♡CHAIMA_ELBRAIZEYA♡
___________________________
+
ظربتها الفيقة مع 7 تاع صباح بداك البرد لي كيكون في صبوح حلات عينيها غير بزز كتحك في عنقها لدارها و عاطيها صداع حيت تعنزت .
3
شامة : أويلي أنا نعست هنا ( حطات يديها على عنقها ) الله الله يا ميمتي عنقي عنقي .
+
شافت في مانطة لي معقلاتش على راسها بلي جابتها و تغطات بيها ، وقفات جمعات المانطة هزاتها معاها و تجهات لبيتها ، حلات الباب غير بشوية باش إلى كان ناعس متفيقوش ، لاكن مكانش هوا في فراشو سمعات الماء في طواليط ، حطات آلمانطة في بلاصتها و دازت تكات فوق ناموسية كتحك عنقها لي عاطيها صداع و كتسترجع شنو قالت ليها أختها البارح .
+
+
خرج من طواليط شاف فيها شوفة سريعة و دور عينيه غادي خارج حتى بغى يحل الباب هي توقفو .
1
شامة : ( بتوتر و باقة حشمانة من موقف لي كانت فيه غير بي دو بياس ) أحم سلمان .
2
دار لعندها كيتسناها تقول ليه أش كاين .
+
شامة : بغيت نهظر معاك .
+
سلمان : أش كاين ؟ كنسمع .
1
وقفات و قربات لعندو كتلعب بالأصابع يديها و متوتر .
+
شامة : هظرت معيا ختي لبارح و قالت ليا بلي هظرتي ( هزات فيه عيونها بنظرتها معتادة ) مع بابا على دكشي .
+
سلمان : أه علاش ؟
+
شامة : علاش مقلتيهاش ليا انا لولة عاد قلتيها ليه .
2
سلمان : ( ببرود ) نهار بغيت نخبطك من عدمن خطبتك ؟ .
+
شامة : ( سرطات ريقها كتهظر و تحرك يديها ) وخا هكاك نتا معارفش موقف تاع با و …
+
قطعات هظرتها رنة تاع تيليفون تاعو غير شاف شكون هوا يخرج بلما يجوبها أو يعيرها الاهتمام .. خلاها غارقة في تخماماها و عقلها كامل غادي يتشتت .
+
رجعت تكات شوية حيت عنقها ظارها عاد نزلات من بعد لتحت وهي غادية جيهت صالون و من حدها كتقرب كتسمع صوت زايد و ضحك تاع شي وحدة مع نعيمة و قفات حدا الباب و غير شافت شكون كاين و هي تصدم مولات دعوتها لي من عرس ماشفتها بقات واقفة كتخنزر فيها و دخلات جلسات قدامها هي كتشوف فيها و اخرا حتى هي كتشوف فيها و غير بجوج عارفين هاد نظرات شنو معنيتهم .
+
نعيمة : مالكي نتي على دوك شوفات على صباح .
+
شامة : ( عينيها باقين عليها ) والو أخالتي غير دارني عنقي .
+
نعيمة : امممم ( شافت في بنت ختها و جراتها عنقاتها ) جات لي تونسني والله ابنتي يا احلام من غيرك ميحلالي في لحتيت .
+
أية : ( من تحت سنانها ) تلاقيتو غير نتوما نيت .
+
كنزة : لواه أمي شتك نسيتيني .
+
أحلام : ( كتلعب بظفرة تاع راسها و كتشوف في شامة لي كتخنزر فيها ) اوا شامة كيف جاك زواج .
+
شامة : ( بالابتسامة صفرة ) زويننن سمن على عسل .
+
أحلام : مزيان مزيان ..
+
سلاو داك فطور تحت نظرات شامة الأحلام كيف القرطاس و نظرات أحلام مستفزة غير قشعاتها ناضت ، ناضت حتى هي تبعاتها .
+
طلعات لبيتها لفوق غير تجيب تليفونها وتهبط تعاون أية مع بغات تسد لباب وقفاتو أحلام برجليها دخلات من وراها .
+
كتندغ في المسكة و حاطة يديها على خصرها
أحلام : أش دوك شوفات لي كديري قبيلا ؟
+
شامة : ( غززات على سنانها كتشوف فيها بكل حقد ) عندك الوجه الكدابة تشركي معيا الهظرة .
+
أحلام : ( حطات صبعها على صدرها بمعنى أنا زعما و خرجات عينيها ) أنا .. أنا فاش كدبت عليك ؟
+
شامة : علاش كديري راسك هاكة ظريفة القوالبية ماشي نتي لي بقيتي كل نهار ديري سبة بدهاز كل شوية هازة جلابتك ماجية عندي قالت ليك خالتي ختاري هادي ختاري هادي .. بابا مرحب بيك حيت من عايلة زعما و ماما مرحبا بيك ونتي كنتي مطوية على خزيت و لفعة كظرب من لتحت . ؟
+
أحلام : ( بصوت خافت ) شنو بغيتي ندير ليك أ دوي ( خبطات على صدرها ) من حقي أنا لي بغيتو لولة أنا ماشي نتي شنو بغيتي ندير ليك .
+
شامة : وخويت عليك قلبي انااا و مني عرفتي مبقيتش باغة نهرب زعمتيني وانا حيت حمارة تتقت فيك قلت رآها عايشة نفس الحياة متبغيش بنت أخرى تعيشها ونتي كنتي ناوية تحيديني من طريق .
+
أحلام: ( قربات عندها و مسحات على كتافها حتى بعدات عليها شامة بالاشمئزاز ) و حيدتك من طريق بصح أيامك معدودة في هاد دار ، ( بهمس ) سلمان ليا و غادي يبقى ليا ( تسيفات عليها و خرجات عينيها ) متحاوليش متحاوليش ماشي تاعك .
+
خرجات و خبطات الباب ..
+
شامة : بنت حرام مقطرة..دارتها بيا ( سكتت مطولة و تنهدات )
+
تفقصات و هي كتشوف نظرات شمات و الفرحة و نصر في عيونها واش شداها فيها حصيفة باغة تحيدها من طريق باش يبقى ليها و شهر تاع العرس دوزاتو خيطي بيطي عندها كتعمر ليها في راسها و هي كيف الحمارة غادة معاها في الخط و يحساب ليها باغة مسلاحتها .
+
شامة : ( خبطات رجليها مع الأرض بالفقسة ) ااعععععععع .
+
تمات هابطة في دروج كضحك و تعوج في مشية تنهدات تنهيدة مني ظمنات أنه شامة غادي طلق و هدشي لي قالت ليها نعيمة في تيليفون و من كترة فرحة جات تشهد على هاد الحدت و دير بلاصتها معاه في هاد المدة و تستغل مجيتها كيف ديما باش تقرب ليه .
+
…….
+
عندهم بجوجات في الكوزينة كيشقاو في صمت أية كدير الغداء و شامة كتغسل ماعن و كل وحدة كطلع و تهبط فيها نفس حارة ، سلات شامة الماعن و خرجات من الباب تاع الكوزينة لي كيخرج لجنانات جلسات فوق كرسي بعد دقائق جلسات حداها أية حتى هي مكنززة على راسها هدشي لي لاحضاتو شامة ، شافت فيها بنص عين .
+
شامة : مالك ؟
+
أية : ( زفرات ) مماليش .
+
شامة : إيه باينة مافيك والو ، ( ظربتها لكتفها ) غير ظوي .
+
أية : ( شافت فيها و تنهدت ) غير دوي نتي لولة همك كتر من همي .
+
شامة : ( بدلاتها تنهيدة ) منين غادي نبدأ و منين غادي نسالي .
+
أية : من لول حتى أخر .
+
دكشي لي كان سرسبات ليها شامة كولشي من عرفات راسها غادي تزوج و كيف كانت أحلام كدير سبة بدهاز و تجي تعمر ليها راسها و كانت تقول ليها مبغيتكش تعيشي العداب و عزيتي عليا من نهار الخطبة و هي حيت بهلة دغيا قنعاتها .
+
أية : ( مصدومة ) أش هاد فيلم تركي ؟ ناري واش من نيتك رآه غير الحمار لي كيتيق فيها .
+
شامة هزات حاجب .
+
أية : مقصدكتش ، ( تأفأفات ) افف دبا أش غادي ديري .
+
شامة : ( شيرات لراسها ) أنا ؟
+
أية : أه نتي .
+
شامة : ( كتلعب و ترسم بي واحد العود في الأرض ) والو اشنو غادي ندير .
+
أية : ونتي باغة ؟ ( شافت فيها شامة بالاستغراب ) يعني باغة تبقاي ولا طلقي تمشي شنو باغة اشامة فخبارك نتي متناقضة من جيهة وخا من نهار شفتي سلمان عرفتي بلي أحلام كانت كتكدب عليك و مع دالك كنتي موافقة على طلاق و دبا كتلومي أحلام ، علاش ، ياك حتى نتي كنتي باغة طلاق و مقلتيش ليه لا و ممنعتيش .
1
شامة : ( عوجات فمها بحيرة هي براسها معرفاش اش باغة ، هزات كتافها بجوج ) معرفتش .
+
أية : شكون خاصو يعرف أنا من نيتك أصاحبتييي أعع قسما بالله حتى كتفقصي .
+
شامة : لي عارفة مبغاش نعيش بحال بنات دوار كلهم محكمة فيهم عدوزتهم و عداب و القهرة شوفي غير 15 يوم اش دوزت عليا .
+
أية : واش نتي متزوجة بنعيمة نتي متزوجة بسلمان و نقول واحد حاجة شتي سلمان كيدير لي فراسو مكتسيروش نعيمة من بكري و شتي بدر بدر لي ( كانت باغة تقول شي حاجة لاكن متنعات ) معلينا ( شافت فيها ) نتي كيف باغة هاد الحياة بسلامة الآلة .
1
شامة مجوباتهاش بقات ساكتة غير كتسمع حيت معندها متقول دبا .
+
أية بقات فيها شامة عرفتها مناش كدوز و ندمات حيت هربات و شحال تايهة معرفاش منين تصلح حياتها و الى بقات ساكتة غادي تزيد تخرب ، قربات عندها و عنقاتها .
+
أية : والله أ شامة عمرك في حياتك متلقاي بحال سلمان في هاد العالم وخا معرت فين تمشي يحساب ليك رجال مدينة واعرين و متفتحين رآه غير مزلوط على خوه واش كتقارني سلمان معاهم ، انا بغيت غير نفهم واش سلمان بقدرو معرفاهش و معاجبكش .
2
شامة : عاجبني ولاكن ….
1
قطعاتها أية : أهااااا يعني عاجبك .
+
شامة : ولاااكن ميمكنش هوا بي فمو قال ليا أنه ميرضاش على راسو يتزوج بوحدة هربات .
+
أية : اوا رآه عادي يقول هاد الهظرة هنا فين غادي تبيني راسك و تقدري تربحيه .
+
شامة : ( طلعات فيها حاجب ) يكما سمكا نسيتي اش قالت نعيمة ديك المرة مني كانت هاظرة معاه غادي يجي و يفركت جقلة عاد هوا هدر مع با اش باغة نبين متلا ؟.
+
أية : وراه عادي غير سمعي ليا شنو غادي ديري ….. ( عودات ليها شنو دير بلحرف باش تربح شوية تاع الوقت ) .
1
شامة : ( وسعات عينيها ) و زعما يبغي ؟
+
أية : والله حتى يبغي اصلا سلمان راك عجباه فخبارك نعيمة كعما بغاتك و بقا حتى جابك عروسة .
2
شامة : علاش هوا فين كيعرفني
+
أية : ( هزات كتافها ) معرت سوليه هوا يعاود ليك لي عارفة نهار جا كيعرر على خالتي نعيمة حيت مبغاتش تمشي تخطب ليه و كانت لاسقة فيها ديك زبلة .
1
هظرات شوية مع شامة و عمرات ليها راسها باش متبقاش مكتفة ليدين أه هي غلطت لاكن مخصهاش تخليهم يقررو حياتها بحال هاكة و خاصها دير شي حاجة تعتق بيها راسها ..
+
طلعات لبيتها لفوق غير دوش و تبدل عليها من ريحت لبصلة ، دورات عينيها في البيت مكانش ليه الحس لاكن سمعات الما مطلوق في طواليط عرفاتو كيدوش .
+
مشات حتا هي لبلكارها جبدات منو بيجامة و دكشي لي غادي تلبس منين دوش و حطاتهم فوق ناموسية عاد جبدات ليه حوايجو حيت عرفاه مكيدخلش معاه حوايجو لدوش .
+
سمعات صوت ميساجات متابعين يحساب ليها تليفونها قربات بغات تهزو لاكن بان ليها ظوء كيشعل في تيليفونو قربات ليه و هزاتو و حيت هي عارفة لكود كتشوفو كيديرو حلاتو و دخلات الواتساب ، شافت دكشي الأول مرة وخا كانت عرفاه من شحال .
1
شافت ميسجات وحدة كاتب عليها زين مسيفطة ليه
+
” غادي تجي عندي ليلة ياك راني مفكاش توحشتك ”
+
” توحشت نعس فوق صدرك ”
+
” و عدتيني تجي اليوم بلما تغير رئيك ممفكاش ”
+
نزلات دمعة من عينيها و حطات تيليفون في بلاصتو دغيا مسحات ديك دمعة و جلسات فوق ناموسية .
+
خرج هوا من طواليط لاوي فوطة على خصرو و صدرو كلو عريان كيسفر و يغني ، ناضت هي بلما تشوف فيه هزات حوايجها باش دخل دوش بلما تشوف فيه مع دازت من حداه مع شدها من يديها و جرها حتى لصقات مع صدرو لي كيتقاطر بلما و هوا باقي كيغني.
1
بدر : ( قرب كيحك وجهو و لحيتو مع حنكها و يلاه بغا يطبع بوسة بعدات وجها و خلاتو بلاكة )
+
كرز على ملامحها و دار الابتسامة تاع الفقصة.
+
بدر : ( باقي ملصقها معاه ، غمزها ) مال زين حزين يكما خاصو البنزين .
+
أية : ( خنزرات فيه ) خاصني تيساع .
+
بدر : ( عقد غوباشتو ) مالنا واش كتصيفي ولا شنو تاني .
+
أية : ( كتعافر معاه باش يطلقها ) مماليش غير طلق حيد .
+
بدر : ( طلقها حتى كانت غادي طيح ) كندير ليك شوية تاع خاطر كتعفري .
+
سمع صوت ميساجات كيوصلوه تاني و قرب هز تيليفونو دخل الواتساب و شاف ميساجاتها لولين و لي سيفطات دبا لاكن هوا مقاريش لولين شكون لي شافهم شاف ساعة لي سيفطات لقاها غير دبا شوية ، شاف فيها بنص عين ولاح داك تيليفون ، تقابل معاها مخنزر .
+
بدر : واش شي حاجة جديدة مالكي فيك دراما بزاف .
3
شافت فيه مطولة و حابسة دموعها مبغاش تبين شي حاجة قدامو و يحس بلي كيأتر عليها ، مشات الحمام سدات عليها عاد جلسات كتبكي و مخدمة رشاش باغة تسترخي و تفرغ كاع دموعها و طاقة لي هازة ، حياتها كاملة و هي غير كتواسي عمرها لقات لي يواسيها حياتها كاملة و هي سند لاكن عمرها لقات سند ليها .
3
أما بدر بقا كيشوف في الباب تاع طواليط و زير على يديه معصب و مغضض هز داك تيليفون و خرج من البيت غادي في لكلوار العروق تاع راسو و يديه بارزين دخل الواتساب و دار تسجيل أوديو .
3
بدر : والله يا لقحبة و تعاودي تسيفطي في هاد نمرة تنحرك دربي على نمرة القحبة تردي عليا نجي نشتف على طواسلك .
1
قطع أوديو و هبط خرج من دار مناويش يتغدا هنا و أصلا طلع ليه دم علاش؟ هوا براسو معارفش واش حيت كدير هاد دراما كاملة و هي عارفة لي كاين ولا حيت مبغهاش تشوف دكشي لي شافت .
2
أما شامة لي بقات جالسة كيف خلاتها أية كدور هظرتها في راسها و تفكر واش تزعم ولالا من ناحية انها تزوج بولد عمها مستحيل وخا تعاود تهرب ولا معرت شنو دير مهم متزوجش بيه ..
1
شامة : ( شدات على راسها ) أعععع راسي غادي ينفاجر.
1
هزات جلايلها و دخلات الداخل طالعة لبيتها و في طريقها تلقات مع أحلام لي دازت من حداها كتلعب بي شعرها و تغني ، تبعات ليها العين و غززات على سنانها.
+
شامة : ماشي شامة لي يتضحك عليها ، تخورت جوج مرات مرة لولة ندوزها لاكن هادي والله لا دازت .
1
تنهدات و هي مزيرة على صدرها و شداها شوية تاع الفقصة و ربي لي عالم بيها ..طلعات لفوق تجري باغة تسناه مني يجي و تهظر معاه ….
+
وصلات قدام باب بيتها و حلاتو حتى تفرع و دخلات بلما تشوف في جنابها كتمشى و تمتم .
2
شامة : والله مدوز ليك الحمارة غير تسناي .
+
هزات عينيها هي تصعق مني شافتو واقف حدا البلكار كيشوف فيها بالاستغراب و صدرو عاري شاد في يديه تريكو تاعو كان باغي يلبسو عليه و واقف كيشوف فيها دهشاتو بهاد دخلة و كلام لي قالت .
2
أما شامة ، مكانتش كتقل منو في صدمة و هي كتشوفو قدامها مصفح و صدرو عاري عاد دوك العضلات يا سيدي مولاي و سمار تاع جسمو لي كيحمقها و من شحال هادي ختها كانت كتقول ليها انا عزيز عليا شقر و البيضين هي كانت دايما كتقول ليها مكاينش محسن من سمر ، طلعاتو من رجليه حتى شعرة تاع راسو بلما تحشم .
2
سلمان : ( شافها كيف كتشوف فيه مصدومة لبس عليه تريكوه و حرك راسو بشنو ) مالك ؟
+
شامة : ( سرطات ريقها ) مماليش علاش ؟
+
سلمان : ( بدا كيقرب عندها بخطوات بطيئة ) و اش داك كلام كنتي كتقولي شكون الحمارة ؟ .
1
شامة : لالا علا تاشي وحدة ( صغر فيها عيونو بشك ) على ختي .. أه على ختي حيت كنصوني عليها و كتقطع اوا كنت كنتحلف عليها مني تجوبني نتفاهم معاها ( دارت الابتسامة صفرة ) .
+
حرك راسو بإجاب و هوا كيشوف في عينيها لي كيف كيقول عليهم هوما سبابو في عدابو من نهار شافهم تطرساو في مخيلتو .. عطاها بظهر باغي يخرج من البيت وخا كان ناوي يستراح شوية عاد يخرج لاكن من أحسن ميبقاش معاها في نفس البيت .
2
شامة لي غير شافتو غادي يخرج زربات عليه بزربة شدات في يديه و نطقات بصوت خافت الأنتوي شنج ليه صدرو و حرك فيه لي ميتحركش .
3
شامة : أحم تسنى .. ( دار شاف فيها و هوا هاز حاجبو ) عفاك .
+
سلمان : طلقي راسك .
+
شامة : بغيتك نهظر معاك في واحد الموضوع مهم .
+
سلمان : كنسمع
+
…..
+
