آسفة جدا علي اني اتأخرت عليكم في تنزيل البارت 
_________________للجميع@
يالله ماهذا تلك الفتاة تجذبني إليها فهي مميزة حتي اسمها مميز بارعة جميلة جداا ما هذا لماذا تجذبيني إليك أكثر يا ملاكي الأبيض
كانت تلك الكلمات يقولها أيهم لنفسه وشرد بآسين ليقول وهو شارد بصوت منخفض:
آسين
ليفيق علي صوت جوليا وهي تقول بصوت عالي نسبيا :
حتي اسمك مميز بس مش غريب الاسم دا شوية انا اللي اعرفه آسيا او أسيل مش آسين
آسين ببرود :
لأ مش غريب آسين اسم هندي يتم اطلاقه علي الإناث وهو النقي والخالي من العيوب ويعتبر من الاسماء الجميلة الرقيقة وتتسم صاحبة اسم آسين بالشخصية الطيبة وتحب على ان تسعد جميع من حولها وهي متسامحة
يزيد بصوت منخفض سمعه الجميع وهو يهمس لشجن :
رقيقة آسين رقيقة دا هي والرقة أعداء قال رقيقة قال
شجن بنفس الصوت:
متسامحة دي قعدت أسبوع متكلمنيش علشان كدبت عليها دا انا اختها وعملت كده طب الغريب هتعمل فيه ايه
تولان أيضا:
خالي من العيوب هي في دي عندها حق انما تسعد الجميع دي غريبة عليها دي حتي الضحكة بتضحكها من السنة للسنة دي الابتسامة بنشوفها كل فين وفين
بينما هم يتحدثون اذ ينفجر الجميع ضاحكا علي هؤلاء الثلاثة فهم اعتقدوا انه لم يسمعهم احد لينظروا إليهم باستغراب ليتجهوا بالنظر لأسين يجدوها غاضبة جدا وتود الفتك بهم
ليقول يزيد ببعض الخوف:
طبعا لو حلفتلك علي المصحف ان الكلام ده مش عليكي مش هتصدقي
شجن بخوف أيضا:
آسين هو في بجمال اسم آسين والا حلاوة اسم آسين دا آسين اسم مفيش في جمالو دا اسمي جنبو برعي
تولان:
طبعا لو قلنالك ان الكلام ده علي البت دارين دي بت ملزقة كده و بعدين دا انت الاصل يا كينج دا انا من كتر حبي في اسمك عملته الباسورد للتليفوني مش كده
شجن ويزيد: اه اه طبعا
آسين ببرود وهي ترفع احدي حاجبيها:
انا مش هعلق علي الكلام اللي انتم قولتوه دلوقتي بس لما نرجع بيتنا هحاسبكم عليه ودي تاني غلطة ليكم انهارده وكمان الكلام اللي انتم قولتوه دلوقتي عن دارين هتتعاقبو عليه لان مش من اخلاقنا ان احنا نغلط او نجيب في سيرة حد هو مش موجود لأ احنا بنواجه وبس
جوليا بهمس لكنان:
شكلها مسيطرة اوي دي باين عليها جبروت يا بني دا انا لحد دلوقتي مشفتهاش بتضحك
كنان بنفس الهمس:
عندك حق يا جولي دا ابتديت اقلق اتكلم معاها لقول كلمة غلط اتعاقب عليها مش عاملة فيهم ايه
مراد هامسا لهم :
لأ وكمان بتحاسبهم انهم جابو في سيرة واحدة من وراها وبتقولهم مش اخلاقنا احنا بنواجه
كنان :
أحسن حل اننا منتعاملش معاها ونكون بعيد عنها يابني خلينا مع التلاتة اللي العسل دول
جوليا: اممم تمام يا برنس
أيهم ببرود:
انا عايز اخرج من هنا دلوقتي
آسين ببرود :
مينفعش ولسه في خطر علي حياتك احنا لغاية دلوقتي معرفناش مين السبب في ضرب النار عليك ومقولناش للشرطة ودي لوحدها غلطة
أيهم ببرود وثقة:
هخرج من هنا يعني هخرج ايه هتمنعيني
آسين ببرود وثقة أكبر وكأنه تحدي:
اه همنعك حتي لو هنحبسك اهم حاجة سلامة مريض عندنا وان تكون صحته تمام ومفيش ضرر عليه لو خرج
أيهم :
هتحبسيني اممم لا تصدقي كده انا خفت
جوليا بهمس لشجن :
ايه حرب البرود دي دا الاتنين باردين اوي
شجن بهمس لجوليا:
آسين محدش يقارنها في برودها دي تقعدي سنة علشان تستفيزيها و متعرفيش
تولان بهمس لهم:
انا بقول هيحصل ضرب نار خناقة صوت عالي كده جو أكشن مش برود دا الاتنين باردين اوي كتل برود
جيسكا بغضب :
تحبسي مين انتي نسيتي نفسك والا ايه هتحبسي فهد الاقتصاد
آسين ببرود :
ميهمنيش اللي يهمني سلامة المرضي بتوعي واه ممكن اعملها عادي اصل صاحبتك تقدري تقولي عليها مجنونة
جيسكا بغضب اكبر:
لا دا انت شكلك متعرفيش مين ده دا الشيطان اكبر زعيم مافيا يعني ممكن في ثانية تتمحي من علي وش الدنيا برصاصة وكمان منخدش فيكي ساعة سجن
لتشهق الفتيات بينما آسين ترد عليها ببرود ليزداد غضب جيسكا:
مافيا تحبي اقولك حاجة انا مبخافش الا من اللي خلقني واللي بتتكلمي عنه ده انا السبب في انه عايش يعني تقدري تقولي كده بفضلي انا كان زمانكم بتقروا الفاتحة علي روحوا حفظانها ولا لأ
كنان بهمس لمراد:
جامده اوي قصف جبهة لجيسكا دي شكلها كده هتعلمها الادب وهي اللي هتوريها الكبرياء والغرور علي اصوله
مراد :فعلا دي قرفنا ليل ونهار بغرورها ده الحمد لله جيت اللي هتعلم عليها
جيسكا:
انت عارفة انت بتعملي ايه انت فاكرة نفسك مين لتكوني المرأة الخارقة وانا معرفش
آسين ببرود:
بصي يا بتاعة انتي انت مش فارقة معايا من الأساس وتهديدك ده تخوفي بيه اي حد مش آسين الحديدي واللي في دماغي دايما بنفذه ونش انا اللي تخاف من برص زيك
لينفجر الجميع ضاحكا بينما أيهم يبتسم علي قوة تلك الفتاة وكيف هي لم تخف من كونهم مافيا
أيهم ببرود :
بس انا عايز اخرج وممكن اكتب تعهد ان انا مسئول عن حالتي
آسين ببرود :
تعهد ميهمنيش اعمله وبله واشرب مياته مش انا اللي اسيب مريض عندي يخرج من غير مايكون اتعالج وصحته تمام
ليهتف يزيد قائلا:
لقتيها
ليقول الجميع باستغراب: هي ايه
يزيد :
مش الاستاذ عايز يخرج وآسين عمرها ما هتسمحله غير لما يتحسن وتكون صحته تمام والكل عارف ان آسين عنيدة وعمرها ماهتغير رأيها صح يا تولا
تولان :عندك حق بس انت عايز توصل لايه
يزيد :
الاستاذ عايز يخرج وآسين رافضة يبقي نبعت معاه دكتور وممرضة يهتموا بيه
جوليا: عندك حق يا استاذ يزيد
يزيد :تقدري تقولي يزيد بس لان احنا اصحاب والا ايه
جوليا : تمام
آسين : اول مرة تقول حاجة صح في حياتك
وتسبتلي انك ذكي وبتعرف تفكر
يزيد: طول عمري ذكي بس انتو اللي مكنتوش واخدين بالكو
آسين :تمام هنبعت معاك دكتور دارين لانها مش هتبقي مشغولة الفترة الجاية
أيهم ببرود وقد احس ان الفرصة اتته ان يقابل حسنائه ويراها كثيرا :
موافق بس مش عايز دكاترة تانية انا عايز دكتور آسين
آسين ببرود: بس انا مش موافقة علي الكلام ده
أيهم بنفس البرود : بصي انا عايزك انتي يا دكتور انت اللي قمتي بالعملية وانت بردو اللي هتكملي تعليمك
آسين ببرود :تمام
أيهم :يبقي تحضري نفسك انك هتيجي عندي القصر علشان تكملي علاجي
آسين ببرود: لأ انتم اللي تجهزوا نفسكم
جوليا باستغراب:
ليه
آسين :لان العلاج هيتم عندي في البيت
جيسكا بسخرية:ويا تري هتخلينا نقعد في حارة شعبية والا شقة أوضتين وصالة ونسيب القصر
آسين ببرود : لو مش عايزة تيجي الحارة انت حرة ثم تقول بثقة بس اللي معاكي حابين يجوا صح والا انا غلطانة ثم تنظر لهم
ليقول كنان:طبعا جايين
مراد: معاكم
جوليا:انا مع اصحابي في اي مكان
آسين ببرود وهي تنظر لجيسكا: تمام هما عايزين حابة تيجي تمام مش حابة وفرتي مكان في الشقة الاوضتين وصالة علي العموم بكره تقدر تخرج
ثم تنظر الي يزيد وتقول يزيد جهز الشقة أم اوضتين وصالة
يزيد: انت بتتكلمي جد مين هيجي عند مين
تولان: وبعدين دول ٣شباب هيعيشوا معانا ازاي
شجن: انت هتخلي شباب يقعدوا معانا وانت ناسية ان احنا بنات وبعدين دول مافيا و منعرفش عنهم حاجة كانت تقول هذا وهي تنظر الي كنان باحتقار
آسين : كل ده مش يفرق معايا لان انا واثقة فيكو وان محدش يقدر يمسكوا وبعدين احنا طول عمرنا اقوياء ونقدر نحمي نفسنا
يزيد :بس يا آسين انت عارفة ان احنا عمرنا ما دخلنا حد بيتنا ولا حتي مريض وانت جاية دلوقتي وكمان مافيا
آسين ببرود: زيدوا انت واثق فيا
يزيد: طبعا واثق يا عمري لو موثقتش فيكي الثقة هتكون لمين
آسين:يبقي تتصل علي عامر وجيهان وخليهم يجهزوا كل حاجة علشان بكره هيجوا عندنا
يزيد : تمام يا قلبي حاجة تانية
آسين:لأ تروح علي مكتبي وتقعد هناك واياك تلمس حاجة آخر مرة كسرت التمثال بتاعي هخلص اشراف علي الحالتين بعد كده هاجي ماشي يا يزيد
يزيد: ماشي انا مشي يلا انا هتصل علي عموري وجيجي روح قلبي بت الايه مش بيبان عليها سن ابدا
تولان بغضب مكتوم: امشي يا يزيد بدل ما اقسم بالله لهيتعلم عليك مني انا مش من الكينج
يزيد بخوف مصتنع: لأ وعلي ايه انا ماشي بنات آخر زمن مش عارفة الكل هيموت عليكم علي دا انتم جعفر مش بنات
شجن بغضب :يزيد
ليخرج يزيد من الغرفة بسرعة حتي لا يفتك به من هؤلاء البنات
آسين : وانتم يا دكاترة علي حدعلمي وهي تنظر في ساعتها الدكتورة شجن عندها عملية بعد نص ساعة ولسه مامشتش
شجن بإحراج : هه الحقيقة نسيت تمام انا هروح اجهز علشان العملية
آسين : وانت يا دكتور تولان مش عندك حالات محتاجة كشف انهارده والا ايه
تولان: ايوا عندي
آسين بحدة: طالما عندكم واقفين عندكم ليه هه مستنين المرضي اللي عندكم يحصلهم حاجة والا ايه والا عايزين يقولا علينا مش ملتزمين في المستشفي وانها ماشية فوضي
شجن : انا آسفة يا دكتور غلطة ومش هتتكرر
آسين : ومين قال اني هسمح انها تتكرر الاستهتار ده مخصوم من مرتبكم يا دكاترة ويلا كل واحدة علي شغلها
لتذهب الفتاتان كل واحدة الي عملها وتقوم به اما آسين مازالت عند أيهم
آسين: بكره هتاخد الاذن وتخرج وهتيجوا عندي
مراد باستغراب: بس ليه بكره ما يخرج انهارده
آسين : هنعمله شويه اشعة وتحاليل وعقبال ما نحضر كل حاجة علشانكم بكره
جوليا: بس احنا كده هنزعجكم وهنتقل عليكم
آسين :عادي ولا ازعاج ولا حاجة انتم هتعيشوا عندي فترة وبعدين هتعدي يعني ولا كأن حصل حاجة وانتي مش قولتي ان احنا أصحاب يبقي مفيش ازعاج و طالما بقينا اصحاب يبقي تستحملي الا هيحصل فيكي من الثلاثي المرح و الكينج آسين بنت الحديدي
جوليا وهي تبتلع ريقها بصعوبة: شكل اللي جاي دمار طالما قولتي كده الله يكون في عوني
آسين ببرود : سلام انا بقي
لتخرج وتترك الجميع بالداخل عند أيهم
كنان: انا مش مصدق ان احنا هنعيش معاهم فترة
مراد:لأ وكمان في بيت واحد
جوليا: بطلوا تفكيركم القذر البنات مش بالنوع ده وبعدين دا معاهم شاب
كنان بغيرة: تلت بنات ايه اللي يخلي شاب زي ده يقعد معاهم لا وايه جمال وطول وعرض
مراد بنفس الغيرة: كل شئ هيتحل لما نروحلهم بكره وهنعرف ايه نظامهم
جوليا: مش وقت كلام يلا بينا علشان نجهز حاجتن علشان بكره
مراد :يلا بينا
ليخرج الجميع تاركين أيهم وعندما هم مراد بالخروج
أيهم : مراد عايزك
مراد :في حاجة
كنان: أيهم مالك فيك حاجة ننادي علي الدكتورة أيهم ببرود: لا مفيش امشوا انتم وبعدين مراد هيحصلكم انا عايزوا
جوليا: خلاص خلي بالك علي نفسك سلام
ليخرج الجميع ويتبقي أيهم ومراد
مراد باستغراب:في ايه يا أيهم
أيهم ببرود : عرفت مين اللي عمل كده
مراد بشر: اه سامح الشهاوي
أيهم ببرود: طب عملت معاه ايه
مراد:متخافش هو دلوقتي في المخزن متكتف ومرمي زي الكلاب هناك سيبوا ليك علشان تخلص عليه بنفسك
أيهم: خلص عليه انت مش عايز اسمع ان في يوم كان في واحد اسمه سامح الشهاوي
مراد: دا انت جيت ليا في ملعبي
أيهم:البوص عرف
مراد: ايوا عرف وكان قلقان عليك اوي وعايز يجيلك بنفسك بس انا منعته وقالي لما تفوق اخليك تكلمه
أيهم: اتصل عليه عايز اكلمه
ايقوم مراد باخراج هاتفه ويقوم بالضغط علي عدة أرقام ليفتح الخط
مراد: آلو
البوص: آلو ايوا يا مراد أيهم عامل ايه دلوقتي
مراد: فاق وعايز يكلمك
البوص : اديهوني
أيهم: ازيك يا بوص
البوص:عامل ايه دلوقتي
أيهم: متخافش انا بقيت تمام
البوص: اللي عمل كده هيتعاقب علي اللي عمله
أيهم :متخافش الشيطان بياخد حقه بايده مش بيستني حد
البوص:ههه حتي وانت تعبان شيطان
أيهم:تربيتك يا بوص و اول ما اتحسن هيجيلك وهعرف بقي اللي مستنيه من سنين
البوص : تمام بس ألاقيه وهقولك عليه وساعتها تقدر تاخد حقك
أيهم: ما تقولي هو مين وانا هدور عليه واخد حقي منه
البوص : متستعجلش كل شئ بآوانه سلام
أيهم :سلام
ليغلق الخط ويعطي الفون لمراد ليقوم مراد ويقول
مراد :امشي انا بقي خلي بالك علي نفسك
أيهم : متخافش عليا انا الشيطان بردو
مراد:حتي في دي مغرور انا ماشي سلام
أيهم: سلام
ليترك مراد أيهم غارق بتفكيره فيمن كان السبب بوفاة والده نصار العمري الذي كان يعشقه فلقد كان الاب والصديق والمعلم بالنسبة له
لينسدل ستار الليل هلي أبطالنا بينما بطلنا نائم اذا باب الغرفة يفتح ويدخل منه شخص ليستيقظ أيهم وينظر الي ذلك الشخص بصدمة ليقول أيهم
: انت
المجهول : ايوا أنا
في صباح يوم جديد هذا اليوم الذي سوف يتغير به كل شئ وتبدأ سطور الحكاية بقصص عشق ينبت من قلوب تريد العشق بعدما ذاقت العذاب تريد الحب الحنان الثقة والبعد عن الحزن والألم تريد سماع كلمات عشق تزينها الألحان في عشق لا نهاية له
يستيقظ بطلنا ليجد أصدقائه بجانبه ومعهم أخيه وتوأم روحه كنان
مراد: كل حاجة جاهزه فاضل تغير هدومك علشان نمشي من هنا
أيهم :تمام
ليقول مراد : خلص ولو احتجت مساعدة هتلاقيني جنبك احنا مستنينك
ليومأ له أيهم ويخرج مراد ليخرج أيهم الهاتف الخاص به ويقوم بالاتصال علي شخص ما
أيهم ببرود: ها عملت اللي قولتلك عليه
الشخص:__________
أيهم: انت عارف انك لو كذبت ساعتها هعمل فيك ايه
الشخص:___________
أيهم: تمام وليك مكافأة علي اللي قولته ده
ليغلق الخط ويقول أيهم بشر
: واخيرا وقعت تحت ايدي وحق نصار العمري هيرجع قريب اوي
ليبتسم بشر ويقوم بصعوبة ليتجه الي الحمام لتغيير ملابسه لتوجه الي المجهول
___________________________
يارب البارت يعجبكم وآسفة اني اتاخرت عليكم
مين اللي دخل علي أيهم بالليل؟
مين الشخص اللي كلمه أيهم وعمل ايه علشان أيهم ؟
ويا تري ايه اللي جاي وهل هيغير كتير في أبطالنا وهيخليهم يقعوا في حب بعض ؟
جبابرة العشق
بقلم آسين
سلام
ووووويتبع
