رواية كسر الروح الفصل الثاني عشر12 بقلم آلاء محمد
ف إسكندرية عند مصطفي ، مدام عايده كلمته..
مدام عايده: مصطفي انت فين ، الساعه9.30 مش هتحضر العشاا..
مصطفي: انا اسف بس صحابي جم وكده ومش هعرف اسيبهم..
مدام عايده: جم اسكندريه يعني..
مصطفي: اهااا..
مدام عايده بتفكير: طيب هاتهم معاك مفيش مشكله..
مصطفي: بس.. قاطعته عايده: مبسش ، لازم تيجي وهات صحابك معاك ي سيدي..
مصطفي بقله حيله: ماشي هجيبهم واجي ، مع السلامة..وقفل مصطفي وراح لصحابه عشان يقنعهم..
مصطفي: يجماعه انا كنت معزوم ع العشا وكده واما جيت اعتذر اللي عزميني اصروا اني اجي واجيبكوا معايا..
دعاء: بس إحنا منعرفهمش ، مين دول؟!!!..
مصطفي: دي خالتي ، بس بعيده عني شويه ، لانها خالتي من جدتي..
عبدالرحمن: خلاص بص روح انت خلص قعدتك معاها وبعدين تعالي تاني احنا سهرانين أصلا..
مصطفي: تعالوا معايا وخلاص وكمان هتناموا فين ، هي كده كده عندها فندق صغير كده ، تعالوا اسهروا هناك وبالليل اخليها تحجزلكوا اوضتين ، البنات ف اوضه وانتوا ف اوضه ، يلا..
هند: خلاص يجماعه تعالوا نروح واهو لقينا مكان كويس ومضمون..
عمر: تمام يلااا..
وراحو عند مدام عايده ، ومصطفي اتفاجي ان كل قرايبه كانوا هناك وكانوا مستنينه سلم ع الكل وفجأه لقي اخر شخص كان يتوقعه داخله من الباب وبتسلم ع الكل..
مصطفي بعدم تصديق: كيااان..
كيان: مصطفي..
مصطفي راح بسرعه وسلم عليها: عامله اي ، جيتي امتاا من أمريكا..
كيان: الحمد لله ، انت اللي أزيك ، انا جيت من أسبوع بس وعايده عزمتني واصرت اجي ف جيت..
عايده: يا بت لمي نفسك ، روحتي وجيتي وعيشتي ف مجتمع راقي ولسه لسانك طويل..
كيان: خلاص ي دودي بقاااا ، كبرتي الموضوع
مصطفي بضحك: متغيرتيش..
كيان بصتله بتركيز: بس انت أتغيرت ، دول صحابك؟!
مصطفي: ايوااا ، تعالي اعرفك عليهم..يجماعه اعرفكم ع صديقه طفولتي وبنت خالي كيان..
عبدالرحمن: هه ، اسمها اي؟!!!!!!!!!
مصطفي بسخريه: كيان ، اصل مامتها كانت strong independent woman وصممت تسميها كيان عشان تبقي ناجحه وشاطره ، ودول صحابي من ايام الجامعة ، هند ودعاء وعبدالرحمن وعمر وياسر..
كيان بضحك: بطل برودك ده ، تشرفت بيكم يجماعه..
الكل: الشرف ليناا..
عايده: يلا تعالوا اقعدوا بقااا عشان العشا هينزل..
مصطفي: حاضر جايين ، بت لازم نقعد مع بعض واعرف عنك كل حاجه..
كيان ضربته ع كتفه: ده غصب عنك مش بمزاجك..
مصطفي بالم: مش بقولك متغيرتيش..
كيان بغمزه: وانا مش قولتلك ان انت اتغيرت..
وراحوا قعدوا واندمجوا مع عيلتهم اوووي..
عند لوكاا ، كانوا ف العربيه وابتدوا يتحركوا ولوكاا كل شويه تبص لشيري نظرات توسل وشيري ترد عليها بنظرات رفض بس محدش منهم بيتكلم ، ولولي كانت نايمه من كتر التعب ، لحد ما شيري قطعت الصمت ده..
شيري اتنهدت: روحي ي ملك..
لوكاا: بجد ي شيرين مش هتزعلي..
شيري بصتلها: لا ، مش هزعل ، روحي وانا لولي هنستناكي هناا ف العربيه ، بس حاولي متتاخريش..
لوكاا: نص ساعه بس مش اكتر..
شيري: تمام ، لو سمحت عايزين نروح الأول ع مكان وبعدين هنطلع اسكندريه عادي.. وراحوا ولوكاا نزلت ودخلت العمارة وشيري قاعده لولي نايمه ع كتفها وهي بصلها..
شيري لنفسها: عارفه انك بتحبيها ي ليلي ، وكان نفسك تكون معاكي ، ولحد دلوقتي مستنيه انها ترجع ، بس من امتااا القدر بيدينا كل اللي إحنا عايزينه ، كان لازم تفهمي ده ، بس للأسف فهمتيه بدري اووووي ، يارتها ما مشيت ، دمرت كل حاجه حلوه…و فجأه شيري افتكرت حاجه ف مسكت تليفونها..
عند سامح قاعد بيفكر ف شيري وف كلامها ، فونه رن مسكه وابتسم اووووي اول ما شاف اسم اللي بيتصل ف رد وقال..
مصطفي بفرحه بيحاول يسيطر عليها: اوعي تكوني عايزه تاخدي اجازه تاني..
شيري بضحك: ايوااا بس المرادي 4 أيام ، اختي عايزه تسافر ومش هينفع اسيبها لوحدها..
سامح: لي ف مشكلة؟!!!
شيري: لا خاااالص ، بس هي محتاجه تغير جو ، وممكن كل يوم نشتغل ع الاسكايب ونخلص جزء لحد ما ارجع..
سامح بتفكير: تمام موافق ، هو انتوا هتسافروا فين؟!!
شيري باستغراب من السؤال: Alex..
مصطفي: تمام..
شيري: تمام.. وقفلت السكه وشويه ولوكا نزلت وكانت احسن كتير..
شيري: شكلك بقيتي كويسه ، يلا عشان نتحرك..
لوكا: يلاااا…
وعند نيموو.. ادهم كان عامل زي الثور الهايج رايح جاي ومش عارف يعمل اي و كلام لوكاا عمال يتردد ف دماغه و بيحط ايده ع ودنه عشان يوقف كلامها بس مش قادر يسيطر ع نفسه..
فلاااااش..
لوكا: انت ملكش دعوه بياااا ، فاهم ، واوعي تنطق أسمي ع لسانك..
ادهم: ملك اتكلمي معايا عدل..
لوكا: مش لما تبقي انت تتصرف عدل..
مصطفي اقرب منها ف ملك بعدت عنه..
لوكا: أوعى تقرب مني فاهم ، اوعي ، انا مش عايزه اشوفك ابداااا ، انا حتي مبقتش بكرهك ، ملكش عندي اي مشاعر ، بقيت عادي اووووي عندي ، ولو مش عايزه أشوفك ف ده عشان انت بتفكرني بنفسي زمان اللي انا بكرها بسبب ضعفها وغبائها ، انا تخطيتك من زمان ي ادهم ، و تخطيت نفسي وضعفي وغبائي وبقيت ملك انت نفسك هتكره نفسك لو عرفتها ، امشي ومتجيش هناااا تاني..
مصطفي: ي ملك عشان خاطري اديني فرصه اشرحلك ، خلينا نقعد ونتكلم ، وانا والله هعوضك عن كل اللي فات.. قرب منها و حضنها ف ملك بعدت عنه وجريت ع الحمام وقعدت ترجع..
باااك..
نيموو كانت قاعده ساكته وعماله وبتبص عليه..
ادهم: شايفه كلامها ، بقي ملك نسيتني ، انا مش مصدق ، دي حتى متحملتش اني اقرب منها ، متحملتش اني المسها ، انا مش فاهم حاجه..
نيموو: اهدي ي أدهم ، ملك لسه مجروحه برضه ، انت نسيت اللي عملته فيها..
ادهم بزعيق: انا معملتش فيها حاجه ، انا كان غصب عني ، انا كنت بتقطع زيها بالظبط ، وعملت ف نفسي اكتر منها..
نيموو بمغزي: وانت يعني متعرفش ملك ومثالياتها ، كان لازم تفكر كويس وتحسب نتيجه افعالك اولا..
ادهم: عارف بس مكنتش اعرف اني ممكن اهون عليها اوووي كده او ان هي ممكن تنساني بالسرعة دي او انها أصلا تقولي الكلام ده ، ازاي قدرت تنطقه اصلا..
نيموو: معلش سيبها شويه وهي هتهدا..
عند مصطفي العشا خلص وصحابه طلعوا اوضهم ونزل لقي كيان قاعده ف بلكونه الريسبشن ومغمضه عنيها ، ف جه من وراها وقعد ع الكرسي..
مصطفي: لسه بتحبي ريحه البحر..
كيان فتحت عنيها وبصتله: هو ف حد مش بيحب ريحته..
مصطفي: لا ، المهم قوليلي اي أخبارك..
كيان: الحمد لله انا تمام ، خلصت الكليه وبعدها بشهر قدمت ع الماجيستير وبعد سنتين خدته بدرجه امتياز مع مرتبه الشرف ، وكمان عندي البيزنس بتاعي ف امريكاا و ناجح و شغال كويس اووي..
مصطفي: والحب؟!!
كيان بهروب: وانت اي اخبارك؟؟
مصطفي فهم هروبها ومحاولش يضغط عليها: انا بعد ما اتخرجت ف الكليه اشتغلت ف كذا مكان بس مكنتش لاقي نفسي ف ولا شغلانه فقررت اني احوش فلوس وأبدا مشروع شركه صغيره مع ياسر والحمد لله ماشيه كويس دلوقتي..
كيان: طيب ورضوي فين…
مصطفي سكت ومردش عليها وهي فهمت انه مش عايز يتكلم ف سكتت وفضلوا ساكتين شويه لحد ما كيان قالت..
كيان: كنت بحب واحد مصري هناك ، اتعرفت عليه عن طريق السفارة كان بيشتغل هناك حاول كذا مره يتعرف علياا وانا كنت بصده بس فضل يحاول ، وأنا كنت ببعد لحد ما استسلمت وحبيته وسلمتله قلبي ، بعد شهر اكتشفت انه كان بيعمل كده رهان مع واحد صاحبه عليا عشان صاحبه كان فاكرني سهله بما اني عايشه ف أمريكا طول عمري وكده بس انا طبعا صديته وهزقته وعملتله فضيحه هنااك ف كان عايز ينتقم مني واتراهن معاه انه يقدر يخليني احبه عشان يجيب مناخيري الارض و يمثل انه بيحبني وميستسلمش عشان احبه وبعدها يسبني..
