𒊹︎ فِــي حُــضــن الــأرْبَــعِــيــنِــي
+
بــــقــــلـم : Nouhaila Nno
+
PART 𝟑
+
جبريل كان سايق بسرعة مفرطة ملامحو مشدودين و عينيه كيتنقلو بين الطريق و ديمنة لي كان كيتسمع غير صوت شهقاتها
+
توقفات سيارة قدام لكلينيك هبط كيسرع فخطاويه دخل و رجع خرح جار باياص وقفو قدام لباب ديال طموبيل لي كانت فتحاتو جوديا هزها بزربة حطها فيه و دفع بيها تالداخل و جاو كيعاونوه لفرمليات لي دخلوها لغرفة الإنعاش
+
جبريل بقى واقف على الأعصاب كيتسنى شي خبر يطمنو عليها …
+
لوقت كان كيدوزو ثقيل عليهم و نوما معندهم خبار عليها و خصوصا هو لي حمل راسو دنب .. مازال واقف فبلاصتو كيعض على شفايفو وعينيه ما كيتحيدوش من باب غرفة الإنعاش.
+
حدا جوديا لي مقلقة و مصبرة راسها غير بزز و شابكة يديها فبعضياتهم
+
جوديا بصوت مخنوق : مسكينة صحيبتي جاب الله جيث فالوقت لمناسب
+
جبريل بلا ما يجاوبها غير تنهد بعمق ودور وجهو للحيط كيزير على يدو
+
دازت ساعة كاملة دازت عليهم ثقيلة بزاف عاد خرج الطبيب لي كان باقي صغير و وسيم كان وجهو فيه ملامح من الارتياح
+
الطبيب بصوت مطمئن : الحمد لله، تجاوزات مرحلة الخطر حالتها استقرت، من الأحسن تنقص من المأكولات ديال زنقة و تولي تاكل ماكلة صحية
+
جبريل زفر بارتياح، هز لو راسو شوية و رجع هز فيه عينيه : شكرا
+
جوديا بفرحة : شكراً دكتور، الله يجازيك بخير
+
الطبيب بإبتسامة : تقدرو دخلو تشوفوها ولات فحالة احسن
+
تحرك جبريل بخطوات سريعة ناحية لغرفة دخل كيدور عينيه تا طاحت عليها ملقية فوق سرير و وجهها شاحب ، عاد قبيلة كانت كيف لبلارة، ساط ريح من فمو منين دورات وجهها لجيهتو قلبات عينيها لجيهة لاخرى
+
جبريل قرب ليها بخطواتو تولا مقابل معاها و مفيكسي عينيه عليها : باش كتحسي
+
طلعات فيه عينيها مدوخة : سير بحالك نتا سبابي
+
زاد بخطواتو تا كلس حداها و قبط ليها يديها : ديمنة برب لعالي تا غادي نطرق لجدهم دوك لكروسات
+
ديمنة افأفات و خسرات ملامح وجهها : ها حنا غنشوفو دابا بغيت غا نخرج من هنا تخنقت هاو
+
هز عينو لناحية سيروم بان ليه قرب يسالي ورجع عينو لجيهتها : شوية و نخرجك صبري غير يسالي سيروم
+
حركات لو راسها بواخا دورات راسها لناحية لباب لي سمعاتو تحل ، بانت ليها حوديا لي داخلة و مبتاسمة
+
بالكاد تبسمات ديمنة ، اما جبريل شاف فيها و جمع وقفتو ناطق بهدوء : انا برى شوية و نجي عندك
+
تلفت خرج خلاهم بجوجات بقات متبعاه بعينيها تا سمعات لباب تسد و هي تنوض كي لعودة حيدات داك سيروم مخليا جوديا واقفة مشوكيا فيها
+
جوديا بصدمة : اش كديري ابنت الهم
+
خنزرات فيها ديمنة : سكتي اصحبتي دبا يسمعنا
+
جوديا قربات ليها بزربة : وا فهميني ياك عاد كيف كنتي مغطة فالفراش و كتموتي
+
بتسمات ديمنة و ولات كتفرفر بعينيها : يموت عدويا و لي ميبغيني تي راه غا كنت طانزة
+
جوديا خرجات عينيها و حلات فمها گتنگر : واش مريضة ابنت ل
+
زربات عليها ديمنة شادة ليها فمها و كتوشوش : سكتي غا لي بغا يدير شوية لومبونيس فالحياة تعيسة
+
جوديا هبطات صوتها كتهضر بوشوشة : الله يحرق طواسلك اليهودية غير عليميني تفو طيرتيها مني خلعة تا طاح مني طرف قدو قداش من شحال و انا نربي فيه
+
كلسات ديمنة فوق سرير و هازة راسها فجوديا كتفرنس : قولي ليا (غمزاتها متحمسة) اش بان ليك خاف عليا ولا دار غير لواجب
+
صغرات فيها جوديا عينيها مستغربة : جاوبيني انا لولا بعدا لاش درتي هاد لمسرحية الالة
+
ديمنة حكات يديها مع بعضياتهم بحال دبانة : على والو غير هو تزقرم على لفلوس ديال لعشا
و جبتو صرفتهم ليه فطبيب
2
جوديا حطات يديها على فمها مامتيقاش : ها حاي ياربي نكون غا كنحلم و داك لوجع و طبيب ابنت لقحبة
+
ديمنة بإبتسامة : ديال ليغيكل و طبيب غميزة كانت كافياه باش يكدب
+
جوديا بإستسلام : و الله يعطيني وجهك اختي قهرتيني منين كتجيبي هاد لفعايل منين ؟
+
ديمنة : نوضي نوضي احوبي قولي ليه يجي يخرجني من هاد سبيطار
+
ناضت جوديا كدور راسها بلا حولا يلاه قربات للباب و هي تعيط ليها ديمنة تلفتات لعندها مغوبشة: امالنا
+
شيرات ليها بيديها : صبري صبري الويل خليني نتقاد فبلاصتي
+
تسرحات فوق سرير و خدمات مود تمرضين و شافت فجوديا : يلاه سيري احبي
+
خرحات جوديا عيطات عليه و بقات هي برى كتحاول تستوعب فعايل ديمنة ، اما جبريل فدخل لعندها
غير حسات بيه قرب لعندها و هي تهز عينيها فيه مدبلاهم : عفاك خرجني من هنا مبقيتش قادرة نكلس مزال
+
جبريل : مبقاش فيك لوجع ؟
+
دورات لو راسها بلا : لا مشا مبقاش
+
زاد قرب بخطاويه و مصغر فيها عينو : متأكدة
+
ديمنة فعفعها بشوفتو ولات تقول واقيلة عاق سرطات ريقها و رجعت نطقت : مية فالمية وليت بيخير
+
مد ليها يدو تقبطات فيه و نوضها بشوية و شوفاتو فشكل شككها فراسها : يا ويلك اديمنة و نلقاك تكذبي
+
قطبات حجبانها و خرجات صنطيحتها : فاش غنكدب مثلا
+
جبريل طول فيها شوفة و نتر ليها سيروم من يديها منوضها : شوفي نتي
2
ديمنة تزاد معاها زايد ولات غا كتهرب عينيها … خرجو من لغرفة لقاو جوديا خرجات لبرى واقفة جنب طموبيل حل ليهم طموبيل طلعو و رجع هو دخل باش يقاد شي وراق
+
وقف فرسيبسيون تا جات عندو لموضفة خدات من عندو لمعلومات و كتسجل فيهم بشوية عليها تا جات وحدة لفرمليات وقفات حدا لموضفة طلعاتو و هبطاتو كتمضغ فالمسكة
+
طلع فيها عينو مخنزر و هي تزرب عليه بإبتسامة : ميكون باس عند لمدام
+
حرك ليها جبريل راسو بإحترام و رجع حنا راسو متبع مع لموضفة تاكيعاود يسمع صوتها : قول ليها تحاول ما أمكن تبعد من على لبرودة
+
جبريل شاف فيها بإستغراب : علاش لبرودة اشمن علاقة عندها بتسمم
+
لممرضة : لا اسيدي راك واقيلة فاهم لموضوع غلط لمدام معندهاش تسمم هادا غير لوجع ديال ليغيكل داير ليها ديك لحالة
7
جبريل عض حنكو من لداخل و دور يدو على لحيتو لخفيفة وقع بزربة على لوراق و خلص ..خرح صاعر من سبيطار طلع فطموبيل مخنزر معاجبو حال شوفة هي لخرى مدارهاش فيها
+
قلع مكسيري مخليها كتشوف بإستغراب و جوديا كثر منها مدوى ما تكلم ، موقف طموبيل تالعند درب فرانا بجهد تاتحكو روايض مع الارض
+
هبطات جوديا هي لولا عاد شافت فيه ديمنة عاقدة غوباشتها و راسها ضارها : مالك اش واقع
+
جبريل بلا ميخسر فيها شوفة : هبطي بحالك اديمنة
+
ديمنة : (بتعجب) كتجري عليا ؟
+
جبريل : (زير على قبضة يدو و كيهضر من تحت سنانو) ديمنة هبطي تقودي بحالك
+
ديمنة : (بعناد) لا مهابطاش يلاه جري طوالك
+
جبريل طرطق عنقو يمين و شمال و نزل من طموبيل حل لباب من جيهتها و جرها من دراعها بجهد تا هبطها و زدح لباب بجهد و رجع خبط ليها ضهرها خبطها عليه و نفسو كطلع و تنزل : اشنو حاسباني ابنت لقحبة، مومو كنرضع صبعي ؟
+
ديمنة : (بثلعتم) علاش مالك شنو واقع
+
جبريل : (بجدية) تسممتي ياكي ؟
+
ديمنة :(بلعات ريقها و عينيها ولاو كيلعبو فبلاصتهم و نطقت برجفة منين عرفات راسها زبلاتها) احمم هانتا شوف دابا انا (سكتات و رجعت دوات) دابا انا …انا
+
جبريل كانت غير ما كتزيد تصعر فيه تا شدها من فكها و كيهضر مكشكش : نتي شنو ابنت لقحبة شنو كنتي غادي تحرمي رزق عباد الله اشنو دنبهم هادوك
+
ديمنة بداو دموعها كيتجمعو فعينيها و لهضرة تخلطات ليها : انا غا حشمت نقول ليك هداك لوجع ديال لغيكل
+
جبريل : (خرج فيها عينيه و كيهضر معرعر) و فين عمر زامل بوك حشمتي منين كطلعي مزلعة صدرك قدام لكاميرة عادي و منين كتشلقمي من لفم تا هو عادي و تا منين كتخبط لزامل بوك طرمة تا هي عادي تاللغيكل عاد حشمتي
+
ديمنة حنات راسها و ولات باغة غير سلة بلا عنب : مقصدتش
+
نثر منها جبريل و مسح على وجهو ساخط : خوي ساحتي اديمنة
+
هزت فيه عينيها و ضاربة طم رجع بخطواتو مشا طلع فطموبيلتو و زاد مكسيري مخليها من وراه متبعاه بعينيها ، جات عندها جوديا گتنكر : صافي اشيخة زيدي دخلي زيدي
+
جراتها معاها تادخلو للدار مشات ديمنك كلسات فصالون و كتعض فضفارها و كتفكر فشي حل اما جوديا بدلات عليها حوايجها بالخف و جات كلسات حداها مخنزرة
+
جوديا : (بجدية) ديمنة هادا ماشي كيف لي سبقو عندو غا نيشان
+
هزات ديمنة كتافها مامسوقاش و كتفكر غا فحريرتها : عادي اجوديا غا بحلاوة لسان لكان سبع يولي ضبع
+
جوديا :(بتفكير) منضنش اختي هادا صعيب شوفي غير كدبة بسيطة و اش دار و عاد مبيناتكم والو و تخايلي معايا تكون بيناتكم شي حاجة و يعرف سرك المدفون
4
ديمنة عقدات حجبانها طالع ليها دم من هاد سيرة : لسديتي نتي فمك معندو منين يعرف اجوديا
+
جوديا : انا سادة فمي الخرى
+
ديمنة بسهوة و بلا متحس تنهدات و تكات راسها على كثف جوديا : فنضرك ممكن نرجع نشوفو مرة اخرى ؟
+
جوديا حطات يديها على شعر ديمنة كتمسح ليها عليه بحنان : ممكن علاش لا و ممكن كاع نخلقو صدفة باش تلاقاو همم
+
هزات فيها ديمنة راسها و مصغرة عينيها : لوحي هضرتك ابنتي قولي اش عندك
+
جوديا بتفكير : غنشوف مع بهاء يعاونك
+
ديمنة حيدات راسها من على كتف جوديا موسعة عينيها : نعام نعام و هو اش دخلو فالموضوع
+
حوديا عودات جرات ديمنة لعندها و كتهضر بجدية : و هو لي يقدر يوصلنا ليه اصحبتي بلا بهاء معندنا منين نوصلو ليه على الاقل ناخدو منو غير معلومات
+
ديمنة بسخرية : واش كضني بهاء شي واحد لي غشيم و ناعس على ودنو( شافت فيها بجدية و رجعت كملت) متشوفيهش اجوديا كيضحك و يقشب و تقولي احكا ساهل نضحك عليه(دورات راسها بلا و كضحك) لا احبيبة هاداك طولانطي ولايني ميبانش قدام ضخامة ديال جبريل
+
تنهدات جوديا نايضة من جنبها و كتمشي و تجي : عرفت عرفت اصحبتي ولكن ضربيه على حسابي اصلا راه عارضني غدا للغدا و نلقط ليك منو فين ممكن يكون حبريل
+
جمعات ديمنة لوقفة غادك داخلة لبيتها و كتهضر : ان شاء الله يالله احوبي بونوي (لاحت ليها بوسة فالهواء و دخلات تنعس)
+
اما جوديا هزات تيليفونها و تكات فوق لكنابي و دخلات تكونيكطا مع بهاء ولات كتحس براسها بحال شي مراهقة ، دازت ساعة و جوج و تلاتة و هي باقا قارقة على تيليفون شادة ستون معاه بدون ملل و غير يتعطل عليها بدقيقة ميجاوبش تغوبش تا كيجاوب و كتمشي تغبر عليه و ترجع تدوي معاه عادي …
+
دازت عليهم ليلتهم كلا و فين عاطي راس ها ديمنة لي شاف حالتها قبيلة يقول مغاديش تنعس من كترة تأنيب ضمير ولكن معامن هوما سيدة غير دخلات لبيتها كلسات قدام لمراية تزينات و تصورات تصيورات جداد حطات سطوري عاد حطات راسها تنعس على عكسو هو لي غير قلع بطموبيلتو ما وقف تالعند لبارطمون لي كان شراها عاد مؤخرا
+
دخل لاح سوارت ديال طموبيل فوق واحد طبلة ديال زاج كانت فدخلة ديال لباب و كمل بخطاويه دخل للغرفة ديالو لي كانت بتصميم رجولي غالبين عليها الألوان الغامقة و كانت سامبل ، حيد عليه حوايجو و بقا غير ببكسور لاح لحوايج فسلة لوسخ و دخل لدوش بضبط لتحت رشاش وقف تحت منو و ما كيهبط ليه على راسى لي كان كيفور محبسش من تفكير
+
سخن عليه راسو بزااف مرضاش و متصرطاتش ليه تردو حمار فدام بنادم و تخلي طبيب يجي يكدب عليه مبغاتش دوز ليه بالمرة و عاد دنب ناس لي كان غيحرم عليهم رزقهم لولا لفرملية لي دارت خير بلا متحس
+
غمض عينو كيحاول يتناسا الامر و ميعطيهاش اهمية ولكن عقلو والو خدام و مكتجيه بين عينيه غير صورتها خبط يدو مع لحيط و كيسب فخاطرو تا خرج من تحت لما لوى عليه فوطة و خرج كيقطر ، مشا لبس عليه غا شورط و بقا معري صدرو
+
خرج من لغرفة لخطوة كيدير فيها جوج ،
مشى دخل للكوزينة خدا قرعة ديال شراب و كاس طويل
+
ورجع بخطوات ثقال للصالون جلس فوق الكنايي لي كان فرمادي حط الكاس فوق طابلة خشبية قدامو و كب قطرات حتى عمر لو لكاس
+
عينيه كانت مشدودة على الواجهة الزجاجية الكبيرة كانت فحال حيط ديال زاج كيبين مدينة رباط من لخارج و ضواوها لي منورينها فضلام ليل للحضة حسد لمدينة على لهدوء و سكينة لي فيها عكسو هو لي راس راسو و عامر صداعات
+
شد الكاس بيدو و بقا كيدوروو كيشوف بعيد و كيفكر لمدة
+
كيفاش قدرت توصلو لهاد الحالة ؟ كيفاش خلاها تضحك عليه؟ او بالأحرى كيفاش لعبات عليه لعشرة و خلاتو يتخلع عليها و يدير ليها حساب
1
هز عينيه للزاج بان وجهو فانعكاس ديال زاج شرب رشفة خفيفة من الكاس و زفر من الأعماق وبقى هكاك… ساكت، والليل غادي برحالو
+
هز تيليفونو بين يدو يطل على ساعة تا كطلع لو نتيفيكاسيون ديالها بلي راه حطت سطوري، بقا كيشوف مدة قصيرة تا دخل يرضي فضولو و يروي عينيه كيف ولفهم فالليالي لي سبقو
+
شرب من كاسو و دخل لداك سطوري ضرب على تيليفون باش مصورة كان هداك لي عاد شراه ليها بلا ميحس فلتات لو ضحكة خفيفة من بين شفايفو و نطق منغم : شيخة عمرها تنسى هزت لكثف
2
خرج من ستوري و دخل عاود للكونط ديالها كيف ولف ديما كيبقا يتفرج فتصاورها من لول حتى للخر بدون ملل او كلل ، طفا تيليفون و ناض من على لكنابي و حط كاسو فوق طبلة دخل لبيتو تلاح مفرش فوق سرير مسرح عضامو تا داتو عينو .
+
يتبــــــــــــــــــع…
1
