رواية كسر الروح الفصل الرابع 4 بقلم آلاء محمد
وقفنا اما ملك كانت حيرانه ومش عارفه اللي بتعمله ده صح ولا غلط ، لحد ما اخدت قرار و خبطت علي الباب…..
مصطفي: ادخل…
لوكا دخلت و
لوكاا: مصطفي بيه ، انا عايزه امضه حضرتك علي الورقه دي….
خد مصطفي الورقه وبيبص فيها فجاه اتصدم و..
مصطفي: وده ايه ده بقااا….
لوكاا: استقالتي..
مصطفي: طب وليه كده ، يعني ايه سبب الاستقاله دي….
لوكاا: من غير سبب ، انا مش عايزه اكمل هناا..
مصطفي: قانونا عشان الاستقالة تتقبل علي الأقل مني ، لازم تكون مسببه….
لوكاا: تمام… واخدت الورقه وكتبت سبب غريب جداا…
مصطفي بتستغراب: هو السبب ده مش مقنع بالنسبه ليااا ابدااا ولا بالنسبه لاي حد يعرفك..
لوكاا بسخريه: وهو حضرتك تعرفني كويس؟!!..
مصطفى بتنهيده واضطرار: تمام ، همضي عليها بس لازم تعرفي ان مكانك موجود دايما ولو سمحتي عدي علي الحسابات…..
لوكاا: شكرا حضرتك ، عن اذنك…..
ومشيت لوكاا بسرعه ، وهي حاسه انها بقت احسن ، اما مصطفي كان حاسس بخنقه وحاسس بالذنب ناحيه لوكاا وانه هو السبب في انها مشيت بس كل ده عرفه انه لازم يسافر لعايده هانم ويسمع نصيحتها وفعلا خرج مخنوق اوووي من الشركه وقرر يروح البيت ويجهز حاجته من غير ما يعيد التفكير مرتين…..
عند شيري…كانت قاعده في مكتبها وبتشتغل كالعادة لحد ما مصطفي جه المكتب وقالها..
مصطفي: انسه شيرين ، بعد اذنك ورايا علي مكتبي…
شيري قالت في عقلها خير يا ترا عايزني في ايه البتاع ده ، استرها يارب….
وبعدين ردت عليه: حاضر…..
وراحت وراه علي مكتبه ، واول ما دخلت…
مصطفي: اقعدي….
شيري وقعدت: اتفضل خير……
مصطفي: عايزين نعمل اوفرز جديده علي رحلات شرم والغردقه ودهب ، عشان طبعا الصيف داخل واحنااا محتاجين ده…..
شيري: بس احنا علاقات عامه ، يعني شغلنا بعيد شويه عن اللي حضرتك بتقوله….
مصطفي: بالعكس مش بعيد خااالص لاننا اقرب ناس للسوء والقري والفنادق وعارفين بيبقوا طالبين ايه وبنعرف كمان نتعامل معاهم ازاي ، وانا اخترتك معايا للمهمه دي عشان عارف انك من اكفأ الموظفين هنا…..
شيرين: متشكره جداااا لحضرتك ، وان شاء شوف حضرتك حابب نبدا امتااا وانا معنديش مشكله…
مصطفي: تمام ، بس لازم نكسف جهودنا عشان مطلوب خلال اسبوعين يكون جاهز 50 اوفر….
شيرين: باذن الله نلحق ، حضرتك عايز مني حاجه تاني…
مصطفي: بصراحه اهااااا ، بصي بقاااا ، احنا هنشتغل مع بعض الفتره الجايه كتيررر ولازم منكونش شايلين حاجه وحشه جوانا لبعض ، وانا عارف اني احيانا بكون سخيف ، دمي تقيل ، متكبر ، مغرور…
اول شيري ما سمعت الكلام ده تنحت وكانها خافت ليكون سمعها…وقالت
شيرين بحذر: حضرتك ليه بتقول كده ، لا حضرتك مش كده خااالص….
مصطفي بمغزي: اممممممممممممم ، شكرا رغم اني مبحبش المجاملات هااااااا ، وعموما يريت متكونيش زعلانه مني او شايله حاجه وحشه ف قلبك نحيتي…..
شيري: لا ابدااا مفيش حاجه ، بعد اذنك…
مصطفي: اتفضلي ، وبكرا ان شاء الله هنبدا…
شيري: تمام….
ومشيت شيري وهي متاكده ان مصطفي سمعها عشان كده قرر يقول كده ، وبتقول طب والله الراجل طلع جنتل اهوووو واما عرف وجهه نظري فيه غير اسلوبه شويه…..يلا خير ان شاء الله…..
اما في النص التاني من الكره الارضيه ، كان قاعد شخص اسمه يوسف ، وبيقلب في البوم كبير اووووي وفجاه وقعت عينه علي صوره اول ما شافها عنيه دمعت ، واخد الصوره ف حضنه وفضل ساكت ودموعه نزلت مع تنهيدات حاره كانت هتقطع نفسه …….
عند نيموو
نيمو بتتكلم فالتليفون مع حد….
نيموو: ايوا عملت ايه معاهم…
…….:يا فندم حاولت كتيررر بس هما حتي صعب عليهم عشان انتي عارفه هما فين وايه اللي محاوطهم طول الوقت……
نيمو: طيب ماشي ، همليك شويه حاجات تكتبها وتوصلها ليهم وكده يبقى دورك انتهي….
……..:اتفضلي يا هانم…
نيمو: اكتب ” ل ، و ، ش ، ت ، ب ، ن ، م ، / ، =, ……
……..: حاضر بس معناه ايه ده….
نيموو: ملكش دعوه هما هيفهمواا…
وقفلت نيموو السكه و كملت شغلها ، بس ف الورق اللي معاها لقيت ورقه خطيرة اووووووي وفجأه قالت بصوت عالي….
يا نهاركوا اسود ومش فايت ، هي بقت كده ، طب وديني لاوريكوا الوش التاني واخليكوا تندموا ع اللي عملتوه….. واخدت شنطتها وجت تمشي ، بس هدي مشرفه الدار دخلت فجأه وقالت…
هدي: الحقي يا سياده المديرة…
نيموو بذعر: خير يا هدي..
هدي: البنت الصغيرة ، البرتين ، تعبانه اوووي وسخنه وبتخرف…
نيموو: يا حببتي يا بنتي ، طب انا جايه فورا ، اسبقي انتي…
وفتحت نيموو خزنتها الخاصه وحطت فيه اوراق كتيررر مهمه ، وقفلت الخزنه والاوضه كلهااا وراحت تشوف البنت…. و اول ما دخلت
نيموو: حببتي مالك بس؟؟
البرتين: مامي ، انا تعبانه اووووي…
نيموو: ليه بس ، احناا مش قولنا احنا اقوياء ومينفعش نكون كده ابداااا….
البرتين: ايوااا بس انا شفت ياسمين وهي بتعيط وبتقولي الحقيني ، وكان ف هوااا جامد اووي بس انا روحت ، روحت وجبتها بس صحيت ملتقهاش جنبي ، هي مشيت وسبتني تاني؟.
نيموو بصت لهدي بأسي وبعدين بصت لالبرتين وقالت: حببتي ده مجرد حلم ، تعالي ف حضني تعالي….وسقطت منها دمعه غصب عنهااا….
وعند لوكاا ، كانت ف مكتبها بتجهز حاجتها عشان تمشي ، بس كان زي وغزه ف قلبها ، لانها حبت المكان واتعلقت بيه ، بس كله يكون ف سبيل راحة بالها ، الباب خبط وقالت اتفضل وكان ياسر…
ياسر: خلاص يا لوكاا هتمشي…
لوكاا: ايوااا همشي ، ياسر بجد مش عيزاك تزعل بس انااا كده هكون مرتاحه اكتر ، حاول تفهمني..
ياسر: انا فاهمك يا لوكاا ، ولو اني اتعودت اوووي عليكي هناا ، بس انا يهمني راحتك ، بالتوفيق…
لوكاا ابتسمت: شكراا وليك..
وعند شيري
كانت قاعدة بتخلص اخر شغلها لليوم ، وأول ما خلصت ، بدأت تلم حاجتها عشان تمشي وهي نازله من الشركة قابلت سامح هو كمان نازل في الاسانسير و..
سامح: إيه هتمشي..
شيري: ايوااا خلصت كل الشغل ع فكره…
سامح: عارف ع فكره..
شيري: اممممممم ماشي..
سامح: انسه شيرين ، ممكن تسمحيلي اعزمك ع الغداا انهارده…
الطلب كان له تأثير زي كان جردل ميه ساقعة ادلق عليها ف عز الشتاا….بس جمعت أفكارها بسرعه وردت بثبات…
شيري: انا اسفة مش هقدر..
سامح بإحراج: طيب ع راحتك ، وفتح الاسانسير وقال ، مع السلامة…
شيري: الله يسلمك… واول ما خرحت قررت تتصل بمروه عشان تقابلها ، واول ما ردت..
مروه: الووو..
شيري: ايوه ، ازيك يا قلبي ، عامله ايه…
مروه: حببتي الحمد لله ، شيري عايزه اشوفك..
شيري: بنت حلال كنت هقولك نتقابل ، طب بصي قابليني كمان نص ساعه في الكافيه بتاعنا.
مروه: اوك…
وبعد شويه وصلت شيري الكافيه.. وكانت مستنيه مروه وفجأة لقت حد مكنتش تتوقعه ابدااا ، واول ما شفته اتخضت..
وعند نيموو ، فضلت قاعده جمب البرتين لحد ما هديت خاااالص ونامت و..
هدي: نامت؟؟
نيموو: ايوااا ، هدي بالله عليكي خلي بالك منها كويس و …كملت بتفكير : و جهزي هدومها ف شنطه..
هدي: خير يا سياده المديره..
نيموو: مفيش يا هدي ، هخدها عندي شويه ف البيت وسط البنات يمكن ده يحسن حالتها ، البنت وشها اصفر وحالتها تصعب ع الكافر…
هدي: فعلا والله ، ربنا يلطف بيها..
نيموو: ياااارب ، المهم زي ما فهمتك جهزي هدومها عشان اخدها معايا بكراا…
هدي: حاضر…
وعند شيري…
مروه: انا تعبانه اوووي يا شيري
شيري: يا بنتي بلاش تخدي كل حاجه علي أعصابك كده ، ان شاء الله تتحل..
مروه: مش باين والله ، انا محتاره اوووي ، ومش عارفه اعمل اي…
شيري مسكت ايديهاا: مروه اعملي اللي ضميرك يقولك عليه ، بعدها هترتاحي..
مروه: ياارب ، وانتي كنتي عايزه تقوليلي اي؟
شيري: سامح طلب مني انهارده يعزمني ع الغدا..
“مروه كانت بتشرب واول ما سمعت كلام شيري تفت الميه من بقوهاا”
شيري: يعععع ، الله يقرفك ، اي ده..
مروه: ويعني اللي انتي قولتيه اصلا عادي ، المهم قولتيله اي..
شيري: رفضت بحجه ان مش هينفع وهو اتحرج ومشي..
مروه: ادعي عليكي بأيه ، يا بنتي وحد يرفض عزومه زي دي ، ع فكره الراجل جنتل جداا انتي اللي قليله الذوق..
شيري: لا ع فكره انا مش قليله الذوق ، بس هو يبقالي إيه عشان اقبل عزومته ، وايه المناسبه اصلاا..
مروه: يا ستي من غير مناسبه ، عادي يعني..
شيري: لا مش عادي ، مروه انتي عرفاني مبحبش اللوع ولا اللف انا straight طول عمري..
مروه: خليكي انتي كده ، اتلحلحي شويه يا شيري..
شيري: مروه لمي نفسك..
وعند مصطفي ، جهز شنطته وقرر انه هيسافر عشان اعصابه ترتاح و كلم ياسر…
ياسر: طب وليه مره واحده كده..
مصطفي: معلش يا ياسر ، انا محتاج السفريه دي ، هتقدر تاخد بالك من الشغل لوحدك..
ياسر: يا ابني انت بتهزر ، الشغل مقدور عليه ، المهم انت ، انت كويس؟؟
مصطفي: ايواا كويس متقلقش..
ياسر: طب خلي بالك ع نفسك هااا..
مصطفي: حاضر…
ونزل مصطفي اخد عربيته ومشي ، مشي وهو حاسس ان فيه مشكله بس مش عارف ايه هي..
وانتهي اليوم وجه الليل ، بيقولوا ان الليل فيه راحه وسكينه ، لكن حصل العكس تماما مع نيموو ، اللي كانت قاعدة ف اوضتها ونايمه وبصه في السقف وبتفكر في حاجات كتيررر ، وكلها افكار متناقضه عماله تتخانق جواا دماغها لحد ما دمغها كانت هتتفرتك خانتها عينيها ونزلت دمعة ، واول ما نيموو حست بيها ، قامت بسرعه ومسحت دموعها ، لانها حست انها لو ضعفت البيت كله هيتهد ، وقامت جابت البوم كبيرر وفتحته و قلبت في كل صوره وكأن شريط حياتها بيمر قداام عنيها ، ابتسمت تلقائي اما افتكرت شويه ذكريات عزيزه عليها اوووي..
اما ملك كانت قاعده تفكيرها مشغول ب يا تراا اللي عملته ده صح ولا غلط بس نفضت كل الافكار من دماغها وقررت تروح تنام..
اما شيري كانت قاعده عماله تفكر اللي شفته ده حقيقي ولا لا ولو حقيقي يبقي ازاي ده حصل ، قررت انها هتسال جدتها وتحاول تفهم ايه ده..
وخلص اليوم ع كدااا مع الكل..
……………………………………………………………..
وجت شمس يوم جديد ، ملت الشمس اوضه ملك وداعبت رموشها لحد ما فتحت عنيها ، وبصت ف الساعه لقت نفسها متأخره ع الشغل ، ولسه هتقوم تجري عشان تلحق افتكرت انها استقالت ورجعت تاني السرير وقعدت تضحك ع نفسها…
اما نيمو صحيت من النوم حاسه انها مجهده وتعبانه بس قامت اتوضت وصليت وراحت تصحي أحفادها…و
نيموو: شيري…
شيري:امممممممممممممم…
نيموو: يلا قومي هتتاخري كده…
شيري: طيب طيب…
وراحت ل لولي…
نيموو: لولي…
لولي:…..
نيموو: انتي يا بت ، قومي بقاااا…
لولي: ف ايه ع الصبح….
نيموو: هو ايه اللي فيه ايه؟؟ مش هتروحي المدرسة..
لولي: لا انهارده مفيش حاجه مهمه….
نيموو: اممممممممم طيب قومي عشان عيزاكوا برضه….
لولي: يوووووووه ، حاضر..
نيموو: انجزي يا بت….
وخرجت نيموو لقيت لوكاا محضره الفطار ع السفره…
لوكاا: صباح الخير…
نيموو: صباح النور ، هي الاستقاله بتخلي الناس نشيطه كده…
لوكا ضحكت: اهااا جداااا..
وجت شيري وقالت صباح الخير
نيموو ولوكا: صباح النور…
لولي خارجه مكشره ومش بتتكلم..
شيري: يا ساتر يارب..
لوكاا: ايه التكشير اللي ع الصبح ده….
نيموو: هههههههههههههههه اصل انا مصحياها غصب.. ما علينا اقعدوا عايزه اتكلم معاكواا….
قعدوا كلهم ومستنين نيموو تتكلم وبعد صمت ساد لثواني..
نيموو: بصوا بقااا ف بنت عندي ف الدار تعبانه اووووي وحالتها النفسيه وحشه ففكرت اجبها تقعد معانا هناا يومين كده…
لوكاا: فكره حلوه اوووي..
لولي: تمام…
شيري: ماشي ، بس هي إيه حكايتها وتعبانه ليه….
نيموو: البنت دي نص مصريه ، امها مصريه وابوها تركي وليها اخت اسمها سينش ، من 8 شهور حصلت حادثه لأبوها وامها وهي واختها كانوا معاهم ف العربيه ، والطريق كان فاضي وقعدوا حوالي 10 ساعات عقبال ما حد ساعدهم ، ف ال 10 ساعات دول بقااا البنت شافت الموت يعينها ، امها ماتت بعد 5 ساعات من الحادثه بعني فضلت عايشه وماتت قدام البنت ، وابوها مات بعدها ب ساعتين ، اما اختها اختفت محدش عارف راحت فين وكان عندها حوالي 4 سنين ، والبنت نفسها عندها 9 سنين ، وكل يوم عياط وصريخ وبتصحا علي كوابيس ومش عايزه تتفاعل مع اي حد من الدار غيري ، من ساعه ما جت من حوالي 6 شهور وهي مدمره خاااالص وطبعا مش بتاكل كويس واختفاء اختها كمان ماثر عليها اووووووووي ولو فضلت ع الحال ده مش هتعرف تكمل و….
