رواية كسر الروح الفصل الثاني والعشرين 22 بقلم آلاء محمد
ياسر قعد يدور ف اوضته ع اي حاجه يربط بيها الجرح ملقاش ف قرر يروح ل ملك و يسألها ، خرج من اوضته اللي كانت ف نفس دور اوضه ملك ، واول ما قرب من الاوضه سمع صوت صريخ ملك ومقاومتها ، ف قعد يخبط ع الباب جاامد..
ملك: ابعددد عني ، لا ي أدهم أرجوك بلااااش ، لاااااااااااا ، ابعد بقولك..
ياسر: ملك ، ملك ، افتح الباب ي حيوان ايااااك تقربلها..بص قدامه لقي البنت بتاعه الهاوس كيبنك ماشيه ف جري عليها..
ياسر: لو سمحتي هاتي الماستر كارت بسرعه ف حد جواا بيحاول يعتدي ع بنت..جريت معاه وفتحت الباب وكان ملك اغمي عليها واول ما دخلوا ياسر مسك ادهم اللي كان بيحاول يحرك ملك وقعد يضربوه ف أدهم بادلوا الضربات لحد ما البنت جريت وطلبت الأمن وليلي وهناء و نرمين والبرتين وراحوا لاوضه ملك بسرعه بعد ما سمعوا صريخهم ، ودخلوا الأمن وبعدوهم عن بعض..
ياسر: انا هوريك ي زباله ازاي تقربلها تاني..
أدهم: وانت مالك انت دي مراتي وانت ملكش فيه..
نيموو: بااااااااااس خلاص كفاية ، سبوه ، اطلع برا ي أدهم..
أدهم: انا معملتش حاجه غلط ، ملك مراتي وده حقي..
ليلي: انت اتجننت ازاي تعمل فيها كده وغصب عنها كمااان.. وجريت ع ملك ومامتها وراها وقعدوا يفوقوها وجابولها دكتور..
الدكتور: اتعرضت لصدمه شديده ، ده غير انها ضعيفة وعندها انيميا انا علقتلها محلول ولازم ترتاح شويه.. بعد نص ساعه فاقت ملك وقعدت تعيط ، ف ليلي اتصلت بشيري..
قاعدين ساكتين مش بيتكلموا ، بيبصوا للبحر بس ، بيراقبوه ، صمت وبس وساعات بيقطعه صوت صوت الموج وهو بيضرب الصخور بعنف..
سامح: هو انتي ليه وافقتي..
شيري بصتله: هتفرق؟!!
سامح: لا ، بس عايز اعرف من باب الفضول..
شيري: مبدئيا جو معجب بيكي ونتعرف وانتي جميله ومحترمه ده مدخلش عليااا ، انا عملت نفسي صدقتك بس لا ،(بصت ل لينا اللي قاعده بتلعب ف الملاهي اللي ع البحر) اللي عجبني فيك وخلاني اوافق حاجه واحده بس انك بتعمل كل ده عشان لينا ، وهي مش بنتك كمااان ودي حاجه مش كل الناس بتعملها..
سامح بصلها ومعرفش ينطق كان متفاجي من جرائتها وصراحتها وسلامها النفسي ده وقال ف سره(اي البت البارده دي ، هو ف واحده ممكن تقبل انها تتجوز واحد لمجرد انه بيعامل انسان تاني كويس) وشيرين فهمت نظرته وردت بجراءه اكبر: وانت بقااا عايز تتجوزني عشان اربي لينا وف نفس الوقت زوجه تاخد حقك الشرعي منها وقت ما تحب و تجبلك عيال واهي ست ف الأول والاخر مش كده ، وع فكره انا معنديش مانع ف ده وموافقه لاني انا كمان ليا عندك مصلحه ، و عموما الجواز اي غير ثفقه فيها طرف كسبان وطرف كسبان اوووي..
سامح ساكت مش عارف يقول اي ، شيرين كل يوم بتفاجئه عن اليوم اللي قبله ، كل يوم بيكتشف فيها حاجه جديده ومش عارف دي حاجه حلوه ولا وحشه بس شيرين قطعت حيرته تاني وقالت: ممكن تكون متفاجي من كلامي او شايف اني جريئه زياده عن اللزوم بس هي دي الحقيقة ومش مستاهله جو المثاليات ده ولا مستاهله نقعد نجمل ونستف ف حاجه معروف اي أولها واي اخرها..
وفجأه تليفون شيري رن وكانت ليلي..
ليلي بعياط: ي شيري الحقينااا..
شيرين بخضه: ف اي…. طيب طيب انا جايه بسرعه.. وقفلت وبصت لسامح: انا لازم اطلع الفندق فوراا بعد اذنك..وسابته وجريت بس سامح جري وراها: استني طيب ف اي..وهي داخله الفندق قابلت ادهم اللي كان خارج ومسكته ضربته بالبوكس ف عينه…
شيرين: انت ازاي تعمل فيها كده ، انت اتجننت..وقعدت تضربه وسامح عمال يبعدها ويهديها ، لحد ما سابته وطلعت الاوضه اللي فيها ملك ، واول ما شافتها بصت لسامح اللي كان متفاجي وياسر اللي واقف وحزين ع ملك وبيتوعد لادهم..
ياسر: والله نهايته هتكون ع ايدي ، هو مين اللي ادله المفتاح أصلا وازاي دخل كده؟؟!!!
ليلي بصت للارض بحزن ، ف الكل فهم ان هي اللي ساعدته وبصلوها بلوم..
شيري بصت لسامح وياسر: لو سمحتوا اطلعوا براا ، و أستأذنك ي سامح بيه خد البرتين معاك..
وفعلا طلعوا وشيرين راحت جنب ملك وخدتها ف حضنها..
مصطفي بعد ما دخل الاوضه لقي ابوه وجده بيتكلموا وبيضحكوا وده استفزه اكتر وخلاه اتعصب جدااا وقعد يزعق اوووووي وسط ذهول أبوه وجده: انا عايز اعرف كنت بتحبها ازاي ومن انهي ناحيه ، حب اي ده اللي يخليك تحبس نفسك وتحبسها معاك ف اوضه 3 ساعات وهي بتنزف ، انت كنت بتحب نفسك وشغلك وبس ، المهمه بتاعتك كانت اهم عندك من انقاذ حياتها ، الترقيه والرتبه والمبادئ والمثاليات بتاعتك هما اللي قتلوها ، انانيتك وقله حيلتك عيشوني لوحدي كل السنين دي لوحدي مش عارف اثق ف حد ولا اتعامل مع الناس زي الأول ، حتي ضعفك قدام ابوك وانعدام شخصيتك قدامه خليته يبعد عني اكتر إنسانه حبتها واتمنيت اعيش معاها ، واكيد انت كنت عارف بده وساعدته فيه ، انا مش هسامحك ولا حتي هسامحها لانها هي اللي قبلت تعيش الحياه دي معاك ودمرت نفسها وعيشتني من غير ام و اب وجوده ف الحياه زي عدمه ، انت ظلمتني وظلمتها وظلمت نفسك وعيشت نفسك من غير ابنك وعيشتني من غير ابوياا(وبص لجده) وانت كمان حبك لنفسك وانك فاكر انك تقدر ع كل حاجه ومفيش حاجه بتقف قدامك واللي انت عايزه لازم يتم بغض النظر عن اي اعتبارات تانيه حتي لو كان مع حفيدك اللي ابنك رماه ف مدرسه داخليه عشان مصلحته ، تقوم انت تكمل عليه وتبعد حبيبته عنه ، انا عمري ما شفت اهل زيكواا ولا هشوف ، اطلعوا من حياتي ومش عايز اشوفكوا تاني.. جده كان قاعد بيسمعه وهو حاطط رجل ع رجل وملامحه جامده بس مش مبشره بالخير ابداا لحد ما مصطفي خلص كلامه وجه يخرج ف يوسف وقفه: استني عندك..
مصطفي لف وشه وبصله: اي هنبدا ف المحاضره المعتادة بتاعتك..
يوسف قرب منه وضربه بالقلم: أوعى تاني مره تتكلم معايا بالأسلوب ده ، واياك تنسى نفسك ولازم تعرف انك غبي ومتعرفش حاجه ابداااا..اطلع برا..
مصطفي سابهم وطلع وهو غضبان وثاير ومش شايف قدامه حاول يتنفس بالراحه ويهدي نفسه بس حزنه وزعله كانوا اكبر بكتيييرر ، ف طلع موبايله وقعد يتصل بكيان بس رقمها كان مغلق ف راح الريسبشن بسال عنها..
مصطفي: لو سمحتي مشفتيش الانسه اللي كانت معايا وإحنا داخلين..
الممرضه: هي خرجت من شويه ي فندم وسابتلك الجواب ده وبتقولك مارسين بعتهولك..
مصطفي اول ما سمع الاسم اتنفض ومد ايده ياخد الرسالة وهو متردد.. خدها وراح ركب العربيه وفتحها وبدء يقرأها..
” مصطفي ، انا عارفه دلوقتي انك ندمان وبتدور عليا عشان تعتذر لأن ببساطه دي مش اول مره ، بس انا اللي بعتذر المرادي انا مش هقدر اكون موجوده تاني ف حياتك ، مش هقدر ابص ف وشك بعد اللي انت قولته ، يمكن كلامك يكون صح ويمكن يكون غلط ، معرفش ومش عايزه اعرف ، بس تفتكر هو الإنسان بمزاجه يختار أهله او يختار الناس او المجمتع او الطبقه اللي يعيش فيها ، تفتكر انا محاولتش أصلح كل ده او مكنتش حابه اعيش زيك مع اسره تحبني وتحترم رغباتي ، تفتكر انا محاولتش أعمل صحاب ، انا مش هقولك ولا هحكيلك ع اللي شفته او عشته ، انا مسافره ومش هرجع تاني ابدااا وريح ضميرك انا كده كده مكنتش هعرف اعيش ف المجتمع ده ، بس انا عايزه أقولك ع حاجه انا احسن منك ، لاني عشت ف ظروف أسوأ مليون مره من ظروفك ومع ذلك نجحت ورضيت باللي ربنا عايزه وقدرت اتخطي ماساتي وقدرت انسي كل شي ومستسلمش واتاقلمت واتعلمت احب نفسي واسامحها واديها فرصه تحب وتثق من تاني مش زيك اصل مفيش حد بياخد كل حاجه ي مصطفي ، حتي رضوي في علاقتك معاها مكنتش محسسها بالأمان وده اللي خلاها تخاف وتمشي ، انما انا اما حبيت اديت الأمان والثقه مش ذنبي بقاا ان ف حد من جنسك عمل فيا كده ومقدرش ده ، متدورش عليا عشان انا مش عيزاك تلاقيني ومش عيزاك أخويا ولا ابن عمتي ولا حتي صديقي…كيان”
مصطفي قفل الرسالة ودموعه نازله ومش عارف يتصرف ازاي..
كلهم كانوا قاعدين ف الاوضه وشيرين حاضنه ملك اللي كانت بتعيط ونرمين قاعده جنبها من الناحية التانيه وماسكه ايدها وجنبها هناء ، وليلي واقفه ف ركن من الاوضه وساكته وباصه ف الأرض..
نيمو: خلاص ي حبيبي ، اهدي انتي كويسه وإحنا معاكي..
ملك مسحت دموعها وقالت: مفيش حاجه انا عايزه انزل اشم هوا..
نيموو: ماشي ي قلبي ، بس لازم تعرفي ان انا هسافر الفجر ومش حابه اسيبك كده ابداا بس مش بايديا..
ملك: هتسافري كام يوم؟؟
نيموو: هما 15 يوم بالكتير اووووي وهاجي ع طول ، واول ما اجي هنروح بيتنا ونرجع احسن من الاول..
شيرين بصت ل ليلي بأسف: عمرنا ما هنرجع زي الأول ، ف حاجه اتكسرت هناا(وشاورت ع قلبها) واللي اتكسر بيترمي..
ليلي عياطها زاد وصوتها علي ، ف ملك ضغطت ع ايد شيرين ، وبصت ل ليلي وقالت: لولي تعالى جنبي بلييزز..
ليلي راحت وقعدت جنبها ف ملك حضنتها: انا عارفه انك مكنش قصدك و ان نيتك كانت كويسه بس ي ليلي مش كل حاجه نتدخل فيها ونحاول نصلحها لمجرد انك عايزه تثبتي لنفسك حاجه ، حبي انا وادهم أنتهي من زماااااان ومش هيرجع تاني ، متحاوليش تتدخلي ف الموضوع ده تاني واديكي شوفتي كان هيهمل فيا اي ، ملكيش دعوه بيه وابعدي عنه وخلي بالك ع نفسك..
ليلي بصتلها: انا اسفه ي لوكاا والله انا كنت حاسه انك بتحبيه وبتعاندي وف نفس الوقت كنت عيزاكي تكوني مبسوطه دايمااا ، مكنتش اعرف انه هيفكر يعمل فيكي كده وهو اصلا كان شكله مش طبيعي اما عمل كده و..شيرين قاطعتها بصوت عالي: ده مش هيغير حاجه من اللي حصل وتاني مره تخليكي ف حالك وملكيش دعوه بغيرك ، فااهمه..
ليلي: حاضر..
شيرين بصت لجدتها وقالت: انا متقدملي عريس ووافقت عليه..وفجأه الباب خبط ف ليلي قامت فتحت ودخل منه شخص وقال بصوت هادي:وانا مش موافق
