رواية كسر الروح الفصل العاشر 10 بقلم آلاء محمد
التفت عشان يشوف مين اللي بينادي عليه واتصدم من اللي شافه…لقي ياسر واقف ع الناحية التانيه ومعاه كل اصحابهم بتوع الجامعة ، ابتسم اوووي واستغرب ف نفس الوقت وراح عشان يسلم عليهم..
مصطفي: انتوا اي اللي جابكوا هناا..
هند: يجماعه انا قولتلكوا الواد ده بقااا بخيل ، ده حتي مقالش ازيكوااا..
مصطفي ضحك اوووي: وانتي لسه سخان زي ما انتي ، انا بس اتفاجئت ي بنتي..
عبدالرحمن: يسطاا طب سلم قول اي حاجه ، مش داخل كده ، الداخله دي مش واجب يعني..
مصطفي: يعني انت جاي المشوار ده كله عشان واجب ، طب كنت قلت ف القاهرة وانا كنت هعمل معاك احلي واجب..
ياسر: انا اللي قولتلهم يجوا ي مصطفي يقضوا معانا كام يوم ، ونرجع ايام زمان..
عمر: زمان الأمور ههههههههه..
الكل بصله بزهق وهو بصلهم وقال: نفسي مره تضحكوا ع الالش بتاعي حتي لو مبيضحكش ، ده جبر الخواطر مهم ي نااس..
مصطفي بضحك: وحشتوني والله..
دعاء بجديه: انت كويس ي مصطفي؟!!
مصطفي بهدوء: الحمد لله ي دودو المهم انتوا عاملين اي..
عمر: تعالوا طيب نقعد ف مكان ونتكلم ، ف مكان اعرفه قريب من هنا لطيف اوووي..
الكل: يلاااا..
وبيت لوكاا شيري رجعت..
شيري: ي أهل المنزل ، اناا جيت..
لولي جريت عليها وبتبص ع ايدها بس ملقتش حاجه غير شنطه ايديها..
شيري باستغراب: ف اي ي ليلي..
لولي بفقدان امل: مفيش.. ومشيت من قدامها ورجعت قعدت تاني و مسكت الكتب عشان تذاكر..
شيري دخلت الاوضه بتاعتها لقيت لوكاا والبرتين بيضحوا ويهزروا..
شيري: بت ي لوكا ، شكلها ع اخرها..
لوكا: فعلا ، انا خايفه شويه وتقوم تضربنا..
البرتين: طيب إحنا ليه بنعمل كده ، ما نقول وخلاص من غير ما نزعلها..
شيري بهمس: عشان لولي اصلا بتحب المفاجئات ، وكمان بتاعه مقالب ف إحنا بنرد بقااا ، الساعة 5.30 يدوب اخد شاور والبس وع فكرا ف بنوته هتيجي انهارده تحتفل معانا ، قدك ي لبي..
البرتين باستغراب: لبي!!!!!!
شيري بضحك: اهاا دلعك ، اصل إحنا بنكسل نقول الاسماء كامله ، ف بنقص منه ههههه..
لوكاا بضحك: المهم مين دي..
شيري بغمزه: لبي حببتي ممكن تشوفي نيموو فين وتقوليلها تجهز..
البرتين: حاضر..
شيري: بنت اخو المدير بتاعي ، جات انهارده الشركه واتعرفت عليها ، عندها نفس ظروف لبي ونفس ظروفنا تقريباا بابها مات ومامتها سيباها ومسافره وعمها اللي هو مديري بيربيها ، والبنت حزينه اوووي ، ف صعبت عليا قلت تيجي تحتفل معانا..
لوكاا: مش عارفه ازاي ف امهات كده ي شيرين ، ازاي بيهون عليهم عيالهم ، ازاي بيجيلهم قلب وبيمشوا كداا ، دا لو الواحد جاب قطه ورباها وعاشت معاه 3 شهور بس وجه يسافر ولا حاجه بيصعب عليه يسبها عند حد ما بالك بإنسان منك انت ، إنسان انت اللي جبته وتعبت فيه ، تسبيه كده بسهولة…
شيري: ي ملك مش كل حاجه تحاولي تلاقيلها إجابات ، ف حاجات بيبقي احسن تفضل غامضه ، ومنفكرش فيها عشان هنتعب..
لوكاا: عندك حق ، قومي يلا عشان انا كمان عايزه البس..
شيري: اوك ، بس قوليلي ي لوكاا انتي عملتي اي عشان تبقي كويسه؟!!!ومتقوليش لوحدك..
لوكاا بصت ف الأرض واتنهدت..
شيري بفهم: انتي روحتيلو؟؟
لوكاا: ايوا ي شيري ، خلينا متفقين ان رغم اللي هوو عمله بس هو الشخص الوحيد اللي بيقدر يهديني ويديلي طاقه ، كانوا بيرجعلي شي ضايع مني..
شيري: فهماكي..
ملك باستغراب: اي ده بالسهوله دي ، يعني انتي مش هتزعلي وتتخانقي معايا زي كل مره؟!!!!!
شيري: اديكي قولتي ، كل مره بعمل كده وبرضه انتي مبتقدريش تقاومي ، اظن ان الدور علياا انا اتقبل الموضوع واتخلي عن عنادي..
لوكاا باستها ف خدها: انا بحبك اوووووي..
شيري: وانا كمان بحبك..
وقاموا جهزوا كلهم وقعدوا ف الصاله وجهزوا كل حاجه واول ما الساعة دقت 7 جرس الباب رن..
نيموو: لولي ، تعالي افتحي الباب..
لولي وهي خارجه من الاضه: يعني انتوا مش قادرين تفتحوا ، هو انا الحيطه المايله هنااا…(وبصتلهم باستغراب) اي ده ، انتوا لابسين كده ليه..
لوكا بضحك: افتحي الباب بس..
جريت وفتحت الباب وكلهم قاموا وراها ، واول ما فتحت لقيت كل صحابها ع الباب وبيرشوا ف وشها ورق ملون و ماسكين زمارات بيزمروا بيها…
الكل ف صوت واحد: H.B.D..
لولي بصت وراها استغراب لقيت اخواتها وجدتها بيضحكوا جامد..
لولي: هو ف اي..
نيموو راحت ليها وحضنتها: حببتي كل سنه وانتي طيبه ، وياااارب اشوفك احسن مهندسه ف مصر وتبقي عروسه جميله كده..
لولي بصتلهم: يعني انتوا كنتوا عارفين وبتشتغلوني..
(كل صحابها ضحكوا عليها)
(لوكا وشيري ولبي كانوا باصين ف الصقف وفاتحين بقهم) بقوا انتوا تضحكوا عليا اناا ماشي ، وبعدين قعدوا يضحكوا عليها..
شيري راحت لاصحابها : ادخلوا ي بنات انتوا يلاا وانتي يلا عشان تلبسي بمنظرك ده وبعدين ابقي كملي استغرابك(وطلعت شنطه من تحت السفره) وادي ي ستي الفستان اللي كان عجبك ف المول..
لولي بفرحه: بجد..
نيموو: واتفضلي ي ستي ، دا الروج اللي كان نفسك فيه وفيكتوريا سيكريت كمااان بس هتحطي منه انهارده بس عشان عيد ميلادك ، غير كده لااا..
لوكاا: و ده الشوز ي ستي..
لولي بفرحه: انا بحبكوا اوووي..
البرتين: وانا كمااان عملتلك التاج ده اتمني يعجبك( ورقه مرسوم عليها تاج بالألوان وفصوص لونها ازرق)..
لولي بامتنان: مرسي ي قمر..
نيموو: يلا بقاا خشي البسي عشان صحابك ، ساعديها ي شيري..
وفات دقائق ولوكاا ونيمو جهزوا الصاله وملوها زينه وبلالين كانوا مجهزينها من غير ما لولي تحس و لولي خارجت وهي مبسوطه وبتضحك ، وصحابها كلهم انبهروا بجمالها ، الفستان لونه كحلي بحمالات رفيعه ضيق من فوق ونازل ع واسع واصل لحد الركبه ، وشوز احمر ، وفيونكه حمرا ف شعرها.. صحابها شدوها وقعدوا يرقصوا معاها وشويه وبقيه صحابها جم ، وشويه وفون شيري رن…
شيري: الوو..
سامح: ايواا ، انسه شيرين انا تحت البيت بالظبط..
شيري: أوك ، انا نازله..
سامح قفل مع شيري وبص ل لينا: حبيتي انتي متأكده انك عايزه تطلعي…
ليناا: يووووه ، ي عمو انت طول الطريق بتسالني السؤال ده ، لو انت مش عايزني اطلع يبقي نمشي..
سامح: ياربي ع اللماضه ، انا بس خايف عليكي ، اسمعي خلي معاكي فونك ، واول ما تزهقي كلميني وانا هجيلك..
لينا: وانت هتروح فين..
سامح: ف كافيه هناا قريب ، هقعد فيه عقبال ما تخلصي ، وخدي الهديه دي قدميها لصاحبه العيد ميلاد..
لينا: اوك..
ونزلت شيري..
شيري: لينا وحشتيني ، يلاا بقا عشان قربنا نطفي الشمع ، (وبصت لسامح) بعد اذنك..
سامح: لو سمحتي متاخريهاش ، ساعه بالكتيرر..
شيري: ان شاء الله(وبصت للهديه اللي ف ايد لينا) مكنش ليه لازمه التعب ده..
سامح: ازاي ده واجب ، وكل سنه وهي طيبه..
شيري: مرسي وحضرتك طيب ، يلا ي لينااا..
فضل سامح مراقبهم لحد ما طلعوا واختفوا عن نظره ، وبعدين ركب عربيته ومشي..
وطلعت شيري ومعاها لينا ، ولولي اما شافتها راحت سلمت عليها..
لولي: اهلا بالحلويات..
لينا بابتسامه: أهلا(ومدت ايديها بالهديه) كل سنه وانتي طيبه..
لولي: وانتي طيبه ي عسل.. وشيري راحت تنادي البرتين..
شيري: لبي ، تعالي هعرفك بحد (واخدتها وراحت ل لينا) وقدمتهم لبعض: لينا البرتين ، البرتين لينا..
لينا بابتسامه: اسمك حلو اوووي..
البرتين: مرسي ، وانتي الدريس بتاعك جميل جدااا ، تعالي نلعب..
لينا: يللااا..
و شويه ولوكاا جت غيرت الاغنيه وقعدت ترقص معاهم بس اتفاجئت الكل اما شغلت مهرجان” بنت الجيران” ، وغمزت لشيري اللي قعدت تضحك وشويه وشاركتها الرقص..ونيموو اتصدمت لما لقيت أحفادها عارفين الاغاني دي وبيرقصوا عليها لانها من وجهه نظر كل ام مصريه أصيله ” اغاني هابطه وفين اغاني صباح وام كلثوم اللي كانت مفهومه وليها لحن
” وشويه وشيري ولوكا ولولي راحوا لنيمو ، والتلاته واقفين قدامها بيبصوا لبعض..
نيمو: عايزين اي؟؟
لولي: مش انهارده عيد ميلادي ، ولياا هديه..
نيموو: ايواا وهديتك جاهزه وهديهالك اما نيجي نطفي الشمع..
لولي: لا انا هديتي انك توافقي ع طلبي..
نيموو: عايزه تطلعي اسكندريه مش كده..
التلاته بصوا لبعض باستغراب..
نيموو: متستغربوش ، سمعتكوا وانتوا بتتكلموا ، اما كنت برا كنت بتصل بشيري عشان اقولها تفتح الباب غالبا فتحت الفون من غير ما تقصد وسمعتكوا ، انا موافقه بس بشرط..
لوكاا: اي هوو؟؟
نيموو: هتسافرو كلكوا معاها ، ف نفس وقت رحله المدرسة ، و هتقعدوا ف فندق صغير هحجزلكوا فيه ، وهتاخدوا البرتين معاكوا وهتقعدوا هناك المده اللي انا احددها ، ومش هترجعوا غير بأذني…
شيري بفرحه: موافقين طبعااا..
نيمو طيب يالا عشان نطفي الشمع..
لوكا بفرحه: هنطفي الشمع ع اغنيه عبد الحليم حافظ..
لولي: ايوا بقااا
يلا جماعه هنطفي الشمع..تخيلوا معايا ، لولي واقفه ف النص وع يمينها نيموو وجنبها لينا، وع شمالها لوكا و شيري والبرتين و طفوا النور وقعدوا يغنواااا..
شيري: يلا يجماعه مع العد..
5
4
3
2
1…..
وطفت لولي الشمع وهي مبسوطه ، وفجأه النور اتفتح ، الكل بص عند كبس النور ، وكانت صدمه للكل..
