رواية جبابرة العشق الفصل الرابع 4 بقلم اميرة عمرو – تحميل الرواية pdf

ليهم كنان بالرد ليسمعوا صوت امرأة تنادي بصوت عالي وتقول:سارة
سارة (الطفلة):ماما وتركض ناحية والدتها وتحتضنها
والده سارة :ينفع كده يا سارة مش قولتلك اقفي هنا عقبال ما أجي
سارة : آسفة يا مامي بصي طنط العسل دي ساعدتني قبل ما العربية تخبطني
والده سارة: ايه فيكي حاجة
شجن :لا متخافيش حضرتك انا لحقتها قبل ما السواق الغبي يخبطها وهي تنظر لكنان باحتقار وهو ينظر لها بغضب
والده سارة:شكرا ليكي بجد فرصة سعيدة
شجن بابتسامةبسيطة: دا واجبي وبعدين اسمها دا غالي علي قلبي وليه معزة خاصة علي العموم فرصة سعيدة
لتأخذ والدة سارة سارة وتذهب لتتجه شجن ناحية سيارتها لتشهق بصدمة وتقول :
يا نهار أسود ايه اللي عمل في العربية كده
ليتنحنح كنان قائلا: بصراحة انا لما كنت بغير الاتجاه علشان مخبطش الطفلة خبطت في العربية بتاعتك
شجن: هو انت ايه حمار مابتفمش مش عارفة هو يوم أسود علي دماغي
كنان : جري ايه يابنتي انت لسانك ده ايه مبرد وبعدين يا اسمك ايه انت علي تمن تصليحها هدفعه ليكي
شجن :متشكرين مش محتاجين منك حاجة وبعدين زمان ورشة التصليح هتبعت حد ياخد العربية وتصلحها
لتأتي ورشه التصليح وتأخذ السيارة ونظرات الاعجاب من العمال ممازاد غضب شجن
ليقول احد العمال :
تؤمري بحاجة تانية يا قمر
شجن بحدة: لا خلاص ويلا بقي علشان متشوفش هتندم عليها طول عمرك
احد العاملين هامسا: مزة بس قوية ولسانها عايز الحرق
ويأخذوا السيارة الي ورشة التصليح وكنان لاول مرة ينتبه الي جمال شجن من عينيها البنية وشعرها المموج وجسدها النحيف مما زاد جمالها
ليقول كنان :تعالي اوصلك بما ان عربيتك اخدتها ورشة التصليح
شجن:لا متشكرين لخدماتك
كنان وهويتفحصها: تحبي تروحي علي علي بيتك والا تيجي عندي ونسهر سهرة حلوة
شجن:انت واحد قليل الادب واحترم نفسك
كنان بعصبية:بنت انتي انا سا كتلك من الصبح وبعدين انت مش شايفة نفسك لابسة ايه زي بنات الليل
ششجن بعصبية: انت انسان مش محترم وتقوم بصفعه علي وجهه وتتركه وتذهب وتوقف تاكسي وتركبه وتعود اللي القصر تاركة كنان مصدوم من فعلتها لانها اول فتاة تفعل ذلك ليستشيط غضبا ويركب سيارته ويعود الي الفيلا وهو يتوعد الي شجن اذا رآها مرة أخري
#باك
يزيد بعصبية:دا فعلا انسان قليل الذوق بس اشوفه تاني والله ماهرحمه
تولان :دا واحد زبالة صحيح دا بيقولك بكل جرآة بيتك والا بيتي
شجن :خلاص يا جماعة وبعدين متنسوش اختكو قامت بالواجب وضربته قلم وقف ساعة متنح من الصدمة
تولان بفخر :بجد برافو عليكي علمتيه الادب أثبتي انك تربية آسين بجد يا بنت الحديدي
آسين ببرود:ها خلصتو شجن انت مغلطيش في اللي عملتيه بس انك تمدي ايديك علي شاب وتضربسه في الشارع ده مش عايزاه فاهمة وبعد كده اي مش مشكلة تحصل معاكي تحكيلي عنها ومتخبيش عني حاجة تاني
شجن بأسف: انا آسفة بجد مقصدش اخبي عليكي
آسين :خلاص ويلا كل واحد علي اوضته علشان ورانا شغل الصبح في المستشفي دا غير ان احنا هنرجع مصر بعد بكره
ليومأ لها الجميع ويصعدوا لتظل آسين تفكر فيما حدث مع شجن حتي تبتسم بغموض وتصعد الي غرفتها وتبدل ملابسها الي ملابس مريحة وتنام
####################
هو ده االي حصل والله لما ان البنت اللي كانت معاها دي كنت رديتلها بدل القلم عشرة
كانت هذه هي آخر كلمات نطق بها كنان بعدما حكي لهم ماحدث عند مقابلته لشجن في مصر وهنا أيضا في لندن
مراد وهو يضحك :هههههه يعني البنت دي علمت عليك وضربتك بالقلم هههههه وكمان شتمتك
كنان بحنق : لا وكمان ضيعت عليا السهرة بنت الايه وخلتني اغير رأيي وارجع البيت ومسهرتش ما انت يا اخويا نقيت فيها وقعدت تقول بنات مصر اهي دي أخرت اللي يقولك علي سهرة تاني
جوليا بضحك:والله البنت دي طلعت جامدة وبعدين عايزها تعمل ايه لما تلاقي واحد اول مرة تشوفه يقولها بيتك والا بيتي لا وكمان بنت ليل ايه يابني الجرأة دي
مراد :الصراحة التلاتة جامدين واقوياء وكمان باين عليهم مش من البنات الي بنسهر معاهم
جوليا بهيام:والمز الاي كان معاهم ايه علي عيون والا جسم وعضلات هييح
جيسكا : انا مش فاهمة انتو من ساعة ماؤجعنا من الحفلة وانتو مش مبطلين كلام عن الاربعة اللي هناك يعني فيهم ايه عاديين جدا علي فكرة
أيهم ببرود :انا طالع انام تصبحو علي خير
كنان:خدني معاك اصل الواحد لو قعد اكتر من كده هيتشل
مراد : استني خدني معاك
ليذهب كل واحد الي غرفته تاركين جيسكا غاضبة لتقول جوليا :
انت ايه يا بنت مش بتزهقي يطلي غرورك دا شوية وبعدين أيهم عمره ماهيبصلك طول مانتي رامية نفسك عليه كده
وتتركها وتذهب الي غرفتها بينما جيسكا تلعن من تحت انفاسها هؤلاء البنات التي أتوا الي الحفلة وكيف كان بهم تأثير علي الشباب وخصوصا أيهم
عند أيهم يصعد الي غرفته وياخذ شاور ويذهب الي السرير وينام عليه وهو شارد في من سلبت عقله وقلبه من النظره الاولي كم هي جميلة تشبه الحورية كيف هذا انها أكثر من حورية انها ملاك من السماء عيناه البنيتين وانفها المستقيم وورموشها الكثيفة وشفتيها التي تشبه حبتين الكرز وبياض بشرتها وجمالها وقوتها وجرأتها وهدؤها وبرودها الذي تخلت عنه من اجل رعد من هذا رعد الذي ضربت من اجله ومن يكون حبيبها زوجها اتحبه لهذه الدرجة ولما لم يأتي معهم يومها اراد ان يفتك به عندما يراه انه ملكه
كيف يتحمل ان تكون ملك لغيره فكان غاضب عندما كانت تبتسم لهذا الشاب الذي معها انه يغار عليها من الهواء اقال يغار انها من جنس حواء ومثلهم جميعا خائنات وتسعين وراء المال كلهم مثل بعض لينام وهو يفكر في حوريته او نقول ملاكه
##############
بعد مرور شهر ومر هذا الشهر علي ابطالنا غير ذي قبل
آسين بعد عودتها من لندن عادت الي روتينها اليومي ومازالت تفكر في الانتقام ومازالت تتذكر صاحب تلك العيون الغامضة والخبيثة
أيهم يعمل كثيرا ويشتغل كثيرا حتي ينسي من سحرته ويستعد الي السفر الي مصر لتنفيذ الصفقة الجديدة واصبح عصبي كثيرا كلما تذكر آسين وينتظر موعد اللقاء مع البوص حتي يخبره من هو قاتل والده
مراد مازال مسحور من صاحبة الشعر الاحمر ويفكر بها فهي سلبت قلبه
كنان مازال يتذكر شجن وحركتها وعصبيتها وطيبة قلبها وكيف هي جميلة ورقيقة
جوليا مازالت مهيمه بمن سلب عقلها بوسامته ورجولته وجماله ووسامته
شجن وتولان يعملان بالمشفي ولا يتوقف اليوم من مزاحهم
يزيد يعمل بالشركة ويتولي اعمالها
جيسكا غاضبة جدا وتود الفتك يآسين فهي منذ ان رآها أيهم أصبح عصبي ويسرح كثيرا وهي لاحظت ذالك
قبل سفر أيهم بيومان جالس بمكتبه هو ومراد ويعملان حتي ينهيا جميع اعمالهم قبل سفرهم الي مصر و اتمام صفقة الاسلحة والمخدرات حتي يتمها وبعد ذلك يعود الي لندن للقاء بالبوص وهم يعملان
مراد شارد وسرحان ليلاحظ أيهم ذلك ويسأله
أيهم ببرود: شايفك سرحان ومهمل في الشغل
مراد بتوهان: حورية
ليستفيق مراد من شروده ويقول: كنت بتقول حاجة
أيهم :مراد مالك فيك ايه من ساعة الحفلة اياها وانت متغير فيك ايه والا البنت صاحبة الشعر الاحمر
لسه بتفكر فيها
مراد: مش قادر انساها ضحكتها لسه بتسمع في ودني
ومش قادر انساها جمالها جذبني وفيها حاجة تشد كده
أيهم: ههه ايه الساحر بيحب والا ايه
مراد:ما انت كمان وقعت يا فهد قاكرني مش واخد بالي والا ايه باين عليك في البنت اياها
أيهم:كلهم زي بعض بيجروا ورا الفلوس وخاينين ومفيش بنت محترمة
مراد:خلاص ياعم ما علينا سيبك من ده كله البوص عايزك تتصل بيه وطلب مني دا ضروري
أيهم : وانت مقلتش ليه يا أستاذ ها
مراد: نسيت يا عم خلاص مش مشكلة يعني سلام بقي علشان ألحق اجهز نفسي علشان السفر ومشي
وساب أيهم
يقوم أيهم باخراج هاتفه وضغط علي عدة أرقام ثم يقول :
آلو ازيك يا بوص
البوص:٠٠٠٠٠٠٠
أيهم :تمام كل حاجة جاهزة وهسافر مصر بعد يومين
البوص:٠٠٠٠٠٠
أيهم: متخافش دا انا الشيطان ولما ارجع هاعرف منك كل حاجة والمرة دي مفيش هروب
البوص:٠٠٠٠٠٠٠
أيهم: قريب قوي هاجي هسلم الصفقة ونخلص منها بعدها هجيلك
البوص:٠٠٠٠٠٠
أيهم: سلام
وينهي المكالمة ويزفر بضيق لعدم معرفة سبب عدم اخبار البوص له عن قاتل والده ويذهب الي القصر لتجيز نفسه من أجل السفر الي مصر
######
في مكان أشبه بالجنه يقسم من يراه انها الجنة بنفسها ولكن من يسكنه ليس بملائكة بل شياطين وبداخل هذا المكان يجلس رجل علي كرسيه ويضع رجل فوق أخري وبيده سيجار وباليد الاخري كأس من الخمر وتجلس أمامه امرأة بنهاية العقد الرابع وتضع الكثير من مساحيق التجميل ولا يبدو عليها الكبر بفضل عمليات التجميل ترتدي ملابس تظهر أكثر مما تخفي ولم يكن سوا الافعي والثعلب
سوزان: أيهم ناوي المرة دي يعرف مين اللي قتل ابوه
هتعمل ايه
رائف :سيبه هو مستحيل يعرف لان السر معايا انا
سوزان:دا علي أساس انه غبي دا الشيطان وانت عارفه
رائف:هههه بس تلشيطان دا تربيه الشيطان الكبير
سوزان: ما علينا لقيت البنات
رائف:لسه بس لازم الاقيهم بسرعة
سوزان:يعني مش هنخلص من الحكاية دي بقي مش عارفة نجو ازاي من النار دا القصر كان فحم ومش لاقيين ليهم جثث
رائف: لسه بدور ووقتها هنشوف بنت رعد هتعمل ايه ههه هتنفذ كلام أبوها والا هتبقي خايفة
سوزان:شكلك متعرفش مين هو رعد رعد رغم انو خلف بنات بس بنته الاولي دي نسخة مصغرة من رعد هو اللي رباها دي كانت ذكية جدا ومكنتش بتخاف من حاجة
رائف: هنشوف بنت الرعد هتعمل ايه وبعدين انت عايزة البنات علشان بنتك والا علشان الفلوس
سوزان:الاتنين وساعتها هخلص من بنت سارة وساعتها فلوس رعد كلها هتبقي ملكي دي فلوسه تعدي المليارات
رائف: انت ليكي الفلوس وبنتك اما بقي بنت سارة سيبها هليا انا وهنشوف الرعد خلف بنت بميت راجل والا خلف قطة
سوزان:هههههه سيبك من ده خلينا نحتفل مقدما بالصفقة الجديدة علي شرف موت رعد
رائف :هههه يلا نحتفل بس علي طريقتي
سوزان:يلا
ويذهبوا الي عالم ليس به سوا المحرمات
############
١-آسين هتعمل ايه لما توصل لقاتل ابيها
٢-أيهم هيقابل آسين تاني ازاي
٣-ايه هي المفاجآة اللي محضرها القدر لابطالنا وهل سيتقابلون مرة أخري أم لا
###########