رواية زواج غير تقليدي الفصل الخامس عشر 15 بقلم سارة الراوي
الفصل الخامس عشر
في غرفة الانتضار في الطابق الثالث من المستشفى جلسو الجميع بأنتضار سماح
محمود ،، انشف شويه ايه اللي انت بتعملو ده زمانهم جايين و انشالله حيطمننونا عليهه
فاطمة،، يارب تقومهالي بالسلامة هي و حفيدي يارب
في غرفه الانتضار البارده الممتلئه باشخاص ينتضرون خبر واحد عن احبائهم يقف عمر في زاويه بعيدة قليلا عن اهله و يتخيل كيف سيكون حال اهله لو كانو جالسون على تلك المقاعد و هم ينتضون منه ان ينجو من موت محتم ….. تسارعت الافكار في خياله ثم شكر الله كثيرا انه لم يخبر والده بأي شئ ….. قاطع شروده صوت الطبيب
الطبيب،، مبرووووك مدام سماح جابت ولد و صحتو كويسه اوي
قفز الجميع بفرحه و هم يهنؤن بعضهم و يهنؤون مراد الا عمر لم يكترث بما قاله الطبيب و كل ماكان يدور في رأسه هي سماح
عمر،، دكتور هي سماح كويسة صح
الطبيب،، للاسف لاء
الصدمة جعلت الجميع يصمت ثم تسارعو بالاسئله عن صحتها
الطبيب،، احنا عملنالها قيصريه بس للاسف حصلها نزيف حاد جدا و عشان كده هي في العنايه المركزه دلوقتي بس هي حتحتاج دم تاني ، حد فيكو فصيلة دمو o ناجتيف
عمر و بسمة في ان واحد ،، اناااا
تحاشو النضر و الكلام الى بعضهما طول المده اللتي كانو ينتضرون فيها لكن القدر شاء ان يجمعهم
الطبيب،، كويس جداا ، مين فيكو عايز يتبرع بالدم
بسمة،، انا حتبرعلهه
عمر ،، مينفعش يا دكتور دي حامل انا اللي حتبرعلها
الطبيب،، احنا مينفعش ناخد دم من الحامل يبقى حضرتك اتفضل معايا بسرعه عشان تتبرعلهه
مراد،، دكتور يعني سماح حالتهه خطر
الطبيب،،مش حاكدب عليك الحاله خطر و لسه مش عارفين حتحتاج دم اد ايه و جايز النزيف يوقف و تبقى كويسه
فاطمة،و هي تبكي ، يا عيني عليكي يابنتي ،، بنتي حتروح مني يا محمود
محمود كان متوتر و خائف على ابنته و لكنه يحاول ان يتماسك ،، وحدي الله يا فاطمة قلبي بيقلي انها حتبقى كويسه
مراد ،،، يارب يارب انا مليش غيرهاو ابنها كمان ملوش غيرها
،،،،،،،،،،،،،،،،،،،،،،،،،،،،،،،،،،،،،،،،،،،،،
بعد ان تبرع عمر بالدم لاخته طلبت منه الممرضه ان يبقى جالس في مكانه ،،، و تذكر عمر عندما كانت سماح صغيره تختبئ ورائه اذا اخطئت بشئ لانها كانت تعرف انه سينقذها مهما كلف الامر و تسارعت دموعه بالنزول عندما تذكر ان اخته الصغيره بخطر يهدد حياتها و لكن هو لا يستطيع حمايتها اليوم كما كان في السابق
عاد عمر الى غرفة الانتضار
فاطمة،، الحمد الله ان فصيلة دمكو وحده يا حبيبي
عمر ، الحمد الله ربنا يقومهه بالسلامة
مراد كان جالس بعيدا عنهم ولكن عمر قرر الذهاب اليه
عمر،، مراد متخافش حتقوم انشالله بالسلامة
مراد ،ببكاء ، انا من يوم متجوزت سماح و بقت هي كل حياتي مقدرش اتخيل الدنيا من غيرهه حاسس اني عاجز و مش قادر اعملهه اي حاجه
عمر ،، سماح حتبقى كويسه انا حاسس بكده و حتربو ابنكو مع بعض
مراد ،، ياريت يا عمر
ثم عاد عمر الى والدته و اخذ يطمئنها على صحة سماح و يحاول تهدئتها
كانت بسمة تراقب عمر عن بعد ، كم اعجبها منضره و هو يطمئن الجميع و يحاول ان يجعل الجميع هادئ رغم انها كانت تعلم مدى حبه لسماح و تعرف انه هو ايضا يتمزق من الداخل خوفا على اخته
خرج الطبيب مسرعا
الطبيب،، الحالة تدهورت فجأه و محتاجين دم تاني لازم تلاقو حد يتبرعلهه
عمر،، انا حتبرعلهه تاني
الطبيب،، مينفعش احنا خدنا منك دم كتير و كده خطر عليك
عمر،، ملكش دعوه يا دكتور انا موافق
فاطمة و هي تبكي ،، استنى يا عمر ليحصلك حاجه انت كمان
محمود،، استنى يا دكتور اخوهه راجل و يقدر يستحمل خدو منو دم عشان اختو
الطبيب،، استاذ عمر لازم تمضي انك بتتبرع على مسؤليتك و انا مبنصحش بكده لان الخطر كبير
عمر ،، انا موافق حمضي اللي انت عايزو بس بسرعه ارجوك
الطبيب،، اتفضل معايا
ذهب عمر مع الطبيب و بسمة قفز قلبها من مكانه لانها علمت ان التبرع خطر على حياة عمر
جلست في مقعدها قلقه جدا من ما يحدث
فاطمة،، ايه اللي بيحصل ده انا حاسه ان بنتي حتروح مني و ازاي تخلي عمر يتبرع مش خايف عليه
محمود ،، ربنا ينجيهه بس و عمر يعني مش حيستحمل ياخدو منو شويه دم
بسمة،بضيق من كلام عمها ، ادعيلها يا ماما بدل مانتي بتعيطي ، ارجوكي هدي نفسك كده
مراد جلس على الارض و انفجر بالبكاء من خوفه على سماح و بدأو الجميع بمحاوله تهدأته
عاد عمر اليهم فركضت والدته لتطمئن عليه
فاطمة،، انت كويس يا حبيبي
عمر ،، متقلقيش انا تمام
بسمة بتردد،، تحب اجيبلك عصير او حاجه تشربهه
عمر ،، لاء شكرا ،،، اجابها باقتضاب و ضيق لانه مازال مجروح من تصرفاتها
انزعجت بسمة من بروده جدا و لكنها مازالت قلقه عليه
بعد ساعتين تقريبا وصل ماهر الى المستشفى ليكون معهم
فاطمة،، كتر خيرك يا بني انك جيت
ماهر ،، سماح دي اختي و احنا متربيين سوه هي ازيهه دلوقتي
فاطمة ،، الحمد الله اصل عمر تبرعلهه بالدم مرتين و بيقولو لسه النزيف موقفش
ماهر بصدمة سحب عمر بعيدا عن الجميع ،، ازااااي تعمل كده يا عمر انت تجننت ده خطر عليك
عمر،، يعني اسيب اختي تموت عشان خطر عليه و بعدين انا كويس مفيش حاجه
ماهر ،، اللي عملته ده اكبر غلط انت اصلا تعبان و مكنش المفروض ياخدو دم منك بس انت اكيد مقلتش لحد على موضوع تعبك ده
عمر ،، بص كده لاهلي شوف بيحصلهم ايه بسبب مرض سماح تخيل لو انا مكانها ، ازاي اسيبهم يتعذبو و انا فأيدي اني امنع العذاب ده عنهم
ماهر ،، حرام عليك يا اخي انا خايف عليك جدا انت لازم يتعملك فحص شامل دلوقتي
عمر ،، انا عايز اتطمن على اختي سيبني فحالي يا ماهر
و قبل ان يكملو حديثهم خرج الطبيب من العنايه
الطبيب،، مبروك يا جماعه مدام سماح بقت كويسه جدا و حننقلها حالا لاوضه خاصه بيهه مع البيبي
الفرحه كانت عارمه و الجميع كانو يحتضنون و يهنأون بعضهم
الطبيب،، استاذ عمر انت حاسس بحاجه
عمر،، لا انا كويس
الطبيب،، انا قلقان عليك بصراحه اللي انت عملته النهارده ده خطر جدا
عمر ،، المهم اختي تقوم بالسلامة
في غرفه سماح اجتمعت العائلة و هم يهنؤونها بمولودها الجديد
محمود ،، الف مبروك يا حبيبتي خضيتينا عليكي
فاطمة،، انت كنت فاكره اني مش حشوفك تاني يا سموحه
سماح ،، متقلقوش انا كويسه بفضل ربنا و عمر
مراد بصوت خافت ،، كنت حموت لو جرالك حاجه ، مبروك يا ام العيال
سماح،، مش حيجرالي حاجه و حفضل قاعده على قلبك يا ابو العيال
بسمة ،،انتو حتفضلو تحبو فبعض و البيبي كده من غير اسم
سماح،، انا و مراد مفكرناش فأسم عشان مكناش نعرف ولد ولا بنت
مراد ،، ايه رايك نسمي احمد عشان ندلعو ميدو فارايحه و الجايه
سماح ،، حلو اوي يا مراد انا موافقه
عمر ،، مبروك يا ام احمد ، سوسو الصغيره بقت ام خلاص
ضحك الجميع ثم دخل ماهر و هو يقول،، بقيت خال يا عمر خلاص و بكرا تبقى اب و حقولك يا راجل يا عجوز
عمر،، اتشطر انت الاول عشان تجيبلنا عروسه لاحمد
سماح ،، ماما هو مفيش ميه هنا
عمر ،، خلليك يا مراد انا حجيبلها الميه
و فور قيامه من الكرسي سقط بسرعه البرق و هو مغمى عليه ،، ركض الجميع الى عمر و هم يحاولون افاقته و لكن لاجدوى فأبعدهم ماهر و نادى على الممرضه بسرعه ووضعوه على السرير المجاور لسماح ثم علق له ماسك الاوكسجين
ماهر ،، خلي دكتور منير ييجي حالا و هاتيلي محلول و كمان قولي لدكتور منير انه ماخدش الدوا بقاله يومين
الجميع كانو مصدومين من ما يحصل لان ماهر بدا و كأنه يعلم شيئا
محمود ،، دوه ايه اللي بياخدو
فاطمة،، ابني مالو الحقو يا ماهر ابوس ايدك
اما بسمة فأكتفت بالوقوف بجانب سريره و هي تمسك يده و دموعها لم تتوقف
ماهر لم يرد على اسئلتهم فهمه الوحيد كان ان ينقذ عمر
ماهر ،، ضغطه واطي جدا و تقريبا مفيش نبض ،، ايه اللي انت بتعمله فنفسك ده يا عمر
الممرضه،، الدكتور منير خرج من ساعه
ماهر،، هاتيلي الدوه ده و حقنه ال… ثم قرر انه لن يقولها فكتبها للمرضه على الورقه
الممرضه،،، بأستغراب ،، هو عندو …
قاطعها ماهر بسرعه ،، اعملي اللي بقولك عليه حالا
اعطاه ماهر الحقنه التي تعتبر بديل للعلاج الكيميائي و علق له محلول كلوكوز و ماسك الاوكسجين
محمود ،، رد عليه يا ماهر عمر مالو
ماهر ،، مكانش ينفع انه يتبرع بالدم مرتين و كمان الكميه كبيره و دلوقتي ضغطه واطي جدا و لازم يرتاح شويه ارجوك يا عمي بالراحه عليه هو مش مستحمل
بسمة،، هو ايه الدوا اللي قلت انه مش بياخدو بقالو يومين
ماهر بأحراج و تردد،، اصله عندو فقر دم و كان لازم ياخد الدوا بس هو مبيلتزمش فيه
فاطمة،، يا عيني يا بني ده شكلو تعبان اوي
سماح و هي منهاره من البكاء ،، انا السبب ياريتو مكان تبرعلي بالدم
ماهر ،، ارجوكو يا جماعه مفيش حد السبب بس لازم نسيبو يرتاح كم ساعه و بعد كده حيفوق و يقدر يروح البيت
بسمة،، انا مش حسيبو عايزه افضل معاه
ماهر ،، حاضر بس منغير ميتعب
ضلت بسمة جالسه بجواره لعدة ساعات و هي تنضر اليه في حيره ، فكيف لشاب يتحمل اي شيئ ليسعد عائلته ان يخون زوجته و يتزوجها ليستفز حبيبته السابقه
يا ترى انا بضلمك يا عمر و الا انت فعلا لسه بتحبها
افاق عمر بعد كم ساعه ليجد نفسه في سرير المرضى و مربوط باجهزه كثيره و يشعر بالتعب الشديد ثم وجد بسمة بجواره و هي ممسكه بديه
بسمة،، حمد الله على السلامة
عمر،، هو انا فين ايه اللي بيحصل
بسمة،، انت اغمى عليك من كم ساعه و وضغطك كان واطي جدا بس الحمد الله ماهر لحقك
عمر،، هو الدكتورقال حاجه
بسمة ،، لا قال انك حتبقى كويس و انك مبتاخدش الدوا
عمر بهلع ،، دوه ايه
بسمة،، دوه فقر الدم انت ليه مقلتليش انك بتاخد دوه
عمر،، الحكايه مش مستاهله ، انا كويس
بسمة ،، خضيتني عليك يا عمر بجد
عمر ،، يا سلام مانتي كنتي عايزه تطلقي الصبح
بسمة، بضيق ،، انت اللي بتضطرني اني اقول كده
عمر ،، نتكلم في الموضوع ده فالبيت انا عايز اخرج من هنا
بسمة ،، فالاول انا حنادي عليهم عشان يتطمنو عليك
عمر ،، ماشي
دخلو الجميع الى الغرفه و هم فرحين بسلامة عمر
فاطمة،، و هي تقبله ،، ربنا يخليك ليه يا حبيبي سلامتك
محمود،، رق قلبه لحال عمر،، سلامتك يا بني
عمر ،، الله يسلمكو متخافوش عليه دي حاجه بسيطه انا خلاص حروح البيت
مراد ،، تروح البيت ازاي و انت تعبان كده
فدخل ماهر،، و هو من امته بيسمع كلام حد، ده لو بيموت مبيتكلمش
مراد ،، بس انت حتسيبو يخرج كده عادي
ماهر ،، هو اللي عايز كده مش انا
عمر،، ايوا انا خلاص بقيت احسن و بعدين عايز اروح اشوف سماح قبل مروح البيت
مراد ،، دي انهارت من ساعة مشافتك مغمى عليك
عمر ،، طب انا عايز اروحلها
وقف عمر ليذهب لغرفة سماح و مشى كم خطوه و لكنه شعر بالدوار و فقد توازنه ولكن امتد له يد سريعا لتلتقطه
التفت عمر ليفاجأ بان والده هو اللذي كان متمسك به
محمود ،، ارجع سريرك يا بني انت لسه تعبان
عمر ،، انا كويس يا بابا بس عايز اشوف سماح
مسك محمود عمر من يده و قاده الى غرفه سماح ، كانت المره الاولى التي يشعر عمر بحنان والده
دخلو الغرفه ، فتغيرت ملامح البكاء على وجه سماح الى فرح
عمر ،، سمعت انك عامله مناحه
سماح و هي تبكي،، انا اسفه ياعمر كل اللي حصلك بسببي انا
عمر ،، متبقيش عبيطه انا كويس و انت مش السبب انا بس اللي جسمي حساس شويه
سماح ،، يعني انت كويس دلوقتي
عمر،، زي الحصان بصي كده على العضلات
سماح،، ههههههههه ربنا ميحرمني منك
عمر، ، ولا منك انت و لا من الاستاذ ميدو
محمود كان فخورا جدا بحب اولاده لبعضهم و رغم قسوته يبقى اب وقد شعر ان هناك شئ غريب يدور من ورائه عن صحه عمر
&&&&&&&&&&&&&&&&&&&&&&&&&&&&
و عد ذالك اليوم الطويل عادو الجميع الى النزل ما عدا مراد و سماح
و لم ترغب بسمة ان تحدث عمر عن شئ و هو متعب و خصوصا انه قد استسلم للنوم فور وصوله الى الفراش
هل ستتحول شكوك محمود الى حقيقه و يكتشف ما يدور من حوله ام ان هناك مفاجأه ستغير الاحداث
