*مرت بعض الأيام وحدث بها الآتى،،
سامح/مازال الوضع عنده كما هو ما تغير هو أنه كثف مفعول الأدوية كى تجيد نفعا مع تلك الفتاه لإنه أحس بإن مفعوله ما عاد مؤثر مثل السابق لذلك عليه تغيير الجدول قليلاً.
يارا وايهاب/من وقت عقد قرآنهما وكان مشاعرهم فاضت وسكنت بذلك القصر ليشعروا بالدفئ والصفاء من حولهم مع بركه ودعاء الاكبر منهم سنا لتزيدهم نقاءا.
كريم الصاوى/ايهاب مازال يعمل بنفس الروتين اليومي،،أما كريم فمن وقت ما جاء وهو يفعل كل ما بوسعه يشعر بأن ذلك المشفى بحاجة إليه وهو لن يبخل بتقديم المزيد يعمل بجد واجتهاد ولا يكل ولا يمل.
*وعندما كان منغمسا بعمله جاءه اتصال من سامح ليرد عليه وهو منهك من كثره العمل..
كريم/ الو
سامح بعتاب/ايه يا عم فينك.. من ساعه حفله اخوك وانته مختفى.
كريم بارهاق/ والله من ساعه كتب كتاب ايهاب و انا استلمت الشغل في المستشفى و بروح على النوم على طول معلش يا سحس عندي المره دي.
سامح مستفسرا /انت نسيت موضوع حفله رجوعك ولا ايه؟
كريم متذكرا /آااه ده أنا نسيتها فعلاً.
سامح مؤكداً/لا يا كيمو ما تقلش معايا انا كلمت الشباب وهنتجمع النهارده بالليل.
كريم بقهر/يخربيتك…طيب على الساعه كام كده؟
سامح بإجابة/يعنى على ١١ بالليل كده بس هتكون سهره للصبح.
*لينظر كريم إلى ساعه يده.
كريم متفهما/طيب تمام أنا هروح دلوقتى أجهز نفسي وانته إبعتلى عنوان المكان فى رساله.
سامح بمواقفه/تمام يا كيمو
___________________________________
(برأيكم ستكون مجرد حفله عاديه ام الباب لكشف الأسرار المدفونه؟؟
)
___________________________________
*ذهب كريم إلى منزله ودخل غرفه شقيقه.
كريم/ايهاب يلا عندنا ميعاد مهم
ايهاب مستفسرا/ ميعاد ايه ده؟؟
كريم/فاكر الحفله اللى سامح صمم يعملهالى بمناسبه رجوعي من السفر.
ايهاب متذكرا/اها.
كريم موضحاً/أتصل بيا النهارده وقالى نتقابل الساعه ١١ عند النايت كلاب يلا بقه قوم أجهز.
إيهاب بتساؤل/الساعه دلوقتى ١٠ ياترا هنلحق الحفله من أولها.
كريم بغضب/يا غبي الحفله على شرفي أنا.. واكيد هنلحقها لو خلصتنى وبدأت تجهز نفسك
ايهاب بحنق/ماااشي خلاص.
*ليتركه كريم ويذهب لغرفته ليستحم وبعد إن انتهى ارتدى بنطال جينز ازرق مع قميص أبيض يبرز تقسيمات جسده الرياضي وفتح أولى ازراره حتى ظهرت عضلات صدره القويه ووضع عطره المفضل بغزارة وارتدى ساعته الغاليه وعندما انتهى اخذ مفاتيح سيارته وهاتفه واتجه لغرفه شقيقه كى يراه انتهى أيضاً ام لا.
كريم/خلصت.
ايهاب/ أها.
*فإيهاب أيضاً كان وسيما حقا بذلك القميص الرمادي الذى يظهر رشاقه جسده والبنطال الأسود وعطره الفواح الذى يدل على رقيه فكانوا هما الاثنان مزيج من الوسامه.
*توجهوا إلى أسفل بعدما اعلموا والدتهم ويارا بتلك الحفله وأنهم على ما يظنوا ستكون حتى الصباح.
*وبعدها توجهوا للسياره كى يذهبوا لذلك المكان.. وعندما وصلوا كان سامح وبعض اصدقاء ايهاب وسامح وكريم موجودين
اما سامح فكان جذابا ايضاً بذلك القميص الأسود الذى يقسم على عضلاته والبنطال الجينز ولكن الصراحه فوجود كريم وحضوره يطغى على الكل حتى سامح المعروف بحضوره الخاص لم يربح أمام كريم الصاوى.
*وبعد التحيه بين الشباب جلس الكل على طاوله خاصه لهم. وارتفعت الموسيقى الصاخبه لتعم المكان.. ليقوم بعضهم كى يرقصوا بعد أن أثر الخمر عليهم أما ايهاب وكريم كانوا يشربوا فقط العصائر أو المشروبات الغازيه.. نظر كريم لسامح الذى بالكاد يفتح عينه من كثرة الشراب.
كريم بقلق/مش كفايه شرب كده يا سامح ولا ايه؟!
سامح مقهقها/ههه.يابنى فك بقه واستمتع باللى حواليك.. اشرب كاس طيب.
*قال ذلك وهو يقرب الكاس من فم كريم كى يشرب ليمسك الاخر يده ويأخذ الكاس ويضعه على الطاوله………. وبعد فتره رحل جميع أصدقائهم وظل ايهاب وكريم مع سامح الذى شبه فاقد الوعي.
كريم/روح انته يا ايهاب وانا هوصل سامح بيته وهحصلك.
ايهاب بتساؤل/انته تعرف بيته منين؟
كريم بعدم فهم/مش فاهم طيب ما أنته كمان تعرفه.
ايهاب موضحاً/لأ انته مش فاهم. سامح دلوقتى مش عايش مع أهله. هو عايش لوحده ومحدش يعرف مكان بيته.
كريم متذكرا/امممم. طيب روح انته وأنا هتصرف.
ايهاب مستفسرا/متأكد يا كريم.
كريم مؤكداً/ايوة يا بيبو روح انته بس.
ايهاب بإستسلام/ماشي.
*وبعدما رحل شقيقه أبتسم بخبث معجب بذكاء ذلك النائم على الكرسي بجانبه. ثم قام وحمله ووضعه بالسياره ثم يركب هو بمكان القياده ويرحلوا..متوجهين إلى…………….
__________________________________
*فى الصباح الباكر بكليه الهندسه كانت تجلس يارا فى الكافتريا بعد انتهاء المحاضرة. لتشرب قهوتها الصباحية التى تاخرت على تناولها بوقتها اليوم “نعم يارا كل شيء فى حياتها بميعاد محدد ودقيقه جدااا بتلك النقطه ولا تتهاون بها”قالت إحدى صديقاتها.
منه مستفسرة/ها يا يارا حدتوا ميعاد الفرح انتى وايهاب ولا لسه.
يارا بتوتر/لأ لسه.
علياء (صديقه أخرى)/عايزين نفرح بيكوا بقه.
يارا بشرود/إن شاء الله.
____________________________________
(يا ترا بتفكري فأيه يا يارا؟؟؟)
____________________________________
*استيقظ فى الصباح وكان بشعر بأن رأسه ثقيله للغايه طبعاً بسبب الشراب.. وعندما وعى لما حوله أدرك أنه بمنزله”منزله هو ليس منزل عائلته 
“توتر بشده من جاء به إلى هنا لا يستطيع تذكر ما حدث أمس هو فقط يتذكر أنه كان يشرب مع.. مهلا…
(تتذكرون عندما قلت لكم أن شخص واحد فقط يعرف بيت سامح هذا…. نعم كما تتوقعون هو كريم.. الذى ساعده فى الحصول على شراء هذا البيت بالمواصفات المطلوبه بوقت قياسي)
*شد على خصلات شعره بين يده بتوتر ثم نادا على خديجه بصوت جهوري لتأتى الأخرى برعب.
خديجه بخوف/نعم يا سامح بيه؟؟!!
سامح بقلق/مين اللى جابنى هنا لما كنت سكران؟
خديجه بإجابة/صاحبك يا بيه..اسمه كريم على ما أظن.
*ليتأكد هو أن كما توقع.. يغمض عينه ويحاول كبت غضبه وقلقه،وقال بباله بالفعل هو يعرف البيت ولكنه لا يعرف بتلك الغرفه السريه التى أسستها أنا ليزفر براحه قليلاً ثم ينظر لخديجه نظره ارعبتها.
سامح بهمس مخيف/تعرفى لو نطقتى بحرف واحد عن إللى تعرفيه هعمل فيكى إيه؟
خديجه بذعر/م. م. متخافش يا سامح بيه ولا كأنى اعرف حاجه.
سامح برضا/تمام.. هو فين كريم.
خديجه/هو دلوقتى فالحمام.
سامح/ماشي.
___________________________________
*خرج سامح من غرفته وذهب وإنتظر كريم حتى خرج من المرحاض.. وضع يده خلف رأسه بتوتر عندما قابل نظرات كريم المتسائله فيجب عليه أن يقول شيئا بهذا الوقت…
سامح بتوتر/امممم. ايه اللى حصل امبارح
كريم بجدية/إللى حصل أنه حضرتك تقلت اوى فى الشرب لحد ما نمت ومحستش بنفسك.
سامح بقلق/آه.. عشان كده جبتنى هنا.
كريم موضحاً/ايهاب قالى إنك حالياً ساكن لوحدك مش مع أهلك فأول مكان جيه فى دماغى هو هنا.
سامح وهو يتصنع الهدوء/طيب يا كيمو أدخل الاوضه وأنا هبعتلك هدوم ليك مع خديجة.
كريم بموافقة/تمام.
*خرج الآخر وهو يتنفس الصعداء لأن مخططه لم يكشف.. أما كريم ذات الذكاء الخارق والمعرفة العاليه لم يتعدى إلا دقائق حتى شعر بأن يوجد خللا ما… من نظرات سامح وتوتره وعلى حسب خبرته هو أيقن أن الذى كان أمامه من قليل هذا ليس سليم الذهب مئه بالمئه.ليهمس بين نفسه بصدمه” يعنى مريض نفسي”لا عليه أن يتأكد اولا…
*قطع شروده طرقات على الباب فسمح بالدخول.. وكانت خديجه جاءت ببعض الملابس له كما أمرها سامح.
خديجه/اتفضل يا كريم بيه الهدوم دى لحضرتك.
كريم بإحترام/لأ يا ست خديجه انتى زى امى انا أسمى كريم بس.. مش بيه.
خديجه بحب/ربنا يخليك لشبابك يابنى.
كريم مستفسرا/هو انتى شغاله هنا من أمته يا ست خديجه.
خديجه بتوتر/يعنى بقالى ٤ سنين او حاجه زى كده
كريم موضحاً لما يريد/هو سامح تصرفاته عاديه.
خديجه بخوف/مش فاهمه حضرتك بتتكلم على ايه.
كريم موضحاً/يعنى..
خديجه مقاطعه/والنبى يابنى بلاش تسألنى فحاجه زى دى تانى عن اذنك.
*ومن ثم خرجت.. ليتأكد كريم بإن شكه كان فى محله.
___________________________________
*أما الآخر فدلف إلى غرفته ومن ثم إلى غرفتها.. كانت مستيقظه فذهب نحوها.
وقبلها من رأسها بخوف.. ليبعد عنها قليلا ويضغط على فكها بعنف بين يده ويصر على أسنانه.
سامح بهمس وغضب جامح/انتى بتاعتى مستحيل تخرجى من هنا فهمانى.. ومستحيل أخلى حد يوصلك.. ده على جثتي.. تطلعى من هنا عشان حد غيرى ياخدك لأ مش هيحصل صدقينى.
*ثم اقترب منها حد الأنفاس ليقبلها قبل طويله متملكه متفرقه على كامل شفتيها ولم يتركها إلا عندما شوه تلك الشفاه لتصبح ملطخه بالدماء مع كدمات لونها أزرق أيضاً آثار عنفه. ثم يبعد قليلا ويمسد على رأسها عندما رآها تبكى.
سامح مبرراً/معلش يا قلبى أسف بس كنت متوتر شويه.. اسف ياحبى.
*ثم اقترب منها ليقبلها على جبينها كإعتذار لها عما بدر منه… وبعد ذلك يعطيها علاجها ثم يخرج كى لا يشك كريم بتأخره…
___________________________________
*عند كريم كان والده يهاتفه.
كريم مبررا/بس يا بابا انا مش مرهق ولا حاجه.
احمد بتصميم/يابنى اسمع كلامي وريحنى خد اجازه كام يوم.. وبعدين انا عايزك فى موضوع تانى كمان.
كريم بتساؤل/خير يا بابا.
أحمد/بص يا كريم انته عارف إن أنا ووالد سامح صحاب وزمايل من زمان وهو مش مطمن من سكن سامح لوحده. وبما أنك انته وهو صحاب قريبين من بعض ويمكن تعرف تقنعه أنه يرجع بيته عشان والدته أو على الأقل تعرف سبب قعدته لوحده ايه عشان كده خليك عنده كام يوم… فاهمني؟
كريم مؤكداً/أه يا بابا فاهمك.
احمد بإرتياح/ماشي يابنى اسيبك بقه دلوقتى.
كريم بود/تمام يا بابا يلا سلام.
*بعدما اغلق الهاتف مع والده فكر فهو أيضاً يريد أن يعرف لماذا سامح يفضل العيش بمفرده هكذا….. قطع تفكيره دخول سامح عليه.
سامح بنشاط/ايه مش هتيجى تجرى معايا برا شويه يا كيمو.
كريم مؤيدا/أها يلا.
*خرجوا من المنزل هما الاثنان وذهبوا للحديقه قاموا ببعض التدريبات الرياضية ثم الركض لبعض الوقت والان هما بطريقهم للعوده الى المنزل وأثناء عودتهم قرر كريم فتح الحديث مع سامح.
كريم مبتدئاً/المكان أتغير هنا اوى عن الأول صح.
سامح مؤيدا/أه اتغير جدا الأول كان مفهوش روح ،، دلوقتى بقه فيه نوادى وعمارات جديده وكافتريات وبقه مليان ناس.
كريم موضحاً/بس ليه سبت بيتك وقاعد هنا لوحدك يا سامح؟
سامح متصنعا اللامبالاة/عادى ارتحت هنا اكتر.
كريم مستفسرا/ومش معرفهم مكانك ليه؟
سامح بتوتر حاول إخفائه/يعنى حبيت يكون ليا مكان محدش يعرف بيه كنت عايز أحس بالهدوء وكده. ارتحت هنا اكتر.
كريم بعدم اقتناع/يعنى ده السبب الوحيد يا سامح؟
سامح بكذب/هههه ايوة يابنى هو ده السبب، هيكون فيه ايه غيره يعنى.
كريم مجاريا إياه/ماشي.. صح كنت عايز اقولك على حاجه.
سامح/ها.
كريم موضحاً/بابا كان بيكلمني قبل ما نطلع وصمم أن اقعد معاك هنا كان يوم الاحد ما اعصابى تهدأ لأنه مقتنع انتى مرهق ومصمم انى اخد اجازه.
سامح بقلق/تشرف يا كيمو ده بيتك.
كريم مبتسماً/حبيبى يا سحس.
*ثم توجهوا إلى المنزل ليأخذوا قسطا من الراحة.
سامح فى باله/هو أنا قلقان ليه.. هو أصلا ميعرفش بالاوضه دى خالص لازم اتصرف على طبيعتى عشان ما يشكش فى حاجه بسببى.
كريم فى باله/أنا متأكد أن فى سبب تانى يا سامح وقوى كمان.. مش عارف ليه بدأت اخاف عليك يا صاحبي.
___________________________________
(برأيكم ايه اللى هيحصل.. ايه توقعاتكم بخصوص اللى جاى بين كريم وسامح؟؟؟)
(ويارا وإيهاب بردو
)
