رواية كسر الروح الفصل السابع عشر 17 بقلم آلاء محمد – تحميل الرواية pdf

سامح اخد لينا وراح للاوتيل اللي قاعد فيه ، ولينا لاحظت انه متوتر وحيران..
لينا: مالك ي عمو..
سامح: مفيش ي قلبي ، يلا عشان نتعشي وننام..
لينا: يلاا بس انا مش عايزه اكل جبنه..
سامح: حبيبي ده العشا الصحي اللي المفروض ناكله..
لينا: ماشي ما احنا بناكله كل يوم ، نغير يوم(وبصتله بضحك) بليززززز..
سامح: ماشي ، شوفي عايزه تاكلي اي ونجيب..
وطلبوا اكل وقعدوا ياكلوا..
سامح: قوليلي ي لينا ، تحبي يبقي ليكي ام زي شيرين وأخوات زي أخواتها كده..
لينا بفرحه: ايواا طبعااا ، هو انت هتتجوز شيري؟؟
سامح باستغراب: ايواا ، بس انتي عرفتي منين؟؟
لينا بضحك: اصل الداخله دي معروفه ، ومفيش حاجه هتغريني من نحيتك وهي هتحبك ، كل الحاجات دي معروفه ف الكتب والروايات..
سامح ف سره: القراءة برضه ليها عيوبها زي ما ليها مميزاتها( انا شخصيا ككاتبه اقتنعت يجماعه والله أطفال اليومين دول مش أطفال ابدااا)

عند لوكاا كانت نايمه ع السرير وأخواتها والبرتين حواليها وماسكين أيديها ، ومامتها وجدتها وادهم برا..
نيموو: ممكن افهم بقااا انتوا تعرفوا بعض منين..
هناء: انا هحكيلك كل حاجه ي ماما.. بعد ما سافرنا بسنتين سيف اخويا اتقابل مع واحده كانت زميلته من ايام الجامعة كانوا بيحبوا بعض وكانت عايشه هناك ، واتفاجي انه عنده ابن منها ، يوم حفله تخرجه كان سكران هو أصحابه وهي كانت من ضمنهم وغلطوا مع بعض ، وطبعا اما فاقوا اضطر سيف يكتب عليها من ورانا وبعدها بشهرين اطلقوا وهي سافرت ومكنش يعرف عنها حاجه وهي حاولت توصله عشان تعرفه ان هيبقي اب بس إحنا كنا عزلنا ، واما اتقابلوا هناك واكتشف انه عنده ابن اكتشف كمان ان هي مريضه كانسر وبتتعالج بس حالتها كانت صعبه وف المرحلة الأخيرة ، واما ماتت سيف خد أدهم و نجلاء مراته هي اللي ربت أدهم ، ومقولناش ليكي حاجه عشان كنا خايفين متقبليش أدهم ف العيله..
نيموو بصت لادهم: وانت جيت وخدعتنا ودخلت وسطنا زمان وفجأه سافرت ودمرت ملك ، طيب كنت جيت لي من الأول؟!!
ادهم بص ف الأرض ووشه عليه علامات الحزن والندم : عشان حبيت ملك ، من وانا صغير وهما دايما بيحكوا عنها قدامي هي وشيري ولولي ، كنت دايما بشوف صورها وفيديوهاتها وهي بتضحك و وهي بتعيط واما نجحت عملت اي واما وقعت ع رجليها زمان وشها ازاي كان احمر وكانت مش فاهمه حاجه من اللي حواليها وبتبص باستغراب كده ، واما اخدت الحزام الأسود ف التايكوندوا قد اي كانت فخوره بنفسها ، انا شاركت ملك كل لحظاتها من غير ما تعرف ، وحبتها برضه من غير ما تعرف ، واما التكنولوجيا اتطورت وبقي فيه فيس بوك قعدت ادور عليها لحد ما لقيتها وبقيت اتابعها ف صمت واتفرج ع صورها واعيش معاها لحظاتها اللي بتنزلها ، لحد ما خلصت كليه وبقيت معيد ف الجامعة هناك ، واتفاجئت ان ملك دخلت نفس كليتي ف قررت أرجع مصر واكون معيد ف نفس كليتها واقرب منها واخليها تحبني من غير ما تعرف أن انا ابن خالها وكلمت عمتو وعرفتها اني بحب ملك وعايز اتجوزها ووافقت لان هي اللي مربياني برضه مع ماما وبابا وكلمت عمو خالد والد ملك وقولتلوا كل حاجه ووافق ، كان هدفي الأول ملك تحبني وتوافق اتجوزها و زورت بطاقه عشان لو ملك سالتني ع اهلي متعرفش انا مين ، بس ساعه كتب الكتاب لو تفتكري انا اللي كنت جايب المازون وكان محضر كل الأوراق بس ع اسمي الحقيقي والله والله كنت هقولها انا بس خفت لو قولتلها ف الأول ده يخليها تبعد عني من غير ما تديني فرصه اقرب منها او أقولها اني بحبها من زماااان اوووي ، وحصل فعلا وملك حبتني واتجوزنا وكل حاجه كانت ماشيه تمام والفرح كان فاضل عليه اسبوع زي ما انتي عارفه ، بس بابا تعب و حصله مشكله ف الكبد ف كان لازم اسافر تاني لبابا و ف نفس الوقت مكنش عندي مبرر اقوله لملك او حتي أقولها هرجع امتا او أقولها اصلا اني مسافر لي ، مكنش عندي حل غير اني اهرب واسيبلها الورقه اللي انتي شوفتيها ، الورقه اللي انا واثق انها دمرتها وكسرتها بس والله كان غصب عني وانا كمان كنت تعبان وملك بعيده عني ، كنت خايف طول الوقت قلبها يميل لغيري وساعتها مكنتش هقدر الومها لان الغلط عندي انا..
نيموو بصدمه: بقي كل ده حصل وانا معرفش ، تعملوا كل ده من غير علمي ، وتخبوا عليا كل حاجة كده ، امشوا من هنا ، هناء أرجعي مطرح ما كنتي ملكيش بنات عندي..ف اللحظه دي هناء انهارت وقعدت تعيط وتلوم نفسها وادهم كان بيواسيها وبيطبطب عليها.. ف نيموو بصتله وقالت: وانت ي ادهم لو انت اخر راجل ف الدنيا مش هجوزك ملك ابدااا حتى لو ملك وافقت انا مش هكون راضيه عنكوا ولا هوافق ، اطلعوا برااا..
ادهم قام وقف وزعق: بس ده حرام ، لي القسوة دي ، احنا معملناش حاجه لكل ده ، بابا خبي عليكي وجودي لانه عارفك وعارف مثالياتك ، وانا اضطريت اعمل كده عشان توافقي ع جوازي من ملك ، وعمتو من حقها بعد ما اتحرمت من عيالها كل السنين دي أنها تعيش معاهم وتقضي بقيه حياتها جنبهم..
شيري خرجت ع صوته وكانت منفعله وعصبيه..
شيري: انت ي بني ادم انت ، وطي صوتك واحترم نفسك وانت بتتكلم مع جدتك..
نيموو بصتلها باستغراب ف شيري بعدت بنظرها للناحية التانيه وفهمت نيموو انها كانت عارفه كل حاجه..
أدهم بتحدي: حرقتلك الكارت اللي كنتي بتلعبي بيه مش كده..
شيري ضحكت: فعلا حرقته بس متفرحش اوووي لاني لسه عندي كتير ، وكتير جداا كمان ولو حابب تجرب ممكن نعمل بروفه حلوه كده وكل الحبايب موجودين..(وبصت لمامتها) متحاوليش تقربي من ملك و ليلي ، مش هسمحلك ، أنتي اخترتي مكانك من زمان وانا احترمته وعشان مجرحش اخواتي عملت معاكي اتفاق التزمي بيه زي ما انا التزمت معاكي كل السنين دي..
هناء بصتلها وقامت وقفت وراحت نحيتها وحاولت تلمسها لكن شيري بعدت بسرعه ف هناء دموعها نزلت اكتر: ي شيرين والله انا كان غصب عني ، كان لازم اعمل كده عشان متشوفنيش وانا ضعيفه و متتبهدلوش معايا وتتغربوا وتعيشي طول عمركوا بعيد عن بلدكوا ، مكنش ينفع اكون أنانيه واطلب ده منكوا ، سامحيني واديني فرصه..
شيري بلامبالاه: انا مش زعلانه منك اصلا عشان أسامحك ولا وجودك فارق معايا ع فكرا انا بس مش عايزه أخواتي يحطوا امل ويدوكي فرصه ويحلموا انك هتعيشي معاهم بعد كده لاني عارفه انك هتسافري تاني..
هناء: لا والله مش هسافر تاني ، انا عملت توكيل لخالك وهو هيبيع كل حاجه هناك وهيرجع وهنعيش كلنا هناا..
شيري اتهزت من جوا وحست ان مامتها بتقول الحقيقة وحست أنها عايزه تحضنها بس قاومت الإحساس ده وسيطرت عليه ورسمت القوه ع ملامحها..
شيري: تقعدي تمشي ميخصنيش انا اللي يهمني أخواتي ، اسمعي كلام نيموو وابعدي عنهم..
وسابتها ودخلت تاني ل لولي ولوكا والبرتين وقعدت جنب لوكاا وفضلت بصلها و لولي كانت قاعده جنب ملك وماسكه ايديها وزعلانه ع منظر أختها بس كانت فرحانه ان مامتها جت اخيرااا وفجأه لوكاا ابتدت تفوق..
لوكاا: انا فين ، اي اللي حصل..
شيري: أنتي كويسه ي حببتي؟؟
لوكا افتكرت اللي شافته قبل ما تدوخ وقعدت تعيط: شيرين انتي اكيد عارفه كل حاجه ، عشان خاطري فهميني اي اللي بيحصل انا هتجنن..
شيري قعدت تهديها وبدأت تحكيلها كل حاجه..

عند مصطفي كان قاعد وجده كان قاعد جنبه وقاله..
يوسف: مدخلتش لي؟؟!
مصطفي: انا من ساعه ما جيت هنااا وانا بتخانق مع نفسي عشان اخشلوا ومش قادر اوصل لقرار..
يوسف: انت عارف انو ملوش ذنب ف اللي حصل زمان مش كده..
مصطفي سكت شويه وقال: بس بسببه مقدرناش نلحقها ، بسببه عاشت اخر لحظات حياتها ف عذاب ، ماتت وهي بتتالم..
يوسف سكت معرفش يقول اي ، والحقيقة مفيش حاجه تتقال اصلا ف الموقف ده….استووووووب نتعرف ع عيله مصطفي شويه..
“مصطفي عيلته ابا عن جد ظباط ف المخابرات ، حتي مامته كانت دكتور ظابط ف المخابرات واتعرفت ع باباه هناك ، وكان بينهم قصه حب الكل يحلف بيها ، واتجوزوا وخلفوا مصطفي ، وجد مصطفي هو يوسف اللي خوف رضوي وخلاها تبعد وهنعرف لي بعدين”
شويه ومصطفي و يوسف بصوا لبعض وقاموا دخلوا الاوضه سواا..
ع الناحية التانيه وضوي وكيان كانوا داخلين المستشفي ، وسالوا ع رقم اوضه والد مصطفي وطلعوا واول ما وصلوا كان مصطفي وجدوا خارجين من الاوضه والكل اتفاجي..
مصطفي: رضوي!!!!!!!!!!