اقوم معاكى اتفرج على المول ليه
تمارا ٠٠٠ قولت اسيب حاتم و سلمى يقعدوا مع بعض شويه . كمان ماكنتش عايزه اقعد معاهم وانا مضايقة
ياره ٠٠٠ اه صح ايه إللى حصل و قلب وشك كده ..
تمارا ٠٠٠ ( بحزن) مراد كلمنى بطريقة وحشة أوى . تصدقى انه بيشك فيا
ياره ٠٠٠ ليه هو ايه إللى حصل
بعد ما حكت كل ما حدث لشقيقتها قالت
ياره ٠٠٠ أنا قولت من الأول البنى أدم ده مجنون.. بس انتى بردوا يا تمارا كان المفروض تبعتى رسالة تشرحيله فيها انتى ليه مش عارف تردى عليه مش تقفلى التليفون خالص
تمارا٠٠٠ مجاش فى بالى انى اعمل كده
و أول ما سلمى قالتى أقفلى التليفون قفلته قبل ما حاتم ياخد باله
ياره ٠٠٠ بس ده بردوا ..ده ما يدهوش الحق انه يتكلم معاكى بطريقة دى .
و كويس انك قفلتى السكة فى وشه
تمارا ٠٠٠ تفتكرى هيكلمنى تانى بعد كده
ياره ٠٠٠ ياختى عنى ما اتكلم . يولع بجاز
تمارا ٠٠٠ حرام يا ياره متقوليش عليه كده
ياره ٠٠٠ تصدقى انا غلطانه . يكش تولعوا بجاز انتو الاتنين
هنا رن مراد على تمارا لكنها لم ترد عليه
ياره ٠٠٠ ما تردى طالما هتموتى عليه كده ردى
تمارا ٠٠٠ لأ مش هرد خليه يرن .. تعالى تدخل المحل الملابس ده اهو نتفرج شوية
ياره ٠٠٠ أيوه كده دى اختى إللى انا أعرفها
هنا رن هاتف ياره
تمارا ٠٠٠ مين
ياره ٠٠٠ إسلام
تمارا ٠٠٠ طيب ردى
( بداية المكالمة )
أسلام ٠٠٠ ألووو ياره
ياره ٠٠٠ أيوه يا أسلام
أسلام ٠٠٠ اخبار الجميل ايه النهاردة
ياره ٠٠٠ الحمدالله تمام و انت
أسلام ٠٠٠ أنا كويس
هنا سمعت ياره صوت مراد هو يقول
مراد ٠٠٠ أنجز قولها فين تمارا
ياره ٠٠٠ إسلام هو ده مراد مش كده
أسلام ٠٠٠ اه هو . ياره مراد كان عايز يسأل
قطعت ياره عبارته وقالت
ياره ٠٠٠ قوله مالهوش دعوة بتمارا خالص طالما وصلت انه بيشك فيها
أسلام ٠٠٠ معلش يا ياره هى تمارا معاكى دلوقتى
ياره ٠٠٠ أيوه معايا .
أسلام ٠٠٠ طيب ممكن تدهالى
ياره ٠٠٠ حاضر
اخذت تمارا الهاتف وقالت
تمارا ٠٠٠ أيوه يا أسلام فى ايه تانى
أسلام ٠٠٠ ممكن تردى على مراد
قبل أن يكمل أسلام عبارته أخذ مراد الهاتف منه وقال بغضب
مراد ٠٠٠ أنتى مش بتردى على التليفون ليه
تمارا ٠٠٠ أنت عايز منى أيه تانى
مراد ٠٠٠ أنتى مش قولتى انك فى المطعم .انا دلوقتى فى المطعم و شايف أختك و خطيبها قاعدين و انتى مش موجوده
تمارا ٠٠٠ و ايه إللى جابك المطعم جاى تتأكد انى موجوده مش كده
مراد ٠٠٠ لأخر مره هسألك انتى فين
يا تمارا
تمارا ٠٠٠ مالكش دعوة يا مراد
صرخ فيها مراد وقال بغضب عارم
مراد ٠٠٠ تماااارا .. متجننيش
هنا أعطت تمارا الهاتف ل ياره لذلك ردت ياره على الهاتف وقالت
ياره ٠٠٠ فى ايه يا أستاذ مراد ماينفعش كده على فكره
حاول مراد يتحكم بأعصابه وهو يقول
مراد ٠٠٠ معلش ممكن تقوليلى انتو فين
ياره ٠٠٠ أحنا فى المول فى الدور إللى تحت المطعم على طول
مراد٠٠٠ تمام انا جاى
( إنتهت المكالمه )
بقلم٠أروى٠عادل
تمارا ٠٠٠ قولتيله بس ليه اننا احنا هنا
ياره ٠٠٠ يعنى اخليه يفكر انك بتكدبى عليه
قبل ان تبدء تمارا جملتها كان مراد يقف خلفها دون أن تراه قالت
تمارا ٠٠٠ يفكر زى ما عايز يفكر ده شكله اتجنن . ولا هو اساسآ كان مجنون ..
ولا انا إللى هبله مالقتش غير البنى أدم المجنون ده و أحبه.
و عندما رأت يارا مراد يقف خلف تمارا
و معه أسلام أشارة ل تمارا لتنظر خلفها قالت تمارا قبل أن تلتفت له
تمارا ٠٠٠ أوعى تقولى انه واقف ورايا
هزت ياره رأسها بأيجاب.. فأغلقت تمارا عينيها و هى تدير رأسها و تلعن لسانها عما قالوا .. هنا قال مراد الذى يبدو اهدى عندما رأها و تأكد انها لا تكذب عليه لكنه مازال يشعر بضيق منها
مراد ٠٠٠ كملى سكتى ليه
هنا رفع تمارا إصبعها امام وجهه وقالت بتحذير
تمارا ٠٠٠ أسمع يا مراد مش ان…….
قبل ان تكمل عبارتها قال
مراد ٠٠٠ نزلى صابعك ده .. و واطى صوتك وانتى بتتكلمى معايا
تمارا ٠٠٠( بعصبيه) تمام .. بص بقى اساسآ انا مش عايزه اتكلم معاك خالص
مراد ٠٠٠ مش بمزاجك٠٠
ثم مسك مراد يدها و سحبها خلفه و لم يهتم بأى أحد من الموجودين ولا بعيون الناس الذى كانوا ينظرون إليه بتعجب
ياره ٠٠٠أيه ده هو اخدها و رايح على فين. انت يا بنى ادم
كانت سوف تذهب ياره خلفهم لكن أوقفها أسلام وقال
أسلام ٠٠٠ ياره أستنى سيبهم يتكلموا مع بعض
ياره ٠٠٠ يتكلموا ايه انت مش شايف سحبها من أيدها ازاى
أسلام ٠٠٠ متخافيش على تمارا وهى مع مراد
ياره ٠٠٠ اذا كان انا خايف من مراد نفسه ده مجنون . و دماغه هربانه منه
أسلام ٠٠٠ بس بيحبها و عمره ما هيأذيها
ياره ٠٠٠ اقسم بالله يا أسلام لو اختى جرالها حاجة انا هقتلك فيها
أسلام ٠٠٠( بحب) طيب بذمتك أهون عليكى
ياره ٠٠٠ أنت بتثبتنى
أسلام ٠٠٠ تعالى بس نشرب أى حاجة عقبال ما يجوا
بّـــــــقــــــلَمِــــــــ٠أروُى٠عــــــــآدلَ
امام المول
~~~~~~~~~
كانت تمارا تطلب من مراد ان يتوقف لكنه تجاهلها لذلك وقفت تمارا فجأة و هى تقول بحده
تمارا ٠٠٠ بس بقى .ايه سحبنى فى ايدك زى الجاموسه.. .اسمع يا مراد مش انا خالص البنت إللى تقبل تتعامل بطريقة دى فاهم
مراد ٠٠٠ خلصتى كلامك
تمارا ٠٠٠ اه خلصت
مراد ٠٠٠ طيب يلا أمشى
تمارا ٠٠٠ ( بعصبيه)الله فى ايه ما تهدى شويه انت ايه مابتتعبش
مراد ٠٠٠ ( بتحذير) تماااارا لأخر مره هقولك امشى وانتى ساكته
قالت تمارا بنفاذ صبر
تمارا ٠٠٠ طيب اخدنى و رايح على فين
مراد ٠٠٠ هنتكلم فى العربية
تمارا ٠٠٠ بس انا رجلى وجعانى مش قادره امشى تانى
مراد ٠٠٠ خلاص أشيلك
تمارا ٠٠٠ لاء . لاء خلاص همشى
برغم عصبية مراد إلا أنه ابتسم على هيئة تمارا
و عندما وصلوا لسيارة صعدت تمارا السيارة ثم مراد الذى قال
مراد ٠٠٠ احكيلى بقى على كل حاجة من أول ما خرجتى من القصر لحد دلوقتى
تمارا ٠٠٠ قولى انت الأول .. هو انت بتشك فيا
