♡CHAIMA_ELBRAIZEYA♡
_________________________
+
صبح عليها صباح و هي فايقة و اصلا منعساتش تنعس ساعة و تفيق ساعة بقات على داك آلحال حتى الصباح ، قدات حجاتها و بدلات عليها في الحمام و خرجات جلسات في بلاصتها معارفة مدير ولا منين تمشي و تجي معرفاش مستقبلها جاتها حياتها تقلبات واش دبا هي متزوجة ولا مطلقة ولا شنو ، حركات راسها بنفي من كترة تفكير و بغات ترجع تسطح فوق سرير لاكن وقفها دقان في آلباب ، و ناضت حلات الباب .
+
كانت واقفه أية و هازة في يديها بلاطو فيه آلفطور ، كحزات ليها باش دخل و حطات البلاطو فوق طابلة .
4
أية : صباح الخير ( مع الابتسامة ) .
+
شامة : ( بادلاتها الابتسامة من فوق خاطرها ) صباح النور .
1
أية : ( دورات عينيها في البيت و نطقات بتلفة ) احم قالت ليك خالتي فطري و بدلي عليك و أكدات ليك باش تنزلي حيت اليوم كاين الفطور و خاص تجلسي معاهم شوية .
1
حركات راسها بإجاب بلما تنطق بوالو …
+
أية : أه رآه غادي تكون حتى مماك و ختك .
+
شامة : صافي غادي ندخل ندوش و نبدل و نهبط .
+
بقات كتشوف فيها كتسناها تخرج ، لاكن بقات أية واقفة كتشوف فيها و شامة حتى هي كتشوف فيها بالإستغراب .
1
أية : أه ، ( جلسات حداها ) انا غادي نبقى معاك إلى حتاجيتي شي حاجة .
+
شامة : ( وخا بغات تبقى بوحدها لاكن مبغاتش تقول لها تخرج حيت جاتها ظريفة و هي الوحيدة لي كتعامل مزيان لدالك كتفات غير بالابتسامة ) .
+
في صالون .. جالسة نعيمة فوق سداري كتفطر و جالسة حداها بنتها كنزة ، بي قفطانها تاع جوهرة و جالسة حتى مرت ولدها محمد لكبير كريمة و مرأة لي كتعاونهم في دار ربيعة ، جالسين كيفطرو حاطين شيار مدهون و جبن زبدة زيت العود فطور مغربي تقليدي بقوامو .
+
كريمة : ( كدور في عينيها ) الحاجة واش غادي تنزل ؟
+
شافت فيها كنزة مخرجة عينيها حيت نعيمة غير إلى جبتي ليها سيرة شامة أو بدات تهظر عليها صافي كيشدوها الأعصاب بدكشي لي دارت ليهم و مكتبقاش باغة تسكت من آلهظرة .
+
كنزة : ( من تحت سنانها ) اوا رآه ظروري أ كريمة من نيتك على هاد الفطور لمن جاي ( شافت مماها غادي تدخل في هاد نقاش هي تزرب عليها ) أه مي نمشي نجيب ليك طاس تغسلي بنتي ليا ساليتي .
+
نعيمة : أيه أبنيتي الله يرضي عليك .
+
جمعات الوقفة و تمات غادة الكوزينة و خير ربي غادي معاها كانت بنت غليظة شوية و بشرتها حنطية مايلة البياض و حنيكاتها مطبزين و لابسة جوهرة دايرة معاها شال كيتبارك و مصكصف على الحالة ، حيت اليوم كاين الفطور تاع مرت خوها و غادي يرجعو عندهم ظياف .
+
تبعاتها حتى كريمة خرجات من صالون و دازت لبيتها لي كان غير في صفلي بعد مصونا ليها تليفون ، دخلات البيت و سدات عليها .
+
كريمة : ألو وليدي كيف داير أ كبيدتي صحيحة لباس .
+
تسمع صوتو من تليفون : لباس الواليدة كيف دايرة نتي لباس عليك .
+
كريمة : ( بركات فوق ناموسية و بدلات نبرة تاع صوتو ) واش أولدي لي جالس في هاد دار كيكون بخير كل واحد يدي فيك من جيه و حتى واحد ميحتارمك ، و الله عبرتي اوليدي أريان مني مشيتي المدينة .
+
ريان : غير صبري الواليدة باقي ليام جاية و نتهلا فيك .
+
كريمة : ( بتسمات ) هدا هوا المظمون فيك أوليدي ، إوا الحاجة غظبت عليك حيت مجيتيش العرس .
+
ريان : من نيتك الواليدة هدشي لي بقا غير نجي العروسو و نفرح ليه ، بيمن تزوج بعدا الواليدة .
+
كريمة : ( بتسائل ) على مفراسكش ، أه أه كعما كنت قلت ليك تزوج بي بنت الفقيه .
+
ريان : ( غير قالت ليه بنت الفقيه تفكرها و جات في بالو ) إن فقيه ألواليدة رآه كاين بزاف تاع الفقه .
+
كريمة : تا الفقيه عبد الله معرفتيهش هداك لي كيقري دراري في الجامع .
+
ريان : معرت الواليدة معرفتوش .
+
كريمة : علاه نتا كدل غير غادي جاي الجامع باش تعرفو .
+
سمعات نعيمة كتعيط عليها هي تعوج صيفتها
كريمة : قطع قطع نمشي نشوف جداك اش بغات .
+
قطعات و خرجات تجري معجبها حال واش هي طالعة في ربعين عام و باقة كتشقى بحالها بحال أية و كنزة و تسخر …
+
ظربات ديك وحدة تاع نهار و بنادم لي معروض و العائلة لقريبة بدات توصل اما لبعيد مشا لبارح غير سالا العرس كل واحد قصد دارو ، بدا يتسربا أتاي و الحلوة حتى ظربت ديك جوج و قرب يتحط الغداء عاد تمات جاية هابطه ، لابسة تكشيطة بالأخظر سامبل و دايرة زيفها على راسها ، دخلات الصالون كدور عينيها على حظور و كولشي بدا يصلي و يزغرت و يغنيو عليها حتى وصلات البلاصة مخصصة ليها .. جلسات عاد بانت ليها مماها زهرة جاية لابسة جلابتها و معاها عبير حتى هي سلمات عليها زعما قدام بنادم باش متعيقش و ميبينوش ، بقات على داك الحال العشية كاملة ، حتى بداو يمشيو ناس حتى زهرة ناضت تمشي سلمات عليها بارد اصلا مني جلسات حداها مهظرو موالو بقات غير جالسة حداها ، جات عبير عنقاتها و دموعها في عينيها باستها في حناكها .
+
عبير : تهلاي في راسك أختي و رضي لبال لراسك .
+
شامة : ( عينيها دمعو وهي كتشوف زهرة كيف متجاهلاها و مشات عند نعيمة و مخليها ) .
+
عبير : ( حطات يديها على كتافها ) دوك تلين ماما راك عارفها قلبها حنين مكتحقدش .
+
شامة : ( شداها تغلغيلة في حلقها ) حيت عارفها بقا فيا حال ، عمرها هجرت كلامي .
+
عبير : ( رجعات عنقاتها بجهد و تحظرات جلسات قفازي كتشوف فيها ) شامة متديش على ماما طال زمان ولا قصار غادي تحن راك بنتها ديها في حياتك حاولي ديري شي حاجة باش تصلحي مع ناس هنا حيت كيبان لي تواحد محملك حتى من خالتي نعيمة قشعتها كعما فرحانة كاع .
+
شامة : ( مسحات دموعها ) اصلا انا كعما مطولة هنا .
+
عبير : ( هزات حاجب بالاستغراب يلاه بغات تسولها أش كتقصد عيطات عليها زهرة لمرة رابعة باش يمشيو ) و خا اماما هنا جاية .
+
شامة : ( دارت لي بيديها تمشي ) غير سري لا تعصب نهظرو من بعد في تليفون .
+
غير مشات عبير و زهرة شامة حتى هي مجلساتش من وراهم طلعات لبيتها و سدات عليها ، تقبلات مع المراية و وقفات كتشوف راسها و كتمسح في مكياج ….
+
و هاكة دازت عليها 15 يوم بصباحها و ليلها ، دوزات كل ليلة تقول هاهوا غادي يجي هاهوا غادي يجي و حتى تسوال مقدراتش تسول كتفكر غير حوارهم تاع ديك ليلة و كيف أكد ليها أنه غادي طلق ، يعني حتى إلى رجعات لدارهم مكاينش لغادي يجي يخطبها من دوار و هي طليقة سلمان الكناني و تاني حاجة أصلا حتى واحد مكيبغي مرأة مطلقة هنا تجي عروسة لدارو و كاين عرارم تاع العزبات في دوار ، حتى باش تقول زينها غادي يجدبهم ليها هي عمرها عرات على زينها من غير عينيها لي شافهم غير هوا و منوياش تعري عليه و هكدا غادي تبقى غير محطوطة في دارهم و باها غادي يهز عليها العين مغديش يبقى راد معاها البال بحال مني كانت باقة بلا زواج حاضيها في طلعة و هابطة .
+
في هاد 15 مكانت تاشي حاجة جديدة من غير أنها من ورا سبعة أيام و ولات كتهبط و شادة نوبتها في طياب وخا نعيمة مكتسوقش ليها و محسبهاش كنة مكتهدرها مكتحوم جيهتها ، و مرة مرة تجمع مع كنزة و لا أية و بالأخص أية لي ولات قريبة ليها شوية و يجلسو في العشية في جنان اما حتى من كريمة مكانتش كتعامل معاها مزيان و حتى هي كتعطيها خو جوابها .
+
خرجات نعيمة من بيتها كتنش على راسها بشد و صهد قاتلها و هي حالفة متخدم الكليمات حيت كيضيعو الضوء .
+
نعيمة : كريمة .. أية … و كنزة …ربيعة وا ربيعة
+
عيطات عليهم كلهم و تاوحدة مجوبات كلهم لفوق و مسمعوهاش كتعيط ، من غير شامة لي كانت لتحت في الكوزينة كدير الغداء حيت نوبتها ، سمعاتها كتعيط لاكن حتارت واش تخرج تكلم ليها و لا ظرب طم ، سمعاتها كتعيط تاني لاحت شيفونة من يديها و قدات زيفها حيت كانت دايرة ليه شدادة تاع شقة و خرجات عندها .
+
شامة : ( كتسرط في ريقها ) خالتي كنتي كتعيطي .
+
نعيمة : يخوي ليك ظراس .
+
شامة : ( بقات ساكتة مبغاش تخرج معاها العيب و تفكرات توصية لي عطاها ) أحم غير حيت سمعتك كتعيطي .
+
نعيمة : ( نهظات عليها ) عيطت بسميتك ( خرجات عينيها ) فين هوما دوك صوبيصات .
+
شامة : معرفت ..
+
أية : ( هابطة مع دروج كتجري بعد مسمعاتها كتعيط ) خالتي عيطتي عليا .
+
نعيمة : ( عاقدة حواجبها بالأعصاب ) فين كنتي واش حتى كنشحف عاد كتهبطو غير مخشيين فوق بغيت غير نعرف شنو كديرو ؟ ( شيرات بيديها و غوتت حتى قفزاتهم ) سيري جيبي ديك الحسيرة و وزيدي سرحيها في هاد المراح رآه صهد .
+
أية : ( خرجات عينيها ) خالتيي رآه كاين كليمات خلينا نتبردو شوية .
+
نعيمة : ملقيت حاجة غير نخدمها بغيتي تنزلي علينا بمليون .. ( شافت فيها مطولة ) سيري جيبي الحسيرة حتى ليل بعدا عاد خدموهم .
+
مشات أية و بقات غير شامة واقفة كدور عينيها ، شافت فيها نعيمة : واش غادي تبقاي واقفة ليا عاد راسي سيري دركي زلافتك .
+
دكشي لي دارت نيت مشات تجري تبعات أية تهز معاها دخلات عندها لواحد لبيت حاطين فيها قشاوش ودكشي لي مكيحتاجوش يوميا .
+
شامة : ناري ناري كتخلعني مني كنسمعها كتعيط .
+
أية : ( كتهظر و منفخة ) مشتيش انا لي دوزت معاها عامين معرفت راسي متزوجة بي بدر ولا بيها .
+
شامة : ( جابت ليها ظحكة ) ناري ياختي ربي معاك ( قربات تهز معاها حسيرة ) .
+
أية : سقرامة لخرى كليمات دايرينهم باش نخدموهم وهي خايفة على ضوء بحال كانت كتخلصو هي ، عرفتي أ شامة مني كيكون سلمان و بدر كتخدمهم غير كيمشيو و كيخرج عمي عبد رحيم لي كيدل في جنانات كطفيهم و تخلينا نتقلاو بصهد حتى يقربو يجيو من غير بنتها لي دل مخدماها في بيتها .
+
شامة : علاش مكنحملش هاد عقلية تاع هاد دوار كلهم هكا حتى من با هاكة ميخسرش درهم و مشكل عندهم و حارمين راسهم و يتسقرمو هي دبا عندها لي يتم ميتحرك دوار تاع زمر كرهتو .
+
أية : ( شافت فيها بنص عين ) شوري أ خويتي كيبقى أصلنا و فصلنا .
+
شامة : رآه ناسو مراض في راسهم .
+
أية : سلمان ماشي بحالهم .
2
شامة : ( غير سمعات سيرتو هي تصقل ) زيدي زيدي قبل منتعطلو عليها و تشبع فينا معيور ههه .
+
ظربات جوج تاع نهار و تحط الغداء ، الغدا لي مشا الخدامة لي على برا و الغدا لي تحط لمحمد و عبد رحيم في جنان و الغدا لي حطو ليهم و دارو عليه في المراح كيتسمع غير صوت المديغ و تقرقيب العواشق تاع شلاضة .
+
نعيمة كتاكل و تشوف بنص عين جيهت شامة مكتحملهاش و من لول مكانتش بغاها عروسة و دبا غير ما زادت كرهتها ، صونا ليها تيليفون و شيرات لأية جابت ليها طاس غسلات يديها عاد جوبات على تيليفون .
+
نعيمة : أوليدي سلمان كيف داير لباس عليك .
+
غير سمعات سميتو هزات عينيها و طلقات ودنيها بالاهتمام .
+
نعيمة : توحشتكم أوليداتي لا نتا لا بدر و زيد عليها حفيظي الغالي لي غابر مبقا بغا يجي عفا وليدي طرقو جيبو معاك بزز .
+
نعيمة : لالا متخافش كولشي مزيان .
+
هزات عينيها كتشوف في شامة و ظربات ليها طن في رأس : إوا أوليدي إمتا غادي ترجع هاد الأمانة لي محطوطة عدنا لدارهم مالها غادي تبقى عدنا هنا 15 يوم و دازت أش بغيتي تكمل العام ؟ .
+
سلمان لي غير سمعها أش قالت دوز يديه على وجهو و نطق بكلامو لي وصل ليها حتى الودن : إنشاء الله الواليدة غير نجي في هاد يومين و نفرتكو جقلة .
+
نعيمة : ( شافت فيها بنص عين ) انشاء الله أولدي يلاه الله يعاونك حتى تجي .
+
حطات تيلي تحت طبلة و تنهدات : مقدوه هم زادوه هموم .
+
في مدينة رباط …
+
كان جالس في لبالكو تاع فيلا لي عندو في رباط كانت فيلا ماكبيرة ما صغيرة شاد شيشة في يديه و قدامو طبلة فيها تقاوت و دكشي تاع سهرة كيشوف لبعيد و لايح كاع مشاكل وراه جاي باش يرتاح و ينسا الهم ، حس بخطواتها قراب ليه و يديها لي مصبغين بالأحمر محطوطين على كتافو كدير ليه مساج باش يسترخا .
3
سلمان : ( بخ بخة طويلة من شيشة مرتاح بمساج لي كدير ليه ) كنتي خدامة في صونة.
+
ضحكات بمياعة و تحظرات حكات وجها مع حنكو : متعددة مواهب أبيبي .
+
سلمان : ( عوج راسو عندها و بخ عليها دخان ) هدى يا هدى .
+
هدى : ( بمياعة ) أه سميتي و كيف خارجة منك ، ( بهمس ) بقا دايما غير تعيط عليا .
+
سلمان : ( جمع ضحكة و خنزر فيها ) تجمعي القحبة.
2
هدى : ( ضحكات و دارت جلسات فوق رجليه ) عادي أببي مقبولة منك .
+
مجوبهاش و سكت جبد لكارو من جيبو و هي شعلاتو ليه كدوز يديها على ملامحو .
+
هدى : في خبارك أنا فرحانة ، غير هادي شهر عيطت عليك و قلتي ليا قلبي عليا غادي نتزوج متبغيش تزني على مرتك و دبا جاي عندي ( غمزاتو ) واش مشبعاتكش .
4
سلمان : ( ببرود ) متجمعيش راسك القحبة ؟ غدا جمعي حوايجك راجعي منين جيتي .
+
هدى : ( كتحرك يديها على صدرو عريان ) علاش ؟ ياك غادي ندوزو وقت بجوج .
+
سلمان : غدا راجع لدوار .
+
هدى : ديني معاك .
+
سلمان : ( هز حاجب و خنزر فيها ) من نيتك ؟
+
هدى : و مالك ناخد شي دار في دوار و تبقى تجي عندي .
1
سلمان : إيه نبقى ندخل نحويك و نخرج دكعدي ديري خدمتك و خرجي تقودي .
2
ناض دخل الداخل و تبعاتو كتمشى على صباعها و كتمايع عليه .
+
صبح صباح جديد …
+
فاقت مع تمنية تاع صباح باش تدخل دوش عاد تهبط لتحت باش تفطر ، هزات معاها غير لفوطة و دخلات سدات عليها ..
1
لتحت
+
كلشي تقريبا فاق من غير أية لي ماشي نوبتها عاد شامة لي كدوش واليوم كريمة لي كانت فيها نوبة ، توقفو قدام الباب جوج سيرات من نوع مرسيديس وحدة خرج منها سلمان و تانية خرج منها بدر دخلو بجوج لدار لقاو نعيمة كتسنا فيهم حيت علمها بدر لبارح في ليل بلي غادي يجيو اليوم جلسو معاها شوية من بعد طلع بدر لبيت و بقا سلمان جالس معاها شوية كتعمر ليه راسو باش يطلق شامة و تشكي ليه منها .
+
حل باب البيت و دخل ، طاحت عينيه عليها باقة ناعسة و شادة ناموسية كاملة مسرحة رجليها و يديها و لابسة غير بيجامة طويلة من توب لبارد باش متسهدش في ليل بتاسم بدون شعور و جر لباب و وعاود خبطو بجهد حتى ناضت قافزة كدور في راسها تشوف مصدر صوت .
1
أية : ( شادة على قلبها ) أهه خلعتيني مالك أويلي .
+
حط ساكو تاع الحوايج و تلاح حداها فوق ناموسية
بدر : أش هاد الوقت الآلة ناس رآه طيبو فطورهم و قداو شغلهم .
+
أية : ( ناضت من حداه معوجة سيفتها ) لي بغا يربح العام طويل ، ( غمزاتو ) كيف دوزتي عطلتك زاهية بنات ؟
+
بدر : ( بتاسم حتى بانو ظراسو ) ولا في أحلااام ( غمزها )
+
تحسسات و مبغاتش تبين مشات كتعوج دخلات الطواليط و سدات عليها حطات راسها على باب البيت و نزلات دميعة دغية مسحتها . في لبيت لي جنبهم ، خرجات من حمام شامة لاوية عليها فوطة و كتنشف في شعرها بفوطة تانية جبدات دوبياس لبساتهم و مسحات جسدها من الماء عاد لاحت ديك الفوطة و بقات غير بي دوبياس و فوطة لواتها على شعرها حتى تنشفو جبدات كندورة صيفية يلاه بغات تلبسها هوا يتحل الباب ، غير سمعات صوت الباب تفتح هي دور و صدمة و دهشة على ملامحها حطات يديها على جسدها مغطياه .
2
سلمان لي بقا واقف حال لباب و شاد فيه حال فمو في جسدها و معالم أنوتتها أما شامة غير وعات على راسها هي تطلقها بغوتة .
شامة : واااا الباب محلول .
2
سلمان : ( وعا على راسو هوا يدخل وسد لباب من وراه باقي كيشوف فيها و يسكانيها شبر بشبر و يحفض جسدها في داكرتو ) .
2
شامة : ( معنات ليه يخرج و يسد لباب غير شافتو باقي واقف كيشوف فيها بدوك شوفات لي وتروها و كلاوها حشمها حتى حمارت و زراكت ) وااااا خرج .
+
هزات فوطة لي لاحت في الأرض و ظرباتو بيها متحركش من بلاصتو هزات بيجامتها و دخلات تجري لحمام و هوا باقي حاضيها موعى حتى خبطات الباب بجهد .
1
سلمان : ( قرن حواجبو ) جمع راسك أسلمان.
+
حل الباب و خرج معصب من راسو كيف نسا راسو قدامها و هوا لي حالف ميقرب ليها ولا يحاديها و غير شاف خير نسا راسو ، هبط لتحت جلس حدا باه في جنان كيحاول يتناسا لي شاف .
+
تعشات العشية و هي جالسة في بيتها بعد متعشاو ناعسة فوق فوتاي و لابسة عليها و دايرة حجاب موخداش راحتها خافتو ليدخل بحال صباح و طيح تاني معاه في شي موقف محرج .
1
شادة تيلي كطلع و تهبط في فيديوهات ، إلى سولتيها شنو هي أكتر حاجة ولفتيها في هاد دار تقول ليك ويفي لي يما طلبات هي و ختها باها غير باش يعطيهم غير باش يديرو كونكسيو كون ماهوا لي كان كيسيفط ليها كونكسيو كعما تلقى باش تكونكطا ، طلعات ليها نمرة ختها ويلاه بغات تجاوب هوا يدخل سلمان كيف تران سد الباب و دخل الدوش بقات متبعاه بعينيها و مهضرو بعضياتهم موالو غير سد الباب تاع طواليط ناضت خرجات برا البيت باش تهظر على راحتها مشات لطيراس تاع دار و جلسات فوق واحد زعلولة تم عاد جوبات على عبير لي كانت غادي تجهل بتصونية .
+
مع حطات تيلي على ودنيها تسمع صوت عبير لي مفقوسة : ونتي فينك جهلت و انا كنصوني.
+
شامة : أحاي على بنت واش يحساب ليك معندي ميدار نبقا مقبلا غير تيليفون تصوني نجوب .
1
عبير : ( كتغزز في ظفارها ) وراه حتى انا كون مكانتش شي حاجة مهمة كنت غادي غير نصوني و نقطع عليك حتى تشوفي على خاطرك و تعاودي تصوني .
+
شامة : ( بتساؤل ) شنو كاين ؟
+
عبير : قولي اش مكاينش روينة نايضة في دار روينة ( كتهظر و تشرح بيديها بحالا قدامها ) بابا من صباح هوا يغوت و يعير ماما و على شوي ميظربها .
+
شامة : ( وقفات على وقفتها ممصدوماش لاكن خايفة على مماها من باها لي حوار عندو هوا ظرب ) علاش هاد صداع كامل مال با تاني يكما ضرتي شي حاجة ؟ .
1
عبير : من نيتك ( قوصات حواجبها ) رآه مشكلة مشكلتك علاه ماشي سلمان صونا على بابا عليك و قاليه غادي يبدأ في الإجرائات تاع طلاق و صافي با غير سمعو جهل مني قطع بقا كيغوت و يعاير و جاو دار عمي جلسو معاه في صالون شي ربعة تاع سوايع مرة يعيروك مرة يظاربو بيناتهم و ينوض داك مخنن تاع ولد عمك حتى هوا يقول ليك كنت باغيها انا و راضي بيها هي ظرب لبابا طن في رأس وقال ليه إلى طلقت نعطيها ليك إوا غير سمعات مرت عمي اش قال بدات تعاير فيك ناضت مي بغات دافع عليك بدا يعاير فيها با ناض عمي يفرق و داك المخنن قال ليه صافي غير طلقها اعمي انا ناخدها و راضي بيها و …. ططططط
+
قطعات عليها تيلي و ديك ساعة طفات ويفي معندها فين تزيد كتر واش حتى قالت هاد طلاق غادي يجي عليها بنفع لقات راسها غادي طيح في مصيبة كحلة زحلة ، جمعات رجليها عندها و دم تخطف من وجها حتى صفار و خظار ، نزلات دمعة من عينيها توالوها دمعات .
1
شامة : ( كتنخصص صدرها كيطلع و ينزل ) واش .. انا .. حتى قلت نتنهى كنزيد نغرق ( مسحات دموعها بكف يديها ) .
1
هزات راسها الفوق حاضية نجوم و تفكرات سلمان و كيف تعامل معاها ، مبقاتش عارفة واش هي لي مظلومة ولا هي ظلماتو و طلعت معاه بنت الحرام جات بغات تلعبها و ربي غادي يجازيها على طيران لي فيها واش حيت محمداتش الله و خلات دودة لي فيها تسيرها و بغات تعيش بحال حكيات لي كتسمع ولا في القصص بطلة كتهرب و طلاقا بي بطل أحلامها يحساب ليها غادي غير تفوت عتبة تاع دوار غادي تعيش لافيدا كيف بغات
+
…….
+
خرج من الحمام بعد متوضى و داز يصلي ، و يمكن هادي أحسن حاجة كيديرها في حياتو وخا يدير لي دار صلاتو مكيفرطش فيها يقدر يكون يلاه كامي يسمع أدان يحط داك كارو و يمشي يصلي متشبت بصلاتو ، ماشي إنسان مؤمن او صالح لاكن على أقل داير وقت لعيبادة و ماشي مع ديك مقولة تاع شوية ربي شوية لعبدو ..
+
سلا صلاتو و تكا فوق فوتاي ناوي ينعس فيه و يخلي ليها ناموسية جلس ساعة من ورا مخرج من الحمام و حتى الحد الأن باقي مجاتش ، هز حاجبو بالإستغراب فين غادي تكون و مني خرج من حمام ملقاها ، لبس صندالتو و خرج من البيت يقلب عليها غير تم حيت عارف مغاديش تكون لتحت كولشي مشا ينعس ، داز من حدا طيراس و بان ليه خيال تاع شي واحد جالس تم قرب لعندها شوية و غير شاف حجابها نطق و هوا كيشوف لبعيد .
+
سلمان : منوياش تنعسي ؟
+
محوباتوش و اصلا مهياش في هاد العالم باش تجاوبو ، طل عليها لقاها غارقة في أحلامها و في سابع نوماتها ، شاف فيها مطول و يلاه بغا يقرب هوا يبعد شاف لبعيد و تنفس بجهد و بلا تفكير قرب ليها قادها في بلاصتها و خلاها في طيراس مشا جاب مانطة خفيفة من البيت و غطاها خلاها ناعسة فوق ديك زعلولة لي بحال فوتاي و أصلا مغادي يوقع ليها والو صيف هدا مغادي يظربها برد مغادي يجيها سمر ..
+
