رواية التضحية بالحب الفصل الثالث والعشرين 23 بقلم أروي عادل
كانت تمارا فى الفتره الاخيره شكه فى ٠٠٠ مشاعر حسام اتجاها لكنها كانت بتكدب نفسها . و رغم ذلك كانت بتحاول تتعامل مع حسام برسميه اكثر
تمارا ٠٠٠ أنا هروح عايز منى حاجة
حسان ٠٠٠ مالك يا تمارا بقالك فترة معاملتك معايا متغيرة. هو انا ضايقتك فى حاجة
قالت كاذبه وهى تعرف انه عنده حق فيما قاله لذلك قالت
تمارا ٠٠٠ لاء مافيش حاجة من دى . انت بس إللى متهيألك
حسام ٠٠٠ متهيألى بردوا .. ده انتى حتى بطلتى تقرى ليا زى الاول
تمارا ٠٠٠ بس كده لو على القرأه هنا هروح اجيب كتاب من المكتبة و أقرأ ليك
قالت عبارتها و انصرفت بسرعه لتجلب الكتاب من المكتبة
بقلم٠أروى٠عادل
و عندما وصلت للغرفة المكتبة وقبل أن تدخل الغرفة أتصدمت عندما وجدت
يد قويه أمتدت سحبتها لداخل الغرفة
وأغلقت الباب . وقبل أن تصرخ فجأت بيد توضع على فمها لمنعها من الصراخ
هنا حاولت تفلت من هذه اليد القوية لكن دون جدوى . عندها قال صاحب اليد القوية
مراد ٠٠٠ تمارا أهدى انا مراد . تمارا
هنا أخذت تمارا نفس طويل ثم قالت بفزع وهى تضرب مراد على كتفه بقوة
تمارا ٠٠٠ حرام عليك يا مراد خضتنى.
مراد ٠٠٠ بعد الشر عليكى من الخضة
ثم كمل عبارته وهو يقترب منها
و يهمس لها بحب
مراد ٠٠٠ وحشتينى .بقالى أربع ايام مش عارف اتلم عليكى.
تمارا ٠٠٠ وانت كمان على فكره
مراد ٠٠٠ ( بخبث) وانا كمان ايه
قالت بخجل لدرجة أحمر وجهها
تمارا ٠٠٠ وانت كمان وحشتنى
مراد ٠٠٠ يا الله . طيب انا راضى ذمتك فى حلوه و جمال كده ولا خدود حمره عايزين يتكلوا أكل بالشكل ده
تمارا ٠٠٠( بخجل) بس بقى يا مراد
مراد ٠٠٠ واللهى مراد خلاص مبقاش قادر يبعد عنك انتى عملتى فيا ايه بالظبط ..
ابتسمت تمارا وهى تخفض رأسها بخجل و صدرها يعلو و يهبض من اقتراب مراد منها
بينما كان مراد يتأملها بحب و لانها تبدو مثيره بهذه الهيئة. قال مراد هو يكمل حديثه
مراد ٠٠٠ تمارا هو انا لو بوستك هتزعلى ولا…………
وقبل أن يكمل جملته اتسعت عين تمارا بفزع وحاولت تركض من أمامه. لكنها لم تستطيع لانها انتبهت انها محاصرة بين الحائط خلفها ومراد امامها وهو يستند بذراعيه على الحائط و كأنه محاوطها لذلك قالت بخوف و بأرتباك
بقلم٠أروى٠عادل
تمارا ٠٠٠ عيب أوى إللى انت بتقول ده على فكر . بعدين انت واقف كده ليه لو سمحت ابعد كده خلينى امشى
مراد ٠٠٠ مش هبعد . لو سمحتى ..
انا سألتك سؤال ممكن تردى عليه
تمارا ٠٠٠ أنت قليل الأدب
مراد ٠٠٠( بمكر ) طيب يبقى قلة أدب بقلة أدب بقى اخد إللى انا عايزه من غير أستأذان
ثم أقتربه منها أكثر و كان على وشك تقبيلها لكن أسرعت تمارا و وضعت يديها على فمها لتمنع مراد من تقبيلها لذلك قال مراد
مراد ٠٠٠ يعنى انتى كده فاكره انى مش هعرف ابوسك . تبقى عبيطه … تمارا شيلى ايدك
هزت تمارا رأسها بالنفى لذلك كمل مراد كلامه فقال بتحذير
مراد ٠٠٠ شيلى ايدك يا تمارا احسن واللهى اشيلك كلك على بعضك كده ساعتها بقى انا مش ضامن نفسى ممكن اعمل ايه فيكى
هنا شالت تمارا يديها من على فمها لانها تعلم مدى جنانه وقالت بسرعة
تمارا ٠٠٠ خلاص اهو شيلت ايدى
مراد ٠٠٠( بأبتسامه) ايوه كده ناس مابتحيش غير بالعين الحمره
تمارا ٠٠٠ ماشى يا مراد ممكن بقى تخلينى امشى
هز رأسه بالنفى لذلك كملت عبارتها و قالت برجاء
تمارا ٠٠٠ مراد سيبنى لحد يشوفنا واحنا كده
مراد ٠٠٠عادى هقولهم حبيبتى و وحشانى
تمارا ٠٠٠ طيب عشان ….
و قبل أن تكمل عبارتها طبع مراد قبله على عنقها مما جعله تمارا ترتعش و تزداد نبضات القلبها و تتجمد جميع أوصالها للحظات
جعلت مراد يقترب من شفتيها و قبل أن يقبل شفتيها .رفعت يديها كانت على وشك صفعه لكن مراد أمسك يديها و قال بحده
مراد ٠٠٠ يا بنت المجنونه انتى كنتى هتعملى ايه دلوقتى
هنا دفعته تمارا و هربت من أمامه بسرعة هى تلعن ضعفها امامه
بينما ظل مراد يسب و يلعن نفسه لانه لا يستطيع السيطرة على مشاعره أمامها وهنا قال لنفسه
مراد ٠٠٠ أيه يا مراد ماتجمد كده ايه مش قادر تمسك نفسك قدامها ولا ايه ..بصراحه اه مش قادر .هو مافيش حل غير انى اتجوزها و اخلص بقى
بينما كانت توجد عين خفيه تراقب كل ما حدث بين مراد و تمارا
بقلم٠أروى٠عادل
غرفة حسام
~~~~~~~~~~~~
رجعت تمارا ل حسام و كانت بيدو عليها التوتر و الارتباك وهى تقول
تمارا ٠٠٠ معلش انا عايزه أروح دلوقتى
حسام ٠٠٠ مالك فى حاجة حصلت
تمارا ٠٠٠ لاء بس تعبانه شويه . أنا هروح دلوقتى و بكره هبقى أقرأ ليك إللى انت عايزه
حسام ٠٠٠ طيب أقعدى شويه عايز اتكلم معاكى فى موضوع كده
تمارا ٠٠٠ معلش يا حسام بكره الجمعة
هاجى بدرى و ابقى اتكلم فى كل إللى انت عايزه براحتك
حسام ٠٠٠ خلاص تمام براحتك
اخذت تمارا حقيبتها و كانت على وشك الانصراف عندها قال حسام
حسام ٠٠٠ تمارا انتى كويسه
بأبتسامه حتى تبدو طبيعيه
تمارا ٠٠٠ اه كويسه اوى كمان عن أذنك
قالت جملتها ثم انصرفت
امام القصر
~~~~~~~~~~
عندما خرجت تمارا من القصر كان مراد فى ينتظهرها لكنها تجاهلته و ذهبت دون أن تعيره اي انتباه لذلك ركض مراد خلفها و أمسكها من ذراعيها وقال
بقلم٠أروى٠عادل
مراد ٠٠٠ أيه لدرجة دى انا شفاف مش شايفانى
تمارا ٠٠٠(بغضب) انت كمان ليك عين تتكلم بعد إللى عملته
مراد ٠٠٠ وطى صوتك بس . لحد يسمعك ساعتها هيفتكروا عملت فيكى ايه دلوقتى
تمارا ٠٠٠ عملك اسود و مهبب. كمان هتنكر
مراد ٠٠٠ واللهى كنتى وحشانى و دى بوسه بريئه خالص . لو أنى كان نفسى ماتبقاش بريئه
بعصبيه و غيظ
تمارا ٠٠٠ انتى قليل الأدب و مستفز وهو….
قطع عبارتها وقال
مراد٠٠٠ طيب واللهى لو مسكتيش لا أبوسك فى قلب الشارع و المردى هتكون بوسه مش بريئه خالص
دمعت عين تمارا وقالت
تمارا ٠٠٠ مراد انت بتهددنى.. و تخوفنى عشان اسكت
أول ما مراد رأه دموع تنزل من عينيها سب و لعن نفسه ألف مره لانه السبب فى ذلك الدموع لذلك قال بود وحب
مراد٠٠٠ ششششش ايه الدموع دى انا اسف واللهى يا تمارا انا بحبك و كل إللى بعمله ده من حبى ليكى
تمارا ٠٠٠( بدموع) لا انتى مش بتحبنى
لو بتحبنى ماكنتش تستغل حبى
و تضغط عليا و تعمل إللى انت عملته .. و مافيش حد بيحب حد بيعمل فيه كده على فكره
ضحك مراد على طفولتها براءتها و عذريت مشاعرها و جهلها بأمور الحب
مراد ٠٠٠ انتى بريئه أوى يا تمارا انا محظوظ بيكى. و أوعدك انى مش هقربلك تانى غير و انتى مراتى . بس اقسم بالله ساعتها ما هرحمك
تمارا ٠٠٠ يا قليل الأدب
مراد ٠٠٠ يادى قليل الأدب إللى كل شويه تقوليها ليا
تمارا ٠٠٠ ما انت مش شايف بتقول ايه
مراد ٠٠٠ ماهو لا كلام ولا فعل.. لاء كده يبقى كتير عليا .
ضحكت تمارا فقال مراد
مراد ٠٠٠ أيوه كده أضحكى خلى الشمس تطلع و الضلمه تنور
بقلم٠أروى٠عادل
اليوم التالى
إحدى الكافيهات
~~~~~~~~~~
اتصلت تمارا على حسام وقالت له انها فى مشوار مع ياره و سوفه تأتى للشغل متأخره اليوم .. ثم ذهبت مع ياره للمقابلة أسلام و والدته
كانت تجلس نرمين مع أسلام فى انتظارهم لم ينتظروا كثير حتى جاءت ياره مع تمارا
و ألقوا التحيه
نرمين ٠٠٠ أنتى بقى ياره . بس شكلك مختلف عن ما اتخيلتك
ياره ٠٠٠ و حضرتك اتخيلتنى ازاى
نرمين ٠٠٠ اتخيلتك شبه تمارا
تمارا ٠٠٠ دى حاجة حلوه ولا وحشه انها تكون شبهى
نرمين ٠٠٠( بضحك ) طبعآ حلوه لأنك بسم الله ماشاء الله زى القمر يا تمارا
ياره ٠٠٠ ( بضيق) و آنا خيبت ظنك لانى مش شكل تمارا
نرمين ٠٠٠ صح انتى مش شكل تمارا . بس بردوا مشاء الله زى القمر
تمارا ٠٠٠ اه احنا فعلآ مش شكل بعض
نرمين ٠٠٠ بس كل واحده فيكم جمالها مختلف عن التانيه
أسلام ٠٠٠ صح يا ماما حتى سلمى اختهم مختلفه بردوا .. بس كلهم جميلات . بس انا بالنسبالى ياره هى الاجمل
نرمين ٠٠٠ ومين يشهد للعروسه
تمارا ٠٠٠ بس ياره فعلآ الأجمل واحده فينا
ياره ٠٠٠ لاء معلش الكل عارف انك انتى
يا تمارا اجمل واحده فينا
نرمين ٠٠٠ واضح أوى انكم بتحبوا بعض أوى
ياره ٠٠٠ طبعآ مش اخوات ..
نرمين ٠٠٠ مش كل الاخوات بيحبوا بعض بطريقة دى
أسلام ٠٠٠ هتشربوا ايه
نرمين ٠٠٠ اطلب ليا انا و ياره..و انت بقى تاخد تمارا و تسيبنى انا و ياره نتكلم سوا مع بعض ممكن
أسلام ٠٠٠ حاضر يا ماما.. يلا يا تمارا
اخذ أسلام تمارا و قبل أن يذهب قال و هو يهمس ل نرمين بصوت غير مسموع
أسلام ٠٠٠ براحه عليها بالله عليكى
يا ماما
قال جملته ثم انصرف هو و تمارا لذلك قالت
بقلم٠أروى٠عادل
نرمين ٠٠٠ أسلام بيحبك أوى . ياترى انتى قد الحب ده
ياره ٠٠٠ مش عارفه بس اتمنى اكون قده
نرمين ٠٠٠ قوليلى يا ياره باباكى بيشتغل ايه
ياره ٠٠٠ بابا الله يرحمه متوفى من حوالى ١٥ سنه
نرمين ٠٠٠ الله يرحمة .. باباكى اتوفى وانتى صغيره اوى
ياره ٠٠٠ اه كان عندى وقتها ٧ سنين
نرمين ٠٠٠ آمال مين كان بيصرف عليكم
ياره ٠٠٠ ماما هى إللى كانت بتصرف علينا . هى كمان كانت بتستغل ممرضة
نرمين ٠٠٠ آمال أهل أبوكى فين
ياره ٠٠٠ فى الصعيد
نرمين ٠٠٠ يبقى أهل مامتك هم إللى من القاهرة
ياره ٠٠٠ لا بردوا اهل ماما من الأسكندرية
نرمين ٠٠٠ آمال انتم عايشين فى القاهرة بعيد عن أهل باباكى و أهل مامتك ليه
يارة ٠٠٠ ده موضوع كبير شوية
نرمين ٠٠٠ طيب ممكن اعرفوا ولا هيبقى فيها ازعاج ليكى
ياره ٠٠٠ لاء عادى .انا من عايلة لاشين اللى فى الصعيد
نرمين ٠٠٠ تقصدى عايلة لاشين إللى من الأقصر
ياره ٠٠٠ أيوه همآ
نرمين ٠٠٠ بس دول من كبار أعيان الصعيد
ياره ٠٠٠ أيوه عارفه
نرمين ٠٠٠ بس ازاى . انا اعرف عايلة دى كويس أوى .ازاى انتم منها
ياره ٠٠٠ هقول لحضرتك . انا بابا اسمه محسن سالم لاشين . بابا كان غنى جدآ عنده املاك كتير أوى .. جه اسكندرية وشاف ماما و حبها و اتجوزها و رجع بيها على الصعيد كانت حياتهم جميله مع بعض ..بس القدر كان له كلمة تانيه بابا عمل حادثه و مات.. لأن بابا ماجبش ولاد اخواته خافوا على الميراث . او بمعنى صح طمعوا فى الميراث .
ساعتها قالوا لماما قدامك خياران ام تتجوز عمى الكبير ..أما تسيبنى انا واخواتى ليهم و ترجع اسكندرية لوحدها ..
نرمين ٠٠٠ معقول فى ناس بتفكر بطريقة دى طيب مامتك عملت ايه
ياره ٠٠٠ ماما ماكنتش عايزه تتجوز بعد بابا و كمان ماكنتش تقدر تسيبنا ليهم ..لانها ست وحيدة فى وسطهم ماقدرتش تعمل حاجة غير انها تخدنا و تهرب من الصعيد كله
نرمين ٠٠٠ و سابت ليهم كل حاجة
ياره ٠٠٠ اه .. مخدتش معاها غير دهبها و فلوس بسيطه كان بابا حطتها فى البنك بأسمها . الفلوس دى إللى ماما اشترت بيها شقة هنا فى القاهرة
نرمين ٠٠٠ طيب ليه مرجعتش لأهلها فى الأسكندرية تانى
ياره ٠٠٠ عشان أهل بابا كانوا هيدوروا علينا فى اسكندرية
نرمين ٠٠٠ ماحدش من أهل باباكى لحد دلوقتى يعرف مكانكم
ياره ٠٠٠ لاء همآ أساسآ نسيونا خالص
نرمين ٠٠٠ قوليلى انتى مفكرتش حتى بينك و بين نفسك . وقولتى ياريت مامتك كانت سابتك مع عايلة باباكى على الاقل كنتى هتعيشى فى عز طول عمرك
ياره ٠٠٠ لاء طبعآ انا عندى ماما بكنوز الدنيا كلها .. دى كفايه نظره واحده من عنيها فى الأمن و الراحه و حب الدنيا
و ما فيها
نرمين ٠٠٠ طيب مبتفكريش انتى ولا أخواتك تروح تطلبوا بحقكم فى ميراث باباكم
ياره ٠٠٠ لاء .. احنا مش محتاجين منهم حاجة .. احنا كده فى نعمه الحمدالله احنا أهم حاجة نكون مع بعض و مبسوطين و ده عندى كفايه
نرمين ٠٠٠ برافو عليكى.. شكل مامتك عرفت تربيكم صح .. انا بجد عندى فضول اشوف مامتك
ياره ٠٠٠ حضرتك تنورين فى اى وقت
نرمين ٠٠٠ قريب ان شاء الله . قوليلى انتى ساكنه فين
ياره ٠٠٠ فى الزمالك
نرمين بأستغراب
بقلم٠أروى٠عادل
نرمين ٠٠٠ يعنى جنبنا .. بس انا سمعت ان تمارا ساكنه فى منطقة شعبيه
ياره ٠٠٠ اه . بس احنا عزلنا من قريب فى شقة فى الزمالك
نرمين ٠٠٠ شقة أيجار
ياره ٠٠٠ لا تمليك . حتى مراد و أسلام همآ إللى جابوا لينا الشقة دى
نرمين ٠٠٠ معلش بس الشقة فى الزمالك غاليه أوى جبتوا فلوسها منين
ياره ٠٠٠ بعنا شقتنا و ماما بعت الدهب إللى كان فاضل معاها من بابا و كنا كمان محوشين شوية فلوس من شغلنا
نرمين ٠٠٠ اه فهمت . طيب اتصل بقى على أسلام اكيد قاعد دلوقتى على أعصابه
اتصلت نرمين بأسلام و فى أقل من خمس دقائق جاء أسلام و نظره
ل نرمين فقالت له
نرمين ٠٠٠ مبروك يا حبيبى .
هنا ركض أسلام و حضن نرمين وهو يقول
أسلام ٠٠٠ متشكر . متشكر أوى يا ماما
نرمين ٠٠٠ متشكر على ايه يا حبيبى
انا مش عايزه غير راحتك . و بجد
يا أسلام عرفت تختار صح
ثم نظرت ل ياره و قالت
نرمين ٠٠٠ ياره ابقى حددى ميعاد مع مامتك عشان نروح نطلبك فيه
حضنت تمارا شقيقتها وقالت
تمارا ٠٠٠ مبروك يا ياره
بقلم٠أروى٠عادل
القصر
فى الجيم
~~~~~~~~~
بعد ما تركتهم تمارا ذهبت للقصر ..و أول ما وصلت ذهبت مع حسام للجيم لعمل جلسات علاج طبيعي هنا قالت تمارا بمزح
تمارا ٠٠٠ أول حاجة استغنيت على الكرسى المتحرك . وبعد كده استغنيت عن واحد من العكازين. و بقيت يتمشى بعكاز واحد كلها شهر و هتستغنى عنى انا شخصيآ
شعر حسام بضيق و قال بحده
حسام ٠٠٠ انتى بتقولى كده ليه
تمارا ٠٠٠ عادى يا حسام ما ده الطبيعى . انت لما تخف انا مش هيبقى ماليش لازمه هنا
حسام ٠٠٠ ( بعصبيه) لاء يا تمارا انتى هتفضلى معايا على طول .. اما مش عايزه اخف
تمارا ٠٠٠ اهدى بس انت اتعصبت ليه
حسام ٠٠٠ عشان كلامك يعصب
تمارا ٠٠٠ أنا قولت ايه غير الحقيقة . انا مهمتى تخلص معاكى يوم ما تستغنى عن العكاز ده
حسام ٠٠٠ يبقى عمرى ما هستغنى عن العكاز
تمارا ٠٠٠ متقولش كده يا حسام حد بردوا يكره أنه يخف و يبقى كويس
حسام ٠٠٠ أنا بكره اي حاجة تبعدنى عنك
هنا تتأكدت شكوك تمارا حول مشاعر حسام بينما حسام قرر انه يعترف بحبه ل تمارا فقال
حسام ٠٠٠ دلوقتى جه لوقت عشان اقولك إللى فى قلبى تمارا انا بح……….
قطع كلامه صوت أمل وهى تقول
أمل ٠٠٠ تمارا نسرين هانم عايزاكى ضرورى فى أوضة المكتب
حسام ٠٠٠ روحى قوليلها تمارا مش فاضية
أمل ٠٠٠ معلش يا حسام بيه نسرين هانم قالت ليا مرجعش غير بيها
برغم انا تمارا كانت قلقانة من طلب نسرين لها ..إلا أنها كانت تحمد الله ان حسام لم يكمل حديثة .لأنها كانت تشعر بما سيقوله حسام لذلك قالت
تمارا ٠٠٠ حاضر انا جاى
بقلم٠أروى٠عادل
فى نفس الوقت
غرفة المكتب
~~~~~~~~~~~
نسرين ٠٠٠ انتى متاكده من الكلام ده
سهى ٠٠٠ واللهى ياستى هانم كل إللى حكيتلك عليا انا شوفتو بعينى امبارح هنا فى أوضة دى كمان ..
نسرين٠٠٠ هى حصلت يا مراد مع الممرضة كمان ..و انتى ماجتيش قولتيلى ليه فى ساعتها
سهى ٠٠٠ حضرتك ماكنتيش موجوده
و رجعتى متأخره امبارح مع يوسف بيه .وحضرتك منبه عليا انى متكلمش فى اي حاجة قدام يوسف بيه
نسرين ٠٠٠ خلاص روحى انتى دلوقتى. و شوفي أمل اللى راحت تنادى على الزفت اتأخرت ليه
بعد ما ذهبت سهى قالت نسرين لنفسها بغضب و ضيق قالت
نسرين ٠٠٠ أنا كنت عارفه ان إللى اسمها تمارا دى مش بنت ساهله ..وانا إللى كنت خايفه انها ترسم على حسام و تخليه يحبها طلعت أذكى و بترسم على مراد
هنا طرقت تمارا الباب فقالت نسرين
نسرين ٠٠٠ أدخلى
بعد ما دخلت قالت
تمارا ٠٠٠ نعم حضرتك عايزانى
نسرين ٠٠٠ اتفضلى الفلوس دى
وضعت نسرين بعد النقود على المكتب فقالت تمارا بأستغراب
تمارا ٠٠٠ أيه دول
نسرين ٠٠٠ دول قبض شهرين أعتبريهم مكافأة نهاية الخدمه عندنا ..بس مش عايزه اشوف وشك هنا تانى
