رواية جبابرة العشق الفصل العشرين 20 بقلم اميرة عمرو
20 = البارت العشرون 20 /
في قصر الرعد نجد الجميع جالس ماعدا آسين ،أيهم
جيسكا في نفسها: أخيرا هخلص منك يا آسين وأيهم هيكون ملكي، مفيش بنت قدرت تخلي أيهم يغرم بيها بس انت عملتيها ،حاولت كتير أجذب انتباهه ،بس معرفتش ،أيهم ملكي واللي ياخد حاجة من ممتلكات جيسكا يبقي يموت
شجن وهي تنظر في ساعتها: هي آسين اتأخرت كده ليه ولدوقتي مرجعتش
سوزان في سرها: مش هترجع لأنها سافرت في رحلة طويلة جدا رحلة ذهاب بلا عودة
سوزان بقلق مصطنع: طب اتصلي بيها يمكن نعرف هيا اتأخرت ليه والوقت أتاخر ولسه مرجعتش ودا غلط انها تتأخر لدلوقتي
لتتجاهلها شجن مما يجعل سوزان تستشيط غضبا وتتجه ببصرها الي يزيد ليقول يزيد بقلق:
انا خايف عليها حاسس ان حصل ليها حاجة
تولان بقلق هي الاخرى: هي قالت انها هترجع الساعة اربعة ودلوقتي تمانية ومرجعتش ولا حتي اتصلت بينا تطمنا
جيهان بخوف: ما تتصلوا بيها تاني يمكن ترد
شجن: اتصلت بيها كتير بس بيقي مغلق أو غير متاح انا قلبي مقبوض عليها
وهنا يدخل أيهم ليقول مراد متسائلا: انت كنت فين لدوقتي
أيهم وهو يجلس ببرود: كنت في الشركة بنهي كام صفقة للشركة
مراد: بس انت مش قلت ليا كنت جيت معاك
أيهم : مجتش فرصة
لينظر أيهم حوله ليجد الجميع جالس بتوتر لينظر الي مراد بمعني ماذا هناك ليقول مراد:
آسين لدلوقتي مرجعتش وهي كانت مفروض تبقي هنا من أربع ساعات خايفين يكون حصل ليها حاجة
ليقول أيهم بخوف لم يستطع في إخفائه : ما تتصلوا بيها واعرفوا السبب
كنان: شجن اتصلت بيها كتير بس مغلق
جيسكا محاولة لفت نظر أيهم بالحديث لتقول موجهه حديثها الي جيهان : هو في مصر البنت لما تتأخر برا البيت وترجع متأخر بيقولوا عليها
ليقاطعها يزيد بغضب: بقولك ايه انت كل شوية بتحاولي ترمي عليها اتهامات باطلة وبنسكت بس أقسم بالله لو جبتي سيرتها بكلمة غلط لتشوفي وش يزيد البحيري اللي مش بيحب يوريه لحد بس انت بقي شكلك حابة تشوفيه
لتقول سوزان: هي بس من خوفها عليها قالت كده مش أكتر
شجن بحدة: متشكرين بس احنا مش محتاجين حد يخاف عليها احنا موجودين
الدادة رحمة بخوف: يا جماعة براحة وان شاء الله خير هي يمكن بتعمل عملية لمريض او حابة تقعد لوحدها انت عارفة هي لما بتبقي مخنوقة بتخرج وتقعد لوحدها وبعدين لازم تهدوا وتفكروا صح وبالعقل مش بالعصبية دي
جوليا بتأييد: انا مع الدادة
مالكم في ايه صوتكم عالي كده ليه انا سمعاه من عند الباب
كانت تلك الكلمات التي نطقت بها آسين عند دخولها القصر لينظر الجميع الي مصدر الصوت ليجدوا تقف أمامهم ويوجد شاش علي رأسها لتشهق شجن وتولان بخوف بينما الجميع وقف ينظر لها بخوف أما جيسكا وسوزان نظرا الي بعضهما بصدمة وخوف من أن يكتشف مخططهم
شجن بخوف ودموع: ايه اللي حصلك وايه الشاش اللي علي رأسك ده
آسين بحنان الي شجن: متخافيش يا قلبي حادثة بسيطة
تولان بخوف: حادثة بسيطة إزاي انت مش شايفة نفسك عاملة إزاي ووشك الاصفر وجمسك اللي باين عليه التعب
آسين مهدئة لهم: متخفيش عليا دا إصابة خفيفة وكمان سطحية
شجن ببكاء: سطحية انت بتحاولي تهديني وخلاص انا خايفة عليكي يا قلبي
آسين وهي تحتضنها: والله ما فيا حاجة وبعدين يا ستي انا اودامك أهو مفيش حاجة وواقفة زي الاسد
يزيد بقلق: ايه اللي حصل وازاي حصلت الحادثة دي
آسين: فرامل العربية مشتغلتش ومقدرتش اتحكم في العربية للغاية ما خبطت في شجرةوأغمي عليا والناس اتجمعوا و أخدوني المستشفي واول ما فوقت جيت علي هنا علطول لما لقيت الوقت اتأخر
الدادة رحمة بحنان: الحمدلله انك بخير اطلعي ارتاحي شوية شكلك لسه تعبانة
كنان: ألف سلامة عليك
مراد: حمدلله علي السلامة
سوزان بخوف مصطنع: حمدلله علي سلامتك يا آسين والحمدلله انك بخير
آسين ببرود: شكرا
شجن: يلا يا قلبي علشان ترتاحي انت دلوقتي مريضة ومحتاجة رعاية
آسين بضحك: ماشي يا مامي والا أقول يا دكتور شكلك ناوية تعملي عليا دور الدكتورة يا شجن
شجن: كله علشانك يا روحي
أيهم ببرود : حمدلله علي سلامتك يا آسين
آسين بغموض: الله يسلمك مسيو أيهم
لتصعد الي غرفتها ومعها شجن ليلحق بهم الجميع الي غرفهم بعدما تأكدوا من سلامتها ليبقي سوزان وجيسكا
سوزان: لسه محتاجة مساعدة
جيسكا : طالما لينا نفس المصلحة يبقي إيدي في إيدك واعتبريني معاكي
سوزان: تمام يبقي الهدف واحد
جيسكا بحنق: عايز اعرف نفدت إزاي من الحادثة دي لو حد غيرها كان مات فيها
سوزان بسخرية: بنت رعد الحديدي عايزاها تموت كده بالساهل لا دي عايزة تخطيط مدبر وحاجة تقيلة
جيسكا : هنعمل إيه ؟؟…
سوزان بخبث: مش إحنا اللي هنعمل …
جيسكا بعدم فهم: طالما احنا مش اللي هنعمل مين اللي هيعمل ويخلصنا منها ….
سوزان بشر: ألبرتوا …
جيسكا بصدمة: انت متأكده ألبرتوا …
سوزان: أيوا ألبرتوا هو الوحيد اللي ممكن يخلصنا منها
جيسكا بخبث: يبقي تمام ….
**☆☆☆☆☆☆☆☆☆☆**
بعد مرور أسبوع تحسنت فيه آسين من الحادثة
وحدث كثير في هذا الاسبوع فلقد تقرب كنان من شجن ومراد من تولان بعد الاعتراف وأصبحوا يتحدثون كثيرا وسط خجل البنات وضحك الشباب عليهم واستغلال خجلهم بينما آسين تفكر في مقابلة البوص تلك المقابلة التي ستغير الكثير بينما سوزان وجيسكا يدبران لقتل آسين بمساعدة ذلك الذي يسمي ألبرتوا
☆☆☆☆☆☆☆☆☆☆☆☆
في شركة A.S.R في غرفة الاجتماعات نجد الجو مشحون بالتوتر والخوف من تلك المقابلة وهناك من يحاول فهم ما يحدث ومعرفة ذلك الشخص الغامض ومن يكون بينما آسين تفكر بغموض وعدم فهم بينما أيهم يشعر بالغيرة علي آسين من نظرات رائف إليها ويحاول تهدئة نفسه بتذكره انه من اعتني به بعد وفاة والده وكيف جعله يصبح شيطان يقتل بدم بارد ليقول في نفسه:
مالك يا أيهم هتغير منه والا ايه متنساش انه اللي اهتم بيك بعد موت والدك
رائف في نفسه: طلعتي أجمل من الصور انا مش مستوعب ولا حتي مصدق انك أودامي دلوقتي جميلة جدا زي سارة في جمالها وهدوئها ونفس العيون والجمال كلك سارة وهتكوني ليا ومش لحد تاني نخلص من الصفقة دي والشحنة تعدي علي خير بس ساعتها هتبقي ملك رائف زيدان
بينما يزيد ينظر الي رائف بحنق وعضب من نظراته الي آسين انه يغير ولكن غيرة أخ علي أخته ليقول بغضب مكتوم:
نبدأ الاجتماع والا ايه
آسين ببرود: دلوقتي إحنا اتفقنا علي كل حاجة مع مسيو أيهم فاضل اننا نمضي العقود ونحدد معاد دخول الشحنة للمصر
رائف: تمام بس دي أول صفقة بين شركاتنا معاكم وحابين اننا يبقي في شغل بينا كتير
آسين ببرود: الشحنة دي تدخل مصر والصفقة تنجح وقتها نشوف لو هيبقي في صفقات تانية والا لاء
أيهم : الشحنة هتدخل مصر بعد أسبوعين دا أنسب وقت
آسين: تمام نقدر نمضي العقود
ليمضوا العقود واتفقوا ان التسليم سيكون بعد أسبوعين منهم من فرح بهذا فلقد اقترب من هدفه ومنهم من يشعر بالغضب والخوف في نفس الوقت تلك الصفقة وأيضا من ذلك الرجل الغامض والذي يبدو علي ملامحه الشر
لينتهي الاجتماع ويخرج الجميع وسط فرحة رائف من عدم معرفة آسين له : هي معرفتنيش ولا حتي افتكرتني حلو جدا كويس كده سهلت عليا الخطة أوي
ولكنه لا يعلم ان آماله تحطت عندما قالت آسين: اوعي تفكر ان ناسية اللي انت عملته زمانه لا انا فاكرة كل حاجة أوي ومنستش اليوم اللي قتلت فيه رعد الحديدي
ليلتفت لها رائف بصدمة: انت فكراني
آسين ببرود: ولا عمري نسيت شكلك أبدا بالعكس كل يوم انت صورتك في دماغي وكل اما افتكر اللي عملته ابقي عايزة اقتلك في ساعتها واخد حق رعد بإيدي
رائف: لما انت فكراني وعايزة تقتليني وافقتي علي الصفقة ليه
آسين ببرود: دا شغل وانا مش بخلط بين شغلي او حياتي العملية بالعكس كل واحد فيهم ليه طريق عكس التاني
رائف: باين عليكي قوية وشجاعة زي رعد بس بتمتلكي جمال سارة
آسين: انت قولت قوية وشجاعة زي رعد وبنت الرعد مش بتسيب حقها
رائف بضحك: هههه بس انت متقدريش تعمللي حاجة علشان انت بقيتي من ممتلكات رائف زيدان وهتبقي ليه
آسين بسخرية: ودا إزاي ان شاء الله
رائف: هتبقي لرائف زيدان برضاكي أو غصب عنك هتبقي ليا انت بقيتي ملكي
آسين: يبقي انت بتحلم لأني عمري ما هكون ملكك لأنك هتموت علي إيدي
رائف: هنشوف بس افتكري انك ملك رائف زيدان
ويضحك ضحكة رنانة لتقول آسين ببرود ثقة: خليك فاكر انك انت اللي ضحكت دلوقتي مين عارف مين فينا اللي هيضحك في الآخر انا والا انت
ليخرج رائف وهو متعجب من كلماتها الاخيرة فيبدو انها تخطط لشئ ما ولكنه لا يعرف ما هو
لتنظر آسين الي الفراغ وتقول بغموض: نهايتك قربت يا رائف وهتكون علي إيدي وحق رعد الحديدي هيرجع
لتخرج من غرفة الاجتماعات لتنزل الي أسفل لتجد الجميع بانتظارها لتقول باستغراب: انتم مرجعتوش القصر ليه
شجن : قولنا نستناكي ونرجع سوا
لتحتضنها آسين وتقول: دايما طريقنا واحد وهنفضل مع بعض دايما
بينما هناك في مكان ليس ببعيد وليس بقريب أيضا نجد رجل ملثم يرتدي أسود ويضع قناع علي وجهه يحمل مسدس ويصوبه تجاه أحد ما ويوجد به كاتم للصوت وفجاة تخرج رصاصة من ذلك المسدس لتستقر بجسد …….
☆☆☆☆☆☆☆☆☆☆☆☆☆
هاي يا حلوين انا لسه كاتبة البارت ده حالا يارب يعجبكم ومتنسوش الفوت وابقوا شوفو فتيات من جحيم لأن اللي جاي دمار في فتيات من جحيم ونهاية جبابرة العشق وشكرا لكل اللي علق تعليق جميل علي الروايتين وصوت للروايتين
باي مع فتيات من جحيم
وووويتبع
