رواية زواج غير تقليدي الفصل الرابع عشر 14 بقلم سارة الراوي – تحميل الرواية pdf

انتبهت بسمة ان عمر كان يحاول ان يخفي وجهه بيديه و كأنه لم يريد ان ينضر اليه احد ، منضره اثار استغرابها جدا لان ليس من عادته محاوله اخفاء وجهه

في تلك اللحضه نسيت بسمة كل شئ و كانت تريد الاطمئنان عليه فقط

بسمة بصوت خافت كي لا تثير انتباههم ،، عمر مالك

عمر صوت متعب ،، ولا حاجه

بسمة،، طب ابعد ايدك كده ، و ازاحت يده عن وجهه

بسمة ، بصدمة،، اي ده انت عنيك حمره كده ليه و بتعيط كمان

عمر،، وطي صوتك انا مش بعيط ، انا كويس

بسمة،، انت بتنهج كده ليه يا عمر ، ايه اللي بيحصلك ده

عمر، بتوسل ، ارجوكي يا بسمة انا مش قادر افضل هنا، لازم نقوم دلوقتي ارجوكي

بسمة بخوف ،، حاضر حاضر

بسمه قالت بصوت عالي انها متعبه و ستذهب لترتاح في غرفتها

فاطمة ،، روح مع مراتك يا عمر لتكون محتاجه حاجه

ذهب عمر بسرعه مع بسمه و هو يستند على اي شئ يأتي في طريقه الى ان وصل الى الغرفه

بسمة،، ممكن اعرف انت مش عايز تقلي مالك ليه شكلك زعلان ، هو انت متخانق مع حد والا ايه

عمر نضر اليها بتعب شديد،، حد زي مين انا كنت مع ماهر اكيد يعني مش حتخانق معاه

بسمة، امال بتعيط ليه ؟

عمر،، فيه حاجه دخلت في عيني

بسمة،، طب انت كنت عايز تيجي هنا ليه و سبتهم

عمر ،،انا محتاج انام يا بسمة و بابا عايزني اقعد معاكو

بسمة،، انت كل مبتشوفني تبقى عايز تنام انا زهقت حرام عليك ، لو كنت انا واحده تانيه اكيد مكنتش حتبقى عايز تنام صح

عمر،، ايه اللي انتي بتقولي ده ، انت عارفه اني بحاول اسعدك على اد مقدر و بعدين مش وقت الخناق انا مش قادر اتخانق عندي صداع مش قادر اركز في اي حاجه

بسمة،، كفايه بقة تمثيل انت فاكرني ايه

عمر بصدمة،، تمثيل ، انا بمثل يا بسمة

بسمة ،، ايوا بتمثل كل ما اكلمك تقولي عندك صداع و تعبان و عايز تنام ، و انت معندكش اي حاجه و بتعمل كده عشان مش طايقني ، حرام عليك بقه طلقني يا عمر

عمر كان يصارع الالم اللذي يشعر به ، كان الالم اقوى من كل مره و لكن عندما سمع كلمات بسمة شعر بالم اقوى من اي الم قد يسببه المرض

عمر ، انت بتقولي ايه ، انت عايزه تطلقي بجد

بسمة،، ايوا بجد يا عمر ، انا خلاص مبقتش قادره اعيش معاك ارجوك سيبني انا مش عايزاك

عمر بقمة الالم و الغضب ،، لا يا هانم انا مش لعبه فأيدك تسيبيني فأي وقت ، انت ناسيه انك حامل و الا خلاص انت بقيتي تاخدي القررات لوحدك، ازاي قدرتي تقوليها يا بسمة ، من ساعة مبقيتي حامل و انا مستحمل و بقول معلش هي عصبيه الايام دي بس خلاص انا مش قادر استحمل الضغط من كل حته ارحموني شويه والله مش قادر حرام عليكي

و خرج من الغرفه بسرعه تاركا بسمة تفكر في كلامه بحيرة

&&&&&&&&&&&&&&&&&&&&&&&&&&&&

قاد سيارته بسرعه جنونيه ليذهب للمكان الذي طالما ارتاح فيه و هرب من الناس ، انه البحر

جلس امام البحر يتامل منضره و يفكر في ما قالته بسمة

معقول يا بسمة هنت عليكي ، عايزه تسيبيني طب ليه ده انا مستحمل كل حاجه عشانك انتي ، انا بمثل يا بسمة ، ده انا بحاول اني مبينش اي حاجه عشان متدايقيش و بعد كده تقولي بمثل عليكي ،،، ياريتني كنت متت عشان اخلصكو كلكو مني

قاطع تفكيره الالم و الدوار الذي كان يعتصر جسده ، فذهب الى سيارته و استسلم للنوم فيها ، على الاقل سيارته هي المكان الوحيد اللذي لا يشعره بانه غير مرغوب فيه و من شده التعب نام في السياره لساعات طويله

اما بسمة فغرقت في بحر من الدموع و هي تتذكر ما قاله عمر

بعد كل اللي انت عملته يا عمر بقيت انت اللي مستحملني غصب عنك ، انت اللي خنتني و اتجوزتني بس عشان تنتقم من حبيبتك و كمان بتتهرب مني و مش طايق تقعد معايا ، يا خساره يا عمر انا كنت فاكره انك بتحبني بجد بس طلعت كداب و بتستغلني

&&&&&&&&&&&&&&&&&&&&&&&&&&&&&

بعد عدة ساعات استيقظ عمر على اصوات بعض الشباب الذين كانو يضحكون و يتحدثون، ضل جالس لفتره في السياره ثم قرر ان يذهب الى ماهر

اما بسمة فقررت انها ستحاول تغيير حالتها النفسيه و تزور خالتها و ريم

في بيت خالة بسمة ، جلست بسمة مع ريم في غرفتها و قررت ان تخبرها كل شئ عن ندى

ريم،، انت مجنونه يا بسمة ، ازاي تقولي لجوزك كده

بسمة،، بقولك بيخوني معاها و متجوزني عشان يغيضها و انت تقولي ازاي اقولو كده

ريم ،، بس عمر مش من النوع ده وانت بنفسك قلتي انه بيحاول يسعدك بأي طريقه

بسمة ببكاء،، طب هو عمل فيه كده ليه

ريم ،، انا حاسه ان في لعبه بتتلعب عليكي ، البت دي لما شافتك تغاضت و بتقول اي كلام

بسمة،، طب تفسري بأي انه مسجلهه باسم حبي فتلفونو و بتبعتلو رسايل و الاهم من كده ازاي انا و هي بنشتغل فنفس المكان

ريم ،، مش عارفه ،، بس انت برضو غلطانه جدا انت مش بتقولي كان شكلو تعبان يعني مش بيمثل

بسمة،، هو طول الوقت يا نايم يا عنده صداع انا حاسه انه بيكدب مش معقول اللي بيعمله ده يبقى حقيقه ، هو مش طايقني

ريم،، بس انت حامل دلوقتي و مستنيه طفل مش معقول تطلقي على سبب تافه زي ده

بسمه ،، الخيانه مش سبب تافه

ريم،، انت مسمعتيش منه و غلط انك تسمعي من وحده عايزه تخرب بيتك

بسمه ،، مش قادره اواجهو يا ريم ، خايفه يقولي نفس الكلام اللي قالته ندى

ريم ،، برضو لازم تتأكدي يا بسمة ، انا حاسه انك بتضلمي

بسمة،، غيري الموضوع يا ريم انا مش قادره اتكلم عنه خلاص ، قوليلي عملتي ايه مع سي سامي

ريم ،، مانتي لو كنتي بتسألي عليه كنتي عرفتي

بسمة،، معلش مانتي عارفه المأساه اللي انا بعيشها

ريم،، خلاص يا ستي خلصت منه اخيرررا

بسمة، بتتكلمي جد ازاااي؟؟؟

ريم ،، صاحب بابا طلع يعرفو و قال انه طلع بيشرب و يسكر و بتاع بنات ، الحمد الله ربنا خلصني منه بعد مكنت فقدت الامل

بسمة ،، كويس انك كشفتي قبل الجواز ، ربنا يعوضك بحد احسن منه بكتير

ريم،، لا انا خلاص اتعقدت من الرجاله

بسمة،، مين سمعك انا كمان خلاص لو شفت راجل حضربو

ريم ،،، ههههههههههه ايوا كده اضحكي يا سوسو

ماهر ،، اهلا ، اهلا يا عمر اخيرا شفت العياده

عمر ،، العياده حلوه اوي ربنا يوفقك

ماهر ،، بس انت ايه اللي جابك و انت تعبان كان المفروض ترتاح في البيت

عمر بسخريه ،، البيت ، ده اخر مكان اقدر ارتاح فيه

ماهر ،، ليه يا عمر حصل حاجه

عمر ،، انا تعبت اوي يا ماهر ، مبقيتش قادر استحمل اللي الدنيا بتعملو فيه

ماهر،، حرام عليك نفسك يا عمر اهدى شويه و احكيلي اللي حصل

عمر،، مفيش حاجه تتحكي ، انا خلاص مش حروح جلسات العلاج الكيميائي دي تاني خلاص

ماهر ، بفرحه، يعني حتعمل العمليه

عمر ،، مش حاخد حاجه تاني لا دوا ولا علاج و لا عمليات خلاص، انا راضي بنصيبي و مش حعمل اي حاجه تاني خلاص بجد تعبت و عايز ارتاح و لو موتي هو الراحه انا راضي بلي ربنا كتبهولي

ماهر ، بصدمة، لا يا عمر اهدى بس و متفكرش في الموت ارجوك ، انت جايلك طفل في السكه و مراتك و اهلك كلهم محتاجينك مينفعش تتخلى عنهم و تختار الموت

عمر ، بعصبيه ، كفايه بقه مبقيتش قادر انا بعمل كل حاجه هم يحتاجوهه من غير حتى ميطلبو و في الاخر بابا يتهمني بالفشل و التقصير و مراتي فكراني بمثل

ماهر،، ايه حكايه بتمثل دي ؟؟

عمربضيق ،، العلاج الكيميائي الزفت ده بيخليني تعبان اوي و ساعات مبستحملش التعب فبقيت انام و ادوخ كتير مع اني بحاول اني اقاوم بس ساعات بيبان عليه و هيه فكراني بمثل و مش طايقهه و بهرب منهه بالتمثيل

ماهر ، بحدة، انت ازاي بتعمل في نفسك كده ، ازاي تقبل على نفسك انها تفتكرك ممثل، يا عمر انت مش المفروض تقاوم التعب انت لازم تستريح و اللي بتعمله ده بيتعبك اكتر ، انت صاحبي الوحيد و مش حسيبك تموت نفسك حتى لو كان على حساب بسمة

عمر ،، خلاص يا ماهر ، ربنا كتبلي اني اموت و انا مش عايز حد يتعذب بسببي ، مش عايز ابني يتولد و يشوف ابويه بيتهمني بالفشل كل يوم و مراتي عايزه تتطلق

ماهر ، بصوت عالي،، بلاش تجيب سيرة الموت ، انت مش حتموت . فاهم يا عمر مش هتموت

عمر ،، انت صاحبي الوحيد و اخويه كمان خلي بالك من

بسمة و ابني او بنتي اللي فالسكة

ماهر . بس ياعمر بس خلاص مفيش موت و مفيش حد حيربي ابنك غيرك

و قبل ان يجيب عمر على كلام ماهر ، رن هاتفه برقم غريب

ندى ،، ازيك يا عمورة

عمر،، مين معايا

ندى ،، اخص عليك تنسى صوت حبيبتك بكل سهوله

عمر باستغراب،، ندى ، انت بتكلميني ليه بعد السنين دي كلهه

ندى ،،عايزة اشوفك يا حياتي

عمر ،، تشوفيني ، خير فيه حاجه

ندى بدلع ،، لاء اصلك وحشتني موت و عايزاك تجيني

عمر ،، ارجوكي يا ندى من غير كلام كتير لو محتاجه حاجه قوليها و لو مفيش حاجه يبقى ،،،،

قاطعته ندى،، هههههههه انت فاكر انك تقدر متجيش

بص بقى يا حياتي لو مجيتش بكرا بيتي عشان نتكلم حقول لحبيبة القلب انك يا حرااام بتموت و مش عايزهه تعرف

عمر بصدمة،، ايه انت بتقولي ايه ، انت عرفتي ازاي و امته

ندى ،، انا ندى و لا نسيتني ، حتيجي بكرا و الا انت عارف ممكن اعمل ايه

و اغلقت الهاتف و هو في قمة الغضب و الحيره

اخبر ماهر بكل ما دار في مكالمته مع ندى

ماهر،، البت دي زباله يا عمر انت مش فاكر كانت بتعمل ايه في الكليه

عمر،بحدة،، انا مش فاهم ازاي عرفت بموضوع مرضي ده

ماهر ،، الموضوع ده وراه حاجه و انا مش مطمنلهه و خصوصا انها بتقلك تقابلها في بيتها

عمر،، انا كمان حاسس بكده بس مش عارف اعمل ايه مضطر اروح اشوفها عايزه ايه

ماهر ،، انت مش مجبر على حاجه و انت عارف كده كويس ، ارجوك عشان خاطري لازم اهلك يعرفو

عمر،بعنف، مستحيل ،، انا مش حعذبهم بسببي

ماهر ،، بس انت كمان بتتعذب و يمكن اكتر منهم ، انت اخويه يا عمر و انا كمان بتعذب لما بشوفك بتتوجع و انا واقف متكتف و مش قادر اعمل حاجه

عمر،، انا مكنتش عايز انك تعرف و تتعذب بسببي ولا عايزهم يحسسو باللي انت حاسس بيه دلوقتي

ماهر،، طب وانت يا عمر حتستحمل كل ده لحد امته ، ده انت بتخاف ترتاح ليفتكروك تعبان ، دي مش حياة يا عمر انت بتعذب نفسك ليه سيبهم يساعدوك

عمر بتعب واضح،، مش عايز مساعده من اي حد

ماهر بتردد، انت كويس يا عمر

عمر ،، ايوا دي دوخة بسيطه

ماهر ،، انت بتاخد الدوا

عمر،، انا نسيت اخدو النهارده

ماهر،، طب قوم ارتاح شويه عندي في البيت

عمر ،، لا انا كويس ، لازم اروح اشوف بابا بقالو ساعتين بيتصل بيه

ماهر ،، بس تخلي بالك على نفسك و كمان شكلك تعبان

عمر ،، متقلقش انا مصحصح اهو ،، اشوفك بكرا

عاد عمر الى المنزل رغم انزعاجه من بسمة ولكن كان يجب ان يلتقي بوالده

محمود ،، انت كنت فين من الصبح انا بتصل بيك و انت مبتردش

عمر،، كنت عند ماهر ، رحتله عشان العياده الجديده

محمود ،، طب انا عاوز اتكلم معاك في كام حاجه كده عشان الشغل

عمر،، ممكن نأجل كلام الشغل بكرا

محمود ،، لا طبعا انا مش كل مره اكلمك تقولي بكرا و بعدو

عمر ، بضيق،، اتفضل يا بابا

محمود،، انا عايز افتح فرع تاني للمحلات في بور سعيد

و عايزاك تروح هناك و تضبط كل حاجه

عمر ،، بس ده حياخد وقت كتير اوي و انا يادوب الحق المعمل و المحلات اللي هنا يعني مش حقدر ابقى في بور سعيد و هنا فنفس الوقت

محمود ،، انت حتروح يوم هناك و يوم هنا

عمر ،، بس يا بابا انا مش حقدر

محمود ،، يعني ايه حتكسر كلامي

عمر، بتوتر ، لالا مش قصدي بس انا اصلي كنت عايز اقولك على حاجه

محمود،، حاجة ايه

عمر ، بتردد، انا عندي ور…… ليقاطعه صوت والدته

فاطمة،، الحق يا محمود سماح بتولد

يا ترى ايه اللي حيحصل و هل عمر حيقول لوالده على مرضه ، و ندى ناويه على ايه؟؟