♡CHAIMA_ELBRAIZEYA♡
__________________________
+
صبح صباح جديد و هاد المرة فاقت شامة هي لولة قبل من سلمان لي كان ناعس فوق فوتاي و معنكش مقادوش في نعسة بقات كتشوف فيه كيف ناعس على جنب ، ناضت قربات لعندو قدات ليه وسادة باش ميضروش عنقو في نفس الوقت كتحاول متفيقوش .
+
دخلات من بعد الحمام و سدات عليها ، باقي فيها شوية تاع العيا و لاكن اليوم نوبتها في الفطور و أصلا ندمات هي كاع لاش مشات معاهم البارح دات غير تصخصيخة و جات حتى مماها و ختها لي مشات على قبلهم مكانوش و كانت غير مرت عمها لي كون ساب لبارح تاكلها بعينيها .
+
قدات حاجتها ، كملات و خرجات من الحمام و كان هاد المرة سلمان محول ناموسية ناعس فيها و مغطي .
+
هبطات لتحت و مشات الكوزينة تصيب الفطور مع دخلات الكوزينة لقات ربيعة كتجمع في صالون و الحاج عبد رحيم كيحاول يشعل البوطة و حيت تاع ضوء معرف منين يجيها ولا منين يشعلها .
+
شامة : عمي عطيني انا غادي نسخن ليك الماء لوضو.
+
عبد الرحيم : ( مشافش فيها اصلا ) غير شوفي شغلك ابنيتي هاد الماء ماشي الوضوء كون بغيت نتوضى رآه كاين ماء سخون في طواليط ، باغي نقاد شي براد تاع اتاي و نخرج نريح في جنان .
+
شامة : لا اعمي انا كاينة و تقادو غير سير جلس انا غادي نقادو هوا لول و نخرجو ليك عاد نقاد الفطور .
+
عبد رحيم : ( حرك ليها راسو بالإجاب و خرج على برا جلس في بلاصتو معتادة فين كيرتاح و يصفي دهنو )
+
دكشي لي كان قدات ليه لبراد تاع أتاي و دارت ليه معاه شي حليوات و فاكية باش يدوز أتاي ، و هزات دكشي في بلاطو في يد و ليد تانية هزات بيها طبيلة صغيرة تاع الميكة ، خرجاتها على برا فين جالس و حطات ليه البراد تاع أتاي فوق طبيلة .
+
عبد رحيم : ( شاف فيها مطول في آخر نعل شيطان و نطق ) الله يرضي عليك ابنتي .
+
شامة : ( بتسمات ) لا اعمي ماشي شي حاجة فين متبغي شي حاجة غير قولها ليا .
+
الحاج عبد رحيم لي حرك راسو بإجاب و بلما ينطق ، دارت بغات تمشي لاكن وقفها صوتو و هوا كيتأوه بالألم و شاد على رجليه .
+
قربات لعندو و تحظرات : عمي واش ظراك شي حاجة ؟
+
الحاج عبد رحيم : والو غير رجلي كتعطيني صداع مرة مرة ( تنهد ) ايه ايه ركابي خواو و صحة مشات .
+
شامة : ( جلسات مربعة رجليها حداه ) صحة غدارة اعمي خاص تهلا في راسك و تمشي عند طبيب .
+
الحاج عبد رحيم لي بلا شعور منو ندامج معاها في الهظرة و نسا راسو رآه فكعان منها و دارت ديك المصيبة ، من نهار جات و عمرو طلب منها شي حاجة و لا حتى هي شركات معاه الهظرة من غير صباح خير ..
+
الحاج عبد رحيم : و علاه انا سلمان كيقيلني كل مرة غادي بيا عند طبيب في شكل ركابي عياو غير بطرقان من طبيب لطبيب .
+
شامة : ( بتسمات و عجبها لحتيت معاه فكرها غير في جداتها الله يرحمها مني كيجلسو يهدرو شحال هادي قبل ما تموت ) متقولش هاكة اعمي مشاء الله باقي بصحيحتك ولبارج صكتي طموبيل راسك حسن من سلمان هه .
+
عبد رحيم : ( كيحك في لحيتو و يضحك ) اوا مخاصش شايت الله يجعل براكة دوزت حقي في دنيا و وفيت ظروري من العيا .
+
شامة : ( كتستنشق الهواء تاع الصباح ) إلى بغيتي اعمي نضلك ليك رجليك راني تنعرف ماما مني كانت كيدروها رجليها كنضلكهم ليها و كتحس براحة شوية .
+
خرجات نعيمة من لباب تاع الكوزينة و وقفات كتعيط عليها بجهد .
نعيمة : وهديك هاي وتي جي ديري الفطور ولا بلاش منو كاع شتك كعدتي تم .
+
دارت عند عبد رحيم لي كيضحك عليهم و بدات حتى هي كضحك معاه .
شامة : انا غادي نمشي اعمي خالتي تعصبات عليا .
+
عبد رحيم : ( كياكل في كركاع ) جري قبل متنفاجر عليك ( كيضحك ، مشات شامة كتجري عند نعيمة لي واقفة كتنكر عليها ) ولاهيلا درويشة .
+
دخلات شامة اليوم و شمرات على يديها قدات الحرشة المسمن و بطبوط هبطات أية حتى هي عوناتها حيت كيتعاونو في نوباتهم مع بعضياتهم صرباو الفطور فوق طبلة و دارو عليها كاملين .
+
جات شامة باش تجلس حدا أية غير بانت ليها احلام جاية باغة تجلس حدا سلمان ظربات دورة و مشات جلسات حداه قبل متوصل حداه و دايرة الابتسامة بلما تشوف فيها ، هدشي لي داز قدام عينين سلمان شافها في لول غادي باغة تجلس حدا مرت خوه غير شافت بلاصة لي حداه خاوية والى جات أحلام غادي تجلس حداه رجعات جلسات حداه ، دار شاف فيها هاز حاجبو .
+
سلمان : ( همس ليها حدا ودنيها ) شنو معنيتها ؟
+
شامة : ( ظلات شفايفها بغباء ) شناهيا ؟ .
+
دور راسو كيفطر و مجوبهاش عارفها فهمتو اش قصد …
+
نعيمة : فين هوا محمد ؟
+
كريمة : جالس مع عمي برا .
+
نعيمة : مزيان ( شافت بنص عين جيهت سلمان لي كيفطر و ممسوقش ) اوا اوليدي اش درتي .
+
سلمان : ( بصوت رجولي ) فاش الواليدة ؟
+
نعيمة : فدكشي اوليدي .
+
سلمان : ( حط كأس تاع أتاي من يدو ) إن شي الواليدة ؟
+
نعيمة : ( شافت في شامة لي مخشية حداه ) في طلاق أوليدي في طلاق .
+
سلمان : غير نساي عليك دكشي الواليدة .
+
أحلام غير سمعاتو اش قال وحلت لي و خرجات عينيها بصدمة اما نعيمة لي كتشوف فيه مفاهمة والو و تقريبا كلشي مفهم والو كيفاش بظل رئي تاعو .
+
بدر قرب عند ودنين أية: واش كاين شي جديد عودتو ليك صاحبتك .
+
أية: ( بهمس ) بعد مني يرحم باك مفراسي والو هنتا كتشوف كولشي قدام عينيك .
+
نعيمة: ( عقدات غوباشتها و قرود بداو كيشطحو ليها فوق راسها من فكرة تاع انها تنسى طلاق و حتى أحلام مكانتش قل منها ) اش كتقول اوليدي كيفاش نساي اش قلنا داك نهار وياك هظرتي مع باها .
+
سلمان لي جمع الوقفة حيت عارف إلى بقا جالس معاهم غادي غير يسرعو ليه راسو بالهظرة : الواليدة متصدعيش راسك بهدشي كل حاجة بي وقتها ولي كنشوفو مناسب كنديرو .
+
مشا خرج و خلا شي كيشوف في شي ، ناض بدر تبعو و خلا نعيمة و أحلام شداهم آلغدة و الفقصة ، كيفاش مبقاش باغي يردها واش هي لي تكون عندها كنة بحال هادي تهرب نهار عرسها و كانت على شوية تخليها ليهم متورخة كون مالقهاش و جابها و دبا جالسة قال ليك نساي طلاق كل حاجة بوقتها شنو كيعني هدشي .
+
نعيمة : ( كتشوف في شامة لي كتاكل و داير راسها مفاهمة والو ) وايني نتي لفعة كرطيطة .
+
شامة هزات راسها كتشوف فيها .
+
نعيمة : ( كتغوت ) بقاي تشوفي فيا نوضي خرجي دركي زلافتك حسن ليك قبل منشتف عليك في هاد نهار .
+
شامة لي هزات مسمنة في يديها و خرجات تجري عارفة بهاد الأعصاب لي فيها يوم غادي دوزو عليها و بالأخص اليوم نوبتها في طياب كاع سمها تخرجو فيها .
+
على برا كان متكي سلمان على طموبيل و حداه بدر بجوج كيكميو الكارو و كل واحد و فين ساهي و أش شاغل بالو ، نطق بدر بعد سكوت داما طويلا .
+
بدر : أش دكشي قلتي الداخل .
+
لاح ديك الكارو عصف عليه و جبد كونتاكت تاع طموبيل من جيبو : دكشي لي خاص يتقال دكشي بعيد بلما تخشيو راسكم فيه .
+
بدر : ( جر اخر جرة من كاروه ولاحو حتا هوا وعصف عليه ) مغديش نحكر حيت عارفك مكديرش الحاجة بلما تفكر فيها .
+
سلمان : واش دخلك نتا كاع ندير لي ظرني ولا تنفعني اش دخلك ؟
+
بدر : ( ظرب ليه على كتافو ) تهدن اساط ( غمزو ) هاه ديك هدى رآه صدعات ليا كري قالت ليك بلوكيتيها ما بلوكيتيها و باغة تهظر معاك .
+
سلمان : سلات ساعتها ، ( شاف في ساعتو ) خاص نمشي نطل على الخدامة غدا غادي يخصني نمشي المزرعة .
+
بدر : من نيتك اصاحبي كل نهار غادي تبقى خيطي زيطي ياك مشيتي غير قبل العرس تاعك .
+
سلمان : ( ركب في طموبيل و سد لباب طل عليه من شرجم ) دخل سوق كرك و جمع راسك رآه خبارك كتوصلني ( غمزو ) لبقيتي هاكة غير رد ديك بنت الدارهم راك متستهلهاش تمشي تشوف حياتها مع لي راجل عليك .
+
بدر : ( شعل ليه البولة حمرة ظرب رويدة تاع طموبيل ) دخل سوق كرك تنتتا ( كسيرا سلمان و خلاه وراه كيرعرع ) شوف غراسك أبو شيخات .
+
سكت كطلع فيه نفس بجهد و تهبط اصلا صابح طالع ليه دم منها هادي يومين قاطعة عليه ضوء و الماء و حتى الآن معرفش مالها و لا مالو هوا نيت ، مشا الطموبيلتو يبدل ساعة بختها .
+
أما عندهم الداخل القيامة نايضة في داك صالون نعيمة كتندب و حداها أحلام كدمع و تنكر ليها فوق راسها و كريمة لي حتى هي كتعير و معاجبها حال و أية لبركاكة جالسة تسمع متعاود .
+
نعيمة : ( خبطات على فخادها ) أويلي أويلي على بنت جنانات قالك نساي دكشي ( ندبات حناكها ) والله لبقات والله لبقات أوعدي يانا ديت شوهة لولدي .
+
أحلام : ( كتنخصص ) شفتي اخالتي قلت ليك رآه لفعة و غادي تخليه يبدل رئيو و سلمان حيت ظريف دغيا رطاب دوك غير دير بلاصتها تعود تخرج دير فاحشة .
+
كريمة : كيفاش قبلتي اخالتي عليها رآه باينة من نهار لول كطير مشفتيش نهار خطبة كيف كانت هازة خنافرها السما و دبا عاجبها راسها ، عندك تكون سحرات ليه عند مرت عمها ( كتهظر باش تزيد تشعل العوافي )
+
أحلام : ( خرجات عينيها و شافت في نعيمة ) أه أه اخالتي مرت عمها ياك شوافة عندك تكون دارت لسلمان شي حاجة عندها .
+
أية : ( غير كدور عينيها معندهاش الحق تعطي رئيها قدام نعيمة ولغادي تنكدو عليها ) .
+
كنزة : ( عقدات غوبشتها من أحلام و كريمة لي كيزيدو يحرشو مها في بلاصة ميهدنوها ) ماشي حشومة عليكم كتقولو على درية هاد الهظرة نعلو شيطان أويلي على البنت سحارة هي امتى خرجات باش دير ليه شي حاجة ؟ .
+
كريمة: حتى نتي رآه تيليفون ولا قادي الغرض .
+
كنزة : نعلو شيطان .
+
نعيمة: كنزة دكعدي نوضي من حدايا حسن ليك قبل منخرج فيك شي الأعصاب ابنت كرشي لي كتجي مع كولشي إلى انا واش نتي بنتي ولا عدوتي .
+
كنزة : واا مي راني كنجي غير مع الحق و مبغيتكش تعصبي خليه منو المرتو .
+
نعيمة : ( غوتات عليها ) نوضي من حدايا متزيدينيش نوضي دركي زلافتك .
+
…..
+
كانت في الكوزينة كتقاد الغدا و كتغني بخفت سامعة كاع هظرتهم و كتسمع كيف غادي يطرطقو بالأعصاب ضحكات من قلبها على أحلام ، اما حتى نعيمة مبغاش تكون بيناتهم مشاكل باغة تقرب منها و تكسبها هي و عبد رحيم لي باغة غير تسالي الغداء تمشي دير ليه مساج لركابيه ، و هي كدير الغداء بدات كتفكر نهار هربات و كتقول كون غير مهربتش كون .. كون .. مهم متهربش ودير داك تصرف الغبي ، كون مهرباتش كانت غادي تجي لهنا عروسة واكيد كانت علاقتها مع سلمان غادي تكون زوينة و أصلا وهي دايرة هاد الفضيحة باقي كيتعامل معاها زوين و ممخصرش ليها كون مهرباتش كيف كان غادي يتعامل معاها .
+
فلاش باك …
+
نهار العرس تاعها كانت جالسة في بيتها هي مماها و كتوجد راسها لبسة تانية مع نكافة و كل شوية تمسح دموعها و تعاود تبكي واقفة فوق راسها زهرة و حتى هي كدمع فين ما تشوف شامة كتبكي بقات فيها كبدتها و ملقات ليها جهد .
+
قربات عندها طبطبات عليها : صافي سكت أبنتي قطعتي ليا في قلبي ( شافت في نكافة ) عفاك ابنتي خرجي خليني نهظر معاها شوي .
+
خرجات نكافة و بقات زهرة كتهظر معاها و ترد ليها عقلها .
+
شامة: وماما مبغاهش شارف واش غير عندو فلوس نتزوج بيه واش با باعني ليه مزوج بهيمة
+
زهرة : ( عنقاتها ) لا ابنتي مشارفش شايت اش بغيتيه يكون عندو 19 عام بحالك .
+
شامة : ( كتنخصص ) هانتي قلتيها اماما يلاه عندي 19 بغيتو دفنوني مكفاهش خرجني من قراية و حرمني منها دبا حتى زواج فرضو عليا ، شوفي غير ديك شارفة تاع مو قداش هوا قداش غادي يكون .
+
كتشوف فيها كتبكي و غير مكتزيد تبكي هي عمرها شافت سلمان ولاكن كتسمع بلي ولاد عبد رحيم و لكبير فيهم عندو 52 عام قالت غادي يكون هوا سلمان حتى هي كتشوفو شارف على بنتها و بزاف و لاكن معندها مدير
+
تحل الباب و دخلات أحلام لابسة قفطانها و مخنزرة محملاش الوضع .
+
أحلام: سلام عليكم .
+
شافت فيها زهرة : و عليكم سلام بنتي أحلام( ظربات على فخادها ) ويلي ويلي جات دبيحة وانا جالسة هنايا .
+
خرجات زهرة كتجري و قربات أحلام جلسات حدا شامة لي كتبكي و تنخصص .
+
أحلام : صافي اشامة دبا لي وقع وقع و تزوجتي .
+
شامة : ( هزات عينيها مدمعين ) واش جا غادي يبرز حدايا و يبداو بنات دوار يضحكو عليا .
+
أحلام : ( مسحات ليها دموعها ) أه جا ولاكن مبغيش يبرز حتى نمشيو و يروحك في العشية
+
شامة: ( كتزيد في لبكى ) مبغاش مبغاش ( مسحات عينيها و تجلخ ليها الكحل ) عندك شي تصويرة .
+
حركات أحلام راسها و جبدات تيليفون جبدات ليها تصويرة تاع محمد لي خداتها ليه غير بلغفلة و راتها ليها و غير شافتها شامة ، كانت غادي تهبل بالبكى كاع مكياج خسر ليها .
+
شامة: ( كتلهت ) لالا ميمكنش نتزوج انا بهدا .
+
أحلام: ( شدات لي وجها ) هربي اشامة باقي عندك وقت هربي وفلتي بجلدك محدك باقية هنا غير نمشيو الفيرمة باش نوجدو ليلة رواح هربي و سيري بحالك عيشي حياتك حيت مكاينش لي غادي يحس بيك هنا .
+
نهاية الفلاش ..
+
زيرات على موس حيت كتحس براسها حمار حيت تبعات هظرتها و تيقات بلي محمد هوا سلمان ولاكن شنو دير اي وحدة في بلاصتها غادي دير نفس لحاجة بقات كتزير على يديها حتى تجرحت منها ولاحت موس كتغوت .
+
كان داخل عبد رحيم من برا هوا يشوف شامة كتنزف و كتغسل يديها و كتبكي .
+
عبد رحيم : ( قرب عندها شد ليها يديها ) الله ابنيتي مالك غير بشوية عليك .
+
شامة: ( كتمسح دموعها ) مكاين والو اعمي غير تجرحت غادي ندير شوية تاع دوا ليها .
+
عبد رحيم : ( تنهد ) رخفي على راسك ابنتي مولاها ربي متهزيش لهم .
+
خرج وخلاه شادة على يديها حتى دخلات أية شافتها تخلعات و دارت ليها ضوا في يديها و كملات في بلاصتها الغداء .
+
بنات تفاعلوووو 💕💋
+
