♡CHAIMA_ELBRAIZEYA♡
__________________________
+
كانت متكية مع راسها في صالون مقدراش تطلع البيت حيت خايفة ، عندها فوبيا من الحشرات بجميع الأنواعها ، شدها لملل من صباح و هي جالسة غير بوحدها و حتى مني فاقت صباح ملقاتوش ..
+
ناضت و مشات الكوزينة باش تقاد الغدا حيت هدا هوا الوقت ، حلات تلاجة و عوجات فمها حايرة شنو دير اليوم الغداء .
+
قلقلات تلاجة كاملة شافت اش فيها و شنو خاصها
شامة : ( متكية لا على باب تلاجة ) اممم شنو ندير الكفتة و لا لحم بالبرقوق ؟ .
+
قالتها بصوت عالي و باقة متكية بيديها على آلباب لابسة هاد المرة بيجامة بالغوز و سروالها دايرة زيف حياتي بطريقة زوينة مخليا شعرها باين من لتحت و متلوق على راحتو ، غافلة على العيونو لي كيتربسوها من الور و يعبروها شبر شبر .
+
نطق بالبحة خاترة و تقيلة : مديري والو معروضين الغداء .
+
شدات على قلبها حيت قفزها بصوتو ، دارت عندو و هي حاطة يديها على قلبها .
شامة : خلعتيني دير لحس .
+
سلمان : ( شاف فيها اخر شوفة وهاد مرة ببرود قبل ميعطيها ظهرو و نطق ) وجدي راسك باش نمشيو غادي تلقايني كنتسناك على برا .
+
مشا خرج ، و هي باقة واقفة في بلاصتها .
+
شامة : ( جمعات قنانفها بالاستغراب ) هدا مالو ؟
+
هزات كتافها و معطاتش الموضوع أهمية سدات ديك تلاجة و مشات الصالون حطات داك صاك فوق صداري جبدات شنو غادي تلبس و مشات الحمام لي كاين لتحت حيت مستحيل طلع الفوق ، دخلات الطواليط بدلات عليها لبسات جلابة بالأحمر داك لون لمشعشع أراك من بعيد و دارت معاه صندالة عالية شوية يعني تقدر تمشى بيها مزيان و قدات زيفها لبلونكاصي عاد هزات ماسكرة طلعات بيها شفراها بغات دير الكحل لاكن مغاديش يقدها الوقت ليه ، شافت شوفة في العكر ديالها الأحمر بقات كتشاور راسها واش ديرو ولا لا في الأخير هزاتو خشاتو في صاك حتى يوصلو و ديرو بين العيلات .
1
خرجات من طواليط كترش عليها ريحة و ضحك عاجبها راسها .
+
شامة : حمدالله غير منسيتش حوايجي و جبت شي حاجة مشوهة .
+
خرجات على برا و سدات الباب من وراها ، و قربات عند سلمان لي كان متكي على طموبيل و شاد كارو بين يديه قرب يساليه .
+
وقفات حداه و عينيها على الكارو لي في يديه .
شامة : جيت معاه نيشان .
+
لاح داك الكارو في الأرض و عصف عليه برجلو ، دار لجهة تانية تاع سائق ركب و حل ليها الباب ركبات حداه حتى هي و عينيها عليه ، جاها في شكل و ماشي حتى لهيه حتى أنه مشافش فيها اصلا .
+
خرجو من الفيرمة شادين الطريق ..
+
شامة : فين غادين .
+
سلمان : ( عينيه على طريق ) دار واحد صاحبي داير سبوع تاع ولدو .
+
شامة : غادين نمشيو بيدينا خاوين .
+
سلمان : لا .
+
شامة : غادي نمشيو ناخدو شي حاجة ؟
+
سلمان : لا .
+
شامة : ( عقدات غوباشتها ) علاش ؟
+
سلمان : ( ببرود ) خديت .
+
حركات راسها بالإجاب و الأعصاب شدوها من برودو و طريقة لي كيهظر معاها مبقات فهما والو اشنو وقع ليه هاد صباح واش دارت شي حاجة ؟
+
شافت فيه بنص عين و بقات متبعة ليه العين و هوا صايك حتى و صلو الوجهة تاعهم …
+
في آلفيرمة . . . .
+
كانت نعيمة في بيتها مشبحة مسرحة رجليها لأحلام لي كدير ليها مساج و شادة على راسها لي دارها شوية و عاطيها الحريق .
+
أحلام : خالتي كيف جاك المساج ريحك شوية .
+
نعيمة غير كتحرك راسها بالإجاب مقدراش تهدر .
+
أحلام : خالتيييي .
+
نعيمة : أمممم .
+
أحلام : خالتي مجاكش سلمان مغاديش يطلقها و غير كيديك على قد عقلك ( هزات راسها و مصطانعة الحزن ) زعما تكون وقعات بيناتهم شي حاجة لي خلاتهم يتصالحو و حنى ناعسين على ودنينا ؟ .
+
نعيمة غير سمعاتها أش قالت هي توكد و دارت جهد فوق جهد حتى ناضت جلسات و تكات على الكادر تاع الناموسية .
+
نعيمة : ديك ساعة غادي نتسطى عارفة اش كتقولي ولا شنو ، ( كتحرك راسها بنفي ) لا سلمان ميديرهاش هوا نهار لول قال غادي يطلقها .
+
أحلام : ( كتحرك راسها ) أحياني أخالتي هديك رآه لفعة ياك ناوي غير يجي يطلق هاهوا دبا مديها معاه و مخلوين غير بجوج ، دبا تاعت الله اخالتي كاين شي جوج مع بعضهم في دار وحدة مغادي يوقع بناتهم والو .
+
دورتها في راسها و لقات بنت ختها عندها صح شكون ظمن ليها سلمان لي جا و حاربها و قالت ليه نسخط عليك إلى مديتيش بنت خالتك و ديتي غيرها و مع دالك تزوجها و بقا يسايس معاها حتى تزوجها ، شنو لي يظمن ليها مكيديرش نفس شي و غير كيقول ليها اليوم غدا اليوم غدا حتى تلقاها داخلا في شهر سابع تاع الحمل و ديك ساعة معندها متصور منها .
+
نعيمة : عندك آلحق و لايني شنو معمول كيف غادي نديرو ليها سلكوطة الخرى لفعة تحت تبن كظرب من لتحت لتحت .
+
أحلام : ( بتسمات الابتسامة حيت قدرات تعمر ليها راسها بالأفكار لي بغات ) إوا خالتي نتي مريضة خاص سلمان يجي يشوفك و لا لا ..
+
نعيمة : ماشي شي مرض ابنتي غير دارني راسي و ..
+
سكتت مني عاقت بيها اش بغات توصل و ضحكات .
+
نعيمة : و لايني راك عفيريتة حتى نتي .
+
أحلام : ( حطات يديها كتمصد ليها رجليها و كظحك ) إوا أخالتي خاص نحارب شوية و نديرو كيف كدير فعيلها حفضتهم و نظربوها بيهم ، و أصلا مخاصش نخليهم مع بعضياتهم .
+
تعشات آلعشية و شمس غربات بقا غير أتارها ، خرجات من الباب تاع الكوزينة لجنانات بقات غادة كتمشى و تفرج في تليفونها حتى و صلات جيهة لي فيها البقر و الماعيز ، لابسة غير بيجامة بي سروالها خفيفة واخدة راحتها حيت هاد العشية كاع الخدامة كيمشيو كيبقاو غير لي كيقابلو بليل و أصلا هاد الفيرمة مكاينش فيها الخدامة بزاف .
+
تكات على واحد شجرة تاع الزيتون و هي باقة كتفرج ، كتحس براحة هنا و أصلا هادي هي بلاصة لي مكيصدعها فيها حد ..
+
أية : نسيفطو لشامة مني مشات مسيفطات .
+
دخلات الواتساب تاع شامة لقاتها ممكونكطياش من 12 تاع صباح ، طلقات الابتسامة و شي حاجة كدور ليها في راسها .
+
أية : هانتي ليك على درية مدخلاش من صباح غادي يكونو تصالحوا زعما …
+
دورات وجها بزربة مني سمعات شي صوت جنبها صوت تاع شي واحد كيتألم و كينهج بزز ، جمعات الوقفة دارت كتقلب على مصدر صوت ، قربات جيهت واحد زيتونة كبيرة ، بان ليها شي واحد متكي و كيتألم .
+
راجل لي غريب عليها و شاد في رجلو لي فيها دم و حاط راسو على شجرة كيتألم ، قربات عندو أكتر و نطقات بخوف .
+
أية : خويا واش نتا بخير ؟ ( تحضرات شوية كتشوف في رجليه ) .
+
حل داك راجل لي مكانش كبير بزاف عينيه غادي يكون عندو ديك 37 عينيه و شاف فيها طلعها و نزلها و ملامحو خاسرين و قارن حجبانو بالألم لي كيحس بيه .
+
أية : واش كتسمعني ؟
+
حرك راسو بالإجاب : مزيان مزيان اختي .
+
أية : مبانش ليا راك مزيان واش نتا خدام هنا ؟ محتاج شي حاجة ؟
+
راجل : لا اختي بخير (غوت بالألم ) ايييي .. غير سيري مباغي مشاكل .
+
غير شافتو كيتألم قربات باش تشوف ليه جرح كيف داير و تعرف خطورتو لاكن هوا بعد رجلو بزز بيديه و نطق بالامتناع : عفاك اختي انا بخير غير سيري لداركم مخاصيني صداع في خدمتي .
+
ستنتجات بلي هوا خدام هنايا و مباغيش يقرب و يخليها تعاونو ليطيح في شي مشكل .
+
أية : متخافش مغادي يوقع حتى مشكل اصلا انا خدامة حتى انا ، دبا قول ليا مالك .
+
غير سمعها خدامة هنا رتاح كان خايف تكون من مالين دار و يشوفها شي حد كتعونو و يفهم غلط ولا يوقع ليه شي مشكل لي ميقدش عليه ، وخا من حالتها مجاتوش تاع وحدة خدامة هنا و لاكن معطاش أهمية حيت هي بفمها قالتها ليه .
+
أية : شنو وقع ليك مال رجليك .
+
راجل : ( عرق كيهبط ليه مع وجهو ) لبارح نطحني تور لرجلي حتى تجرحت و داويتها و دبا بدا تاني يصح دم و عطاتني صداع
+
أية لي بقا فيها و بغات تعاونو حيت من حالتو باينة عليه مقصح و في نفس الوقت معرفاتش علاش كدبت عليه بلي هي خدامة و لاكن هدا مقال ليها راسها بان ليها خايف دكشي علاش قالت ليه خدامة هنا ، شافت فيه مطولة كتفكر كيف تعاونو .
+
أية : علاش متمشيش الداركم حتى ترتاح .
+
راجل : ( مخسر سيفتو بسباب الألم ) شوفي اختي غير سيري شوفي خدمتك مخاصني صداع مع مالين الفيرما انا يلاه بادي في خدمتي .
+
مدتهاش في كلامو و مشات وسطت جنانات تجيب ليه شي حاجة لي تعاونو بيها بين ما هوا بقا متبعها بالعين قال ديك الهظرة غير هظرا اما هوا كان كيتسناها تعاونو و قال غادي تكون تقلقات حيت قمعها
+
بتاسم من منظرها و هي غادة عجباتو و جاتو شي حاجة كتيرة عليه لدرجة رفض مساعدة باش هي تألح عليه و مقدرش يبين كيف عجباتو و حمقاتو ، بتاسم و سط الألمو : عودة صافي زين المليح ، ( دور عينيه في الأرجاء ) كل ماهي حاجة مليحة مخبينها في هاد الفيرمة .
+
عندها هي لي غادة وسط جنان و دايرة ظوء تاع تيليفون حيت حال بدا يظلام و مبقاتش كتشوف مزيان ، غادية حاضرة راسها لتحت حتى كتخبط مع شي واحد في راسها .
+
هزات راسها كيبان ليها بدر لي مخبوطة معاه شاد في كتافها و عاقد غوباشتو
بدر : ( حدر راسو حتى تقابل معاها و صغر فيها عينو ) فين كنتي ؟
+
أية : ( كدور في راسها ) فين ( دورات عينيها ) في جنان فين غادي نكون متلا كنت كندور شوية و دبا غادية راجعة الدار .
+
بدر : ( باقي عاقدهم طلعها و نزلها هي بصح لابسة بيجامة بسروال شوية مستورة لاكن مزيرة و مبينة معلمها و خصرها و إلى تحركات كيبان أي جزء تحرك من جسمها ) شحال من مرة تبريت منك و قلت ليك متبقايش دوري هنا بوحدك و هاد لباس شنو هاد شي عاصرة على لحمة و كدوري يحساب ليك كاين غير انا وياك رآه هاد جيهة فيها الخدامة بغيتي تشمي الهوا حدك جنان لي حدا الكوزينة ( هادر و كارز ليها على كتافها و كيعصر فيهم ) متبقايش طلقي رجليك بزاف حيت غادي تجيبيها في راسك .
+
أية : ( مكنزة حيت مقصحها من كتافها ) ايييي قصحتيني ابدر طلق ..وا.ش هادو يدين ولا شنو .
+
تنترات منو و بعدات عليه خطوة لور .
+
أية : بلما تبقا دير عليا داك الحكام زايد تاع والو واش شفتيني خارجة راني غير هنا واش حتى باش نشم الهواء ممنوع انا غادي نبقى غير بين الكوزينة و جناناها و داك البيت لي بحال الحبس .
+
قرب ليها جرها من يديها غادي بيها وسط جنانات باش يدخلو و هي كتنكر عليه محملاش هاد الوضع و نسات داك راجل و رجليه و لي يجي منو ، طلعو البيت و هوا باقي قابض فيها غير دخلو و هي تنتر من قبضة تاع يديه و رجعات لور كتحسس معصمها لي قصحها فيه .
+
أية : واش نتا دايما غادي تبقا هاكة عنيف ( هزات يديها كتوريه ) شوف اش درتي ليا ليدي .
+
حط قميجتو فوق ناموسية و بقا عريان غير بسروال و سمطة كيدور عليها في البيت ، بصدرو عريان هزات عينيها فيه و مشات نيشان الداك الوشام لي في صدرو بسميت وحدة أخرى ، هبطات دمعا من عينيها و هدا هوا حالها فين ما تشوف صدرو و سميتها لي موشومة فيه .
1
بدر تلاح فوق فوتاي مفرك رجليه كيشوف فيها و كيشوف في دمعة لي هبطات من عينيها ، دار ليها بيديه باش تجي عندو ، حركات أية راسها بنفي و عاود عيط عليها و مني مجاتش ، ناض مشا جرها من يديها و رجع بيها الفوتاي جلسها فوق حجرو ، جبد كارو من جيبو كيمكي فيه و ينفخ عليها و يشوف في دموعها .
+
بدر : ( شادها من يديها ) هدشي كامل حيت قلت ليك متبقايش تمشي الجنان ؟
+
أية : ( عينيها على الوشام لي في صدرو ) خانقني و نتا دير لي بغيتي ( هزات عينيها كدورها على صدرو حتى طاحت على ديك العلامة لي في عنقو علامة لي كتعيفها و عارفة بلي ماشي هي مولاتها حيت هادي شحال ممارسو مع بعضهم كتشوف فيها و قلبها كيتشوى ، هزات يديها غادية بيها جيهت عنقو فين كاينة ديك طبعة تاع شي بوسة نيت و هوا متبع يديها بعينو حتى حطاتها على عنقو و تحسساتو ) ممقصراش عليك ( بتسماتت و غمزاتو ) عطياك لحنان .
+
ضحك و قربها منو كتر و خشا راسو وسط عنقها كيستنشقو و يغمض عينيه و يحلهم : ولاكن ز/بي موحشك نتي دبا .
+
طلعات وجها كتحكو مع لحية تاعو و كتشم ريحتو مخلطة مع ريحت الكارو لي كطلع معاها : شمن نوع تاع البشار نتا ، ( بعدات راسها كتشوف في عينيه ) شمن نوع كتحاسبني على ابسط حاجة و نتا يلاه ماجي من عند وحدة و كل مرة مع وحدة .
+
بدر : ( هز راسو لفوق و بتاسم ) راجلك من نوع زهواني .
+
وقفات من فوقو مخلياه جاهل عليها و مشات دخلات الطواليط كارها حياتها و كارها راسها و كارها باها و كارها كولشي و كل مرة كترجع على هظرة شامة مني كتقول ليها ناس هاد دوار دكوريون و خا تكوني مظلومة عمرهم يجيو معاك ضدد راجل وخا تكون مرأة بحالها بحالها كتعيش نفس ألامها ..
+
عند شامة ..
+
جالسة وسط مجمع تاع العيلات و مكاين غير قولها و ضحك عليها ضحكة واصلة ليها من ضرسة حتى الضرسة وسط العيلات لي لقات معاهم راسها و غير كيضحكو و يتعاودو .
+
هاد دار على مقال ليها سلمان دار شي واحد من صحابو لقدام و غير وصلو مشا هوا عند رجال بعد متأكد أنه دخلات عند العيلات و من تم و هي جالسة معاهم و عاجبها الجو هنايا ، وخا تعشات العشيا و تقريبا كولشي مشا بقاو غير شي عيلات قلال و مالين هاد دار و مرت صاحب سلمان لي عندها سبوع تاع ولدها .
+
دخل واحد دري صغير الصالون لي فيه المجمع تاع العيلات و كيعيط بإسم شامة و يدور وجهو بين الموجودين.
+
دري : شامة ( شاف في واحد المرا ) خالتي شكون شامة .
+
شامة غير سمعات سميتها دارت صبعها على صدرها و نطقات : أنا ، علاش ؟
+
دري الصغير : خالتي تكلمي قال ليك عمي سلمان يلاه نمشيو .
+
شامة : ( بتسمات ليه ) وخا انا جاية .
+
جمعات الوقفة و كدور تسيفط مع العيلات لي عرفات هنايا و لي بانت ليها تقول ليها بسلامة حتى خرجات مع الباب تاع دار كدور في عينيها و تقلب عليه ، حتى بان ليها عاطيها بظهر و غير من حوايجو و الوقفة و تكظيرة عرفاتو بقات واقفة شحال كتسناه يشوف جيهتها مبغاش تمشي حيت كان واقف مع شي رجال و مني مشافش قالت تمشي عندو و تعيط عليه من بعيد حتى يدور عندها، تمات غاد عندو بديك جلابة الحمرة و الفم الحمر المعكر على غير صباح دخلات وجها طبيعي و دبا خرجات الفم معكر .
+
وقفات وراه بخطوة و نطقات بصوتها العدب و بنبرة خافتة الاحتراما زعما رآه واقفين معاه رجال : سلمان نمشيو .
+
غير سمع صوتها من وراه غمض عينيه و كرز على يديه محملش تجي عندو و هوا واقف مع رجال كيهظر ، حل عينيه كيشوف في هدوك لي كيشوفو وراه عقد حجبانو دار شاف فيها و هنا زاد طلع معاه زايد و العروق تاع يديه و راسو تطرساو و هوا كيشوف في حالتها و العكر الحمر لي ظاربة لفمها ، عوج راسو متبت عينيه في عينيها و نطق من تحت سنانو .
+
” سيري لحدا طموبيل حتى نجي ”
+
نطق هاد جوج كلمات و حرك ليها راسو باش تمشي من حداهم ، غير مشات دار عند هدوك لي متبعين ليها العين ، زير على يديه كتر حك محاجر عينو بعصبية .
+
قرب عند واحد فيهم لي كان متبع ليها العين اكتر و جرو من كول تاع القميجة و عيونو حمرين بالأعصاب .
+
سلمان : فاش كتشوف أ زامل ؟ ( دفعوا وشاف في دوك جوج لي حدرو راسهم ) جمعو قلاويكم ولا غادي يتجبدو من بلاصتهم .
+
كلهم حدرو راسهم حيت خرجو العيب مني هزو راسهم في حرمة تاعو .
+
عطاهم بظهر و مشا تبعها الطموبيل ، كان الباب محلول لقاها راكبة و دار لبلاصتو ركب حداها و خرج مكسيري من دار تاع صاحبو مخلي العجاج وراه بسباب السرعة لي غادي بيها ، شافت فيه شامة و عاقت بلي كاينة شي حاجة معصباه كتر من صباح فين كان قالب عليها دبا مزير على يديه و مزير على فولوم ..
+
وصلو المزرعة ، بلصا طموبيل عشوائي و نطق ببرود عكس دكشي لي داخلو : نزلي .
+
شامة : نعام ؟
+
سلمان : وا نزلي .
+
سرطات ريقها و نزلات مشات دخلات الدار و كتشوف وراها كتلقاه جاي تابعها كيتمشى بتقالة و عينيه عليها خلعها منظرو فكرها غير كيف كان نهار هربات و لقاها ، دخلات البيت و يلاه بغات تسد عليها هوما يوقفوها يديه ، دفع الباب و دخل سد من وراه كيشوف فيها و يطلعها و ينزلها .
+
سلمان : شنو ندير فيك دبا ؟ …
+
______________________
+
العاشر من هنا
