𒊹︎ فِــي حُــضــن الــأرْبَــعِــيــنِــي
+
بــــقــــلـم : Nouhaila Nno
+
PART 1
+
“واقفة على حافة الجرف و ريح تيحرك خصلات من شعرها البني طويل كانو عينيها متربصين مرة شوفة كتكون فالبحر و مرة فصخر لي كيبان و خصوصا فداك لهيجان لي فالبحر
+
ريح كيحرك ليها حوايجها تا كتهز لكسوة كتفرفر كتبين صيكانها لي عامرين و بيوضيتهم طاغية شداتها رهبة و لبرد كيدخل ليها مع ضلوعها
+
كانو أفكارها كيتسارعو و كتحس بلي صافي فقدات سيطرة على حياتها كل شي كان مضلم فعينيها رمات رجل للقدام و مبقا كيفصلها والو على لحافة خطوة بسيطة مشات
+
غمضات عينيها و تنفسات بجهد خلات داك لهواء يدخل لرئتيها كان عاد مزاد تمجهد ريح خلا شعرها يرجع لوجهها عنكشها فكل مرة كتهز يديها كترجعو لمور ودنيها
+
كانو دقات قلبها كيتسارعو بجهد و دموعها سايلين على خدها حلت عينيها لي ستوطناتهم لحمورية كانت هضرتو كتعاود فودنيها بجهد قصحتها بزاااف لدرجة تمنات كون كانت مكتسمعش هزت يديها كضرب على قلبها بجهد و شهقاتها كيتسمعو بجهد كان نفس كيتقطع فيها للحضة محساتش تكانت غوتات غوتة وحدة بجهد و لهوى كيلعب بيها كيف بغا تا كتصادم كسدتها مع مياه لبحر”
1
” مدينة الرباط “
+
فحي ماشعبي كان واحد لكراج لفوق ديالو معلق بانو مكتوب فيه “صالون ديمنة” مكتوبة مجبدة و من برى ديال لكراج كان مأنتك بزواق و محطوطين فالباب ديالو فيزان بالورد و نقاوة فالباب ديالو كانت مردودة لخامية مغطية شكون كاين لداخل ولكن صوت ديال ضحك لي خارج من صالون مخلط مع صوت سيشوار لي خدام و دخاخن خارين من تحت لخامية مخلين لغادي و جاي يعرف مولات صوت غير من ضحكتها
+
مكانتش اي ضحكة لي بسيطة ولا ضحكة بدون صوت لا هي كانت ضحكتها تزعزع بنادم من حداها لي بعيد عليها كيسمعها و كضرو فوذنو
+
فالداخل ديال صالون واقفة كتصايب فشعر كلايانتها و لابسة كندورة لي طويلة ولكن خاشياها فسليب تولات مهزوزة مبينة رجليها لي عامرين و بيضين ، شعرها لماغون جمعاه للفوق كعكة مهملة و مخلية رقبتها لي مزينة بزغيبات
+
كتمضغ فواحد لمسكة و عينيها على شعر ديال لكليانة و كتهضر معاها بعفوية من طبعها معزيزش عليها سكات بزاف : شعرك غزال اسومية ولايني خرجتي عليه بكثرة تصاويب
+
هزات فيها لكليانة عينيها و مخنزرة : و سميتني سامية اشمن سومية
+
ردت عليها ديمنة و طانزة عليها : و تانتي كيف سامية كيف سومية الله يرزق غير صحة و سلامة
1
ساطت ديك لكليانة و هبطت عينيها على تيليفونها مخلية دينمة كتهضر منين ملقات جواب حبسات سيشوار و مشات طلقات لموسيقى جهدها و عاد رجعت كملت ليها شعرها و كتلوز طرمتها مع الاغنية و صوتها كيتعاود معاها
+
سالات للكليانة شعرها و دارت ليها باتشة عاد طلقتها شدت من عندها خلاصها و سدات لباب ديال صالون بساروت ولكن خلات لكراج محلول حيدت عليها كندورتها من على جسمها بقات بدوبياس فنواغ تا بان
صدرها لي كان كبير شوية و لكريشة معندهاش بزاف اما طرمتها هاديك هي لي هازة مهاز قلبها و كانت ديمنة كتميز بواحد جوج خالات وحدة فوق شنايفها ولخالة لاخرى جات تحت من شفايفها هي مكانتش شي وحدة لي مسلوتة ولا خايبة لا بالعكس كانت فورمتها على قدها
+
تلاحت فوق لفوطاي هازة تيليفونها طالعة نازلة فانستغرام لي كانت عندها فيه واحد لحصيصة ديال لمتابعين تقريبا 40k كتلوح فيه مرة مرة خدمتها و كيفاش كطلع عريساتها و مرة مرة كتحط تصاورها بوسط ولا ستوري
+
قتلها لملل و خصوصا دابا وقيتة لغدا مكيجي عندها حد للصالون تقلبات ناعسة على كرشها و صدرها مزلع قدامها و رجليها من وراها هزاهم ، دخلت لأزار محيدة لكاميرا كتدوي غير بصوتها ومنين كيبان ليها لبلان فشي واحد متوتز كتفتح لكاميرة
+
سكيبات واحد سيد معجبهاش بزاف و تا من هضرتو مزمو/لة بقات كتسنا ثواني حتى تبان واحد مولاي راجل خلاها تفتح فمها بلا هواها و هي كتشوف فصدرو و ملامحو عضت على شفايفها كثر منين شافتو حيد لمضاضر و بانو عينيه لكبار
2
غمضات عينيها منين نطق بسميتها لي كانت مكتوبة فسمية لحساب : ديمنة
+
حنحنات و بدات كتقاد فشعرها و كتحمر فحناكها بزربة و نطقت بصوتها لمايع : وي {هبطت عينيها للسمية لي كاتبها و لحناتها} بهاء
+
شد على قلبو من صوتها و ضحكتو كتوساع على فمو : الله على سميتي اول مرة تعجبني
+
ضحكات بميوعة و كتلوي خصلات شعرها بيديها و بخفة يد فتحات لكام خلاتو يزيد يشد على قلبو : بابابابا على زين ياخو قوليلي ازين اش كديري فحياتك
+
بعدات تيليفون على وجهها تبان شوية صدرها خلاتو يقرب من لكام كيروي عينو بشوفتها و كيتسناها تجاوب تاهي معطلاتوش : انا ميكاب ارتيست و فاتحة محال ديالي كنترزق فيه الله {ختماتها لو بغمزة خلاتو يضحك بلا هواه}
+
بهاء : مزيان الالة هازة راسك بعدا
+
حركت لوغير راسها و بقات كتشوف فيه تعاود دوى و كيعرفها عليه : انا بهاء عندي 30 سنة مقاول و حاليا خارج من لمغرب فاكونس مع ولد عمي
+
حيدات عينيها من على بهاء و حطاتهم على راجل لي كالس حداه مكانش كيبان كان غير دراعو هو لي باين دوات بنبرتها بتساؤول : هو لي كالس جنبك
+
جبد بهاء كارو و هضر قبل ميحطو على فمو : هو البوكوسة
+
حركات لو راسها مبتاسمة و كتشوف بفضول باغا ترضي فضولها و تشوفو حتى هو كيف داير ولكن معامن هي
+
دوى بهاد و كيسف من كاروه : ايوى الالة ديمنة شناهيا حالتك الاجتماعية
+
ديمنة بلا متحس قالت لو : بايرة {تبعاتها بضحكتها العجيبة خلات بهاء يضحك معاها و شخص لي من صباح و هي حارنة عليه حتى هو بدورو دور عينو لجيهتها يرضي فضولو و يشوف مولات هاد ضحكة
+
سهى فضحكتها و عينيها لي مغمضين من كثرة ضحك حك على لحيتو لخفيفة و كيحقق فالخالات لي عندها ففمها حيد عينو عليها و جبد تا هو كارو يتنغم بيه مع كاسو ديال لقهوى مخليهم مكملين هضرتهم تا شافهم باغين يتبادلو لحسابات ديال انستغرام حيث هي مبغاتش تعطيه نمرتها قبل متعرفو مزيان
+
بهاء ملقا منين يدخل للانستاغرام فتيليفون حيث لخرج غادي تسكيبا ملقا ميدير من غير يدور عند ولد عمو غامزو : جبريل تيليفونك واحد دقيقة الله يحفضك
+
ديمنة لي شافت بإستغراب و كتقول مع راسها واش سمعات بصح داك سمية ولا غير جاب ليها الله فضولها قتلها و هي من نوع الا برزطتها لحاجة كتسول عليها باش ميبقاش راسها ضارها : بهاء واش هداك لي حداك سميتو جبريل ولا غير جاب ليا الله
+
تبسم بهاء و هز فيها راسو من بعد مكان مهبطو على تيليفون كيقلب على كونطها : لا لا سميتو هديك مجابش ليك الله
+
بقات كتشوف بتعجب اول مرة تسمع شي واحد مسمي هاكا ضربات طم مزادتش سولات حتى عاود قال ليها بهاء تكتب لو سميت كونطها ، تحركات كتقاد فبلاصتها و صدرها كيتحرك معاها مخلية جبريل غير متبعها بعينو مدوز بيها داك لكارو ، كتبت حسابها و فالبلاصة كان دخل بهاء لانستغرام ديال جبريل كتب كونطها و طلع ليه هو لول مدارش فولو بطبيعة لحال حيث ماشي كونطو ولكن دار سكرين باش يصيفطو لعندو و مينساش
+
رد تيليفون لجبريل لغير شد تيليفونو ناض سامح فيهم دخل يرتاح لو شوية اما هوما زادو هضرو شوية عاد خرجو من الابليكاسيون مشاو يكملو هضرتهم فأنستا
+
ديمنة غير سالات معاه مشات دارت لاصير تسخن خصوصا منين حققات فموسطاجها بدا يكبر سمعت دقان فالباب ، رمات عليه بزربة كندورتها و حلات لباب ديال صالون تبانت ليها صاحبتها “جوديا”
+
غوبشات فيها ديمنة و طالع ليها دم خلات لباب و رجعت دخلت كلسات على لفوطوي و تبعتها جوديا كتسوط على راسها من لحرارة لي مطنطنة فزنقة
+
كلست كتنهج و كتهضر بزربة : شوفي بلا متهزي عليا قنوفتك اختي حق ربي الا من صباح و انا كنجري باش نوصل بكري ولايني ملقيتش طاكسيات
+
ديمنة : {شافت فيها بنص عين كيف كتسوط قاهرها صهد ناضت من جنبها مشات شعلات واحد لفرفارة و دورتها جيهتها و سدات لباب ديال صالون و فنفس لوقت كتهضر} ايوى صافي امنا بالله غير هو غادي نسبق اختي راسي انا لولا نحيد هاد زغب و نشوفو حريرتك
+
جوديا تكات على لفوطوي معلقة رجليها لفوق و كتهضر بهدوء : اودي غير قدي معندي نيت ميدار تا من دارنا ما فيا لي يمشي ليها قهروني
+
رجعات ديمنة حيدات ديك لكندورة و طلات على لاصير واش ذابت : علاه مالك اش طاري
+
ساطت جوديا و عينيها فسقف مغددة : و ديك مي فكل خلصة كنشدها مكتخليني حتى نفرح بيها كطير ليا منها كثر من نص تعطيه لداك رويجل ديال ولدها و نص لاخر كتغمق عليا فيه مع تقدية ديال شهر
+
خدات ديمنة قراصة جمعات بيها بشعرها لفوق و كلسات كتبرض فضفارها بينما ذابت لاصير : دويت معاك شحال هادي افلانة جمعي كرك نتي لا محلولة و هاكي (عطاتها بصبع و رجعت كتكمل)
+
جوديا : (هزت تيليفونها دخلت تبركك فانتساغرام و كتهضر مبرزطة) وا الله يخلف عليك اختي
+
شافت فيها ديمنة بنص عين مشات دخلات لوحد لبلاصة خاصة بلاصير حيدات لراسها شعر و فكل مرة كتغوت و توحوح مخلية جوديا كضحك عليها من برى وخ لي فيها كافيها
1
خرجات حمرة لابسة عليها واحد بيجامة سماطي كانت عندها تم لداخل دارت كريم بزربة باش متبقاش تحس بالحريق ديال لاصير و كلست جنب جوديا هازة تيليفونها كطلع و تنزل تا دارت ليها طن فراسها دخلات للكونط لي صيفط ليها منو بهاء و دخلت لعند ناس لي داير ليهم هو فولو كانو كثار شي الف و زيادة و لقائمة ديال لبنات طويلة عوجات فمها و مشات كتقلب على شخص لي من صباح و هي باغا تشوفو وجهو كيف داير
+
كتبات سمية بالعربية مطلع ليها والو جربات بالفرونسي عاود بدات كتكتب حرف بحرف تاطلع ليها كونط واحد لي بسمية جبريل مكان فيه لا بروفيل لا والو عضات على شفايفها دخلات تشوف واش حاط شي بوسط تا كتفاجئ بلي اصلا لكونط بريفي
+
عوجات فمها وخرجت فخطرة لاحت تيليفونها من وراها و شافت فجوديا لي داتها عينيها مسكينة كضل خدامة من لخمسة ديال صباح تالجوج و مرات كتخدم من جوج تالعشرة ديال ليل ولا من لعشرة تاللستة
+
معندهاش لوقت محدد و فالخر فهاد تمارة كلها كتجي مها كتكلع ليها خلصتها و تعطيها لولدها و تخلي لجوديا داكشي قليل باش دوز سبت و الاحد مع صحاباتها او بالأحرى كيمشيو غير فالمركوب .
+
تنهدت ديمنة و مشات قدات لراسها ميكاب زوين برز ملامحها و صايبت شعرها عاد ناضت كتصور و تعوج فكل تصويرة ختارت تصويرة لي جاتها زوينة حطاتها سطوري فالبلاصة بدا و كيوصلوها ميسجات من عند دراري كيشكرو فجمالها
+
تبسمات برضى و نوضات جوديا صايبات ليها شعرها كيف طلبات و حيدات ليها زغب من وجهها غير بالخيط حيث بشرتها حساسة مكتحملش لاصير غير سالات ليها و هوما يتكبو لكليانات كيف زريعة كيف لعادة ديما فالعشية كتكون عندها لقضية عامرة
+
بقات معاها جوديا عاوناتها فيهم كل وحدة و شنو كدير جوديا تكلفت بتصاويب شعر و نتيف لموسطاج و ديمنة كيف عادتها لمكياج و تقاد لعيالات لفورمة ديال حجبانهم
+
مسدو داك صالون تالعشرة ديال ليل عاد بداو كيطرقوه سخفانات تحركو خاشين يديهم فعضياتهم و كتحتتو مخلاو شكون جبدو فداك درب تاتفرقو فطريق و كل وحدة شدات طريقها
+
دخلات ديمنة لدارها لي جات شوكية حيدت سباطها حطاتو حدا لباب فواحد لمجر دايراه ديال صبابط دخلت لداخل شعلات ضواو ديال دار كيف لعادة لكالم مكاين لي يبرزطها شعلات تلفازة دارت موسيقى و نقسات من صوت ، مشات دخلت لبيتها لي كبيرة تا حاجة منقصاها دارها مفرشة بأحدث مكاين مامنقصة راسها من والو
+
حلات لبلاكار لي كان ديال اليمنيوم جبدات ملابسها الداخلية و واحد لكسيوة ديال ساتان كتجي حد لفخاد حطاتهم فوق نموسيتها و دخلات للدوش تحيد منها تلصيقة ديال لاصير
+
تخشات تحت رشاش مغمضمة عينيها و لما كيهبط ليها من على راسها لكتافها ترخات و هي كتحس بالما سخون كينزل عليها
+
فوسط من راحتها كيدوز قبالت عينيها لفلاش ديال بهاء و داك لي باقي فضولها واكلها باش تعرفو فوجهو حلات عينيها و تمتمات و هي مبتاسمة : جبريل
+
كملت دوش ديالها و خرجات ملوية ففوطة و كتغني مع لموسيقى لي مسموعة عندها تا لبيت كلسات كتدهن كريمات للحمها ترطبو و نشفات شعرها غير بفوطة
+
تا نشفاتو مزيان عاد حيدات عليها لفوطة و بدات كتلبس حوايجها بهدوء متابعها والو ، كانت لكسيوة لي لبسات سميطات و مفتوحة من جيهت صدر
+
خرجت من بيتها للكوزينة تشوف اش غادي طيب ليها مبان ليها لبلان غير فالبيض و مطيشة ، جبدات كركوبات ديال مطيشة يلاه بدات كتقطع فيهم تاكتسمع صوت تيليفونها كيصوني خرجات كتمسح يديها ففوطة مشات لناحية صالون نقصات تلفازا و طلات لقات ابيل من بهاء فانستغرام
+
هزات حاجب و نزلات لاخر مستغربة حلات لخط و زادت حطات تيليفون فوق لبوطاجي و مكملة شغالها و كدوي معاه بهدوء تا قال ليها تقلب ابيل فيديو
+
تا هي بلا عكز عليها قابلات تيليفون معاها و دارت لكام معاه كيبان ليها متكي
+
بهاء : هاي هاي هاي على لحداكة الالة
+
تبسمات ديمنة و دوات ناشطة : ايوى شنو كنلعبو هنا ؟
+
حط يدو تحت راسو و كيشوف فيها مطول : ديمنة شحال عندك من عام
+
جوباتو بلا ما تهز راسها فيه مكملة على تقطاعها : 28 عام لاش
+
هزت فيه عينيها مبسمة و غمزاتو منين لقاتو ساهي : امالنا
+
بهاء : مكتبانش فيك
+
عوجات فمها و عينيها مع داكشي لي كدير مركزة : وي جوسي
+
حطات ديك لمقيلة فوق لفورنو و بقات مدوزة بيه لوقت بينما طابت ليها لمقيلة طلقات ودنيها معاه بغا تسمع غير شي صوت معاه فالبيت و والو صغرات عينيها و دارت راسها بحالا كتقلب تا سولها بمالك
+
قربات لجيهت تيليفون و هي تسولو بشوية : واش معاك شي حد فالبيت
+
حرك ليها بهاء راسو بلا : لا محدايا حد غا راسي قهرتني لوحدانية تا من جبريل راه مشا صيد واحد لحمامة (غمزها بخفة و كمل) كيعلمها كيفاش طير بلا صعوبات
+
ديمنة دارت راسها مكلخة و مطرننة نيت و غادة سارحة معاه : اويلي على هو شحال عندو لي باقي كيصيد لحمام كنعقل منين كنت صغيرة كنت تنمشي مع ولاد لحومة باش نصيدو لحمام اما دابا كلها و فين ملهي
+
ضحك بهاء على غبائها و كمل حتى هو مسايرها : عندو 41 عام الالة و باقي سيد ماتهد
+
ديمنة سكتات شوية كتسمع فالعمر ديالو و تبسيمة باغا تخرج و منعاها و داك لفضول لي كان باش تشوفو زاد كبر كثر و كثر و الاهم هو ترضي فضولها و هي عارفة راسها اجلا ام عاجلا غادي ترضيه
+
ديمنة : و الله يهدي ماخلق قولي عايشين فالمغرب ياك
+
بهاء : وي انا مستقر فالمغرب كثر حيث خدمتي تم ايوى و بن عمي راه خمسطاش ليوم هنا و خمسطاش ليوم فالمغرب
+
حركت لو راسها بتفهم و كل مرة جارة لو لسانو تا قنعات و هي تصدرو بحجة تنعس اما هي غير عشاها طاب
+
هزات مقلتها و تيليفونها و مشات للصالون كلسات كتاكل و عينيها رجعو كيقلبو على كونطو ضربات طليلة بان ليها باقي محيد لبروفيل ولكن كاينين شي بوسطات محطوطين مرضاتش دير ليه فولو ولكن اشنو غادي دير عين ميكة
+
بالعكس سيدة زربات على ماكلتها تاشبعات كرشها عاد تكات تما و دخلات لواحد لكونط قديم شوية عندها بدلات ليه سمية و جابت تصويرة ديال وحدة من بينتريست و صيفطت لو فولو تشوف واش غيقبلها
+
بقات طالعة نازلة فالفيديوات و مرة مرة كدخل طل واش قبلها و والو تنهدت ناضت حيدت لماعن حطاتهم فالكوزينة و دخلت لبيتها
+
تكات على نموسيتها كطيب نعاسها بالفيديوهات كتفرج فيهم تا مشات سارحة عجول الاخرة
+
فرنسا france
يلاه داخل عيان للبرطمة تا كيبان لو بهاء متكي و كيتبسم غير راسو داز ضرب ليه على كتفو تا دار عندو راشقة ليه
+
جبريل : اش كاين كتفرنس كي راس لمشوط
+
تكسل بهاء على خاطرو : تراه طيراتني هاد بنت العبد قرطاسة اودي يا جبريل
+
ميق فيه جبريل و مشا كلس كيماصي راسو : كتبان فيها برهوشة مصافياش
+
بهاء : نوض تكعد على سلامتك سيدة راه شاربة عقلها غير كدير تبهلة و سريق لعواد
+
شد بهاء تيليفونو دخل كيشوف فتصاورها و كل مرة كيزومي على شي تصويرة ديالها و كيبتاسم بحال شي حمق
+
دور جبريل راسو بلا حولا و مشا ناض دخل للبيت دوش بزربة و خرج لاوي عليه فوطة و لما كينزل مع صدرو الفولادي
+
لبس عليه بيل و شورط و مشا تكا كيريح راسو من صداع لخدمة هز تيليفونو شوية و بان ليه كونط جديد داخل عليه شاف تاريخ ديال ايمتا تصايب لقاه قديم ولكن ماشي بزاف تجاهلو و بقا كيدور تا طاحت لو فبالو دخل لبلاصة روشيرش كانت طالعة لو هي لولا بحكم بهاء كان قلب على كونطها من تيليفونو
+
بقا طالع فالبوسطات ديال خدمتها تا كتبان لو واحد تصويرة ديالها باين فيها وجهها مزيان
زاد زوما جبريل على وجهها تا وضاحو دوك لخالات لي على فمها فالول كان يسحاب لو غير كطرسيهم ولكن كانو فكاع تصورها
+
و جبريل من لحاجات لي كينغموه فالمرى هوما شامات لكانو عندها ، خرج من كونطها منين حس براسو بدا يجيه نعاس طفا تيليفون و ضربها بنعسة كاع مامسوق لبهاء لي باقي كيف لحمق برى كيشوف فتصاورها حمقاتو و طيرات لو لعقل وخ يلاه غير سوايع قليلة باش عرفها
+
•••
+
دازو يامات الله طايرين و محستش ديمنة بداك شهر كيفاش طار و دخل شهر جديد و كيفاش علاقتها طورت ببهاء غير من تيليفون
+
على ذكر بهاء لي غادي يدخل فهاد لعشية للمغرب و باغي يشوفها فهاد سيمانة كأول لقاء ليهم مع بعض
+
ديمنة كان عندها هاد لقاء زايد ناقص مامتحمساش ليه بالمرة غير دايرة لو خاطرو بينما وصلات لهدفها لي باين و تقلب على لحزاق كامل
+
طيلة هاد شهر كامل كانت فكل نهار كضرب طليلة على لكونط لاخر تشوف واش قبلها و كتلقا راسها باقا معلقة ولكن متنساش فسيمانة لي فاتت كانت حطات سطوري وكان هو من بين ناس لي شافوه فالبلاصة
+
و زاد خلا فضولها ياكلها على كيفاش داير على شخص لي يلاه عارفة سميتو و عمرو
+
فتحات صالونا ترزق فيه الله و ناشطة ما نقصها خير جاو عندها كلياناتها صايبت ليهم و خلاتهم خرجو ناشطين حتى هوما و كيف لعادة فوقيت لغدا جات عندها جوديا سخفانة
+
جايبة معاها لغدا امبورطي سدات ديمنة لباب ديال صالون باش ميبرزطوهاش لعيالات و كلست جنب جوديا
+
ديمنة فمها عامر بالماكلة و كتهضر : رجلي طابو ياختي خاصني نجيب شي وحدة تعاوني
+
شافت فيها جوديا مطولة عاد دوات : تنفكر انا نكلس من لخدمة عيت
+
ديمنة سرطات ديك دغمة و دورت راسها لعندها : على اساس داك لقوم يخليوك تكلسي
+
جوديا هزات كتافها بإهمال : نقول ليهم جراو عليا
+
ديمنة : وعولي بلي غادي يقلبو ليك على خدمة
+
ساطت جوديا بجهد و مقهورة : و ختي عيت هاو فلوسي كلهم مكنفرحش بيهم تفو بغيت غير يلقاو ليا سبة و يجريو عليا من ديك دار مبقيتش حاملة زام/ل بوهم
+
بقات ديمنة كتلعب بالماكلة ففمها و دوات بلا متفكر : حملي على ضمانتي والله تيجريو عليك
+
شافت فيها جوديا معوجة راسها و كضحك : و هيا باغا تهناي مني اختي
+
ضربات على راسها و بقات كتاكل و كتفكر مع جوديا تا خبطاتها على كتفها : قطعي عليهم لمصروف ولا عرفتي منين تخلصي فهاد شهر قولي ليهم تكريسيت و فطريقك جي عندي نقاد لحوبي شي ضرابي فوجهك و فلوسك خليهم هنا فصالون منين تحاتجيهم جي خوديهم
+
ساست جوديا يديها و دوات ببحة : وخ ها شهر لول دوزناه و لي من بعدو
+
خرجات فيها ديمنة عينيها و مخنزرة : متعطيش قولي لا القلا/وي مال زام/ل بوك هاكا خرجي عينيك ضربوك خرجي من عندهم لقايها سبة و جي سكني معايا يجي داك شماتة ديال خوك نكلسو على لقرعة راك مبقيتيش قاصر باش يكلسوك بزز منك معاهم فدار
+
حطات جوديا يديها على خدها و كدور هضرت ديمنة فراسها لقات نوعا ما عندها لحق فيها و قررات باش تسمع ليها فهاد لمرى و دير مقالت ليها
+
تسمع تيليفون ديال ديمنة كيصوني هزاتو و كتمسح فيديها عوجات فمها من سمية لي كتصوني تا نغزاتها جوديا
+
جوديا : جاوبي سيد اصحبتي
+
دارت سيلونص لتيليفوو و رجعت تاكل : لا لا اختي كيفرع ليا غير راسي بهضرتو اووف مكيسكتش راه وخ فيا لهضرة بزاف كنبقا بنت هاو
+
ضحكات جوديا و هي تفكر: اجي داك ولد عمو ولا منعرف قبلك
+
تنهدات ديمنة و شدت على قلبها ساهية : ولد لهم كاع مقبلني ياختي ولكن مؤخرا كيشوف ستورياتي كلهم و مدايرش فولو
+
جوديا : ايوى صبري على خبيزتك حتى طيب
+
ناضت ديمنة جمعات طبلة من لماكلة و نقات ديك لبلاصة و تجبدات مخالفة رجلين مع جوديا كيف لعادة فهاد لوقيتة كضربها بنعسة فصالون كتعكز تمشي للدار و عاد دابا تا جوديا ولات كتعمر معاها كثر
+
ضربات ربعة ديال لعشية عليهم و هوما باقين مجبدين تا كيسمعو دقان فباب صالون ناضت ديمنة مخنزرة و خاسرة حلات لباب كتلقا خو جوديا
+
قلبات عينيها و خرجات عندو : مالنا اعبد رزاق كاين منقديو
+
حط يدو على لحيط كيطلعها و يهبطها و هضرتو مشمكرة : عايطي لجوديا تخرج لعندي
+
ديمنة حطت يديها على جنابها و قالت لو باستفزاز : مكايناش عندي ختك
+
عبد رزاق حك على حنكو و هو يدفعها باغي يدخل للصالون محس احتى كانت دارت صبعها فودنيها و هازة لو يدو كضرب فراسها و خلاص مع كان مرخي لي شافهم يقول غير هو لي معدي عليها
+
بدا كيتنتر منها عبد رزاق و هي عاد مكتزيد تغوت و تزير لو على يدو غواتها نوض جوديا مخربقة خرجات بالحفا طل لقات داك لمنضر بدات تضرب فحناكها و تجبد فخوها لي مداير لا بيدو ولا برجلو صحاب لحسانات فالبلاصة عيطو على لبوليس لي كانو غير كيدورو تما جاو شدوه من قرفادتو كيصرفقو فيه و ديمنة كتهبط دموعها و قلبها كيشطح ركادة
+
قربات عند واحد لكومسير لي كان بوكوس فتقادة ديالها كتغبن عليه : و سي لكومسير انا والله ما درت حاجة احتى جا هاجم عليا
+
دوى بزربة عبد رزاق مخرج عينو و مكشكش : اكتكدب ابنت لقح/بة هي لي كانت ضرب فراسها انا جيت ناخد غير ختي
+
دوى داك لكومسير مخنزر فيه نهض فدراري لي معاه : طلعوه اش كتسناو
+
فالبلاصة طلعوه لصطافيط و شاف فديمنة : سيري لبسي عليك شي حاجة و تبعينا للكومسارية
+
حركت لو ديمنة راسها بزربة : ايه يه لهلا يخطيك علينا اشاف
+
دخلات للصالون من بعد ما مشاو و فرقو ديك جقلة و معاها جوديا كتفرنس عاجبها لحال
+
جوديا : ياختي ياختي غزيتي فمو لحمار لاخر يالله نتهنا من كمارتو واحد سيمانة
+
ضحكات ديمنة و كتفرفر بعينيها : ايوى شتي نخطاك انا يضربك تران
+
مشات لبسات واحد جلابة و جمعات شعرها بقراصة و مشات كتحمر فحناكها و كدير اثار ضرب بالمكياج هزات سوارت لاحتهم لجوديا غمزاها : هاكي قابليه مع ديك ثمنية سديه انا غنمشي نفاري معاهم و غندوز نمشي نجمع شراوطي باش نتحمم
+
بقات كدور جوديا سوارت فيديها و كتسوط : لا لا اختي لقنط مع كلياناتك انمشي لدار نعس تاتجي و نمشيو بجوج للحمام
+
هزات ديمنة كتافها و دارت واحد لمسكة ففمها كتلوكها : راهوما سوارت سيري للدار نعسي خودي راحتك هاني شوية و نجي
+
خرجات ديمنة غادية للكوميسارية و كتلوز فمشيتها مخليا عين بنادم تبعاها توصلات للكومسارية مشات للبيرو ديال لكوميسير نيشان لقات بوليسي واقف فالباب
+
ديمنة طلعات فيه راسها حيث كان طول منها : حل ليا ندخل عند شاف
+
طلعها و هبطها داك لبوليسي من صبع رجليها صغير و لراسها: سيري اختي كلسي تا يسالي من شي ضواسا و ندخلك عندو
+
شافت فيه مطولة و هي تمد يديها دقات لباب تاتسمع صوتو لداخل : دخل
+
شافت ديمنة فالبوليسي و هي تغمزو : حيد بلاك لهيه خليني ندخل عند شاف
2
منعها لبوليسي و هو مخنزر فيها : مغدخليش
+
تنهدات ديمنة بشوية و هي تخبط رجليها مع لباب ديال لبيرو بجهد تا شدها داك لبوليسي باغي يهبطها لتحت حتى تحل لباب خرج منو مخنزر : مالنا اش طاري
+
زربات عليه ديمنة و كتشكى : اشاف جيت ندخل عندك بدا عليا عطيني نمرة ما نمرة عاد دخلي
+
شاف فيها داك لبوليسي و هو يدوي مهنزر : اسيري اختي رمي سبتك فشي قنت اخر
+
جات تجاوبو تا كان قاطعها لكوميسير : سيري دخلي هاني جاي
+
دخلت للمكتب و كضحك من تحت منها اما هو شاف فداك لبوليسي و دوى بهدوء : من بعد و نتفاهمو اولدي يا سعيد
+
دخل للبيرو لقاها كالسة ليه فبلاصتو واخدة راحتها تبسم من شوفتها كيف واخدة راحتها و كتلوي فخصلات شعرها
+
قرب لعندها كلس فوق لبيرو ديالو و غامزها : اش هاد لفوضى درتي الغزالة
+
ديمنة هزات رجليها حطاتهم على فخاضو تبانو صيكانها من تحت جلابة بلقين : و شنو بغيتيني ندير الحب
+
حط يدو على رجليها كيلعب ليها فصباعها و مرك مرة كيهرها : عندك تيليفون صوني و قطعي و نخرج عند حبي ندخلها (جر ليها صبع بجهد خلاها غوتات غوتة مقحبنة و كتضحك)
+
حيدات رجليها من فوق فخاضو و ناضت مدورة يديها على عنقو و مقربة وجهها لعند وجهو حتى ولا نيفها ملاصق مع نيفو و زاد قربها ليه هو كثر من حاوط خصرها جايبها بين رجليه و يدو شد بيها شعرها لور عوج ليها راسها شوية يالله ياغي يتعمق معاها فقبلة كانت بعدات راسها سالتة منو
+
ديمنة : متفقناش على هاد شي اسي لكومسير
+
دوز يدو على خدها و عينيه دابلين فيها : وعلاش متافقين الحب
+
هزات يديها تحسست يدو لي كيدوزها على حنكها و دوات بهمس : فرجني فالكلب
+
كشر ملامحو فاش تفكر لبلان و هز لفيكس ثواني تاتسمع صوتو الحاد : طلعو ليا داك لحمار
+
رجع لفيكس و جمع لوقفة خطف بوسة من حنكها : سيري كلسي نفضيو بلانو دابا
+
مشات كتكسول فالمشية تحطات قاعها على لكرسي حاطة رجل على رجل و كدير فيه شي شوفات كتخليه باغي غير يتلاح عليها ، تفتح لباب و دخلو عبد رزاق مكبل من يديه
+
بدا كياخد منهم اقوالهم ساعة بالحساب عاد خرجات من لكومسارية ناشطة من بعد مغرقات لو ضواسا
+
خدات طاكسي تالدرب لي ساكنة فيه هبطات من بعد مخلصاتو و مشات دخلات للدار كان صقيل تا من جوديا مكايناش فهاد لعالم سيدة ضرباها بنعسة
+
دخلات للبيت لقاتها مشبحة ليخا تما تلاحت عليها تا قفزاتها من بلاصتها خوفانة
+
جوديا : الخرى غا بشوية
+
ديمنة : { بدات كتهر فيها و كضحك بضحكتها } انوضي نوضي و نتي خمرتي
+
جوديا : {شافت فيها بنص عين و سولتها بفضول} اش دارو معاه
+
ديمنة : { بدات كتحك ليها فشعرها و كتهضر بهدوء } قال ليا صهيب بلي ممكن يتحكم بشهرين
+
قبل مترد عليها جوديا كان تسمع صوت تيليفون ديمنة كيصوني خداتو تشوف شكون عوتاني كتلقا بهاء تنهدات مبرزطة يلاه غادي تحيد صوت و هي تنغزها جوديا
+
جوديا : جاوبيه اصحبتي حشومة عليك
1
عوجات فمها و فتحات لخط و تبعاتو مكبر صوت تاكيتسمع صوتو بحالا معصب : ديمنة يا ديمنة لهاد درجة مامسالياش ليا
+
شافت فجوديا بحالا كتقول ليها صافي هادا مبغيتي : لا ماشي هكاك غير كنت مخلية تيليفون فدار
+
جاها ردو فالبلاصة و هو كيتنهد : معطاكش خاطرك تسولي فيا واش وصلت ؟
+
عطات بصبع لجيهت تيليفون و كتخسر سيفتها ولكن صوتها كيبان حنين : غير سمحليا كونت مبرزطة مع واحد لمشكيل
+
همهم بتفهم و رجع مكمل : اممم قولي ليا مساليا فهاد دو جوغ
+
ديمنة دورات عينيها و شافت فجوديا و غمزتها بشنو غيكون : صراحة معرفتش ولكن اه مسالية
+
بهاء : مزيان فهاد ليومين غادي نجي انا و ولد عمي {جوديا غير سمعات ولد عمي ناضت قافزة قدات كلستها كتسناه يكمل مخليا جوديا شادة ضحتها} غادي نحضرو لواحد ل gala نبدلو بيها لجو و قلت علاش لا منديرهاش حجة و زيارة و نشوف زينة ديال ديمنة
+
ديمنة : {درت عند جوديا غمزتها لقاتها هي برسها كتخرك ليهاراسها بأه} الله ياخويا حتى انا تشهيت شي عراسية ولا gala نشط فيها
+
سمعات قهقاهتو من تيليفون و كلامو : صافي الالة انا غادي نقطع ليك تيكي باش دخلي
+
قطعاتو بزربة معتارضة : لا لا بلاش صيفط ليا غير منين نقطع ليا و لصاحبتي
+
فرنسات جوديا و ناضت تنقز كي لحمقة فوق نموسية
+
بهاء : اصافي دوينا اديمنة تيكي انا غادي نقطعهم على حسابي
+
تبسمات و قلبات عينيها : صافي اسيدي حدد معايا غير لوقية و لبلاصة باش نعرف معاش
+
بهاء (بهدوء) : غدا مع سبعة ديال لعشية و لوكاليزاسيون نصيفطها ليك فميساج
+
ديمنة : صافي اسيدي موعدنا غدا
+
سالات معاه لهضرة عاد قطعات و لاحت تيليفون كتشوف فجوديا لي كلست كتنهج : ياي انمشيو نشطحو
+
خبطات ليها ديمنة على يديها راشقة ليها : ايوى نوضي تكعدي نمشيو للحمام
+
ناضو بجوجات جمعات ديمنة حوايجها فصاك و خلات لجوديا حتى هي الاختيار تهز لي بغات حيث لمشات لدارهم غادي تسد عليها مها و تصدق سالخاها
+
خرجو من دار محملين بصيكان ديال لحمام و سطولة غادي كيدردبو معاهم و متحمسين لهاد ل Gala وصلو للحمام حيدو عليهم شراوطهم و مسلموش من عينين لعيالات عليهم
+
خداو ليهم واحد لقنت حدى روبيني غسلو لبلاصة مزيان عاد حطو فيها قاعهم جبدو تخالط لي كانو عند ديمنة محطوطين فدار كتوجدهم على تيساع
+
حكو لبعضياتهم مزيان محتاجوش طيابات كانو معولين غير على راسهم ، هبطو سالفهم بجوجات كيغسلو و يعاودو لغسلة
+
دوزو تلاتة سوايع و زيادة فالحمام عاد خرجو منو مزنكين من تحميمة بدلو منها جلدة و رخاو عضامهم
+
دخلو للدار سخفانات مشات جوديا نيشان للكوزينة خدات عصير من تلاجة كانت عصراتو قبل ميمشيو للحمام كبات ليها كاس و لديمنة حتى هي كاس تكاو عليه مع كان بارد حيد ليهم سخفة ديال لحمام
+
ديمنة من قوة لعيا غير شربت لعصير و دخلات لبيتها ضرباتها بنعسة مفخمة و جوديا بقات كتفرج فواحد لفيلم تا داتها عينيها حتى هي
+
كازابلانكا casablanca
+
يلاه كيف هبطو من طموبيلاتهم من بعد متفاهمو مع شناقة على ثمن ديال الماشية بحيث دابا رجعو و خاص يقابلو شغالهم بيديهم
+
دخلو للدار عيانين باغين غير يتمحطو بالحق كان باقي خاصهم يتفاهمو على لخدمة
+
كلس جبريل هو لول و فتح واحد لمانيطة ديال لفلوس و هز عينو كيهضر بجدية مع بهاء : ها لكمالة منين يوصلو ليك لبهايم للكوري و تحسبهم و تأكد منهم عطيهم خلاصهم
+
حرك لو بهاء راسو مركز معاه : اكون هاني اجبريل غا هو اصحبي صيفط شي كاميو لي يهز لبهايم فدقة مجاتش كل مرى راجع لعربي هاز خمسة فالبيكوب
+
جبريل : {بقا كيشوف فيه مطول عاد دوى} هاد ساعة كاع لكاميونات خارجين غير يدخل شي واحد انصوني ليك جي ديه و سير جيب لبهايم
+
تكا بهاء مسرح غير تما فصالون : قول ليا باغي ندخل على لكاميونات اش بان ليك نزعم ولا غير نرجع لور
+
جيريل : {دار ضحكة جانبية و حك على لحيتو} ولكانو عندك كثافو و فلوسو دخل اخويا شكون حابسك
+
بهاء : وخاصني فلوس هوما
+
جبريل (بجدية) : بشحال من كاميو باغي تبدا
+
بقا كيفكر مدة عاد رد عليه : مكرهتش ندخل على خمسة ولا ربعة
+
شاف فيه جبريل ديك شوفة ديال من نيتك : نوض تقود اش كتخور كتشوف راسك قادر عليهم راه خاصك ليهم راس لمال هو لول عاد خاصك تكون ولد شانطي لمبغيتيش دار بيك مدخلش فشي حاجة لي كبر منك خليك فتكزارت راه تيقولك تبع حرفة بوك ليغلبوك
+
ناض جبريل من حداه مخلي لفلوس مشتتة فوق طبلة و بهاد براسو مشتت تم
+
دخل لبيتو حيد عليه حوايجو لي توسخو و طلقات فيهم ريحت لحوالا فاش كانو فالكوري مشا دخل للدوش ضرب ليه واحد تحمحيمة رخا بيها عضامو عاد خرج لبس عليه بزربة و مشا تحبد فبلاصتو هاز تيليفونو دخل لانستغرام و بضبط للحساب ديالها لي ولا من بين روتين ديالو خاصو ضروري مرة مرة يضرب عليه شي طليلة
+
ملقاها حاطة والو فستوري عكس الايام لي سبقو كانت ديما اكثيف و كتحط بكترة خرج فخطرة من تيليفون حطو فجنب و تقلب نعس على كرشو غاطس فنعاسو
+
صبح عليهم صباح شادين طريقهم للرباط يقضيو شغالهم بحيث اغلبية المحلات فاتحينهم فرباط ، غير وصلو كلها و فين شدها جبريل مشا يتحاسب مع شوافرية و يشوف شحال ديال رباح دخل و شنو خاصهم انا بهاء خلاص مشا كيطل على لمحلات ديالو و يتطمن عليهم بلي شغال كلهم هوما هادوك
+
“عند لبنات”
+
فاقو تالطناش ديال نهار دارو ليهم فطور و غدا و خرجو مشاو فتحو صالون و بداو كيستقبلو لكليانات و شادين لخاطر تاضربات ربعة ديال لعشية و سدو عليهم داك صالون و بداو كيقادو فشعوراتهم صايبت ديمنة لجوديا مشيطة كتجي أنيقة و دارت ليها ميكاب برز ملامحها و خلاها على طبيعتها
+
سالات لجوديا صايبت لراسها حتى هي ميكاب لي مكان خفيف مكان ثقيل و خلات شعرها على راحتو
+
رماو شال على راسهم و خرجو طرقو داك صالون مزيان و مشاو كيشرعو فخطاويهم تا وصلو للدار متحمسين مشاو بزربة للماريو جبدات ديمنة واحد لكسيوة زرقة كتجي طويلة و معرية من دراع و مشدودة لبساتها عليها و شافت فالمراية بانت ليها فورمتها باينة معيقة و هي ضرب فوق منها عباية كتجي مفتوحة لبسات براسلي ديالها و هزت صويكها فزرق
+
و جوديا حتى هي خدات كسيوة فالماغون بلا دراع و طويلة تاهي جاتها فنة مجات فين ضرب سبعة تكانو سالاو و خرجو لعند اندرايف لي كان كيساين فيهم من بعد معيطو ليه
+
طلعو كيفرنسو مع بعضياتهم و طول طريق ديمنة شاداها ميساجات مع بهاء لي كان فالقاعة كيساين فيهم طفات تيليفون منين تفكرات و هي دور عند جوديا مغوبشة
+
ديمنة : شنو بان ليك غادي يكون حتى هو تما ؟
+
جوديا : و الله و اعلم نتي و زهرك اصاحيبة {سكتات شوية و هي كتشوف فيها ترجعات دوات بشوية باش ميسمعمش دري لي سايك} دابا دخلنا عليك بالله نتي كتشوفي دري حامق عليك و نتي همك كولو هو تشوفي ولد عمو
+
ديمنة : { هزات كتافها بإهمال مامهتماش } مضربتوش على يدو اصحبتي اصلا معتابراه غير صديق شي حاجة اخرى لا
+
جوديا : {شافت فيها و هي تغمزها مسولاها} فش خدام بعدا هاد الاخ
+
ديمنة : { بقات كتفكر لربما يكون قال ليها فاش خدام ولكن والو} منعرف لمو يمكن فايت قال ليا {قربات لودنيها همسات ليها بشوية} غبار
+
جوديا : {حطات يديها على فمها مصدومة و هي دوي بجهد تا هز فيهم دري لي سايك عينو} اويلي باقا لمك غير لغبار و الا ساق ليك لكوميسير لخبار
+
قرصاتها ديمنة مخنزرة فيها و كدوي من تحتها : لجمي فمك القحبة راه روبيني مطلوق و سطل كيعمر و زيدون حتى لساق لخبار يعاودها لمو اش بيني و بينو مراهش ضارب بيا خط زناتي
+
جوديا : غير كملي الا محصلتيش لمك شي نهار و ماملخوكش على هاد تخليطة ديال لخضرة لي دايرة ليهم منتسماش
+
ديمنة عوجات فيها فمها و دوات بتبعكيك : تانتي راه ليهم شرف على هاد تخليطة فيها غير صحاب لبوكو حبة و لبقاء للاقوى
3
جوديا : الله يهديك
+
حبس بيهم الانديرف فالبلاصة لي قالو ليه هبطو كيتعوجو فمشيتهم من بعد مخلصوه دورو عينيهم تا بانت ليهم لقاعة قاطعة شانطي
+
شدو يدين بعضياتهم و قطعوه وقفو قبالتها كانو دي كاردكور فالباب جاو غادي يدخلو تا منعهم لكارد داوي بجدية : انيسات تيكي ديالكم الله يخليكم
+
ديمنة عقدات غوباشتها مجاوباتوش جرات جوديا و دوزت الاتصال لبهاء فالبلاصة لي ناض من وسط بنادم خرج مسكسف على الحالة
+
بهاء من بعد موصلو الاتصال ديال ديمنة ناض بزربة خلا صحابو لي كالس معاهم فطبلة غير كيشوفو ، خرج كيزرب فخطاويه و كيقاد خصلات شعرو بيديه تا قرب للباب ديال لقاعة و وقف قبالت واحد لمراية شاف فراسو بزربة و رجع خرج ناشط
+
وقف فالباب ديال لقاعة كيدور عينو كيقلب عليهم بعينيه تا كيبانو ليه واقفين كيهضرو مع بعضياتهم تمشى بخطاوي ثقالين تا وقف عليهم
+
لبنات غير حسو بشي حد وراهم دارو فالبلاصة لجيهتو جوديا طلعاتو بنضرة خاطفة و بعدت عينيها متلفاهم
+
مدات ديمنة يديها تسلم عليه تا كيجرها من يديها جارها لعندو مسلم عليها بلابيز وسعت عينيها من هاد لجرأة ديالو و دارت عين ميكة
+
من بعد ما سلم عليها تلفت عند جوديا شاف فيها مطول و بان شوية الاعجاب فملامحو مد ليها باش يسلم عليها غير حطات يديها على يدو باش تصافحو تا كيصدمها من هز يديها باسها بكل رقي
+
بهاء طلع فيها عينو و دوى برسمية : نورتينا انسة
+
(تسمع صوت ديمنة من وراه غامزة صاحبتها و كتبسم) جوديا اسمها جوديا
+
عاود رددها بهاء من بين فمو بهمس و تقاد فوقفتو : متشرفين الالة جوديا
+
جبد من جيبو تيكي باش يدخلو عطاهم ليهم و زادو معاه و مرة مرة كيسولهم على احوالهم وراو ديك تيكي للكارد لي فالباب عاد خلاوهم يدخلو
+
كان بهاء وسط منهم و هوما جنبو وحدة على ليمن ولاخرى فليسر بهاء مسكين تلفوه بجوجات غزالات ولكن جوديا هبلاتو خصوصا بحشمتها نسا تا شكون ديمنة وخ هكاك عينو مرة مرة ترمى عليها
+
ديمنة بانت ليها ديك لمراية تشهات فيها شي تصويرة خصوصا ان غادي طلع فيها تصويرة واعرة و مع لبيسة خلاص شافت فبهاء و جوديا بنص عين و هي توقف على غفلة و دوات بزربة هازة تيليفونها بحالا جاتها ابيل
+
ديمنة : شوفو دخلو انا غنلحق عليكم (شافت فبهاء بزربة و رجعت شافت فجوديا) نوصي غير لبنت لي مقابلة ليا صالون و نجي
+
حرك ليها بهاء راسو بواخا و شاف فجوديا حط يدو على ضهرها باش تحرك تا هي دارت فيها شوفة ديال لقتيلة و مشات معاه
+
بقات ديمنة متبعاهم و كتفرنس تا غبرو و دورات عينيها على دخلة مبان ليها حد جاي مسحات لكاميرة ديال تيليفونها و تقابلات مع لمراية كتبوزا و كل مرة واخدة تصويرة فشكل شوية تحمسات سيدة هبطات عليها لعباية من على كتافها و خرجات مؤخرتها شوية قدات تيليفون مع وجهها و جات ترجع خطوة لور تاكتحس براسها تخبطات مع شي كثف بديك لخبطة كانت كليكات تاتشدات تصويرة على غفلة مع كثف داك شخص
+
طلعت راسها مخنزرة خاصها غير معامن دابز لقاتو هو براسو عاقد غوباتشو و مفيكسي عينيه عليها تفحصاتو بشوفاتها مزيان من عينيه للحيتو عينيها مزكاوش صرطات ريقها منين طلعت ريحتو مع جيوب نيوفها حيدات ديك تغوبيشة و هي تزكي فيه شوفة متفحصة ملامحو سيدة زهوانية عجبها زينو جاها على كانتها
+
ديمنة (بصوت رقيق): راك دخلتي فيا
+
زاد لعندها بخطوة و منزلش عينو عليها و بصوت حاد لي زعزعها : و من بعد
4
وسعت عينيها فيه ستفزها و هي مامولفاش تسكت ولكن معندها متقول حدها خنزرات فيه و زادت داخلة لداخل و كتقاد فالعباية ديالها
+
بقا متبعها بعينو كيفاش كتمشا و كتلوز طرمتها من تحت لعباية تا غبرات حك على لحيتو و نطق بهمس : زين لمليح
+
دخل من وراها غادي و خاشي يديه فجيابو دخل للقاعة كتبان لو دنيا عامرة و مخلطة رجال و عيالات جمع تخنزيرتو شاف واحد لقنت خاوي مشا كيتمختر كلس فداك لقنت لي كان تقريبا كيشوف منو كولشي
+
جبد كاروه كيسف منو و عينيه كيقلبو على فريستو لي كانت كالسة فواحد طبلة مقابلة معاه كضحك مع بهاء لي شد كرسي و كلس حداهم
+
ديمنة لي حولات تنسا و تضحك مع بهاء و جوديا ولكن مبغاش يتنسا ليها لبلان لي وقع ليها فدخلة خصوصا فالقمعة لي عطاها غوبشات و دخلت تشوف دوك تصاور كيف طلعو كيف حلت تيليفون كتبان ليها تصويرة لي مرداتش ليها لبال مع كثفو لكبير جات زوينة و مصورة بإحترافية
+
بدات كتبان ابتسامة على فمها من ديك تصويرة حمقتها و طيرات ليها لعقل نغزات جوديا بشوية تا دارت عندها تاهي بدات كتطلق بهاء
+
جوديا : {غمزات ديمنة و هي كتبتاسم} مالك ؟
+
دورات ليها ديمنة تيليفون وراتها تصويرة وهي تحل فمها : واو واعرة لمك كي درتي ليها و منين جبتي هادا لي مصور معاك
+
ديمنة : مغتيقيش انا براسي معرفتش اختي
+
قاطعهم بهاء لي ناض مستأدن منهم من بعد مشاف جبريل كالس فالقنت كيتكيف : هاني جاي البنات نشوف غير جبريل لخصاه شي حاجة
+
ديمنة كيف سمعت ديك جبريل مبقاتش رمشات قلبها بدا كيضرب و عينيها متبعين بهاء لفين غادي مزكلاتوش و تا منين كيدرق عليها شي واحد كتميل راسها متبعاه تا وقف و وقف معاه قلبها لي كان يخبط بجهد
+
حلات فمها بصدمة واش هداك لي عجبها فدخلة و هداك لي قمعها و هداك نفسو مول تصويرة واش كاع هادي صدفة بقات مصدومة لدرجة نسات انها ترمش مستوعبات لوضع تا نغزاتها جوديا
+
جوديا : اويلي فين ساهية
+
ديمنة حطات يديها على فمها و عينيها باقين عليه هو لي كان مركز مع بهاء فالهضرة : ويلي على تحشيمة
+
خنزرات فيها جوديا مفاهمة حتى خرية : امالك البعرة اش طاري
+
ديمنة نزلت يديها من على فمها رجعت حطتها على قلبها و شافت فيها : هداك هو هادا لي فتصويرة و هو نفسو جبريل
+
جوديا : تي فعار الله اش كتخوري شكون هداك لي داويا عليه
+
نعتات ليها ديمنة بزربة بصبعها لي هبطاتو فالبلاصة منين لقاتو كيشوف فيها كيف هبطات صبعها منين شافها كتنعث ليه و هو يحرك ليها راسو ببطئ
+
غمضات عينيها من هاد لموقف و هي عاضة على شنايفها باغا ضرب راسها على هاد دودة لي فيها : ويلي ويلي واش لهاد درجة معند مي زهر
+
دورات جوديا راسها بلا حولا و دوات بهدوء : عاد عرفتيها دابا هاداك هو جبريل ولكن مفهمتش كيفاش بلان تصويرة
+
هزات ليها راسها بأه و فيها لبكية : هو هو لي كنت عليه نقلب (سكتات كتغبن بلا دموع غير صوتها قادي لغراض) ياختي كنت تنتصور ما بيا معليا تاكيدخل فيا ولا منعرف انا لي دخلت فيه ايوى تشدات تصويرة معرفتش ايمتا احتى حليت تيليفون لقيتها فيه
+
جوديا : و مالك كتغبني راه عادي مطرا والو
+
قربات ليها ديمنة و هي مصغرة عينيها : فنضرك يكون عرفني
+
جوديا (بجدية) : و دابا نوغمالمون ممكن يكون عرفك و يكون كاع حفض وجهك
+
فرنسات ديمنة و دورات راسها كتسرق فيه شوفة حققات فملامحو مزيان مباينش عليه عمرو كيبان صغر هبطت عينيها لكثافو لي خلاوها فالاول يجيها لفضول باش تشوف وجهو هبطت بشوفتها ليديه لي كانو عامرين عروقة غلاض و بارزين بالبيان عضت شفتها سفليه و هزت عينيها تا كتلقاه حاط عينو عليها
+
تقول سيدة حشمات و نزلت عينيها لا بالعكس عاد مبقات مفيكسية فيه شوفة و هو كذالك هبطات عينيها على تيليفون لي كان باقي بين يديها و دخلات ديريكت للانستغرام حطات ديك تصويرة فسطوري من بعد محيدات بهاء و لكوميسير و شي وحدين ميشوفوش سطوريها من غيرو هو لي فهاد لحضة رمقاتو بنضرة خاطفة و رجعت كتشوف قدامها فشيخات لي بداو كيسخنو طرح كيستعدو باش يبداو ليلتهم
3
بقات مجمعة مع جوديا و عينيها مرة مرة كيفلتو ليه و كتشوف كلستو رجولية و كيفاش كيحرك يديه منين تيكون كيهضر حسات بواحد الكمية ديال الرجولة فيه لي بزاف
+
تشتت تركيزها منين طرح سخن عند شيخات و ناضو العيالات كيشطحو شافت فجوديا زعما راهم دايرين عقلهم تا بدا بنادم كيسخف عاد ناضت جوديا كتعوج فمشيتها تا وقفات عند شخية علقات ليها 200 درهم و زادت عند لمغني همسات لو بسمية الاغنية لي بغات تا هوا مبخلش عليها فالبلاصة بدا كيغنيها ليها
+
ضحكات ديمنة بجهد منين سمعات ديك الاغنية و ناضت بلا هواها لعندها كتمخر و خيرها كيتهز وراها غمزات للشيخة لجيهة لموزون لي محزمة بيه ، بدات شيخة كتحيدو من عليها و مشات دوراتو على ديمنة عاطياها لخاطر
+
بدات ديمنة كتمايل مع انغام شعبي و عطايا للشطيح حقو و فكل مرة كطلع جرة كتزاد لادوز ديال شطيحها و خيرها كولو كيتهز تا شدوها لهوايش منين سخنات نيت مكيبانو غير شعوراتها هي و جوديا كيتهزو لسما و مع شعرهم طويل و قوي مكيبانو غير هوما فوسط لحضور جا بهاء شدهم بجوج خايف ليدوخو و يصدقو طايحين ليه تما
+
بردو غدايدهم فشطيح تا شبعو عاد كلسو كينهجو و معاهم بهاء لي هو براسو سخفوه قبل متكلس ديمنة حيدات عليها ديك لعباية تبقا غير بالكسيوة و كلسات كتسوط على راسها و كتنهج
+
شاف بهاء فجوديا طانز عليها : مقالتش ليا ديمنة عليك راك شيخة
+
شافت فيه جوديا بنص عين و شربت من كاس ديال لما عاد ردات عليه : شيخة و كنشطح لقرودة معايا
1
ضحك بهاء على هضرتها دار عند ديمنة : مصدقتيش سويهلة ادويمنة
+
ديمنة : نطق سميتي مزيان اصديقي راه غنخسر معاك
+
عيبها بهاء و رجع تلفت عند جوديا : تي ما معاك هضرة ها تبوكيسة لي شادة ليا لخاطر
+
بقا مطلعها و طانز مع جوديا انا ديمنة فهزات تيليفونها دخلات ضرب طليلة على سطوري تا كيبان ليها سيد دار ليها فولو و شاف ستوري و مريبوندي عليه معرفت تفرح ولا تبكي داخت و تلفات هزت فيه عينيها ملقاتوش فبلاصتو بقات كتقلب عليه والو كيصحاب ليها مشا بحالو تنهدت و رجعت كتحقق ردات لو فولو كتسنا يقبلها و مشات دخلات للميساج
+
لقاتو كاتب ليها “مسحي لافوطو” دارت عين ميكة و حيدات ديك vu باش ميعرفهاش واش قراتو
2
ناضت من حداهم كتسوط سولات بهاء على طواليت و زادت مخلياهم هبطات لتحت كيبان ليها باب مشروك دفعاتو و دخلات كيبانو ليها حمامات لداخل مشات هي للفابو وقفات قبالت لمراية جبدات من صاكها عكرها عاودات ديك تعكيرة مزيان و عطات لراسها قبلة فالمراية و حنات راسها كتخشي داك لعكر فصاك و كتسمع لباب تحل و تعاود تسد و شي انفاس بداو كيقربو منها هزت عينيها فالمراية كيبان ليها هو نفسو جبريل جاي داخل بشوية عليه تا وقف خلفها مباشرة
3
يتبــــــــــــــــع …
+
+
