طارق بصدمه.. هكو هكون مين يعني يستي انا ما.. وسكت لما صافيه حطت صابعها علي بؤقها بمعني اسكت.. هشششش.
صافيه بحزم.. اسكت………. وبعدين اتكلمت تاني.. مش انت مالك ابن ولدي صوح قولى أنس كان عنده كام سنه لما خرج من البيت اهنه واتجوز داليا.
طارق فتح عنيه بصدمه.. والعرق بدأ يظهر عليه وايده كانت بتترعش.. كا كان عنده 25 اه 25سنه.
صافيه كانت مراقبه حركات جسمه بتمعن.. صوح.
طارق اخد نفس برتياح.. شوفتي يستي انا مالك مش اى حد تاني.. عاوزك ترتاحي يستي.
صافيه بهدوء.. امشي.
طارق ماصدق انه سمع الكلمه دي وطلع يجري من قدامها اكنه كان في امتحان ومصدق إن الجرس ضر’ب عشان يمشي.
صافيه طلعت فونها واتكلمت مع حد………..
بره عند مليكه
نديم اتصدمت لما لقتها لسه عايشه وكانت بتبصلها نظرات مش مفهومه.
سعديه بستغراب.. مليكه مالك يابتي؟
مليكه وهي بتبص علي نديم.. مفيش ياما بس العربيه الفرامل بتاعتها باظت عشان اكده حوصل اللى حوصل.
ياسر بحنيه.. فيكي شئ يابتي؟
مليكه.. انا بخير الحمدلله.. الشكر لله وبعديه مالك كان جاي بالعربية وشافني وهو اللى اسعفني.
ياسر.. مالك ولد عمك.
مليكه.. لاع مالك السواق الجديد يابوي.
ياسر بشكر.. الولد ده دايما بيطلع في الوقت المناسب عشان يحميكي انى قررت اعينه البودى جارد بتاعك اهو نكون مطمنين عليكي ادام انتي اكتر واحده بتتعرضي للا’ذى.. وبعدين كمل بستغراب.. تعرفي بسال نفسي ليه انتى اكتر واحده بتتعرضي للاذى يعني نديم عمر محد فكر انه يأذيها اشمعنا انتى يعني؟
سعديه حاولت تلم الموضوع وهي عارفه ومتاكده مين اللى وراها.. مليكه شقيه ونديم عاقله مش بتاعة مشاكل اما مليكه مشكلجيه بتتخانق مع طوب الارض.
ياسر.. يمكن.. تعالي ياقلبي اطلعك اوضتك ترتاحي.
كان بيكلم مليكه وسندها وخدها وطلعو علي فوق.
اما سعديه بصت لنديم بغضب وشدتها بقوة ودخلتها اول اوضه قبلتها زقتها جوه بغضب وقفلت الباب من درجه الزقه ان نديم وقعت علي السرير.
نديم بوجع.. اه في ايه؟
سعديه بغضب شدتها من ايديها قومتها وهب قلم نزل علي عين نديم كان جامد… انتى اتجنيتي ولا ايه؟ توصل بيكي الحقارة انك تقت’لي اختك.
نديم بكدب.. مش انى ولل… وصرخت لما قلم تاني نزل علي وشها…
سعديه بغضب اكبر… كداااابة كيف بيجي ليكي قلب تعمل اكده في اختك.
نديم بصريخ وغضب… دي مش اختي انا بكرها ايون بكرها بكرها اوي اوي فوق ماتتصوري كل حاجه ليها هي حتي لما حبيته هو حبها هي و كان عايز يتجوزها عشان اكده اخدته منها لما جه لابوي عشان يتقدم ليها وافقتو عليه وانتم عارفين انى بعشقه انتي وابوي كنتم السبب في الكره ده ماتلومنيش انى اتربيت علي اكده انى لو مخدتش الحاجه اللى انى عاوزها ماتكونش لغيري ادمرها هو انتى مفكرني هغلط غلطتك زمان.. ايون عارفة انك كنتي بتحبي عمي أنس وهو مكنش بيحبك كان بيحب بت الشغاله عشان اكده جدي جوزك ابوي لاع دي انتى مش انى اللى تسيب حبيبه لوحده تاني حتي لو كانت التانيه دي اختها.
سعديه كانت مصدومه من كمية الشر اللى بنتها شايله لاختها وإن بنتها التانيه الخطر الحقيقي عليها هو اختها.
سعديه بسخريه علي هبل بنتها.. راحت قعدت علي الكرسي وحطت رجل علي رجل.. اهو حبيبك راجع يابت بطني شوفي بقى هتعملي ايه ولا حبك ليه هيعمل ايه؟
نديم الرعب دق في قلبها لما سمعت كلام امها.. ده مش حبيبي ده واحد تاني حبيبي خلاص راح ده واحد عاوز الد’مار بس.
فون نديم رن وكان رقم غريب مسكت الفون واستغربت حتي سعديه استغربت لي بنتها متنحه في الفون كدا… ماتردي يابت واقف اكده لي؟
نديم ردت وجسمها اتشل لما سمعت صوت حد بيصفر كان دايما بيقعد يصفر ولاسف لحد دلوقتي لسه فاكره الصوت لان كان ليه نغمه مميزه…
نديم رمت الفون علي السرير من الرعب.
سعديه بعدم فهم مسكت الفون و فتحت الاسبيكر واتصدمت برضو زي نديم.
سامر… بضحك.. بخخ ههههههههههه.
الاتنين اتنفضو من مكانهم برعب.
سامر بضحك.. نيدو عامله ايه وحشتيني.
سعديه برعب.. ا نت ل سه عايش؟
سامر بضحك اكبر… حماتي ولله وليكم وحشه هههههه شوفتي لسه عايش ممو’تش زي مانتم كنتم مخططين بجد عجبتني خطتتكم بس كان ناقصها حاجه واحده انكم تحبكوها مانتم عشان تدفنو حد لازم تقت’لوه الاول بس انتم غلطتو ودي كانت غلطه كبيره قوي فكرتم انتم لما تخدروني وتجيبو ناس يدفنوني كدا هتخلصو مني انتم اغبياء لاني كنت عارف خطتكم من الاول وكنت مجهز رجالتي عشان لما انتم تمشو هما يطلعوني ههههه شوفتي يا حماتي ذكي انا برضو.
كان بيكلم بشر وضحك في نفس الوقت.
سعديه برعب.. طيب ادام انت مخطط لكل حاجه اكده راجع ليه؟
سامر بشر.. راجع اخد حقي منكم واعرف الكل الحقيقه واكشف السر السر اللى انتم بتخبوه من زمان.
سعديه برعب.. انت زي ولدي وانت علطول بتقولي انى زي امك هتعمل اكده في امك.
سامر.. بشر.. ااه اعمل اكده في امي ادام كانت عاوزه تخلص مني انى اخلص عليها ادام حاولت تقرب علي رقبتي.. حضري كفنك انتى وبنتك لأن انى راجع ليكم من جديد.. وقفل.
سعديه برعب بصت لنديم اللى كانت بتعيط من كتر الرعب وماسكه في امها بخوف.
عند مليكه
صافيه راحت تطمن عليها خبطت ودخلت لما مليكه سمحت ليها بدخول.
صافيه راحت قعدت علي السرير جانبها وسندت ضهرها عليه ومليكه نامت علي رجليها وصافيه حطت ايديها علي رأسها بحنيه.
صافيه بحنيه.. عامله ايه ياقلب ستك؟
مليكه.. الحمدلله.
صافيه.. تستاهلي الحمدلله دايما يارب.
مليكه بتسأل.. ستي عاوزه اسالك علي حاجه؟
صافيه.. اسألي يابتي؟
مليكه قامت اتعدلت وصافيه استغربت.. احم احم هو عمي أنس كانت اطباعه كيف؟
صافيه بحنيه وعيونها لمعت فيها الدموع.. كان حنين قوي ووقت الجد قاسي كان بيحب الكل ومفيش حد في البلد كلها اللى مكان بيبحبه وبيحترمه كان عصبي حبتين تلاته بس قلبه طيب بيروق بسرعه ولما كان حد بيحتاجه كان بيقف معاه حتي لو كان عدوه كان لما بيتخانق مع حد مكنش بيسيب حقه واصل تعرفي شوفت شويه من الاطباع دي في الولد الجديد لما كان ماسك في ولد عمك وطابق في زمارة رقبته شوفت فيه لما أنس كان بيتخانق لما كانت داليا او اي ست تتعرض للظلم او الإساءة كان بيقف للى بيظلمها وبياخد حقها تالت ومتلت.
مليكه بشك.. طيب يستي ليه طلع من البيت؟ انى اللى وعيت عليه انه كان سايب البيت من زمان قوي عشان حب بنت وانتم مردتوش تجوزوها ليه.
صافيه.. ده جزء من الحقيقة بس باقي الحقيقه إن امك كانت السبب في خروجه من البيت.
مليكه بصدمه.. أمي؟
صافيه بحزن.. وويتبع
وعاوزه رايكم في البارت
“خلف الاقنعة”
للكاتبة منة الله الجزار
