رواية زواج غير تقليدي الفصل التاسع عشر 19 بقلم سارة الراوي – تحميل الرواية pdf

رجاء،، ماشي، بس بلاش تقعدي كتير و تنسي نفسك هناك

ريم،، حاضر يا عيون ريم من جوه

رجاء،، يا بكاشه ،، يقولك ايه متاخدي بسمة معاكي دي يعني من يوم اللي حصل و هي مبتخرجش من البيت

ريم ، بمفاجأه و تردد،، اصلهه مش حترضى يا ماما

رجاء ،، برضو اسأليهه يمكن ربنا يهديهه و توافق

ريم ، بتوتر ،، حاضر

ذهب لتسأل بسمة عن رأيها

بسمة،، روحي انت يا ريري انا مليش مزاج اخرج

ريم بدون مناقشه ،، اوكي على راحتك

……………….………………………………………………

ذهبت ريم بتكسي الى بيت ندى لتجد ماهر امام منزلها ايضا

ريم،، جاهزه بس متوتره و مش عارفه حتصدقني وله لاء

ماهر،،مهما كان اللي حيحصل المهم ان احنا بنحاول متخافيش انا معاكي

احست ريم بالامان يغمر قلبها بعد كلمات ماهر فأبتسمت له ابتسامه جعلته يتأمل جمالها و رقتها

طرقت ريم الباب لتفتح لها امرأه في العشرينات ترتدي ثوب احمر عاري و تضع الكثير من مساحيق التجميل

ريم، بتوتر ،، حضرتك الانسه ندى

ندى،، ايوا انا انت مين

ريم،، ممكن ادخل الاول و بعدين نتكلم

ندى ،، مش اعرف انت مين الاول

ريم،، انا اسمي ريم و جايالك عشان موضوع عمر و بسمة

ندى ، بضحكه ساخرة،، اااه اتفضلي اما نشوف

دخلت ندى بخطوات بريئه الى ذالك البيت الملوث و اللذي غلب عليه الطراز الكلاسيكي و لكن الالوان الكثيره افسدت الشكل الكلاسيكي الراقي

ندى ،، ممكن اعرف انت عايزه مني ايه

ريم ، بخبث مصطنع ،، عايزه اكمل اللي انت بدأتي

ندى بحيره،، يعني ايه

ريم،، اللي اسمهه بسمة دي تبقى بنت خالتي و هي اللي خطفت مني خطيبي زمان و لما اتخانقت مع عمر رجعت البيت عندنه و حكتلي على اللي انت عملتيه ، يعني احنا مصلحتنه واحده

ندى، بحماس،، يعني هي سابت عمر

ريم،، ايوا بس بتفكر ترجعلو و انا مش عايزاها ترجعلو فعيزاكي تحكيلي انت ازاي قدرتي تجيبي عمر لحد عندك بسهوله عشان اعمل زيك قبل ما تسامحو

نضرت اليها ندى بشك،، طب و انا اعرف انت بتتكلمي جد ازاي

ريم، بتوتر،، انا لو ضدك مكنتش جيت لحد هنا ، بسمة دي دمرت حياتي و انت الوحيده اللي قدرتي تدمريهه زي مدمرتني بس كل شغلك حيروح على الفاضي لو رجعت لعمر

ندى ،، انا ححكيلك بس اللي حقولهولك لازم يفضل سر و تساعديني اننا نبعدهم عن بعض

ريم،، اوعدك ان كل حاجه حتبقى تمام

ندى ،، انا حبيت عمر من اول مره شفتو فيهه في الجامعه و هو كمان كان بيحبني و سابني عشان خناقات تافهه بتحصل بين اي تنين و بعدها قلي انه بيحب وحده و هي متعرفش ، انا تجننت و حاولت اعرف هي مين بس مقدرتش لغايه ما زهقت و بما انه مكانش متجوز و لا خاطب قلت انه اكيد حيرجعلي بس لما اتجوز اللي اسمها بسمة دي و عرفت انها بنت عمو اتأكدت انها هي اللي خلتو يسبني زمان و اللي خلتو يتجوزها بكل سهوله

كانت ريم تستمع لها بغيظ مكتوم و تمنت ان تعاقبها على كميه الحقد اللتي تحملها في قلبها و لكنها تصنعت الهدوء لأكمال الخطه

ريم،، مش معقول خدتو منك زي معملت معايا بالضبط

ندى،، بس انا مبسكتش عن حقي و الصراحه يعني انا الفرصه جاتلي لحد عندي ، انا كانت علاقتي اتقطعت بعمر من فتره بس فيوم اتصلت بيه اختي و هي بتقولي ان عمر في المستشفى و دي بقه كانت فرصتي

ريم بأندهاش ،، ازاااي

ندى ،، اختي بتشتغل ممرضه في المستشفى اللي كان فيهه عمر لما تعب و لما قالتلي جاتلي فكره ، خليتها تاخد الموبايل بتاعو من غير ميحس و سجلت رقمي عندو بأسم my love و ابتديت بقه ابعتلو رسايل عشان اخلي بسمة تتأكد من كلامي

ريم ، مش معقووول انت ازاي قدرتي تعملي كده ، قصدي يعني انت جاتلك الفكره الحلوه دي ازاي

ندى ، بفخر،، انا ندى ، مش اي حد يقدر ياخد الحاجه اللي انا عايزاها

ريم، المهم جبتي هنا ازاي لما هو معندوش اي اتصال بيكي

ندى،، لما اختي اتصلت بيه قلتلي ان عمر عنده ورم في المخ و محدش من اهلو عارف لانه رفض ان اي حد في المستشفى يتصل بيهم ، انا بقه اتصلت بيه و هددتو انه لو مش حييجي هنا انا حقول للست بسمة على كل حاجه و طبعا هو مش عايزها تعرف فنفذ اللي قلت عليه بالحرف الواحد

ريم ، بأشمئزاز،، يااه ده انت عرفتي تخططي لكل حاجه

ندى،، بس انت مش لازم تعرفي بسمة بحكايه مرض عمر عشان نعرف نهددو بيهه

ريم،، اه طبعا طبعا ، انا لازم امشي

ندى،، انت مش قلتي ان احنا حنحط خطه عشان نقدر نبعدهم عن بعض

ريم،، ايوا اكيد ، انا بس جاتلي مكالمة مهمه و لازم ارجع البيت حبقى اجيلك و نكمل كلامنا

ندى ،، بشك،، انا مستنياكي ، مش عايزها ترجعلو ابدا

استأذنت ريم بالخروج و هي تشعر بالاشمئزاز من ما سمعته من ندى ، كيف لشخص ان يفرق بين زوجين بكل برود و حقد

…………………….…………………………………….………………..

تحت بيت ندى وقف ماهر و هو ينتضر ريم

ماهر ،، ها يا ريم طمنيني

ريم ،، كل حاجه تمام

ماهر ، بفرحة ، برافو عليكي يعني سجلتي كل الكلام اللي قالتو

ريم ،، ايوا و التلفون اهو و كل كلمة قالتها اتسجلت

ماهر،، هو انت شكلك زعلانه ليه ندى زعلتك في حاجه

ريم ،، غلبتها دموعها،، بسمة لما تعرف مش حتسامح نفسهه انا عارفاها كويس مش حتقدر تستحمل فكرة انها ضلمت عمر حتى لو من غير قصد

ماهر، بحزن ،، انا عارف ان كل حاجه حتبقى مفاجأه بالنسبه ليها بس لازم تبقى قويه عشان تقدر تساعدو لان عمر خلاص دخل في مرحلة اليأس و انا خايف عليه اوي

ريم،، ربنا يصلح الحال و يرجعهم لبعض

ماهر ،، انت طيبه اوي يا ريم ، قليل اوي الناس اللي بتساعد و تتمنى الخير لغيرهم

ريم، بأبتسامة خجل،، انت كمان طيب بدليل انك بتساعد عمر و انت اللي فكرت فالخطه دي كولهه

ماهر ،، اخيرا رضيتي عني ، من يوم ما عرفتك و انت متعصبه و متدايقه

ريم،، انا بالعكس انا مش عصبيه بس الحكايه كلها صدفة

ماهر،، انا عارف انت باين عليكي طيبه و هاديه جميله

ريم ، بخجل ،، انا اتأخرت على البيت و لازم اروح بس لازم اعرف الاول ايه اللي حيحصل حنقول لبسمة ازاي

ماهر،، بسمة لازم تعرف بس مش النهارده اديني فرصه اتكلم مع عمر و بكرا كل حاجه حتتعرف

ريم،، ربنا يسهل

عادت ريم الى المنزل و هي تحمل كل الاسرار التي قد تنقذ زواج بسمة ، و لكن كيف سيكون رد فعل بسمة على مرض عمر و ضلمها له

………………………………………….. ……………………..

ذهب ماهر ليكلم عمر في المساء

ماهر،، صحيح اللي سمعتو ده انت رجعت البيت سكران

عمر،، ياااااه ده بابا سريع جدا

ماهر ،، ايه يا عمر مش ده المهم متغيرش الموضوع

عمر،، خلاص بقه كانت غلطه و راحت لحالهه ، انا كنت حاسس اني حنفجر

ماهر،، خلاص انسى كل الكلام ده انا عندي خبر حيفرحك جداا

عمر،، خير ،،، الايام دي مفيهاش اي خبر عدل

ماهر،، اي يا عم التشاؤوم ده ، الزفته اللي اسمهه ندى خلاص مش حتقدر تعمل حاجه ، انا النهارده …………

قاطعه عمر بسرعه ،، انا مش عايز اسمع سيرتها

ماهر،، اسمعني بس انت خلاص تقدر ترجع لبسمه

عمر،بصراخ،، انا مش عايز ارجع لبسمة

ماهر، بصدمة،، يعني ايه

عمر،، مش عايز ارجعلهه و خلاص ، هي اكيد اتعودت على بعدي عنهه و فاكره اني خنتهه يبقى مش حتزعل عليه ، عايزني بعد كل ده ارجعهه و اعذبهه من اول و جديد

ماهر،، الكلام ده مش داخل دماغي ، انت بتحب بسمة ، ليه مش عايزهه تقف جانبك

عمر بعصبيه ،، مش عايز حد جانبي لا بسمة و لا اهلي و لا حتى انت مش عايز حد اخرج برررررة

ماهر بأندهاش،، مالك يا عمر انت اتجننت

بدأ عمر بالصراخ و العصبيه و هو يحاول طرد ماهر و لكن ماهر فضل السكوت و لم يتحرك من مكانه ، عمر كاد ان يفقد عقله من العصبيه

عمر ،، انت مبتردش عليه ليه ، بقولك اخررررج مش عايز اشوف حد سيبوني مش عايز حد

ماهر ، بتفهم ،، اهدى يا عمر اهدى بس

صراخ عمر جمع كل العائله عند باب الغرفه و لكن ماهر اجبرهم بعدم الدخول ، لم يكن يريد ان يرى احد عمر و هو منهار هكذا

ماهر ،، ارجوكو سيبونا لوحدنا و انا حعرف اهديه

محمود،، فيه ايه هو بيصرخ كده ليه ايه اللي حصل

ماهر ،، مفيش حاجه ارجوك سيبو يهدى دلوقتي

فاطمة،، ابني مالو ده طول عمرو هادي ، هو بيعمل فنفسه كده ليه

ماهر ، انا حفهمكم كل حاجه بس ارجوكم تسيبونا دلوقتي و انا حعرف اتعامل معاه

ذهب الجميع بحزن على حاله و دخل ماهر للغرفه

عمر،، انت فاكرني مجنون مش كده ، انتو بتعملو فيه كده ليه ، انتو اللي عايزين تجننوني

ماهر،، عمر هدي نفسك انت متعصب ليه متخافش انا معاك و مش حسيبك

عمر،،، مش عايزك معايا اخرج من هنا انت معندكش كرامة مش عايز اشوف حد اخرررج

بدأ بدفع ماهر خارج الغرفه و لكن ماهر قاومه كي لا يخرج ، عمر كان مصمم على ان يخرج ماهر من الغرفه و لأن عمر لم يكن في وعييه بدأ بضرب ماهر و ركله بقوة و دفعه بكل قوته ،، فأصطدم رأس ماهر بحافة السرير

عندما شاهد عمر الدم يتساقط من رأس ماهر استعاد وعيه و ركض بسرعه ليطمئن على ماهر

عمر،بتوتر ،، انا اسف والله اسف ، انت كويس انا حوديك المستشفى حالاً يلا قوم معايا

ماهر ، بأبتسامة ، اهدى يا عمر انا كويس ده جرح بسيط متخافش

عمر،، لا بسيط ازاي انت لازم دكتور يشوفك

ماهر ،، ايه انت ناسي ان انا دكتور ، متخافش يا صاحبي انا تمام

عمر،، بتلعثم ،، انت ليه مضربتنيش ، ليه خليتني اعمل فيك كده

ماهر،، انا عارف انك مكنتش فوعيك و مستحيل امد ايدي عليك حتى لو انت اتجننت و بتطردني يا سيدي

عمر،، انا اسف ، انا مش عارف عملت كده ازاي ، انا حاسس اني حتجنن

ماهر،، انت بتعمل فنفسك كده ليه ، ليه بتعذب نفسك ، انا مستحمل اشوفك بالشكل ده

عمر،،، لم يرد على كلام ماهر و حاول القيام من مكانه ليحضر شيئا لكنه شعر بالدوار وكاد يسقط ،،لكن تمسك به ماهر

ماهر،، انت حاسس بأيه

عمر، بصعوبه،،صداااع و دايخ اوي انا مش قادر امشي

ماهر ،، انت عايز تروح فين بس

عمر ،، عايز اجيب الدوا

ماهر ،، انت لسه مخدتوش مش انا قلت الف مره انه بيتاخد الصبح

عمر،، نسيت يا ماهر حعمل ايه ،، اااه

ماهر ،، احضر له الدواء و ساعده لكي يصل الى الفراش

ماهر،، هو الصداع جامد اوي

عمر،، الصداع المرة دي فضيع مش قادر استحمل خلاص حاسس ان دماغي حتنفجر

ماهر،، معلش استحمل شويه لحد ما الدوا يعمل مفعول بس طول ماانت مصمم انك متعملش العمليه الورم حيكبر و الصداع حيبقى اقوى بكتير جدا

عمر لم يرد على كلام عمر و بدأ يشعر بالنعاس

كان ماهر يتألم لرؤية صديق طفولته في هذا الحال ، فعلا يتمنى لو انه يخفف عنه الالم ، ماهر كان يعلم جيدا ان عمر يشعر بألم حاد ، يراه كيف يعتصر الفراش بيديه من الالم و تتساقط منه قطرات العرق ولكن ليس بيده ان يوقف الم صديقه ، فأكتفى بمسح قطرات العرق عن وجهه و هو متمسك بيد عمر ، ضل على هذا الحال طويلا حتى تأكد ان عمر استسلم للنوم ، فأحكم عليه الغطاء و خرج بهدوء كي لا يوقضه

………..…………………………………………………………………

في الطابق الاسفل تهافتت على ماهر الاسئله فالجميع كان يريد الاطمئنان عن حالته

ماهر،، اهدو يا جماعه هو بس كان متدايق عشان اللي حصل فحكايه بسمة و كده

محمود ،، بشك،، الحكايه اكبر من كده بكتير

لم يعلق ماهر على كلامه

فاطمة،، يعني هو كويس دلوقتي

ماهر،، ايوا هو نايم و ياريت محدش يصحيه

سماح،، بس عمر مكانش كده ابدا دايما متماسك

ماهر،، بس عمر ده بشر و مش حيقدر يستحمل كل حاجه من غير ما ينهار

مراد ،، ربنا يعينه انا شايف انه متغير الايام دي اوي و دايما ساكت و مبيتكلمش و دي مش طبيعة عمر

ماهر ، خلاص يا جماعه هو حيبقى كويس الصبح بس ياريت يعني محدش يتكلم معاه فاللي حصل الليله

فاطمة،، ربنا يشفيه والله محدش غيرك بيعرف يتعامل معاه ، اه صحيح انا نسيت اعزمك على عزومة بكرا

ماهر ،، عزومة ايه

فاطمة،، عزومة العيد يا حبيبي انت نسيت ان بكرا العيد وله ايه

ماهر،، انا والله نسيت من كتر السفر هههههه كل سنه و انتو طيبين

فاطمة ،، و انت بصحه و سلامة انا كلمتكو فالبيت عشان اعزمكو محدش رد عليه

ماهر ،، اصل ماما و بابا سافرو البلد من يومين

فاطمة ،، يبقى انت بكرا لازم تيجي عندنا

ماهر ،، اكيد ان شاء الله ، تصبحو على خير

الكل،، و انت من اهلو

…………………………………………………………………………………

بعد ان نام الجميع ذالك المساء كان محمود جالس في البلكونه شارد الذهن و قرر الاتصال ببسمة

بسمة بتثاقل صحيت من النوم عشان ترد على التلفون

محمود،، انا اسف يا بنتي صحيتك من النوم

بسمة ،، لا ابدا يا عمي خير حصل حاجه

محمود ،، بكرا اول عيد بعد وفاة ابوكي الله يرحمه و انت مش لازم تكوني بعيده عني يا بنتي ، لو عندي معزه عندك تعالي البيت

بسمة بدموع،، بس انا يا عمي مش حقدر انت عارف ان عمر

قاطعها محمود،، انا عارف و انت كمان لازم تعرفي حاجه مهمه جدا ، عمر يا بنتي بيمر بأزمة و انت لازم تعرفي كل حاجه

بسمة، بحيره،، يعني ايه مش فاهمه

محمود ،، بكرا حتفهمي كل حاجه و حتعرفي اللي كان مخبيه عمر علينه

بسمة،، مخبي ايه انت كده قلقتني

محمود،، بصي يا بنتي تعالي بكرا و اعزمي خالتك كمان و ريم و كل اللي انت عايزه تعزميهم و لما نقعد سوة حكلمك و احكيلك على كل حاجه

لم تستطيع بسمة ان ترفض ،، حاضر يا عمي تحت امرك

محمود ،، اسيبك تستريحي يا بنتي تصبحي على خير

كان عقل بسمة مشوش جدا ، ماهو الشئ الذي يخفيه عمر عن الجميع و لمذا اصر عمها ان تكون موجوده ، و الاهم من هذا كيف ستواجه عمر بعد كل ما حصل بينهم

جذبها اشتياقها له و ضلت تفكر كيف سيكون شعورها تجاه عمر، هل يمكن ان تسامحه؟؟؟؟؟

ام انها ستتذكر كل ما حصل في ذالك اليوم ؟؟؟؟؟