رواية طلب استغاثة الفصل الخامس عشر 15 بقلم هبة السيد
(الفصل الخامس عشر)
*بعدما خرجت من القصر لا تعرف أين تذهب فهى بالفعل كانت تكذب كى ترحل من هناك..
هنا فى بالها/لو روحت البيت دلوقتي يارا هتعرف. انا مش هينفع أروح البيت.. طيب هاروح فين
*ظلت تفكر حتى لمعت عيناها وقد عرفت أين تذهب……
__________________________________
*فى القصر فى المساء دلفت يارا غرفه إيهاب الذى جاء من العمل لتوه،فإقترب هو منها وقبل جبينها ثم جلسوا.
يارا بهدوء/ايهاب كنت عايزه استأذنك عشان بكرة عندى مقابله عمل.
ايهاب بأنزعاج /ماشي يا يارا.
يارا بتوجس/ حاسه إنك مدايق.
ايهاب بحنق/ انتى عارفه انى موافق غصب عنى.
يارا موضحه/ايهاب احنا اتكلمنا قبل كده فى الموضوع ده.
ايهاب بعصبية/ وعشان اتكلمنا فيه قبل كده ياريت تقفليه بقه دلوقتى.
يارا ببكاء/أنته بتتكلم معايا كده ليه!
*عندما رأى دموعها لعن نفسه من تحت أنفاسه.. فهى لن تخطئ جاءت فقط لتأخذ منه الإذن لذلك.. جذبها اليه وعانقها بقوه وهو يمسح على رأسها بحنان.
ايهاب بحب/اسف يا حبيبتي متزعليش منى،عندى ضغط فى الشغل عشان كده متعصب شويه..
يارا بحب/ ربنا يقويك يا بيبو.
*بعدها عن صدره ونظر لعيونها الواسعة ليرفع حاجبه بخبث.
ايهاب بمشاكسه/طيب بيبو مفيش حاجه عليه.
يارا بخبث/اممم غمض عينك.
ايهاب مؤيداً/اوووك.
*اغمض عينه وعندما طال انتظاره فتحهم مره أخرى ليجد انه بمفرده فى الغرفه ليبتسم على براءتها.
*بنفس القصر بغرفه كريم.. كان يتحدث مع أحد أفراد أمن القصر. فى الهاتف.
كريم بعصبية/يعنى ايه معرفتش راحت فين انته مش طلعت وراها على طول زى ما قولتلى.
الحارس/ايوة والله يا استاذ كريم بس لما وصلت عند المولات التجارية الدنيا كانت زحمه وضاعت منى للأسف.
كريم بغضب/ماشي ماشي شكرا ليك يا عصام بس ياريت محدش يعرف انا كنت بعتك فين.
عصام بإنصياع/ حاضر.
*أغلق الهاتف ثم مرر أنامله فى خصلاته بغضب فهو تركها تذهب لأنه ظن أنه سيعرف أين ستذهب. اما الآن ماذا؟؟؟
___________________________________
*في المساء بقصر العيمري وصل الى غرفته
وهو يترنح توجه الى الفراش وكانت رنا ما زالت نائمه قبلها من رأسها ثم وجنتيهاثم هبط إلى شفتها الكرزيه فإستيقظت هي بفزع. ودفعته بعيداً عنها،
رنا بخوف/ انته بتعمل إيه.
سامح بعدم وعي/ عايز مراتي فيها ايه يعني.
رنا بصدمه/ انت شارب شرب تانى يا سامح احنا مش كنا قررنا خلاص.
*توجه اليها ثم جذبها من ذراعها لتصطدم به حاولت دفعه بعيداً ولكنه اقوى منها.
سامح بهمس مستفز/ براحتي انا رجعت في كلامي حياتي وانا حر فيها.
*استشاطت غضبا من حديثه ذلك جمعت قوتها ونهضت من الفراش وهي تجذبه خلفها وما ساعدها على ذلك انه كان بعدم وعيه.
رنا بغضب/ كنت حر لما انا ما كنتش في حياتك لكن من ساعه ما انا دخلت في حياتك انت ما بقتش حر سامعني.
*ثم دلفت به الى المرحاض واشغلت صنبور المياه لتهبط المياه البارده على رأسه ورأسها معا ليشهق هو ظلوا هكذا لبعض الوقت حتى استعاد وعيه بالكامل ليصرخ فيها بغضب.
سامح بصراخ /انتى عبيطه!
رنا بصراخ/ مش انا انت اللي عبيط و ضعيف ومش قادر تهزم المريض اللي جواك عايز تعمل قوي وانت ضعيييف سامعني ولا لأ
*دفعها الى الحائط الذي خلفها ثم اقترب منها وجذبها من شعرها طويل ليصرخ بوجهها مره أخرى.
سامح بغضب /اوعي تكلميني بالاسلوب ده تاني او تعلي صوتك عليا كده.
رنا بتهديد /انت لو منفذتش اتفقنا هتطلقني دلوقتي.
سامح بجنون/ههههه انصحك ما تعصبنيش اكتر من كده عشان انتى اللي هتندمي مش انا انتى عارفه كويس ان عندي مشكله مع العصبيه بلاش تلعبي على وترى الحساس.
رنا بعصبيه/ اللي انت بتعمله ده انا اسميه ايه؟ لما نبقى متفقين اللي انت هتعمل كذا وكذا وتيجي في يوم تهد كل اللي اتفقنا عليه وعايز تفضل زي ما انت مريض انا مش هاسمح بده مش هاعيش مع واحد مريض زيك يا إما تتعالج يا إما تسيبني في حالي.
سامح بغيظ/دقيقه وتكوني مش قدامي والا اقسم بالله يا رنا هتشوفي واحد تانى انتى لسه ما شفتهوش وكلام في الموضوع ده تاني مش عايز تمام.
رنا عصبيه/ لأ مش همشي.
سامح بصراخ مخيف/ رناااااا بقولك امشششي.
*لتهرول هى من أمامه و تذهب الى الفراش واخفت جسدها بالكامل ورأسها تحت الغطاء ثم نامت بدون حتى ان تغير ملابسها المبلله.
.. ظل يتنفس بعصبيه ليلكم الحائط بيده ثم يخرج من الغرفه لأنه اذا ظل متواجد بها لن يسيطر على رده فعله من حديثها هذا له،،،اما هي فقد ذهبت فى نوم سريع بسبب خوفها منه فعلاً شكله كان مخيف.
___________________________________
*فى الصباح الباكر وصلت إلى الشركه التى حلمت أن تعمل بها كثيرا وتدعى ربها بأن يتم تعيينها هى تعلم أن إيهاب بوسعه أن يعينها بأي مكان تشاء حتى بإستطاعته ان يؤسس لها شركه بمفردها ولكنها تفضل هذه الشركه كثيراً بسبب نجاحاتها الرائعه وشهرتها في الوسط،دلفت إلى الداخل وجلست بقاعه الإستقبال بعد ما قدمت الcvالخاص بها للسكرتيره كانت تسمع من جميع الموجودين حالياً المدح في باسم عدنان صاحب شركه عدنان للمعمار والهندسه فهو أشهر من نار على علم يطلقون عليه عملاق الوسط له أكثر من فرع لشركته بالخارج وهنا أيضاً أضافه إلى كم هائل من الفنادق والقرى السياحيه التي يمتلكها بجميع أنحاء العالم وأكثرهم شهره…نادت السكرتيره على أسمها لتدخل لمقابله رئيس مجلس الإداره… ألقت عليه التحيه ثم أطلع علي الملف الخاص بها لينظر إليها بإعجاب.
محمد بإعجاب/ بسم الله ما شاء الله الملف بتاعك يشهد إنك ممتازه جداً طلعتى الأولى في الكليه على مر دفعتك ودي حاجه كويسه جداً… آنسه يارا بتعرفي تتكلمي كام لغه.
يارا بإجابة/ خمسه.
محمد بإستفسار/ طيب بالنسبه الألماني.
يارا موضحه /ما هو من ضمن الخمس لغات ومتقناه جداً.
محمد مؤكداً/تمام يا آنسه يارا حضرتك إتقبلتى بالنسبه ليا.
يارا بعدم فهم/ مش فاهمه حضرتك يعني ايه بالنسبه ليك.
محمد موضحاً/ لأن باسم بيه مسافر لندن لمده شهر ونص وبعد كده هيجي لازم يطلع على كل الملفات اللي اتقدمتلي علشان يتأكد الموافقه لحضرتك دلوقتي أسمك ضمن المقبولين وأول ما باسم بيه يطلع على أوراقك هنبلغك بالموافقه المؤكده وتقدري تباشري شغلك من أول ما يرجع.
يارا بموافقه /تمام.
*انهت المقابله ثم خرجت لتعود للقصر وفرحت كثيراً لهذا الخبر فهكذا سيتسع وقتها بأن تتزوج إيهاب قبل ان تعمل.
____________________________________
*دلف إلى غرفته كي يراها فهو من البارحه ينام بغرفه أخرى، كان يظن إنها مستيقظه هي تستيقظ باكراً بالعادة.. أقترب منها فرآها ترتعش وتنتفض على الفراش،فضرب جبينه بيده عندما تذكر البارحه فهي عندما دلفت معه الى الحمام وفتحت المياه هي أيضاً غرقت ونامت بملابسها مبلله بدون أن تبدلها خوفاً منه،رفع عنها العطاء وحاول ييقظها ولكنها كانت تهزى.وهى ترتعش…
رنا بهزى/م.ماما.انتى سبتيلى وصيه.ص.صعبه ا.انا مش ادها.
*لا يعرف عن إى وصيه تتحدث ولكنه حاول ايقاظها مره أخرى لتفتح عيونها بوهن.. وعندما رأته بكت.ليندهش هو لماذا تبكى الآن عندما رأته فهو لم يصرخ عليها الآن.
رنا بهمس/أرجوك ارجوك يا س.سامح ساعدنى اغيرك للأحسن ياسبنى أروح اشوف حياتى مع حد احسن منك.
*صر على أسنانه كى لا ينفجر الآن ويبرحها ضرباً على ما تفوهت به الآن وضع يده على جبينها فكانت حرارتها عاليه جدااا.
سامح موضحاً/ انتى سخنه اوي يا رنا ما غيرتيش ليه امبارح طيب.
*أما هي فكانت قد نامت مره أخرى من وهن جسدها وإرتعاشه.
سامح فى باله/لازم تغير هدومها بس لو قلت لأمي تيجي تساعدها هتستغرب ازاي نامت مبلوله ساعتها هاقولها إيه أعمل ايه طيب دلوقتي ما فيش حل غير أنى أنا اغيرلها.
*عندما اقترب منها وحاول نزع ما ترتديه أمسكت يده وهى مازالت مغمضة العينين.
رنا بوهن/س.سامح ع.عشان خاطرى لأ.
*إذا كانت شخص آخر لكان حطم وجهها الان على عصيانه بتلك الطريقة حتى إذا كانت هنا،،ابتعد عنها وهو لا يعرف ما ذلك الشعور بالندم الذى يمتلكه الآن،فهو كان يفعل بهنا الأكثر بكثير ولا يشعر حتى بشعره ندم واحده.
سامح فى باله/أنا ليه خايف اوى كده حاسس قلبى هيقف ممكن أكون حاسس بالندم عشان أنا السبب،،مش مهم ماما تفكر ازاى انا هروح أناديها عشان تساعدها تغير هدومها.
___________________________________
ياترا هنا راحت فين
؟
ايه رأيكم في سامح واللى هيعمله!
إيه اللى مستنى يارا محدش يعرف صح 
*
*
