𒊹︎ فِــي حُــضــن الــأرْبَــعِــيــنِــي
+
بــــقــــلـم : Nouhaila Nno
+
𝐏𝐀𝐑𝐓 9
+
ديمنة وسعات عينها فاش سمعات صوتو حيدات تيلفون من ودنها كتأكد من رقم ناضت كلسات مربعة فوق سرير : لاش غنخرج
+
جبريل : خرجي نقول ليك شي حاجة و رجعي دخلي
+
ديمنة لوات خصلات شعرها بطراف صباعها و كتمركن عاحبها لحال : تالغدا دابا فات لحال
+
جبريل : {بحدة} غتخرجي و لا نفرع على مك داك لباب
2
ديمنة : اصبر بلاتي و نخرج تسنا
+
قطعات عليه و ناضت من بلاصتها كلسات قبالت لمراية كيف عادتها يلاه هزات لميكاب بغات تقاد ميكاب بالحق بقات كتشوف فراسها مدة و بدا كيدورو ليها فراسها حكا لاش غنتزوق لو شكون يكون فملك الله هاد سيد حطات لميكاب و بقات كالسة تحسب فدقايق و تا من لكسوة مبغات تنوض تبدلها بقات كيف ما هي
+
ساطت بجهد و هي كوشوف فساعة قبالتها تا دازت تقريبا نص ساعة عاد ناضت خرجت من لبيت من بعد ما هزات تيليفونها طلات على جوديا لي اصلا ولات ملاهية غير فتيليفون مع بهاء خلاتها و خرجات من باب دار كدور فراسها تا طاحت عينيها على طموبيلتو مباركيها فالقنت، سدات لباب و زادت بخطاويها كتعوج فالمشية ، اما عينيه هو فلاوها منين تحل لباب و حطات رجليها فزنقة بديك تقزيبة لي ضاربة
+
عض حنكو ما لداخل و متبعها بعينو فكل ما كتقرب عندو كيطلع بعينو على فخاضها و صيكانها لمعرين ، وصلات حلات لباب وطلعات قالبة وجهها عليه مربعة يديها و كتشوف فجهة لاخرى
+
جبريل جامع يدو على شكل لكمة حاطها على فمو : وليتي طيري تنعسي فوجدة و تصبحي فرباط
1
دينمة شافت فيه بنص عين و بقات ملتازمة صمت مخسرات عليه حتى كلمة
+
جبريل شافها مصمكاها عليه و هو يعلي صوتو مغدد عليها و خابط يدو مع لفولون : راه داوي مع طواسل مك
+
ديمنة دورت وجهها عندو و عينيها بدات كتحاوطهم لحمورية : اش بغيتي مثلا نقول ليك ياك انا غا قحبتك {عينيها تغرغرو بدموع و كلامها ولا متقطع} لي خويتي فيها كبتك
+
جبريل : {شافها باقا ناوية تزيد دوي و هو يضربها بضهر يدو على فمها تا خلاها ضربات طم كتصنت لحريق خصوصا منين ضربها غفلها و عضات لسانها} لجمي فمك
+
ديمنة : {حاطة يديها على فمها كتبرد حر ضربة رمات عينيها لجيهتو مكشرة} سير الله يعطيك ما عطى للكلب هو ينبح و زكو يزدح
2
جبريل خنزر فيها طلعات ليه لقرودة فراسو جبد من جيبو كارو يرجع بيه لمزاج شعلو بالهداوة و حاضيها بعينيه كيف مكونة شادة على فمها و فكل مرة كتحيد يديها تشوف واش كاين دم , حط لكارو على فمو سف منو مطول و مصغر عينو فيها تا هزات فيه راسها عاد بخ دخان على وجهها خلاها غير كتكح
+
جبريل ببرود : اش كنتي تقولي قبيلة
+
ديمنة ماطات يديها باغا تحل لباب حتى كيجرها من دراعها خابطها مع لكرسي : راه غتبركي ولا غَنْسُوط فمك هاد نهار
+
ديمنة لبكية واقفة ليها فحلقها : بعد مني اش باغي عندي عطيني شبر تيساع الله يرحم جدك
+
جبريل بإبتسامة جانبية : كنت عاطيك تيقار امو خالات كون ما شفت تلواطك عليا مندورش بيك
+
ديمنة صافي شرشم ليها لمشاعر و فثانية هانها فكبريائها كأنثى دموع عمرو ليها عينيها و قلبها كيخبط بجهد و كتسمع دقاتو و ودنيها كتصفر عليها حابسة دموع بزز لاول مرة كتهان هاكا و بهاد شكل و من شخص لي عزاتو فهاد لمدة لقليلة لي عرفاتو فيها ماشي كتكن ليه حب ولكن لي عارفة هي بينها و بين راسها بلي ولا كيعني ليها ميهونش عليها تقلقو ولا دير شي تصرف يخليه يكعا منها ولكن هو واش راعى ليها لا و هاد شي كامل كانت كدورو فبالها كلامو كان بحال شي صفعة وكداتها
+
تلفتت لعندو و دموعها شلال هابطين كيتجراو و يتسابقو على شكون اول دمعة غادي طيح باش يتبعوها دمعات هوما
+
ديمنة حلات فمها كتشهق تخلط عليها الالم لي كتحس بيه ففمها من ضربة و كلامو : الله يرحم ليك لواليدين زيدني نستاهل انا لي عاطياك تقابيا تخور فيهم
+
جبريل معالم وجهو واحي عليهم لبرود ولكن فالداخل ديالو محاملش يشوف دموعها مي عاجبو هاكا يفقصها كيف كتفقصو و تغددو : لي عطا زكو لهلا يفكو
1
ديمنة بلعات ريقها متسرطاتش ليها للمرة تانية بغات تنزل و كيعاود يشدها تا دارت عندو معرية على نيابها : اشنو باغي من الاصل علاش مهبطني باش تسمعني هاد جوج كلمات ؟ اسيدي هاني سمعتهم و تنشكرك يلاه رخي مني
+
جبريل بهدوء : كلمة وحدة قلناها قبيلة يا غتكلسي يا غنهرس لمك داك لفم
+
ديمنة خرجات فيه عينيها دافعة سنطيحة : اش باغي
+
جبريل منغم مع لكارو لي دارو ففمو تا بخ دخان عاد دوى بجفاء : بغيت جواب على قد سؤال
+
ديمنة ربعات يديها كتشوف قدامها : شنو
+
جبريل بهدوء : لاش جيتي لرباط
+
ديمنة شافت فيه مخسرة سيفتها بحالا كتقول ليه واش من نيتك : شوف نتا
+
جبريل مصبر راسو غا بزز باش ميخبطهاش : ديمنة
+
ديمنة قلبات عينيها : انا ماشي قحبة لي تخلي ليا لفلوس من ورا ما تخوي كبتك {سكتات شوية و شافت فيه غا بنص عين و هي طلق عاود كودوبهت بلا فرانات} ماشي غير راني مطلقة صافي كتعني انا قحبة
+
جبريل بحالا مسمعش اش قالت شاف فيها بزربة مقاطعها : شناهوا عاودي مسمعتش
+
ديمنة : ماشي قحبة
+
جبريل بحدة : لاخرى
+
ديمنة بغباء : اينا لاخرى
+
جبريل زير على قبضة يدو و لكارو لي فيدو تحرق : بلا متسطاي عليا لجدك عاودي اش قلتي من موراها
+
ديمنة دبلات عينيها و كتعصر فعينيها تا دمعو :
مطلقة دازت عامين على طلاقي من راجلي ل
+
جبريل غا سمع ديك راجلي يوقفها شاد فيها فكها و مفيكسي عينيه عليها : اشمن راجلي ولا زبي
+
ديمنة بنفخة تملصات منو : بغيت نقصد طليقي
+
جبريل : ايمتا بسلامة كنتي ناوية تقوليها ؟
+
ديمنة لعبات بصباع يديها مطولة : مجابتهاش لفرصة و نتا بنفسك عمرك سولتيني على لماضي ديالي
+
طلق منها و دار عين ميكة على نبرة صوتها و ساكت مدة تا برد شوية و تكلم بصوت خافت : صباح وقع سوء تفاهم مكانتش نيتي نخلي لفلوس على اساس خلاصك قلت فقط لحتاجيتي شي حاجة تبغي تشريها من برى و انا مكاينش بالنسبة واش كنشوفك قحبة ولا شريفة و عفيفة هاديك كتبقا نضرة خارجية انا باغيك على ود هادا {حط يدو على قلبها بهدوء و عينيه عليها}مكيهمنيش شنو كنتي قبل كيهم دابا و انا معاك
+
رمشات فيه عينيها بزربة : كيفاش
+
جبريل : كيف سمعتي شدي معايا طريق مكودة امو خالات
+
بقات ساكتة غير كتشوف فيه و لازمة صمت و كتحلل هضرتو و كترجع سينتا لور و كتأكد فواش دابا دخل معاها فعلاقة رسمية ينعي ولاو بجوج ماشي كيف قبل معارفة راسها من رجليها معاه ،لعبات بالسانها داخل فمها و نطقات بهدوء و دمعتها على خدها باقي متصرط ليها كلامو فالول : بعد مني نتا مخليتي مازبلتي فيا و دابا تاتقول هاد لكلام
+
مسح على جبهتو شيباتو معاها لاح لكارو من سرجم و عينو معاها : لمسامحة الالة
+
ديمنة مسحات دموعها و بقات تلعب بيديها ثواني و هي تحط يدها على لبواني باش تهبط : نخليك دابا
+
قبل متحل لباب كان جرها بجهد تا تخشات فصدرو طلعت معاها ريحتو مغلغلة مع جيوب نيوفها و طلقات لعنان لدموعها و شهقاتها لي كانت قامعاهم دورات يديها عليه و هو هابط مرورا بيدو من شهرها تالضهرها كيسكتها و كيوزع قبلاتو عليها تا تسهطات و بدات تسكت بشوية بشوية هز ليها راسها تاتقابلو عينوهم مع بعضهم
+
مسح ليها بإبهامو دموعها و نطق بخشونة : سكتي و نتي دموعك على سبة مالهم شايطين عليك لكانو شايطين زيدي عمري بيهم شي بير خودي غير الاجر بعدا
+
بعدات وجهها من بين يدو و كتغبن عليه : حشومة عليك
+
ضحك جنب و بقا ساكت غا كيشوف فيها كيف تاتمسح دموعها هبط عينو و هو يخنزر فديك لكسوة لي ضاربة عاد تفكرها : معندكش لحوايج حتى خارجة هاكا زبطة
+
ديمنة رمات عينيها فيه و رجعت هبطت عينيها على كسوتها : كيفاش زبطة مال هادي معجباتكش
+
جبريل : ولي تلبسي شرواطك و حيدي هاد نص ميترو ديال توب لبسي هاد لمرة جوج ميترو
+
ديمنة ميقات فيه مزيان : كطنز عليا دابا ولا شنو
+
جبريل بحدة : بعدي من تقزاب
+
ساطت بجهد و نفخات حناكها و على دكر لحوايج تلفتت لور كيبانو ليها لكراسة خاوين و هي تشوف فيه عاقدة حجبانها: فين هوما لحوايج لي شريت من لهيه
+
هز كتافو مامسوقش و نطق ببرود : ياك خليتيهم لهيه كون كنتي بغاهم كون جبتيهم معاك
+
ديمنة : ناري و كانو عاجبني حشومة عليك
+
جبريل حط سببابتو على فمو و نتفحصها بنضراتو : غنرجع فهاد سيمانة و نجيبهم ليك معايا
+
ديمنة عوجات فمها لجنب : لكانتي غترجع على ودهم غا بلاش
+
جبريل رخى كسدتو رجولية على لكوسان و عينيه عليها : لا غادي نطل على لعائلة تما و ندوز نطركهم معايا
+
ديمنة غا سمعات العائلة و هي تجي فبالها ربما يكون مزوج خصوصا هو ماشي شي واحد لي صغير خرجات فيه عينيها و لقرودة كيشطحو فوق راسها : هي غادي تشوف لمدام و لوليدات
+
جبريل : ياكما نسلم ليك عليهم
+
ديمنة : لكنتي ديرها غا سلم عليهم و دوزهم ليا فتيليفون
+
ضحك جنب و جرها من مؤخرة راسها : هاد ساعة كاينين غير لواليدين شي ولاد باقي مدرنا لحلال مع مهم
1
ديمنة عاد رتاحت و بدات تفرنس غير راسها تا رخى منها و يديها محاوطة وجهها كيشوف فيها مطول و عينيه تفحصو وجهها بالكامل من غينيها لحناكها للخالات لي محاوطين فمها و ختمها فشفايفها لي كانو منفوخين
+
و كيف تيقولو شوف ما يبرد جوف هو عينو على فمها و هي عينها عليه و على حركاتو و ريحتو لي تغلغلات معاها بلا متحس فتحات فمها مستقبلة لقبلة ديالو جمع ليها شفايفها ماصهم و كيتلدد فيهم كلاها من فمها مرة كيقطع فيها نفس تا كتولي ضرب لو فصدرو على كيرخي منها كيخليها تنفس شوية و كيرجع تاني شاقمها و يديه كيلعبو فخصرها و كيهبطهم تالتحت و كيرجع يطلع لضهرها ما قاطعو غير تيليفونو لي كان كيصوني
+
فصل لقبلة معاها و كيلحس جنب فمو متبنن و عينو عليها هز تيليفون بين يدو خطف فيه شوفة و رجع شاف فيها : هبطي بحالك لنصدق متكي مك هنا و جيران يشهدو على هاد ليلة
+
ديمنة عضات على شفتها و لفراشات كيلعبو فكرشها حلات لباب غتهبط و هو يمد ليها من لور جاكيط ديالو و عاقد حجبانو : لويها عليك تا دخلي بحالك و بقاي تلبسي شراوطك (ختم كلامو بقرصة ففخضها تا غوتات مقصحة)
+
نتراتها منو و هبطات لواتها عليها من خصرها تا غطات ليها شوية ديك تقزيبة بقا متبعها تا دخلات للدار و هو يهبط عينو على تيليفون مجاوب بقا غير دقائق و قلع مكسيري خارج من درب و قاصد ديريكت لبارطمون ديالو .
+
يتبـــــــــــــــع …
1
