رواية جبابرة العشق الفصل الحادي عشر 11 بقلم اميرة عمرو
11=الحادى عشر 11 /
بعد مرور يومان في القصر نجد كنان يضع عطره المفضل ويصفف شعره بطريقه جذابة فبدا وسيما جدا
ليخرج من غرفته التي بالقصر وهو يدندن وسعيد ليجد مراد أمامه وهو ينظر له با ستغراب من تلك الهيئة التي بها كنان ليقول مراد
مراد: ايه يا عم الشياكة دي شكلك رايح تقابل مزة
كنان بابتسامة : انا فعلا رايح اقابل
مراد: الله يخربيتك وشجن هتعمل معاها ايه
كنان وهو يضرب مراد علي رأسه: يا غبي افهم اللي رايح اقابلها شجن مش حد تاني
مراد: اممم وهي سمحت انكم تخرجوا لوحدكم كده
كنان بخبث فهو يعلم ما يريده صديقه : لا قالتلي ان احنا نخرج بس معانا صحبتها
مراد بلهفة: ها صحبتها مين
كنان : وانت مالك ياعم بصحبتها الله والبت الحمرا هتعمل معاها ايه
مراد: وانت مالك يا عم قول مين اللي هتخرج معاكم
كنان : استني عقبال ما افتكر صاحبتها مين صاحبتها مين
مراد: ساعة بتفكر ما تنجز ياعم انت
كنان: خلاص انا ماشي وكنت خلاص افتكرت ان اللي جاية معانا تولان وانا االي كنت بقول خده الواد مراد معاك بس طلع ندل
مراد: بجد هاجي معاك يا عم متزعلش مني يا كينو يا عسل انت
كنان بزعل مصطنع : لا انا لسه زعلان
مراد: هعملك اي حاجة تقول عليها بس خدني معاك
كنان: ماشي وانت عامل زي الاطفال كده لما بيمسكوا في حاجة خمس دقايق والاقيك جاهز
مراد : خمس دقايق ايه يا عم قول دقيقة وهتلاقيني فوق دماغك
كنان: لما نشوف
ليهرول مراد ناحية غرفته مسرعا فهو سيخرج لرؤية معشوقته
بعد مرور نصف ساعة كان كنان ينتظر مراد عند سيارته ليقول بتأفف
كنان: بيقولي دقيقة وهتلاقيني فوق دماغك اهو عدا نص ساعة والبيه لسه ماشرفش انا احسن حاجة اعملها اني امشي
وهم للركوب في السيارة ليجد مراد أمامه بوسامته المعتادة فكان يرتدي هذا
وهو يقول بابتسامة
مراد: متأخرتش عليك صح
كنان : لأ كتر خيرك بتقولي دقيقة وتقعد نص ساعة البت خللت من القعدة زمانها مستنية دلوقتي يا عيني عليك يا شجن حبيبك ربنا رزقه بصاحب رزل وبارد
مراد: ماهو كمان البت بتاعتي زمانها قاعدة معاها وبعدين انت اعترفتلها
كنان : لأ لسه بس فيما سيكون بعد يا ذكي
ليسمعوا صوت تصفيرة اعجاب ولم تكن سوا جوليا
جوليا: ايه الشياكة والحلاوة دي
كنان: ربنا يديمك يا عسل انت
جوليا : اللي يشوفكم يقول رايحين موعد غرامي ها رايحين فين
مراد: رايح أشوف تولا حبيبة قلبي
كنان: رايح أشوف شجن حبيبة قلبي وعقلي وروحي
جوليا: ياعيني ياعيني من امتي الرومانسية دي دا انتم عمركم ماعملتوها حتي لو بالغلط
كنان: ايه يا ماما انت جايه تعطلينا مش كفاية الاستاذ شوفي انت رايحة فين
جوليا: كده يا كنان تصدق انا غلطانة وعلي فكرة بقي مراد احلي منك
مراد: تسلم في امك يا بت يا جوليا
كنان: يلا بت مش ناقصين عطلة شوفي انت كنتي رايحة فين
جوليا : علي فكرة بقي انا مش بكلمك انا بكلم مراد حبيبي وانتم رايحيم معاهم لوحدكم والا في حد تاني
كنان : لأ لوحدنا ومفيش حد معانا وبعدين الاستاذ يزيد مش جاي ها استريحتي
جوليا: ها هو انا قولت يزيد علشان تقولي جاي والا مش جاي انا كنت بسأل
كنان: اقعدي يا ماما دا انت مكشوفة قوي كفاية عينيك اللي بتقلب قلوب لما تشوفيه
جوليا : هو انا باين عليا كده
كنان : ايوا ويلا من هنا هو مستحيل يبصلك من أساسه دا مش مهتم بيكي اصلا ويلا احنا اتاخرنا
جوليا بدموع : آسفة يا أستاذ كنان اني عطلتكم وتتركهم وتذهب ليقول مراد بغضب
: ايه اللي انت قولته ده اديك زعلتها منك روح اعتذرلها
كنان: مش كنت اقصد وبعدين لما نيجي احنا اتأخرنا علي الموعد بتاعنا وهيقولوا علينا مش بنحترم المواعيد
مراد: ماشي بس لما نيجي تعتذرلها وتصالحها
ليومأ له كنان وقد احس انه اهان جوليا لذلك عندما يعود سيذهب للاعتذار منها
عند الفتيات في المشفي كانت تجلس شجن بمكتبها ومعها تولان وتحاول ان تقنعها بالمجيئ معها
شجن: يا بنتي بقالي ساعة بتحايل عليكي وانت مش راضية تقتنعي انك تيجي معايا
تولان: لأ يعني لأ وبعدين هو قالك هنخرج سوا انا مالي بقي
شجن : مانا قولتله اني مش هخرج من غيرك
تولان بغضب : وانا مال امي انا هو عازمك انتي بتدخلني في الوضوع ليه
شجن: طب بصي عديها المرة دي وبعدين انا اول مرة اخرج مع حد غريب يرضيكي يعني وافقي بليييييز بليييييز
تولان: خلاص يا اختي هاجي وربنا ياخدك يا بعيدة
بينما هم جالسات حتي يسمعن صوت رنين هاتف شجن ولم يكن غير كنان لتقوم شجن بالرد
شجن: آلو
كنان: آلو يا شجن انتم فين
شجن: احنا فوق مستنينك
كنان : سوري شجن بس وهو ينظر الي مراد الجلس بجانبه بعصبية اصل مراد كان زهقان واصر انه يجي معايا وانا وافقت
شجن: مفيش مشكلة تولان جاية معايا أخيرا اقتنعت
كنان: طب أجيلك انت فين احنا تحت في الجراج
شجن: لا احنا اللي هننزلك مفيش داعي يلا سلام
كنان: سلام
لتقوم الفتيات بالنهوض والخروج من المكتب بل من المستشفي بأكملها ونزلت الفتيات الي أسفل ليجدوا كنان ومعه مراد لتقف تولان مصدومة ثم تهتف بغضب لشجن التي بجانبها :
هو مش حضرتك قولتي ليا ان كنان بس اللي جاي صاحبه بيعمل ايه معاه
شجن: والله ماكنت اعرف غير لما كنان اتصل بيا وقالي انهم تحت وخفت اقولك لاحسن متجيش معايا
تولان: لا والله المفروض اصدق انا كده
شجن: خلاص يا تولا بقي الله ويلا بقي وابقي اعملي اللي انت عايزاه معايا في البيت
تولان :لما نشوف اخرتها ايه يا بنت الرعد
بينما الشباب واقفون اذا يسمعوا صوت كعب عالي قادم ناحيتهم ليستديروا لينصدموا من كتله الجمال التي أمامهم ليزدادوا عشقا لهم فهم يزيدو جملا عن جمالا كل يوم فقد كانت شجن ترتدي قميص وبنطلون وتولان جيبة وقميص ابيض
ليتجهوا ناحيتهم ويقولون : ازيكوا يا شباب
لم يرد عليهم احد فقد كانوا شاردين بهؤلاء اللاتي سلبن عقولهم ليعيدوا مرة اخري :
يا شباب كنان مراد
ليستفيق الاثنان من شرودهم ويتنحنح كنان ليقول
: تمام يابنات لينظر الي شجن ويقول بهيام تمام طول مانتي بخير يا شجن
ليضربه مراد بجانبه ليقول : احم اقصد يعني انتو كويسين
شجن : احنا بخير
مراد: وانت عاملة ايه يا تولان
تولان : تمام ثم تقول بجدية مش يلا بينا والا هنفضل هنا
ليقول كنان: لأ طبعا يلا بينا
ليركب الجميع السيارة وكانت الفتيات بالخلف والشباب في الامام واتجهوا ناحية احد المطاعم الفاخرة وجلسوا سويا
في القصر عند آسين كان يجلس كل من عامر وجوليا وجيهان وجيسكا يتحدثون في أمور عدة
جيهان : انتم بقي عايشين كده لوحدكم
جوليا: ايوا احنا عايشين مع بعض كلنا وبنشتغل مع بعض
عامر: ازاي وانتم شباب كده يعني مينفعش الوضع ده
جيسكا بتكبر: احنا دلوقتي في عصر السرعة يعني عادي وبعدين دا حاجة عادية بتحصل دا مجتمع غربي ومتعلم مش شرقي فيه التخلف هناك الحرية والتقدم والتكنولوجيا
جوليا تحاول تهدئة العاصفة قبل ان تبدأ: خلاص يا جيسكا
عامربهدوء : المجتمع الشرقي ده زمان كان متقدم وفيه تعليم وبيعملوا الحضارات والاساطير عندك انت الفراعنة بنو الاهرامات بالعتلة و عملو عملية التحنيط اللي لدلوقتي مش عارفين سرها والمجتمع الغربي وقتها كان ملوكه مش بيعرفوا يكتبوا اسمايهم عند العرب كان الكافر بيعلم عشرة من المسلمين الأميين وياخد حريته في مقابل ده العربي بيقرأ ويكتب و يقول شعر ويحارب ويحافظ علي حرمة بيته ويدافع عن بلده ودينه ويفديه بروحه
جيهان: المجتمع الشرقي مجتمع راقي وفيه الخيرات والناس بقف مع بعضها في الشدة والفرح الاحزان قبل الافراح ولو مكنش احنا عندنا العلم والرقي زي ما بتقولي فاحنا عندنا الدين الإسلامي والقيم والمبادئ والأخلاق والقوة والشجاعة والمساندة ولو بلدنا علشان شرقية أصيلة مش عجبتك مكنتيش فيها دلوقتي والا السياح بيجوا علشان يشوفوا جمالها ويتعالجوا برمال واحة سيوة
جيسكا بغضب : بس انا هنا علشان شغلنا وان كمان أيهم مريض فيتعافي أيهم ونمشي
أيهم وهو يدخل غرفة الجلوس ليجد عامر وجيهان ينظرون لجيسكا بغضب واحتقار بينما جوليا جالسة تحاول تهدئة الامر
:في ايه مالكم كأنكم في حرب
جوليا : مفيش حاجة
عامر: تعالي اقعد يابني انت لسه مريض
جيهان : لأ مفيش انت صحتك تمام
جيسكا بدلع : اقعد يا أيهم استريح علشان الإصابة تعالياقعد جنبي هنا
ليتركها أيهم ويجلس بعيد عنها علي الأريكة الاخري ويقول : انا تمام بخير
لتستشيط جيسكا غضبا من تجاهل أيهم لها واحراجها امامهم بينما بينما عامر وجيهان وجوليا يكتمان الضحك فهو لم يرد عليها
أيهم : ها في ايه كنتوا بتتكلموا في ايه وسكتم لما جيت
جيهان: لأ مفيش يا بني احنا كنا بنتكلم واختلفنا في الآراء بس
جوليا: وبعدين سيبك مننا احنا انت لسه تعبان المفروض تستريح مش كفاية بتدير الشغل هنا من يوم الحادثة
أيهم: انا مببحبش اقعد من غير الشغل دا حياتي وأنا عشت حياتي كده وبكره الراحة ومش متعود عليها
جيهان بحنان : حتي لو كده المفروض تريح نفسك فترة الحياة زي ما فيها التعب فيها الراحة
أيهم : عارف بس احقق اللي في بالي واخد حقي ساعتها ابقي استريح واخد راحة بس اعرف وساعتها اقدر احقق اللي بتمناه من سنين
ليستغرب كل من عامر وجيهان من كلامه ولكن لم يعلقوا عليه وجوليا محاولة تغيير الموضوع
جوليا: سيبك من ده ونبقي تنكلم في الموضوع ده في وقت تاني
أيهم وهو لا يري اي من مراد وكنان ليسأل ويقول :
مراد وكنان فين انا مش شايف ولا واحد فيهم
جوليا : أصلهم بره ومعاهم شجن وتولان
ليستغرب الجميع وتقول جيهان بصدمة
: شجن وتولان بتوعنا
جوليا: آه مالك مصدومة كده
عامر وهو ينظر لجيهان بصدمة: هي بتتكلم عن مين
جيهان: بتقولك شجن وتولان بتوعنا جعفر وبرعي مع مراد وكنان
لينظرا الي بعضهم لينفجر الاثنان ضحكا ومن ثم ينظران الي جوليا المستغربة من هؤلاء ويقولون:
انت متأكدة انهم شجن وتولان بتوعنا والا يمكن تشابه أسماء
جوليا : آه هما كنان ومراد اللي قالولي الصبح بنفسهم بس مالكم مصدومين كده ليه هو في ايه
جيهان: العيال عمرهم ما عملوها
عامر: آه والله دول عمرهم ماخرجوا مع حد عير مع بعض هما الاربعة والثلاثي بتاعنا غير ابدا
جيهان: اكيد اتجننوا تيجي ناخدهم لعند دكتور
هما مين دول اللي عايزة تخليهم يروحوا عند دكتور
قالها كنان وهو يدخل غرفة الجلوس بعدما استمع اللي أخر حديثهم ومعه مراد والفتيات
جيهان وعامر بنفس واحد: شجن وتولان
تولان وهي انظر لشجن ليهتفا سويا: نااااااعععععم انتم بتقولوا ايه
جيهان بخوف وكذب : مش بنقول حاجة وبعدين جوليا قالت لنا ان انتم تعبانين
جوليا بصدمة: أنا
جيهان : أيوا انتي
شجن وهي تجلس بأريحية علي الأريكة: مش عارفة ليه مش مصدقاكي يا جيجي
تولان وهي تجلس بجانبها علي الأريكة: حتي انا مش مطمنالك يا جيجي
جيهان : جري ايه يا بت منك ليها انتم نسيتوا نفسكم والا ايه وبعدين هو تحقيق
شجن بلا مبالاة: عادي مش انتي اللي عايزة تودينا للدكتور يلا بقي سماح المرادي
جيسكا : مش قولت ليكم مجتمع شرقي متخلف والدليل ادامك اهو
جوليا: خلاص يا جيسكا
تولان وهي تنظر لوالدتها الجالسة : هو في ايه انا عايزة
شجن : ومن غير كدب اللي يخلي دي وهي تشاور علي جيسكا تتكلم علينا كده
لتتنهد جبهان بخوف وتحكي لهم ماحدث بالتفصيل
ليقول كنان بغضب : انتي ازاي تسمحي لنفسك تقولي كده
جيسكا بغضب : وانت مالك هما اللي سألوا واحنا جاوبنا ومالهم ان احنا عايشيين سوا ما عندك هما سايبين بنتين عايشين معاهم دا وفي بيت غريب ومع شاب ودا غير بنت عمو اللي ماسكة فيه ليل ونهار وحركاتهم سوا وبتقولك مش بيفارقوا بعض غير ساعة النوم ومين عالم ايه اللي بيحصل
مراد بغضب: جيسكا احترمي نفسك متنسيش انك قاعدة عندهم يا ماما فوقي من ام غرورك ده
تولان بغضب : دا انتي اتجننتي علي الآخر مبقاش غيرك انت اللي تجي تعلمنا الاخلاق وانت مش متعلماه أصلا
شجن بعصبية: انت بتقولي علينا متخلفين لأ وايه جايه بتتكلم عننا بالغلط وهي الغلط ذات نفسه
عامر محاولا تهدئة الوضع فهو يعرف شجن عندما تغضب: اييه مش محترمين الكبار اللي قاعدين معاكم وانتي ياشجن مش عاجبك انا والا ايه
شجن بأسف: انا آسفة يا عمورة ومن ثم تقول بغضب
هي اللي انسانة مستفزة بتقول علينا كلام وحش وبتشكك في أخلاقنا
عامر بهدوء : اقعدوا انتم الخمسة ليجلسوا جميعا ليقول عامر :
مش معني انهم مش بيفرقوا بعض اننا نفهمهم غلط بالعكس انا فخور بيهم وعارف أخلاقهم كويس وانهم مستحيل بيعملوا حاجة حرام صحيح لبسهم مش اللبس المتدين بس قلوبهم كلها حب حبهم لبعضهم يخليهم يختفوا علي بعض وبعدين شجن ويزيد مش بيقعدوا في مكان واحد سوا من غير آسن او تولان واحنا دايما لما بيتجمع الاربعة بنيجي نقعد سوا ونكون مع بعض غير كده لو في شغل برا البلد تولان ويزيد بيروحوا سوا وآسين وشجن بيقعدوا في شقة ليهم علي النيل ويزيد وتولان مع بعض بردوا بس انا مطمن انهم مش بيعملوا حاجة غلط وبعدين آسين عمرها ما هتوافق انها تقعد مع شاب غريب بدون وجودنا انا او جيهان ولو احنا سمحنا هي لاء ومن غير ده كله احنا بنثق فيهم وفي تربيتنا ليهم
جيسكا باستهزاء: هو اللي بيقول ازاي اتنين ولاد عم يقعدوا في مكان واحد ومع بعض وبيسافروا اي سفرية سوا
تولان بغضب : احترمي نفسك والا اقسم بربي اشوهلك وشك اللي فرحانة بيه ده
اما عند ذكر ذلك احس كنان بالراحة ان معشوقته فتاة جميلة ولا ترتكب تلك الحماقات التي كان يظنها عندما علم انهم يسكنون مع شاب في مكان واحد اما مراد فأحس بالغيرة هل يمكن ان تكون !!لا لا انها ليست كذلك نعم انا متأكد ولكن من طباع الرجل الشك ليتنهد ويحاول منع تلك الافكار من عقله اما جوليا أحست بنار الغيرة تأكلها من تلك الحمراء وتود لو تفتك بها الآن
ليقول عامر: لو مكنوش إخوات مستحيل كنا سبناهم سوا مع بعض دايما
لينظر باتجاهه الجميع بصدمة هل قال إخوة كيف وهم ليسوا من نفس الأب او الأم بل اولاد العم
مراد بصدمة : ازاي اخوات ويزيد أكبر من تولان بسنة
جوليا : دول ولاد عم ازاي اخوات إزاي
تولان بسخرية: زي السكر في الشاي
عامر بهدوء : تولان عيب
جيهان : إخوات في الرضاعة لأنهم رضعوا سوا لم ولدت تولان تعبت فترة فمامت يزيد رضعت تولان معاه يعني عادي طالما هما اخوات والا ايه
ليفرح مراد فلقد تأكد ان معشوقته فتاة حسناء وانها لا تحب ذلك اليزيد بل انه أخيها ولكنه يغير نعم يغير فالحب من غير الغيرة علي المعشوف لا يسمي حب
اما أيهم فهو سمع حديثهم بصمت وترقب لما يحدث ليزداد اعجابه بفاتنته تلك ليزداد عشقه لها
آسفة اني اتاخرت عليكم بس والله بفكر في الاحداث وبحاول امهد للفصول التانية آسفة بجد
ووووويتبع
