𒊹︎ فِــي حُــضــن الــأرْبَــعِــيــنِــي
+
بــــقــــلـم : Nouhaila Nno
+
PART 𝟔
+
غا صبح صباح ناض جبريل خلا ديمنة ناعسة و غارقة فنعاسها و خرج على نبوري يخوي سلعة فديبو ستغرق نص نهار تاللوحدة عاد سالا و جبد تيليفونو بدا كيقلب على نمرتها و دوز ليها الاتصال مرة و جوج و والو مكتجاوبش عقد حجبانو مستغرب
+
تحرك فطريقو خدا لغدا امبورطي و زاد للبارطمون مكسيري ، اما ديمنة فاقت تاللحداش كتكسل و كتحس بعضامها مدكدكين عليها قول كانت باتت واكلة قتلة ديال لعصا
+
ناضت من فوق سرير خرجات تدور عينيها على دار مستغربة خصوصا مكتسمعش حسو ضربات على صاكها محطوط مشات بزربة خدات منو حوايجها دخلات حطاتهم فالبيت و مشات زادت بخطواتها تاتقلب على دوش تا لقاتو جا فالقنت دخلات حيدات شراوطها و وقفات تحت من رشاشة مستمتعة بالما نازل عليها
+
مخرجات تا طلقات من عضامها لوات عليها بينوار كان فدوش و خرحات كتمشا على طرف صباعها تادخلات للبيت
+
كتنشف فشعرها بفوطة كلسات فسرير و مقاتلة مع شعرها و كرشها كتغوت عليها بجوع زكات بحركاتها منين سمعات ساروت كيدور فالباب شافت فراسها عادي ما فيها ميتعاب حنيكاتها و حمرين من دوش و غير مقال ليها عقلها حطات لفوطة جنبها و ربعات رجليها كالسة كتشوف فالحيط ساهية
+
جبريل دخل حط لماكلة فوق طبلة و سوارت معاهم تا تيليفونو و مستغرب فواش باقا ناعسة
+
دخل بخطاويه لكبار للبيت كيقلب عليها بعينو بانت لو كالسة ببينوار ديال دوش و كتشوف فالحيط بصمت عيط ليها بصوتو و والو مجاوباتوش بقات عينيها غير فالحيط كلس جنبها كيشوف تا هوا فالحيط واش فيه شي حاجة جابت لو شك و تبرزط عيا ميحقق مكان والو شاف فيها و هو يمد يدو قدام عينيها طرطق صباعو عاد حولات عينيها لجيهتو
+
جبريل : مالك فاش كتشوفي
+
ديمنة بدات كتحاول تهضر ولكن كانت بحال شي واحد زيزون غير كتخربق : هنن نههنن هنن
+
جبريل حس بقلبو تهز و تحط شد ليها فمها و مخرج فيها عينو : دوي مالكي اش طاري
1
ديمنة هزات يديها كدير حركات و اشارات قدامو و كتهرنن ، مد يدو لناحية فمها فتحو و قلبو كيخبط بجهد
+
خشا يدو ففمها لي كان صغير حلو و مخرج فيها عينو : دوي نطقي اديمنة الله يرضي عليك
+
ديمنة كتحرك راسها بلا و كتحاول ما امكن دير مجهود : هننن جبهنن
+
رخا منها و ناض شاد على راسو كيدور فالبيت تالف ما عرف مايدير ، ديمنة بعدات عينيها عليه و فالداخل ديال كتموت بضحك ولكن غير جات عينيها عيله و هي طلقها بضحكة مكركبة تاتلفت عندها عاقد حجبانو
+
جبريل : لا اديمنة لا
2
ديمنة كتخبط بضحك فوق سرير لدرجة كرشها ضراتها تهز لبينوار تا بانو فخادها، جبريل شاف تا عيا و خرج زادح لباب مخليها منشورة فوق سرير تارجع دخل و هاز فيدو شي حاجة
+
جرها من يديها مزير عليها و هي عينيها مضببين عليها بقوة ضحك كانو دموع سالو ليها : ناري طيرتيني لهاد درجة كتخاف عليا
+
رجعات طلقاتها بضحكة خلاتو عض على شفايفو مغزف عليها محس تا شدها من فمها مزير عليها بجهد و بديك لفقصة لي ركبات فيه شد لكولا لي كان جابها معاه منين خرج و عاود رجع
+
خرجات فيه ديمنة عينيها و باغا غا دوي ولكن مزير عليها بدات كتحرك راسها بجهد كتنتر ولايني جهدو مدوبل عليها بالأضعاف فرق ليها شفايفها بصباعو و بدا كيكب لكولا عليهم تا شوطاتها ففمها خلات دموع يسيحو من عينيها
2
طلق منها من بعد ما لصق ليها شفايفها بالكولة خلاها كتهرنن و كتنقز غا راسها كيف شي مجنونة
+
جبريل ببرود : بغيتي غير تزيزين نديروه ليك على قد فمك الالة
+
ديمنة حاطة يديها على فمها و تا من شهقاتها مخنوقين : هممم هنن
+
صوتها مبقاش فين هو لفم لي دوي بيه مسدود هزات فيه عينيها لمدمعين كلسات على سرير خشات راسها فالمخدة كتبكي و تعطي لقلبها , خلاها و خرج من لبيت خلاها كدمع دخل لكوزينة قاد ليه قهوة كحلة و مشا رجع دخل كلس قدامها فرق رجليه برجولة و حط كاسو ديال لقهوة على طبلة و عينيه على كسدتها لي كتهز و تحط بتنخصيص جبد من جيبو كارو بدا كيكمي على صوت بكاها
+
سف من كاروه و مقصح قلبو من جيهتها قلب عينو بان ليه شرجم منفس و رجع ليها عينو كيف كالسة مسفحة لابسة غير بينوار لي غادي يرجع عليها لبرودة ناض بخطوات بطيئة سد شرجم و رجع بخطاويه كلس تا كمل على خاطر خاطرو كاروه و بدا كيرجع لو لمزاج عاد ناض لجيهتها جرها من يديها : مالنا لاش لبكا
+
ديمتة فين هو لفم باش تجاوبو بقات غكتشوف فيه و كتهرنن
+
جبريل جرها معاه تا خرجو من لبيت و دخل بيها لحمام طلق لما سخون فلافابو و جابها وقفها قدامو جمع ليها شعرها بيدو بخفة و هي غكتشوف فيه من لمراية و كتسب فالداخل ديالها
+
مد يدو قاس لما لقاه سخن دور عينو مبانت ليه غا واحد صابونة فزكها و شد ليها راسها هبطو على لفابو و بدا كيفرك ليها فمها بصابون و فنفس لوقت لما سخون بدات تتفركل ليه حيث قصحها بالمعقول
+
مطلقها تا سمع غواتها عاد رخا منها مغوبش سد لما و بقا كيشوف فيها كيف مخنزرة حك ارنبة انفو داوي بجدية : شتي ضحك لبناية فين كيوصل
+
ديمنة كتحس بودنيها كيصفرو عليها ساطت بجهد و هي تلاح لو على يدو خشاتها فوسط فمها كتعض لعلى و عسى تبرد
+
جبريل معرف منين تسلطات عليه غمض عينيه بألم من عضتها و خلاها تا بعدات على خاطرها كتنهج و كتشوف فيه مفقوصة : اعععع مسطي ولا مالك دابا كون طرات شي حاجة لفمي باش غنبقا نبوس و ناكل
+
جبريل كارز على فمو بتحدير : ديمنة
+
فين هي ديمنة راها خاشية وجهها فالمراية كتأكد من فمها و هي تلفت عندو فيها لبكية : جبريل بوسني الله يحفظك مكنحسش بفمي
+
جبريل دار فيها ديك شوفة ديال من نيتك هز يدو قرصها من قنانفها تا نقزات من بلاصتها شادة عليهم : هاهوما حسيتي بيهم (عطاها بضهرو خارج ) دوزي تلبسي شرواطك و زيدي تاكلي لباغا تاكلي
1
ديمنة شافت فضهرو لعريض و غمضات عينيها : اححح على قرصة سير بغيت ليك دقة (ضربات على فمها بشوية) اويلي مالي تسطيت لا لا الله يخليه بصحيحتو
+
خرجات من دوش ضربات عليه كالس كياكل و كيتفرج فتيليفون مامسوقش ليها ، دخلت هي للبيت لبسات عليها بالخف حوايجها و خرجات كلسات جنبو بدات تخشي فوجهها و مرة مرة كتخشي راسها معاه كتشوف فاش كيتفرج
+
بدات تدوي و فمها عامر عليها : قول ليا كاين فين نتنزهو ولا والو
+
جبريل دور ليها راسو صرط دغمتو على خاطرو عاد غمزها : على الالة فين ناوية
+
ديمنة لعبات بالماكلة ففمها عاد صرطاتها : نخرجو ياك لخدمة و ساليناها (خرجات عينيها فيه و هي ضرب يديها مع بعضياتهم) ويلي ويلي نوض نوض لكاميو ختص نمشيو نخويوه من سلعة نسينا راسنا اشريف
+
جبريل بهدوء: كلسي كملي ماكلتك
+
ديمنة: ياودي غا نوض لخدمة هي لولا
+
جبريل شاف فيها مقندش : مال طواسل مك مكتصنيش دوزي تكلسي سلعة تحطات عند ماليها فسبعة صباح
+
ديمنة هزات كثافها و رجعت تاكل : و قولها من لول طيريتها منا خلعة كان يسحاب ليا غير غيجري عليك لباطرون
+
سكتات مدة منين شافتو مدواش و هي ترجع ناطقة لي فيها ما مهنيها : جبريل متقولش ليا جينا تالوجدة و منخرجوش نتنزهو و نطلقو رجلينا
+
جبريل فرعات ليه راسو مكرهش كون يرجع بيه زمان لور و كاع ميهبط للمغرب : الالة غا كولي و يكون لخير
+
ديمنة غا قال ليها هكاك و هي تحني راسها ما عودات هزاتو تا سالات و هي تجمع لوقفة و حاطة يديها على خصرها و كضرب رجليها مع الارض : يلاه هاني واجدة
+
جبريل ناض تاتقابل معاها : نتفاهمو من دابا بلا متبقاي طرطاي
+
ديمنة : لا لا كون هاني
+
زاد هز سوارت و تم خارج و هي وراه كضحك في صمت زدحات لباب من وراها و تبعاتو لقاتو يلاه هبط سانسور طلعو و عينيها خرجو لقلوبة منين بان ليها كولو من بالمرايات جبدات تيليفونها بزربة من جيبها و مكيبان ليها لبلان غير فجبريل لي عاطي بضهرو للمراية حولات متلفتش الانتباه و وقفات من وراه خدات بزربة تصويرة باين فيها ضهرو معاها
+
بقات كتبوز تا دار لجيهتها مصغر عينو منين بدا كيسمع صوت تصوار : مبغاتش تحيد منك لبلية ديال تصاور بلا اذن
+
ديمنة خرجات صنطيحتها و بوجهها حمر : مالي صورتك صورت غا راسي
+
بقات كتفرفر بعينيها محسات تا خطف ليها تيليفون من يديها خلاها كتبرقق فعينيها : ايهو ارى ارى تيليفون اجبريل
+
جبريل علاه لفوق و هي كتهز على صباع رحليها باغا تاخدو بالحق كان طويل عليها بزاف : بلا منقلب مصوراني ولا لا
+
ديمنة باقا كتعلق و داوية مامستسلماش : علاش غنصورك اش غندير بيك ارى تيليفوني
+
جبريل هز راسو و بدا كيدوز تصاور و هي كتبلع ريقها و باغا تفك من مصيبتها ، و معندها بو حل غمضات عينيها لاول مرة تحس بالاحراج سيدة هي و ستغربات من راسها منين نزلات راسها و حناكها بداو يحمارو منين نزل عينو لجيهتها و شوفتو بحال تيقول ليها حصلتي
+
وقفات فالقنت و مربعة يديها تا هزات راسها منين سمعات صوتو : زيدي قربي للهنا
+
ديمنة نخلاتو و تنفخات عليه ديال بصح و كتهضم فمطرا تا كتحس بيدها تجرات و جات مزدوحة مع صدرو هزات راسها و هي مخشية فيه و هي تسمع تشك شافت بإستغراب لقات سيد كيتصور معاها
+
جبريل نزل ليها عينو لقاها مستغربة : لكريسونة ديالي كلها تبغي تصور و نعطيها بضهر مجاتش اولا
+
ديمنة عضات على فمها و بدات كتسلل ابتسامة على فكها و هي تقاد فالبلاصة و بقاو كيتصورو بجوج بيهم تاتحل باب سانسور خرجو بلا ميحسو مقابطين يديهم مع بعضياتهم و كيشوفو فتصاور بحال اي كوبل حتى وصلو للكاميو حل ليها لباب و عاونها طلع و زاد هو طع من جيهة لاخرى تحرك للوجهة
+
طريق كلها و هي قالبة ليه راسو بالهضرة ، تا كينخلها و يخليها تهضر راسها عاد تطفا و كتهز تيليفون تميساجا مع جوديا … دوزو بيناتهم سوايع و هوما كيدورو فشوارع وجدة تا ختمها منين وقف لكاميو قدام مول و هبط هو وياها شابك يديها مع يدو و هي لي كانت يديها مقارنة مع يدو صغيورة بزاف كان جامع يديها كيف لكميشة ولكن منضرهم بجوج كيبان متناسق بزاف خصوصا هي كان معاونها شوية طول و فورمتها مكيبانش عليها امرأة لي مبقا كيفصلها والو على ثلاتين
2
دخلو متشابكين لإيدين داها لجهة لي فيها لمكياج خلاها تاخد لي تشهات خاطرها لدرجة حاجة وحدة كتشري و كتعاود منها و هو غير كيهز ليها راسو و داير ليها لخاطر لاعلى درجة
للحضة كتجي لعندو و هازة شي عكر و كتجرب لون فيدو و لا شي قلم كانت دايرا لو بحال فأر تجارب خلاها حتى قنعات و مشا للاكيس يخلص
+
شافت فيه لموضفة و هي مبتاسمة : الله يدومها محبة بيناتكم اسيدي هادي هي لخاوة
+
خرجت من مور ضهرو و هي مخنزرة فالموضفة : اينا خاوة اختي
+
بدات لموضفة كتجمع ابتسامتها بإحراج و بدات تدخل و تخرج فالهضرة : علا ماشي خوت كيصحاب ليا خوت سمحوليا معرفتش
+
شاف جبريل فديمنة بنص عين و جبد لكارد بونكير خلص و جرها من خصرها خلا لموضفة غا ساهية فيهم
+
جبريل هبط راسو ليجهت وذنها هامس ليها : و خاوة هي بيناتنا
+
ديمنة حسات بالهر فعنقها و هي تبعدو دغيا : يخوي لمها ضروس غا جاتني فالگانة
+
ضحك جبريل و جرها مدخلها لمحل ديال لحوايج كلسات تاتعزل تا عيات و زادو جات بغات دير صواب و جبدات لكارط بونكير ديالها و شافت فيه بإبتسامة : فراس مالي 300 درهم غنحطها كلها و نتا كمل
+
جبريل حيد ليها لكارط من يديها و كيدور راسو بلا حولا و خلص بديالو … مخرجو من لمول تا كانو محملين و مجملين بسيف و هي لحاجة لي خداتها تاخد منها جوج ليها و لجوديا منسياهاش وقفو قدام لكاميو و هي تبدا ضحك مطلعاها عليه : ياودي ياودي اسي شيفور لي شافنا هازين هاد صيكان كاملين يقولوهنا نبات و يحسبونا مكسلين شي چي كلاس قدام لمول
+
جبريل وقف جنبها حط صيكان فالارض و كيهضر : و حنا الالة مكسلين ليهم كاميو على قدو مكفاهمش نزيدهم رموك
+
ديمنة : اييياه قول بعدا بشحال هاد لخير
+
حل لباب بدا كيحط فصيكان لداخل : شي كدا و تسعين مليون
+
ديمنة حلات فمها و كيبانو ليها الارقام كطلع و تنزل قدام عينيها : تبارك الله ساوي
+
طلعات منين بان ليها حط كاع صيكان و طلع تاهوا من جيهتو و تحركو مقلعين خداو فطريقهم لعشا واجد عاد دخلو للبارطمون .
+
يتبـــــــــــــــــع …
+
