رواية كسر الروح الفصل الخامس عشر15 بقلم آلاء محمد
كانوا واقفين ف المطبخ بيعملوا حلويات وبيضحكوا من قلبهم ، كأن الاتنين كانوا بيدوروا ع بعض ، كل واحده فيهم فيها حاجه التانيه محتجالها ، ساعات بنلاقي ضايع اللي مننا ف اضعف انسان ف الدنيا ، البرتين فكرت نيموو بذكريات ومشاعر نسيتها من زمان اووي ونسيت معاهم نفسها وحياتها وقلبها ، اكتفت بعقلها بس عشان خافت ع المسئوليه اللي عندها ، 3 بنات من جيل غير جيلها ، تفكير وزمن ومجتمع غير ، كل حاجة مختلفه ، الناس بقيت مختلفه ، الشوارع ، الطباع ، الحياه كلها ، واحده عندها 65 سنه لازم تنزل بتفكيرها لبنات ف العشرينات عشان تفهمهم وتقدر تتعامل معاهم صح ، لان صعب انهم يطلعولها ، النزول دايماا أسهل من الطلوع ، شوفنا مسلسلات وافلام كتير البطل طالع بشخصيه الاب والابن ف نفس الوقت ، بس عمرنا ما شوفنا حد هو البطل الوحيد ف الفيلم ، هو الاب والام والاخ والاخت والصاحب والحبيب ، حاجه صعبه صح..
اما البرتين لقيت الام اللي فقدتها والاب اللي ضاع والأخت الغايبه والعائلة اللي مش موجوده.. نيموو فهمت ف اللحظه دي أنها كانت محتاجه البرتين اوووي..
البرتين: مامي هو كده آحنا جايلنا ضيوف؟!
نيموو: ايوا ولازم نستقبلهم كويس ونضحك ف وشهم ، ده واجب الضيافة..
البرتين: يعني اي؟!!
نيمو ابتسمت وشالت البرتين قعدها ع رخامه المطبخ: يعني الضيف اما يجي لازم نحترمه ونقدمله اجمل حاجه عندنا ، ونتكلم بذوق و نراعي انه ف بيتنا ف منغلطش ف حقه ، ولا نقوله كلمه وحشه ، والنبي صلي الله عليه وسلم قال ” من كان يؤمن بالله واليوم الآخر فليكرم ضيفه “.. فهمتي ي حببتي؟؟
البرتين: ايوا ي مامي فهمت..
نيموو: طيب يلا ناخد شاور و نلبس اللبس الحلو بتاعنا عشان نستقبل الضيف ، زمانه جي..
البرتين: حاضر..
وبعد نص ساعه جه يوسف وخبط ع الباب ، والبرتين جريت تفتحله..واول ما فتحت الباب اتخضت وجريت ع نيموو اللي كانت خارجه من المطبخ..
البرتين: مامي ، الحقيني..
نيموو: ف اي ي حببتي ، مين اللي ع الباب…
البرتين بخوف ورعشه: راجل طويل اوووي وكبير اووي ، انا شفته قبل كده ، كان عايز يضربني ، انا خايفه منه..
نيموو: اهدي بس يحببتي ، انا موجوده ومحدش هيقدر يلمسك ، متخافيش..
وشالتها وراحت عند الباب..
نيموو: اهلا ي يوسف بيه ، اتفضل..
ودخل يوسف وقعد والبرتين قاعده ف حضن نيموو وخايفه ، لحظات الصمت طالت اووي واتحولت لدقائق لحد ما يوسف قطع الصمت ده وقال..
يوسف: ازيك ي حلوه..
البرتين ضمت نيموو اكتر وودت وشها الناحية التانيه..
نيموو: هو انت تعرفها منين وعملت اي خوفتها منك كده؟!!
يوسف: ابدااا الحادثه بتاعه اهلها انتي اكيد عرفاها ، كنت انا المسئول عنها اما كنت ف مصر اخر مره ، وغالبا شافتني وانا متعصب وبعاقب عسكري عندي..
نيموو: اممممممم( بصت لابرتين) طيب حببتي روحي اوضتك دلوقتي وانا شويه وهجيلك..
البرتين: حاضر..
يوسف: خوافه اوووي وضغيفه اوووي..
نيموو: او انت اللي عنيف زياده عن اللزوم ، هي مش ضعيفه هي خسرت اهم ناس ف حياتها طبيعي تكون كده ، الظروف حكمت بده..
يوسف بهجوم: ربنا خلق الإنسان اراده ، مش عشان شويه ظروف تتحكم فيه ، اللي عايز يعمل حاجه بيعملها..
نيموو: مش دايما ، ف حاجات بتكون اقوي من الإنسان ومحدش بيقدر يقف قدامها..
يوسف: كلام غارغ و.. قاطعته نيموو وقالت: خلينا ف اللي حضرتك جي عشانه..
يوسف بيحاول يهدي ويسيطر ع نفسه: ماشي ، الورق اللي بعتهولي مش كفاية وناقص ادله كتير ، هو يعتبر طرف الخيط ف
احنا محتاجين ادله اكتر..
نيموو: والعمل؟؟
يوسف: انا بجمع أدله اكتر ، بس عايز اعرف مين اللي بعتلك الورق ده وازاي..
نيموو سكتت و محتاره تقوله ولا لا ، ويوسف فهم ده فقال: مينفعش تخبي عليا حاجه لان اي غلطه او حاجه مش معمال حسابها الكل هيموت ، لو سمحتي عرفيني لاننا هنحتاج ده..
نيموو بتردد: هناء بنتي ساعدتني..
يوسف: ازاي وهي مسافره بقالها 8 سنين ، وانتي أصلا ليكي تواصل معاها..
نيموو: ايواا ليا ، من يوم ما سافرت واحنا بنتكلم عادي وعارفه عنها كل حاجه..
يوسف: انا مش فاهم حاجه خااالص ، فهميني ارجوكي..
نيموو: حاضر ، من 8 سنين كان ف شركه اجنبيه ف مصر بتنفذ مشروع منتجع كبير اووووي ، وكانوا طالبين مهندسين شطار واكفاء ، هناء كانت معروفه جداااا ف مجالها ومبدعه فيه ، ف كانت من ضمن الفريق اللي مسئول عن التنفيذ ، بس من شروط الشركة دي كشف طبي كامل ع كل الناس اللي هتشتغل ف المشروع ده ، الكل وافق وعملوا الكشف ، بس هناء نتيجه تحاليلها كانت سلبيه ، كان عندها مرض نادر جداااا وملوش علاج ف مصر ، انهارت ودخلت ف اكتئاب وتعب نفسي شديد. مكنتش بتتحرك من قدام اللاب بتاعها مكنتش عارفه بتفكر ازاي ولا عايزه اي ، لحد ما يوم جت قالتلي أنها عايزه تسافر تتعالج بره ، وانهم بيشتغلوا ع علاج لحالتها وابتدوا يجربوه ع الناس وكانت مصممه ع السفر والشركه دي ليها فرع براا هتشتغل فيه وهي بتتعالج حاولت امنعها مقدرتش لحد ما استسلمت واتفقنا انها تقول لملك انها زهقت منهم ومش عايزه تقعد معاهم عشان يصدقوا وميدوروش عليها..
يوسف بجمود: ولي مقالتش الحقيقه او مشيت من غير ما تقول حاجه اصلا..
نيموو: عشان عيالها بيحبوها اوووي ولو كانت مشيت كده من غير ما تعرف حد ، كانوا هيقضوا كل حياتهم بيدوروا عليها ، ومكنوش هيسيبوا الموضوع يعدي كده وهناء مكنتش عيزاهم يتعذبوا بسبب مرضها او إنهم يشوفوها وهي ضعيفه ، بس انا سافرت ابني سيف ومراته وراها ع طول عشان ياخدوا بالهم منها ، و دلوقتي عايشين هماا التلاته مع بعض..
يوسف: وابنك لي واقف ع ده ووافق انه يغير حياته عشانها..
نيموو: سيف بيحب اخته اوووي ومراته كمان بتمووت فيها ، هناء ساعدتهم كتير ف اول حياتهم ، هي اللي صممت بيتهم اللي اتجوزوا فيه ومخدتش منهم ولا مليم ليهاا ، وكل ما كانوا يحاولوا يدوها فلوس كانت بترفض ، وغير كده ابني كده كده كان هيغير حياته ، لانه مش بيخلف و زهق من الحياه هناا ، ف دي برضه كانت فرصه ليه..
يوسف: وبعدين..
نيموو: سافرت واخدت العلاج ده واتعالجت بعد 5 سنين من سافرها وبقيت كويسه وعملت هناك كرير محترم اووي لنفسها ، حاولت ترجع كذا مره بس انا منعتها لان البنات واخدين منها موقف جامد اوووي ومش عارفه لو رجعت ده هيكون تاثيره اي عليهم ، واما كلمتها ع المشكله دي قالتلي انها تعرف هناك ناس واصلين وهتحاول تجيب اي معلمومات عنهم ، وفعلا بعتت المستندات اللي موجوده مع حضرتك عن طريق مرسال كان بيكلمنا بالرموز عشان تليفوناتنا كانت متراقبه..
يوسف: طيب لو طلبنا منها تجيب شويه ادله كمان هتوافق..
نيموو: لو تقدر هتوافق ، بس انت ف دماغك اي؟!!
يوسف: بصي………
نروح ل إسكندريه..
لوكا ولولي نزلوا الكافية وأول ما كيان لمحت لوكاا ندهت عليها ولوكاا راحتلهم..
كيان: اتاخرتي كده ليه..
لوكاا ولولي قعدوا: يدوبك والله ، اعرفكوا ع اختي ليلي..
لولي: اهلا..
لوكاا: لولي دول ياسر وكيان و مصطفي بيه..
مصطفي: ع فكره انا مش بيه ، قوليلي ي مصطفي عادي ، الا اذا كنتي لسه زعلانه..
لولي بغيظ: اهااا انت بقااا اللي زعلت لوكاا وخلتها قعدت تعيط..
مصطفي: ايوا اناا ، وع فكرا انا اعتذرت من شويه وهي قالت انها سامحتني..
لوكا: لو مسمحتكش مكنتش نزلت تاني او جيت قعدت معاكوا..
لولي بتحدي: لوكاا حره تسامحك او لا ، بس انا مش هسيبك..
لوكاا: ليلي عيب كده ، الموضوع انتهي خلاص..
لولي: انتهي فعلا ، بس برضه لازم يدفع تمن ده ، كل واحد عمل حاجه لازم تتردله..
ياسر بضحك: واااااو ، قطه جبليه شرسه..
كيان بانبهار: اووووف ، شخصيتها قويه اوووووي..
مصطفي: وانا موافق ، انا بتحداكي تقدري تعملي حاجه..
لوكاا: يجماعه خلاص..
لولي: لا مش خلاص ، اوك وانا قبلت التحدي.. وهما قاعدين شيري جت عليهم ولينا ف أيديها..
لوكاا قالت بضحك: بسم الله ما شاء الله لحقتي خلفتي.. الكل ضحك ولوكا قالت: اعرفكواا باختي الكبيره شيرين ، ودي لينا صاحبتها
الكل باستغراب: اهلااا..
شيري: اهلا ، يلا يجماعه عشان ننزل..
ياسر: ع فين..
لوكاا: الهانم ليلي عايزه تتمشي شويه ع الكورنيش..
مصطفي: طيب مفيش مشكله ، احنا كمان عايزين نخرج ، ينفع نيجي معاكوا..
لولي قالت بسرعه: ايواا طبعا ينفع يلااا..
خرجوا كلهم..
وف وسط كل ده كان ف عين بتراقبهم ، وصاحبهم هيموووت من الغيظ ، خرج مشي وراهم بالعربيه وكان ماسك الفون بيحاول يكلم حد وفجأه بص قدامه لقي عربيه نقل كبيره و…..
