سبحان الله
الحمد لله
لا إله إلا الله
الله أكبر
اللهم يا مغير الأحوال، غيّر حالي إلى خير حال، وانزع من صدري رماد الخذلان، وازرع بدله جمرًا لا يطفئه إلا عدلك.
الجمر قوقعة الدمبقلم… روز الحيدري
لا تنسون التصويت+تعليقكم الحلو روزاتي
متابعة للحسابRooz11223
انستا.. rose_alhaidari
ـــــــــــــــــــــــــــــــــــــــــــــــــــــــــــــــــــــــــــــــ
بصوت منهار يرجف
وهب : أريـد ماي
ركضت جبتله ماي ،كعد كأن الارض فـوق كتـفه مدد رجلي وعيونه ضايعه ، نطيته المـاي أخـذه يشرب بأيد ترجف مو وهب لي اعرفه هذا واحد
ثاني كل روح مابي شخص مكسور حتى ضحكته الحلوه ختفت
بقلق
جمر : وهب شبيك؟ صار وياك خوي؟
بصوت ثكيل لكلمة تتكسر بصدره
وهب : ماعتقد گلبي يبرد بغير هل طريقة.
بقلق أكثر قربتله مركز بعيونه
جمر : أحجيلي وهب سويت؟
بلع ريگة والعبرة خانكته.
وهب : مو طلعنت اني وياك مثل كل يوم نطفر
على بيوت وتفقنا من نتعب نرجع؟
هزيت راسي بتأكيد
جمر : أي صح.
وهب : طفرت ؏ سبع بيوت وصفيت كم داعشي
وحسيت بتعب رجعت للبيت… يـ ـمـهّ.
سكت وعيونه تلمع بالدمع
جمر : كمل صار؟
طاحت دمعته صوته نكتم ختنگ كأنه يتخيل
المشهد
وهب : لكيــت اربعــة هـاجميــن على البيـــت
كأن الكلام حبل نلف على رگبته ماكدر ينطقها
مابلع ريگه بلع الغصه ونطقها بنهيار
وهب : مغـتـ*** مـاتت، جمر ماتت جوه أديـهم
وبعــدهم مستمـــرين وياها.
ضرب على وجهه منهار لزمت أيده
جمر : نعـرف وحشيتهـم جلاب أحسن منهم
ضرب راسه بالحايط وعيونه غركانه بدمع
جمر :فهمني وهب سـويت انتَ؟
هز راسه بأسى
وهب : كـول شنـو لي ماسـويته؟
قبض كفه ضرب وسط صدره بقوه تقهر
وهب : ولك جمـر الطلقـة ماتبـرد گلبي ،كـل
واحد بيهم ضربته طلقة برجليه وايده كرمتهم بقيتهم عايشيــن وربطتهـم
بتسم بوجع يكسر الروح
وهب :الزمتهم شرحتهم تشرح ماخليت بيهم
عضو سالم بس أريد نار گلـبي تطفـي بدمهـم
لحد ما ماتو بين اديـه
بعدها جبت تيـــزاب ورشيتـه ؏ وجهـــم حتى
ميعرفونهم وحركتهم كل هـذه وگلبـي مابــرد.
أشوف بعيونه نار تلهب
وهب : دخانهم بعده بخشمي بس بگلبي نااار
مايطفيها حتى الدم
هو يحجي وأنا صافن بي عيني على عيونه…
النار تتلألأ بيها. وهب، ما أعرف شجاعته وين توصل، نار تمشي وتحرّك كل شيء حوله — الأخضر واليابس يحترك إذا واحد تقرّب من اللي يحبهم.
الكل بالكلية العسكرية يمرّ بهالمشهد:گلبه يموت شوي شوي، يتعوّد على الجثث، على الـدم،ومن
ضمن تدريبنا تفريغ أعضاء وإرجـاعه كأنها لعبـة بس وهب؟
شافها تموت، شافها يعتدي عليها گدامه، ورغم كل شيء قرّر يكمل، وما بگلبه إلا نار تلهــب كل شيء حوالينه.
بصوت مبحوح
وهب :حاولت أصحيها گلت يمكن متخربطـة
او فاقده الوعي مفاد جسمها صاير ثلـج مابيها
ولا نفس .
باوعلي وعيونه متروسه دموع اول مره اشوفه هيج مكسور گلبه يبجي قبل عيونه
وهب : جمـر والله حبيـتـها وكلت بس نكمـل
اطفـرها ويـاي اخـذها ونتزوج شــوف تـالي
حتـى هاي خسرتـها حبيبتي راحت جمر الله
يشهد نيتي صافيه
جمر : الله كـريـم خويـه الله يصبرك،وألمهـم اخــذت حقها، رغم الانتقام مايرجع ميت بس
يرجع نفسك
بتسم مستهزء ودموعه تلمع
وهب: نفسي؟دفنتها وياها…
بهذا اليوم ما ماتت بس هيَ، مات وهب وياها.
هزّ راسه بقهر، وعروگه رگبته تبين رد بصوته مبحوح.
وهب : لا، جمر… لا تحچين عن صبر رأسها مفشوخ، ضربوه أول شي.
بطرف أيده مسح عيونه الغصة تترس صوته
وهب : يمـ ـكن صاحت واني ماسمعتها،ألتهيت أحمي الوطن بس ماكدرت أحميها من الوحوش
تركتها بين انيابهم .
بدهشة
جمر : متقصدين؟
هز راسه بأيجابية
وهب : ثنين اعرفهم لي كلـت ذولـه لاحكيـنه
وثنين ماعرفهم.
جمر : الله يرحمها بالحالتين راحت مظلومة.
وهب : گلبي صايـر نـار عليها حبيتها من كـل
گلبي جمــر اذا الله يحبنـــي صدك ويريـدني
التقـي بيــها ياخــذني اله قبـل لا تخلـص هـل
حـــــرب.
بحدية
جمر : نجـب ولك صـدك چـذب زلمه شكبـرك
تدعي ؏ روحك!
وهب : جمـر مـو شلـون ماجان دخلـت گلبـي.
جمر : الله يعوضك ويرحمها برحمته رادلها
الراحة لاتلوم نفسك
وهب : عوضي؟ ياخـذني لها هـذه العـوض الي
يشفي گلبي ألتقـي بيها.
جمر : نام ورتاح والله كريم.
مدد نفسه، نهضت
جبت بطانية اغطي …شفت الشمس طلعت
وكل مره اطلع هيج وكت بس هل مره وهــب
محتاجني نفسيته مدمره لازم ابقى ويا ماكدر
اعوفه غطيته … سمعت صوت الباب طلعت
ابو زياد : أني ابو وهب البارحه ماجيت.
جمر : ليش خو ماكو شي؟
ابو زياد : وهب وين؟
جمر : تعبان ومدمره نفسيته
ابو زياد : شكووو شبي؟
ابو زياد : الله يساعده موهين عوفه يرتاح
واني اجيت اكلك … راح يغدرون بالجيش
ابو زياد :مثل مااكلك،هل إجيت حتى تخبر
القائد.
حـجالـي كلشــي مخططيــن لـه
ابو زياد : اني اروح اشوفلـي بيت انـام بي
جمر :ليش نام هناا.
ابو زياد :لا لان لحد الان ماثاقين بيه.
جمر : ماشي نتبه ؏ نفسك.
طلع واني رجعت نمت
كعدت الظهر كمت صليت وهــــب بعـده نايـم
عفته وطلعت رحــت
البيت البنية حتى اشوف شلون ندفنها نشوف
احد يقربها
وصلت للبيت إللي كان أثر الحركة واضح عليه — جثث، رماد، ريحة دم تعبّر عن مذبحة. دورّت بكل الغرف، ما لكيت البنية بالمكان. گلبي صار حجــر،
طلعت
مثل كل مرة، رجعـــت أكمّل شغلي — اعــرف أماكنهم واحـد واحد، أعرف شلون أصفيهم. اللي أگدر أطبّقــــه، أطبّقه؛ واللي ما أگدره، أقتله بغير طـرق. ما يهم —المهم أقطع إرهابهم الجيش على
ساتر يقاتل وحنا هنا نمهد الطريق مو بس اني
هواي ويانا
رجعت للبيت بالليل، لگيت وهب جالس، حاس بالخراب لي يعيشه، سكتت لا أكدر أسأل عـنها
هو مكضــيها يصفـن بالفــراغ والدمــع يتــرس محاجره يمكن سؤالي ملـح على جــرحه تركت
الموضوع
بعد شهر
وهب مايطلع من البيت وختفه كل شي حلو بي
ضحكته وأسلوبه صار عباره عن جثـه تتنفــس
أكله قليل ماعفته ولا فتحـــت سيرتهـا حاولت
أطلعه من قوقعة الحزن لي سواها لنفسه أذكره بهدفنا، ليش أجينا لهنا؟
خاطرنا بروحنا وتركنا أهلنا، مو حتى ننكسر لا حتى نكسرهم ونرد أرضنا، انا أنطـر اليـوم اللي ترده روحه.
كل يومين ثلاثة أطلع أسوك من السوق أخليها للمرأة حتى تسوي أكلنا. تعبنا، بس كانت روحنا ثابتة
بعد الشهــــر وهـب بده يتحســن ورجعتـلـه
ضحكتـه صح يضحك بوجع بس تقبل فقدها
كعدنه من وگت وسويت خطه ويا ابو زياد
حتى نـروح نــدور ولـدهم طلعـــنا للسجـون
وصلنا تلكانا واحد من الجرذان
بحدية
::-ماذا تريدون
جمر : لقد بعثنا الإميــر حتى نحـرق هؤلاء
السفـله الخـارجيــن عن الــدولة الاســلامية
هز راسه بأيجابية
::-بارك الله فيك ايها المجاهد في سبيل الله
تفضلوا
فتحلنا دخلنه اني وابو زياد والسجن متروس
منهم دواعش ومنهم ابرياء بس منكدر نخلصهم
كلهم أبو زياد صار يصيح اسماء
حصل اربع ولد اخذناهم وصعدناهم بسيارة
ابو زياد صعـد وياهـم وجهـه السلاح عليهم
واني اسوق
دخلاناهـم للبيت وابو زياد انطاهم ملابس دواعش ونزل الـثام نصدمو
ابو زياد : بسرعة البسوهن.
لبسو وكملو قرب الولد
ابو زياد : بابا زيد هاي السيارة تاخذها وتروحون
واذا سألوكم الدواعش كلولهم الامير دزنه نجاهد
بقلق وخوف
زيد : اي بابا صار
إخذ السيارة وراحو بقينا اني وابو زياد
نريد نرجع مسافه طويله طلعت المبايل
تصلت بـ وهب
جمر : الو وينك؟
وهب : ليش تخابر هيج وقت تريد نلكف؟
جمر : تعال راح ادزلك العنوان.
شويه واجه، رجعنه لمكانه
جمر : ابو زياد لازم تطلع خطر عليك بعد
وعوفني
اني وياهم ماعندي شي اخسره انتَ عندك
عائله
ابو زياد : بعد ولد ثنين وبنات
جمر : سهله نطيني اسمائهم؟
ابو زياد : فرات ومؤمل والبنات رحمه وزينب
جمر : اسمهـم الثـلاثي
نطانـي اسمائهــم
جمر : تمام توكل
ابو زياد : وانتَ؟
جمر : لتهتم اتوكل ويوصلـونك للباب
كــوه قنعته يروح ونطاني رقم أرضي لان الدواعش
اخذو مبايله، وطلعته بليلة ظلمة ويه وهب
بقيت ادور عليهم واستمريت اهـرب العوائل
لكـيت بـس مـؤمل وبـقـيــت ادور ؏ الـبقــيـه
بعد 16يوم جمعتهم لبستهم لبـس الدواعــش
حتى البنات ونطيتهم سلاح
وهب : جمر اني اوديهم.
جمر : لا نطيت كلمة للرجال اوصلهم للباب
وهب : تمام ديربالك.
طلعت بيهـم بچـول لحـد ما بعدت، نزلت راية
داعش وصلت
سيطرة بيشمركة حاوطوني لبسي ولحيتي مرتفعة ماصدكوا من كلتلهم ضابط
بستهزاء
::-وين اكو ضابط هيج شنو تضحك علينه؟
جمر :تكدرون تتصلون بالقائد وتتأكدون.
صدك دكو اسمي حاسبة واتصلو ويه القائـد
كلهم صح يساعد العوائل ويسربلنه معلومات
عافوني اتصلت ويه ابو زياد نطاني العنوان
وصلت شفته طلع رحت وصلتهم للباب تلكوني
ابو زياد : مشكـور ماعـرف شـون اردلك هل
جميل لو ما انتَ هسه احنه الله اعلم بحالنه
وحال عرضنه ولدنه
جمر : ادلل هذه واجبي مسويت شي
حسن : تفضل ادخل
جمر : لا والله اروح طريق وراي
أبو زياد : لا ليوم متروح يمنه ارتاح كم يوم
وبعدها كمل طريقك.
رفضت بالكوه خلصت نفسي منهـم
ابو زياد : ابو وهب بعد عدنه مفقودين
جمر : اي نطيني اسمائهم الثلاثية
كتبلي اسمائهم ورجعت هم ادور عليهـم استمريت
فتره ادور هـم وبعدهـا جمعتهـم وديتهـم
واني وهب كاعدين بالبسطية
وهب : بشر خلصت عائلة ابو زياد؟
جمر : ههههه اي اخيرا ؏ عيني جايه العشيرة
كله أهرب وميخلصون
وهب : ههههه اي فيلق كامل
تلكمت بحذر
جمر : وهب اريد اسألك سؤال بس مو تضوج
وترجع تكتأب
عقد حواجبه نظر
وهب : لا اسأل شنو؟
جمر : ثاني يوم بعد حادثـة البنيـه الله يرحمها رحت البيت دورت مالكيته!
هز راسى بأسى وعيونه ضاعت كأنه رجع لذاك
اليوم تكلم بحسره تشك الصدره
وهب : بليلتها اخذتها للمقبرة ودفنتها لان ماعدها
احد
جمر : هيج بلا غسل ولا شي!
هز راسه بأيجابية
وهب : أكرام الميت دفنه وهي مسيحيه ماعرف
طقوس الدفن سويت لي عليـ واكيد الله يرحمها
ويغفر لها راحت مظلومة شهيدة.
جمر : ونعم بالله
شويه واجه شخص يشتري بس
مارتاحيتله ابد يتلفت، متوتر حركاته ماتبشر
بخير شتره كيلو خيار وراح
بثقة
وهب : اكص ايدي اذا نيته شريفة
جمر : مارتاحيتله ابد
نهضت من جهته
واشوف لا صق عبوه بطرف العربانه
بتعدنه ، صرنا نصيح حتى الناس يبتعدون
نفجـــرت العـــبوه وجرحـه كلـــــش قليــل
لان السوك كله ناس ابرياء بس ميكـدرون
يحـجون او يسـون شي صـــارو تحت امــر
داعش .
البسطية مابقى منها شي عفناها ورحنا للأمير
حجينه لصار نتفض
::-لا يجوز فعلتهم هذه من امرهم؟
بقهر
جمر : لا اعرف كيف لجنود الـدولة الاسلامية
ان تفجر جنودها ؟
هكذا سيكون لدينا نقـص
في عدد الجنود ونحنن نجاهد من اجل الـدولة
الاسلامية وهكذا يكون جزائنا؟
::-لا لا اقبل هذه مرفوض وأنتم سأجازيكم ؏
فعلتكم كابطال لكم مكافئتان.
بهمس
وهب : شعدهم غير جهاد وسبي النساء والقتل! ماأريد غير موتك.
بنفس لهمس
جمر : صمممم حلكك.
طلع جنطه مليانه فلوس
بدهشه
وهب : ولللك هاي بس بـ الافلام شايفيها!
::-هذا لكما تقاسما في مابينكم.
جمر : ماهي المكافئة الثانية؟
::-سوف تعملون في قسم الاسلحه لأني
رئيتكم كنتم ماهرون جداً ولديكم لياقة
عالية
وهب : من ماهر الى ماهرة شسالفتهم
ويه هل عائلة!!
::-نعم لم اسمعك؟
رفع راسه رد بقوة وصوت ثابت
وهب : نحـن مخلصـون للدولة ونجـاهـد في
سبيل رفع رايات الاسلام ونشر العدل.
::-احسنتم هياا نصرفو.
وهب : شني هااي!
جمر : طرده إعلني .
طلعنه بوجهنه للسوك
اشترينه بنات وهربناهم وصرنا نشتغل
وخصصولنا راتب وكل كم يوم اسوك للمـرأة
واي عائلــه محتاجـه انطيهم من الراتـب اللي
خصصوه الي او نهرب بي العوائل والبنات
بقينه وحدنه صرنه نجوع محد يسويلنا اكل
بعد ما راح ابو زياد .
ماكو غيرها المرأه لي اتسوكلها مانعرف غيرها
من اخذتلها المسواك نطيتهيا..
جمر : خيتي اجيبلج مسواك اضافي وتسويلنا اكل؟
::-اي خويه اسويلكم بعيوني.
جمر : سالمه خويه اترخص
رجعت و كل يومين ثلاثه ادك الباب طلعلي
اكل بس تعبت بيتهم كلش بعـيد عن مكانـه
منطقتهم كلها عوائل وبينهم دواعـش قليـل
شفت بيت قريب عليه ونتقلنا له بقينا نشتغل بمخـزن الاسلحـه ،كـل خطـوه نخطيهــا لازم
القائد يعرف بيه.
بعد ماصرنه نشتغل بمخزن الاسلحه
مكتب الاميـر قريب علينا صرت اتسمع عليهم واعرف كل خططهم وانقلها للقائد
والامير اي بنيت تعجبه يقتل زوجها ويخليها
تجاهد جهـاد النـ **** يكلهـــا: انتَ مجاهـدة
وهذا وأجب شرعي
فد يوم كاعدين كالعاده أني وهب نسولف
وهب : جمر اكو بنية من حرس السجن
كالتي معجب بيه بس اني. مثاق بيها.
جمر : اي شتريد؟
وهب : كالت
بس تزوجني شتريد انطيك
كلتلها: اتزوجج من اعرف تفاصيل الي
اكلج بيهه
كالت: اي شي تريد اكلك.
كلتلها: لي تشوفيهـم بسجـن نسـاء رجـال
وتعرفيهم مو دواعش هربيهم لهذه المكان
واني اخذهم
وصدك سوته كلش طلـبت ولي تسمعـه تجـي
تكلي بي وكالت: اليوم الامير عنده خلوه
كتله: ويامن؟
كالت: ويه زوجة لي نعدم البارحه واني مسؤوله عن تزينها وتجهيزها للامير.
كلتلها : تمام بس كوني تكونين وحدج.
جمر : وهسه شنو لازم نسوي خطه؟
وهب : إي بس اني متحمـل للاميـر حصتـي
من هسه اكلك.
كعدنه سوينه خطه وأتفــــق ويه البنية
رحنا
باليل الحرس واكفيـــن ع باب الامــير ،
صاحت الحرس، دخلو، دخلنا اني وهب
متلثمين، سكتناهم خليناهم جوه جرباية
الاميــر
والبنيه واكفه تريد تجهزها للامير
وهب : انتِ تنقبي وطلعي والباقي علينا
بتوتر
::-لا ماطلع مستحيل.
جمر : هسه يجي وننكشف نبقى حرس بالباب
وانتِ جهزي المرأة
طلعنت وكفنا شويه وطلعت
::-راح يجيبون بنات جدد
وهب : ماشي … شتريت حلقتج وثلاث
ايام اجي اني وصديقي نخطبج
بفرح
::-ااي نشاء الله
شو هاي ماصدكن طارت من الفرح
راحت وبقينت شويه ودخـل الاميـر
والبنيه بلغرفه مر اقل لربع ساعة
وهب : حضرلي الكاتم بعد اخوك وخليني
اكتل الامير دمي فاير عليه.
جمر : هذه جاهز .
نطيته الكاتم ودخل اني أرقب
شويه والمرأة طلعت خايفـه مرعوبة لزمـت
لها البــاب
جمر : ننكشف خليج جوه.
ترجف
::-مات، مات
جمر : اشششش صوتج.
طلع وهب وسد الباب . أجت البنية لي مواعدها
وهب لزواج اخذت البنية وراحت بقينت واكفين
للفجر اجوي ثنين بديل وكفو بالباب بدون كـلام
ماحجينه شي سلمناهم رجعنا لمكانه
جمر : شون كتلته؟
وهب : النغل حاصر المرأة وهي تبجي من
شافني يكلي سوف اقتلك … رميته خمسه
سوه،يبوو وعلي احس حررت العراق موبس
كتلته
ضحكت
جمر : مبروك
وهب :ههه الله يبارك بيك ان شاءلله يوم النصر
الاکبر
جمر : ان شاءلله ،أكلك المرأة خاف تروح بيها؟
وهب : لا من سنجار وهسه تحررت راح اخذه
هسه اهربها.
جمر : يله واني طالع للمخزن
رحت للمخزن وهب طول يله رجع
جمر : هااا بشر؟
وهب : وصلت الحمدلله
جمر : وهاي خطيبتك شون بيها؟
بستغراب
وهب : ياااهيي؟!
جمر : لي بعد يومين لازم تخطبها!
وهب : عندي خطه نخلي اسمائنا بالقائمة
الموتى لي يذيعوه كل فتره ونختفي عنهم
وهب : امشي وياي واحجيلك.
رجعنا البيت الامير لكيناهم مخبوصين
دخلنه مصدومين وياهم طلعو جثث لي
كتلناهم من جوه الجرباية
بستغراب عقد حواحبه
وهب : من هذا؟
فتحت عيوني امثل الدهشة
جمر : اااه انه ابا عمرو رحمه الله قد رحل شهيد
هنيأن له الجنة.
جمر : نعم كان يعمل في مخزن الاسلحه
هو والمجاهد ابا حارث.
درجو اسمائنا، شلناهم بسيارة وهب ينكث
ملابسه
وهب : خلصنه من موت الحمير
وهب : لي مسوي نفسه امير
جمر : ههههه ايي وخلصنه من سالفت البنية لاتفضحنه
وهب : سجلت اسمائنا يذيعونه ويه لي ماتو
هل فتره بس شلون نبقى هيج نتختل؟!
جمر : شنسوي بس بالليل من يبدي الهجوم
نطلع.
نتظرنه لحد ما اعلنو عن موتنه ونصبو امــير جديد … بقينه نطلع بالليل نصعد ؏ سطوح
لي موجوده بيه الدواعـــــ*ش حتى يشوفون
الجنود ويقتلوهم احنا نقتـلهم حتى يتقــــدم
الجيش العراقي وصدك
بده يتقدم والدواعش خسرو هواي وتراجعو
طبعاً من يرجعون احنا وياهم لان من يحتل
الجيش منطقه جانت بيد داعش شخصـيات
داعشيـه تظهـر جديـده وميعرفـونه ونحـاول
نقرب منهم حتى ناخذ اكبر عدد من
المعلومات لي تفيد الجيش
•
بعد فتره
اخر شي خلوني اوگف حارس بـ الباب الامير ضجت
حيل ماكدر اسوي شي ولا اسرب اي معلومة
حسيـت اديــه تربطتت وانـي اشـوف شـــون
يسبون العـوائل ولاطفـال والنـساء ويـكتلون
الكبار …
بس صـرت اتسمع عليهم واسـمعهم مجتمعين
والامير ينطيهم الاوامر يحجون اليوم من هذه
الاتجاه راح نهجم وهيج نسوي.
اني وقت ما يجي بديلي باليل اطلع المبايل
واحجي كل المعلومات للقائد
وهيج
بده الجيش يتقـدم وحقق انتصـارات واخـذ
عدد من المناطق لي جانت تحت رايه داعش
وكدرو يحررون اعداد من العوائل
حسيت بفرحه اخيرناً سويت الشي لي يرضي
الله والوطـن وضميري
الدواعش وقادتهم ضاجو شون الجيش العراقي
يتقدم
فد يوم اجه شخص منهم
::-يا ابا عمرو ان اليوم يوم حظك لديك سهره
مع الذباح ابو خالد
بستغراب
جمر : ولماذا انا بالذات؟
::-لانك شجاع قد اعجب بشجاعتك وشخصيتك
جمر : تمام هذه يوم سعد للي
راح وباليل جهزت نفسي ونطيت خبر للقائد
اذا مااتصل ارسله رساله والكاتم جهزته طبعاً
ميفاركني
دخلت
::-يا اهلاً لقد انتظرت هذا الوقت حتى اعرفك
حق المعرفه.
جمر : وانا ايضاً.
::-تفضل بـ الجلوس
كعدت اشر الولد طلعو شـويه شغـل اغـاني
وفاتو ست بنات يرگصون شفت ثنين يبچـن
مبين مغصوبات والبقيه لا فرحانات بلي يسونه
وعادي كلش.
جمر : الاغاني حرام!
::-هههه سوف نستغفر ونتوب لنستمتع الان.
سكتت واحجي بگلبي شـتستغفر وانتَ هجرت
العوائل سبيـت وبعت النســاء وقتلـت الابرياء
رفعت عيني صدفه وشفت وحده ترگص وتبجي
تذكرت هاي نفسها لي اول مره لتقينا بيها نطتني الكاتم من ختلنه بالمطبخ
نزلت عيني بسرعة
::-يا ابا عمرو اختار ماشأت لتتمتع.
جمر : ارغب بإكثر من واحده.
::-هههااي حـلالٌ عـلـيك متع نفسك فيهن.
رديت بنفسي
: ابن الكـلب أسسـله دولـة بأرضنا وصار
يحلل ويحرم بكيفه …و يختار من البنات
::-اريد هاتان الجميلات.
جمر :ولو خذ هذا حقك، لكن انا اريد ثلاث
فتيات.
::-خذ اربعة لك وتمتع لكن اهم شيء أثنتان لي
اختاريت المرأة لي تبجي وتباوع
وثلاثه وياها، لي واضح رافضت وجودهن
بهذا الموقف ويبجن.
::-احسنت لا ارغب فيهن.
راحو البنات الغرفة، والذباح راح الغرفته
رحت خلف البنات لي اخذتهم اجت المرأة
تبجي ردت
::-نسيتني اني لي نطيتك الكاتم شون تسوي
هيج شون صرت وياهم؟
جمر : سمعيني زين باجر اجي وانتَ خليج
ترگصين وتتقربين منه
جمر : سمعي ابقو اركصو وشغلو والباقي عليه
بخوف
::-شراح يصير؟
جمر : معليج سوي لي اكلكم عليه وبس
عفتهم وطلعت شافني
::-ماذا حدث لم يعجبوك؟
جمر : لا بل تذكرت لقد اوصاني الامير بأن اتي
لهُ بسبيـه ونسيـت ولااريـد الاميـر يغضب عليّ
.هز راسه رد
::-غداً نعيدها
جمر : بكل تأكيد
رجعت هم نفس الوضع اغاني والمرأة سوت
لي كتله عليه واشوف الزلمه يرگص وياهن فقد
فد مره
نهضت بياعلي اهس راسي وابتسم وياهم هو
منتهي
طلعت الكاتم خليته براسه محسيت له بحرارة
دم ترس وجهي، سحبته جوه الجرباية وحررت
البنات
ورجعت الشغلي ولا گاني مسوي شي
بعد يومين
جنت بلشغل اجوني مجموعة من الدواعش أول
ماشفتهم عرفت قاصديني بسرعة طلعت الكاتم
والمبايل شمرتهم بعيد عني، صارو داير مدايري
حاوطوني واحد منهم رد بصوت قوي متشنــج
من العصبيه أشر بأيده
::-اخر شخص كان مع ابو خالد الذباح انتَ
اكيد الي قتلته.
