رواية زواج غير تقليدي الفصل الثاني عشر 12 بقلم سارة الراوي – تحميل الرواية pdf

ماهر،،، انسه ريم استني لو سمحتي

ريم،، فيه حاجه يا دكتور ماهر

ماهر،، بصراحه انا كنت عايز اعتذر منك على الموقف السخيف اللي حصل بدري

ريم،، لا مفيش مشكله انا كمان كنت سرحانه و مكنتش مركزه

ماهر ،، انت شكلك عصبيه جدا على فكره

ريم،، لا طبعا انا مش عصبيه بس كانت في حاجه معصباني ، و لو سمحت انا عايزه ارجعلهم

ماهر ،، انا اسف والله مش قصدي ادايقك

ريم،، انا مش متدايقه ياريت تسيبني ارجع لو سمحت

ماهر ،، حاضر ،، اتفضلي

عادو الى الطاوله و مرت الامسيه بسعاده ، عمر و بسمه كانو سعداء جدا بوجودهم مع بعض و كانو يتغازلون طول الامسيه ، اما ريم فكانت شارده تفكر في حالها مع سامي ، انه فعلا انسان تافه و كان يتحدث عن سخافات الامور اما ماهر فكان ينضر الى ريم بتمعن و اعجاب واضح ولكنها كانت شارده و لم تلاحظ اعجابه بها

غادر الجميع بعد منتصف الليل

ماهر انتبه على عمر و هو يقوم بتدليك راسه بتعب ،، و لكنه لم يقل شئ لكي لا يثير انتباه بسمة ، و لكنها انتبهت

بسمة،، عمر انت شكلك تعبت من السهر

ماهر نظر لعمر بنضره لها معنى ،،، عمر انت كويس

عمر بتعب واضح،، ايه يا جماعه انا بس محتاج انام

بسمة، بمزاح ، قلي يا ماهر هو عمر بيحب النوم كده من زمان

عمر اتجرح من كلام بسمة لانه طول عمرو معروف عنه انه نشيط و مبيحبش الكسل ، اما ماهر فأحس بالشفقه على عمر

ماهر،، بالعكس عمر طول عمرو بيحب يشتغل ، ده حتى كان بيشتغل مع بباه حتى و هو في الجامعه

عمر ، بتوتر ،، ماهر ممكن تسوق بسرعه شويه

ماهر ،، بتفهم ،، خلاص احنا وصلنا اهو

بسمة ، وهي بتنزل من العربيه،، تصبح على خير يا دكتور

ماهر،، و انت من اهله ،، بس معلش يا عمر ممكن تستنى شويه

بسمه ،، طب انا حستناك في الفيلا يا عمر

$$$$$$$$$$$$$$$$$$$$$$$$$$$$$$$$$$$

ماهر ،، مالك يا عمر ،، بصلي شويه مالك

عمر ،، ازاح وجهه ،، مفيش يا ماهر خلاص

ماهر،، انا قلتلك بلاش نخرج النهارده ،، شكلك تعبت

عمر،، ماهر ارجوك صدقني انا كويس انا بس دايخ اوي

ماهر،،، ماشي بس متنساش تاخد الدوا و طمني عليك

عمر،، ههههه والله انا حاسس ان انت اللي ابويه

ماهر،، طب يا خفيف روح لمراتك ، تصبح على خير

عمر ،، و انت من اهله

$$$$$$$$$$$$$$$$$$$$$$$$$$$$$$

في المنزل غير عمر ملابسه و تمدد على السرير بجانب بسمه

بسمة ،، انا متوتره اوي يا عمر ، بكرا اول يوم شغل

عمر ،، يا حبيبتي متخفيش ، انت شاطره في شغلك و انا متأكد ان الكل حيحبوكي هناك

بسمة،، تفتكر ياعمر حبقى مبسوطه و انا هناك،، اصلي عمري مشتغلت قبل كده

عمر ،، الاحساس بالمسؤوليه دايما بيخوف و شعورك ده طبيعي ، بس اناعايزك تهدي و تفتكري ان بكرا حيبقى في تغيير في حياتك ، بس الصراحه اناخايف الشغل ده يبعد حبيبتي عني

بسمة،، مفيش حاجه تقدر تبعدني عنك ، انت بالنسبالي الدنيا كلهه ، انت عارف ان مليش غيرك

عمر ،، ربنا يخليكي ليه و تفضلي فرحانه كده على طول

بسمة ،، طول ما انت جانبي انا حفضل مرتاحه و مبسوطه ، انا بحبك اوي ياعمر

التفتت بسمة الى عمر لتجده نائم و قالت بضيق ، انت نمت تاني يا عمر

$$$$$$$$$$$$$$$$$$$$$$$$$$$$$$

في صباح اليوم التالي

استيقضت بسمة مبكرا و جهزت نفسها لاستقبال يوم جديد و عمل جديد

ثم ايقضت عمر اللذي استيقظ بصعوبه و نزل معها الى مائده الافطار

محمود ،، النهارده الشركه الجديده حيبعتو المندوب بتاعهم و عايزاك تراجع معاه كل حاجه

عمر ،، بضيق ،، حاضر

محمود ،،و متنساش تروح المعرض تشوف العربيه الجديده تأخرت ليه ، اااه كنت حنسى، عادل بيه عايز يبعت البضاعه الجديده ، ابقى فضي المخازن عشان تحط البضاعه الجديده مكان القديمة

فاطمة ،، خلاص بقه يا محمود الواد مش عارف يفطر ،

محمود،، هو انا بقولو مياكلش هو اللي من ساعه مقعدنا على الفطار مش عايز ياكل

فاطمة،، ايه يا حبيبي هو الاكل مش عاجبك تحب اعملك اكل غير ده

عمر،، لا يا حبيبتي والله اكلك حلو بس انا مليش نفس

فاطمة،، انت مش عاجبني اليومين دول ، خاسس النص ووشك اصفر ، حرام عليك نفسك يا بني الشغل مش حيطير

بسمة،، ماما عندها حق يا عمر ، انت مبتكلش كويس و بتشتغل كتير اوي

مراد ،، ده حتى في المعمل مبياكلش معانا

عمر،، انتو متفقين عليه ولا ايه ، انا مبحبش اكل كتير اصلا

محمود،، اهو انتو طول عمركو كده،،، هو لازم ياكل كتير يعني ده حتى اللي زيو بيشتغلو الضعف

عمر،، ماشي يا بابا انا رايح المحل دلوقتي ، بس حاخد بسمة شغلهه في طريقي

محمود ،، اه انا نسيت ان النهارده اول يوم شغل ليكي ، مش عارف بس ايه لازمة الشغل ، هو جوزك مقصر معاكي ولا ايه

بسمة،، لا طبعا يا عمي بس انا نفسي اشتغل

عمر،، بضيق شديد،، يلا يا بسمي عشان متتاخريش

عمر وصل بسمة للشغل و قبل متنزل من العربيه

عمر،، خلي بالك من نفسك يا حبيبتي

بسمة،، متخفش عليه انا بميت راجل

عمر ،، هو فيه راجل عسل كده

بسمة،، ابعد يا عمر احنا في الشارع

عمر ،، هو انت مش مراتي و الا ايه ، انا بقى عايز ادوق العسل ده

بسمة ، وجهها احمرر ، خلاص يا عمر حنتفضح

عمر،، هههههه ماشي انا حسيبك بس عشان العيال ميقولوش انك يعني ،،،،، و انفجر بالضحك

بسمة،، بكسوف ،، كده يا عمر انا غلطانه اني جيت معاك

عمر ،، و انت تقدري تيجي مع حد غيري

بسمة،، لا طبعا ، هو انا اطول شاب زي القمر يوصلني شغلي

عمر،، ايووووا كده هو ده الكلام ، انزلي بقه لحسن احضنك و اعملك فضيحه فالمدرسه يا سوسو

عمر ،، بموت فيكي يا عسل انت

نزلت بسمه من العربيه و هي في منتهى السعاده لتبدأ مشوارها كمعلمة لاول مره و ليتها كانت تعلم ان هناك من كان يراقبها و يرصد تحركاتها ليهدم تلك السعاده

$$$$$$$$$$$$$$$$$$$$$$$$$$$$$$$

مر يوم عمر بصعوبه ، كان لديه الكثيررر من الاعمال التي يجب انجازها ، و لكنه تذكر في وسط كل انشغالته ان يبعث برساله لبسمه

طمنيني يا حبيبة قلبي يومك كان عامل ازاي ؟

ابتسمت بسمة عندما قرأت رساله عمر و ارتسمت الفرحه على وجهها لتلاحضها زميلتها في العمل مي

كانو جالسين في غرفه المدرسين

مي ،، شكلك مبسوطه من الرساله ،، ايه حب جديد

بسمة ،، هههههه لا يا بنتي ده حب قديم و مستمر ، الرساله من عمر جوزي

مي،، بجد انت متجوزه ؟

بسمة ، ايوا من ست شهور

مي ،، ماشالله انا كمان اتجوزت من شهرين بس و حامل

بسمة،، الف مبروك يا مي ، ربنا يقومك بالسلامة

مي ،، مرسي اوي عقبالك

الأول مره تسمع بسمة هذه الكلمه ، و في هذه اللحضه تمنت فعلا لو انها تكون ام لطفل يشبه عمر

قاطع شرودها صوت تلك المرأه المتعاليه التي التقت بها اول مره زارت المدرسه و هي ترتدي ملابس عاريه و كعب عالي و تضع الكثير من المكياج على بشرتها، و شعرها الاصفر يضهر ملامحها الخبيثه

انت بقى مس بسمة ، ابلة العلوم الجديده

بسمة،، ايوا انا ، اتفضلي حضرتك محتاجه حاجه

هههههههه انا ححتاج حاجه منك انت

بسمة ، بضيق،، امال بتسألي عني ليه

اصلي سمعت انك حتشتغلي هنا ، مع ان جوزك ضد فكره شغل الست تماماً

بسمة بصدمة،، جوزي؟؟؟ و حضرتك تعرفي جوزي منين

فأطلقت ضحكه خبيثه ،، هههههههههههه اعرفو منين ،،،،

اعرفو من زمان ده حتى بيموووت فيه يا شاطره

بسمة كانت مصدومة من هذا الكلام و كأن هذا الكلام اشعل في قلبها نيران الغيره و الشك ،، و قالت و هي تحاول كتمان غيضها

بسمة،، انت كدابه و قليله الادب

انا مش كدابه على فكره جوزك اتجوزك علشان انا سبته، انت فاكره ان عمر النجار ممكن يبص لوحده زيك ، انت اصلا مفكيش حاجه تتشاف

بسمة بصوت اقرب للبكاء ،، انت مين و ازاي بتكلميني كده ، انت فاكره نفسك ايه

اجابتها بصوت متعجرف و ساخر ،، انا حبيبة جوزك اللي عمرو منسيهه و لسه بيحبني و اوعي تفتكري انك خدتي مني ، هو لسه بيحبني و اتجوزك عشان ينتقم مني بس و حثبتلك انه ممكن ييجيني زاحف لحد عندي

ثم تركتها و اختفت بعدما صدمتها في اقرب الناس على قلبها

انهارت بسمة بنوبة من البكاء و الصدمة ، فهل معقول ان كل ما يحسه عمر تجاهها هو الانتقام من حبيبته السابقه،

هو انا رخيصه عنده اوي كده لدرجه انه يتجوزني بس عشان يغيضها و كمان شغلني هنا عشانها ، انا مش قادره اصدق انه عمر يعمل فيه كده ،، ده انا وثقت فيه و حبيته و حسيت ان هو اللي حيعوضني عن غياب اهلي

و انخرطت في البكاء مره اخرى بصوت عالي

قامت مي بأحضار كوب من الماء لبسمة و هي تهدئها

بصي يا بسمة احنا مش صحاب من زمان بس من الكلام اللي قولتيهولي عن جوزك افتكر ان ندى دي كدابه و عايزه توقع بينكو

بسمة،، بصدمة اكبر ،، انت قلتي اسمها ندى

و تذكرت ذالك اليوم الذي حكى لها عمر عن حبيبته السابقه ندى التي تركها منذ وقت طويل و لكن مجرد ذكر اسم ندى امامها جعلها تتأكد من شكوكها و قررت انها ستعاقب عمر عن فعلته و ستنتقم منه هي اولا و لن تدعه ينجح في تدميرها بل هي التي ستدمره!!!!!!

ايه رايكو في البارت ، يا ترى بسمة حتعمل ايه فعمر و هل ما قالته ندى حقيقه ام كذب