رواية في حضن الاربعيني الفصل الثاني 2 بقلم Nouhaila Nno
𒊹︎ فِــي حُــضــن الــأرْبَــعِــيــنِــي
+
بــــقــــلـم : Nouhaila Nno
+
PART 𝟐
+
حطات يديها على لفابو حاطة عليه تقلها و كتبادلو نضرات غير من لمراية
+
حنا راسو ببطئ تاولا قريب ليها و همس ليها فودنيها بصوت لي بورشها من ذاتها و يدو لي تحطات فوق يديها لي فوق لفابو خلاها بلا هواها تغمض عينيها و تزير على لفابو
+
جبريل : مسحي داك تخربيق لي حطيتي
+
حلات عينيها كتشوف فيه من لمراية و كتحاول تستفزو و دوات تا هي بهمس : و الإ مبغيتش نمسحو
+
زير ليها على يديها لي على لفابو و هز يدو لاخرى نزل بيها على طرمتها ضاربها فيها خلاها خرجت عينيها من جرأتو بغج ليها طرمتها مستمتع و كيهمس ليها : غادي تمسحيها المترمة و بخاطرك
5
ديمنة براسها مفاهمة والو باغا تحيد لو يدو ولكن مقادراش عجبها داك تبغاج بززات على راسها مدات يديها حطاتها عى يدو لي فوق طرمتها كتحاول تحيدها : حيد يديك عليا و خلينا نهضرو بفمنا
+
رخا منها خلاها دارت تاولات مقابلة معاه و مغوبشة فيه ملامحها تخربقات لهضرة تلفات ليها فين هي تقزدرتها و فين جرأتها
+
جبريل بقا كيشوف فحالتها و كيفاش رجعات حمرة قرب عندها بخطوة و هي كترجع بخطوة تا لصقات مع لفابو دور يدو خدا تيليفونها خلاها مخرجة عينيها
+
جابو قبلاتو غيفتحو لقا فيه لكود شاف فيها بجدية ناطق : لكود
+
هزات كتافها بلا مبالاة : معارفاهش
+
جبريل حمر فيها مزيان و عاود نطق بحدة : ديمنة لكود
+
شافت فيه بإستغراب و متفاجئة : منين كتعرف سميتي اخويا
+
عاود نطق هاد لمرة بتحدير متجاهل تساؤلاتها : راه غتخرجي داك لكود ولا نهرسو
لمك على راسك
+
شافت فيه بخوف ولكن راسها قال ليها ديمنة ستفزيه شوفي اش قاد يدير واش فيه غا الهضرة و حلان الفم ولا دراع هزات حاجب ونزلت لاخر ورخات رأسها على لفابو عوجت شنوفتها لي كانت ديك الخالة تحتها باينة ونطقت بخوفت ونفس الوقت استفزاز وتحدي : يالله هرسو اش كتسنا
+
جبريل بلا ميرف ليه جفن و هو حاط عينو فعينيها كيهز داك تيليفون رادخو مع لحيط خلاها حلات فمها من صدمة تيليفون لي شحال و هي خدامة عليه و شحال جوعات راسها باش تشريه مشا فثانية بسباب عنادها
1
بداو دموع كيتحمعو فعينيها و هي كتشوفو كيف تشخشخ كامل تا حاجة مبقات لايقة فيه دلات شفايفها و دموعها سايلين على خدها بغزارة طلقات تهرنينها كيف شي درية صغيرة كتبكي و تغوت فنفس لوقت
2
جبريل ضهشراتو بديك لبكية لعجيبة و خصوصا ان صوتها رقيق و منين كتغوت كتولي كيف لاراف عقد غوباشتو و قرب ليها باغي يسد ليها فمها و هي كتنثر منو و عاد مكتزيد فبكاها
+
حكمها بين يديه مزيان ساد ليها فمها و مخرج فيها عينو : مال زامل بوك على هاد لغوات راه غير هرسنا تيليفون ماشي حويناك
4
هزات فيه عينيها لي ولاو حمرين الحمد الله لمسكارا لي دايرة واتر بروف مساحتش ليها ، عوجات راسها و كتزيزن بغاها دوي و هو حاكمها مزيان مخلاهاش تفنفن بالفقصة خشات راسها فصدرو كتبكي و كضرب لو فضهرو بقبضة يديها و نيفها خدام كيشم فديك ريحة الرجولية لي داير
+
بدات كيترخي راسها و بكاها بدا كينقص بشوية بشوية حتى ولا كيسمع غير شهقاتها رخا منها و سيدة باقا خاشية راسها فصدرو حط يدو على شعرها كيمسح ليها عليه بحالا كيهدنها
+
تا طلعات راسها من صدرو مخنزرة فيه و فمها كيترعد : خرا ليا تيليفوني دابا
12
جبريل حك على لحيتو بهدوء و رد عليها : العاطي الله فكري فتليفونك فالول ماشي تايتهرس
+
هزات صبعها سبابة قبالت عينيه و كتنخصص يلاه جات تنطق تا كيشد ليها صبعها مهبطو و تبدلو نضراتو لجدية : هبطي صبعك منين تكوني دوي معايا
+
سرطات ريقها و طالع ليها دم ديال بصح ، خبطات رجليها مع الارض و هزات صاكها خرجات من لحمام منفخة و دموعها سايلين ، بقا متبعها بعينو تاخرجات و هو يعض على شواربو ناطق بإعجاب : زين لمليح
6
ديمنة خرجات من تما سمحات فالحزاق كامل و خرحات من لقاعة باغا تاخد طاكسي بقات واقفة و طاكسي لي داز كيدير ليها بيدو بلي راه عامر و لا صافي سالا لخدمة مبقاش يهز لبلايص
+
تأفأفات على زهرها دابا كون مان عندها تيليفون تعيط على لكومسير لي من ابيل وحدة يحضر عندها فالحين ، بان ليها شعا ديال شي طموبيل عند بالها بلي طاكسي شيرات بيديها تا كتوقف طموبيل من نوع “audi Q8” و زاجها فيمي
+
ديمنة معندها خاطر باش تصيد بان ليها زاج تحل هبطات راسها تعتادر حتى كتصعق بلي هو عوتاني ، غمضات عينيها باغا تخبط راسها مع الارض سمعات صوتو الخشن
+
جبريل : تحركي طلعي لباغة طلعي
+
ديمنة شافت فيه بنص عين و نطقات بتعجرف : امشي بحالك راه غير بالغلط كون نصحابك نتا شوفة منديرهاش فيك
+
جبريل دار فيها ديك شوفة ديال من نيتك عاود دوى مغزف : طلعي
+
ديمنة تاهي ماشي من لعاكزين كان جوابها على طرف لسانها : و لا مطالعاش
+
دار فيها نضرة حادة و بنبرة فكرتها غير فداك تيليفون لي هرسو : راه غطلعي ولا نهبط نقسم مك
+
هزات خنافرها للسما و مراضياش حلات داك لباب و طلعات خابطة لباب بجهد تقول كانت تشري فيه
+
جبريل شاف فيها بنص عين و حاضي مع طريق : فرعي مو هو لي بقا ليك مفرعتيهش
+
نخلاتو مامجوباهش و متبعة مع طريق تا كتعقد غوباشتها منين بان ليها غادي فإتجاه عكس لحي لي ساكنة فيه : اشريف فين غادي راه ماشي من هنا
+
جبريل مجاوبهاش خلاها كترنح غير راسها حتى وقف طموبيل قدام سونتر موول بقات هي كتشوف بإستغراب شافت فيه لقاتو مخنزر قرب لجيهتها شوية و حل داك لمجر لي قدامها رجعات هي تكات على لكرسي و راسها مطولاه كيف زرافة
+
ديمنة وسعات عينيها منين ضربات على داك لمجر عامر فلوس سرطات ريقها و نطقت بلا متحس : اويلي غبار
3
جبريل سد لمجر و دور راسو لعندها : شكتخوري
+
نعتات بعينيها للمجر و عودات دوات ببطىء : منين كتجيب هاد لفلوس كلها
+
جبريل تنهد و نطق طانز : من طرمتك هبطي بحالك
5
نزل خلاها كدور فعينيها ، هبطات لعندو منين شافتو جا وقف ليها حدا لباب قادات صاكها فيديها و وقفات جنبو اما هو خبط لباب ديال طموبيل و شدها من دراعها مزيدها معاه
+
ديمنة نترات يديها من يدو و كتمسح فيها مغوبشة : متقيسش فيا راه ماشي عمية باش توريني طريق
+
جبريل خشا يدو فجيبو و طلعها من لفوق للتحت : مغتهناي تا غنريب لمك داك لفم لي كتحلي فيه
+
بقات كتيعب فيه كيف شي بعلوكة و ضربات طم ، دخلو لداك لموول و هي غير كدور فعينيها نوعا ما فهمات لاش جابها هنا بدات كتعوج فالمشية و عاجبها زينها
+
جبريل مكالمي راسو لأبعد درجة و كيشوف فيها بنص عين و كيدور راسو بلا حولا ، دخل للمحل ديال تيليفونات و هي من وراه لاصقة فيه كي لكرادة
+
سلم على مول لمحل لي كان شاب فثلاتينات من عمرو و باين بلي كيعرفو مزيان ، جات ديمنة وقفات جنبو و عينيها فلاو داك مول لمحل تا حشم سيد و هي محشمات ، دور جبريل راسو لعندها مكشر على ملامحو
+
هبط لعند وذنيها همس ليها خلاها تبورش تا قبل ما ينطق : جمعي عينيك من على سيد
+
ديمنة بعدات راسها و بدات كتحك على رقبتها و عينيها كيدورو كي لفعة ، رجع جبريل كيدوي مع لولد لدقائق تا مشا دري غبر شوية فداك لحين هو تلفت عندها شدها من قرفادتها : لزامل بوك راجل حشم فبلاصتك و نتي مامركتي
3
هزت فيه عينيها مخنزة و باغا تبعد راسها : و زين حبو مولانا
+
عض على شفايفو مكرهش ينزل عليها بشي تصرفيقة ولكن عارفها غدير لو شي شوهة : و خطبيه اش كتسناي
+
دبلات فيه عينيها من بعد مرخى منها و دوات بصوتها رقيق باغا تأثر فيه : داك نوع ماشي ديال لمعقول دابا نتا حلال فيك نخطبك و نقول ااح و بردت
3
جبريل معرف واش يضحك ولا يبكي ولكن لي عارف دابا هو راه فقصاتو بالبيان حط راسو على لكنطوار كيتحسر على راسو فهاد لحضة ، هز راسو ببطئ كيشوف ف لولد جاي و هاز فيديو كرطونات ديال تيليفونات ، حطهم فوق لكنطوار و مكاين غير تيليفونات لملاح ها لأيفون من لحداش حتى للسطاش و بلوان
+
شاف فديمنة و جبد كاروه ناوي يشعلو يلاهي بيه بينما ختارت : عزلي ليك شي هرنون ينسيك فهداك لي تهرس
+
عضت على فمها و هو مراقب حركاتها و خصوصا ديك لخالة لي تحت من شنايفها بلع ريقو و هبط عينو على شعرها لي طويل عاطيها جمالية
+
ديمنة عينيها نيشان لصقو فالأيفون خمسطاش فالأبيض سيدة كان عندها غير ايفون 11 صدقات فالأيفون 15 هزاتو بين يديها و شافت فجبريل و بكل جرأة قربات ليه تا حيد لمارو مبعدو عليها باش ميضربش فيها دخان ديالو
1
ديمنة : فخبارك بلي تيليفون كيخص يكونو معاه قوامو
+
صغر فيها عينيه كيساينها اش غتقول تا كتكمل كلامها و كتحسب بصباعها : خاصو بوشيط و خاصو اير بود و زيد خاص شارجور دوريجين و من هاد شي كامل مغاديش تصلح غلطك الا موكلتينيش على حسابك
+
جبريل حنا راسو لعندها عاقد غوباشتو : لقوام ديال تيليفون عرفناهم و لماكلة لاش بسلامة غادي نوكلك
+
هزات كتافها و كتلعب بشعرها : ايوى نتا قلقتيني و بسبابك خرجت بجوع تا قبل متحط لماكلة
+
تقاد جبريل فوقفتو و سف من كاروه و عينيه عليها : هاد ساعة لماكلة لي غنوكلك غتوصلك غير لسبيطار يا بشي قتلة ديال لعصا يا بشي تسمم
+
خنزرات فيه و رجعت لعند لولد تدوي معاه : جيب ليا اخويا شي شارجور يكون دوريجين و بوشيطة و ليزيات تا هوما دوريجين
+
شافت فجبريل بنص عين و دارت كتمشا فالمحل اما جبريل شاف فالولد دوى معاه يجمع لو داكشي لي بغات و رجع شوفتو ليها لقاها واقفة قدام لمراية كتعكر ففمها
+
بقا حاضيها تا هزات فيه عينيها من لمراية غمراتو كتبتاسم : عجبتك ؟
+
جبريل حرك ليها راسو بلا شير ليها بيدو باش تقرب لعدو تاهي دارت بكلامو و جات كتمختر وقفات قدامو كتلعب فشعرها و هازة حاجب و منزلة لاخر : ولاش كتشوف منين لا
+
خشا يدو فجيبو و دوى بدون مقدمات : عجبني عُرضَكْ يا شَرك
3
وسعات عينيها كتأكد من شنو سمعت هبطات راسها كتشوف فراسها و رجعت شافت فيه و علامات الاستفهام فراسها : داب شنو كتعايرني غير بالفن
+
وقف عليهم مول لمحل مقاطعهم ، شاف جبريل فديمنة عطاها سوارت ديال طموبيل و دوى بجدية : سبقيني للطموبيل هاني جاي
+
شدات من عندو سوارت هبطات خلاتو كيتفاهم مع مول لمحل ركبت فطموبيل كتسنا فيه و لقنط لاعب عليها بقات كدور فعينيها و مرة مرة عينيها كيتلاحو فالمجر كتبعد عينيها تا كتلقا راسها كتشوف فيه ضرها راسها شحال يكونو تما ديال لفلوس
+
دورات راسها فالباب ديال لموول مكانش جاي دارت لي فراسها حلات داك لمجر و جبدات دوك لفلوس كاملين حطاتهم على رجليها شدات واحد لبريكة عامرة كلها زرقات عوجات فمها و كتلعب بيها ببن يديها كتشوف زعما لوزن ديالها : همم و وازنة تبارك الله
+
بدات كتحسب فيها و سيدة مناقصها خير دوزات هديك فالحساب و شدات فيديها وحدة اخرى كتحسب ورقة بورقة منسات والو دوزات شي تلاتة لبريكات و باقي لخير
+
بلعات ريقها شحفات من قوة لحساب و راسها داخ عليها ولكن واش ستسلمات لا عاد مزادت كتحسب ، محسات تاتحل لباب من جهة لاخرى متسوقاتش كملات على حسابها عادي
+
هو غير حل لباب تشوكا من داك لمنضر غنض عينو و كيحااول يصبر راسو باش ميفوتش فيها شي ضربة طلع حط ليها صاشي ديال تيليفون حدا رجليها و كيتسنا فسيدة تسالي حسابها
+
بقا متبع معاها فالحساب حط يدو على حنكو كيشوف فيها فكل مرة كدير صبعها ففمها كتبللو باش تقدر دوز لفلوس و كيف كتحسب بصوت عالي و فمها ناشف مفيهش ريق ، جبريل بلا ميحس بدا كضحك على حالها هرباتو بديك طريقة لحساب تقليدية لي كدير
+
فكراتو غير فيامات باه منين كان كيحسب لفلوس هاكا حك لحيتو منين شافها تخربقت فالحساب و هزت فيه راسها و كتفرنس : اههه تبارك الله هاد شي كثير حسبت و دخت
+
جبريل هز ليها راسو جامع ضحكتو : يالله لساليتي من لحساب رجعي داكشي لبلاصتو و كيف مكان
+
ديمنة بتعرض : لا لا والله ميرجعو باقي معرفت شحال هنا
+
جبريل : 76 مليون
+
خرجات عينيها فديك لفلوس مامتيقاش بلي اصلا راها هازة هاد لعدد فيديها سرطات ريقها و دوات بثلعتم : مكتصدقش على لفقراء
2
حرك طموبيل و عينو على طريق ولكن ودنو معاها : همم لاش كتعرفي شي حد نتصدقو عليه
+
ديمنة : انا انا من لفقراء ختك لحالة ضعيفة لكرا كيتسال فيا عام و صالون نزلات عليا ضريبة و ولادي بايتين بجوع مساكن و ناس لي خدامة عندهم جراو عليا شتي دابا غير جوج ديال لمليون تحل ليا هاد لمشاكيل كلهم
5
جبريل هز ليها راسو بأه و مكمل معاها : همم مسكينة
+
تنهدات ديمنة و هي كتشوف فالحبة قدام عينيها بدات كترجع فالفلوس فالمجر كيف كانو و سداتو و سدات معاهم قلبها لي تعلق فيهم حطات يديها على كرشها منين فرعها جوع تلفتت عند جبريل و دوات : ديني ناكل والله تا عيب عليك لهاد درجة مجواع اسيدي انا نخلص
+
جبريل برزطاتو فراسو هو مولف سكات معزيزش عليه قوة لكلام و هي منين طلعات و هي دوي مسكتاتش شاف ليها مخنزر : فصغرك وكلوك لسان لحولي ؟
+
ديمنة هزات كتافها بلا مبالاة : وكلوه ليا فاش كنت زايزونة داروه فيد الله تا وليت كندوي
4
جبريل بهدوء : مندموش من بعد
+
ديمنة بتعجرف : علاش غيندمو و هوما من ناس لي عندهم زهر سمعو صوتي و منهم نتا نيت
+
جبريل هز ليها راسو و متبع مع طريق : لا منضنش نتي بضبط يكون عندي فيك زهر تت لكان شي دنب درتو و كنتعاقب عليه فهاد ساعة
+
ديمنة متبعة معاه و مزعزع فيها والو بقات ساكتة تا جاها لقنط و هي تسولو : دابا قول ليا واحد لحاجة ضراني فراسي
+
جبريل وقف فالفيراج كيتسنا ضو لخضر يشعل دور راسو لعندها كيشوف فيها : شنو
+
ديمنة بدون مقدمات : نتا ولد عم بهاء ياك (كنلت منين شافتو هز ليها راسو بأه ، حطت يديها على حنكها و لسانها واكلها تا طلقتها) و نتا لي كتبقا حاضي سطورياتي فكل مرة كنحطهم
+
جبريل منزلش عينو من عينيها : منين عارفة لاش كتسولي
1
هزات حاجب و نزلات لاخر مدعوقة : و راه واقيلة من حقي اصلا بغيت غا نعرف علاش حاضيني
+
جبريل ببرود : شكون قالك انا حاضيك
+
ديمنة بصدمة : و اش حاضي مثلا
+
جبريل دور عينيو ركز فطريق منين شعل ضو لخضر و لاح ليها هضرتو : الهبرة
5
وسعات فيه عينيها و مع هي انسانة بغات تصطانع لحشمة ولكن معرفت منين تجيها و مكان لحل غير ضحكتها و ضربات لو كثفو خلاتو شاف فيها بنضرة خاطفة : ويلي كون تحشم
+
جبريل لتازم صمت و هي براسها حنات راسها ملاهية فتيليفون كدخل ليه داكشي داكشي ديالها جاب الله حافضة لكودات ، وقف جبريل طموبيل عند مالين لكرارس د شواية
+
شاف فيها و دوى بجدية : بغيتيي خبزة ديال لكفتة ولا لاداند
+
هي بقات كتشوف لمدة توقعات يديها لشي ريسطو ولا شي بلاصة زوينة صرطات ريقها و نطقت : ميكس ولكن بلاتي واش عندهم داكشي نقي
+
جبريل : حنا عند الله نقي هو هداك منقيش نتلاقاو فسبيطار
2
هبط خلاها مبلقة عينيها بقات متبعاها بشوفاتها بقات ساهية فيه لمدة كيفاش كيهضر و طريقة باش كيحرك يدو و ديك لقاميجة من مطراسية على صدرو صرطات رقيها حطات يديها على قلبها و بلا متحس همسات بينها و بين نفسها : ولد لهم ناوي يصفيها ليا بهاد لكاريزمة
1
تنهدات و هبطت عينيها عند تيليفون كتكمل فيه شي لعيبات تا طلع هو مد ليها نص ديال لخبز شادتو بين يديها و طلعاتو لجيهة نيفها كتشمشم فريحة لي حلات ليها نفس و خلاتها تباشر بالأكل بلا متحس دغمة كدير فيها جوج
+
جبريل ضرب جوج دغمات و حبس معندوش مع لماكلة ديال شارع بزاف حول عينيو لعندها كيشوف سيدة ضربات كثر من نص : كانو رابطينك ؟
+
هزت فيه راسها كتمضغ و كتدوي نص فهمو و نص لا : غير يربطوني و ميخليونيش بجوع
+
تنهدت و رجعت تادوي مغبنة : اييه دابا بنت لحرام جوديا كون راها كالسة تاكل فدجاج محمر و انا كالسة نضرب فنص ديال لخبز واه اليام
1
خشات ففمها ديك دغمة و عينيها كيدورو على نص لي فيدو بقات كتشرف فيه تا حس بيها مدو ليها خداتو بلا تردد ساطت فيه فالبلاصة جبريل حرك راسو بلا حولا و ديمارا فطموبيل
+
ديمنة غير سلات و شبعات كرشها مزيان و دورت راسها ناحيتو هو لي كان مهبط زاج من جيهتو و كيدخل واحد لغربي بارد مخرج يديه من سرجم مرة مرة كيسف من لكارو لي ما بين صباعو و كيبخ داك دخان سرطات ريقها من شوفتو بداك لمنضر كيف لعروقك مطراسين فجبهتو و فيديه و عاد شوية تجاعيد لي مرصعين فوجهو بالحق مباينينش بزاف
+
رمشات عينيها و تنهدات واحد تنهيدة مطولة و نطقات بهدوء : عطيني تيليفونك نصوني على بهاء
+
تلفت لعندها عاقد حجبانو : لاش اش باغاه
+
ديمنة : كيفاش علاش بغيتيه زوينة هادي
+
جبريل مبرد راسو مباغيش يعطيها علاش دور ، مخسرش عليها شوفة حدو مركز فطريق : قادي فمك يا هاد لبنت
+
قلبات عينيها كتفرفر بعينيها : عاجبني و عاجب الف واحد من لي مشهين غير كلمة من هاد لفم
+
جبريل بدون سابق اندار شدها من فكها و خطف بوسة على سريع من شفايفها و رجع مركز فطريق من بعد ما دوز لسانو على شفايفو و ناطق مسايرها : و كاين لي مشهي بوسة ماشي غير كلمة
4
ديمنة فينها مراهاش فهاد لعالم شادة على فمها و كتشوف مخرجة عينيها و لكوميسير لي شحال و هي معاه عمرو باسها ففمها مولف يبوسها غير فحنكها تلفتات عندو و كتهضر مصعوقة و شوية تبكي ليه : تا واش مزعزع علاش بايسني هاويلي (ضربات يديها مع فخاضها)غتاصبتي ليا فمي بفمك اش غنقول دابا لبا و مي صافي فمي مبقاتش عندو البكرة
8
متسوقش ليها جبريل مكمل طريق عادي فحين هي كتفكر كيفاش تجرأ يسرق منها بوستها لولا محسات تا وقف طموبيل فدربهم
+
هزات صاشي لي فيها تيليفون فنفس لوقت هو جبد من جيبو كارط سيم مدها ليها و عاقد حجبانو و كيهدر بصوتو لحرش
+
جبريل : هاكي ركبي هادي فتيليفون
+
ديمنة بإمتناع : لا مكاين لاش نتسنا يوصل الاحد و نمشي للاجونس نخرج نمرتي منها
+
جبريل ساط كيشوف فيها بجدية : شيدي ركبيها غتحتاجيها
+
شداتها من عندو جبدات تيليفون كتركبها فتيليفون و هو غير حاضيها و حاضي تصرفاتها و ملامح وجهها كيفاش كيتبدلو فكل مرة
+
شافها ركباتها و هو يهز تيليفونو دوز ابيل تا صونا فيديها تيليفون طلعت فيه راسها بزربة معرفات تفرح خيث نوعا ما وصلات لهدفها ولا تسخف تلفات
+
سرطات ريقها و هزات لو تيليفون مبتاسمة : ايوى مكاين لاش نقول ليك شكرا هاد كان من واجبك
+
هبطات من طموبيل خلاتو غير كيشوف زدحات لباب خلاتو مبتاسم اما هي غير نزلات و هي دور لو من جهة لاخرى وقفات لو حدا شرجم تا دور راسو ناحيتها
+
قربات بخطواتها حنات دخلات راسها عندو من شرجم و هو كيساين فيها اش غتقول و ريحتها طلعات مع جيوب نيوفو خصوصا من قربات كثر تساناها اش باغا تصنع تا كتحط فمها على فمو
+
هربات راسها بزربة مبتاسمة و هي غمزاه : ها بوستي رجعتها دابا ممكن نقول ليك تصبح على خير
+
دارت غادة كتفرنس و هو حاضيها تا ضحك و دور راسو بلا حولا و نطق بين شفايفو : برهوشة
2
بقا حاضيها تا دخلات لدارهم عاد قلب روايض غادي راجع بأدراجو لدارو ، ديمنة غير دخلات للدار و فرحانة مناقصها تا خير حطات صاشي فوق طبلة و دخلات لبيتها تكات على ضهرها فوق سرير و كتشوف فسقف و كتفكر فهاد نهار لي كان من بين احسن نهارات بنسبة ليها
+
تنهدات بجهد و الابتسامة مبغاتش تفارق فمها علاش لا و هي كتشوف لمواصفات لي رسمات لو فبالها فاقو توقعات سيد كاريزما و هيبتو طاغية و هضرتو حرشة اش باغا كثر
+
ناضت حيدات عليها شراوطها و لابسات بيجامة فيها نونوسات كتوصل لعند ركابيها ، دخلات للطواليط غسلات وجهها حيدات منو كاع لميكاب و خرجات مشات حلات تيليفون فرحانة بيه ، كدخل فيه داكشي ديالها تا بدات كتحس بشي نغيزات فكرشها و متسوقاتش فالول ، قالت غير من ليغيكل غتهبط عليها و داك لوجع غير مكان كيزيد يتمجهد عليا
+
ناضت للكوزينة غادية و شادة فالحيط سخنات لما و جبدات زعتر كتبخو ، صفاتو و كبات داكشي فكاس و كلسات غير فالكوزينة على طبلة ديال لماكلة كتشرب فكاسها و كتصنت لحريقها
3
كملات داك لكاس و رجعات للبيت تخشات فسريرها تكمشات فمانطة كتصنط للحريق لي غير ما كيزيد غمضات عينيها و عاضة على لمخدة كتصبر راسها بلي دابا يفوت
+
•• عند جوديا ••
+
مني مشات ديمنة للطواليط و هي كالسة كيف الأمانة و بهاء مرة مرة كيحر ليها لسانها كيخليها تهضر معاه مامحسسهاش بالقنط
+
قطبات حجبانها منين بانت ليها ديمنة تعطلات فالحمام شافت فبهاء لقاتو ملاهي فالهضرة مع شي بنات كانو كالسين فنفس طبلة
+
طلعاتهم و هبطاتهم بنضراتها المتفحصة مزكلات تا حاجة عوجات فمها فكيفاش كيهضرو و كيتغنجو و زادت وسعات عينيها منين بانت ليها وحدة ضحكات بجهد و ضربات بميوعة كثف بهاء
+
هزات يديها كتشوف فيها محسات تانزلات بيها على كثف بهاء بجهد و تا من داك صوت حولات تقلدو و معرفتش خرج ليها كيف ديال رسوم : بــهاء
+
تلفت عندها حابس ضحكتو غا بزز لقاها تاهيا دايرة لو ضحكة صفرة : نعام ا جـوديا (خرج داك صوت باش عيطات لو و تبعها بضحكة)
+
خنزرات فيه مزيان و ربعات يديها معبسة : جبد ليا صاحبتي فين مشات
+
بدا كيدور عينيه على لقاعة بإستغراب و نطق بتساؤل : تكون كتولد دابا (نزل عينو على لمگانة ديالو و رجع هز فيها عينو) ولايني ناس مكيطولوش فالولاد بزاف (خرج عينو خلاها تاهيا دير بحال) ياكما تكون (قرب لحدى ودنيها و همس ليها طانز) كتخرا
+
جوديا محسات براسها تا طلقات ضحكتها لي زعزعات لو لمشاعر بيها ، بقا ساهي فيها مدة و ناض جمع لوقفة ماد ليها يدو تاهوا كيضحك
+
جمعات ضحكتها تدريجيا شافت فيديو بإستغراب و حركات لو راسها بتساؤل : لفين
+
بهاء : نقلبو على ديك لهبيلة
+
هزت لو راسها و قبطات لو فيدو و ناضت غادة معاه بداو كيقلبو فالقاعة بين طوابل لتكون كالسة فشي وحدة رلايني ملقاوش ليها لأثر خرجو مشاو بإتجاه الحمامات عوتاني مكاين والو
+
بقاو كيشوفو فبعضياتهم مستغربين و دواو بجوج فنفس لحضة : فين غتكون زادت
+
ساطت جوديا كاعية : شوف ناكلو هو لول و نمشيو نخرجو نقلبو عليها
+
بهاء : و نخرجو نقلبو دابا لماكلة معليش تاتعوض
+
جوديا بإمتناع و هي عارفة صاحبتها متسوى متصلاح اتكون خارجة فشي دايت : لا اشريف اشمن كرشي هي لولا ناكل و لكريم الله
+
بهاء خشا يدو فجيابو و مسايرها : و صاحبتك
+
جوديا بهدوء : متخافش عليها قادة براسها ممكن تكون حسات براسها ماشي بيخير و مشات للدار ايه فكرتيني بلاتي نصوني ليها
+
حنات راسها على صاكها كتقلب فوسط منو على تيليفون تا لقاتو غا بريق ناشف مدات لو صاك و عينها على تيليفون : شد هادا عندك
+
بهاء بلع ريقو و شدو مساعفها بقا حاضيها بعينيه كيفاش فكل مرة كترجع خصلات شعرها مور ودنيها ولا حراكاتها العفوية جاتو على گانتو
+
تلفتت لعندو عاقدة حداش : تيليفونها طافي
+
بهاء : لعجب
+
جوديا بهدوء : انمشيو ناكلو هو لول و ديك ساعة وصلني لدار نشوف واش كاينة تما
+
بهاء حرك راسو : ايه وخ
+
دخلو للقاعة كلسو جنب بعضياتهم دور عينو هو على لكضور و عقد حجبانو منين مبانش لو جبريل هدا تيليفونو دوز ليه ابيل ليه ثواني و كان جاوبو
+
بهاء : افين صديتي ابن عمي
+
رد عليه جبريل بهدوء : غادي لدار لاش
+
بهاء : وليتو تحنيو راسكم و تزيدو منعرفكم فين صديتو
+
جبريل : دوي مكود متلواش كيف لقحبة
بهاء عض حنكو من لداخل : غير لي بغا يدوي معاك دور قود بحالك
+
قاطعو جبريل و دوى بجدية : درية صاحبت ديمنة حداك ؟
+
بهاء بإستغراب : اه و نتا بعدا منين كتعرف لبنات
+
جبريل : قول ليها ديمنة فدار بلا متشوش عليها لمكانتش كتجاوب تيليفونها تهرس و نتا تعلم دخل سوق كرك
+
يلاه بغا يرد عليه بهاء تا سمعو قطع الاتصال تلفت عند جوديا و نطق بدون تردد : ديمنة راها فدار
+
هزات لو راسها مبتاسمة و زادت وتوسعات ابتسامتها منين شافتهم بداو كيحطو لعشا جمعات شعرها باش تاكل على خاطرها
+
حطو ليهم طبسيل ديال دجاج محمر بدغميرة بلعات ريقها و طاحت فيه عورة و بهاد كذالك تاهوا مامخليش من جهدو كان دغمة كيدير فيها تلاتة
+
مد يدو لعند دجاجة جرها قدامهم و قطع ليها من لفخد و حطو قدامها خصوصا منين شافها كتبعد من قدامها صدر ، تبسمات و رجعت كتاكل عادي و مرجعو لور تا قربو يتفركعو قول كانو مسابقين
+
ناضت جوديا غسلات يديها و رجعات لبلاصتها شربات من كاس ديال لموناضة و شافت فيه لقاتو جمع لوقفة غامزها
+
بهاء : يلاه معايا انغسل يدي و نتحركو
+
ناضت معاه تسناتو تا غسل يدو و خرج من لحمام كيفرنس … تمشاو خارين من ديك لقاعة كان ليل طاح و غير ضوء شارع لي مضوي لمدينة ، موقفو تا قدام طموبيل من نوع
” bmw M4″ فالكري
+
طلعو و تحركو من تم بقات كثنعت ليه طريق و مرة كيلاهيو طريق بالهضرة و خصوصا هو كان كيسولها مبغاش يخليها حشمانة منو حالف تا يخليها تطلق و فعلا بدات بشوية بشوية كضاسر معاه
+
وصلها للدرب بلاصة طموبيل لقاها كتشوف فيها و كترمش بعينيها : شكرا بزاف
+
بهاء مد ليها تيليفونو ضاحك : و لالة شكرا هي لسجلتي ليا رقمك
+
جوديا عقل كيديها و عقل كيجيبها كتقول وخ و كترجع تقول لا حارت و دارتها فيد الله و خدات تيليفون بين يديها سجلات رقمها و رحعت مداتو ليه : يلاه تصبح على خير
+
حلات لباب هبطات خلاتو متبعها بعينيها تا دخلات للدار عاد رجع شاف فرقمها ، دخلها بسمية و تحرك من تم ناوي يمشي يكمل قصارتو فشي قنت
+
•••
+
دخلات للدار بانو ليها ضواو ديال دار شاعلين علقات سوارت و دخلات بخطواتها كتقلب عليها فصالون مكاينش ليها الأثر ، دخلات للبيت حتى كتبان ليها ملوية فمانطة و كتنين
+
قربات لعندها حتى كتبان ليها سيدة عرقانة ديال بصح و شادة على كرشها كتوجع
+
جوديا حيدات عليها لغطا بزربة و كتهضر مفعفعة : ويلي ديمنة مالك اختي (كتضرب ليها على حناكها بشوية) شنو كيضرك
+
ديمنة فمها مشلل عليها غمضات عينيها و داك لوجع غير مكيتزاد
+
جوديا دموعها على سبة : هناري ميمتي نديك للسبيطار ها
+
حلات فيها ديمنة عينيها و كتهضر ملوية لسانها : عطيني تيليفون
+
ناضت جوديا كتقلب على تيليفون تا بان ليها مليوح غير خداها بتلفة مدات مجابت ، شداتو من عندها ديمنة فاشلة دوزات للإتصال لأخر و اول رقم عندها فسجل
+
و فبالها كتقول هو وكلني هو يداويني مالي حمقة حتى نخسر لفلوس فكلينيك على خبزة بعشرة دراهم ، ثواني كان تسمع صوتو من سماعة
+
جبريل : وي كنسمعك
+
ديمنة (غمضات عينيها شادة على كرشها و كابرات حتى نطقات بتقالة) : جي جي رجع عتقني
+
جبريل : شناوا ؟
2
خطفات ليها حوديا تيليفون و كتهضر بزربة : اخويا جي عتق سيدة راه كتموت
+
بدات كتسمع غير طيط طيط طيط و تقطع لخط حطات تيليفون و بقات كتمسح على شعر ديمنة لدقائق حتى تسمع دقان فالباب مجهد ناضت كتسرع فخطاويها حلات لباب كيبان حاط يدو على لحيط و منزل راسو
+
جوديا وسعات عينيها بصدمة فيه تا كيفاش هادا اش جابو و منين عرف دار صغرات عينيها و تلفات ، هز راسو فيها عاقد حجبانو
+
جبريل : فينها
2
جوديا كتفتف هزات يديها لداخل : راها فالبيت
+
دخل ضارب فيها كيدور عينيه تا بان ليه لبيت مفتوح زاد بخطواتو لكبار تا دخل للبيت بانت لو مگمطة فسرير مسهطة
+
مشا بتجاه سرير تحنا لعندها بشوية حط يدو على جبهتها كانت طايبة بزاف و كتهتهت حيد عليها لغطا و خشا يدو من تحت فخاضها و ليد لاخرى من خصرها هزها بخفة بين دراعو و خرج بيها و جوديا من موراهم هزات سوارت و مونطو لديمنة
+
خرجات سدات لباب ديال دار لقاتو حطها فالكرسي لقدام حداه طلعات لور و هو دار طلع من جيهتو و تحرك غادي لناحية لكلينيك .
+
يتبــــــــــــــــــــع …
